Faʼ Ghaŋántɔ́b 20
20
Pɔ́lə ghú Trowasə
1Ŋkhoʼyɛ́ vaʼ kɛ pɔ́d nɛ́, Pɔ́lə zhyɛ́ pǔkristo kʉ́yó. A Níŋí ndzɔʼ yɔ́b. Pú pɔ́b yíʼé, a yɔ́ɔ́ mɛndɔ́b Makadoniya. 2A záʼá ndzó pɛ́rɛ́ ŋgɔŋ yéré, ntsebé fɛ́ metʉŋ pwó pɔ́ŋmɛ́, ŋgú Gərɛsə, 3ŋgyɛ́ pénab pékyéd yóʼó. Ŋkhoʼyɛ́ a kɛ kɔ́ʼɔ́ ndzó páŋ ŋgɛ́ ŋgú Sirya nɛ́, a ke mbó nsó ŋgâ, a ndzáʼa ne Makadoniya, ŋkyé ŋgâ pɛ Yúda kɛ tsé nyi menaŋ ŋkyé wé. 4Pɛkpee pé kɛ pé, Sopatrosə Mɔ́ŋ Pirʉsə ŋɔŋ Bere, Arisətáákə pú Səkɔ́ŋ pɛ́ pɔ́b kɛ twɔ́ Tésalonikə nɛ́. Gayʉsə ŋɔŋ Dɛɛbe, Timoté, mbɛ Tishikə pú Trofimə pɔŋ pɛ́rɛ́ ŋgɔŋ Azi. 5Pɔŋ péré kɛ kpɛ́ɛ́ síŋ psi, ndzwəʼɛ́ ywí Trowasə. 6Ŋgɛmbɛ ne psi, ŋkhoʼyɛ́ zhyémve mbré kii mvuʼ kɛ záʼ nɛ́, psi ŋáá Filipo kɔ́ʼɔ́ ndzó páŋ nyi né zhyémve petáŋ, mbɛ́rɛ́ wɔ́b Trowasə. Psi pɔ́b tsɛbɛ́ yóʼó, ŋgyɛ́ taʼ ŋgabtáŋ.
Pɔ́lə zhʉyɛ́ Ətikə ne vó
7Njʉ́ psi kɛ téré sɔ́ zhyémve ne ŋgabtáŋ pɛ Yúda ne ŋgǒbne ntɛ́d nɛ́, Pɔ́lə yɔ́ɔ́ nsó ke nsó nsó kaʼatɛ ghəghóʼŋgɔŋ kúʼu, ŋkyé ŋgâ a kɛ ghɛ̌ ŋgú keemvé. 8Lámbo kɛ pé kaa ndzó tóndáb yɛ́ psi kɛ térɛ́ ndzó nsó nɛ́, ne kyáʼane ywoʼ pó. 9Taʼ ŋkɔʼŋɔŋ wɛ́ tíí kɛ pé Ətikə nɛ́ ghɔ́rɔ́ ntswěwéndo. Njʉ́ Pɔ́lə kɛ ke ntsɔ́ ntsɔ́ nɛ́, yɔ́ɔ́ gbáá wé, a twɔ́ ndúŋú etaazhə yíkyéd yɛ́ psi kɛ pɛ ndzó nɛ́, mvɔ́ syé. Pé ghɛ́ ŋkʉ́yó ne mbuʼune wé, mbǒ a kɛ pfó. 10Pɔ́lə shʉyí syé ŋgú pfúŋɔ yé, ŋkyɛ́ wé nsó ŋgâ: «Kii puŋ ndɛ tsé gbíí mbəb yuŋ! A pfó pó!» 11Ŋkhoʼyɛ́ Pɔ́lə kɛ pó ŋkɔ́ʼ nɛ́, á póʼ mbré pfód. Ke nsó nsó kaʼatɛ mbáŋ ŋkhoʼ ŋkěmvé, mbɔ́rɔ́ ŋgú. 12Ghɛmbɛ ne Mɔ́ŋ ŋumbzí wɛ́ a kɛ vɔ́ syé nɛ́, pé yɔ́ɔ́ wé pé mɔ́b ŋkɔʼ ne yé. Ndzɔ́ʼ pɔŋ tsúbú kaʼatɛ.
Pɔ́lə ŋáá Trowasə ŋgú Milɛ
13Psi kpɛ́ɛ́ ssó, ŋkɔ́ʼɔ́ ndzó taʼ páŋ, ndɔ́ɔ́ mɛndɔ́b Asosə, ywoʼ yɛ́ psi kɛ ghɛ́ mbó ndɔ́ɔ́ Pɔ́lə nɛ́. Ŋkyé ŋgâ a kɛ tíí ye pe ŋgâ a ndzáʼa ye pe mɛndɔ́b me kɛ d mbáŋá yóʼó. 14Ŋkhoʼyɛ́ a kɛ pɛ́rɛ́ ywí yóʼó nɛ́, a kɔ́ʼɔ́ ndzó páŋ psi pɔ́b ghú Mitilɛ́ɛ́nə. 15Keemvé, psi ŋáá yóʼó, ŋgú kaʼatɛ mbáŋá Shosə. Keemvé ŋkʉ́rʉ́, psi siʼá Samosə kaʼatɛ taʼ zhyémve ghɛ́ ndzáʼa, psi ghú kaʼatɛ mbáŋá Milɛ, mbɛ njʉ́ psi kɛ náʼ tsɛ́bɛ Trozhilyɔ́ŋ nɛ́. 16Ŋkyé ŋgâ Pɔ́lə kɛ tsé mbé zɔŋɔ ŋgâ psi pɔ́b tsɛ́bɛ́ Éfɛ̂zə, ne mbúbune cyó tiʼɛ zhyémve Azi pó. A kɛ tsé shʉrɛ́ taʼ no. No yéré kɛ pe mbáŋne Yerʉ́salɛm ŋkɔ́ŋ, zhyémve ndebéne Paŋtəkotə pɔ́rɔ́ kúʼɔ́, Mbéyɛ́ Mboʼmvé psyɛ́ nɛ́.
Pɔ́lə fɛ́ yáŋmvé pwó pɛ ghəkód pɛ́ pɔ́b kɛ pɛ́ Éfɛ̂zə nɛ́ ici
17Pɔ́lə kɛ pɛ Milɛ, ŋgyɛ́ pe téré pɛ ghəkód pɛ́ pɔ́b kɛ pɛ ndzó ndáméted Éfɛ̂zə nɛ́. 18Ŋkhoʼyɛ́ pɔ́b kɛ pɛ́rɛ́ wé nɛ́, a ntsɔ́ ne pɔ́b ŋgâ: «Puŋ zɛ́ njʉ́ mbziʼe yá kɛ pɛ́ tsetsɛrɛ puŋ féré njʉ́ mə kɛ páŋá Azi nɛ́. 19Mə kɛ fɛ́ mbəb ya syé, fáʼa pwó Ntsɛɛpɔŋ, mbɛ njʉ́ a kɛ pɛ̌ ndzɔ́ʼɔ́ yaŋ pwɛ kpeʼe, ŋkyé menaŋ mɛ́ pɛ Yúda kɛ nyí ŋkyé ya nɛ́. 20Mə kɛ pé zhyɛ́ ŋgiŋi ndúŋú cyó yɔ́b yɛ́, a kɛ ghɛmbɛ a ghɛ́ ntsɛ́ʼɛ́ ghebe né puŋ nɛ́ pó. Mə kɛ cʉrí Ŋkəŋ Sʉ́ʼʉ́, mbó ntʉ́ʉ́ wúŋ, a tétáá njʉ́ ne mbaʼá nɛ́. 21No yɛ́ mə kɛ tsɔ́ nɛ́ kɛ pɛ́ɛ́ ŋgâ pɛ Yúda pwɛ pɛ Gerɛʼ séd mbziʼe yɔ́b mbzyɛ́ Mboʼmvé mbó ntséʼé psyɛ́ndzɔʼ mbəb Yěsô, Ntsɛɛpɔŋ wíŋi.
22Njʉ́ ŋkhoʼyɔŋ káʼa, mə tsʉ́ʼ mkpáŋ Zhʉye Yáŋme nɛ́, mə nsé nɔŋ pe mɛndɔ́b Yerʉ́salɛm. Mə ndzɛ́ yɔ́b yɛ́ a ŋkuŋɔ́ ya yóʼó nɛ́ pó. 23Ntsʉʼmbé yɔ́b yɛ́ mə ndzé nɛ́, Zhʉye Yáŋme tsé nyóʼó né mo ndzó ŋkɔŋɔ mbɛ́lʉ́ŋ pɛ́ mə ndzáʼ náá nɛ́, tsáŋ pú ŋgəʼo tsé ndzwəʼɛ ya. 24Tsómvé ya pó mbé tséʼé cyó ghəbe ne mo pó. Yɔ́b yɛ́ mə ntáʼá nɛ́, a měne faʼ yɛ́, pé kɛ ntě ne mo nɛ́ sʉ́ʼʉ, mbó fáʼ faʼ yɛ́ Ntsɛɛpɔŋ Yěsô fɛ́ ne mo nɛ́. Faʼ yéré pe nɔŋ, ncʉríne Ŋkəŋ Sʉ́ʼʉ foʼndzəndzoʼ yɛ́ Mboʼmvé fɛ́ pwó pɔŋ nɛ́.
25Ndzyěne ŋkhoʼyɔŋ, mə ndzé kpaʼ sísíŋ ŋgâ, ŋkɔŋɔ wuŋ wɛ́ mə ndzáʼa tsetsɛrɛ puŋ ncʉ́ri Nofɔŋ Mboʼmvé náá nɛ́, piŋi mbó njʉ́ záŋ pó. 26Taʼ no yɛ́ tɛɛmbɛ mə nsó ndzebé síŋ puŋ ne kɔbɔ́ndzɔʼ nɛ́ pɛ́ɛ́ ŋgâ, a pwo ŋɔŋ wuŋ, mbǒ pwó ya ndúŋú pó. 27Mə ŋgyɛ́ ŋgiŋi ndúŋú cyó yɔ́b pó. Mə mbó ndwɛ̌ ncʉ́rɛ no yɛ́ Mboʼmvé kɛ tíí ŋgâ a ŋgyɛ́ nɛ́, ne puŋ. 28Puŋ psyéb mbəb yuŋ mbó mvyéb ŋkɔŋɔ pɔŋ pɛ́ Zhʉye Yáŋme tíí wúŋ ne mvyéb wɔ́b náá nɛ́. Puŋ pé pɛ ntsyaŋa ndáméted Mboʼmvé yɛ́, a kɛ zúŋ kpaʼ ne nsə mé nɛ́.
29Mə ndzé kpaʼsísiŋ ŋgâ mə mbé tɛ́ sɛ́rɛ pfúŋɔ́ ya, pɛ ntsɔbɔ kəpɔŋ kúŋ, maʼ vaʼ tsetsɛrɛ puŋ, kaʼatɛ cyó ŋɔŋ pe tsʉ́ʼ pó. 30Pɔŋ ke ntwɔ́ɔ́ ndzɔ́ʼɔ́ puŋ, ntsɛ́ʼɛ́ pɛ nsó mbwɔ̂ pɛ́ á sɛ́rɛ pǔkristo pɔ́b cʉ́ʼɔ́ ndzəb pɔ́b nɛ́. 31Puŋ zhyáŋa nɛ́, mbó fú tó yúŋ njʉ́ ne ŋgǒʼmvé yíkyéd, netsúʼ pwɛ nwɔ̌tsəhó ndzɔ́ʼɔ́ yaŋ, mə kɛ pó tee kii tʉ́ʉ́ ntsye ŋɔŋ ndzɔ́ʼɔ́ puŋ nɛ́ pó. 32A kiʼi ŋgɛmbɛ ne ŋkhoʼyɔŋ, mə ntéé wúŋ nɛ́ ndzó pwó Mboʼmvé, pwɛ Nsó ye wé foʼndzəndzoʼ. Ye wɛ́, a tséʼé tʉ̌ŋ ne ŋkwódne ndáb mbó ntéé mbɛd pwó ŋkɔŋɔ pupé pé yáŋme náá nɛ́.
33Mə kɛ pó tíí mii máá ndúŋú mbób ŋɔŋ, kii ŋgâ tʉ́ŋɔ́paŋ kii ndzwé ŋɔŋ pó. 34Ŋ ŋkɔʼɔtómbəb yúŋ, puŋ zé ŋgâ mbwó máá mɔŋ ké fɛ̌ mɔ́b ne mo pwɛ pe pɛkpee páá. 35Mə kɛ zhyɛ́ puŋ zé ŋgâ pe ndɛ njʉ́ ŋgəʼó pe kɛ́ʼɛ́ kɔ́ŋ, mbɔ́rɔ́ ŋgɛbɛ́ pɔŋ pɛ́ tʉ̌ŋ mɔ́b zəhɛɛ nɛ́. Mə kɛ pó fú tó yuŋ ŋkʉ́rʉ́, ne no yɛ́ kɔʼɔ tómbəb Ntsɛɛpɔŋ Yěsô kɛ nsó nɛ́. No yéré pɛ́ɛ́ ŋgâ: “Mbéne sʉ́ʼʉ pwó ŋɔŋ wɛ́ a fɛ́ nɛ́, kaʼatɛ ntsɛ́ɛ́ ŋɔŋ wɛ́ pe fɛ́ pwó ye nɛ́.”»
36Ŋkhoʼyɛ́ a kɛ nsó néré nɛ́, pwɛ ŋkɔŋɔ wɔ́b náá féd kwuʼé mɔ́b syé, Pɔ́lə ntsɛ́ʼɛ́ Mboʼmvé. 37Néré, yaŋ mgbáá ŋkɔŋɔ wɔ́b náá, pɔ́b páʼá wé. 38Ntsuŋíne mɔ́b zááme kɛ twɔ́ ne nsó wɛ́, a nsó ŋgâ pú pɔ́b mbó njʉ́ záŋ ŋkʉ́rʉ́ nɛ́ pó. Néré, pɔ́b tyáŋa wé mbáŋá pfúŋɔ́ páŋ.
ទើបបានជ្រើសរើសហើយ៖
Faʼ Ghaŋántɔ́b 20: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Faʼ Ghaŋántɔ́b 20
20
Pɔ́lə ghú Trowasə
1Ŋkhoʼyɛ́ vaʼ kɛ pɔ́d nɛ́, Pɔ́lə zhyɛ́ pǔkristo kʉ́yó. A Níŋí ndzɔʼ yɔ́b. Pú pɔ́b yíʼé, a yɔ́ɔ́ mɛndɔ́b Makadoniya. 2A záʼá ndzó pɛ́rɛ́ ŋgɔŋ yéré, ntsebé fɛ́ metʉŋ pwó pɔ́ŋmɛ́, ŋgú Gərɛsə, 3ŋgyɛ́ pénab pékyéd yóʼó. Ŋkhoʼyɛ́ a kɛ kɔ́ʼɔ́ ndzó páŋ ŋgɛ́ ŋgú Sirya nɛ́, a ke mbó nsó ŋgâ, a ndzáʼa ne Makadoniya, ŋkyé ŋgâ pɛ Yúda kɛ tsé nyi menaŋ ŋkyé wé. 4Pɛkpee pé kɛ pé, Sopatrosə Mɔ́ŋ Pirʉsə ŋɔŋ Bere, Arisətáákə pú Səkɔ́ŋ pɛ́ pɔ́b kɛ twɔ́ Tésalonikə nɛ́. Gayʉsə ŋɔŋ Dɛɛbe, Timoté, mbɛ Tishikə pú Trofimə pɔŋ pɛ́rɛ́ ŋgɔŋ Azi. 5Pɔŋ péré kɛ kpɛ́ɛ́ síŋ psi, ndzwəʼɛ́ ywí Trowasə. 6Ŋgɛmbɛ ne psi, ŋkhoʼyɛ́ zhyémve mbré kii mvuʼ kɛ záʼ nɛ́, psi ŋáá Filipo kɔ́ʼɔ́ ndzó páŋ nyi né zhyémve petáŋ, mbɛ́rɛ́ wɔ́b Trowasə. Psi pɔ́b tsɛbɛ́ yóʼó, ŋgyɛ́ taʼ ŋgabtáŋ.
Pɔ́lə zhʉyɛ́ Ətikə ne vó
7Njʉ́ psi kɛ téré sɔ́ zhyémve ne ŋgabtáŋ pɛ Yúda ne ŋgǒbne ntɛ́d nɛ́, Pɔ́lə yɔ́ɔ́ nsó ke nsó nsó kaʼatɛ ghəghóʼŋgɔŋ kúʼu, ŋkyé ŋgâ a kɛ ghɛ̌ ŋgú keemvé. 8Lámbo kɛ pé kaa ndzó tóndáb yɛ́ psi kɛ térɛ́ ndzó nsó nɛ́, ne kyáʼane ywoʼ pó. 9Taʼ ŋkɔʼŋɔŋ wɛ́ tíí kɛ pé Ətikə nɛ́ ghɔ́rɔ́ ntswěwéndo. Njʉ́ Pɔ́lə kɛ ke ntsɔ́ ntsɔ́ nɛ́, yɔ́ɔ́ gbáá wé, a twɔ́ ndúŋú etaazhə yíkyéd yɛ́ psi kɛ pɛ ndzó nɛ́, mvɔ́ syé. Pé ghɛ́ ŋkʉ́yó ne mbuʼune wé, mbǒ a kɛ pfó. 10Pɔ́lə shʉyí syé ŋgú pfúŋɔ yé, ŋkyɛ́ wé nsó ŋgâ: «Kii puŋ ndɛ tsé gbíí mbəb yuŋ! A pfó pó!» 11Ŋkhoʼyɛ́ Pɔ́lə kɛ pó ŋkɔ́ʼ nɛ́, á póʼ mbré pfód. Ke nsó nsó kaʼatɛ mbáŋ ŋkhoʼ ŋkěmvé, mbɔ́rɔ́ ŋgú. 12Ghɛmbɛ ne Mɔ́ŋ ŋumbzí wɛ́ a kɛ vɔ́ syé nɛ́, pé yɔ́ɔ́ wé pé mɔ́b ŋkɔʼ ne yé. Ndzɔ́ʼ pɔŋ tsúbú kaʼatɛ.
Pɔ́lə ŋáá Trowasə ŋgú Milɛ
13Psi kpɛ́ɛ́ ssó, ŋkɔ́ʼɔ́ ndzó taʼ páŋ, ndɔ́ɔ́ mɛndɔ́b Asosə, ywoʼ yɛ́ psi kɛ ghɛ́ mbó ndɔ́ɔ́ Pɔ́lə nɛ́. Ŋkyé ŋgâ a kɛ tíí ye pe ŋgâ a ndzáʼa ye pe mɛndɔ́b me kɛ d mbáŋá yóʼó. 14Ŋkhoʼyɛ́ a kɛ pɛ́rɛ́ ywí yóʼó nɛ́, a kɔ́ʼɔ́ ndzó páŋ psi pɔ́b ghú Mitilɛ́ɛ́nə. 15Keemvé, psi ŋáá yóʼó, ŋgú kaʼatɛ mbáŋá Shosə. Keemvé ŋkʉ́rʉ́, psi siʼá Samosə kaʼatɛ taʼ zhyémve ghɛ́ ndzáʼa, psi ghú kaʼatɛ mbáŋá Milɛ, mbɛ njʉ́ psi kɛ náʼ tsɛ́bɛ Trozhilyɔ́ŋ nɛ́. 16Ŋkyé ŋgâ Pɔ́lə kɛ tsé mbé zɔŋɔ ŋgâ psi pɔ́b tsɛ́bɛ́ Éfɛ̂zə, ne mbúbune cyó tiʼɛ zhyémve Azi pó. A kɛ tsé shʉrɛ́ taʼ no. No yéré kɛ pe mbáŋne Yerʉ́salɛm ŋkɔ́ŋ, zhyémve ndebéne Paŋtəkotə pɔ́rɔ́ kúʼɔ́, Mbéyɛ́ Mboʼmvé psyɛ́ nɛ́.
Pɔ́lə fɛ́ yáŋmvé pwó pɛ ghəkód pɛ́ pɔ́b kɛ pɛ́ Éfɛ̂zə nɛ́ ici
17Pɔ́lə kɛ pɛ Milɛ, ŋgyɛ́ pe téré pɛ ghəkód pɛ́ pɔ́b kɛ pɛ ndzó ndáméted Éfɛ̂zə nɛ́. 18Ŋkhoʼyɛ́ pɔ́b kɛ pɛ́rɛ́ wé nɛ́, a ntsɔ́ ne pɔ́b ŋgâ: «Puŋ zɛ́ njʉ́ mbziʼe yá kɛ pɛ́ tsetsɛrɛ puŋ féré njʉ́ mə kɛ páŋá Azi nɛ́. 19Mə kɛ fɛ́ mbəb ya syé, fáʼa pwó Ntsɛɛpɔŋ, mbɛ njʉ́ a kɛ pɛ̌ ndzɔ́ʼɔ́ yaŋ pwɛ kpeʼe, ŋkyé menaŋ mɛ́ pɛ Yúda kɛ nyí ŋkyé ya nɛ́. 20Mə kɛ pé zhyɛ́ ŋgiŋi ndúŋú cyó yɔ́b yɛ́, a kɛ ghɛmbɛ a ghɛ́ ntsɛ́ʼɛ́ ghebe né puŋ nɛ́ pó. Mə kɛ cʉrí Ŋkəŋ Sʉ́ʼʉ́, mbó ntʉ́ʉ́ wúŋ, a tétáá njʉ́ ne mbaʼá nɛ́. 21No yɛ́ mə kɛ tsɔ́ nɛ́ kɛ pɛ́ɛ́ ŋgâ pɛ Yúda pwɛ pɛ Gerɛʼ séd mbziʼe yɔ́b mbzyɛ́ Mboʼmvé mbó ntséʼé psyɛ́ndzɔʼ mbəb Yěsô, Ntsɛɛpɔŋ wíŋi.
22Njʉ́ ŋkhoʼyɔŋ káʼa, mə tsʉ́ʼ mkpáŋ Zhʉye Yáŋme nɛ́, mə nsé nɔŋ pe mɛndɔ́b Yerʉ́salɛm. Mə ndzɛ́ yɔ́b yɛ́ a ŋkuŋɔ́ ya yóʼó nɛ́ pó. 23Ntsʉʼmbé yɔ́b yɛ́ mə ndzé nɛ́, Zhʉye Yáŋme tsé nyóʼó né mo ndzó ŋkɔŋɔ mbɛ́lʉ́ŋ pɛ́ mə ndzáʼ náá nɛ́, tsáŋ pú ŋgəʼo tsé ndzwəʼɛ ya. 24Tsómvé ya pó mbé tséʼé cyó ghəbe ne mo pó. Yɔ́b yɛ́ mə ntáʼá nɛ́, a měne faʼ yɛ́, pé kɛ ntě ne mo nɛ́ sʉ́ʼʉ, mbó fáʼ faʼ yɛ́ Ntsɛɛpɔŋ Yěsô fɛ́ ne mo nɛ́. Faʼ yéré pe nɔŋ, ncʉríne Ŋkəŋ Sʉ́ʼʉ foʼndzəndzoʼ yɛ́ Mboʼmvé fɛ́ pwó pɔŋ nɛ́.
25Ndzyěne ŋkhoʼyɔŋ, mə ndzé kpaʼ sísíŋ ŋgâ, ŋkɔŋɔ wuŋ wɛ́ mə ndzáʼa tsetsɛrɛ puŋ ncʉ́ri Nofɔŋ Mboʼmvé náá nɛ́, piŋi mbó njʉ́ záŋ pó. 26Taʼ no yɛ́ tɛɛmbɛ mə nsó ndzebé síŋ puŋ ne kɔbɔ́ndzɔʼ nɛ́ pɛ́ɛ́ ŋgâ, a pwo ŋɔŋ wuŋ, mbǒ pwó ya ndúŋú pó. 27Mə ŋgyɛ́ ŋgiŋi ndúŋú cyó yɔ́b pó. Mə mbó ndwɛ̌ ncʉ́rɛ no yɛ́ Mboʼmvé kɛ tíí ŋgâ a ŋgyɛ́ nɛ́, ne puŋ. 28Puŋ psyéb mbəb yuŋ mbó mvyéb ŋkɔŋɔ pɔŋ pɛ́ Zhʉye Yáŋme tíí wúŋ ne mvyéb wɔ́b náá nɛ́. Puŋ pé pɛ ntsyaŋa ndáméted Mboʼmvé yɛ́, a kɛ zúŋ kpaʼ ne nsə mé nɛ́.
29Mə ndzé kpaʼsísiŋ ŋgâ mə mbé tɛ́ sɛ́rɛ pfúŋɔ́ ya, pɛ ntsɔbɔ kəpɔŋ kúŋ, maʼ vaʼ tsetsɛrɛ puŋ, kaʼatɛ cyó ŋɔŋ pe tsʉ́ʼ pó. 30Pɔŋ ke ntwɔ́ɔ́ ndzɔ́ʼɔ́ puŋ, ntsɛ́ʼɛ́ pɛ nsó mbwɔ̂ pɛ́ á sɛ́rɛ pǔkristo pɔ́b cʉ́ʼɔ́ ndzəb pɔ́b nɛ́. 31Puŋ zhyáŋa nɛ́, mbó fú tó yúŋ njʉ́ ne ŋgǒʼmvé yíkyéd, netsúʼ pwɛ nwɔ̌tsəhó ndzɔ́ʼɔ́ yaŋ, mə kɛ pó tee kii tʉ́ʉ́ ntsye ŋɔŋ ndzɔ́ʼɔ́ puŋ nɛ́ pó. 32A kiʼi ŋgɛmbɛ ne ŋkhoʼyɔŋ, mə ntéé wúŋ nɛ́ ndzó pwó Mboʼmvé, pwɛ Nsó ye wé foʼndzəndzoʼ. Ye wɛ́, a tséʼé tʉ̌ŋ ne ŋkwódne ndáb mbó ntéé mbɛd pwó ŋkɔŋɔ pupé pé yáŋme náá nɛ́.
33Mə kɛ pó tíí mii máá ndúŋú mbób ŋɔŋ, kii ŋgâ tʉ́ŋɔ́paŋ kii ndzwé ŋɔŋ pó. 34Ŋ ŋkɔʼɔtómbəb yúŋ, puŋ zé ŋgâ mbwó máá mɔŋ ké fɛ̌ mɔ́b ne mo pwɛ pe pɛkpee páá. 35Mə kɛ zhyɛ́ puŋ zé ŋgâ pe ndɛ njʉ́ ŋgəʼó pe kɛ́ʼɛ́ kɔ́ŋ, mbɔ́rɔ́ ŋgɛbɛ́ pɔŋ pɛ́ tʉ̌ŋ mɔ́b zəhɛɛ nɛ́. Mə kɛ pó fú tó yuŋ ŋkʉ́rʉ́, ne no yɛ́ kɔʼɔ tómbəb Ntsɛɛpɔŋ Yěsô kɛ nsó nɛ́. No yéré pɛ́ɛ́ ŋgâ: “Mbéne sʉ́ʼʉ pwó ŋɔŋ wɛ́ a fɛ́ nɛ́, kaʼatɛ ntsɛ́ɛ́ ŋɔŋ wɛ́ pe fɛ́ pwó ye nɛ́.”»
36Ŋkhoʼyɛ́ a kɛ nsó néré nɛ́, pwɛ ŋkɔŋɔ wɔ́b náá féd kwuʼé mɔ́b syé, Pɔ́lə ntsɛ́ʼɛ́ Mboʼmvé. 37Néré, yaŋ mgbáá ŋkɔŋɔ wɔ́b náá, pɔ́b páʼá wé. 38Ntsuŋíne mɔ́b zááme kɛ twɔ́ ne nsó wɛ́, a nsó ŋgâ pú pɔ́b mbó njʉ́ záŋ ŋkʉ́rʉ́ nɛ́ pó. Néré, pɔ́b tyáŋa wé mbáŋá pfúŋɔ́ páŋ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល