Luka 3
3
Yahwana mə ɗal batem a giz ma tə Bizlaf
(Matta 3:1-12; Markus 1:1-8; Yahwana 1:19-28)
1Əŋ va wam a meɗek juɓum əŋ bay tə Tiberiyus, bay səndawl tə a talaŋ bay iyi tə Rawma, Pawntiyus Pilatu, ar guverner tə əŋ hayak tə Yahudiya, Hirudus mbiŋ bay tə əŋ hayak tə Galili, zliŋgeŋ Filip bahayim, mbiŋ bay tə əŋ hayak tə Itʉriya abə tə əŋ Terakwanitis, Lisaniya mbiŋ bay tə əŋ Abilene, 2Annas abə Kayafas tata hedi səndawl iyi tə a talaŋ hedi iyi i mə ɗal kukus əŋ Bizlaf. Əŋ mbamba, Bizlaf a zlapaŋ əŋ Yahwana, mbu tə Zakariya, əŋ təp damu. 3Yahwana ta, a mar ley pik hayak sə mbehmbeh tə abə lakwat Urdun iyi fuk, a kəgizeŋta ma tə Bizlaf əŋ hedi iyi, a zla: «Hi buw nja təheni iyi, hi kuw ley baŋ batem, Bizlaf a yakaheni hem təheni iyi za.» 4Məsəkəŋ ta, kəɗal za, mənaŋ hedi mə giz ma abə miya tə Bizlaf, Esaya mə wuzlel tə əŋ Ɗerewel tə Bizlaf, a zla:
«Ar wula tə hedi mə ja tə əŋ təp damu, a zla:
Hi ɗiyaŋ kataf tə Bay Bayta,
hi ɗiyaŋ kataf iyi lawlaw delele.
5Heleleŋ iyi fuk, hi pəsta,
wuzum iyi abə kwaɗahw iyi fuk, hi ŋgwafta,
kataf matərvəɗ iyi, hi mbaɗta əŋ sə delele iyi,
kataf madawar iyi fuk, hi ɗiyta.
6Mənaŋ wa, hedi iyi fuk i lim reh maləɓaha tə ndəra Bizlaf za.#3:6 Esaya 40:3-5.»
7Əŋ mbamba, hedi iyi mbeh səku i ndaha əŋ kelek Yahwana mə ɗal batem, amba a ɗalaŋta batem, a zlapaŋta, a zla: «Heni wuziyi tə hursla iyi, mə gizeheni, heni reh#3:7 Matta 3:7; 23:33. za a zəm nəf tə Bizlaf mə nda i ndaha seh, viyey?»
8«Hi ɗal kəzəɗ səntaŋ iyi i mə giz heni kəbuw nja təheni cuza, hi mba i wulək əŋ nəf təheni abə ley zlap: “Ibrahima seh, ar dide tə dide tini” səku!#3:8 Yahwana 8:33, 37, 39. Məŋgəvday sa kəzlapaheni, Bizlaf a gula i mbaɗ nvəŋ iyi wa əŋ wuziyi tə Ibrahima iyi! 9Jene mə ɗiyi kwata ley bəl mpay iyi mar tə a zem iyi ta fuk: kwa mpay vitikey fuk mə mbuw wuziyi səntaŋ iyi səku seh, i bəlza za, i kapza za əŋ kahaw.»
10Ɓa, hedi makwas iyi, i ɗəpu, i zla: «Kaa, nini nda i ɗal seh, viŋgey?» 11A ziŋgeŋta zlap, a zla: «Hedi tə abə rukut bək, mə wuɗak abə hedi rukut ŋga halla. Baha, hedi abə məsəkəŋ kə zəm a ndəra ŋga aka, mə wuɗak abə hedi a tə ŋga halla.» 12Hedi mə cakal budu iyi i ndaha i ɗal batem bahayim, i ɗəpu, i zla: «Metir, kaa, nini nda i ɗal seh, viŋgey?» 13A ziŋgeŋta zlap, a zla: «Hi mba i ɗəp dala day ŋgwamna mə ɗəp səku.» 14Sewje iyi i ndaha, i ɗəpu mənaŋ mba bahayim, i zla: «Kaa, nini bahayim, nini nda i ɗal seh, viŋgey?» A ziŋgeŋta zlap, a zla: «Hi mba i kuw dala tə hedi abə fagay səku, aka səku abə bərəsl ma iyi səku, hi səsəm a muwurɓay tə kəzəɗ təheni mba dap.»
15Hedi iyi i kəgəbar məsəkəŋ səntaŋ mə nda i ɗal. I wulək əŋ nəf tata, i zla: «Yahwana seh, ar Almasihu seh, neh?» 16Mənaŋ wa izey, Yahwana a zlapaŋta əŋ hedi iyi fuk, a zla: «Sa ɗalaheni batem abə yim dap, ama hedi par mə dayaka abə mazla, a ndaha za, sa maa, sa kəhwas ley pəlaŋ serek tə kərap ŋga halla, mbiŋ seh, a nda i ɗalaheni batem abə Mimiɗ sə Kweɗek liŋ kahaw. 17Mbiŋ mbə a kəlaŋ abə kwaɗum kə mbeŋ ndəri a ndəra#3:17 Matta 3:12. ley wuɗak ndəri abə mbəɗmbəɗ. A nda i kəc ndəri əŋ tebeŋ ŋga, ama mbəɗmbəɗ seh, a nda i varu abə kahaw mə məc səku səlak.»
18Mənaŋ wa, Yahwana a ɗalaŋta yawa əŋ hedi iyi a talaŋ ma iyi par par, baha, a kəgizeŋta Labara Səntaŋ Lawayaŋ.
19Ama Yahwana a vəlaŋ hem əŋ bay Hirudus məŋgəvday mbiŋ mə ɓət Hirudiya, wala tə zliŋgeŋ əŋ wala ŋga liŋ a talaŋ kəzəɗ madawar iyi par par mbiŋ mə ɗal. 20Abə dawaŋ ta, bay Hirudus kəɗal məsəkəŋ madawar par za baha, a nah Yahwana əŋ daŋgay#3:20 Daŋgay, aka səku, lay kə pek hedi iyi..
Yahwana mə ɗal batem, a ɗalaŋ batem əŋ Yesu
(Matta 3:13-17; Markus 1:9-11)
21Abə dawaŋ ta, hedi iyi fuk i kəbaŋ batem kwata, Yesu a ndaha, a lim batem bahayim. Əŋ mbiŋ a kəɗalaŋ mbuh əŋ Bizlaf seh, lay tə wuzlaf a rəz. 22Ɓa, Mimiɗ sə Kweɗek a bəreŋgehe a talaŋ ŋga abə wucum, mənaŋ wanaɗ. Wula a zlimehe a wuzlaf, a zla: «Hwa Mbu na mamba, sa kəsəsəm a hwa mbeh səku#3:22 Mar ta 22:2; Jabura 2:7; Esaya 42:1..»
Dide tə dide tə Yesu iyi
(Matta 1:1-17)
23Əŋ Yesu mə nda i mar kəzəɗ ŋga seh, va ŋga a ɗal mbeh kwata ndəra maakaɗ. Mənaŋ hedi iyi i mə wulək seh, ar mbu tə Yusufa,
Yusufa bahayim, mbu tə Heli.
24Heli, mbu tə Matat,
Matat, mbu tə Lewi,
Lewi, mbu tə Melki,
Melki, mbu tə Yanay,
Yanay, mbu tə Yusufa,
25Yusufa, mbu tə Matatiya,
Matatiya, mbu tə Amaws,
Amaws, mbu tə Nahum,
Nahum, mbu tə Hesli,
Hesli, mbu tə Nagay,
26Nagay, mbu tə Maata,
Maata, mbu tə Matatiya,
Matatiya, mbu tə Semeyin,
Semeyin, mbu tə Yawsek,
Yawsek, mbu tə Yawda,
27Yawda, mbu tə Yawanan,
Yawanan, mbu tə Resa,
Resa, mbu tə Zawrubaabila,
Zawrubaabila, mbu tə Salatiyel,
Salatiyel, mbu tə Neri,
28Neri, mbu tə Melki,
Melki, mbu tə Addi,
Addi, mbu tə Kwasam,
Kwasam, mbu tə Elmadam,
Elmadam, mbu tə Eri,
29Eri, mbu tə Yesu,
Yesu, mbu tə Eliyezer,
Eliyezer, mbu tə Yawrim,
Yawrim, mbu tə Matat,
Matat, mbu tə Lewi,
30Lewi, mbu tə Simeyaŋw,
Simeyaŋw, mbu tə Yahuda,
Yahuda, mbu tə Yusufa,
Yusufa, mbu tə Yawnam,
Yawnam, mbu tə Eliyakim,
31Eliyakim, mbu tə Meleya,
Meleya, mbu tə Mena,
Mena, mbu tə Matata,
Matata, mbu tə Natan,
Natan, mbu tə Dawuda
32Dawuda, mbu tə Yessa,
Yessa, mbu tə Awbet,
Awbet, mbu tə Bawes,
Bawes, mbu tə Salmuna,
Salmuna, mbu tə Nahasunu
33Nahasunu, mbu tə Aminadabu,
Aminadabu, mbu tə Admin,
Admin, mbu tə Arni,
Arni, mbu tə Hesrunu,
Hesrunu, mbu tə Fares,
Fares, mbu tə Yahuda,
34Yahuda, mbu tə Yakubu,
Yakubu, mbu tə Isiyaku,
Isiyaku, mbu tə Ibrahima,
Ibrahima, mbu tə Tara,
Tara, mbu tə Nahwar,
35Nahwar, mbu tə Saruku,
Saruku, mbu tə Ragaw,
Ragaw, mbu tə Falek,
Falek, mbu tə Eber,
Eber, mbu tə Sala,
36Sala, mbu tə Kaynam,
Kaynam, mbu tə Arfasada,
Arfasada, mbu tə Sem,
Sem, mbu tə Nuhu,
Nuhu, mbu tə Lamek,
37Lamek, mbu tə Matusala,
Matusala, mbu tə Anuhu,
Anuhu, mbu tə Yaret,
Yaret, mbu tə Maleliyel,
Maleliyel, mbu tə Kaynam,
38Kaynam, mbu tə Enaws,
Enaws, mbu tə Setu,
Setu, mbu tə Adamu,
Adamu, mbu tə Bizlaf.
ទើបបានជ្រើសរើសហើយ៖
Luka 3: xmd
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Luka 3
3
Yahwana mə ɗal batem a giz ma tə Bizlaf
(Matta 3:1-12; Markus 1:1-8; Yahwana 1:19-28)
1Əŋ va wam a meɗek juɓum əŋ bay tə Tiberiyus, bay səndawl tə a talaŋ bay iyi tə Rawma, Pawntiyus Pilatu, ar guverner tə əŋ hayak tə Yahudiya, Hirudus mbiŋ bay tə əŋ hayak tə Galili, zliŋgeŋ Filip bahayim, mbiŋ bay tə əŋ hayak tə Itʉriya abə tə əŋ Terakwanitis, Lisaniya mbiŋ bay tə əŋ Abilene, 2Annas abə Kayafas tata hedi səndawl iyi tə a talaŋ hedi iyi i mə ɗal kukus əŋ Bizlaf. Əŋ mbamba, Bizlaf a zlapaŋ əŋ Yahwana, mbu tə Zakariya, əŋ təp damu. 3Yahwana ta, a mar ley pik hayak sə mbehmbeh tə abə lakwat Urdun iyi fuk, a kəgizeŋta ma tə Bizlaf əŋ hedi iyi, a zla: «Hi buw nja təheni iyi, hi kuw ley baŋ batem, Bizlaf a yakaheni hem təheni iyi za.» 4Məsəkəŋ ta, kəɗal za, mənaŋ hedi mə giz ma abə miya tə Bizlaf, Esaya mə wuzlel tə əŋ Ɗerewel tə Bizlaf, a zla:
«Ar wula tə hedi mə ja tə əŋ təp damu, a zla:
Hi ɗiyaŋ kataf tə Bay Bayta,
hi ɗiyaŋ kataf iyi lawlaw delele.
5Heleleŋ iyi fuk, hi pəsta,
wuzum iyi abə kwaɗahw iyi fuk, hi ŋgwafta,
kataf matərvəɗ iyi, hi mbaɗta əŋ sə delele iyi,
kataf madawar iyi fuk, hi ɗiyta.
6Mənaŋ wa, hedi iyi fuk i lim reh maləɓaha tə ndəra Bizlaf za.#3:6 Esaya 40:3-5.»
7Əŋ mbamba, hedi iyi mbeh səku i ndaha əŋ kelek Yahwana mə ɗal batem, amba a ɗalaŋta batem, a zlapaŋta, a zla: «Heni wuziyi tə hursla iyi, mə gizeheni, heni reh#3:7 Matta 3:7; 23:33. za a zəm nəf tə Bizlaf mə nda i ndaha seh, viyey?»
8«Hi ɗal kəzəɗ səntaŋ iyi i mə giz heni kəbuw nja təheni cuza, hi mba i wulək əŋ nəf təheni abə ley zlap: “Ibrahima seh, ar dide tə dide tini” səku!#3:8 Yahwana 8:33, 37, 39. Məŋgəvday sa kəzlapaheni, Bizlaf a gula i mbaɗ nvəŋ iyi wa əŋ wuziyi tə Ibrahima iyi! 9Jene mə ɗiyi kwata ley bəl mpay iyi mar tə a zem iyi ta fuk: kwa mpay vitikey fuk mə mbuw wuziyi səntaŋ iyi səku seh, i bəlza za, i kapza za əŋ kahaw.»
10Ɓa, hedi makwas iyi, i ɗəpu, i zla: «Kaa, nini nda i ɗal seh, viŋgey?» 11A ziŋgeŋta zlap, a zla: «Hedi tə abə rukut bək, mə wuɗak abə hedi rukut ŋga halla. Baha, hedi abə məsəkəŋ kə zəm a ndəra ŋga aka, mə wuɗak abə hedi a tə ŋga halla.» 12Hedi mə cakal budu iyi i ndaha i ɗal batem bahayim, i ɗəpu, i zla: «Metir, kaa, nini nda i ɗal seh, viŋgey?» 13A ziŋgeŋta zlap, a zla: «Hi mba i ɗəp dala day ŋgwamna mə ɗəp səku.» 14Sewje iyi i ndaha, i ɗəpu mənaŋ mba bahayim, i zla: «Kaa, nini bahayim, nini nda i ɗal seh, viŋgey?» A ziŋgeŋta zlap, a zla: «Hi mba i kuw dala tə hedi abə fagay səku, aka səku abə bərəsl ma iyi səku, hi səsəm a muwurɓay tə kəzəɗ təheni mba dap.»
15Hedi iyi i kəgəbar məsəkəŋ səntaŋ mə nda i ɗal. I wulək əŋ nəf tata, i zla: «Yahwana seh, ar Almasihu seh, neh?» 16Mənaŋ wa izey, Yahwana a zlapaŋta əŋ hedi iyi fuk, a zla: «Sa ɗalaheni batem abə yim dap, ama hedi par mə dayaka abə mazla, a ndaha za, sa maa, sa kəhwas ley pəlaŋ serek tə kərap ŋga halla, mbiŋ seh, a nda i ɗalaheni batem abə Mimiɗ sə Kweɗek liŋ kahaw. 17Mbiŋ mbə a kəlaŋ abə kwaɗum kə mbeŋ ndəri a ndəra#3:17 Matta 3:12. ley wuɗak ndəri abə mbəɗmbəɗ. A nda i kəc ndəri əŋ tebeŋ ŋga, ama mbəɗmbəɗ seh, a nda i varu abə kahaw mə məc səku səlak.»
18Mənaŋ wa, Yahwana a ɗalaŋta yawa əŋ hedi iyi a talaŋ ma iyi par par, baha, a kəgizeŋta Labara Səntaŋ Lawayaŋ.
19Ama Yahwana a vəlaŋ hem əŋ bay Hirudus məŋgəvday mbiŋ mə ɓət Hirudiya, wala tə zliŋgeŋ əŋ wala ŋga liŋ a talaŋ kəzəɗ madawar iyi par par mbiŋ mə ɗal. 20Abə dawaŋ ta, bay Hirudus kəɗal məsəkəŋ madawar par za baha, a nah Yahwana əŋ daŋgay#3:20 Daŋgay, aka səku, lay kə pek hedi iyi..
Yahwana mə ɗal batem, a ɗalaŋ batem əŋ Yesu
(Matta 3:13-17; Markus 1:9-11)
21Abə dawaŋ ta, hedi iyi fuk i kəbaŋ batem kwata, Yesu a ndaha, a lim batem bahayim. Əŋ mbiŋ a kəɗalaŋ mbuh əŋ Bizlaf seh, lay tə wuzlaf a rəz. 22Ɓa, Mimiɗ sə Kweɗek a bəreŋgehe a talaŋ ŋga abə wucum, mənaŋ wanaɗ. Wula a zlimehe a wuzlaf, a zla: «Hwa Mbu na mamba, sa kəsəsəm a hwa mbeh səku#3:22 Mar ta 22:2; Jabura 2:7; Esaya 42:1..»
Dide tə dide tə Yesu iyi
(Matta 1:1-17)
23Əŋ Yesu mə nda i mar kəzəɗ ŋga seh, va ŋga a ɗal mbeh kwata ndəra maakaɗ. Mənaŋ hedi iyi i mə wulək seh, ar mbu tə Yusufa,
Yusufa bahayim, mbu tə Heli.
24Heli, mbu tə Matat,
Matat, mbu tə Lewi,
Lewi, mbu tə Melki,
Melki, mbu tə Yanay,
Yanay, mbu tə Yusufa,
25Yusufa, mbu tə Matatiya,
Matatiya, mbu tə Amaws,
Amaws, mbu tə Nahum,
Nahum, mbu tə Hesli,
Hesli, mbu tə Nagay,
26Nagay, mbu tə Maata,
Maata, mbu tə Matatiya,
Matatiya, mbu tə Semeyin,
Semeyin, mbu tə Yawsek,
Yawsek, mbu tə Yawda,
27Yawda, mbu tə Yawanan,
Yawanan, mbu tə Resa,
Resa, mbu tə Zawrubaabila,
Zawrubaabila, mbu tə Salatiyel,
Salatiyel, mbu tə Neri,
28Neri, mbu tə Melki,
Melki, mbu tə Addi,
Addi, mbu tə Kwasam,
Kwasam, mbu tə Elmadam,
Elmadam, mbu tə Eri,
29Eri, mbu tə Yesu,
Yesu, mbu tə Eliyezer,
Eliyezer, mbu tə Yawrim,
Yawrim, mbu tə Matat,
Matat, mbu tə Lewi,
30Lewi, mbu tə Simeyaŋw,
Simeyaŋw, mbu tə Yahuda,
Yahuda, mbu tə Yusufa,
Yusufa, mbu tə Yawnam,
Yawnam, mbu tə Eliyakim,
31Eliyakim, mbu tə Meleya,
Meleya, mbu tə Mena,
Mena, mbu tə Matata,
Matata, mbu tə Natan,
Natan, mbu tə Dawuda
32Dawuda, mbu tə Yessa,
Yessa, mbu tə Awbet,
Awbet, mbu tə Bawes,
Bawes, mbu tə Salmuna,
Salmuna, mbu tə Nahasunu
33Nahasunu, mbu tə Aminadabu,
Aminadabu, mbu tə Admin,
Admin, mbu tə Arni,
Arni, mbu tə Hesrunu,
Hesrunu, mbu tə Fares,
Fares, mbu tə Yahuda,
34Yahuda, mbu tə Yakubu,
Yakubu, mbu tə Isiyaku,
Isiyaku, mbu tə Ibrahima,
Ibrahima, mbu tə Tara,
Tara, mbu tə Nahwar,
35Nahwar, mbu tə Saruku,
Saruku, mbu tə Ragaw,
Ragaw, mbu tə Falek,
Falek, mbu tə Eber,
Eber, mbu tə Sala,
36Sala, mbu tə Kaynam,
Kaynam, mbu tə Arfasada,
Arfasada, mbu tə Sem,
Sem, mbu tə Nuhu,
Nuhu, mbu tə Lamek,
37Lamek, mbu tə Matusala,
Matusala, mbu tə Anuhu,
Anuhu, mbu tə Yaret,
Yaret, mbu tə Maleliyel,
Maleliyel, mbu tə Kaynam,
38Kaynam, mbu tə Enaws,
Enaws, mbu tə Setu,
Setu, mbu tə Adamu,
Adamu, mbu tə Bizlaf.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល