Faʼ Ghaŋántɔ́b Tónsó ŋweʼe Faʼ Ghaŋátɔ́b
Tónsó ŋweʼe Faʼ Ghaŋátɔ́b
Meno pɛ́ a ndzó ŋweʼe Faʼ Ghaŋátɔ́b nɛ́, a meno pɛ́ ŋgíŋgye Yěsô kɛ cʉ́ʼɔ́ ndzəb ŋgyɛ́, féré njʉ́ a kɛ kɔ́ʼɔ́ pépéé nɛ́. Ŋkyé ŋgâ ndzyěne néré kaʼatɛ mbáŋa ne zhyémve yɛ́ a náʼá mbɔ́rɔ́ ndzəb nɛ́, ghaŋá psyɛ́ndzɔʼ mbó tsé njʉ́ wé ŋkʉ́rʉ́ pó. Mbɛ njʉ́ a yóʼó ŋkʉ́rʉ́ nɛ́ pó, a zɔŋɔ ŋgâ pɔ́b tsuŋu ŋkɔŋɔ meno pɛ́ a kɛ nsó náá ne pɔ́b mbɔ́rɔ́ ŋgú nɛ́. No yéré pɛ́ɛ́ ŋgâ: puŋ ŋgú ndzó ŋkɔŋɔ mbǎʼmvé náá ncʉ́ri Ŋkəŋ Sʉ́ʼʉ. A ndzó ŋweʼe Faʼ Ghaŋátɔ́b yɔŋ, tíí pɔŋ pépáá ssó ndúŋú faʼ yéré: Pětro wɛ́ a kɛ záá cʉ́rí Ŋkəŋ pe pwó pɛ Yúda nɛ́, pú Pɔ́lə wɛ́ a kɛ záá ye ncʉrɛ́ pwó mvémvé pɛ́ pɔ́b kɛ pó mbé pé pɛ Yúda nɛ́ pó. Ŋkhoʼyɛ́ pe fû Ŋweʼe Faʼ Ghaŋátɔ́b, pe zóʼó ndzó njʉ́ pɔŋ tee yɔ́b ŋkɔŋɔ no náá pé ndzó mbwó Yěsô Kristo, tsɛ́ʼɛ́ gbǎndzɔʼ pwɛ shʉ̌ndzɔʼ ne no ye nɛ́, mbó mbé tsé mbɔɔ cyó yɔ́b ŋkʉ́rʉ́ pó, mbɛ vó A ghɛmbɛ yéré psyɛ́ndzɔʼ pwɛ gbǎndzɔʼ pwɛ shʉ̌ndzɔʼ pe néré ndzebé ndúŋú tsetsáʼ pwó pǔkristo, mbǒ a pú.
A kɛ ŋweʼe wɔ̂ ŋweʼé Ŋweʼe Faʼ Ghaŋátɔ́b yɔŋ?
Ŋkhoʼyɛ́ pe cʉ̌yi ndíŋi Ŋkəŋ sʉ́ʼʉ Lúkaasə pú ŋweʼe Faʼ Ghaŋátɔ́b yɔŋ nɛ́, pé zhʉ́ ŋgâ pɔŋ meno naʼ fwɛ̌ ndzóó kaʼatɛ. A pe néré kɛ́ʼɛ́ ŋkyé ŋgâ a ŋweʼé taʼ ŋɔŋ ŋwéʼé Ŋkəŋ Sʉ́ʼʉ Lúkaasə pú Ŋweʼe Faʼ Ghaŋátɔ́b yɔŋ. A kɛ ŋwɛʼɛ ne ywɔ̌ ŋgǒʼmvé ghúbméntóó ne yíkyéd kɛ́ʼɛ́, kii ŋgâ ne ywɔ̌ ŋgoʼmve ghúbmésambáá kɛ́ʼɛ́.
A kɛ ŋweʼɛ pwó wɔ̂? A kɛ ŋweʼe ŋkyé kɔ́?
Ntsʉ́ŋtsʉ́ŋ njʉ́ Ŋkəŋ sʉ́ʼʉ nɛ́, Lúkaasə twɔ́ ŋweʼe ye pé pwó cyó taʼ Tyofilə. Mbɛ néré, Lúkaasə ghaŋásyé ndzɔŋɔ nyóʼó pwó ŋkɔŋɔ pɔŋ náá, mbziʼe njʉ́ ntʉ́ʉ́ yɛ́ Yěsô kɛ tee ŋgɛ́ ŋgú nɛ́, kɛ zhyɛ́ ŋkɔ́ŋ mbɔ́rɔ́ gbáʼá ndzó ŋkɔŋɔ ywoʼ náá, Ndzyěne Yerʉ́salɛm pwɛ pɛ́rɛ́ ŋgɔŋ Zhʉde nɛ́.
Pé tsɔ̌ ŋgâ kɔ́ ndzó Ŋweʼe Faʼ Ghaŋátɔ́b?
Ŋweʼe Faʼ Ghaŋátɔ́b zyě njʉ́ Yěsô kɛ kɔ́ʼɔ́ pépéé, Zhʉye Yáŋme shʉyí mbəb ŋgíŋgye pé ne zhyémve Paŋtəkotə, ŋgɛmbɛ pɔ́b tɛ́rɛ́ Yerʉ́salɛm nɛ́. A kɛ fɛ́ Zhʉye Yáŋme wéré fɛ́ tʉ̌ŋ ne pɔ́b, pɔ́b cʉ́rɛ no Yěsô núŋ, mbɛ́rɛ ghɔŋ pɔŋ núŋ, mbó ŋgyɛ́ pɛ shʉrɛ́meno núŋ tsetsɛrɛ pɛ Yúda pwɛ mvémvé. A Zhʉye Yáŋme wéré tsɛ́ ssó ndúŋú tsɔ́ʼɔ pɛ yaʼ méted, mbó tsyaŋa ŋkɔŋɔ meno pɛ́ a ndzáʼa náá ndzó nɛ́. A níŋ ɛ Zhʉye Yáŋme wéré níŋ ɛ ndzɔʼ pǔkristo ŋkhoʼyɛ́ pe tsé ndzáá wɔ́b ne ŋgəʼo nɛ́. Ŋkhoʼyɛ́ pé mě fûne Ŋweʼe Faʼ Ghaŋátɔ́b yɔŋ nɛ́, pe zhʉ́ kpaʼ sísíŋ ŋgâ, ndzyěne féré zhyémve kaʼatɛ mbáŋa ne ndzebé, Mboʼmvé tsé mbé zhyé ŋkyé ŋumesɔŋ ye pó. Ŋkʉ́rʉ́, ŋumesɔŋ ye ké mbó pɛ̌ ndaʼ pɔŋ Issayɛ ŋkʉ́rʉ́ pó, tsʉʼmbé ŋkhoʼyɔŋ, mbɛ̌ ŋkɔŋɔ pɔŋ pɛ́ pɔ́b tíí ndzɔ́ʼ mbəb ye, mbó mbzyɛ́ ŋgâ Yěsô Kristo Mɔ́ŋ ye wɛ́ a kɛ twɔ́ ŋgâ a kʉ́yó kpee ŋkɔŋɔ pɔŋ náá nɛ́.
Mbzye njʉ́ Ŋweʼe Faʼ Ghaŋátɔ́b tsúŋume nɛ́
Tɛɛmbɛ pe nsó ŋgâ Ŋweʼe faʼ Ghaŋátɔ́b tsúŋume pe kaʼa:
Ghaŋátɔ́b cʉrí no Yěsô Yerʉ́salɛm: 1:1–7:60
No Yěsô gbáʼá ndzó ŋkɔŋɔ pɛ́rɛ́ ŋgɔŋ Zhʉde náá: 8:1–13:3
Pɔ́lə cʉrí no Yěsô pwó mvémvé: 13:4–28:31.
ទើបបានជ្រើសរើសហើយ៖
Faʼ Ghaŋántɔ́b Tónsó ŋweʼe Faʼ Ghaŋátɔ́b: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Faʼ Ghaŋántɔ́b Tónsó ŋweʼe Faʼ Ghaŋátɔ́b
Tónsó ŋweʼe Faʼ Ghaŋátɔ́b
Meno pɛ́ a ndzó ŋweʼe Faʼ Ghaŋátɔ́b nɛ́, a meno pɛ́ ŋgíŋgye Yěsô kɛ cʉ́ʼɔ́ ndzəb ŋgyɛ́, féré njʉ́ a kɛ kɔ́ʼɔ́ pépéé nɛ́. Ŋkyé ŋgâ ndzyěne néré kaʼatɛ mbáŋa ne zhyémve yɛ́ a náʼá mbɔ́rɔ́ ndzəb nɛ́, ghaŋá psyɛ́ndzɔʼ mbó tsé njʉ́ wé ŋkʉ́rʉ́ pó. Mbɛ njʉ́ a yóʼó ŋkʉ́rʉ́ nɛ́ pó, a zɔŋɔ ŋgâ pɔ́b tsuŋu ŋkɔŋɔ meno pɛ́ a kɛ nsó náá ne pɔ́b mbɔ́rɔ́ ŋgú nɛ́. No yéré pɛ́ɛ́ ŋgâ: puŋ ŋgú ndzó ŋkɔŋɔ mbǎʼmvé náá ncʉ́ri Ŋkəŋ Sʉ́ʼʉ. A ndzó ŋweʼe Faʼ Ghaŋátɔ́b yɔŋ, tíí pɔŋ pépáá ssó ndúŋú faʼ yéré: Pětro wɛ́ a kɛ záá cʉ́rí Ŋkəŋ pe pwó pɛ Yúda nɛ́, pú Pɔ́lə wɛ́ a kɛ záá ye ncʉrɛ́ pwó mvémvé pɛ́ pɔ́b kɛ pó mbé pé pɛ Yúda nɛ́ pó. Ŋkhoʼyɛ́ pe fû Ŋweʼe Faʼ Ghaŋátɔ́b, pe zóʼó ndzó njʉ́ pɔŋ tee yɔ́b ŋkɔŋɔ no náá pé ndzó mbwó Yěsô Kristo, tsɛ́ʼɛ́ gbǎndzɔʼ pwɛ shʉ̌ndzɔʼ ne no ye nɛ́, mbó mbé tsé mbɔɔ cyó yɔ́b ŋkʉ́rʉ́ pó, mbɛ vó A ghɛmbɛ yéré psyɛ́ndzɔʼ pwɛ gbǎndzɔʼ pwɛ shʉ̌ndzɔʼ pe néré ndzebé ndúŋú tsetsáʼ pwó pǔkristo, mbǒ a pú.
A kɛ ŋweʼe wɔ̂ ŋweʼé Ŋweʼe Faʼ Ghaŋátɔ́b yɔŋ?
Ŋkhoʼyɛ́ pe cʉ̌yi ndíŋi Ŋkəŋ sʉ́ʼʉ Lúkaasə pú ŋweʼe Faʼ Ghaŋátɔ́b yɔŋ nɛ́, pé zhʉ́ ŋgâ pɔŋ meno naʼ fwɛ̌ ndzóó kaʼatɛ. A pe néré kɛ́ʼɛ́ ŋkyé ŋgâ a ŋweʼé taʼ ŋɔŋ ŋwéʼé Ŋkəŋ Sʉ́ʼʉ Lúkaasə pú Ŋweʼe Faʼ Ghaŋátɔ́b yɔŋ. A kɛ ŋwɛʼɛ ne ywɔ̌ ŋgǒʼmvé ghúbméntóó ne yíkyéd kɛ́ʼɛ́, kii ŋgâ ne ywɔ̌ ŋgoʼmve ghúbmésambáá kɛ́ʼɛ́.
A kɛ ŋweʼɛ pwó wɔ̂? A kɛ ŋweʼe ŋkyé kɔ́?
Ntsʉ́ŋtsʉ́ŋ njʉ́ Ŋkəŋ sʉ́ʼʉ nɛ́, Lúkaasə twɔ́ ŋweʼe ye pé pwó cyó taʼ Tyofilə. Mbɛ néré, Lúkaasə ghaŋásyé ndzɔŋɔ nyóʼó pwó ŋkɔŋɔ pɔŋ náá, mbziʼe njʉ́ ntʉ́ʉ́ yɛ́ Yěsô kɛ tee ŋgɛ́ ŋgú nɛ́, kɛ zhyɛ́ ŋkɔ́ŋ mbɔ́rɔ́ gbáʼá ndzó ŋkɔŋɔ ywoʼ náá, Ndzyěne Yerʉ́salɛm pwɛ pɛ́rɛ́ ŋgɔŋ Zhʉde nɛ́.
Pé tsɔ̌ ŋgâ kɔ́ ndzó Ŋweʼe Faʼ Ghaŋátɔ́b?
Ŋweʼe Faʼ Ghaŋátɔ́b zyě njʉ́ Yěsô kɛ kɔ́ʼɔ́ pépéé, Zhʉye Yáŋme shʉyí mbəb ŋgíŋgye pé ne zhyémve Paŋtəkotə, ŋgɛmbɛ pɔ́b tɛ́rɛ́ Yerʉ́salɛm nɛ́. A kɛ fɛ́ Zhʉye Yáŋme wéré fɛ́ tʉ̌ŋ ne pɔ́b, pɔ́b cʉ́rɛ no Yěsô núŋ, mbɛ́rɛ ghɔŋ pɔŋ núŋ, mbó ŋgyɛ́ pɛ shʉrɛ́meno núŋ tsetsɛrɛ pɛ Yúda pwɛ mvémvé. A Zhʉye Yáŋme wéré tsɛ́ ssó ndúŋú tsɔ́ʼɔ pɛ yaʼ méted, mbó tsyaŋa ŋkɔŋɔ meno pɛ́ a ndzáʼa náá ndzó nɛ́. A níŋ ɛ Zhʉye Yáŋme wéré níŋ ɛ ndzɔʼ pǔkristo ŋkhoʼyɛ́ pe tsé ndzáá wɔ́b ne ŋgəʼo nɛ́. Ŋkhoʼyɛ́ pé mě fûne Ŋweʼe Faʼ Ghaŋátɔ́b yɔŋ nɛ́, pe zhʉ́ kpaʼ sísíŋ ŋgâ, ndzyěne féré zhyémve kaʼatɛ mbáŋa ne ndzebé, Mboʼmvé tsé mbé zhyé ŋkyé ŋumesɔŋ ye pó. Ŋkʉ́rʉ́, ŋumesɔŋ ye ké mbó pɛ̌ ndaʼ pɔŋ Issayɛ ŋkʉ́rʉ́ pó, tsʉʼmbé ŋkhoʼyɔŋ, mbɛ̌ ŋkɔŋɔ pɔŋ pɛ́ pɔ́b tíí ndzɔ́ʼ mbəb ye, mbó mbzyɛ́ ŋgâ Yěsô Kristo Mɔ́ŋ ye wɛ́ a kɛ twɔ́ ŋgâ a kʉ́yó kpee ŋkɔŋɔ pɔŋ náá nɛ́.
Mbzye njʉ́ Ŋweʼe Faʼ Ghaŋátɔ́b tsúŋume nɛ́
Tɛɛmbɛ pe nsó ŋgâ Ŋweʼe faʼ Ghaŋátɔ́b tsúŋume pe kaʼa:
Ghaŋátɔ́b cʉrí no Yěsô Yerʉ́salɛm: 1:1–7:60
No Yěsô gbáʼá ndzó ŋkɔŋɔ pɛ́rɛ́ ŋgɔŋ Zhʉde náá: 8:1–13:3
Pɔ́lə cʉrí no Yěsô pwó mvémvé: 13:4–28:31.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល