Roma 12
12
Tsómvé fé yɛ́ Kristo fɛ́ nɛ́
1Pɔ́ŋmɛ́ páá, njʉ́ Mboʼmvé tséʼé tsaaghəghəŋ kaʼatɛ nɛ́, mə mbóʼómbwó nɛ́ ne puŋ ŋgâ puŋ fɛ́ mbəb yúŋ ne tómbəb yuŋ, njʉ́ taʼ shʉ́ yɛ́ a mɔ́b nɛ́, mbó mbé yé Mboʼmvé, mbó mbǔ wé nɛ́. A yéré mbé ndâ faʼ ne puŋ yɛ́, a zɔŋɔ ŋgâ puŋ faʼa pwó Mboʼmvé nɛ́. 2Puŋ ndɛ fuʼ meno pɛ́ kɛrɛ mvé ndzebé zhyɛ́ nɛ́. Tsʉ́ʼmbé, puŋ tee Mboʼmvé fɛ kpaŋató ffé ne puŋ, yânéré ŋgâ puŋ tsʉʼ puffé. Néré ne ndzêne no yɛ́ Mboʼmvé zɔŋɔ ŋgâ puŋ zhyɛ́ nɛ́. No yéré, a no sʉ́ʼʉ, no yɛ́ a pú pwó yé nɛ́, no yɛ́ a tséʼé cyó yɔʼɔ nɛ́ pó.
3Ŋkyé foʼndzəndzoʼ yɛ́ Mboʼmvé fɛ́ ne mo nɛ́, mə ntsɔ nɛ́ pwó mbɛwɔ̂ tsetsɛrɛ puŋ ŋgâ, puŋ ndɛ mbé pɛ́ ŋkamboʼfáá təŋé. Ŋɔŋ zɛ́ ŋɔŋ wɛ́ a yé nɛ́, yânéré ŋgâ kii ŋɔŋ ndɛ tséʼé kpaŋató yɛ́, a tsɛɛ yɔ́b yɛ́ a yéré nɛ́. Ntsyé ŋɔŋ ndzɔʼɔ puŋ, ke ŋgyɛ́ meno pé, pé ne fuʼ psyɛ́ndzɔʼ yɛ́ Mboʼmvé fɛ́ pwó yé nɛ́. 4Njʉ piŋi tsɛʼɛ taʼ mbəb pɛ ywoʼɔ́mbəb pó ndzaa nɛ́, pɛ ywoʼɔ́mbəb péré kaa naa mbé faʼa taʼ faʼ pó. 5Néré, piŋi záá nɛ́ kɛ́ʼɛ́, kaa náá mbé taʼ mbəb, mbziʼe njʉ́ piŋɛ Kristo těb mbé taʼ ye nɛ́, piŋi kaa nɛ́ náá mbɛwɔ̂ ké mbɛ́ yé pé ywoʼɔ́mbəb. 6Piŋi tséʼé pɛ mbziʼe mbziʼe fɛ́, yé ŋɔŋ ké mbɛɛ ne mbziʼe foʼndzəndzoʼ yɛ Mboʼmvé kɛ fɛ pwó ye nɛ́. A pɛ́ɛ́ yɛ́ ŋɔŋ tsɔ̌ kpaŋató Mboʼmvé nɛ́, a ké tsɔ̌ njʉ́ psyɛ́ndzɔʼ zɔŋɔ nɛ́. 7Kii cyó ŋɔŋ tsɛʼɛ ye pe fɛ́ fǎʼne pwó pɔŋ? Á faʼ! Kii cyó ŋɔŋ tsɛʼɛ yé pe fɛ́ne ntʉ́ʉ́? A fɛ́! 8Kii cyó ŋɔŋ tsɛʼɛ yé, pé fɛ́ ntuʼúne pɔŋ? A tuʼu! Á ŋɔŋ wɛ́ a fɛ nɛ́, a fɛ ki tiŋi. Ŋɔŋ wɛ́ a tsyaŋa nɛ́, a tsyaŋa ne zyaŋámbəb. Ŋɔŋ wɛ́ yé fɛ́ pɛ́ɛ́ ne ntsaane ghəghəŋ nɛ́, a tsaa ne ndebéne. 9A kəŋe pé, ne taʼ ndzɔʼ. Puŋ khí kəpɔŋ kaʼatɛ maʼ kékáʼá ye, ŋɔ́rɔ ndúŋú no sʉ́ʼʉ. 10Puŋ kʉyě mbəb yuŋ njʉ́ pɔ́ŋmɛ́ ndɛ́ ŋkʉyé mbəb yɔ́b nɛ́, kəŋe yǎ ndúŋú ndzə́rɛ wuŋ. Mbɛwɔ̂ tséʼé zyaŋámbəb ne ŋgúʼune mɔ́ŋmɛ́ yé. 11Puŋ fáʼa pwó Ntsɛɛpɔŋ nné ŋkɔŋɔ ndzɔʼ yuŋ náá, ne zyaŋámbəb, kii pó mbɛɛ ne tɛrɛ́mbəb. 12Puŋ ghɛ́ shʉ́rɛ, ntse ndebene, mbó tséʼé gbǎndzɔʼ ŋkhoʼ yɛ́ ŋgəʼo kuŋɔ wuŋ nɛ́, ntsɛ́ʼɛ́ Mboʼmvé kii káŋ. 13Puŋ ghɛbɛ pǔkristo pɛ́ yɔ́b tsé ŋkáá wɔ́b nɛ́, mbəb yuŋ zyaŋa ne ŋgəyíne ŋɔŋ. 14Puŋ niŋɛ mbúru mbəb ŋɔŋ wɛ́, a záá wúŋ ne ŋgəʼo nɛ́. Puŋ ke niŋɛ ndaʼ mbúru, puŋ ndɛ niŋi ndɔŋ. 15Puŋ yébé puŋɛ pɔŋ pɛ́ pɔ́b tsé ndebɛ nɛ́. Nkhó puŋɛ pɔŋ pɛ́ pɔ́b tsé ŋkhɔ́ nɛ́. 16Puŋ tséʼé taʼ kpaŋató, puŋ ndɛ kʉyě no ŋeʼene, tsʉ́ʼmbé no yɛ́ a suŋɔ wuŋ nɛ́, pɛ́ɛ́ yé fɛ́ mbəb syé, puŋ ndɛ ŋgyɛ njʉ́ puŋ pɛɛ ghaŋázé nɛ́. 17Puŋ ndɛ nuʼu kəpɔŋ ne kəpɔŋ, puŋ tsɛʼɛ ndzó ndzɔʼ yuŋ, pe ne ŋgyɛne no yɛ́ tɛɛmbɛ́ ŋkɔŋɔ pɔŋ zhʉ́, náá ŋgâ a ye sʉ́ʼʉ nɛ́. 18Á zəhɛɛ ne puŋ mbé yɛ́ tɛɛmbɛ́ a pé néré nɛ́, puŋɛ ŋkɔŋɔ pɔŋ náá, tsó ne mbúru. 19Pɔ́ŋmɛ́ páá pɛ́ mə kʉyě wɔ́b kaʼatɛ nɛ́, puŋ ndɛ ntaʼa ne nuʼune pʉ́ʉ́ ne tó mbəb yúŋ, tsʉʼ mbé puŋ tee pʉ́ʉ́ŋgyé Mboʼmvé fáʼ faʼ yé mbəb pɔ́b, ŋkyé ŋgâ, Ntsɛɛpɔŋ Mboʼmvé tsɔ́ ndzó ŋweʼe ŋgâ: «A nuʼɔ mo nuʼɔ pʉ́ʉ́, a nuʼɔ mo nuʼɔ pɔ́rɔ́ ŋɔŋ pwó yé.» 20A ke mbó nsó ŋkʉ́rʉ́ ŋgâ: «A pɛ́ɛ́ yɛ́ ndzye mbəb, ŋgaŋakəpeŋe wo nɛ́, wo fɛ mɔ́b a zó. A pɛ́ɛ́ yɛ́ ŋgye mé zwɔ́ nɛ́, wo fɛ́ nse a nɔ. Ŋkhoʼyɛ́ wo tsé ŋgyɛ́ néré nɛ́, mbǒ a ŋgəʼo mɔ́ɔ́ yɛ́, wo yɛ́rɛ́ tó yé nɛ́.» 21Wo ndɛ ntee kəpɔŋ zó ndzɔʼ wo. Ntsʉ́ʼmbé maʼ ntsɛɛ kəpɔŋ pé ne ŋgyɛ́ne no sʉ́ʼʉ.
ទើបបានជ្រើសរើសហើយ៖
Roma 12: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Roma 12
12
Tsómvé fé yɛ́ Kristo fɛ́ nɛ́
1Pɔ́ŋmɛ́ páá, njʉ́ Mboʼmvé tséʼé tsaaghəghəŋ kaʼatɛ nɛ́, mə mbóʼómbwó nɛ́ ne puŋ ŋgâ puŋ fɛ́ mbəb yúŋ ne tómbəb yuŋ, njʉ́ taʼ shʉ́ yɛ́ a mɔ́b nɛ́, mbó mbé yé Mboʼmvé, mbó mbǔ wé nɛ́. A yéré mbé ndâ faʼ ne puŋ yɛ́, a zɔŋɔ ŋgâ puŋ faʼa pwó Mboʼmvé nɛ́. 2Puŋ ndɛ fuʼ meno pɛ́ kɛrɛ mvé ndzebé zhyɛ́ nɛ́. Tsʉ́ʼmbé, puŋ tee Mboʼmvé fɛ kpaŋató ffé ne puŋ, yânéré ŋgâ puŋ tsʉʼ puffé. Néré ne ndzêne no yɛ́ Mboʼmvé zɔŋɔ ŋgâ puŋ zhyɛ́ nɛ́. No yéré, a no sʉ́ʼʉ, no yɛ́ a pú pwó yé nɛ́, no yɛ́ a tséʼé cyó yɔʼɔ nɛ́ pó.
3Ŋkyé foʼndzəndzoʼ yɛ́ Mboʼmvé fɛ́ ne mo nɛ́, mə ntsɔ nɛ́ pwó mbɛwɔ̂ tsetsɛrɛ puŋ ŋgâ, puŋ ndɛ mbé pɛ́ ŋkamboʼfáá təŋé. Ŋɔŋ zɛ́ ŋɔŋ wɛ́ a yé nɛ́, yânéré ŋgâ kii ŋɔŋ ndɛ tséʼé kpaŋató yɛ́, a tsɛɛ yɔ́b yɛ́ a yéré nɛ́. Ntsyé ŋɔŋ ndzɔʼɔ puŋ, ke ŋgyɛ́ meno pé, pé ne fuʼ psyɛ́ndzɔʼ yɛ́ Mboʼmvé fɛ́ pwó yé nɛ́. 4Njʉ piŋi tsɛʼɛ taʼ mbəb pɛ ywoʼɔ́mbəb pó ndzaa nɛ́, pɛ ywoʼɔ́mbəb péré kaa naa mbé faʼa taʼ faʼ pó. 5Néré, piŋi záá nɛ́ kɛ́ʼɛ́, kaa náá mbé taʼ mbəb, mbziʼe njʉ́ piŋɛ Kristo těb mbé taʼ ye nɛ́, piŋi kaa nɛ́ náá mbɛwɔ̂ ké mbɛ́ yé pé ywoʼɔ́mbəb. 6Piŋi tséʼé pɛ mbziʼe mbziʼe fɛ́, yé ŋɔŋ ké mbɛɛ ne mbziʼe foʼndzəndzoʼ yɛ Mboʼmvé kɛ fɛ pwó ye nɛ́. A pɛ́ɛ́ yɛ́ ŋɔŋ tsɔ̌ kpaŋató Mboʼmvé nɛ́, a ké tsɔ̌ njʉ́ psyɛ́ndzɔʼ zɔŋɔ nɛ́. 7Kii cyó ŋɔŋ tsɛʼɛ ye pe fɛ́ fǎʼne pwó pɔŋ? Á faʼ! Kii cyó ŋɔŋ tsɛʼɛ yé pe fɛ́ne ntʉ́ʉ́? A fɛ́! 8Kii cyó ŋɔŋ tsɛʼɛ yé, pé fɛ́ ntuʼúne pɔŋ? A tuʼu! Á ŋɔŋ wɛ́ a fɛ nɛ́, a fɛ ki tiŋi. Ŋɔŋ wɛ́ a tsyaŋa nɛ́, a tsyaŋa ne zyaŋámbəb. Ŋɔŋ wɛ́ yé fɛ́ pɛ́ɛ́ ne ntsaane ghəghəŋ nɛ́, a tsaa ne ndebéne. 9A kəŋe pé, ne taʼ ndzɔʼ. Puŋ khí kəpɔŋ kaʼatɛ maʼ kékáʼá ye, ŋɔ́rɔ ndúŋú no sʉ́ʼʉ. 10Puŋ kʉyě mbəb yuŋ njʉ́ pɔ́ŋmɛ́ ndɛ́ ŋkʉyé mbəb yɔ́b nɛ́, kəŋe yǎ ndúŋú ndzə́rɛ wuŋ. Mbɛwɔ̂ tséʼé zyaŋámbəb ne ŋgúʼune mɔ́ŋmɛ́ yé. 11Puŋ fáʼa pwó Ntsɛɛpɔŋ nné ŋkɔŋɔ ndzɔʼ yuŋ náá, ne zyaŋámbəb, kii pó mbɛɛ ne tɛrɛ́mbəb. 12Puŋ ghɛ́ shʉ́rɛ, ntse ndebene, mbó tséʼé gbǎndzɔʼ ŋkhoʼ yɛ́ ŋgəʼo kuŋɔ wuŋ nɛ́, ntsɛ́ʼɛ́ Mboʼmvé kii káŋ. 13Puŋ ghɛbɛ pǔkristo pɛ́ yɔ́b tsé ŋkáá wɔ́b nɛ́, mbəb yuŋ zyaŋa ne ŋgəyíne ŋɔŋ. 14Puŋ niŋɛ mbúru mbəb ŋɔŋ wɛ́, a záá wúŋ ne ŋgəʼo nɛ́. Puŋ ke niŋɛ ndaʼ mbúru, puŋ ndɛ niŋi ndɔŋ. 15Puŋ yébé puŋɛ pɔŋ pɛ́ pɔ́b tsé ndebɛ nɛ́. Nkhó puŋɛ pɔŋ pɛ́ pɔ́b tsé ŋkhɔ́ nɛ́. 16Puŋ tséʼé taʼ kpaŋató, puŋ ndɛ kʉyě no ŋeʼene, tsʉ́ʼmbé no yɛ́ a suŋɔ wuŋ nɛ́, pɛ́ɛ́ yé fɛ́ mbəb syé, puŋ ndɛ ŋgyɛ njʉ́ puŋ pɛɛ ghaŋázé nɛ́. 17Puŋ ndɛ nuʼu kəpɔŋ ne kəpɔŋ, puŋ tsɛʼɛ ndzó ndzɔʼ yuŋ, pe ne ŋgyɛne no yɛ́ tɛɛmbɛ́ ŋkɔŋɔ pɔŋ zhʉ́, náá ŋgâ a ye sʉ́ʼʉ nɛ́. 18Á zəhɛɛ ne puŋ mbé yɛ́ tɛɛmbɛ́ a pé néré nɛ́, puŋɛ ŋkɔŋɔ pɔŋ náá, tsó ne mbúru. 19Pɔ́ŋmɛ́ páá pɛ́ mə kʉyě wɔ́b kaʼatɛ nɛ́, puŋ ndɛ ntaʼa ne nuʼune pʉ́ʉ́ ne tó mbəb yúŋ, tsʉʼ mbé puŋ tee pʉ́ʉ́ŋgyé Mboʼmvé fáʼ faʼ yé mbəb pɔ́b, ŋkyé ŋgâ, Ntsɛɛpɔŋ Mboʼmvé tsɔ́ ndzó ŋweʼe ŋgâ: «A nuʼɔ mo nuʼɔ pʉ́ʉ́, a nuʼɔ mo nuʼɔ pɔ́rɔ́ ŋɔŋ pwó yé.» 20A ke mbó nsó ŋkʉ́rʉ́ ŋgâ: «A pɛ́ɛ́ yɛ́ ndzye mbəb, ŋgaŋakəpeŋe wo nɛ́, wo fɛ mɔ́b a zó. A pɛ́ɛ́ yɛ́ ŋgye mé zwɔ́ nɛ́, wo fɛ́ nse a nɔ. Ŋkhoʼyɛ́ wo tsé ŋgyɛ́ néré nɛ́, mbǒ a ŋgəʼo mɔ́ɔ́ yɛ́, wo yɛ́rɛ́ tó yé nɛ́.» 21Wo ndɛ ntee kəpɔŋ zó ndzɔʼ wo. Ntsʉ́ʼmbé maʼ ntsɛɛ kəpɔŋ pé ne ŋgyɛ́ne no sʉ́ʼʉ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល