Faʼ Ghaŋántɔ́b 1
1
Yěsô psíʼí kaʼ yɛ́ Mboʼmvé kɛ kaʼ nɛ́
1Ŋgəkód ywí Tyofilə, a kɛ pɛ́ ndzó sɔ́ poʼ ŋweʼe yɛ́ mə kɛ ŋweʼe nɛ́, mə nsó ŋkɔŋɔ meno pɛ́ Yěsô kɛ zhyɛ́ mbó nyóʼ ndzyěne njʉ́ a kɛ zyê faʼ ye nɛ́, 2kaʼatɛ mbáŋ zhyémve yɛ́ a kɛ kɔ́ʼɔ́ pépéé nɛ́. A kɛ ghɛ́ kɔ́ʼɔ́ néré, fɛ́ ntʉ́ʉ́ nné tʉ̌ŋ Zhʉye Yáŋme pwó ghaŋántɔ́b pé pɛ́ a kɛ tsɔ́ʼ nɛ́. 3Ŋkhoʼyɛ́ a kɛ zhʉ́ ŋgəʼo kaʼatɛ njʉyɛ́ ne vó nɛ́, a nyóʼ mbəb yé ne pɔ́b, né zhyémve ghúbmekwa kaʼatɛ mbé nyóʼó taʼ kɛɛ pó, ŋgyɛ́ meno zááme ne nyǒʼne ne pɔ́b ŋgâ a mɔ́b, mbó nsó Nofɔŋ Mboʼmvé nné pɔ́b.
4Taʼ zhyémve, Yěsô tsé ndzɔ̂ mɔ́b pwɛ ŋgíŋgye pé, á tsɔ́ ne pɔ́b ŋgâ: «Kii puŋ ndɛ ŋǎ Yerʉ́salɛm. Ntsʉʼmbé puŋ nzwə́ʼə́ kaʼ yɛ́ Mboʼmvé Tɛd kɛ kaʼa ne puŋ nɛ́ yóʼó, mbé kaʼ yɛ́ puŋ kɛ zóʼ a twɔ́ ntswee mo nɛ́. 5Zhâŋ kɛ yuwɛ́ fɛ́ kpênse, ntsʉʼŋgɛ mbɛ ne puŋ, pɔ́ŋ zhyémve ŋgɛ ndzáʼá, puŋ ntsɛ́ʼɛ́ yúŋ kpênse pé ne Zhʉye Yáŋme.»
Yěsô kɔ́ʼɔ́ pépéé
6Njʉ́ Yěsô pwɛ ghaŋantɔ́b pé kɛ téré néré nɛ́, pɔ́b psirɛ́ we ŋgâ: «Ntsɛɛpɔŋ, yɔŋ kɛ́ʼɛ́ mbé ŋkhoʼyɛ́ wo zɔŋɔ mbó ŋgyɛ Nofɔŋ Issayɛ pó ŋkhú pwó yé nɛ́?» 7A tsɔ́ né pɔ́b ŋgâ: «Pǔŋ tsɛ́ʼɛ́ ne ndzéne ŋgab kii ŋkhoʼyɛ́ Mboʼmvé wɛ́ á Tɛd nɛ́, tíí ne tómbəb ye nɛ́ pó. 8Ntsʉʼmbé, pé fɛ́ taʼ tʉ̌ŋ ne puŋ, ŋkhoʼyɛ́ Zhʉye Yáŋme shʉyí mbəb puŋ nɛ́. Néré, puŋ pé ghaŋákpééntáŋ páá, ndzyěne Yerʉ́salɛm, ndzó ŋkɔŋɔ pɛ́rɛ́ ŋgɔŋ Zhʉdé náá, pwɛ Samari náá, kaʼatɛ mbáŋ ndzó ŋkɔŋɔ mbǎʼmvé náá.»
9Njʉ́ Yěsô kɛ nsó néré nɛ́, kpaʼ ne míí mɔ́b á kɔ́ʼɔ́ pépéé, taʼ pfuŋ kʉ́yó mbwɔ wé ne míí mɔ́b. 10Njʉ́ Yěsô kɛ tsé kɔ́ʼɔ́ pépéé nɛ́, pɔ́b tiŋɛ́ wé kaʼatɛ ŋgəyí, pɔŋ pépáá ne ndzwé ffə́fó móó pfúŋɔ pɔ́b, 11ntsɔ́ ne pɔ́b ŋgâ: «Mbé ŋgɔŋ Galílya pɔŋ, a zhyɛ́ kɔ́ puŋ ntsɛ́ ghɛ́ tsé ndiŋɛ́ pépéé kaʼa? Yěsô wékénɛ́ a kɔ́ʼɔ́ pépéé kɛ́ʼɛ́ nɛ́, náʼá ke ŋkʉ́yó mbziʼe njʉ́ puŋ zhʉ́ wé a kɔ́ʼɔ́ kɛ́ʼɛ́ nɛ́.»
Pɛghaŋantɔ́b sɛ́rɛ ndzó tóndáb yɛ́ a nsó nɛ́
12Ghaŋátɔ́b péré ŋáá ndúŋú ŋkəŋ yɛ́ pé kɛ fú ne ŋkəŋ nsó vód Olive nɛ́, mbód ndzəb Yerʉ́salɛm. Ŋkəŋ yéré kɛ sǎ pfúŋɔ Yerʉ́salɛm ne ywɔ̌ taʼ kílometa. 13Ŋkhoʼyɛ́ pɔ́b kɛ pód ndzəb nɛ́, pɔ́b kɔ́ʼɔ́ ndzó tóndáb yɛ́ a nsó nɛ́, ndzó ywoʼ yɛ́ Pětro, Zhâŋ, Zhakə pú Andéré, Filipo pú Tomâsə, Batelemi pú Matʉyo, Zhakə Mɔ́ŋ Áləfe, Símo mwɔ́ntsɛpěŋgɔŋ pú Zhʉʉdə Mɔ́ŋ Zhakə kɛ sɛ́rɛ́ nɛ́. 14Ŋkɔŋɔ wɔ́b náá tséʼé taʼ kpaŋató, ntsɛ́ʼɛ́ Mboʼmvé ŋkɔŋɔ ŋkhoʼ náá pwɛ ndíndii pěŋgyé pɛ́ pɔ́b kɛ pɛ́ yóʼó nɛ́, mbɛ Malya mɛ́ Yěsô, pwɛ pɔ́ŋmɛ́ Yěsô.
Matyasə pfébé tó Zhʉ́da
15Njʉ́ pɔ́ŋ zhyémve kɛ záʼ nɛ́, ywɔ̌ kpǐ pɔŋ né ghúbmebáá pɛ́ pɔ́b kɛ psyɛ́ nɛ́, tɛ́rɛ yóʼó. Pětro ŋáá syé nsó ŋgâ: 16«Pɔ́ŋmɛ́ páá, a zɔŋɔ ŋgâ tó no yɛ́ Zhʉye Yáŋme kɛ tsɔ́ ndzó Ŋweʼe Mboʼmvé, ne ntswee fɔŋ Ndavíd nɛ́ yúŋú. Yéré no kɛ pé ŋkyé Zhʉ́da wɛ́ a kɛ tyáŋa pɔŋ pɔ́b kʉ́yó gbáá Yěsô nɛ́. 17A kɛ pé psi pɔ́b fáʼá taʼ faʼ. 18Ntsʉʼŋgɛ́ mbɛ néré, mbǒ Zhʉ́da wéré kɛ tséʼé tsɔʼfaʼ no kəpɔŋ yɛ́ a kɛ zhyɛ́ nɛ́. A zúŋ taʼ faʼ ne mbób tsɔʼfaʼ yéré. Mvɔ́ faʼ yéré pfob yé gbɛ́d kaʼatɛ mɔ́b tɔ́ mé twɔ́. 19Ŋkɔŋɔ ŋɔŋ náá Yerʉ́salɛm kɛ zóʼ no yéré, kaʼatɛ pɔ́b fú ywoʼ tsetsáʼ yéré ne nsó wɔb pé ŋgâ Akɛlədama, ŋkee ntsi ye pé ŋgâ Tsetsáʼ nsə. 20A ndzó Ŋwéʼe Zɔ́bɔnse ŋgâ:
“A ywoʼ yé tsʉ́ʼ zəbé
Kii ŋɔŋ ndɛ mbó ntsó yóʼó.”
A ke mbó mbɛ́ ndzó ŋkʉ́rʉ́ ŋgâ:
“Cyó ŋɔŋ yɔɔ ywoʼ yé.”
21Pɔŋ yóʼó yɛ́ pɔ́b kɛ tyáŋa wíŋi ŋkɔŋɔ ŋkhoʼ náá, ŋkhoʼyɛ́ piŋɛ Ntsɛɛpɔŋ Yěsô kɛ pé nɛ́. 22Féré njʉ́ Zhâŋ kɛ fɛ́ kpênse kaʼatɛ mbáŋ zhyémve yɛ́ Yěsô kɛ kɔ́ʼɔ́ pépéé nɛ́. A zɔŋɔ ŋgâ taʼ ŋɔŋ ndzɔ́ʼɔ́ pɔ́b kʉ́yó piŋɛ pɔ́b pé ghaŋákpééntáŋ ŋgâ a kɛ zhʉyɛ́ ne vó.»
23Pe kɛ nyóʼ pɔŋ pépáá. Matyasə pú Yesə́b wɛ́ pé kɛ fú ne Baasabasə nɛ́, tíí yé ŋgɔd pé Zhʉstʉsə. 24Néré, pɔŋ tsɛ́ʼɛ́ Mboʼmvé nsó ŋgâ: «Ntsɛɛpɔŋ, wo wɛ́, wo zé ndzɔʼ ŋkɔŋɔ pɔŋ náá nɛ́, nyǒʼ ŋɔŋ wɛ́ wo tsɔ́ʼ nɛ́ ndzɔ́ʼɔ́ pɔŋ pépáá pɔŋ, 25ne ndɔ̌ne ywoʼ Zhʉ́da ndzɔ́ʼɔ́ faʼ ghaŋántɔ́b yɛ́ a kɛ tee, ŋgú ndzó yé ywoʼ yɛ́ a kɛ kʉ́yé nɛ́.» 26Pe máʼ pɛ́d a vɔ́ mbəb Matyasə. Pé yɔ́ɔ́ wé ŋkhoʼyɔŋ mvǐ mbəb ntsɔ̌b taʼ ghaŋántɔ́b.
ទើបបានជ្រើសរើសហើយ៖
Faʼ Ghaŋántɔ́b 1: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Faʼ Ghaŋántɔ́b 1
1
Yěsô psíʼí kaʼ yɛ́ Mboʼmvé kɛ kaʼ nɛ́
1Ŋgəkód ywí Tyofilə, a kɛ pɛ́ ndzó sɔ́ poʼ ŋweʼe yɛ́ mə kɛ ŋweʼe nɛ́, mə nsó ŋkɔŋɔ meno pɛ́ Yěsô kɛ zhyɛ́ mbó nyóʼ ndzyěne njʉ́ a kɛ zyê faʼ ye nɛ́, 2kaʼatɛ mbáŋ zhyémve yɛ́ a kɛ kɔ́ʼɔ́ pépéé nɛ́. A kɛ ghɛ́ kɔ́ʼɔ́ néré, fɛ́ ntʉ́ʉ́ nné tʉ̌ŋ Zhʉye Yáŋme pwó ghaŋántɔ́b pé pɛ́ a kɛ tsɔ́ʼ nɛ́. 3Ŋkhoʼyɛ́ a kɛ zhʉ́ ŋgəʼo kaʼatɛ njʉyɛ́ ne vó nɛ́, a nyóʼ mbəb yé ne pɔ́b, né zhyémve ghúbmekwa kaʼatɛ mbé nyóʼó taʼ kɛɛ pó, ŋgyɛ́ meno zááme ne nyǒʼne ne pɔ́b ŋgâ a mɔ́b, mbó nsó Nofɔŋ Mboʼmvé nné pɔ́b.
4Taʼ zhyémve, Yěsô tsé ndzɔ̂ mɔ́b pwɛ ŋgíŋgye pé, á tsɔ́ ne pɔ́b ŋgâ: «Kii puŋ ndɛ ŋǎ Yerʉ́salɛm. Ntsʉʼmbé puŋ nzwə́ʼə́ kaʼ yɛ́ Mboʼmvé Tɛd kɛ kaʼa ne puŋ nɛ́ yóʼó, mbé kaʼ yɛ́ puŋ kɛ zóʼ a twɔ́ ntswee mo nɛ́. 5Zhâŋ kɛ yuwɛ́ fɛ́ kpênse, ntsʉʼŋgɛ mbɛ ne puŋ, pɔ́ŋ zhyémve ŋgɛ ndzáʼá, puŋ ntsɛ́ʼɛ́ yúŋ kpênse pé ne Zhʉye Yáŋme.»
Yěsô kɔ́ʼɔ́ pépéé
6Njʉ́ Yěsô pwɛ ghaŋantɔ́b pé kɛ téré néré nɛ́, pɔ́b psirɛ́ we ŋgâ: «Ntsɛɛpɔŋ, yɔŋ kɛ́ʼɛ́ mbé ŋkhoʼyɛ́ wo zɔŋɔ mbó ŋgyɛ Nofɔŋ Issayɛ pó ŋkhú pwó yé nɛ́?» 7A tsɔ́ né pɔ́b ŋgâ: «Pǔŋ tsɛ́ʼɛ́ ne ndzéne ŋgab kii ŋkhoʼyɛ́ Mboʼmvé wɛ́ á Tɛd nɛ́, tíí ne tómbəb ye nɛ́ pó. 8Ntsʉʼmbé, pé fɛ́ taʼ tʉ̌ŋ ne puŋ, ŋkhoʼyɛ́ Zhʉye Yáŋme shʉyí mbəb puŋ nɛ́. Néré, puŋ pé ghaŋákpééntáŋ páá, ndzyěne Yerʉ́salɛm, ndzó ŋkɔŋɔ pɛ́rɛ́ ŋgɔŋ Zhʉdé náá, pwɛ Samari náá, kaʼatɛ mbáŋ ndzó ŋkɔŋɔ mbǎʼmvé náá.»
9Njʉ́ Yěsô kɛ nsó néré nɛ́, kpaʼ ne míí mɔ́b á kɔ́ʼɔ́ pépéé, taʼ pfuŋ kʉ́yó mbwɔ wé ne míí mɔ́b. 10Njʉ́ Yěsô kɛ tsé kɔ́ʼɔ́ pépéé nɛ́, pɔ́b tiŋɛ́ wé kaʼatɛ ŋgəyí, pɔŋ pépáá ne ndzwé ffə́fó móó pfúŋɔ pɔ́b, 11ntsɔ́ ne pɔ́b ŋgâ: «Mbé ŋgɔŋ Galílya pɔŋ, a zhyɛ́ kɔ́ puŋ ntsɛ́ ghɛ́ tsé ndiŋɛ́ pépéé kaʼa? Yěsô wékénɛ́ a kɔ́ʼɔ́ pépéé kɛ́ʼɛ́ nɛ́, náʼá ke ŋkʉ́yó mbziʼe njʉ́ puŋ zhʉ́ wé a kɔ́ʼɔ́ kɛ́ʼɛ́ nɛ́.»
Pɛghaŋantɔ́b sɛ́rɛ ndzó tóndáb yɛ́ a nsó nɛ́
12Ghaŋátɔ́b péré ŋáá ndúŋú ŋkəŋ yɛ́ pé kɛ fú ne ŋkəŋ nsó vód Olive nɛ́, mbód ndzəb Yerʉ́salɛm. Ŋkəŋ yéré kɛ sǎ pfúŋɔ Yerʉ́salɛm ne ywɔ̌ taʼ kílometa. 13Ŋkhoʼyɛ́ pɔ́b kɛ pód ndzəb nɛ́, pɔ́b kɔ́ʼɔ́ ndzó tóndáb yɛ́ a nsó nɛ́, ndzó ywoʼ yɛ́ Pětro, Zhâŋ, Zhakə pú Andéré, Filipo pú Tomâsə, Batelemi pú Matʉyo, Zhakə Mɔ́ŋ Áləfe, Símo mwɔ́ntsɛpěŋgɔŋ pú Zhʉʉdə Mɔ́ŋ Zhakə kɛ sɛ́rɛ́ nɛ́. 14Ŋkɔŋɔ wɔ́b náá tséʼé taʼ kpaŋató, ntsɛ́ʼɛ́ Mboʼmvé ŋkɔŋɔ ŋkhoʼ náá pwɛ ndíndii pěŋgyé pɛ́ pɔ́b kɛ pɛ́ yóʼó nɛ́, mbɛ Malya mɛ́ Yěsô, pwɛ pɔ́ŋmɛ́ Yěsô.
Matyasə pfébé tó Zhʉ́da
15Njʉ́ pɔ́ŋ zhyémve kɛ záʼ nɛ́, ywɔ̌ kpǐ pɔŋ né ghúbmebáá pɛ́ pɔ́b kɛ psyɛ́ nɛ́, tɛ́rɛ yóʼó. Pětro ŋáá syé nsó ŋgâ: 16«Pɔ́ŋmɛ́ páá, a zɔŋɔ ŋgâ tó no yɛ́ Zhʉye Yáŋme kɛ tsɔ́ ndzó Ŋweʼe Mboʼmvé, ne ntswee fɔŋ Ndavíd nɛ́ yúŋú. Yéré no kɛ pé ŋkyé Zhʉ́da wɛ́ a kɛ tyáŋa pɔŋ pɔ́b kʉ́yó gbáá Yěsô nɛ́. 17A kɛ pé psi pɔ́b fáʼá taʼ faʼ. 18Ntsʉʼŋgɛ́ mbɛ néré, mbǒ Zhʉ́da wéré kɛ tséʼé tsɔʼfaʼ no kəpɔŋ yɛ́ a kɛ zhyɛ́ nɛ́. A zúŋ taʼ faʼ ne mbób tsɔʼfaʼ yéré. Mvɔ́ faʼ yéré pfob yé gbɛ́d kaʼatɛ mɔ́b tɔ́ mé twɔ́. 19Ŋkɔŋɔ ŋɔŋ náá Yerʉ́salɛm kɛ zóʼ no yéré, kaʼatɛ pɔ́b fú ywoʼ tsetsáʼ yéré ne nsó wɔb pé ŋgâ Akɛlədama, ŋkee ntsi ye pé ŋgâ Tsetsáʼ nsə. 20A ndzó Ŋwéʼe Zɔ́bɔnse ŋgâ:
“A ywoʼ yé tsʉ́ʼ zəbé
Kii ŋɔŋ ndɛ mbó ntsó yóʼó.”
A ke mbó mbɛ́ ndzó ŋkʉ́rʉ́ ŋgâ:
“Cyó ŋɔŋ yɔɔ ywoʼ yé.”
21Pɔŋ yóʼó yɛ́ pɔ́b kɛ tyáŋa wíŋi ŋkɔŋɔ ŋkhoʼ náá, ŋkhoʼyɛ́ piŋɛ Ntsɛɛpɔŋ Yěsô kɛ pé nɛ́. 22Féré njʉ́ Zhâŋ kɛ fɛ́ kpênse kaʼatɛ mbáŋ zhyémve yɛ́ Yěsô kɛ kɔ́ʼɔ́ pépéé nɛ́. A zɔŋɔ ŋgâ taʼ ŋɔŋ ndzɔ́ʼɔ́ pɔ́b kʉ́yó piŋɛ pɔ́b pé ghaŋákpééntáŋ ŋgâ a kɛ zhʉyɛ́ ne vó.»
23Pe kɛ nyóʼ pɔŋ pépáá. Matyasə pú Yesə́b wɛ́ pé kɛ fú ne Baasabasə nɛ́, tíí yé ŋgɔd pé Zhʉstʉsə. 24Néré, pɔŋ tsɛ́ʼɛ́ Mboʼmvé nsó ŋgâ: «Ntsɛɛpɔŋ, wo wɛ́, wo zé ndzɔʼ ŋkɔŋɔ pɔŋ náá nɛ́, nyǒʼ ŋɔŋ wɛ́ wo tsɔ́ʼ nɛ́ ndzɔ́ʼɔ́ pɔŋ pépáá pɔŋ, 25ne ndɔ̌ne ywoʼ Zhʉ́da ndzɔ́ʼɔ́ faʼ ghaŋántɔ́b yɛ́ a kɛ tee, ŋgú ndzó yé ywoʼ yɛ́ a kɛ kʉ́yé nɛ́.» 26Pe máʼ pɛ́d a vɔ́ mbəb Matyasə. Pé yɔ́ɔ́ wé ŋkhoʼyɔŋ mvǐ mbəb ntsɔ̌b taʼ ghaŋántɔ́b.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល