Zhâŋ 5
5
Yěsô pɛ́d taʼ ŋkʉ́ŋʉ́
1Njʉ́ yéré no kɛ záʼ nɛ́, Yěsô kɔ́ʼɔ́ Yerʉ́salɛm, ŋkyé taʼ ndebéne pɛ Yúda yɛ́ a kɛ pɛ yóʼó nɛ́. 2A kɛ ghɛmbɛ néré, taʼ ywoʼ póʼó zháʼá pɛ Yerʉ́salɛm, ne ŋgə́ ywoʼ yɛ́ pe fû ne ntswěndáb Pɔ́ŋmvó nɛ́. Tíí ywoʼ póʼó zháʼá yéré kɛ pé ne nsó Ebərə ŋgâ Betsata. Pe kɛ kwód ferɛ́nda yítaŋ ndzyɛ̂ wé nuŋ. 3Ghaŋághɔŋ zááme kɛ́ nu ndúŋú ferɛ́nda yéré, pɛ ffǒme, pɛ ntʉʼekpee, pɛ ŋkʉ́ŋʉ́. [Pɔ́b kɛ nu néré ndzwəʼɛ ŋgâ nse nyʉ́, 4Ŋkyé ŋgâ taʼ aŋgere Ntsɛɛpɔŋ kɛ shʉ́yí pecyó ŋkhoʼ ndzɔ́ʼɔ́ nse wéré nyʉ́ nse. Sɔ́ ŋgaŋaghɔŋ wɛ́ a kɛ shʉ́yí ndzɔ́ʼɔ́ nse wéré nɛ́, tsɛ́ʼɛ́ fwôghɔŋ yé, mbɛ ghɔŋ yéré pɛ́ɛ́ níŋ.] 5Cyó taʼ ŋkʉ́ŋʉ́, féré ne ŋgǒʼmvé ghúbmekyéd ne yífwɔ́ kɛ pɛ́ yóʼó. 6Yěsô zhʉ́ wé, a núnú. A pó ndzóʼ ŋgâ a kɛ ghɛ́mbɛ taŋa sáá njʉ́ a ndzɔ́ʼɔ́ yéré ŋgəʼo nɛ́, a tsɔ́ pwó yé ŋgâ: «Wo zɔŋɔ mbəb wo fwó?» 7Ŋkʉŋʉ́ wéré pɔ́rɔ́ pwó yé ŋgâ: «Ntsɛɛpɔŋ, mə tséʼe ŋɔŋ wɛ́ tɛɛmbɛ a kyɛ́ ya máʼá nse ŋkhoʼyɛ́ nse ndzyě ne nyʉ́ne nɛ́ pó. Ŋkhoʼyɛ́ mə nyʉʼɛ́ ne shʉyǐne nɛ́, cyó ŋɔŋ ntsód ya kuŋɔ nse.» 8Yěsô tsɔ́ pwó yé ŋgâ: «Ŋǎ syé, ndɔ́ɔ́ ŋgɔb wo nyí.» 9Kpaʼ ŋkhoʼyéré, mbəb ŋɔŋ wéré fwó, a yɔ́ɔ́ ŋgɔb yé ndzyě nyǐne.
A kɛ ghɛmbɛ, zhyémve yéré pé zhyéze pɛ Yuda 10Néré, pɛ ntsɛ́ssó pɛ Yúda tsɔ́ pwó ŋɔŋ wɛ́ mbəb yé ke kɛ fwó fwó nɛ́ ŋgâ: «Wo tsɛ́ʼɛ́ ne ŋkyɛ́ne ŋgɔb wo pó. Ŋkyé ŋgâ a zhyéze yiŋi.» 11Ntsʉʼmbé, a pɔ́rɔ́ ne pɔ́b ŋgâ: «Ŋɔŋ wɛ́ a zhyɛ́ mbəb ya fwó nɛ́, a nsó yé ne mo ŋgâ: “Yɔ́ɔ́ ŋgɔb wo, nyí.”» 12Pɔ́b psirɛ́ wé ŋgâ: «Ŋɔŋ wɔŋ wɛ́ a nsó ŋgâ: “Yɔ́ɔ́ ŋgɔb wo nyí” nɛ́, a wɔ́?» 13Ntsʉʼmbé, ŋɔŋ wɛ́ mbəb yé kɛ fwó nɛ́, pe zɛ́ yé wé pó, ŋkyé ŋgâ a kɛ ghɛmbɛ Yěsô kɛ twɔ́ ndzɔ́ʼɔ́ pɔŋ zááme pɛ́ pɔ́b kɛ pɛ́ yóʼó nɛ́, ŋgú kaʼatɛ taŋa yé saa. 14A naʼ mbó kyáŋá, Yěsô pó njʉ́ wé Ndámboʼmvé, tsɔ́ pwó yé ŋgâ: «Wo pé nɛ́, mbəb wo kɛ fwó! Ndɛ naʼ mbó ŋgyɛ no kəpɔŋ ŋkʉ́rʉ́, mbɔ́ɔ́ ŋgâ no yɛ́ a ntsɛ́ɛ́ yéré nɛ́, ndɛ mbó ŋkúŋú wo.» 15Ŋɔŋ wéré ghú, ntsɔ́ pwó pɛ ntsɛ́ssó pɛ Yúda ŋgâ a kɛ pɛ́d Yěsô mbɛ́rɛ́ wé. 16Ndzyěne néré, pɛ Yúda péré tséʼé mbíp ŋkyé Yěsô wɛ́ a zhyɛ́ yéré no taʼ zhyéze nɛ́. 17Ntsʉ́ʼmbé Yěsô pɔ́rɔ́ ne pɔ́b ŋgâ: «Tɛ mbáŋa ne ŋkhoʼyɔŋ, Tɛd ya ke mbɛ́ɛ́ ne faʼ, mbɛ mo ya, mə ke mbɛ́ɛ́ ne faʼ.» 18Ndzyěne néré, ntsɛ́ssó pɛ Yúda mêmě ntáʼá ŋkɔʼyɛɛ yɛ́, pɔ́b kɛ ghɛ́ ndzáʼá ndúŋú nɔʼɔ wé nɛ́. Ŋkyé ŋgâ a kɛ ké mbé vɔ́ɔ́ ndaʼ kaŋ zhyéze pó, a kɛ ké mbó fú Mboʼmvé pe ne ndáá Tɛd yé, ndɔ́ɔ́ mbəb ntsʉ́ŋntsʉ́ŋ njʉ́ Mboʼmvé nɛ́.
Tʉ̌ŋ Mɔ́ŋ ŋɔŋ twɔ̌ pwó Mboʼmvé
19Yěsô ké mbó ndɔ́ɔ́ nsó, ntsɔ́ ne pɔ́b ŋgâ: «Kpaʼ sísíŋ, mə sɔ́ŋɔ́ wúŋ, tɛɛmbɛ Mɔ́ŋ ŋɔŋ pé zhyɛ́ cyó yɔ́b ne tómbəb yé pó, ntsʉʼmbé yɔ́b yɛ́ a zhʉ́ Tɛd zhyɛ́ nɛ́. Ŋkyé ŋgâ yɔ́b yɛ́ Tɛd zhyɛ́ nɛ́, Mɔ́ŋ ke ŋgyɛ́ néré. 20Yéré pé ŋgâ Tɛd kʉ́yé Mɔ́ŋ, mbó nyǒʼ ŋkɔŋɔ yɔ́b yɛ́ a zhyɛ́ náá nɛ́ pwó yé. A ké mbó kʉ́yó nyóʼó pɛ faʼ kəkwéʼe kaʼatɛ ŋgaʼ ŋkʉ́rʉ́ pwó yé, kaʼatɛ tó puŋ syɛ́ mvaʼ vaʼ! 21Njʉ́ Tɛd yɛ́ ŋgyɛ́ pɔŋ zhʉyɛ́ ne vó, a pó fɛ́ tsómvé ne pɔ́b nɛ́, tómbəb Mɔ́ŋ ke fɛ́ tsómvé pwó ŋɔŋ wɛ́ a kʉ́yé nɛ́. 22Tɛd tsé mbé fiʼɛ ŋɔŋ pó, a tee ŋkɔŋɔ sábafiʼ náá pe ndzó pwó Mɔ́ŋ, 23kɛ́ʼɛ́ ŋgâ ŋkɔŋɔ ŋɔŋ náá ghúʼɔ́ Mɔ́ŋ njʉ́ pɔ́b ghúʼɔ́ Tɛd nɛ́. Ŋɔŋ wɛ́ a ghúʼɔ́ Mɔ́ŋ nɛ́ pó, kembé tsé ŋguʼɔ Tɛd wɛ́ a twɔ́ wé nɛ́ pó. 24Kpaʼ sísíŋ mə sɔ́ŋɔ́ wúŋ ŋgâ, ŋɔŋ wɛ́ a zóʼó nsó ya, mbó tséʼé psyɛ́ndzɔʼ mbəb Ŋɔŋ wɛ́ a twɔ́ ya nɛ́, mbǒ a tséʼé tsómvé ŋeŋáŋ. Pe ŋkʉ́yó fiʼɛ́ wé pó, ntsʉʼmbé, a twɔ́ ndzɔ́ʼɔ́ vó kaʼatɛ mbɛ́ɛ́ ndzɔ́ʼɔ́ tsómvé ŋeŋáŋ. 25Kpaʼ sísíŋ, mə sɔ́ŋɔ́ wúŋ ŋgâ, ŋkhoʼ kɛ tsé kúʼɔ -mbɛ ŋkhoʼyɔŋ kaʼa, a kɛ kuʼu- yɛ́ pfɔ́ pɔŋ ŋkʉ́yó ndzóʼó ndzəb Mɔ́ŋ Mboʼmvé nɛ́. Pɔŋ pɛ pɔ́b ŋkʉ́yó ndzóʼó nɛ́, náʼá tsɛ́ʼɛ́ tsómvé. 26Ŋkyé ŋgâ, a njʉ́ tsómvé twɔ̌ kpaʼ pwó Tɛd nɛ́, a ké mbó ŋgyɛ́ ŋgâ tsómvé ké mbó ntwɔ́ɔ́ kpaʼ pwó tómbəb Mɔ́ŋ. 27A ké mbó fɛ́ tʉ̌ŋ pwó yé ne sǎbne fiʼ, ŋkyé ŋgâ a yé mbé Mɔ́ŋ ŋɔŋ. 28Ŋkɔŋɔ meno pɔŋ náá ndɛ tsé mváʼá tó yuŋ. Ŋkhoʼ tsé ŋkúʼɔ́, yɛ́ ŋkɔŋɔ pɔŋ pɛ́ pɔ́b nú ndzó pɛ sye nɛ́, ndzóʼó ndzəb yé nɛ́. 29Pɔŋ pɛ́ pɔ́b kɛ zhyɛ́ no sʉ́ʼʉ nɛ́, njʉyɛ́ ne vó, ntwɔ́ ndzóó, ntsɛʼɛ tsómvé. Pɔŋ pɛ́ pɔ́b kɛ zhyɛ́ no kəpɔŋ nɛ́, zhʉyɛ́ ne vó, ŋgú pe fiʼɛ́ wɔ́b fuŋ. 30Ŋgɛmbɛ ne mo, mə ŋkúʼɔ́ ne ŋgyɛ̌ne cyó yɔ́b ne tómbəb ya pó. Mə fiʼɛ ŋɔŋ pe njʉ́ Mboʼmvé Tɛd tsɔ́ ne mo nɛ́. Sabafiʼ ya pɛ́ɛ́ yé ŋgerɛ́ŋged, ŋkyé ŋgâ mə ŋgyɛ́ no yɛ́ mə kʉ́yé nɛ́ pó, ntsʉʼmbé no yɛ́ Ŋɔŋ wɛ́ a twɔ́ ya nɛ́, zɔŋɔ nɛ́.»
Pɔŋ zááme kpê ntáŋ meno pɛ Yěsô kɛ zhyɛ́ nɛ́
31Yěsô ké mbó nsó ŋgâ: «No yɛ́ mə ntsɔ́ nɛ́, a ghɛmbɛ mə mkpê ntáŋ tómbəb ya, mbǒ pe psyɛ́ kpêntáŋ yéré pó. 32A cyó ŋɔŋ kpê ntáŋ ya, mə mbó ndzé ŋgâ, ntáŋ mɛ́ a kpê ŋkyé ya nɛ́, a no sísíŋ. 33Puŋ kɛ twɔ́ taʼ mɛ́ndzɔŋ pfúŋɔ́ Zhâŋ, a kpê ntáŋ ŋkyé no sísíŋ. 34A ne mo, mə ndzwəʼɛ ŋgâ a kpê ŋumesɔŋ mkpê ntáŋ ya pó. Ntsʉʼ mbé, mə nsó kɛ́ʼɛ́ pe ŋgâ puŋ tséʼé ndzǔne. 35Zhâŋ kɛ pɛ njʉ́ lámbo wɛ́ pe nɛbɛ́, a yáŋa nɛ́. Puŋ kɛ kʉ́yé ŋgâ ndáŋne mé méré náʼá kiʼa wúŋ kpaʼ mɔ́ŋtii kaʼ, puŋ yébé, ntsʉʼmbé a pe kyáŋá pó. 36Ntsʉʼŋgɛmbɛ, taʼ mkpê ntáŋ po mbé ŋkyé ya, yɛ́ a ntsɛ́ɛ́ yé Zhâŋ nɛ́. A faʼ pɛ́ Tɛd ya tee ne mo ŋgâ mə faʼ nɛ́. Mə ndúŋú tsé faʼa. A kɛ pe pɔ́b kpéentáŋ ya, nyóʼó ŋgâ a twɔ́ Tɛd ntwɔ́ ya. 37Tɛd wɛ́ a twɔ́ ya nɛ́, tómbəb yé ké mbó mkpê ntáŋ ya. Ntsʉʼŋgɛmbɛ, puŋ kâ kɛ zóʼó ndzəb yé kii ŋgâ njʉ́ záŋ yé pó, 38nsó yé pó mbé pɛ́ ndzó ndzɔʼ yúŋ pó, ŋkyé ŋgâ puŋ tséʼé psyɛ́ndzɔʼ ŋkyé Ŋɔŋ wɛ́ a twɔ́ nɛ́ pó. 39Puŋ kpɛʼɛ ŋwéʼe Mboʼmvé ŋkyé ŋgâ puŋ kpaŋ ŋgâ puŋ ndáá ndúŋú ntsɛ́ʼɛ́ tsómvé ŋeŋáŋ. A tsʉʼ kpê ŋwéʼe yéré mkpě ntáŋ ya. 40Ŋgɛmbɛ ne puŋ, puŋ pó mbé zɔŋɔ ŋkʉ́yó ne mo ne ntséʼéne tsómvé ŋeŋáŋ pó. 41Mə́ tsé mbé nzwəʼɛ ŋgâ pumésɔŋ fɛ́ ŋgúʼune ne mo pó. 42Ntsʉʼmbé, mə ndzɛ wúŋ, puŋ tséʼé kəŋe Mboʼmvé ndzó ndzɔʼ yúŋ pó. 43Mə ŋkʉ́yó ne tíí Tɛd ya, puŋ kirɛ ne mbzyɛ́ne ya. A kʉ́yó cyó ŋɔŋ kʉ́yó ne yé tíí, mbǒ wéré ŋɔŋ, puŋ psyɛ́ wé. 44Puŋ pɛ́ pǔŋ taʼa ghɛ́ɛ́ wúŋ pé tsetsɛrɛ puŋ nɛ́, mbé tsé ntaʼa ghɛ́ɛ́ wɛ́ a twɔ̌ ndaʼ pwó Mboʼmvé nɛ́ pó, tɛɛmbɛ puŋ zhyɛ́ níŋ tséʼé psyɛ́ndzɔʼ mbəb mo? 45Puŋ ndɛ kpaŋ ŋgâ a mo mbé ŋɔŋ wɛ́ a kʉ́yó sɔ́bɔ́ wúŋ siŋ Tɛd nɛ́. A Mǔsê wɛ́ puŋ shʉ́rɛ nɛ́, mbé ŋɔŋ wɛ́ a kʉ́yó sɔ́bɔ́ wúŋ nɛ́. 46Ndaʼ ŋgâ, a ghɛmbɛ puŋ psyɛ́ meno pɛ Mǔsê kɛ nsó nɛ́, mbǒ puŋ ke mbzyɛ́ meno pɛ mé ntsɔ́ nɛ́. Ŋkyé ŋgâ meno pɛ a kɛ ŋwéʼe nɛ́, a kɛ ŋwɛʼɛ ŋkyé páá. 47A pɛ́ɛ́ yɛ́ puŋ psyɛ́ meno pɛ́ a ŋwéʼe nɛ́ pó, mbǒ pǔŋ ŋgyɛ́ níŋ mbzyɛ́ pɛ́ mə ntsɔ́ nɛ́?»
ទើបបានជ្រើសរើសហើយ៖
Zhâŋ 5: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Zhâŋ 5
5
Yěsô pɛ́d taʼ ŋkʉ́ŋʉ́
1Njʉ́ yéré no kɛ záʼ nɛ́, Yěsô kɔ́ʼɔ́ Yerʉ́salɛm, ŋkyé taʼ ndebéne pɛ Yúda yɛ́ a kɛ pɛ yóʼó nɛ́. 2A kɛ ghɛmbɛ néré, taʼ ywoʼ póʼó zháʼá pɛ Yerʉ́salɛm, ne ŋgə́ ywoʼ yɛ́ pe fû ne ntswěndáb Pɔ́ŋmvó nɛ́. Tíí ywoʼ póʼó zháʼá yéré kɛ pé ne nsó Ebərə ŋgâ Betsata. Pe kɛ kwód ferɛ́nda yítaŋ ndzyɛ̂ wé nuŋ. 3Ghaŋághɔŋ zááme kɛ́ nu ndúŋú ferɛ́nda yéré, pɛ ffǒme, pɛ ntʉʼekpee, pɛ ŋkʉ́ŋʉ́. [Pɔ́b kɛ nu néré ndzwəʼɛ ŋgâ nse nyʉ́, 4Ŋkyé ŋgâ taʼ aŋgere Ntsɛɛpɔŋ kɛ shʉ́yí pecyó ŋkhoʼ ndzɔ́ʼɔ́ nse wéré nyʉ́ nse. Sɔ́ ŋgaŋaghɔŋ wɛ́ a kɛ shʉ́yí ndzɔ́ʼɔ́ nse wéré nɛ́, tsɛ́ʼɛ́ fwôghɔŋ yé, mbɛ ghɔŋ yéré pɛ́ɛ́ níŋ.] 5Cyó taʼ ŋkʉ́ŋʉ́, féré ne ŋgǒʼmvé ghúbmekyéd ne yífwɔ́ kɛ pɛ́ yóʼó. 6Yěsô zhʉ́ wé, a núnú. A pó ndzóʼ ŋgâ a kɛ ghɛ́mbɛ taŋa sáá njʉ́ a ndzɔ́ʼɔ́ yéré ŋgəʼo nɛ́, a tsɔ́ pwó yé ŋgâ: «Wo zɔŋɔ mbəb wo fwó?» 7Ŋkʉŋʉ́ wéré pɔ́rɔ́ pwó yé ŋgâ: «Ntsɛɛpɔŋ, mə tséʼe ŋɔŋ wɛ́ tɛɛmbɛ a kyɛ́ ya máʼá nse ŋkhoʼyɛ́ nse ndzyě ne nyʉ́ne nɛ́ pó. Ŋkhoʼyɛ́ mə nyʉʼɛ́ ne shʉyǐne nɛ́, cyó ŋɔŋ ntsód ya kuŋɔ nse.» 8Yěsô tsɔ́ pwó yé ŋgâ: «Ŋǎ syé, ndɔ́ɔ́ ŋgɔb wo nyí.» 9Kpaʼ ŋkhoʼyéré, mbəb ŋɔŋ wéré fwó, a yɔ́ɔ́ ŋgɔb yé ndzyě nyǐne.
A kɛ ghɛmbɛ, zhyémve yéré pé zhyéze pɛ Yuda 10Néré, pɛ ntsɛ́ssó pɛ Yúda tsɔ́ pwó ŋɔŋ wɛ́ mbəb yé ke kɛ fwó fwó nɛ́ ŋgâ: «Wo tsɛ́ʼɛ́ ne ŋkyɛ́ne ŋgɔb wo pó. Ŋkyé ŋgâ a zhyéze yiŋi.» 11Ntsʉʼmbé, a pɔ́rɔ́ ne pɔ́b ŋgâ: «Ŋɔŋ wɛ́ a zhyɛ́ mbəb ya fwó nɛ́, a nsó yé ne mo ŋgâ: “Yɔ́ɔ́ ŋgɔb wo, nyí.”» 12Pɔ́b psirɛ́ wé ŋgâ: «Ŋɔŋ wɔŋ wɛ́ a nsó ŋgâ: “Yɔ́ɔ́ ŋgɔb wo nyí” nɛ́, a wɔ́?» 13Ntsʉʼmbé, ŋɔŋ wɛ́ mbəb yé kɛ fwó nɛ́, pe zɛ́ yé wé pó, ŋkyé ŋgâ a kɛ ghɛmbɛ Yěsô kɛ twɔ́ ndzɔ́ʼɔ́ pɔŋ zááme pɛ́ pɔ́b kɛ pɛ́ yóʼó nɛ́, ŋgú kaʼatɛ taŋa yé saa. 14A naʼ mbó kyáŋá, Yěsô pó njʉ́ wé Ndámboʼmvé, tsɔ́ pwó yé ŋgâ: «Wo pé nɛ́, mbəb wo kɛ fwó! Ndɛ naʼ mbó ŋgyɛ no kəpɔŋ ŋkʉ́rʉ́, mbɔ́ɔ́ ŋgâ no yɛ́ a ntsɛ́ɛ́ yéré nɛ́, ndɛ mbó ŋkúŋú wo.» 15Ŋɔŋ wéré ghú, ntsɔ́ pwó pɛ ntsɛ́ssó pɛ Yúda ŋgâ a kɛ pɛ́d Yěsô mbɛ́rɛ́ wé. 16Ndzyěne néré, pɛ Yúda péré tséʼé mbíp ŋkyé Yěsô wɛ́ a zhyɛ́ yéré no taʼ zhyéze nɛ́. 17Ntsʉ́ʼmbé Yěsô pɔ́rɔ́ ne pɔ́b ŋgâ: «Tɛ mbáŋa ne ŋkhoʼyɔŋ, Tɛd ya ke mbɛ́ɛ́ ne faʼ, mbɛ mo ya, mə ke mbɛ́ɛ́ ne faʼ.» 18Ndzyěne néré, ntsɛ́ssó pɛ Yúda mêmě ntáʼá ŋkɔʼyɛɛ yɛ́, pɔ́b kɛ ghɛ́ ndzáʼá ndúŋú nɔʼɔ wé nɛ́. Ŋkyé ŋgâ a kɛ ké mbé vɔ́ɔ́ ndaʼ kaŋ zhyéze pó, a kɛ ké mbó fú Mboʼmvé pe ne ndáá Tɛd yé, ndɔ́ɔ́ mbəb ntsʉ́ŋntsʉ́ŋ njʉ́ Mboʼmvé nɛ́.
Tʉ̌ŋ Mɔ́ŋ ŋɔŋ twɔ̌ pwó Mboʼmvé
19Yěsô ké mbó ndɔ́ɔ́ nsó, ntsɔ́ ne pɔ́b ŋgâ: «Kpaʼ sísíŋ, mə sɔ́ŋɔ́ wúŋ, tɛɛmbɛ Mɔ́ŋ ŋɔŋ pé zhyɛ́ cyó yɔ́b ne tómbəb yé pó, ntsʉʼmbé yɔ́b yɛ́ a zhʉ́ Tɛd zhyɛ́ nɛ́. Ŋkyé ŋgâ yɔ́b yɛ́ Tɛd zhyɛ́ nɛ́, Mɔ́ŋ ke ŋgyɛ́ néré. 20Yéré pé ŋgâ Tɛd kʉ́yé Mɔ́ŋ, mbó nyǒʼ ŋkɔŋɔ yɔ́b yɛ́ a zhyɛ́ náá nɛ́ pwó yé. A ké mbó kʉ́yó nyóʼó pɛ faʼ kəkwéʼe kaʼatɛ ŋgaʼ ŋkʉ́rʉ́ pwó yé, kaʼatɛ tó puŋ syɛ́ mvaʼ vaʼ! 21Njʉ́ Tɛd yɛ́ ŋgyɛ́ pɔŋ zhʉyɛ́ ne vó, a pó fɛ́ tsómvé ne pɔ́b nɛ́, tómbəb Mɔ́ŋ ke fɛ́ tsómvé pwó ŋɔŋ wɛ́ a kʉ́yé nɛ́. 22Tɛd tsé mbé fiʼɛ ŋɔŋ pó, a tee ŋkɔŋɔ sábafiʼ náá pe ndzó pwó Mɔ́ŋ, 23kɛ́ʼɛ́ ŋgâ ŋkɔŋɔ ŋɔŋ náá ghúʼɔ́ Mɔ́ŋ njʉ́ pɔ́b ghúʼɔ́ Tɛd nɛ́. Ŋɔŋ wɛ́ a ghúʼɔ́ Mɔ́ŋ nɛ́ pó, kembé tsé ŋguʼɔ Tɛd wɛ́ a twɔ́ wé nɛ́ pó. 24Kpaʼ sísíŋ mə sɔ́ŋɔ́ wúŋ ŋgâ, ŋɔŋ wɛ́ a zóʼó nsó ya, mbó tséʼé psyɛ́ndzɔʼ mbəb Ŋɔŋ wɛ́ a twɔ́ ya nɛ́, mbǒ a tséʼé tsómvé ŋeŋáŋ. Pe ŋkʉ́yó fiʼɛ́ wé pó, ntsʉʼmbé, a twɔ́ ndzɔ́ʼɔ́ vó kaʼatɛ mbɛ́ɛ́ ndzɔ́ʼɔ́ tsómvé ŋeŋáŋ. 25Kpaʼ sísíŋ, mə sɔ́ŋɔ́ wúŋ ŋgâ, ŋkhoʼ kɛ tsé kúʼɔ -mbɛ ŋkhoʼyɔŋ kaʼa, a kɛ kuʼu- yɛ́ pfɔ́ pɔŋ ŋkʉ́yó ndzóʼó ndzəb Mɔ́ŋ Mboʼmvé nɛ́. Pɔŋ pɛ pɔ́b ŋkʉ́yó ndzóʼó nɛ́, náʼá tsɛ́ʼɛ́ tsómvé. 26Ŋkyé ŋgâ, a njʉ́ tsómvé twɔ̌ kpaʼ pwó Tɛd nɛ́, a ké mbó ŋgyɛ́ ŋgâ tsómvé ké mbó ntwɔ́ɔ́ kpaʼ pwó tómbəb Mɔ́ŋ. 27A ké mbó fɛ́ tʉ̌ŋ pwó yé ne sǎbne fiʼ, ŋkyé ŋgâ a yé mbé Mɔ́ŋ ŋɔŋ. 28Ŋkɔŋɔ meno pɔŋ náá ndɛ tsé mváʼá tó yuŋ. Ŋkhoʼ tsé ŋkúʼɔ́, yɛ́ ŋkɔŋɔ pɔŋ pɛ́ pɔ́b nú ndzó pɛ sye nɛ́, ndzóʼó ndzəb yé nɛ́. 29Pɔŋ pɛ́ pɔ́b kɛ zhyɛ́ no sʉ́ʼʉ nɛ́, njʉyɛ́ ne vó, ntwɔ́ ndzóó, ntsɛʼɛ tsómvé. Pɔŋ pɛ́ pɔ́b kɛ zhyɛ́ no kəpɔŋ nɛ́, zhʉyɛ́ ne vó, ŋgú pe fiʼɛ́ wɔ́b fuŋ. 30Ŋgɛmbɛ ne mo, mə ŋkúʼɔ́ ne ŋgyɛ̌ne cyó yɔ́b ne tómbəb ya pó. Mə fiʼɛ ŋɔŋ pe njʉ́ Mboʼmvé Tɛd tsɔ́ ne mo nɛ́. Sabafiʼ ya pɛ́ɛ́ yé ŋgerɛ́ŋged, ŋkyé ŋgâ mə ŋgyɛ́ no yɛ́ mə kʉ́yé nɛ́ pó, ntsʉʼmbé no yɛ́ Ŋɔŋ wɛ́ a twɔ́ ya nɛ́, zɔŋɔ nɛ́.»
Pɔŋ zááme kpê ntáŋ meno pɛ Yěsô kɛ zhyɛ́ nɛ́
31Yěsô ké mbó nsó ŋgâ: «No yɛ́ mə ntsɔ́ nɛ́, a ghɛmbɛ mə mkpê ntáŋ tómbəb ya, mbǒ pe psyɛ́ kpêntáŋ yéré pó. 32A cyó ŋɔŋ kpê ntáŋ ya, mə mbó ndzé ŋgâ, ntáŋ mɛ́ a kpê ŋkyé ya nɛ́, a no sísíŋ. 33Puŋ kɛ twɔ́ taʼ mɛ́ndzɔŋ pfúŋɔ́ Zhâŋ, a kpê ntáŋ ŋkyé no sísíŋ. 34A ne mo, mə ndzwəʼɛ ŋgâ a kpê ŋumesɔŋ mkpê ntáŋ ya pó. Ntsʉʼ mbé, mə nsó kɛ́ʼɛ́ pe ŋgâ puŋ tséʼé ndzǔne. 35Zhâŋ kɛ pɛ njʉ́ lámbo wɛ́ pe nɛbɛ́, a yáŋa nɛ́. Puŋ kɛ kʉ́yé ŋgâ ndáŋne mé méré náʼá kiʼa wúŋ kpaʼ mɔ́ŋtii kaʼ, puŋ yébé, ntsʉʼmbé a pe kyáŋá pó. 36Ntsʉʼŋgɛmbɛ, taʼ mkpê ntáŋ po mbé ŋkyé ya, yɛ́ a ntsɛ́ɛ́ yé Zhâŋ nɛ́. A faʼ pɛ́ Tɛd ya tee ne mo ŋgâ mə faʼ nɛ́. Mə ndúŋú tsé faʼa. A kɛ pe pɔ́b kpéentáŋ ya, nyóʼó ŋgâ a twɔ́ Tɛd ntwɔ́ ya. 37Tɛd wɛ́ a twɔ́ ya nɛ́, tómbəb yé ké mbó mkpê ntáŋ ya. Ntsʉʼŋgɛmbɛ, puŋ kâ kɛ zóʼó ndzəb yé kii ŋgâ njʉ́ záŋ yé pó, 38nsó yé pó mbé pɛ́ ndzó ndzɔʼ yúŋ pó, ŋkyé ŋgâ puŋ tséʼé psyɛ́ndzɔʼ ŋkyé Ŋɔŋ wɛ́ a twɔ́ nɛ́ pó. 39Puŋ kpɛʼɛ ŋwéʼe Mboʼmvé ŋkyé ŋgâ puŋ kpaŋ ŋgâ puŋ ndáá ndúŋú ntsɛ́ʼɛ́ tsómvé ŋeŋáŋ. A tsʉʼ kpê ŋwéʼe yéré mkpě ntáŋ ya. 40Ŋgɛmbɛ ne puŋ, puŋ pó mbé zɔŋɔ ŋkʉ́yó ne mo ne ntséʼéne tsómvé ŋeŋáŋ pó. 41Mə́ tsé mbé nzwəʼɛ ŋgâ pumésɔŋ fɛ́ ŋgúʼune ne mo pó. 42Ntsʉʼmbé, mə ndzɛ wúŋ, puŋ tséʼé kəŋe Mboʼmvé ndzó ndzɔʼ yúŋ pó. 43Mə ŋkʉ́yó ne tíí Tɛd ya, puŋ kirɛ ne mbzyɛ́ne ya. A kʉ́yó cyó ŋɔŋ kʉ́yó ne yé tíí, mbǒ wéré ŋɔŋ, puŋ psyɛ́ wé. 44Puŋ pɛ́ pǔŋ taʼa ghɛ́ɛ́ wúŋ pé tsetsɛrɛ puŋ nɛ́, mbé tsé ntaʼa ghɛ́ɛ́ wɛ́ a twɔ̌ ndaʼ pwó Mboʼmvé nɛ́ pó, tɛɛmbɛ puŋ zhyɛ́ níŋ tséʼé psyɛ́ndzɔʼ mbəb mo? 45Puŋ ndɛ kpaŋ ŋgâ a mo mbé ŋɔŋ wɛ́ a kʉ́yó sɔ́bɔ́ wúŋ siŋ Tɛd nɛ́. A Mǔsê wɛ́ puŋ shʉ́rɛ nɛ́, mbé ŋɔŋ wɛ́ a kʉ́yó sɔ́bɔ́ wúŋ nɛ́. 46Ndaʼ ŋgâ, a ghɛmbɛ puŋ psyɛ́ meno pɛ Mǔsê kɛ nsó nɛ́, mbǒ puŋ ke mbzyɛ́ meno pɛ mé ntsɔ́ nɛ́. Ŋkyé ŋgâ meno pɛ a kɛ ŋwéʼe nɛ́, a kɛ ŋwɛʼɛ ŋkyé páá. 47A pɛ́ɛ́ yɛ́ puŋ psyɛ́ meno pɛ́ a ŋwéʼe nɛ́ pó, mbǒ pǔŋ ŋgyɛ́ níŋ mbzyɛ́ pɛ́ mə ntsɔ́ nɛ́?»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល