Roma 5
5
Mboʼmvé yɔ́ɔ́ Yěsô njʉyí sáʼá yiŋi nuŋ
1Néré kɛ́ʼɛ́, psyɛ́ndzɔʼ yɛ́ piŋi tséʼé ŋkyé Yěsô Kristo nɛ́, zhyɛ́ Mboʼmvé zhʉ́ wíŋi njʉ́ puŋgerɛ́ŋged nɛ́. A zhyɛ́ yéré kɛ́ʼɛ́, piŋi yáá mbəb Ntsɛɛpɔŋ wíŋi Yěsô Kristo, piŋɛ Mboʼmvé tsó fwóme. 2A zhyɛ́ psyɛ́ndzɔʼ yɛ́ piŋi tsɛʼɛ mbəb Yěsô Kristo nɛ́, piŋi tséʼé foʼndzəndzoʼ yɛ́, piŋi tsɛ́ ndzoʼo nɛ́. Piŋi tiʼe, ŋkyé ŋgâ piŋi tsé shʉ́rɛ ŋgâ, piŋi náʼá mbɛ ndzɔʼɔ ghɛ́ɛ́ Mboʼmvé. 3Ŋkhú ŋkʉ́rʉ́, ŋkhoʼyɛ́ piŋi ndzɔʼɔ ŋgəʼo nɛ́, piŋi ké mbó tiʼe tiʼe ŋkyé ŋgâ, piŋi zé ŋgâ a fɛ ŋgəʼo yéré fɛ́ shʉ̌ndzɔʼ. 4Shʉ̌ndzɔʼ zhyɛ́ ŋgâ ŋɔŋ ŋɔ́rɔ́ mbəb Mboʼmvé ŋkhoʼyɛ́ mkpeʼe yoʼo nɛ́. Ŋódne mbəb Mboʼmvé yéré fɛ shʉríne. 5Shʉríne ndɛ mbé shʉyɛ̂ ŋɔŋ pó, ŋkyé ŋgâ Zhʉye Yáŋme yɛ́ pe kɛ fɛ ne piŋi nɛ́, kɛ sóʼ kəŋe Mboʼmvé sóʼ, ndzó ndzɔʼ yiŋi. 6Ɔ́ŋɔ́, ŋkhoʼyɛ́ piŋi kɛ́ pe tséʼé tʉ̌ŋ nɛ́ pó, Kristo kʉ́yó ŋkhoʼyɛ́ Mboʼmvé kɛ tíí nɛ́, mpfó ŋkyé pukəpɔŋ. 7A zyaŋa ŋgâ tɛɛmbɛ́ ŋɔŋ pfó ŋkyé ŋuŋgerɛ́ŋged pó. Cyó ŋkhoʼ, tɛɛmbɛ́ taʼ ŋɔŋ psyɛ́ mpfɔ́ ne tó taʼ ŋɔŋ sʉ́ʼʉ. 8Ntsʉʼmbé, Mboʼmvé nyoʼ nkʉyéne mé ŋkyé wíŋi nɛ́, pé kaʼa: Kristo kɛ pfó ŋkyé wíŋi tsʉ́ʼŋgɛmbɛ piŋi kɛ kɛrɛ pukəpɔŋ. 9Ŋgɛ́ ŋkhú ne ŋkhoʼyɔŋ, nsə me zhyɛ́ Mboʼmvé zhʉ́ wíŋi njʉ́ puŋgerɛ́ŋged nɛ́, tɛ a náʼá ŋgyɛ̌ níŋ mbé kpéé wíŋi pwó pʉ̌ŋgye Mboʼmvé pɔɔ? 10Ŋkhoʼyɛ́ piŋi kɛ pé ghaŋákepeŋe yé Mboʼmvé nɛ́, a zhyɛ́ Mɔ́ŋ ye pfó, njʉyǐ sáʼá yiŋi nuŋ. A náʼá ŋgyɛ́ níŋ ŋkhoʼyɔŋ wɛ́ piŋɛ pɔ́b zhʉyí sáʼá nɛ́, a pe yɔ́ɔ́ tsómvé ye kpéé wíŋi nuŋ pɔɔ? 11Ŋkhú ŋkʉ́rʉ́, piŋi tiʼe yiŋi pe ne Mboʼmvé, ndáá mbəb Ntsɛɛpɔŋ wíŋi Yěsô Kristo wɛ́, a zhʉyí sáʼá yiŋɛ Mboʼmvé ŋkhoʼyɔŋ nɛ́.
Ádam pú Yěsô Kristo
12A zhyɛ́ yéré nɛ́ kɛ́ʼɛ́, mbziʼe njʉ́ kəpɔŋ kɛ zaʼa mbəb taʼ ŋɔŋ, ŋkuŋɔ ndzó mvé yɔŋ nɛ́, kəpɔŋ wéré pó fɛ vó nɛ́, néré vó kuŋɔ ŋkɔŋɔ pɔŋ náá. A pe nɛ́ njʉ́ ŋkɔŋɔ pɔŋ náá, pɛ ŋgyɛ́no kəpɔŋ nɛ́. 13Ŋkyé ŋgâ kaŋ kɛ ghɛ́ ghɛmbɛ́, mbǒ kəpɔŋ kɛ pɛ ndzó mvé yɔŋ. Ntsʉ́ʼmbé, a kɛ ghɛmbɛ tɛɛmbɛ pe pé záá ŋɔŋ ne ŋgəʼo pó, ŋkyé ŋgâ kaŋ kɛ pe pé pó. 14Tsʉ́ʼŋgɛmbɛ ndzíyene mbəb Ádam kaʼatɛ mbáŋa mbəb Mǔsê, a kɛ́ sáʼá vó sáʼá mvé. Vó kɛ sáʼá mbɛ pɔŋ pɛ, pɔ́b kɛ pe vó mbziʼe no yɛ́, Ádam kɛ vó nɛ́ po. Yé wɛ́ a fwɛ̌ cyó Ádam wɛ́ a kɛ ghɛ́ ŋkʉyó nɛ́.
15Ntsʉʼmbé fɛ́ foʼndzendzoʼ pú vɔ̌no yɛ́ ŋɔŋ ntsɛʼɛ nɛ́ taʼ, no pó. Ŋkyé ŋgâ a pɛɛ yɛ́ vɔ̌no yɛ́ taʼ ŋɔŋ kɛ tséʼé nɛ́, kɛ zhyɛ́ pɔŋ zááme zhʉ́ vó nɛ́, mbǒ kaʼatɛ nkɛɛ yikɔ ne foʼndzəndzoʼ yɛ́, Mboʼmvé kɛ zaʼa mbəb taʼ ŋɔŋ fɛ nɛ́, mbé zááme mbəb puzááme pɔɔ? Taʼ ŋɔŋ wéré, a Yěsô Kristo. 16Fɛ Mboʼmvé pɛɛ njʉ́ kəpɔŋ wɛ́ taʼ ŋɔŋ kɛ zhyɛ́ nɛ́ pó. Ŋkyé ŋgâ pe kɛ yáá ndúŋú kəpɔŋ taʼ ŋɔŋ, fiʼ pɔŋ kaʼatɛ ke fuŋɔ wɔ́b fuŋ. Ntsʉʼŋgɛmbɛ́, mbɛ mbé yɛ́ vɔ̌no záá záá nɛ́, fɛ́ Mboʼmvé zhyɛ́, Mboʼmvé zhʉ́ pɔŋ pe njʉ́ puŋgerɛ́ŋged nɛ́. 17Ŋkyé ŋgâ a pɛ́ɛ́ yɛ́ a kɛ yǎ ndzəb taʼ ŋɔŋ, ndúŋú vɔ̌no taʼ ŋɔŋ wɛ́, a kɛ zhyɛ́ no kəpɔŋ nɛ́, vó sáʼ pɔ́ŋ nɛ́, mbǒ tɛ ŋkɛɛ yikɔ ne Yěsô Kristo ne ndúŋ yé, yé wɛ́ a náʼá ŋgyɛ́ pɔŋ pé tséʼé tsómvé, sáʼ mvé nɛ́. Púpé péré, a pɔŋ pɛ Mboʼmvé fɛ foʼndzəndzoʼ ye ne pɔ́b zááme, mbó njʉ́ wɔ́b njʉ́ puŋgerɛ́ŋged nɛ́, ndzəndzoʼ. 18Néré kɛ́ʼɛ́, njʉ́ a kɛ yǎ ndúŋú vɔ̌no taʼ ŋɔŋ fuŋɔ ŋkɔŋɔ pumésɔŋ náá nɛ́, a ke mbé nɛ́ njʉ́, pwó faʼ ŋgerɛ́ŋgéd yé taʼ ŋɔŋ ŋgyɛ́, ŋkɔŋɔ pumésɔŋ náá tséʼé tsómvé, Mboʼmvé pó njʉ́ wɔ́b njʉ́ puŋgerɛ́ŋged nɛ́. 19A ke mbé nɛ́ njʉ́ tʉŋɔ́tó taʼ ŋɔŋ kɛ zhyɛ́, pɔŋ zááme ŋkhú pɛ ŋgyɛ́no kəpɔŋ nɛ́. A ke mbé tsʉŋtsʉŋʉ nɛ́ njʉ́ zóʼntswee taʼ ŋɔŋ ŋgyɛ̌, Mboʼmvé zhʉ́ pɔŋ zááme njʉ́ puŋgerɛ́ŋged nɛ́. 20Kaŋ kɛ kʉ́yó ŋgâ vɔ̌no gbaʼ. Ntsʉʼmbé ywoʼ yɛ́ kəpɔŋ gbaʼ nɛ́, foʼndzəndzoʼ mêmě sóʼo yoʼo. 21Yânéré kɛ́ʼɛ́ ŋgâ, mbziʼe njʉ́ kəpɔŋ kɛ sáʼá ywoʼ mbó fɛ́ vó nɛ́, ŋgerɛ́ŋged zhyɛ́, foʼndzəndzoʼ sáʼá yé, fɛ̌ tsómvé ŋeŋáŋ, ndáá mbəb Yěsô Kristo Ntsɛɛpɔŋ wíŋi.
ទើបបានជ្រើសរើសហើយ៖
Roma 5: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Roma 5
5
Mboʼmvé yɔ́ɔ́ Yěsô njʉyí sáʼá yiŋi nuŋ
1Néré kɛ́ʼɛ́, psyɛ́ndzɔʼ yɛ́ piŋi tséʼé ŋkyé Yěsô Kristo nɛ́, zhyɛ́ Mboʼmvé zhʉ́ wíŋi njʉ́ puŋgerɛ́ŋged nɛ́. A zhyɛ́ yéré kɛ́ʼɛ́, piŋi yáá mbəb Ntsɛɛpɔŋ wíŋi Yěsô Kristo, piŋɛ Mboʼmvé tsó fwóme. 2A zhyɛ́ psyɛ́ndzɔʼ yɛ́ piŋi tsɛʼɛ mbəb Yěsô Kristo nɛ́, piŋi tséʼé foʼndzəndzoʼ yɛ́, piŋi tsɛ́ ndzoʼo nɛ́. Piŋi tiʼe, ŋkyé ŋgâ piŋi tsé shʉ́rɛ ŋgâ, piŋi náʼá mbɛ ndzɔʼɔ ghɛ́ɛ́ Mboʼmvé. 3Ŋkhú ŋkʉ́rʉ́, ŋkhoʼyɛ́ piŋi ndzɔʼɔ ŋgəʼo nɛ́, piŋi ké mbó tiʼe tiʼe ŋkyé ŋgâ, piŋi zé ŋgâ a fɛ ŋgəʼo yéré fɛ́ shʉ̌ndzɔʼ. 4Shʉ̌ndzɔʼ zhyɛ́ ŋgâ ŋɔŋ ŋɔ́rɔ́ mbəb Mboʼmvé ŋkhoʼyɛ́ mkpeʼe yoʼo nɛ́. Ŋódne mbəb Mboʼmvé yéré fɛ shʉríne. 5Shʉríne ndɛ mbé shʉyɛ̂ ŋɔŋ pó, ŋkyé ŋgâ Zhʉye Yáŋme yɛ́ pe kɛ fɛ ne piŋi nɛ́, kɛ sóʼ kəŋe Mboʼmvé sóʼ, ndzó ndzɔʼ yiŋi. 6Ɔ́ŋɔ́, ŋkhoʼyɛ́ piŋi kɛ́ pe tséʼé tʉ̌ŋ nɛ́ pó, Kristo kʉ́yó ŋkhoʼyɛ́ Mboʼmvé kɛ tíí nɛ́, mpfó ŋkyé pukəpɔŋ. 7A zyaŋa ŋgâ tɛɛmbɛ́ ŋɔŋ pfó ŋkyé ŋuŋgerɛ́ŋged pó. Cyó ŋkhoʼ, tɛɛmbɛ́ taʼ ŋɔŋ psyɛ́ mpfɔ́ ne tó taʼ ŋɔŋ sʉ́ʼʉ. 8Ntsʉʼmbé, Mboʼmvé nyoʼ nkʉyéne mé ŋkyé wíŋi nɛ́, pé kaʼa: Kristo kɛ pfó ŋkyé wíŋi tsʉ́ʼŋgɛmbɛ piŋi kɛ kɛrɛ pukəpɔŋ. 9Ŋgɛ́ ŋkhú ne ŋkhoʼyɔŋ, nsə me zhyɛ́ Mboʼmvé zhʉ́ wíŋi njʉ́ puŋgerɛ́ŋged nɛ́, tɛ a náʼá ŋgyɛ̌ níŋ mbé kpéé wíŋi pwó pʉ̌ŋgye Mboʼmvé pɔɔ? 10Ŋkhoʼyɛ́ piŋi kɛ pé ghaŋákepeŋe yé Mboʼmvé nɛ́, a zhyɛ́ Mɔ́ŋ ye pfó, njʉyǐ sáʼá yiŋi nuŋ. A náʼá ŋgyɛ́ níŋ ŋkhoʼyɔŋ wɛ́ piŋɛ pɔ́b zhʉyí sáʼá nɛ́, a pe yɔ́ɔ́ tsómvé ye kpéé wíŋi nuŋ pɔɔ? 11Ŋkhú ŋkʉ́rʉ́, piŋi tiʼe yiŋi pe ne Mboʼmvé, ndáá mbəb Ntsɛɛpɔŋ wíŋi Yěsô Kristo wɛ́, a zhʉyí sáʼá yiŋɛ Mboʼmvé ŋkhoʼyɔŋ nɛ́.
Ádam pú Yěsô Kristo
12A zhyɛ́ yéré nɛ́ kɛ́ʼɛ́, mbziʼe njʉ́ kəpɔŋ kɛ zaʼa mbəb taʼ ŋɔŋ, ŋkuŋɔ ndzó mvé yɔŋ nɛ́, kəpɔŋ wéré pó fɛ vó nɛ́, néré vó kuŋɔ ŋkɔŋɔ pɔŋ náá. A pe nɛ́ njʉ́ ŋkɔŋɔ pɔŋ náá, pɛ ŋgyɛ́no kəpɔŋ nɛ́. 13Ŋkyé ŋgâ kaŋ kɛ ghɛ́ ghɛmbɛ́, mbǒ kəpɔŋ kɛ pɛ ndzó mvé yɔŋ. Ntsʉ́ʼmbé, a kɛ ghɛmbɛ tɛɛmbɛ pe pé záá ŋɔŋ ne ŋgəʼo pó, ŋkyé ŋgâ kaŋ kɛ pe pé pó. 14Tsʉ́ʼŋgɛmbɛ ndzíyene mbəb Ádam kaʼatɛ mbáŋa mbəb Mǔsê, a kɛ́ sáʼá vó sáʼá mvé. Vó kɛ sáʼá mbɛ pɔŋ pɛ, pɔ́b kɛ pe vó mbziʼe no yɛ́, Ádam kɛ vó nɛ́ po. Yé wɛ́ a fwɛ̌ cyó Ádam wɛ́ a kɛ ghɛ́ ŋkʉyó nɛ́.
15Ntsʉʼmbé fɛ́ foʼndzendzoʼ pú vɔ̌no yɛ́ ŋɔŋ ntsɛʼɛ nɛ́ taʼ, no pó. Ŋkyé ŋgâ a pɛɛ yɛ́ vɔ̌no yɛ́ taʼ ŋɔŋ kɛ tséʼé nɛ́, kɛ zhyɛ́ pɔŋ zááme zhʉ́ vó nɛ́, mbǒ kaʼatɛ nkɛɛ yikɔ ne foʼndzəndzoʼ yɛ́, Mboʼmvé kɛ zaʼa mbəb taʼ ŋɔŋ fɛ nɛ́, mbé zááme mbəb puzááme pɔɔ? Taʼ ŋɔŋ wéré, a Yěsô Kristo. 16Fɛ Mboʼmvé pɛɛ njʉ́ kəpɔŋ wɛ́ taʼ ŋɔŋ kɛ zhyɛ́ nɛ́ pó. Ŋkyé ŋgâ pe kɛ yáá ndúŋú kəpɔŋ taʼ ŋɔŋ, fiʼ pɔŋ kaʼatɛ ke fuŋɔ wɔ́b fuŋ. Ntsʉʼŋgɛmbɛ́, mbɛ mbé yɛ́ vɔ̌no záá záá nɛ́, fɛ́ Mboʼmvé zhyɛ́, Mboʼmvé zhʉ́ pɔŋ pe njʉ́ puŋgerɛ́ŋged nɛ́. 17Ŋkyé ŋgâ a pɛ́ɛ́ yɛ́ a kɛ yǎ ndzəb taʼ ŋɔŋ, ndúŋú vɔ̌no taʼ ŋɔŋ wɛ́, a kɛ zhyɛ́ no kəpɔŋ nɛ́, vó sáʼ pɔ́ŋ nɛ́, mbǒ tɛ ŋkɛɛ yikɔ ne Yěsô Kristo ne ndúŋ yé, yé wɛ́ a náʼá ŋgyɛ́ pɔŋ pé tséʼé tsómvé, sáʼ mvé nɛ́. Púpé péré, a pɔŋ pɛ Mboʼmvé fɛ foʼndzəndzoʼ ye ne pɔ́b zááme, mbó njʉ́ wɔ́b njʉ́ puŋgerɛ́ŋged nɛ́, ndzəndzoʼ. 18Néré kɛ́ʼɛ́, njʉ́ a kɛ yǎ ndúŋú vɔ̌no taʼ ŋɔŋ fuŋɔ ŋkɔŋɔ pumésɔŋ náá nɛ́, a ke mbé nɛ́ njʉ́, pwó faʼ ŋgerɛ́ŋgéd yé taʼ ŋɔŋ ŋgyɛ́, ŋkɔŋɔ pumésɔŋ náá tséʼé tsómvé, Mboʼmvé pó njʉ́ wɔ́b njʉ́ puŋgerɛ́ŋged nɛ́. 19A ke mbé nɛ́ njʉ́ tʉŋɔ́tó taʼ ŋɔŋ kɛ zhyɛ́, pɔŋ zááme ŋkhú pɛ ŋgyɛ́no kəpɔŋ nɛ́. A ke mbé tsʉŋtsʉŋʉ nɛ́ njʉ́ zóʼntswee taʼ ŋɔŋ ŋgyɛ̌, Mboʼmvé zhʉ́ pɔŋ zááme njʉ́ puŋgerɛ́ŋged nɛ́. 20Kaŋ kɛ kʉ́yó ŋgâ vɔ̌no gbaʼ. Ntsʉʼmbé ywoʼ yɛ́ kəpɔŋ gbaʼ nɛ́, foʼndzəndzoʼ mêmě sóʼo yoʼo. 21Yânéré kɛ́ʼɛ́ ŋgâ, mbziʼe njʉ́ kəpɔŋ kɛ sáʼá ywoʼ mbó fɛ́ vó nɛ́, ŋgerɛ́ŋged zhyɛ́, foʼndzəndzoʼ sáʼá yé, fɛ̌ tsómvé ŋeŋáŋ, ndáá mbəb Yěsô Kristo Ntsɛɛpɔŋ wíŋi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល