Roma 4
4
Ábraham ŋgaŋapsyɛ́ndzɔʼ
1Tɛɛmbɛ pe nsó nɛ́ pe ŋgâ kɔ́ ŋkyé Ábraham tɛd tɛd wíŋi? Mbziʼe njʉ́ a kɛ pé ŋumesɔŋ nɛ́, a kɛ tsɛʼɛ kɔ́? 2A pɛ́ɛ́ yɛ́, a kɛ zhyɛ́ faʼ Ábraham, Mboʼmvé tíŋɛ wé njʉ́ ŋugerɛ́ŋged nɛ́, mbǒ tɛɛmbɛ́ a tiʼé, tsʉ́ʼmbé, mbé pɛɛ siŋ Mboʼmvé pó. 3Ŋkyé ŋgâ Ŋweʼe Yáŋme tsɔ́ɔ́ ŋgâ: «Ábraham kɛ psyɛ́ Mboʼmvé, néré Mboʼmvé zhʉ́ wé njʉ́ ŋugerɛ́ŋged nɛ́.» 4Ŋɔŋ wɛ́ a faʼa taʼ faʼ, pe pee wé nɛ́, pee yéré taʼ foʼ ndzəndzoʼ pó, a pɛɛ yɔ́b yɛ́ pe tsɛʼɛ ne fɛ́ne pwó ye nɛ́. 5Mbó mbɛ pwó ŋɔŋ wɛ́, a faʼ cyó faʼ nɛ́ pó, mbó ntíí ndzɔʼ ye pé mbəb Mboʼmvé, yé wɛ́ a tíŋɛ ghaŋázhyɛ́ meno kəpɔŋ njʉ́ puŋgerɛ́ŋged nɛ́, mbǒ á ndiŋɛ́ psyɛ́ndzɔʼ ye, njʉ́ wé njʉ́ ŋuŋgerɛ́ŋged nɛ́. 6A pe nɛ́ njʉ́ fɔŋ Ndavíd tsɔ́ mbziʼɛ yɛ́, mbéne sʉ́ʼʉ pwó ŋɔŋ wɛ́ Mboʼmvé zhʉ́ wé njʉ́ ŋugerɛ́ŋged, kii tsé ndiŋɛ́ faʼ ye nɛ́, ŋkhoʼyɛ́ a tsɔ́ ŋgâ:
7«Mbéne sʉ́ʼʉ pwó pɔŋ pɛ́ pé máʼ vɔ̌no pɔ́b, mbó sǒ kəpɔŋ pɔ́b nɛ́.
8Mbéne sʉ́ʼʉ pwó ŋɔŋ wɛ́ Ntsɛɛpɔŋ tsé mbé sí kəpɔŋ pé nɛ́ pó.»
9Wɔŋ nsó ŋkyé mbéne sʉ́ʼʉ ke ndiŋɛ́ ndaʼ pɔŋ pɛ́ pe pirɛ wɔ́b nɛ́? Kii a ke tsé ndiŋɛ́ pɔŋ pɛ́ pe psírɛ wɔ́b nɛ́ po? Mə ŋǎ tsɔ́ tsɔ́ ŋgâ: «Ábraham kɛ psyɛ́ Mboʼmvé, a zhʉ́ wé njʉ́ ŋuŋgerɛ́ŋged nɛ́.» 10Tsʉʼ mbé a kɛ pe néré mbɛɛ ŋkhoʼ kɔ́? Ŋkhoʼyɛ́ pe kɛ psírɛ wé nɛ́, ki ŋkhoʼyɛ́ a kɛ ghɛmbɛ pe pó kɛ psirɛ wé nɛ́ pó? Ngáŋ! Á kɛ ghɛmbɛ pe pé kɛ psirɛ wé pó! 11Pe kɛ fɛ́ mbzírine néré pwó yé ne kiŋi, pe njʉ́ máŋ ŋgerɛ́ŋged, ŋgerɛ́ŋged yɛ́ psyɛ́ndzɔʼ kɛ zhyɛ́ a tséʼé, ŋkhoʼyɛ́ pe kɛ kɛ́ psirɛ wé nɛ́ pó. Kɛ́ʼɛ́ a tsʉʼ tɛd ŋkɔŋɔ ghaŋápsyɛ́ndzɔʼ pɛ́, pɔ́b pirime nɛ́ pó, néré ŋgâ Mboʼmvé zhʉ́ wɔ́b njʉ́ puŋgerɛ́ŋged nɛ́. 12Ŋkʉ́rʉ́ ŋgâ Ábraham ké mbó mbé, tɛd pɔŋ pɛ pe psírɛ wɔ́b nɛ́. A kiʼi ké mbó pé, ŋkyě ndaʼ no yɛ́ á tɛd mbé ŋgɔŋ yɛ́ pe psirɛ pɔŋ yoʼo nɛ́ pó. Ntsʉʼ mbé, a ké mbó ndzɔŋɔ ŋgâ, pɔ́b nyi njʉ́ psyɛ́ndzɔʼ yé kɛ pé, yé wɛ́ a tɛd wíŋi nɛ́, ŋkhoʼyɛ́ a kɛ ghɛmbɛ pe pé kɛ psírɛ wé nɛ́ pó.
13Mboʼmvé kɛ kaʼa pwó Ábraham ŋgâ, a ŋkʉyo fɛ́ mvé yɔŋ pwó ye kii ŋgâ pwó pɔŋ pé ne mbɛd. Mbe pe néré ŋkyé njʉ́ a nyí njʉ́ kaŋ tsɔ́ nɛ́ pó, tsʉʼ mbé ŋkyé psyɛ́ndzɔʼ ye yɛ́, a kɛ zhyɛ́ Mboʼmvé zhʉ́ wé njʉ́ ŋugerɛ́ŋged nɛ́. 14A ghɛmbɛ kaʼ yéré, ke mbɛɛ ndaʼ pwó pɔŋ pɛ́ pɔ́b nyí njʉ́ kaŋ tsɔ́ nɛ́, mbǒ psyɛ́ndzɔʼ ghebɛ kɔ́, kaʼ pó mbé tséʼé cyó ghebe pó. 15Ŋkyé ŋgâ kaŋ fɛ́ɛ́ ndaʼ pʉ̌ŋgye, ywoʼ yɛ́ kaŋ yoʼo nɛ́ pó, cyó no vɔ kaŋ yoʼo pó. 16Ŋkʉ́rʉ́, a zhyɛ́ psyɛ́ndzɔʼ ŋɔŋ tsɛʼɛ mbɛd yɛ́ Mboʼmvé kaʼ nɛ́. Yânéré kɛ́ʼɛ́ ŋgâ, a pɛ́ɛ́ foʼndzəndzoʼ, mbó ndiŋɛ́ ŋkɔŋɔ pɔŋ Ábraham náá. Ké mbé pɛ́ɛ́ ndaʼ ye pɔŋ pɛ́ pɔ́b gháá a sáʼá kaŋ sáʼá wɔ́b nɛ́ pó, ntsʉ́ʼ ké mbó mbɛ́ɛ́ ye pɔŋ pɛ pɔ́b gháá pɔ́b nyí njʉ́ psyɛ́ndzɔʼ Ábraham tɛd ŋkɔŋɔ wíŋi náá, tsɔ́ nɛ́. 17Tsʉŋtsʉ́ŋ njʉ́, a ŋweʼéme ŋgâ: «Mo, Mboʼmvé, mə ŋgyɛ wo tsʉʼ tɛd mbéŋgɔŋ zááme.» Á tɛd wíŋi siŋi Mboʼmvé, yé wɛ́ a kɛ́ tséʼé psyɛ́ndzɔʼ mbəb ye nɛ́. Mboʼmvé wéré wɛ́, a zhyɛ́ ŋgâ pfɔ̂pɔŋ tsó mvé, mbó ŋgyɛ ŋgâ yɔ́b yɛ́ a pě mbé pé nɛ́ pó, pɛ yoʼo nɛ́. 18Ábraham kɛ tséʼé psyɛ́ndzɔʼ mbó tséʼé shʉríne, ghɛmbɛ́ njʉ́ a kɛ ghɛmbɛ cyó shʉríne pe pé nɛ́ pó. Néré tsʉʼ tɛd mbéŋgɔŋ zááme, mbziʼe njʉ́ Mboʼmvé kɛ́ nsó ŋgâ: «Yɔŋ pé nɛ́ njʉ́ ndɔŋɔ pɔ́ŋ pe wo náʼá mbɛ́ nɛ́.» 19A kɛ́ pe náá mbziʼe njʉ́ mbəb yé kɛ zuŋ, kii ŋgâ njʉ́ a kɛ́ ghɛ́ mbé pfɔ̂ Sara pé kɛ́ kyɛ́ mɔ́ŋ nɛ́ pó, psyɛ́ndzɔʼ ye pɔ́d pó. Ŋkyé ŋgâ, a kɛ tséʼé ywɔ́ kpii ŋgǒʼmvé kɛ́ʼɛ́, yéré nyóʼó ŋgâ, a kɛ́ ghɛ́ ghɛmbɛ́ mbəb yé pú pfɔ̂ Sara kɛ pɛ́ɛ́ njʉ́ á kɛ́ pfó pfó nɛ́. 20Mbɛ néré, a pé tséʼé ndzɛ̌ne ndúŋú kaʼ yɛ Mboʼmvé kɛ kaʼa pwó yé nɛ́ po. Ntsʉʼmbé, psyɛ́ndzɔʼ kɛ fɛ tʉ̌ŋ pwó ye, a pó fɛ́ ŋgúʼune pwó Mboʼmvé. 21A kɛ cʉ̌yi ndzɛ́ ndzó ndzɔʼ yé ŋgâ, no yɛ́ Mboʼmvé kɛ kaʼ nɛ́ a ké mbó tséʼé tʉ̌ŋ ne ŋgyɛne a pé. 22A kɛ zhyɛ́ yéré nɛ́, Mboʼmvé zhʉ́ wé njʉ́ ŋuŋgerɛ́ŋged nɛ́. 23Tsʉ́ʼmbé, ŋweʼe yɔŋ yɛ́ a tsɔ́ ŋgâ: «Mboʼmvé kɛ́ zhʉ́ wé njʉ́ ŋugerɛ́ŋged nɛ́» kɛ pɛ tiŋɛ̂ ndaʼ pe yé pó. 24Tsʉʼ mbé a kɛ ke ndiŋɛ́ wíŋi, piŋi pɛ psyɛ́ndzɔʼ yiŋi náʼá ŋgyɛ́ Mboʼmvé zhʉ́ wíŋi njʉ́ puŋgerɛ́ŋged nɛ́. Ŋkyé ŋgâ piŋi tíí ndzɔʼ yiŋi pe mbəb Yé, wɛ́, a zhʉyɛ́ Yěsô Ntsɛɛpɔŋ wíŋi, ne vó nɛ́. 25Yé wɛ́ pe kɛ fí wé ŋkyé vɔ̌no piŋi, á pó njʉyɛ́, yânéré ŋgâ Mboʼmvé zhʉ́ wíŋi njʉ́ puŋgerɛ́ŋged nɛ́.
ទើបបានជ្រើសរើសហើយ៖
Roma 4: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Roma 4
4
Ábraham ŋgaŋapsyɛ́ndzɔʼ
1Tɛɛmbɛ pe nsó nɛ́ pe ŋgâ kɔ́ ŋkyé Ábraham tɛd tɛd wíŋi? Mbziʼe njʉ́ a kɛ pé ŋumesɔŋ nɛ́, a kɛ tsɛʼɛ kɔ́? 2A pɛ́ɛ́ yɛ́, a kɛ zhyɛ́ faʼ Ábraham, Mboʼmvé tíŋɛ wé njʉ́ ŋugerɛ́ŋged nɛ́, mbǒ tɛɛmbɛ́ a tiʼé, tsʉ́ʼmbé, mbé pɛɛ siŋ Mboʼmvé pó. 3Ŋkyé ŋgâ Ŋweʼe Yáŋme tsɔ́ɔ́ ŋgâ: «Ábraham kɛ psyɛ́ Mboʼmvé, néré Mboʼmvé zhʉ́ wé njʉ́ ŋugerɛ́ŋged nɛ́.» 4Ŋɔŋ wɛ́ a faʼa taʼ faʼ, pe pee wé nɛ́, pee yéré taʼ foʼ ndzəndzoʼ pó, a pɛɛ yɔ́b yɛ́ pe tsɛʼɛ ne fɛ́ne pwó ye nɛ́. 5Mbó mbɛ pwó ŋɔŋ wɛ́, a faʼ cyó faʼ nɛ́ pó, mbó ntíí ndzɔʼ ye pé mbəb Mboʼmvé, yé wɛ́ a tíŋɛ ghaŋázhyɛ́ meno kəpɔŋ njʉ́ puŋgerɛ́ŋged nɛ́, mbǒ á ndiŋɛ́ psyɛ́ndzɔʼ ye, njʉ́ wé njʉ́ ŋuŋgerɛ́ŋged nɛ́. 6A pe nɛ́ njʉ́ fɔŋ Ndavíd tsɔ́ mbziʼɛ yɛ́, mbéne sʉ́ʼʉ pwó ŋɔŋ wɛ́ Mboʼmvé zhʉ́ wé njʉ́ ŋugerɛ́ŋged, kii tsé ndiŋɛ́ faʼ ye nɛ́, ŋkhoʼyɛ́ a tsɔ́ ŋgâ:
7«Mbéne sʉ́ʼʉ pwó pɔŋ pɛ́ pé máʼ vɔ̌no pɔ́b, mbó sǒ kəpɔŋ pɔ́b nɛ́.
8Mbéne sʉ́ʼʉ pwó ŋɔŋ wɛ́ Ntsɛɛpɔŋ tsé mbé sí kəpɔŋ pé nɛ́ pó.»
9Wɔŋ nsó ŋkyé mbéne sʉ́ʼʉ ke ndiŋɛ́ ndaʼ pɔŋ pɛ́ pe pirɛ wɔ́b nɛ́? Kii a ke tsé ndiŋɛ́ pɔŋ pɛ́ pe psírɛ wɔ́b nɛ́ po? Mə ŋǎ tsɔ́ tsɔ́ ŋgâ: «Ábraham kɛ psyɛ́ Mboʼmvé, a zhʉ́ wé njʉ́ ŋuŋgerɛ́ŋged nɛ́.» 10Tsʉʼ mbé a kɛ pe néré mbɛɛ ŋkhoʼ kɔ́? Ŋkhoʼyɛ́ pe kɛ psírɛ wé nɛ́, ki ŋkhoʼyɛ́ a kɛ ghɛmbɛ pe pó kɛ psirɛ wé nɛ́ pó? Ngáŋ! Á kɛ ghɛmbɛ pe pé kɛ psirɛ wé pó! 11Pe kɛ fɛ́ mbzírine néré pwó yé ne kiŋi, pe njʉ́ máŋ ŋgerɛ́ŋged, ŋgerɛ́ŋged yɛ́ psyɛ́ndzɔʼ kɛ zhyɛ́ a tséʼé, ŋkhoʼyɛ́ pe kɛ kɛ́ psirɛ wé nɛ́ pó. Kɛ́ʼɛ́ a tsʉʼ tɛd ŋkɔŋɔ ghaŋápsyɛ́ndzɔʼ pɛ́, pɔ́b pirime nɛ́ pó, néré ŋgâ Mboʼmvé zhʉ́ wɔ́b njʉ́ puŋgerɛ́ŋged nɛ́. 12Ŋkʉ́rʉ́ ŋgâ Ábraham ké mbó mbé, tɛd pɔŋ pɛ pe psírɛ wɔ́b nɛ́. A kiʼi ké mbó pé, ŋkyě ndaʼ no yɛ́ á tɛd mbé ŋgɔŋ yɛ́ pe psirɛ pɔŋ yoʼo nɛ́ pó. Ntsʉʼ mbé, a ké mbó ndzɔŋɔ ŋgâ, pɔ́b nyi njʉ́ psyɛ́ndzɔʼ yé kɛ pé, yé wɛ́ a tɛd wíŋi nɛ́, ŋkhoʼyɛ́ a kɛ ghɛmbɛ pe pé kɛ psírɛ wé nɛ́ pó.
13Mboʼmvé kɛ kaʼa pwó Ábraham ŋgâ, a ŋkʉyo fɛ́ mvé yɔŋ pwó ye kii ŋgâ pwó pɔŋ pé ne mbɛd. Mbe pe néré ŋkyé njʉ́ a nyí njʉ́ kaŋ tsɔ́ nɛ́ pó, tsʉʼ mbé ŋkyé psyɛ́ndzɔʼ ye yɛ́, a kɛ zhyɛ́ Mboʼmvé zhʉ́ wé njʉ́ ŋugerɛ́ŋged nɛ́. 14A ghɛmbɛ kaʼ yéré, ke mbɛɛ ndaʼ pwó pɔŋ pɛ́ pɔ́b nyí njʉ́ kaŋ tsɔ́ nɛ́, mbǒ psyɛ́ndzɔʼ ghebɛ kɔ́, kaʼ pó mbé tséʼé cyó ghebe pó. 15Ŋkyé ŋgâ kaŋ fɛ́ɛ́ ndaʼ pʉ̌ŋgye, ywoʼ yɛ́ kaŋ yoʼo nɛ́ pó, cyó no vɔ kaŋ yoʼo pó. 16Ŋkʉ́rʉ́, a zhyɛ́ psyɛ́ndzɔʼ ŋɔŋ tsɛʼɛ mbɛd yɛ́ Mboʼmvé kaʼ nɛ́. Yânéré kɛ́ʼɛ́ ŋgâ, a pɛ́ɛ́ foʼndzəndzoʼ, mbó ndiŋɛ́ ŋkɔŋɔ pɔŋ Ábraham náá. Ké mbé pɛ́ɛ́ ndaʼ ye pɔŋ pɛ́ pɔ́b gháá a sáʼá kaŋ sáʼá wɔ́b nɛ́ pó, ntsʉ́ʼ ké mbó mbɛ́ɛ́ ye pɔŋ pɛ pɔ́b gháá pɔ́b nyí njʉ́ psyɛ́ndzɔʼ Ábraham tɛd ŋkɔŋɔ wíŋi náá, tsɔ́ nɛ́. 17Tsʉŋtsʉ́ŋ njʉ́, a ŋweʼéme ŋgâ: «Mo, Mboʼmvé, mə ŋgyɛ wo tsʉʼ tɛd mbéŋgɔŋ zááme.» Á tɛd wíŋi siŋi Mboʼmvé, yé wɛ́ a kɛ́ tséʼé psyɛ́ndzɔʼ mbəb ye nɛ́. Mboʼmvé wéré wɛ́, a zhyɛ́ ŋgâ pfɔ̂pɔŋ tsó mvé, mbó ŋgyɛ ŋgâ yɔ́b yɛ́ a pě mbé pé nɛ́ pó, pɛ yoʼo nɛ́. 18Ábraham kɛ tséʼé psyɛ́ndzɔʼ mbó tséʼé shʉríne, ghɛmbɛ́ njʉ́ a kɛ ghɛmbɛ cyó shʉríne pe pé nɛ́ pó. Néré tsʉʼ tɛd mbéŋgɔŋ zááme, mbziʼe njʉ́ Mboʼmvé kɛ́ nsó ŋgâ: «Yɔŋ pé nɛ́ njʉ́ ndɔŋɔ pɔ́ŋ pe wo náʼá mbɛ́ nɛ́.» 19A kɛ́ pe náá mbziʼe njʉ́ mbəb yé kɛ zuŋ, kii ŋgâ njʉ́ a kɛ́ ghɛ́ mbé pfɔ̂ Sara pé kɛ́ kyɛ́ mɔ́ŋ nɛ́ pó, psyɛ́ndzɔʼ ye pɔ́d pó. Ŋkyé ŋgâ, a kɛ tséʼé ywɔ́ kpii ŋgǒʼmvé kɛ́ʼɛ́, yéré nyóʼó ŋgâ, a kɛ́ ghɛ́ ghɛmbɛ́ mbəb yé pú pfɔ̂ Sara kɛ pɛ́ɛ́ njʉ́ á kɛ́ pfó pfó nɛ́. 20Mbɛ néré, a pé tséʼé ndzɛ̌ne ndúŋú kaʼ yɛ Mboʼmvé kɛ kaʼa pwó yé nɛ́ po. Ntsʉʼmbé, psyɛ́ndzɔʼ kɛ fɛ tʉ̌ŋ pwó ye, a pó fɛ́ ŋgúʼune pwó Mboʼmvé. 21A kɛ cʉ̌yi ndzɛ́ ndzó ndzɔʼ yé ŋgâ, no yɛ́ Mboʼmvé kɛ kaʼ nɛ́ a ké mbó tséʼé tʉ̌ŋ ne ŋgyɛne a pé. 22A kɛ zhyɛ́ yéré nɛ́, Mboʼmvé zhʉ́ wé njʉ́ ŋuŋgerɛ́ŋged nɛ́. 23Tsʉ́ʼmbé, ŋweʼe yɔŋ yɛ́ a tsɔ́ ŋgâ: «Mboʼmvé kɛ́ zhʉ́ wé njʉ́ ŋugerɛ́ŋged nɛ́» kɛ pɛ tiŋɛ̂ ndaʼ pe yé pó. 24Tsʉʼ mbé a kɛ ke ndiŋɛ́ wíŋi, piŋi pɛ psyɛ́ndzɔʼ yiŋi náʼá ŋgyɛ́ Mboʼmvé zhʉ́ wíŋi njʉ́ puŋgerɛ́ŋged nɛ́. Ŋkyé ŋgâ piŋi tíí ndzɔʼ yiŋi pe mbəb Yé, wɛ́, a zhʉyɛ́ Yěsô Ntsɛɛpɔŋ wíŋi, ne vó nɛ́. 25Yé wɛ́ pe kɛ fí wé ŋkyé vɔ̌no piŋi, á pó njʉyɛ́, yânéré ŋgâ Mboʼmvé zhʉ́ wíŋi njʉ́ puŋgerɛ́ŋged nɛ́.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល