Luka 4
4
Iblisa a mba i təl ley bim Yesu
(Matta 4:1-11; Markus 1:12-13)
1Yesu mə ziŋgehe mar tə lakwat tə Urdun seh, Mimiɗ sə Kweɗek kəgwaɗaŋ nəf za, ɓa, Mimiɗ ta, a deɓʉ əŋ təp damu. 2Əŋ waŋ ndəra nfaɗ, Iblisa a ndaha abə wereh ŋga a bimʉ ley ɗal hem. Əŋ waŋ iyi ta mba fuk, Yesu kəzəm kwa mey halla. Abə dawaŋ ta, mətis a ju. 3Iblisa, a zlapaŋgu izey, a zla: «Əŋgah hwa Mbu tə Bizlaf seh, zlapaŋ əŋ nvəŋ wa mə mbaɗ əŋ wuda mak!» 4Yesu a ziŋgeŋ zlap, a zla: «Ma mawuzlel tə əŋ Ɗerewel tə Bizlaf mə zlap, a zla: “Hedi dəgənak seh, a nda i nja abə məsəkəŋ kə zəm taataɗ dap səku.”» 5Abə dawaŋ ta, Iblisa sey, a tapza əŋ lay maləm sə jiŋ, ɓa, a gizeŋ hayak bay iyi i mə sla tə a tata tə əŋ məŋhayak fuk, pəsəɗ mənaŋ vaŋ mə səsəm, 6ɓa, a zlapaŋgu, a zla: «Sa vəlah fagay za ley sla a talaŋ hayak iyi wa fuk, abə məsəkəŋ tə ɗəməŋ iyi, məŋgəvday məsəkəŋ iyi ta wa i kəvəlakta za əŋ ndəra na, sa bahayim, sa gula i vəlaŋ əŋ hedi sa mə mba. 7Mənaŋ wa, əŋgah hwa kədar malakw za a ma seh, sa vəlah məsəkəŋ iyi ta wa fuk za.» 8Yesu a ziŋgeŋ zlap, a zla: «Ma mawuzlel tə əŋ Ɗerewel tə Bizlaf mə zlap, a zla: “Daraŋ malakw əŋ Bay Bayta Bizlaf təkwa taataɗ ŋga, ɗalaŋ kəzəɗ əŋ mbiŋ taataɗ ŋga dap.”»
9Baha, Iblisa a deɓʉ əŋ Urusalima, a ɗiyu a talaŋ biŋ tə Bizlaf, ɓa, a zlapaŋgu, a zla: «Əŋgah hwa Mbu tə Bizlaf seh, mbir mar tə a nawa ha əŋ teyek, 10məŋgəvday ma mawuzlel tə əŋ Ɗerewel tə Bizlaf mə zlap, a zla: “Bizlaf a zlapaŋta za əŋ mələɓ ŋga iyi ley jəɗah.” 11Mə wuzleli əŋ Ɗerewel tə Bizlaf baha, a zla: “I slawah za əŋ ndəra tata, məŋgəvday ŋgas təkwa a mba i gurat a nvəŋ səku.#4:11 Jabura 91:12.”» 12Yesu a ziŋgeŋ zlap, a zla: «Ma mawuzlel tə əŋ Ɗerewel tə Bizlaf mə zlap, a zla: “Hwa mba i təl Bay Bayta Bizlaf təkwa səku.”» 13Abə dawaŋ ta, Iblisa abə wereh ŋga fuk, kəlim ley deɓʉ əŋ hem halla seh, ɓa, a nda ŋga, a yaku, sey a pis məzəwindi.
Yesu a mar kəzəɗ ŋga əŋ hayak tə Galili
(Matta 4:12-17; Markus 1:14-15)
14Yesu a ziŋgehe əŋ hayak tə Galili abə fagay tə Mimiɗ sə Kweɗek. Əŋ hayak ta, hedi iyi fuk i mar ley zlap a talaŋ ŋga. 15A kəsərək hedi iyi əŋ biŋ iyi kə ɗal mbuh əŋ Bizlaf, hedi iyi fuk i kəhəmənu.
Hedi tə Nasaratu iyi i kəkuw Yesu halla
(Matta 13:53-58; Markus 6:1-6)
16Ɓa, Yesu a nda əŋ Nasaratu əŋ lay mbiŋ mə gəlaha tə a namba. A pis mba, pis kə yip, a təɗ əŋ biŋ kə ɗal mbuh əŋ Bizlaf mənaŋ vah hwayhway. A gar ley jeŋge ma mawuzlel tə əŋ Ɗerewel tə Bizlaf. 17Ɓa, i vəlaŋ ɗerewel mapaɗ tə hedi mə giz ma abə miya tə Bizlaf, Esaya. A pəlu, a lim lay ma mawuzlel mə zlap mənaŋ wa, a zla:
18«Mimiɗ tə Bay Bayta Bizlaf mbə a sa,
məŋgəvday kəmayaka za
ley giz Labara Səntaŋ Lawayaŋ əŋ hedi məstakwaŋ iyi.
A ləɓaka amba ley gizeŋta əŋ hedi majaw iyi i kəreh cuza,
a ləɓaka ley rəzaŋta nje tə hedi wuluf iyi,
a ləɓaka ley reh hedi majaw iyi tə ndəra məsəgər tata iyi.
19A ləɓaka ley giz va tə Bay Bayta Bizlaf mə nda i ndaha ley giz səntaŋ ŋga əŋ hedi iyi.»
20Abə dawaŋ ta, paɗ paɗ, a paɗ ɗerewel ta, ɓa, a vəlaŋgu əŋ hedi mə ɗal kəzəɗ tə a namba ta, a nja. Hedi tə əŋ biŋ kə ɗal mbuh əŋ Bizlaf iyi ta fuk i kəgəru. 21Abə dawaŋ ta, a mar ley zlapaŋta izey, a zla: «Eci, ma mawuzlel tə əŋ Ɗerewel tə Bizlaf kəɗal za əŋ heni mə zlimʉ iyi wa.» 22Tata fuk, i kəmba ma ŋga za, i har məŋgəvday zlap səntaŋ mə təɗaha tə pakwam ŋga. I zlap, i zla: «Ar seh, mbu tə Yusufa səku vah?» 23Yesu a zlapaŋta, a zla: «Məndiwiŋ, hi nda i zlapaka ma marərək wa: “Hedi mə səŋ talaŋ tə mənjivek, mbəl talaŋ təkwa.” Hi nda i zlap baha, hi zla: “Nini kəzlim kəzəɗ təkwa iyi fuk, hwa mə ɗal tə əŋ Kafarnahum za. Ayaw, ɗal kəzəɗ iyi ta mənaŋ wa, a wuta təkwa a nawa bahayim.”» 24Ɓa, a ziŋgeŋta zlap baha, a zla: «Sa kəzlapaheni məndiwiŋ: kwa hedi mə giz ma abə miya tə Bizlaf, i kəkuwza lawlaw əŋ hayak ŋga seh halla. 25Sa kəzlapaheni məndiwiŋ, wala məce iyi mbeh səku aka əŋ hayak tə Israyila əŋ va tə Eliya, hedi mə giz ma abə miya tə Bizlaf. Əŋ hala ta mba, vaŋ kəzah halla ha va maakaɗ abə ntəra ŋkuh, mətis səndawl kəɗal za əŋ hayak ta fuk. 26Ama Bizlaf kələɓ Eliya əŋ kelek wala məce iyi ta kwa ntaɗ halla, ama a ləɓu seh, sey əŋ kelek wala məce lə Yahudiya səku mə nji əŋ Sarepta, əŋ hayak tə Sidaŋw. 27Kwalkwala iyi mbeh səku aka əŋ hayak tə Israyila a va Elisa, hedi mə giz ma abə miya tə Bizlaf. Ama kwa kwalkwala ntaɗ mə lim ley baŋ məc ŋga seh halla, sey Naaman, hedi tə əŋ hayak tə Siriya.»
28Hedi tə əŋ biŋ kə ɗal mbuh əŋ Bizlaf iyi ta fuk nəf kədəmaŋta za mbeh səku, məŋgəvday i mə zlim zlap tə ndəra Yesu wa. 29I gar, i gaɗahaw a palah tə berne, i deɓʉ a talaŋ kwaɗahw tə berne tata Nasaratu maləm tə a ɗek, i mba i gaɗu əŋ heleleŋ ta. 30Ama a təɗaha ŋga əŋ faŋw tata, ɓa, a nda ŋga.
Hedi mimiɗ tə abə ndəra dəlay mə zləŋgaŋ takwaŋ
(Markus 1:21-28)
31Abə dawaŋ ta izey, Yesu a nda əŋ Kafarnahum, berne tə əŋ hayak tə Galili. A kəsərək hedi iyi fuk a namba, əŋ pis kə yip. 32Hedi iyi ta i kəhar za a sərək ŋga ta, məŋgəvday a kəzlap abə fagay tə Bizlaf. 33Əŋ biŋ kə ɗal mbuh əŋ Bizlaf ta, hedi məzəwindi aka, abə mimiɗ tə abə ndəra dəlay əŋ talaŋ#4:33 Matta 4:24.. A mar ley ja varay abə fagay, a zla: 34«Haya, Yesu hedi tə Nasaratu, hwa mba tə ndəra tini seh, mey? Hwa ndaha ley kuɗəpanini vaw? Sa kəsəŋgah hwa sə Kweɗek, maləɓaha tə ndəra Bizlaf.» 35Yesu a bəbəc mimiɗ madawar tə əŋ talaŋ tə hedi sey abə fagay, a zla: «Bes tete, təɗaha təkwa za əŋ talaŋ tə hedi wa!» Mimiɗ madawar sey dəɗək, a dəɗək hedi ta əŋ teyek a ma tə hedi iyi fuk, ɓa, a təɗaha ŋga əŋ talaŋ tə hedi ta a yaku, kəɗalaŋ kwa mey halla. 36Hedi iyi fuk i har, i zlap əŋ faŋw tata, i zla: «Ma ntaŋw vitikey, mənaŋ wawa? A zlapaŋta abə fagay əŋ mimiɗ tə abə ndəra dəlay iyi, ɓa, i təɗaha tata əŋ talaŋ tə hedi wa!» 37Məŋgəvday a ɗek, miya tə Yesu kəpik za əŋ hayak ta fuk.
Yesu kəmbəl hedi mə dal iyi mbeh səku
(Matta 8:14-17; Markus 1:29-34)
38Yesu a təɗaha a biŋ kə ɗal mbuh əŋ Bizlaf, ɓa, a nda əŋ ge Simaŋw. Səkulah tə Simaŋw ta wala wala mə weŋgi, kahaw a wucum kulat, i rək Yesu ley mbəlu. 39A nda, a reɓ a talaŋ wala ta, ɓa, a bəbəc məc ta. Məc ta, a yak wala ta, mbehmbeh mba, wala ta pərta! a gar, ɓa, a vəlaŋta məsəkəŋ kə zəm.
40Əŋ pis mə ndəv seh, hedi tə abə hedi mə dal tə ge tata iyi par par fuk, i dahaŋta əŋ Yesu. A ɗiyaŋta ndəra ntaɗ ntaɗ a talaŋ tata fuk, a mbəlta. 41Mimiɗ madawar iyi bahayim i kətəɗaha tata za əŋ talaŋ tə hedi mə dal sə mbeh səku iyi ta, i kəja varay mənaŋ wa, i zla: «Hwa Mbu tə Bizlaf.» Ama Yesu a bəbəcta, a takta ley zlap məŋgəvday i kəsəŋ mbiŋ seh, ar Almasihu.
Yesu a kəgiz ma tə Bizlaf əŋ biŋ iyi kə ɗal mbuh əŋ Bizlaf
(Markus 1:35-39)
42Lay a daŋgaha daŋ, Yesu a təɗaha ŋga, a nda ŋga əŋ təp damu. Hedi iyi mbeh səku i mar ley pələku. Əŋ tata i mə limʉ seh, i mba mə nja abə tata, i kəmba a yakta səku. 43Ama Yesu a zlapaŋta, a zla: «A kəlim seh, sey sa giz Labara Səntaŋ Lawayaŋ mə zlap tə a Bay tə Bizlaf əŋ hedi iyi tə wuta məzəwindi iyi bahayim, məŋgəvday a ɗek, Bizlaf a ləɓaka.» 44Ɓa, a giz Labara Səntaŋ Lawayaŋ əŋ biŋ kə ɗal mbuh əŋ Bizlaf əŋ hayak tə Yahudiya.
ទើបបានជ្រើសរើសហើយ៖
Luka 4: xmd
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Luka 4
4
Iblisa a mba i təl ley bim Yesu
(Matta 4:1-11; Markus 1:12-13)
1Yesu mə ziŋgehe mar tə lakwat tə Urdun seh, Mimiɗ sə Kweɗek kəgwaɗaŋ nəf za, ɓa, Mimiɗ ta, a deɓʉ əŋ təp damu. 2Əŋ waŋ ndəra nfaɗ, Iblisa a ndaha abə wereh ŋga a bimʉ ley ɗal hem. Əŋ waŋ iyi ta mba fuk, Yesu kəzəm kwa mey halla. Abə dawaŋ ta, mətis a ju. 3Iblisa, a zlapaŋgu izey, a zla: «Əŋgah hwa Mbu tə Bizlaf seh, zlapaŋ əŋ nvəŋ wa mə mbaɗ əŋ wuda mak!» 4Yesu a ziŋgeŋ zlap, a zla: «Ma mawuzlel tə əŋ Ɗerewel tə Bizlaf mə zlap, a zla: “Hedi dəgənak seh, a nda i nja abə məsəkəŋ kə zəm taataɗ dap səku.”» 5Abə dawaŋ ta, Iblisa sey, a tapza əŋ lay maləm sə jiŋ, ɓa, a gizeŋ hayak bay iyi i mə sla tə a tata tə əŋ məŋhayak fuk, pəsəɗ mənaŋ vaŋ mə səsəm, 6ɓa, a zlapaŋgu, a zla: «Sa vəlah fagay za ley sla a talaŋ hayak iyi wa fuk, abə məsəkəŋ tə ɗəməŋ iyi, məŋgəvday məsəkəŋ iyi ta wa i kəvəlakta za əŋ ndəra na, sa bahayim, sa gula i vəlaŋ əŋ hedi sa mə mba. 7Mənaŋ wa, əŋgah hwa kədar malakw za a ma seh, sa vəlah məsəkəŋ iyi ta wa fuk za.» 8Yesu a ziŋgeŋ zlap, a zla: «Ma mawuzlel tə əŋ Ɗerewel tə Bizlaf mə zlap, a zla: “Daraŋ malakw əŋ Bay Bayta Bizlaf təkwa taataɗ ŋga, ɗalaŋ kəzəɗ əŋ mbiŋ taataɗ ŋga dap.”»
9Baha, Iblisa a deɓʉ əŋ Urusalima, a ɗiyu a talaŋ biŋ tə Bizlaf, ɓa, a zlapaŋgu, a zla: «Əŋgah hwa Mbu tə Bizlaf seh, mbir mar tə a nawa ha əŋ teyek, 10məŋgəvday ma mawuzlel tə əŋ Ɗerewel tə Bizlaf mə zlap, a zla: “Bizlaf a zlapaŋta za əŋ mələɓ ŋga iyi ley jəɗah.” 11Mə wuzleli əŋ Ɗerewel tə Bizlaf baha, a zla: “I slawah za əŋ ndəra tata, məŋgəvday ŋgas təkwa a mba i gurat a nvəŋ səku.#4:11 Jabura 91:12.”» 12Yesu a ziŋgeŋ zlap, a zla: «Ma mawuzlel tə əŋ Ɗerewel tə Bizlaf mə zlap, a zla: “Hwa mba i təl Bay Bayta Bizlaf təkwa səku.”» 13Abə dawaŋ ta, Iblisa abə wereh ŋga fuk, kəlim ley deɓʉ əŋ hem halla seh, ɓa, a nda ŋga, a yaku, sey a pis məzəwindi.
Yesu a mar kəzəɗ ŋga əŋ hayak tə Galili
(Matta 4:12-17; Markus 1:14-15)
14Yesu a ziŋgehe əŋ hayak tə Galili abə fagay tə Mimiɗ sə Kweɗek. Əŋ hayak ta, hedi iyi fuk i mar ley zlap a talaŋ ŋga. 15A kəsərək hedi iyi əŋ biŋ iyi kə ɗal mbuh əŋ Bizlaf, hedi iyi fuk i kəhəmənu.
Hedi tə Nasaratu iyi i kəkuw Yesu halla
(Matta 13:53-58; Markus 6:1-6)
16Ɓa, Yesu a nda əŋ Nasaratu əŋ lay mbiŋ mə gəlaha tə a namba. A pis mba, pis kə yip, a təɗ əŋ biŋ kə ɗal mbuh əŋ Bizlaf mənaŋ vah hwayhway. A gar ley jeŋge ma mawuzlel tə əŋ Ɗerewel tə Bizlaf. 17Ɓa, i vəlaŋ ɗerewel mapaɗ tə hedi mə giz ma abə miya tə Bizlaf, Esaya. A pəlu, a lim lay ma mawuzlel mə zlap mənaŋ wa, a zla:
18«Mimiɗ tə Bay Bayta Bizlaf mbə a sa,
məŋgəvday kəmayaka za
ley giz Labara Səntaŋ Lawayaŋ əŋ hedi məstakwaŋ iyi.
A ləɓaka amba ley gizeŋta əŋ hedi majaw iyi i kəreh cuza,
a ləɓaka ley rəzaŋta nje tə hedi wuluf iyi,
a ləɓaka ley reh hedi majaw iyi tə ndəra məsəgər tata iyi.
19A ləɓaka ley giz va tə Bay Bayta Bizlaf mə nda i ndaha ley giz səntaŋ ŋga əŋ hedi iyi.»
20Abə dawaŋ ta, paɗ paɗ, a paɗ ɗerewel ta, ɓa, a vəlaŋgu əŋ hedi mə ɗal kəzəɗ tə a namba ta, a nja. Hedi tə əŋ biŋ kə ɗal mbuh əŋ Bizlaf iyi ta fuk i kəgəru. 21Abə dawaŋ ta, a mar ley zlapaŋta izey, a zla: «Eci, ma mawuzlel tə əŋ Ɗerewel tə Bizlaf kəɗal za əŋ heni mə zlimʉ iyi wa.» 22Tata fuk, i kəmba ma ŋga za, i har məŋgəvday zlap səntaŋ mə təɗaha tə pakwam ŋga. I zlap, i zla: «Ar seh, mbu tə Yusufa səku vah?» 23Yesu a zlapaŋta, a zla: «Məndiwiŋ, hi nda i zlapaka ma marərək wa: “Hedi mə səŋ talaŋ tə mənjivek, mbəl talaŋ təkwa.” Hi nda i zlap baha, hi zla: “Nini kəzlim kəzəɗ təkwa iyi fuk, hwa mə ɗal tə əŋ Kafarnahum za. Ayaw, ɗal kəzəɗ iyi ta mənaŋ wa, a wuta təkwa a nawa bahayim.”» 24Ɓa, a ziŋgeŋta zlap baha, a zla: «Sa kəzlapaheni məndiwiŋ: kwa hedi mə giz ma abə miya tə Bizlaf, i kəkuwza lawlaw əŋ hayak ŋga seh halla. 25Sa kəzlapaheni məndiwiŋ, wala məce iyi mbeh səku aka əŋ hayak tə Israyila əŋ va tə Eliya, hedi mə giz ma abə miya tə Bizlaf. Əŋ hala ta mba, vaŋ kəzah halla ha va maakaɗ abə ntəra ŋkuh, mətis səndawl kəɗal za əŋ hayak ta fuk. 26Ama Bizlaf kələɓ Eliya əŋ kelek wala məce iyi ta kwa ntaɗ halla, ama a ləɓu seh, sey əŋ kelek wala məce lə Yahudiya səku mə nji əŋ Sarepta, əŋ hayak tə Sidaŋw. 27Kwalkwala iyi mbeh səku aka əŋ hayak tə Israyila a va Elisa, hedi mə giz ma abə miya tə Bizlaf. Ama kwa kwalkwala ntaɗ mə lim ley baŋ məc ŋga seh halla, sey Naaman, hedi tə əŋ hayak tə Siriya.»
28Hedi tə əŋ biŋ kə ɗal mbuh əŋ Bizlaf iyi ta fuk nəf kədəmaŋta za mbeh səku, məŋgəvday i mə zlim zlap tə ndəra Yesu wa. 29I gar, i gaɗahaw a palah tə berne, i deɓʉ a talaŋ kwaɗahw tə berne tata Nasaratu maləm tə a ɗek, i mba i gaɗu əŋ heleleŋ ta. 30Ama a təɗaha ŋga əŋ faŋw tata, ɓa, a nda ŋga.
Hedi mimiɗ tə abə ndəra dəlay mə zləŋgaŋ takwaŋ
(Markus 1:21-28)
31Abə dawaŋ ta izey, Yesu a nda əŋ Kafarnahum, berne tə əŋ hayak tə Galili. A kəsərək hedi iyi fuk a namba, əŋ pis kə yip. 32Hedi iyi ta i kəhar za a sərək ŋga ta, məŋgəvday a kəzlap abə fagay tə Bizlaf. 33Əŋ biŋ kə ɗal mbuh əŋ Bizlaf ta, hedi məzəwindi aka, abə mimiɗ tə abə ndəra dəlay əŋ talaŋ#4:33 Matta 4:24.. A mar ley ja varay abə fagay, a zla: 34«Haya, Yesu hedi tə Nasaratu, hwa mba tə ndəra tini seh, mey? Hwa ndaha ley kuɗəpanini vaw? Sa kəsəŋgah hwa sə Kweɗek, maləɓaha tə ndəra Bizlaf.» 35Yesu a bəbəc mimiɗ madawar tə əŋ talaŋ tə hedi sey abə fagay, a zla: «Bes tete, təɗaha təkwa za əŋ talaŋ tə hedi wa!» Mimiɗ madawar sey dəɗək, a dəɗək hedi ta əŋ teyek a ma tə hedi iyi fuk, ɓa, a təɗaha ŋga əŋ talaŋ tə hedi ta a yaku, kəɗalaŋ kwa mey halla. 36Hedi iyi fuk i har, i zlap əŋ faŋw tata, i zla: «Ma ntaŋw vitikey, mənaŋ wawa? A zlapaŋta abə fagay əŋ mimiɗ tə abə ndəra dəlay iyi, ɓa, i təɗaha tata əŋ talaŋ tə hedi wa!» 37Məŋgəvday a ɗek, miya tə Yesu kəpik za əŋ hayak ta fuk.
Yesu kəmbəl hedi mə dal iyi mbeh səku
(Matta 8:14-17; Markus 1:29-34)
38Yesu a təɗaha a biŋ kə ɗal mbuh əŋ Bizlaf, ɓa, a nda əŋ ge Simaŋw. Səkulah tə Simaŋw ta wala wala mə weŋgi, kahaw a wucum kulat, i rək Yesu ley mbəlu. 39A nda, a reɓ a talaŋ wala ta, ɓa, a bəbəc məc ta. Məc ta, a yak wala ta, mbehmbeh mba, wala ta pərta! a gar, ɓa, a vəlaŋta məsəkəŋ kə zəm.
40Əŋ pis mə ndəv seh, hedi tə abə hedi mə dal tə ge tata iyi par par fuk, i dahaŋta əŋ Yesu. A ɗiyaŋta ndəra ntaɗ ntaɗ a talaŋ tata fuk, a mbəlta. 41Mimiɗ madawar iyi bahayim i kətəɗaha tata za əŋ talaŋ tə hedi mə dal sə mbeh səku iyi ta, i kəja varay mənaŋ wa, i zla: «Hwa Mbu tə Bizlaf.» Ama Yesu a bəbəcta, a takta ley zlap məŋgəvday i kəsəŋ mbiŋ seh, ar Almasihu.
Yesu a kəgiz ma tə Bizlaf əŋ biŋ iyi kə ɗal mbuh əŋ Bizlaf
(Markus 1:35-39)
42Lay a daŋgaha daŋ, Yesu a təɗaha ŋga, a nda ŋga əŋ təp damu. Hedi iyi mbeh səku i mar ley pələku. Əŋ tata i mə limʉ seh, i mba mə nja abə tata, i kəmba a yakta səku. 43Ama Yesu a zlapaŋta, a zla: «A kəlim seh, sey sa giz Labara Səntaŋ Lawayaŋ mə zlap tə a Bay tə Bizlaf əŋ hedi iyi tə wuta məzəwindi iyi bahayim, məŋgəvday a ɗek, Bizlaf a ləɓaka.» 44Ɓa, a giz Labara Səntaŋ Lawayaŋ əŋ biŋ kə ɗal mbuh əŋ Bizlaf əŋ hayak tə Yahudiya.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល