Zhâŋ 4
4
Taʼ məŋgʉ́yé Samari kʉ́yó mbɛ́rɛ́ Yěsô ntswee píínse
1Ŋkhoʼyɛ́ Yěsô kɛ zé ŋgâ pɛ Farízya kɛ zóʼ pe tsɔ́ ŋgâ a kɛ tséʼé ŋgíŋgye kaʼatɛ, mbó fɛ́ kpênse ne pɔ́b kaʼatɛ ntsɛ́ɛ́ Zhâŋ nɛ́, 2ntsʉʼŋgɛmbɛ néré, kɔʼ tómbəb Yěsô tsé mbé fɛ́ kpênse pó. A kɛ fɛ́ ŋgíŋgye pé. 3A ŋáá Zhʉdé, mbód ndzəb ndzó pɛ́rɛ́ ŋgɔŋ Galílya. 4A kɛ ghɛmbɛ mɛndɔ́b záʼá ndzó pɛ́rɛ́ ŋgɔŋ Samari. 5Yekénɛ́ pe nɛ́ njʉ́ a kɛ zhyɛ́ ŋkɔŋ mbɔ́rɔ́ mbáŋá ndzó taʼ mbɛ́lʉ́ŋ Samari yɛ́, pe kɛ fû ne Sikáá nɛ́. A kɛ ghɛmbɛ taŋa Sikáá yéré pé sáá pfúŋɔ́ ywoʼ tsetsáʼ yɛ́ Yakɔ́b kɛ fɛ́ pwó Mɔ́ŋ yé, Yesə́b nɛ́ pó. 6Kpaʼ ywoʼ yɛ́ taʼ píínse kɛ pɛ yóʼó, pe fú ne píínse Yakɔ́b nɛ́. A kɛ pe ywɔ̌ ntʉ̌ŋménab kɛ́ʼɛ́. Njʉ́ Yěsô kɛ ghɛmbɛ́ nyí kaʼatɛ ŋkáŋ nɛ́, a ghɔ́rɔ́ yé ne ŋgə́ píínse yéré.
7Taʼ məŋgʉ́yé Samari kʉ́yó ne ntôʼne nse. Yěsô tsɔ́ pwó yé ŋgâ: «Fɛ́ nse mə nɔ́!» 8A kɛ ghɛmbɛ ŋgíŋgye Yěsô ghú mbɛ́lʉ́ŋ ne ndzúŋne ywɔ̌zó. 9Ntsʉʼmbé, məŋgʉ́yé wéré wɛ́ a kɛ pé məŋgʉ́yé Samari nɛ́, tsɔ́ pwó yé ŋgâ: «Wo zhyɛ́ níŋ wo wɛ́ wo ŋɔŋ Yuda nɛ́, mbzirɛ́ nse ne mo? Mo, wɛ́ mə məŋgʉ́yé Samari nɛ́?» A kɛ tsɔ kɛ́ʼɛ́ ŋkyé ŋgâ, pɛ Yúda pwɛ pɛ Samari ndɛ mbé tɔ́bɔ no pó. 10Yěsô pɔ́rɔ́ pwó yé ŋgâ: «A ghɛmbɛ wo zɛ́ yɔ́b yɛ́ Mboʼmvé fɛ́ nɛ́, mbó ndzɛ ŋɔŋ wɛ́ a tsɔ́ pwó wo kɛ́ʼɛ́ ŋgâ: “Fɛ́ nse mə nɔ́” nɛ́, mbǒ a psírí wo mviri nse pwó yé, a fɛ́ nse wɛ́ a fɛ́ tsómvé nɛ́ pwó wo.» 11məŋgʉ́yé wéré tsɔ́ pwó yé ŋgâ: «Ntsɛɛpɔŋ, wo tséʼé mbɛ luŋgáá ŋkɔŋɔ pó, píínse pó see! Nse tsómvé wéré, tɛ́ wo njʉ́ pɛ́ɛ́? 12Wo, wo kɛ́ʼɛ́ mbé ŋɔŋ kəkwéʼe kaʼatɛ ntsɛ́ɛ́ tɛd ywí Yakɔb wɛ́ a kɛ tsú píínse wɔŋ fɛ́ ne psi, ŋkɔ́ʼɔ́ tómbəb yé pó nɔ́, pwɛ pɔŋ pe, pwɛ mwɔ̂paʼ pé nɛ́?» 13Yěsô pɔ́rɔ́ pwó yé ŋgâ: «Ntsye ŋɔŋ wɛ́ a nɔ́ nse wɔŋ nɛ́, ŋkʉ́yó mbɔ́rɔ́ ntsɛʼɛ́ ndzyě nse ŋkʉ́rʉ́ pó. 14Ntsʉʼmbé, ŋɔŋ wɛ́ a náʼá nɔ́ nse wɛ́ mə ŋkʉ́yó fɛ́ pwó yé nɛ́, naʼ mbó tséʼé ndzyě nse ŋkʉ́rʉ́ pó. Nse wéré wɛ́ mə náʼá fɛ pwó yé nɛ́, náʼá mbó ghɛmbɛ́ mbəb yé, mbɛ́ɛ́ taʼ sáʼá syé, wɛ́ a ŋkhú, fɛ tsómvé ŋeŋáŋ pwó yé nɛ́.» 15məŋgʉ́yé wéré tsɔ́ pwó yé ŋgâ: «Ntsɛɛpɔŋ, fɛ́ nse wéré ne mo, kɛ́ʼɛ́ ŋgâ mə naʼ mbé ke tséʼé ndzyê nse ŋkʉ́rʉ́ pó, kii pó tsɛʼɛ ne ŋkʉ́yóne ghaŋ ntoʼ nse ŋkʉ́rʉ́.» 16Yěsô tsɔ́ pwó yé ŋgâ: «Ghú, fú ndwɔ́ wo, puŋ yé kʉ́yó ghaŋ.» 17Məŋgʉ́yé wéré pɔ́rɔ́ pwó yé ŋgâ: «Mə tséʼé ndwɔ́ pó.» Yěsô tsɔ́ pwó yé ŋgâ: «Wo tsɔ́ɔ́ néré ŋgâ: “Mə tséʼé ndwɔ́ pó.” 18Wo kɛ tséʼé ndɔ́b pétáŋ. Mbɛ ŋumbzí wɛ́ puŋ yé tsó ŋkhoʼyɔŋ nɛ́, ndwɔ́ wo pó. A ne yéré, wo nsó no sísíŋ.» 19məŋgʉ́yé wéré tsɔ́ pwó yé ŋgâ: «Ntsɛɛpɔŋ, mə njʉ́ ŋgâ wo taʼ ŋgaŋatsɔ́kpaŋató Mboʼmvé. 20Tɛd psi kɛ ghuʼɔ Mboʼmvé ndúŋú ŋkəŋ yɔŋ. Ŋgɛmbɛ ne puŋ, pǔŋ kii tsɔ́ yuŋ pé ŋgâ ywoʼɔ́ ghuʼɔ Mboʼmvé pɛ́ɛ́ Yerʉ́salɛm.» 21Yěsô pɔ́rɔ́ pwó yé ŋgâ: «Mɛ́nde, psyɛ́ no yɛ́ mə tsɔ́ nɛ́! Ŋkhoʼ tsé kʉ́yó yɛ́, puŋ ŋguʼɔ Mboʼmvé, yé wɛ́ a Tɛd nɛ́, pe ndúŋú ŋkəŋ yɔŋ kii ŋgâ a Yerʉ́salɛm nɛ́ pó. 22Puŋ ghuʼɔ Mboʼmvé kii zɛ́ no yɛ́ puŋ zhyɛ́ nɛ́. Ŋgɛmbɛ ne psi, psi ghɛ́ ŋguʼɔ́, ndzɛ nó yɛ́ psi zhyɛ́ nɛ́! ŋkyé ŋgâ Mboʼmvé ndzáʼá mbəb pɛ Yúda mkpê pɔŋ. 23Ntsʉʼmbé, ŋkhoʼmvé tsé ŋkʉ́yó, a kɛ kuʼu seb, yɛ́ pɛ ndáá ghaŋághuʼɔ Tɛd, ŋgɛ́ ŋgúʼɔ wé, a tsyaŋa Zhʉye yáŋme pwɛ no sísíŋ tsyaŋa wɔ́b. Yekénɛ́ ghaŋá nɛ́ mbé kpaʼ ghaŋághúʼɔ́ Mboʼmvé pɛ́ a taʼa nɛ́, yé wɛ́ a Tɛd nɛ́ 24Mboʼmvé pɛ́ɛ́ Zhʉye. A zhyɛ́ yéré, a zɔŋɔ ŋgâ pɔŋ pɛ pɔ́b ghúʼɔ wé nɛ́, ghɛ́ ŋguʼɔ wé, a tsyaŋa Zhʉye yáŋme pwɛ no sísíŋ tsyáŋa wɔ́b.» 25məŋgʉ́yé wéré tsɔ́ pwó yé ŋgâ: «Mə ndzé ŋgâ taʼ kristo náʼá ŋkʉ́yó, ŋɔŋ wɛ́ Mboʼmvé tsɔ́ʼɔ́ wé mbó núʼɔ́ wé nɛ́. Ŋkhoʼyɛ́ a náʼá ŋkʉ́yó nɛ́, a keʼ ŋkɔŋɔ meno náá ne psi.» 26Yěsô pɔ́rɔ́ pwó yé ŋgâ: «A mo nɛ́, mo wɔŋ wɛ́ mə ntsɔ́ pwó wo kaʼa nɛ́.»
27Pɔ́b kɛ tsé ntsɔ́ néré kɛ́ʼɛ́, ŋgíŋgye pe pɛ́ khú. No tsɛ́ɛ́ wɔ́b njʉ́ Yěsô kɛ tsé ntsɔ́ pú taʼ məŋgʉ́yé nɛ́. Ŋgɛmbɛ néré, ndii ŋɔŋ pe mwɔ́ ntsɔ́ pwó yé ŋgâ: «Wo táʼá kɔ́?» kii ŋgâ: «Wo tsɔ́ no pwó yé ŋkyé kɔ́?» pó. 28Néré, məŋgʉ́yé wéré tee ywóʼnse yé yóʼó, ŋgú mbɛ́lʉ́ŋ ntsɔ́ pwó pɔŋ ŋgâ: 29«Puŋ kʉ́yó nɛ́ njʉ́ taʼ ŋɔŋ wɛ́ a səŋɛ ya ne ŋkɔŋɔ meno pɛ mə kɛ zhyɛ́ náá nɛ́. A kɛ́ʼɛ́ mbé pe yé mbé Kristo pɔɔ?» 30Pɔŋ twɔ́ mbɛ́lʉ́ŋ ŋgú pfúŋɔ́ Yěsô. 31A kɛ ghɛ́ mbɛ néré, ŋgíŋgye Yěsô tsé ntsiŋɛ wé ŋgâ: «Rábi, zó nɛ́ mɔ́b?» 32Ntsʉʼmbé a tsɔ́ ne pɔ́b ŋgâ: «Mə tséʼé taʼ ywɔ̂zó yɛ́ mə ndzɔ̂ nɛ́ ntsʉʼmbé puŋ pe zé pó.» 33ŋgíŋgye pe yáá ndúŋú ntsɔ́ tsetsɛrɛ pɔ́b ŋgâ: «A kɛ́ʼɛ́ fɛ́ ŋɔŋ fɛ́ ywɔ̂zó pwó yé, kii kɔ́?» 34Yěsô tsɔ́ ne pɔ́b ŋgâ: «Mwɔ̌zó páá, a ŋgyɛ̌ne no yɛ́ ŋɔŋ wɛ́ a twɔ́ ya nɛ́, zɔŋɔ nɛ́, pwɛ měne faʼ yé. 35A ndɛ mbé tsɔ́ puŋ ne tómbəb yúŋ ŋgâ: “A tsʉʼ pénab pékwa pé káb mɔ́b” pɔɔ? Ntsʉ́ʼ ŋgɛmbɛ ne mo, mə tsɔ́ ne puŋ ŋgâ: Puŋ púʼú míí múŋ ndíŋí, mɔ́b kɛ zwɔ́ nɛ́ náá ne ŋkábne! 36Ŋgaŋa kábámɔ́b tséʼé tsɔʼɔfaʼ yé. A ndɛ́rɛ́ mɔ́b pɛ́ a káb nɛ́, ŋgʉ́ʼɔ́ ne tsómvé ŋeŋáŋ nɛ́. Kaʼatɛ ŋɔŋ wɛ́ a pfe nɛ́ pú ŋɔŋ wɛ́ a kábá nɛ́, kpáʼá náá mbɛ ndzɔ́ʼɔ́ ndebéne. 37Ŋkyé ŋgâ ŋkəʼɛnsó yɔŋ ntsɔ̂ sísíŋ. A pɛ́ɛ́ ŋgâ: “Cyó ŋɔŋ pfɛ, cyó ŋɔŋ kábá”. 38Mə kɛ twɔ́ wúŋ puŋ ghú ŋkáb mɔ́b pɛ́ puŋ zhʉ́ cyó ŋgəʼo ndúŋú nɛ́ pó. Ŋkyé ŋgâ Pecyó pɔŋ kɛ zhʉ́ ŋgəʼo, puŋ pó kúŋɔ́ yúŋ ndzɔ́ʼɔ́ mɔ́b pɛ́ pɔ́b kɛ njʉ́ ŋgəʼo ndúŋú kaʼatɛ nɛ́.» 39Pǔsamari zááme pɛ́ pɔ́b kɛ pɛ mbɛ́lʉ́ŋ yéré nɛ́, kɛ psyɛ́ Yěsô, ŋkyé nsó məŋgʉ́yé wéré wɛ́ a kɛ tsɔ́ nɛ́. A kɛ tsɔ́ɔ́ ŋgâ: «A nsó ŋkɔŋɔ meno pɛ mə ŋgyɛ́ náá nɛ́ ne mo.» 40Néré kɛ́ʼɛ́, ŋkhoʼyɛ́ pɛ samari péré kɛ nyí mbáŋá pfúŋɔ́ Yěsô nɛ́, pɔ́b mbóʼmbwó pwó yé kaʼatɛ ŋgâ pwɛ pɔ́b tsʉ́ʼ. Pwɛ pɔ́b zhyɛ́ zhyémve pépáá. 41Pɔŋ pɛ́ pɔ́b kɛ pó ndáá ndúŋú kpaʼ kɔʼ nsó yé, tséʼé psyɛ́ndzɔʼ nɛ́, kɛ pó nzáá kaʼatɛ ŋgaʼ. 42Pɔ́b kɛ po ntsɔ́ pwó məŋgʉ́yé wéré pé ŋgâ: «A ke mbé zhyɛ́ ndaʼ meno pɛ wo nsó nɛ́, psi tséʼé psyɛ́ndzɔʼ pó. Kpaʼ tómbəb zhí, psi zóʼ, mbó ndzé ŋkhoʼyɔŋ ŋgâ a gháŋ mbé yé sísíŋ mbé Ŋgaŋakpê pɔŋ.»
Zhʉbɛ́ kiŋi yípáá yɛ́ Yěsô kɛ zhyɛ́ Kana nɛ́
(Mat 8:5-13; Lúk 7:1-10)
43Njʉ́ zhyémve pépáá péré kɛ záʼ nɛ́, Yěsô ŋáá yóʼó, ŋgú Galílya. 44Ŋkɔʼɔtómbəb yé kɛ ghaŋá mbzyɛ́ ŋgâ fwó ndɛ mbé zî ndáb pó. 45Ntsʉʼmbé, ŋkhoʼyɛ́ a kɛ paŋa Galílya nɛ́, pɔŋ Galílya ghəhɛ́ wé kpaʼ sʉ́ʼʉ. A kɛ ghɛmbɛ ŋkɔʼɔtómbəb yɔ́b ke ŋgú yɔ́b Yerʉ́salɛm ne ndebéne Pasəka. Pɔ́b kɛ pɛ́ yóʼó, njʉ́ ŋkɔŋɔ meno pɛ Yěsô kɛ zhyɛ́ náá nɛ́.
46Yěsô pó mbód ndzəb ŋkʉ́rʉ́ Kana ndzó pɛ́rɛ́ ŋgɔŋ Galílya, ndzó ywoʼ yɛ́ a kɛ séd nse a tsʉʼ yoʼ nɛ́. Taʼ ntsɛ́ssó ŋgaŋafaʼ fɔŋ Erodə pɛ yóʼó, Mɔ́ŋ yé tsé ŋgɔ́ŋɔ ndzó mbɛ́lʉ́ŋ Kapɛɛnawum. 47Ŋkhoʼyɛ́ a kɛ zóʼ ŋgâ Yěsô kɛ ŋǎ ndzó ŋgɔŋ Zhʉde tsé ŋkʉyó Galílya nɛ́, a ghú njʉ́ wé, mbóʼmbwó pwó yé ŋgâ a pfíŋí mbɛ́d ghɔŋɔ Mɔ́ŋ yé wɛ́, a kɛ ntsɛ́ɛ́ mésɔ vó nɛ́. 48Yěsô tsɔ́ pwó yé ŋgâ: «A ghɛ́ mbɛ puŋ pé zhʉ́ pɛ kiŋi pwɛ shʉrɛ́meno pó, mbǒ puŋ naʼ mbé tséʼé psyɛ́ndzɔʼ pó!» 49Ntsɛ́ssó ŋgaŋafaʼ wéré tsɔ́ pwó Yěsô ŋgâ: «Ntsɛɛpɔŋ, mə mbóʼómbwó pfíŋí zǎŋazâŋa yóʼó mo, Mɔ́ŋ ya ghɛ́ pfɔ́.» 50Yěsô tsɔ́ pwó yé ŋgâ: «Ghú, Mɔ́ŋ wo sʉ́ʼʉ!» Ŋɔŋ wéré psyɛ́ nsó wɛ́ Yěsô kɛ tsɔ́ pwó nɛ́ ne taʼ ndzɔʼ, ŋgú. 51Ŋkhoʼyɛ́ a kɛ tsé pfíŋɛ ywoʼ yé nɛ́, ghaŋáfaʼ pé kʉ́yó tsɔ́ pwó yé ŋgâ: «Mɔ́ŋ wo sʉ́ʼʉ!» 52A psirɛ́ wɔ́b ŋgâ: «Mbəb yé yɔŋ naʼ ŋkwéʼé kaʼa pé féré ŋkhoʼ kɔ́?» Pɔ́b pód ŋgâ: «Ghɔŋɔfóó myé mbəb yé pé nǐmwɔ́ ne nab yimɔʼɔ.» 53Tɛd yé zóʼ nɛ́ ŋgâ a kpaʼ ŋkhoʼ yɛ́ Yěsô kɛ tsɔ́ pwó yé ŋgâ: «Mɔ́ŋ wo sʉ́ʼʉ!» nɛ́. Ndzyěne néré, a tséʼé psyɛ́ndzɔʼ pwɛ ŋkɔŋɔ ghaŋándáb pé náá. 54Yɔŋ zhʉbɛ́ kiŋi yípáá yɛ́ nɛ́, Yěsô kɛ zhyɛ́ Kana, ŋkhoʼyɛ́ a kɛ ŋáá Zhʉde mbód ndzəb Galílya nɛ́.
ទើបបានជ្រើសរើសហើយ៖
Zhâŋ 4: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Zhâŋ 4
4
Taʼ məŋgʉ́yé Samari kʉ́yó mbɛ́rɛ́ Yěsô ntswee píínse
1Ŋkhoʼyɛ́ Yěsô kɛ zé ŋgâ pɛ Farízya kɛ zóʼ pe tsɔ́ ŋgâ a kɛ tséʼé ŋgíŋgye kaʼatɛ, mbó fɛ́ kpênse ne pɔ́b kaʼatɛ ntsɛ́ɛ́ Zhâŋ nɛ́, 2ntsʉʼŋgɛmbɛ néré, kɔʼ tómbəb Yěsô tsé mbé fɛ́ kpênse pó. A kɛ fɛ́ ŋgíŋgye pé. 3A ŋáá Zhʉdé, mbód ndzəb ndzó pɛ́rɛ́ ŋgɔŋ Galílya. 4A kɛ ghɛmbɛ mɛndɔ́b záʼá ndzó pɛ́rɛ́ ŋgɔŋ Samari. 5Yekénɛ́ pe nɛ́ njʉ́ a kɛ zhyɛ́ ŋkɔŋ mbɔ́rɔ́ mbáŋá ndzó taʼ mbɛ́lʉ́ŋ Samari yɛ́, pe kɛ fû ne Sikáá nɛ́. A kɛ ghɛmbɛ taŋa Sikáá yéré pé sáá pfúŋɔ́ ywoʼ tsetsáʼ yɛ́ Yakɔ́b kɛ fɛ́ pwó Mɔ́ŋ yé, Yesə́b nɛ́ pó. 6Kpaʼ ywoʼ yɛ́ taʼ píínse kɛ pɛ yóʼó, pe fú ne píínse Yakɔ́b nɛ́. A kɛ pe ywɔ̌ ntʉ̌ŋménab kɛ́ʼɛ́. Njʉ́ Yěsô kɛ ghɛmbɛ́ nyí kaʼatɛ ŋkáŋ nɛ́, a ghɔ́rɔ́ yé ne ŋgə́ píínse yéré.
7Taʼ məŋgʉ́yé Samari kʉ́yó ne ntôʼne nse. Yěsô tsɔ́ pwó yé ŋgâ: «Fɛ́ nse mə nɔ́!» 8A kɛ ghɛmbɛ ŋgíŋgye Yěsô ghú mbɛ́lʉ́ŋ ne ndzúŋne ywɔ̌zó. 9Ntsʉʼmbé, məŋgʉ́yé wéré wɛ́ a kɛ pé məŋgʉ́yé Samari nɛ́, tsɔ́ pwó yé ŋgâ: «Wo zhyɛ́ níŋ wo wɛ́ wo ŋɔŋ Yuda nɛ́, mbzirɛ́ nse ne mo? Mo, wɛ́ mə məŋgʉ́yé Samari nɛ́?» A kɛ tsɔ kɛ́ʼɛ́ ŋkyé ŋgâ, pɛ Yúda pwɛ pɛ Samari ndɛ mbé tɔ́bɔ no pó. 10Yěsô pɔ́rɔ́ pwó yé ŋgâ: «A ghɛmbɛ wo zɛ́ yɔ́b yɛ́ Mboʼmvé fɛ́ nɛ́, mbó ndzɛ ŋɔŋ wɛ́ a tsɔ́ pwó wo kɛ́ʼɛ́ ŋgâ: “Fɛ́ nse mə nɔ́” nɛ́, mbǒ a psírí wo mviri nse pwó yé, a fɛ́ nse wɛ́ a fɛ́ tsómvé nɛ́ pwó wo.» 11məŋgʉ́yé wéré tsɔ́ pwó yé ŋgâ: «Ntsɛɛpɔŋ, wo tséʼé mbɛ luŋgáá ŋkɔŋɔ pó, píínse pó see! Nse tsómvé wéré, tɛ́ wo njʉ́ pɛ́ɛ́? 12Wo, wo kɛ́ʼɛ́ mbé ŋɔŋ kəkwéʼe kaʼatɛ ntsɛ́ɛ́ tɛd ywí Yakɔb wɛ́ a kɛ tsú píínse wɔŋ fɛ́ ne psi, ŋkɔ́ʼɔ́ tómbəb yé pó nɔ́, pwɛ pɔŋ pe, pwɛ mwɔ̂paʼ pé nɛ́?» 13Yěsô pɔ́rɔ́ pwó yé ŋgâ: «Ntsye ŋɔŋ wɛ́ a nɔ́ nse wɔŋ nɛ́, ŋkʉ́yó mbɔ́rɔ́ ntsɛʼɛ́ ndzyě nse ŋkʉ́rʉ́ pó. 14Ntsʉʼmbé, ŋɔŋ wɛ́ a náʼá nɔ́ nse wɛ́ mə ŋkʉ́yó fɛ́ pwó yé nɛ́, naʼ mbó tséʼé ndzyě nse ŋkʉ́rʉ́ pó. Nse wéré wɛ́ mə náʼá fɛ pwó yé nɛ́, náʼá mbó ghɛmbɛ́ mbəb yé, mbɛ́ɛ́ taʼ sáʼá syé, wɛ́ a ŋkhú, fɛ tsómvé ŋeŋáŋ pwó yé nɛ́.» 15məŋgʉ́yé wéré tsɔ́ pwó yé ŋgâ: «Ntsɛɛpɔŋ, fɛ́ nse wéré ne mo, kɛ́ʼɛ́ ŋgâ mə naʼ mbé ke tséʼé ndzyê nse ŋkʉ́rʉ́ pó, kii pó tsɛʼɛ ne ŋkʉ́yóne ghaŋ ntoʼ nse ŋkʉ́rʉ́.» 16Yěsô tsɔ́ pwó yé ŋgâ: «Ghú, fú ndwɔ́ wo, puŋ yé kʉ́yó ghaŋ.» 17Məŋgʉ́yé wéré pɔ́rɔ́ pwó yé ŋgâ: «Mə tséʼé ndwɔ́ pó.» Yěsô tsɔ́ pwó yé ŋgâ: «Wo tsɔ́ɔ́ néré ŋgâ: “Mə tséʼé ndwɔ́ pó.” 18Wo kɛ tséʼé ndɔ́b pétáŋ. Mbɛ ŋumbzí wɛ́ puŋ yé tsó ŋkhoʼyɔŋ nɛ́, ndwɔ́ wo pó. A ne yéré, wo nsó no sísíŋ.» 19məŋgʉ́yé wéré tsɔ́ pwó yé ŋgâ: «Ntsɛɛpɔŋ, mə njʉ́ ŋgâ wo taʼ ŋgaŋatsɔ́kpaŋató Mboʼmvé. 20Tɛd psi kɛ ghuʼɔ Mboʼmvé ndúŋú ŋkəŋ yɔŋ. Ŋgɛmbɛ ne puŋ, pǔŋ kii tsɔ́ yuŋ pé ŋgâ ywoʼɔ́ ghuʼɔ Mboʼmvé pɛ́ɛ́ Yerʉ́salɛm.» 21Yěsô pɔ́rɔ́ pwó yé ŋgâ: «Mɛ́nde, psyɛ́ no yɛ́ mə tsɔ́ nɛ́! Ŋkhoʼ tsé kʉ́yó yɛ́, puŋ ŋguʼɔ Mboʼmvé, yé wɛ́ a Tɛd nɛ́, pe ndúŋú ŋkəŋ yɔŋ kii ŋgâ a Yerʉ́salɛm nɛ́ pó. 22Puŋ ghuʼɔ Mboʼmvé kii zɛ́ no yɛ́ puŋ zhyɛ́ nɛ́. Ŋgɛmbɛ ne psi, psi ghɛ́ ŋguʼɔ́, ndzɛ nó yɛ́ psi zhyɛ́ nɛ́! ŋkyé ŋgâ Mboʼmvé ndzáʼá mbəb pɛ Yúda mkpê pɔŋ. 23Ntsʉʼmbé, ŋkhoʼmvé tsé ŋkʉ́yó, a kɛ kuʼu seb, yɛ́ pɛ ndáá ghaŋághuʼɔ Tɛd, ŋgɛ́ ŋgúʼɔ wé, a tsyaŋa Zhʉye yáŋme pwɛ no sísíŋ tsyaŋa wɔ́b. Yekénɛ́ ghaŋá nɛ́ mbé kpaʼ ghaŋághúʼɔ́ Mboʼmvé pɛ́ a taʼa nɛ́, yé wɛ́ a Tɛd nɛ́ 24Mboʼmvé pɛ́ɛ́ Zhʉye. A zhyɛ́ yéré, a zɔŋɔ ŋgâ pɔŋ pɛ pɔ́b ghúʼɔ wé nɛ́, ghɛ́ ŋguʼɔ wé, a tsyaŋa Zhʉye yáŋme pwɛ no sísíŋ tsyáŋa wɔ́b.» 25məŋgʉ́yé wéré tsɔ́ pwó yé ŋgâ: «Mə ndzé ŋgâ taʼ kristo náʼá ŋkʉ́yó, ŋɔŋ wɛ́ Mboʼmvé tsɔ́ʼɔ́ wé mbó núʼɔ́ wé nɛ́. Ŋkhoʼyɛ́ a náʼá ŋkʉ́yó nɛ́, a keʼ ŋkɔŋɔ meno náá ne psi.» 26Yěsô pɔ́rɔ́ pwó yé ŋgâ: «A mo nɛ́, mo wɔŋ wɛ́ mə ntsɔ́ pwó wo kaʼa nɛ́.»
27Pɔ́b kɛ tsé ntsɔ́ néré kɛ́ʼɛ́, ŋgíŋgye pe pɛ́ khú. No tsɛ́ɛ́ wɔ́b njʉ́ Yěsô kɛ tsé ntsɔ́ pú taʼ məŋgʉ́yé nɛ́. Ŋgɛmbɛ néré, ndii ŋɔŋ pe mwɔ́ ntsɔ́ pwó yé ŋgâ: «Wo táʼá kɔ́?» kii ŋgâ: «Wo tsɔ́ no pwó yé ŋkyé kɔ́?» pó. 28Néré, məŋgʉ́yé wéré tee ywóʼnse yé yóʼó, ŋgú mbɛ́lʉ́ŋ ntsɔ́ pwó pɔŋ ŋgâ: 29«Puŋ kʉ́yó nɛ́ njʉ́ taʼ ŋɔŋ wɛ́ a səŋɛ ya ne ŋkɔŋɔ meno pɛ mə kɛ zhyɛ́ náá nɛ́. A kɛ́ʼɛ́ mbé pe yé mbé Kristo pɔɔ?» 30Pɔŋ twɔ́ mbɛ́lʉ́ŋ ŋgú pfúŋɔ́ Yěsô. 31A kɛ ghɛ́ mbɛ néré, ŋgíŋgye Yěsô tsé ntsiŋɛ wé ŋgâ: «Rábi, zó nɛ́ mɔ́b?» 32Ntsʉʼmbé a tsɔ́ ne pɔ́b ŋgâ: «Mə tséʼé taʼ ywɔ̂zó yɛ́ mə ndzɔ̂ nɛ́ ntsʉʼmbé puŋ pe zé pó.» 33ŋgíŋgye pe yáá ndúŋú ntsɔ́ tsetsɛrɛ pɔ́b ŋgâ: «A kɛ́ʼɛ́ fɛ́ ŋɔŋ fɛ́ ywɔ̂zó pwó yé, kii kɔ́?» 34Yěsô tsɔ́ ne pɔ́b ŋgâ: «Mwɔ̌zó páá, a ŋgyɛ̌ne no yɛ́ ŋɔŋ wɛ́ a twɔ́ ya nɛ́, zɔŋɔ nɛ́, pwɛ měne faʼ yé. 35A ndɛ mbé tsɔ́ puŋ ne tómbəb yúŋ ŋgâ: “A tsʉʼ pénab pékwa pé káb mɔ́b” pɔɔ? Ntsʉ́ʼ ŋgɛmbɛ ne mo, mə tsɔ́ ne puŋ ŋgâ: Puŋ púʼú míí múŋ ndíŋí, mɔ́b kɛ zwɔ́ nɛ́ náá ne ŋkábne! 36Ŋgaŋa kábámɔ́b tséʼé tsɔʼɔfaʼ yé. A ndɛ́rɛ́ mɔ́b pɛ́ a káb nɛ́, ŋgʉ́ʼɔ́ ne tsómvé ŋeŋáŋ nɛ́. Kaʼatɛ ŋɔŋ wɛ́ a pfe nɛ́ pú ŋɔŋ wɛ́ a kábá nɛ́, kpáʼá náá mbɛ ndzɔ́ʼɔ́ ndebéne. 37Ŋkyé ŋgâ ŋkəʼɛnsó yɔŋ ntsɔ̂ sísíŋ. A pɛ́ɛ́ ŋgâ: “Cyó ŋɔŋ pfɛ, cyó ŋɔŋ kábá”. 38Mə kɛ twɔ́ wúŋ puŋ ghú ŋkáb mɔ́b pɛ́ puŋ zhʉ́ cyó ŋgəʼo ndúŋú nɛ́ pó. Ŋkyé ŋgâ Pecyó pɔŋ kɛ zhʉ́ ŋgəʼo, puŋ pó kúŋɔ́ yúŋ ndzɔ́ʼɔ́ mɔ́b pɛ́ pɔ́b kɛ njʉ́ ŋgəʼo ndúŋú kaʼatɛ nɛ́.» 39Pǔsamari zááme pɛ́ pɔ́b kɛ pɛ mbɛ́lʉ́ŋ yéré nɛ́, kɛ psyɛ́ Yěsô, ŋkyé nsó məŋgʉ́yé wéré wɛ́ a kɛ tsɔ́ nɛ́. A kɛ tsɔ́ɔ́ ŋgâ: «A nsó ŋkɔŋɔ meno pɛ mə ŋgyɛ́ náá nɛ́ ne mo.» 40Néré kɛ́ʼɛ́, ŋkhoʼyɛ́ pɛ samari péré kɛ nyí mbáŋá pfúŋɔ́ Yěsô nɛ́, pɔ́b mbóʼmbwó pwó yé kaʼatɛ ŋgâ pwɛ pɔ́b tsʉ́ʼ. Pwɛ pɔ́b zhyɛ́ zhyémve pépáá. 41Pɔŋ pɛ́ pɔ́b kɛ pó ndáá ndúŋú kpaʼ kɔʼ nsó yé, tséʼé psyɛ́ndzɔʼ nɛ́, kɛ pó nzáá kaʼatɛ ŋgaʼ. 42Pɔ́b kɛ po ntsɔ́ pwó məŋgʉ́yé wéré pé ŋgâ: «A ke mbé zhyɛ́ ndaʼ meno pɛ wo nsó nɛ́, psi tséʼé psyɛ́ndzɔʼ pó. Kpaʼ tómbəb zhí, psi zóʼ, mbó ndzé ŋkhoʼyɔŋ ŋgâ a gháŋ mbé yé sísíŋ mbé Ŋgaŋakpê pɔŋ.»
Zhʉbɛ́ kiŋi yípáá yɛ́ Yěsô kɛ zhyɛ́ Kana nɛ́
(Mat 8:5-13; Lúk 7:1-10)
43Njʉ́ zhyémve pépáá péré kɛ záʼ nɛ́, Yěsô ŋáá yóʼó, ŋgú Galílya. 44Ŋkɔʼɔtómbəb yé kɛ ghaŋá mbzyɛ́ ŋgâ fwó ndɛ mbé zî ndáb pó. 45Ntsʉʼmbé, ŋkhoʼyɛ́ a kɛ paŋa Galílya nɛ́, pɔŋ Galílya ghəhɛ́ wé kpaʼ sʉ́ʼʉ. A kɛ ghɛmbɛ ŋkɔʼɔtómbəb yɔ́b ke ŋgú yɔ́b Yerʉ́salɛm ne ndebéne Pasəka. Pɔ́b kɛ pɛ́ yóʼó, njʉ́ ŋkɔŋɔ meno pɛ Yěsô kɛ zhyɛ́ náá nɛ́.
46Yěsô pó mbód ndzəb ŋkʉ́rʉ́ Kana ndzó pɛ́rɛ́ ŋgɔŋ Galílya, ndzó ywoʼ yɛ́ a kɛ séd nse a tsʉʼ yoʼ nɛ́. Taʼ ntsɛ́ssó ŋgaŋafaʼ fɔŋ Erodə pɛ yóʼó, Mɔ́ŋ yé tsé ŋgɔ́ŋɔ ndzó mbɛ́lʉ́ŋ Kapɛɛnawum. 47Ŋkhoʼyɛ́ a kɛ zóʼ ŋgâ Yěsô kɛ ŋǎ ndzó ŋgɔŋ Zhʉde tsé ŋkʉyó Galílya nɛ́, a ghú njʉ́ wé, mbóʼmbwó pwó yé ŋgâ a pfíŋí mbɛ́d ghɔŋɔ Mɔ́ŋ yé wɛ́, a kɛ ntsɛ́ɛ́ mésɔ vó nɛ́. 48Yěsô tsɔ́ pwó yé ŋgâ: «A ghɛ́ mbɛ puŋ pé zhʉ́ pɛ kiŋi pwɛ shʉrɛ́meno pó, mbǒ puŋ naʼ mbé tséʼé psyɛ́ndzɔʼ pó!» 49Ntsɛ́ssó ŋgaŋafaʼ wéré tsɔ́ pwó Yěsô ŋgâ: «Ntsɛɛpɔŋ, mə mbóʼómbwó pfíŋí zǎŋazâŋa yóʼó mo, Mɔ́ŋ ya ghɛ́ pfɔ́.» 50Yěsô tsɔ́ pwó yé ŋgâ: «Ghú, Mɔ́ŋ wo sʉ́ʼʉ!» Ŋɔŋ wéré psyɛ́ nsó wɛ́ Yěsô kɛ tsɔ́ pwó nɛ́ ne taʼ ndzɔʼ, ŋgú. 51Ŋkhoʼyɛ́ a kɛ tsé pfíŋɛ ywoʼ yé nɛ́, ghaŋáfaʼ pé kʉ́yó tsɔ́ pwó yé ŋgâ: «Mɔ́ŋ wo sʉ́ʼʉ!» 52A psirɛ́ wɔ́b ŋgâ: «Mbəb yé yɔŋ naʼ ŋkwéʼé kaʼa pé féré ŋkhoʼ kɔ́?» Pɔ́b pód ŋgâ: «Ghɔŋɔfóó myé mbəb yé pé nǐmwɔ́ ne nab yimɔʼɔ.» 53Tɛd yé zóʼ nɛ́ ŋgâ a kpaʼ ŋkhoʼ yɛ́ Yěsô kɛ tsɔ́ pwó yé ŋgâ: «Mɔ́ŋ wo sʉ́ʼʉ!» nɛ́. Ndzyěne néré, a tséʼé psyɛ́ndzɔʼ pwɛ ŋkɔŋɔ ghaŋándáb pé náá. 54Yɔŋ zhʉbɛ́ kiŋi yípáá yɛ́ nɛ́, Yěsô kɛ zhyɛ́ Kana, ŋkhoʼyɛ́ a kɛ ŋáá Zhʉde mbód ndzəb Galílya nɛ́.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល