Faʼ Ghaŋántɔ́b 19
19
Pɔ́lə páŋa Éfɛ̂zə
1Ŋkhoʼyɛ́ Apolosə kɛ pɛ́ Korɛŋto nɛ́, Pɔ́lə záʼá ndzɔ́ʼɔ́ pɛ ŋkəŋ ŋkʉ́yó Éfɛ̂zə. A zhʉ́ pɔ́ŋdii pǔkristo yóʼó, 2mbzírɛ́ wɔ́b ŋgâ: «Puŋ kɛ tséʼé Zhʉye Yáŋme ŋkhoʼyɛ́ puŋ psyɛ́ Mboʼmvé nɛ́?» Ntsʉʼmbé pɔ́b pɔ́rɔ́ pwó yé ŋgâ: «Psi kâ kɛ zóʼó pé nsó no ndzáʼa ndúŋú pó!» 3Pɔ́lə psirɛ́ wɔ́b ŋgâ: «Tɛ puŋ kɛ kpéé yɛ́rɛ́ mbziʼe nse nɛ́?» Pɔ́b pód ŋgâ: «Kpênse yɛ́ Zhâŋ kɛ fɛ́ nɛ́.» 4Pɔ́lə ké mbó ntsó ŋgâ: «Zhâŋ kɛ fɛ́ɛ́ kpênse sɛrɛ́ ndzɔʼ, mbó ntsɔ́ pwó pɔŋ ŋgâ pɔ́b psyɛ́ ŋɔŋ wɛ́ a tsé ŋkʉ́yó ndzəb yé nɛ́, ne taʼ ndzɔʼ. Ŋɔŋ wéré, a Yěsô.» 5Pɔ́b zóʼ ntswee ye, kpênse ne tíí Ntsɛɛpɔŋ Yěsô. 6Pɔ́lə záb mbwo mé mbəb pɔ́b, Zhʉye Yáŋme kúŋɔ́ mbəb pɔ́b. Néré, pɔ́b ntsó pecyó pɛ nsó mbó ntsɔ́ kpaŋató Mboʼmvé. 7Pɔŋ péré kɛ kaa náá mbé ywɔ̌ ntsɔ̌b ŋɔŋ yípáá.
Pɔ́lə cʉrí Nsó Mboʼmvé Éfɛ̂zə
8Pɔ́lə ghú ndántéré pɛ Yúda, ntsɔ́ Nofɔŋ Mboʼmvé ne pénab pékyéd, pe ne kɔbɔ́ndzɔʼ. A táʼ ndzáʼ yé njʉ́ pɔ́b ndzóʼó wé mbó mbzyɛ́ no yɛ́ a kɛ tsɔ́ nɛ́. 9Njʉ́ pecyó pɔŋ kɛ ke ntsɛ́ʼɛ́ tʉŋɔ́ndzɔʼ nɛ́, ke mbé psyɛ́ no yɛ́ a kɛ ntsɔ́ nɛ́ pó, mbó tuŋɔ́ mɛndɔ́b Ntsɛɛpɔŋ tuŋú síŋ ŋkɔŋɔ pɔŋ náá nɛ́, Pɔ́lə suʼú mbəb ye pfuŋ pɔ́b, pwɛ pǔkristo páʼ. A nyóʼó wɔ́b ne Nsó Mboʼmvé ndáŋweʼe yɛ́ Tiranosə kɛ ŋkwód nɛ́. 10Pɔ́lə nyóʼ néré ne ŋgǒʼmvé yípáá, kaʼatɛ ŋkɔŋɔ pɔŋ ndzó pɛ́rɛ́ ŋgɔŋ Azi náá, pɛ Yúda, njʉ́ pɛ Gerɛʼ nɛ́, zóʼ nsó Ntsɛɛpɔŋ.
No yɛ́ a kɛ kúŋɔ́ pɔ́ŋ Séva nɛ́
11Mboʼmvé kɛ záʼá mbəb Pɔ́lə ŋgyɛ́ pɛ meno shʉyédme, 12kaʼatɛ pe yɔ́ɔ́ pɛ ndzwé pwɛ pɛ́rɛ́ ndzwé pɛ́ a kɛ kɛbɛ Pɔ́lə nɛ́, ŋgú ndzab a mbəb pɛ ghaŋághɔŋ, pɔ́b ke fwǒ néré. Mbɛ pɛ zhʉye kəpɔŋ kɛ ke twɔ̌ néré mbəb pɔŋ. 13Pecyó pɛ Yúda kɛ pɛ́ yóʼó, ŋkɛrɛ ndzú pɛ zhʉye kəpɔŋ mbəb pɔŋ. Pɔ́b kɛ ke ndzyě yɔ́b ne ndzǔne pɛ zhʉye kəpɔŋ ne tíí Ntsɛɛpɔŋ Yěsô. Pɔ́b kɛ tsɔ́ ŋgâ: «Mə ntsɔ́ ne puŋ ne tíí Yěsô wɛ́ Pɔ́lə ncʉ́rɛ nɛ́, puŋ twɔ́!» 14Taʼ ntsɛ́ssó ghaŋáshʉ́ kɛ pɛ́ yóʼó, tíí pé Sevá, pɔ́ŋ pé pesambáá ke ndzéʼé yɔ́b ne ndzǔne zhʉye kəpɔŋ néré. 15Zhʉye kəpɔŋ pɔ́rɔ́ ne pɔ́b ŋgâ: «Yěsô wékénɛ́, mə ndzɛ́ wé, mbɛ Pɔ́lə wéré, mə ké mbó ndzɛ́ wɛ́. Ntsʉ́ʼmbɛ ne puŋ, puŋ mbɛ́kɔ́?» 16Ŋɔŋ wéré wɛ́ zhʉye kəpɔŋ kɛ pɛ́ mbəb ye nɛ́, kúŋɔ́ tó pɔ́b ne tʉŋ, sɛ́ɛ́ ndzwé pɔ́b náá kaʼatɛ, pɔ́b ki ntsiŋi ne pɛ pɛ́rɛ́ náb mbəb pɔ́b, ŋgú yóʼó pɔ́b. 17Ŋkɔŋɔ mbéŋgɔŋ Éfɛ̂zə náá, ŋkɔŋɔ pɛ Yúda náá njʉ́ ŋkɔŋɔ pɛ Gerɛʼ nɛ́, zóʼ ŋkɔŋɔ meno péré náá pɔ́ɔ́ gbáá wɔ́b, pɔ́b tsɔ́ ŋgâ: «Tíí Ntsɛɛpɔŋ Yěsô no kəkwéʼe.»
18Puzááme pɛ́ pɔ́b kɛ psyɛ́ Mboʼmvé nɛ́, tsɛ́ tétáá, nsó ŋkɔŋɔ meno kəpɔŋ pɛ́ pɔ́b kɛ zhyɛ́ náá nɛ́. 19Pecyó pɔŋ pɛ́ pɔ́b kɛ pé pɛ maʼndzə́b nɛ́, yeré mboʼŋweʼe pɔ́b náá, ntɔŋɔ tétáá. Kaʼatɛ pe tiŋi ndɔŋ yé, a pé ŋkáb mbób ghúbmetáŋ#19:19 ghúbmetáŋ A kɛ ghɛmbɛ, tɛɛmbɛ mbəb yéré záʼ milyɔŋ zááme.. 20Néré, tʉ̌ŋ Ntsɛɛpɔŋ zhyɛ́ nsó ye gbaʼ ŋkɔŋɔ ywoʼ náá, ŋgaŋ mé pó ŋgaʼ.
Vaʼ vɔ́ Éfɛ̂zə ŋkyé Pɔ́lə
21Njʉ́ a kɛ pé néré nɛ́, Zhʉye Yáŋme zhyɛ́ Pɔ́lə tíí ŋgâ a ŋáá yé ŋgú Yerʉ́salɛm, ŋgɛ̌ ndzáʼa ne Makadoniya pú Akayi. A kɛ tsɔ́ ŋgâ: «Ŋkhoʼyɛ́ mə mbáŋá yóʼó nɛ́, a zɔŋɔ ŋgâ mə mbó ŋgú ŋkʉ́rʉ́ kaʼatɛ mbáŋá Roma.» 22Pɔ́lə twɔ́ tsyɛ́ pé pépáá Makadoniya. A kɛ pé Timoté pú Erastə. Ŋgɛmbɛ tómbəb ye ghɛ́ mbɔ́rɔ́ tsʉ́ʼɔ Azi ndáʼá yóʼó ne pɔ́ŋ zhyémve.
23A ŋkhoʼyɛ́ nɛ́ vaʼ kɛ vɔ́ Éfɛ̂zə kaʼatɛ ne no mɛndɔ́b Ntsɛɛpɔŋ nɛ́. 24Taʼ sûyab wɛ́ pe kɛ fú wé ne Demetryʉsə nɛ́, kɛ tɛŋɛ pɛ pɔŋtí ndámboʼmvé məŋgʉ́yé wɛ́ pe kɛ fú ne Aatemisə nɛ́, ne tʉ́ŋɔ́. Faʼ Demetryʉsə yéré kɛ zhyɛ́, pɛ sûyab tsɛ́ʼɛ́ sí zááme. 25Néré, ŋɔŋ wéré ntéré ŋkɔŋɔ pɛ sûyab náá, pwɛ pecyó pɔŋ pɛ pɔ́b kɛ ke fáʼa mbziʼe faʼ yéré nɛ́, ntsɔ́ ne pɔ́b ŋgâ: «Sɔŋ páá, puŋ zé ŋgâ yiŋi foʼ twɔ́ ndúŋú faʼ yɔŋ. 26Ntsʉʼmbé, puŋ tsé njʉ́ mbó ndzóʼó pe ntsɔ. Mbe pɛ́ɛ́ ndaʼ Éfɛ̂zə pó, ntsʉʼmbé, a ndzó ŋkɔŋɔ pɛ́rɛ́ ŋgɔŋ Azi náá. Pɔ́lə wɔŋ váʼá tó pɔŋ, shʉyɛ́ wɔ́b ntsɔ́ ŋgâ pɛ Mboʼmvé pɛ piŋi ntɛŋɛ ne mbwó miŋi nɛ́, a pɛ Mboʼmvé pó. 27A ke mbé pé ndaʼ faʼ yiŋi ŋgɛ́ ntsɛ́ʼɛ́ ŋgəʼo pó. Ntsʉʼmbé, mbɛ ndámboʼmvé məŋgʉ́yé kəkwéʼe wɛ́ tíí Aatemisə nɛ́, pe máʼa kpaŋ, mɔ́ntiʼa ŋkhoʼ, ŋgúʼune mɛ́ pɔŋ twɔ́ Azi pú mvémvé náá fɛ́ pwó ye nɛ́, myé.»
28Njʉ́ a kɛ ntsó néré nɛ́, ŋgyé ŋkɔŋɔ pɔŋ pɛ́ pɔ́b kɛ pɛ yóʼó náá nɛ́, zúʼú. Pɔ́b ke ŋgeʼé ghéʼe ntsɔ́ ŋgâ: «Ŋguʼune pɛ pwó Aatemisə wɛ́ a Éfɛ̂zə nɛ́.» 29Vaʼ yéré mgbaʼ ŋkɔŋɔ mbɛ́lʉ́ŋ náá, kaʼatɛ pɔŋ kí zááme ŋgǔ ndzó ywoʼ yɛ́ pe zhyɛ́ púŋ nɛ́. Ŋgɛ́ ndzáʼa, ndɔ́ɔ́ Gayʉsə pú Arisətáákə, pɛ́ pɔ́b kɛ pé mbé ŋgɔŋ Makadoniya, mbó mbé pɛkpee Pɔ́lə nɛ́. 30Pɔ́lə sɛ́ɛ́ ŋgâ a ŋgú ntsɔ́ no pwó pɔŋ yóʼó, ntsʉʼmbé pǔkristo pe psyɛ́ pó. 31Pecyó mbé Azi pɛ pɔ́b kɛ pé ghaŋáfaʼ ŋgɔ́bmenaʼ kəkwéʼe ŋgɛmbɛ mbé sɔ́ŋ Pɔ́lə nɛ́, twɔ́ ntɔ́b mbóʼmbwó, pwó yé ŋgâ a ndɛ m wɔ̂ ntii kpee ye ndzó ywoʼɔzhyɛ́ púŋ yéré.
32A kɛ pɛ́ ndzó ywoʼɔ́púŋ yéré, mbɛwɔ̂ ke ŋgeʼé ye no, tó pɔŋ mváʼ kaʼatɛ puzááme pó mbé zɛ́ no yɛ́ pe kɛ tɛrɛ́ ndúŋú nɛ́ pó. 33Pecyó pɔŋ ndzɔ́ʼɔ́ pɔŋ tɛ́bɛ no yɛ́ a kɛ záʼ nɛ́ pwó cyó taʼ Aleʼzandrə wɛ́ pɛ Yúda kɛ tíí wé ssó nɛ́. Aleʼzandrə wéré nyóʼ pwó ye, ŋgâ pɔŋ naʼ ndzwəʼé, ŋkyé ŋgâ a tséʼé nsó. 34Ntsʉʼmbé, ŋkhoʼyɛ́ pe kɛ zóʼ ŋgâ a ŋɔŋ Yúda nɛ́, ŋkɔŋɔ wɔ́b náá ghéʼ, ntsɔ́ njʉ́ taʼ ŋɔŋ nɛ́ ŋgâ: «Ŋguʼune pɛ́ pwó Aatemisə wɛ́ a Éfɛ̂zə nɛ́!» Pɔ́b kɛ nsó néré ne ywɔ̌ ŋkhoʼmvé yípáá kii kaŋ. 35Mvɛɛkɔŋ mbɛ́lʉ́ŋ taʼ ndzaʼye kaʼatɛ náŋá wɔ́b, ntsɔ́ ne pɔ́b ŋgâ: «Mbéŋgɔŋ Éfɛ̂zə! Ŋkɔŋɔ ŋɔŋ náá zɛ́ ghaŋ ŋgâ mbɛ́lʉ́ŋ Éfɛ̂zə, a mbɛ́lʉ́ŋ yáŋme Aatemisə kəkwéʼe pú záʼa ye wɛ́ a kɛ twɔ́ pépéé nɛ́. 36Mbziʼe njʉ́ ŋkɔŋɔ pɔŋ náá cʉyǐ ndzé nɛ́, a zɔŋɔ nɛ́ ŋgâ puŋ ghód fwóme, ŋgyaŋa ŋgyɛ̌ne cyó no kii kpaŋató. 37Ŋkyé ŋgâ, puŋ yɔ̌ pɔŋ pɛ́ pɔ́b zhyɛ́ cyó no kəpɔŋ mbəb Mboʼmvé wíŋi nɛ́ pó, kii pó tó wé nɛ́, ŋkʉ́yó ne wɔ́b ghaŋ. 38A pɛ́ɛ́yɛ́ Demetryʉsə pwɛ ghaŋásúúyab pé zɔŋɔ sɔ́bɔ́ ŋɔŋ nɛ́, mbǒ pɛ ywoʼ sábáfiʼ yóʼó pwɛ pɛ ghaŋáfíʼɛfiʼ. A ywoʼ yɛ́ tɛɛmbɛ pɔ́b sɔ́bɔ́ ŋɔŋ nɛ́! 39Mbéyɛ́ puŋ ntséʼé cyó no ne mbzírine nɛ́, mbǒ pé njʉ́ no fɛ́ ndúŋú, síŋ ntéré mbɛ́lʉ́ŋ. 40Ntsʉʼmbé piŋi máʼá kpaŋ pe sɔ́bɔ́ wíŋi ŋgâ piŋi maʼ vaʼ, ŋkyé no ntéré ndzebé wɔ̂ŋ. Ŋkyé ŋgâ piŋi tséʼé cyó no ne ntsóne ndɔ́ɔ́ kpéé tó yiŋi núŋ nɛ́ pó, mbéyɛ́ pe psirɛ́ wíŋi ŋgâ piŋi ntéré ŋgyɛ̌ kɔ́ nɛ́.» Ŋkhoʼyɛ́ a kɛ nsó kɛ́ʼɛ́ nɛ́, a núʼɔ́ pɔŋ.
ទើបបានជ្រើសរើសហើយ៖
Faʼ Ghaŋántɔ́b 19: XMG
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Faʼ Ghaŋántɔ́b 19
19
Pɔ́lə páŋa Éfɛ̂zə
1Ŋkhoʼyɛ́ Apolosə kɛ pɛ́ Korɛŋto nɛ́, Pɔ́lə záʼá ndzɔ́ʼɔ́ pɛ ŋkəŋ ŋkʉ́yó Éfɛ̂zə. A zhʉ́ pɔ́ŋdii pǔkristo yóʼó, 2mbzírɛ́ wɔ́b ŋgâ: «Puŋ kɛ tséʼé Zhʉye Yáŋme ŋkhoʼyɛ́ puŋ psyɛ́ Mboʼmvé nɛ́?» Ntsʉʼmbé pɔ́b pɔ́rɔ́ pwó yé ŋgâ: «Psi kâ kɛ zóʼó pé nsó no ndzáʼa ndúŋú pó!» 3Pɔ́lə psirɛ́ wɔ́b ŋgâ: «Tɛ puŋ kɛ kpéé yɛ́rɛ́ mbziʼe nse nɛ́?» Pɔ́b pód ŋgâ: «Kpênse yɛ́ Zhâŋ kɛ fɛ́ nɛ́.» 4Pɔ́lə ké mbó ntsó ŋgâ: «Zhâŋ kɛ fɛ́ɛ́ kpênse sɛrɛ́ ndzɔʼ, mbó ntsɔ́ pwó pɔŋ ŋgâ pɔ́b psyɛ́ ŋɔŋ wɛ́ a tsé ŋkʉ́yó ndzəb yé nɛ́, ne taʼ ndzɔʼ. Ŋɔŋ wéré, a Yěsô.» 5Pɔ́b zóʼ ntswee ye, kpênse ne tíí Ntsɛɛpɔŋ Yěsô. 6Pɔ́lə záb mbwo mé mbəb pɔ́b, Zhʉye Yáŋme kúŋɔ́ mbəb pɔ́b. Néré, pɔ́b ntsó pecyó pɛ nsó mbó ntsɔ́ kpaŋató Mboʼmvé. 7Pɔŋ péré kɛ kaa náá mbé ywɔ̌ ntsɔ̌b ŋɔŋ yípáá.
Pɔ́lə cʉrí Nsó Mboʼmvé Éfɛ̂zə
8Pɔ́lə ghú ndántéré pɛ Yúda, ntsɔ́ Nofɔŋ Mboʼmvé ne pénab pékyéd, pe ne kɔbɔ́ndzɔʼ. A táʼ ndzáʼ yé njʉ́ pɔ́b ndzóʼó wé mbó mbzyɛ́ no yɛ́ a kɛ tsɔ́ nɛ́. 9Njʉ́ pecyó pɔŋ kɛ ke ntsɛ́ʼɛ́ tʉŋɔ́ndzɔʼ nɛ́, ke mbé psyɛ́ no yɛ́ a kɛ ntsɔ́ nɛ́ pó, mbó tuŋɔ́ mɛndɔ́b Ntsɛɛpɔŋ tuŋú síŋ ŋkɔŋɔ pɔŋ náá nɛ́, Pɔ́lə suʼú mbəb ye pfuŋ pɔ́b, pwɛ pǔkristo páʼ. A nyóʼó wɔ́b ne Nsó Mboʼmvé ndáŋweʼe yɛ́ Tiranosə kɛ ŋkwód nɛ́. 10Pɔ́lə nyóʼ néré ne ŋgǒʼmvé yípáá, kaʼatɛ ŋkɔŋɔ pɔŋ ndzó pɛ́rɛ́ ŋgɔŋ Azi náá, pɛ Yúda, njʉ́ pɛ Gerɛʼ nɛ́, zóʼ nsó Ntsɛɛpɔŋ.
No yɛ́ a kɛ kúŋɔ́ pɔ́ŋ Séva nɛ́
11Mboʼmvé kɛ záʼá mbəb Pɔ́lə ŋgyɛ́ pɛ meno shʉyédme, 12kaʼatɛ pe yɔ́ɔ́ pɛ ndzwé pwɛ pɛ́rɛ́ ndzwé pɛ́ a kɛ kɛbɛ Pɔ́lə nɛ́, ŋgú ndzab a mbəb pɛ ghaŋághɔŋ, pɔ́b ke fwǒ néré. Mbɛ pɛ zhʉye kəpɔŋ kɛ ke twɔ̌ néré mbəb pɔŋ. 13Pecyó pɛ Yúda kɛ pɛ́ yóʼó, ŋkɛrɛ ndzú pɛ zhʉye kəpɔŋ mbəb pɔŋ. Pɔ́b kɛ ke ndzyě yɔ́b ne ndzǔne pɛ zhʉye kəpɔŋ ne tíí Ntsɛɛpɔŋ Yěsô. Pɔ́b kɛ tsɔ́ ŋgâ: «Mə ntsɔ́ ne puŋ ne tíí Yěsô wɛ́ Pɔ́lə ncʉ́rɛ nɛ́, puŋ twɔ́!» 14Taʼ ntsɛ́ssó ghaŋáshʉ́ kɛ pɛ́ yóʼó, tíí pé Sevá, pɔ́ŋ pé pesambáá ke ndzéʼé yɔ́b ne ndzǔne zhʉye kəpɔŋ néré. 15Zhʉye kəpɔŋ pɔ́rɔ́ ne pɔ́b ŋgâ: «Yěsô wékénɛ́, mə ndzɛ́ wé, mbɛ Pɔ́lə wéré, mə ké mbó ndzɛ́ wɛ́. Ntsʉ́ʼmbɛ ne puŋ, puŋ mbɛ́kɔ́?» 16Ŋɔŋ wéré wɛ́ zhʉye kəpɔŋ kɛ pɛ́ mbəb ye nɛ́, kúŋɔ́ tó pɔ́b ne tʉŋ, sɛ́ɛ́ ndzwé pɔ́b náá kaʼatɛ, pɔ́b ki ntsiŋi ne pɛ pɛ́rɛ́ náb mbəb pɔ́b, ŋgú yóʼó pɔ́b. 17Ŋkɔŋɔ mbéŋgɔŋ Éfɛ̂zə náá, ŋkɔŋɔ pɛ Yúda náá njʉ́ ŋkɔŋɔ pɛ Gerɛʼ nɛ́, zóʼ ŋkɔŋɔ meno péré náá pɔ́ɔ́ gbáá wɔ́b, pɔ́b tsɔ́ ŋgâ: «Tíí Ntsɛɛpɔŋ Yěsô no kəkwéʼe.»
18Puzááme pɛ́ pɔ́b kɛ psyɛ́ Mboʼmvé nɛ́, tsɛ́ tétáá, nsó ŋkɔŋɔ meno kəpɔŋ pɛ́ pɔ́b kɛ zhyɛ́ náá nɛ́. 19Pecyó pɔŋ pɛ́ pɔ́b kɛ pé pɛ maʼndzə́b nɛ́, yeré mboʼŋweʼe pɔ́b náá, ntɔŋɔ tétáá. Kaʼatɛ pe tiŋi ndɔŋ yé, a pé ŋkáb mbób ghúbmetáŋ#19:19 ghúbmetáŋ A kɛ ghɛmbɛ, tɛɛmbɛ mbəb yéré záʼ milyɔŋ zááme.. 20Néré, tʉ̌ŋ Ntsɛɛpɔŋ zhyɛ́ nsó ye gbaʼ ŋkɔŋɔ ywoʼ náá, ŋgaŋ mé pó ŋgaʼ.
Vaʼ vɔ́ Éfɛ̂zə ŋkyé Pɔ́lə
21Njʉ́ a kɛ pé néré nɛ́, Zhʉye Yáŋme zhyɛ́ Pɔ́lə tíí ŋgâ a ŋáá yé ŋgú Yerʉ́salɛm, ŋgɛ̌ ndzáʼa ne Makadoniya pú Akayi. A kɛ tsɔ́ ŋgâ: «Ŋkhoʼyɛ́ mə mbáŋá yóʼó nɛ́, a zɔŋɔ ŋgâ mə mbó ŋgú ŋkʉ́rʉ́ kaʼatɛ mbáŋá Roma.» 22Pɔ́lə twɔ́ tsyɛ́ pé pépáá Makadoniya. A kɛ pé Timoté pú Erastə. Ŋgɛmbɛ tómbəb ye ghɛ́ mbɔ́rɔ́ tsʉ́ʼɔ Azi ndáʼá yóʼó ne pɔ́ŋ zhyémve.
23A ŋkhoʼyɛ́ nɛ́ vaʼ kɛ vɔ́ Éfɛ̂zə kaʼatɛ ne no mɛndɔ́b Ntsɛɛpɔŋ nɛ́. 24Taʼ sûyab wɛ́ pe kɛ fú wé ne Demetryʉsə nɛ́, kɛ tɛŋɛ pɛ pɔŋtí ndámboʼmvé məŋgʉ́yé wɛ́ pe kɛ fú ne Aatemisə nɛ́, ne tʉ́ŋɔ́. Faʼ Demetryʉsə yéré kɛ zhyɛ́, pɛ sûyab tsɛ́ʼɛ́ sí zááme. 25Néré, ŋɔŋ wéré ntéré ŋkɔŋɔ pɛ sûyab náá, pwɛ pecyó pɔŋ pɛ pɔ́b kɛ ke fáʼa mbziʼe faʼ yéré nɛ́, ntsɔ́ ne pɔ́b ŋgâ: «Sɔŋ páá, puŋ zé ŋgâ yiŋi foʼ twɔ́ ndúŋú faʼ yɔŋ. 26Ntsʉʼmbé, puŋ tsé njʉ́ mbó ndzóʼó pe ntsɔ. Mbe pɛ́ɛ́ ndaʼ Éfɛ̂zə pó, ntsʉʼmbé, a ndzó ŋkɔŋɔ pɛ́rɛ́ ŋgɔŋ Azi náá. Pɔ́lə wɔŋ váʼá tó pɔŋ, shʉyɛ́ wɔ́b ntsɔ́ ŋgâ pɛ Mboʼmvé pɛ piŋi ntɛŋɛ ne mbwó miŋi nɛ́, a pɛ Mboʼmvé pó. 27A ke mbé pé ndaʼ faʼ yiŋi ŋgɛ́ ntsɛ́ʼɛ́ ŋgəʼo pó. Ntsʉʼmbé, mbɛ ndámboʼmvé məŋgʉ́yé kəkwéʼe wɛ́ tíí Aatemisə nɛ́, pe máʼa kpaŋ, mɔ́ntiʼa ŋkhoʼ, ŋgúʼune mɛ́ pɔŋ twɔ́ Azi pú mvémvé náá fɛ́ pwó ye nɛ́, myé.»
28Njʉ́ a kɛ ntsó néré nɛ́, ŋgyé ŋkɔŋɔ pɔŋ pɛ́ pɔ́b kɛ pɛ yóʼó náá nɛ́, zúʼú. Pɔ́b ke ŋgeʼé ghéʼe ntsɔ́ ŋgâ: «Ŋguʼune pɛ pwó Aatemisə wɛ́ a Éfɛ̂zə nɛ́.» 29Vaʼ yéré mgbaʼ ŋkɔŋɔ mbɛ́lʉ́ŋ náá, kaʼatɛ pɔŋ kí zááme ŋgǔ ndzó ywoʼ yɛ́ pe zhyɛ́ púŋ nɛ́. Ŋgɛ́ ndzáʼa, ndɔ́ɔ́ Gayʉsə pú Arisətáákə, pɛ́ pɔ́b kɛ pé mbé ŋgɔŋ Makadoniya, mbó mbé pɛkpee Pɔ́lə nɛ́. 30Pɔ́lə sɛ́ɛ́ ŋgâ a ŋgú ntsɔ́ no pwó pɔŋ yóʼó, ntsʉʼmbé pǔkristo pe psyɛ́ pó. 31Pecyó mbé Azi pɛ pɔ́b kɛ pé ghaŋáfaʼ ŋgɔ́bmenaʼ kəkwéʼe ŋgɛmbɛ mbé sɔ́ŋ Pɔ́lə nɛ́, twɔ́ ntɔ́b mbóʼmbwó, pwó yé ŋgâ a ndɛ m wɔ̂ ntii kpee ye ndzó ywoʼɔzhyɛ́ púŋ yéré.
32A kɛ pɛ́ ndzó ywoʼɔ́púŋ yéré, mbɛwɔ̂ ke ŋgeʼé ye no, tó pɔŋ mváʼ kaʼatɛ puzááme pó mbé zɛ́ no yɛ́ pe kɛ tɛrɛ́ ndúŋú nɛ́ pó. 33Pecyó pɔŋ ndzɔ́ʼɔ́ pɔŋ tɛ́bɛ no yɛ́ a kɛ záʼ nɛ́ pwó cyó taʼ Aleʼzandrə wɛ́ pɛ Yúda kɛ tíí wé ssó nɛ́. Aleʼzandrə wéré nyóʼ pwó ye, ŋgâ pɔŋ naʼ ndzwəʼé, ŋkyé ŋgâ a tséʼé nsó. 34Ntsʉʼmbé, ŋkhoʼyɛ́ pe kɛ zóʼ ŋgâ a ŋɔŋ Yúda nɛ́, ŋkɔŋɔ wɔ́b náá ghéʼ, ntsɔ́ njʉ́ taʼ ŋɔŋ nɛ́ ŋgâ: «Ŋguʼune pɛ́ pwó Aatemisə wɛ́ a Éfɛ̂zə nɛ́!» Pɔ́b kɛ nsó néré ne ywɔ̌ ŋkhoʼmvé yípáá kii kaŋ. 35Mvɛɛkɔŋ mbɛ́lʉ́ŋ taʼ ndzaʼye kaʼatɛ náŋá wɔ́b, ntsɔ́ ne pɔ́b ŋgâ: «Mbéŋgɔŋ Éfɛ̂zə! Ŋkɔŋɔ ŋɔŋ náá zɛ́ ghaŋ ŋgâ mbɛ́lʉ́ŋ Éfɛ̂zə, a mbɛ́lʉ́ŋ yáŋme Aatemisə kəkwéʼe pú záʼa ye wɛ́ a kɛ twɔ́ pépéé nɛ́. 36Mbziʼe njʉ́ ŋkɔŋɔ pɔŋ náá cʉyǐ ndzé nɛ́, a zɔŋɔ nɛ́ ŋgâ puŋ ghód fwóme, ŋgyaŋa ŋgyɛ̌ne cyó no kii kpaŋató. 37Ŋkyé ŋgâ, puŋ yɔ̌ pɔŋ pɛ́ pɔ́b zhyɛ́ cyó no kəpɔŋ mbəb Mboʼmvé wíŋi nɛ́ pó, kii pó tó wé nɛ́, ŋkʉ́yó ne wɔ́b ghaŋ. 38A pɛ́ɛ́yɛ́ Demetryʉsə pwɛ ghaŋásúúyab pé zɔŋɔ sɔ́bɔ́ ŋɔŋ nɛ́, mbǒ pɛ ywoʼ sábáfiʼ yóʼó pwɛ pɛ ghaŋáfíʼɛfiʼ. A ywoʼ yɛ́ tɛɛmbɛ pɔ́b sɔ́bɔ́ ŋɔŋ nɛ́! 39Mbéyɛ́ puŋ ntséʼé cyó no ne mbzírine nɛ́, mbǒ pé njʉ́ no fɛ́ ndúŋú, síŋ ntéré mbɛ́lʉ́ŋ. 40Ntsʉʼmbé piŋi máʼá kpaŋ pe sɔ́bɔ́ wíŋi ŋgâ piŋi maʼ vaʼ, ŋkyé no ntéré ndzebé wɔ̂ŋ. Ŋkyé ŋgâ piŋi tséʼé cyó no ne ntsóne ndɔ́ɔ́ kpéé tó yiŋi núŋ nɛ́ pó, mbéyɛ́ pe psirɛ́ wíŋi ŋgâ piŋi ntéré ŋgyɛ̌ kɔ́ nɛ́.» Ŋkhoʼyɛ́ a kɛ nsó kɛ́ʼɛ́ nɛ́, a núʼɔ́ pɔŋ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល