Luka 22
22
I pələk wereh ley məl Yesu
(Matta 26:1-5; Markus 14:1-2; Yahwana 11:45-53)
1Gugway tə peŋ mə tak is a ɗəməŋ, i mə ɗafaŋ ma Paska, kəgwaraha kwata. 2Hedi səndawl iyi tə a talaŋ hedi iyi i mə ɗal kukus əŋ Bizlaf abə metir tə ma majaw iyi, i pələk kataf ley ja Yesu, ama i kələndəŋ za abə hedi iyi.
Yahuda a vəlaŋ Yesu əŋ səndawl iyi
(Matta 26:14-16; Markus 14:10-11)
3Abə dawaŋ ta izey, Sayɗanu a təɗ əŋ nəf tə Yahuda, i mə ɗafaŋ ma Iskariyawt, hedi ntaɗ tə əŋ faŋw tə gula tə Yesu iyi wam a meɗek bək. 4Yahuda, ɓa, a nda i ɗalaha ŋgalaw abə hedi səndawl iyi tə a talaŋ hedi iyi i mə ɗal kukus əŋ Bizlaf liŋ abə hedi səndawl iyi tə hedi mə jəɗ biŋ tə Bizlaf iyi, amba i lim wereh ley məl Yesu. 5Hedi iyi ta i kəsəsəm mbeh səku. I zlap seh i vəlaŋ dala za. 6Yahuda kəkuw za ley vəlaŋta Yesu, ɓa, a mar ley pələk kataf amba ley məlu abə ɓah, kwa hedi makwas iyi i mba i səŋ səku.
Gula tə Yesu iyi i nda i ɗiyaha lay kə ɗal gugway tə Paska
(Matta 26:17-19; Markus 14:12-16; Yahwana 13:21-30)
7Gugway tə peŋ mə tak is a ɗəməŋ kəgwaraha kwata. Ar pis kə fat mbu hentek iyi ley ɗal gugway tə Paska. 8Yesu a ləɓ Piyer abə Yahwana, a zlapaŋta, a zla: «Hi nda i ɗiyahanakwa lay abə məsəkəŋ kə zəm tə gugway tə Paska, amba nakwa iyi nda i zəmaha a namba.» 9I ɗəpu, i zla: «Hwa mba nini nda i ɗiyaha lay ta seh, a tikey?» 10A ziŋgeŋta zlap, a zla: «Ehe, əŋ heni kənda i təɗ əŋ berne ta seh, hi gbam talaŋ za abə hedi, a kəndaha abə yim əŋ duguzl. Hi ziberʉ əŋ ge mbiŋ mə nda i təɗ. 11Hi zlapaŋ əŋ hedi tə ge ta: “Metir, a zla: Biŋ nini mə nda i zəm wuda tə gugway tə Paska abə gula na iyi seh, mbə a tikey?” 12A gizeheni biŋ bayta tə a talaŋ biŋ za, məsəkəŋ iyi mbeh səku a ɗəməŋ. A namba heni nda i ɗiy məsəkəŋ tə gugway iyi fuk.» 13I nda, i lim məsəkəŋ iyi ta fuk mənaŋ Yesu mə zlapaŋta sey, ɓa, i ɗiy məsəkəŋ tə gugway tə Paska ta.
Yesu a zəm wuda tə gugway tə Paska abə gula ŋga iyi
(Matta 26:26-30; Markus 14:22-26; Yahwana 13:21-26; 1 Kwarintʉ iyi 11:23-25)
14Əŋ pis ta kəɗal za, Yesu a mar ley zəm wuda abə mələɓ ŋga iyi. 15A zlapaŋta, a zla: «Sa kəmba mbeh səku ley zəm wuda tə Paska abə heni, ɓa, sa zləŋ takwaŋ. 16Məŋgəvday, sa kəzlapaheni, kwa sa kənda i zəm wuda tə Paska halla ba, ha əŋ gwaraha tə Bay tə Bizlaf.» 17Abə dawaŋ ta, a kuw kwaɗum tə abə mavu, a ɗalaŋ sʉse əŋ Bizlaf, a zla: «Hi kuw kwaɗum tə abə mavu wa, hi ɓizekʉ əŋ faŋw təheni, 18məŋgəvday sa kəzlapaheni, mar mənjawa, sa kənda i sa mavu abə heni halla ba, sey əŋ pis Bay tə Bizlaf mə nda i gwaraha.» 19Abə dawaŋ ta, a ɓət peŋ, a ɗalaŋ sʉse əŋ Bizlaf, a ŋgu, a vəlaŋta, ɓa, a zlapaŋta, a zla: «Wawa, ar wucum na mavəl məŋgəvday heni. Hi ɗalu mənaŋ wa, amba hi səŋ kenek a sa.» 20Abə dawaŋ tə wuda, a ɗal mənaŋ mba baha, a ɓət kwaɗum tə abə mavu, a vəlaŋta, ɓa, a zlapaŋta, a zla: «Kwaɗum tə abə mavu wa, ar jaw ma lawayaŋ, Bizlaf mə jawu abə məmbəz na, mambaɗ məŋgəvday heni. 21Ama hi gər, hedi mə nda i bereke mbə a nawa, a kəzəm wuda abə sa#22:21 Jabura 41:10.! 22Məndiwiŋ ta seh, Mbu tə Hedi a nda i məc mənaŋ Bizlaf mə mba. Ama tuwah aka əŋ hedi mə nda i berʉ!» 23Ɓa, gula ŋga iyi i mar ley ɗəp wucum tata ntaɗ ntaɗ, i zla: «Mə nda i ɗal məsəkəŋ wa əŋ faŋw takwa wa seh, viyey?»
Pay səndawl seh, viyey?
24Abə dawaŋ ta, yawa kəgar za mbeh səku əŋ faŋw tə gula tə Yesu iyi, i mba i səŋ hedi səndawl tə əŋ faŋw tata. 25Yesu a zlapaŋta, a zla: «Bay tə əŋ hayak iyi wa, i kəsla a talaŋ hedi iyi abə fagay, tata seh, i mba hedi iyi i mə həmənta, i mə ɗafaŋta ma bay mə ɗal kəzəɗ səntaŋ iyi. 26Ama, a mba i ɗal mənaŋ wa abə heni səku. Hedi səndawl tə əŋ faŋw təheni seh, mə mbaɗ mənaŋ matabuwa. Hedi mə sla tə a talaŋ hedi iyi seh, mə mbaɗ mənaŋ hedi mə ɗal kəzəɗ. 27Pay səndawl seh, viyey? Hedi mə nji a kəzəm wuda vaw, aka səku, hedi mə ɗal kəzəɗ vaw? Ar hedi manja, a kəzəm wuda səku vaw? Ama sa kəzlapaheni, sa mbə əŋ faŋw təheni mənaŋ hedi mə ɗal kəzəɗ. 28Heni seh, heni mbə abə sa hwayhway əŋ tuwah na, heni kəyakaka seh halla. 29Sa kəvəlaheni Bay za mənaŋ Baba na mə vəlaku. 30Mənaŋ wa, hi zəm məsəkəŋ za, hi sa məsəkəŋ za a lay kə zəm na, əŋ Bay na, hi nja za a lay kə nja tə bay iyi ley mbəzlaŋta ma əŋ ntaŋw tə Israyila iyi wam a meɗek bək.»
Yesu abə Piyer
(Matta 26:31-35; Markus 14:27-31; Yahwana 13:36-38)
31Bay Bayta, a zla: «Simaŋw, Simaŋw, Sayɗanu kəɗəp kataf za ley huɓəlaheni, ley mbeŋgeheni mənaŋ i mə mbeŋ ndəri ley wuɗak ndəri abə mbəɗmbəɗ ta. 32Ama sa seh, sa kəɗal mbuh məŋgəvday hwa, amba kuw ma təkwa mə mba i kuɗəp səku. Hwa seh, əŋ hwa kəziŋgehe za əŋ kelek na, vəlaŋta fagay əŋ zliŋgeh iyi bahayim.»
33Piyer a zlapaŋgu, a zla: «Bay Bayta, sa kəsla wucum kwata ley nda abə hwa, kwa əŋ daŋgay#22:33 Daŋgay, aka səku, lay kə pek hedi iyi., kwa əŋ məc bahayim.» 34Yesu a ziŋgeŋ zlap, a zla: «Piyer, sa kəzlapah, eci ha gwamzakw a nda i ja wula seh, hwa ja ma za əŋ ŋgas maakaɗ hwa kəsəŋgaka səku.»
Sla wucum məŋgəvday tuwah
35Yesu a zlapaŋta baha, a zla: «Əŋ sa mə ləɓaheni, gabal tə dala a ndəra halla, gabal halla, kərap halla, məsəkəŋ heni mə mba, heni kəlim halla seh, aka vaw?» I ziŋgeŋ zlap, i zla: «Məsəkəŋ nini mə mba, nini kəlim halla seh halla.» 36A zlapaŋta, a zla: «Ama mənjawa, hedi tə abə gabal tə dala, mə ɓətu, hedi tə abə gabal, mə ɓətu, mənaŋ mba bahayim, hedi mba, masalam ŋga halla, mə ber rukut ŋga ley səkəmaha masalam. 37Məŋgəvday sa kəzlapaheni, ma tə Bizlaf mawuzlel mə zlap, a zla: “I kəŋgəɗza za əŋ faŋw tə hedi mə ja hedi iyi#22:37 Esaya 53:12..” Məndiwiŋ, məsəkəŋ mawuzlel tə a talaŋ na wa seh, sey mə ɗal za.» 38I zlapaŋgu, i zla: «Bay Bayta, ehe, masalam bək.» A ziŋgeŋta zlap, a zla: «A hwas za.»
Yesu a ɗal mbuh a wuzum tə Jaytun iyi
(Matta 26:36-46; Markus 14:32-42)
39Abə dawaŋ ta, Yesu a təɗ ŋga, a nda əŋ wuzum tə Jaytun iyi mənaŋ vah hwayhway. Ɓa, gula ŋga iyi i ziberʉ. 40A gwar a lay ta, a zlapaŋta, a zla: «Hi ɗal mbuh amba hi mba i ndəv əŋ məsəkəŋ mə nda i bimeheni ley ɗal hem səku.» 41Ɓa, a kərəɗ ŋga guduk mbizek abə tata, əŋgah hedi a kap nvəŋ seh, a gwar za a lay ta, a dar malakw, a ɗal mbuh, a zla: 42«Baba na, əŋgah abə mba təkwa, gaɗaka tuwah wa guduk abə sa. Ama hwa mba i ɗal mənaŋ sa mə mba səku, ɗal mənaŋ hwa mə mba». [43Ɓa, mələɓ tə Bizlaf a təɗaha a wuzlaf ley vəlaŋ fagay. 44Yesu, ləndəŋ kəɗalaŋ za mbeh səku, a ɗalaŋ mbuh əŋ Bizlaf abə fagay baha dap, muwurɓay ŋga a mbaɗ mənaŋ məmbəz, a kəzləvaha əŋ teyek.]
45Abə dawaŋ tə ɗal mbuh ŋga, a gar, a ziŋ ŋga əŋ kelek gula ŋga iyi, a limta, i kəwaŋ məŋgəvday təɓəl tə wulək. 46Yesu a zlapaŋta, a zla: «Hi waŋ seh, məŋgəvday a mey? Hi garaha, hi ɗal mbuh əŋ Bizlaf məŋgəvday hi mba i ndəv əŋ məsəkəŋ mə nda i bimeheni ley ɗal hem səku.»
Məl tə Yesu
(Matta 26:47-56; Markus 14:43-50; Yahwana 18:3-11)
47Əŋ Yesu a kəzlap ndagwa seh, hedi makwas iyi i ndaha. Hedi, i mə ɗafaŋ ma Yahuda, hedi ntaɗ tə əŋ faŋw tə gula iyi wam a meɗek bək sey, mbə a ma tata. A kərəɗaha əŋ kelek Yesu ley ɗalaŋ mbele abə məl wucum. 48Yesu a zlapaŋgu, a zla: «Yahuda, hwa nda i kuɗəp Mbu tə Hedi seh abə ɗal mbele məl wucum vaw?» 49Hedi tə abə Yesu iyi, i mə gər məsəkəŋ mə nda i ɗal ta seh, i ɗəpu, i zla: «Bay Bayta, nini bəlta abə masalam tini iyi vaw?» 50Mbehmbeh mba, hedi ntaɗ əŋ faŋw tata, a bəl gula tə hedi səndawl tə a talaŋ hedi iyi i mə ɗal kukus əŋ Bizlaf, a rəslaŋ zləm tə zəma#22:50 Yahwana 18:10, 26.. 51Ama Yesu a zlap, a zla: «Hi yak ley ɗal məsəkəŋ mənaŋ wa, wawa kwata.» A ges ndəra a zləm tə hedi ta, neɓ, a neɓeŋza ka a lay ta.
52Abə dawaŋ ta izey, Yesu a zlapaŋta əŋ hedi səndawl iyi tə a talaŋ hedi iyi i mə ɗal kukus əŋ Bizlaf abə hedi səndawl iyi tə hedi mə jəɗ biŋ tə Bizlaf iyi liŋ hedi mə ɗal yawa iyi i mə ndaha ley məlu wa, a zla: «Hi ndaha abə masalam abə zlambay ley məlaka mənaŋ wa seh, sa məhil vaw? 53Əŋ waŋ iyi fuk sa mbə abə heni əŋ biŋ tə Bizlaf, kwa heni kəpələkaka ley məl seh halla. Ama mənjawa, waŋ təheni kəgwaraha za abə mazla tə ləvəŋ.»
Piyer a zlap seh, a kәsәŋ Yesu sәku
(Matta 26:57-58, 69-75; Markus 14:53-54, 66-72; Yahwana 18:12-18, 25-27)
54Abə dawaŋ tə i mə məl Yesu izey, i deɓʉ əŋ ge hedi səndawl tə a talaŋ hedi iyi i mə ɗal kukus əŋ Bizlaf. Piyer a kəziberta abə guduk ta. 55I kəbas kahaw za a palah ge, i mə nji fuk a meɗek kahaw ta. Piyer bahayim a nja əŋ faŋw tata.
56Wala mə ɗal kəzəɗ tə ge ta, a gər Piyer mə nji a meɗek kahaw, ɓa, a gəru, a zla: «Hedi wa bahayim, mbə abə mbiŋ.» 57Ama Piyer a ja ma abə ley zlapaŋgu, a zla: «Hey, wala wa, sa kəsəŋ hedi ta səku.» 58Nja mbizek, abə dawaŋ ta, hedi par baha, a gəru, a zla: «Hwa bahayim, naa, hwa gula ntaɗ tə əŋ faŋw tata.» Piyer, a ziŋgeŋ zlap, a zla: «Kay, hedi wa, sa mbə əŋ faŋw tata halla.» 59I nja, a ɗal njamndi ntaɗ, abə dawaŋ ta, hedi məzəwindi a kəceh a ma ta, a zla: «Məndiwiŋ, hedi wa, mbə abə mbiŋ, məŋgəvday ar lə Galili.» 60Piyer a ziŋgeŋ zlap, a zla: «Hedi wa, sa kəsəŋ ma hwa mə mba i zlap wa səku.» Mar kəcukwaɗ zlap ŋga halla ndagwa seh, gwamzakw a ja wula. 61Bay Bayta, a buw nje kəɗi a Piyer, a gəru. Ɓa, Piyer a səŋ kenek a ma Bay Bayta mə zlapaŋgu, a zla: «Ha gwamzakw a nda i ja wula eci seh, hwa ja ma za əŋ ŋgas maakaɗ hwa kəsəŋgaka səku.» 62Piyer a təɗaha ŋga a palah, kəhaŋ mbeh səku.
I ɓasaŋ a talaŋ Yesu
(Matta 26:67-68; Markus 14:65)
63Hedi mə jəɗ Yesu iyi i ɓasaŋ a talaŋ, i tawu. 64I bərəɗaŋ nje, i ɗəpu, i zla: «Əŋgah hwa hedi mə giz ma abə miya tə Bizlaf seh, səŋgu mə tawah wa seh, viyey?» 65I zlapaŋ ma iyi par par mbeh səku tə abə məra.
Yesu mbə a ma tə hedi səndawl mə ɗal yawa kə mbəzl ma iyi
(Matta 26:59-66; Markus 14:55-64; Yahwana 18:19-24)
66Əŋ lay mə daŋgaha daŋ, hedi mə ɗal yawa tə Yahuda iyi, hedi səndawl iyi tə a talaŋ hedi iyi i mə ɗal kukus əŋ Bizlaf abə metir tə ma majaw iyi i kwas. I deɓ Yesu a ma tə hedi səndawl mə ɗal yawa kə mbəzl ma tata iyi. 67I ɗəpu, i zla: «Əŋgah hwa Almasihu seh, gizenini.» Yesu a ziŋgeŋta zlap, a zla: «Əŋgah sa zlapaheni, hi kənda i kuwaka ma halla. 68Əŋgah sa ɗəpaheni bahayim, heni kənda i ziŋgeke zlap halla. 69Ama mar mənjawa, Mbu tə Hedi a nda i nja əŋ ndəra zəma tə Bizlaf tə abə fagay#22:69 Jabura 110:1..» 70Tata fuk i zlapaŋgu, i zla: «Hwa seh, hwa Mbu tə Bizlaf izey vaw?» A ziŋgeŋta zlap, a zla: «Mənaŋ mba, mənaŋ heni mə zlap.» 71Abə dawaŋ ta izey, i zlap, i zla: «Nakwa iyi kəmba hedi par a gizenakwa baha vaw? Nakwa abə talaŋ takwa, nakwa kəzlim ma mbiŋ mə zlap abə ma ŋga za!»
ទើបបានជ្រើសរើសហើយ៖
Luka 22: xmd
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Luka 22
22
I pələk wereh ley məl Yesu
(Matta 26:1-5; Markus 14:1-2; Yahwana 11:45-53)
1Gugway tə peŋ mə tak is a ɗəməŋ, i mə ɗafaŋ ma Paska, kəgwaraha kwata. 2Hedi səndawl iyi tə a talaŋ hedi iyi i mə ɗal kukus əŋ Bizlaf abə metir tə ma majaw iyi, i pələk kataf ley ja Yesu, ama i kələndəŋ za abə hedi iyi.
Yahuda a vəlaŋ Yesu əŋ səndawl iyi
(Matta 26:14-16; Markus 14:10-11)
3Abə dawaŋ ta izey, Sayɗanu a təɗ əŋ nəf tə Yahuda, i mə ɗafaŋ ma Iskariyawt, hedi ntaɗ tə əŋ faŋw tə gula tə Yesu iyi wam a meɗek bək. 4Yahuda, ɓa, a nda i ɗalaha ŋgalaw abə hedi səndawl iyi tə a talaŋ hedi iyi i mə ɗal kukus əŋ Bizlaf liŋ abə hedi səndawl iyi tə hedi mə jəɗ biŋ tə Bizlaf iyi, amba i lim wereh ley məl Yesu. 5Hedi iyi ta i kəsəsəm mbeh səku. I zlap seh i vəlaŋ dala za. 6Yahuda kəkuw za ley vəlaŋta Yesu, ɓa, a mar ley pələk kataf amba ley məlu abə ɓah, kwa hedi makwas iyi i mba i səŋ səku.
Gula tə Yesu iyi i nda i ɗiyaha lay kə ɗal gugway tə Paska
(Matta 26:17-19; Markus 14:12-16; Yahwana 13:21-30)
7Gugway tə peŋ mə tak is a ɗəməŋ kəgwaraha kwata. Ar pis kə fat mbu hentek iyi ley ɗal gugway tə Paska. 8Yesu a ləɓ Piyer abə Yahwana, a zlapaŋta, a zla: «Hi nda i ɗiyahanakwa lay abə məsəkəŋ kə zəm tə gugway tə Paska, amba nakwa iyi nda i zəmaha a namba.» 9I ɗəpu, i zla: «Hwa mba nini nda i ɗiyaha lay ta seh, a tikey?» 10A ziŋgeŋta zlap, a zla: «Ehe, əŋ heni kənda i təɗ əŋ berne ta seh, hi gbam talaŋ za abə hedi, a kəndaha abə yim əŋ duguzl. Hi ziberʉ əŋ ge mbiŋ mə nda i təɗ. 11Hi zlapaŋ əŋ hedi tə ge ta: “Metir, a zla: Biŋ nini mə nda i zəm wuda tə gugway tə Paska abə gula na iyi seh, mbə a tikey?” 12A gizeheni biŋ bayta tə a talaŋ biŋ za, məsəkəŋ iyi mbeh səku a ɗəməŋ. A namba heni nda i ɗiy məsəkəŋ tə gugway iyi fuk.» 13I nda, i lim məsəkəŋ iyi ta fuk mənaŋ Yesu mə zlapaŋta sey, ɓa, i ɗiy məsəkəŋ tə gugway tə Paska ta.
Yesu a zəm wuda tə gugway tə Paska abə gula ŋga iyi
(Matta 26:26-30; Markus 14:22-26; Yahwana 13:21-26; 1 Kwarintʉ iyi 11:23-25)
14Əŋ pis ta kəɗal za, Yesu a mar ley zəm wuda abə mələɓ ŋga iyi. 15A zlapaŋta, a zla: «Sa kəmba mbeh səku ley zəm wuda tə Paska abə heni, ɓa, sa zləŋ takwaŋ. 16Məŋgəvday, sa kəzlapaheni, kwa sa kənda i zəm wuda tə Paska halla ba, ha əŋ gwaraha tə Bay tə Bizlaf.» 17Abə dawaŋ ta, a kuw kwaɗum tə abə mavu, a ɗalaŋ sʉse əŋ Bizlaf, a zla: «Hi kuw kwaɗum tə abə mavu wa, hi ɓizekʉ əŋ faŋw təheni, 18məŋgəvday sa kəzlapaheni, mar mənjawa, sa kənda i sa mavu abə heni halla ba, sey əŋ pis Bay tə Bizlaf mə nda i gwaraha.» 19Abə dawaŋ ta, a ɓət peŋ, a ɗalaŋ sʉse əŋ Bizlaf, a ŋgu, a vəlaŋta, ɓa, a zlapaŋta, a zla: «Wawa, ar wucum na mavəl məŋgəvday heni. Hi ɗalu mənaŋ wa, amba hi səŋ kenek a sa.» 20Abə dawaŋ tə wuda, a ɗal mənaŋ mba baha, a ɓət kwaɗum tə abə mavu, a vəlaŋta, ɓa, a zlapaŋta, a zla: «Kwaɗum tə abə mavu wa, ar jaw ma lawayaŋ, Bizlaf mə jawu abə məmbəz na, mambaɗ məŋgəvday heni. 21Ama hi gər, hedi mə nda i bereke mbə a nawa, a kəzəm wuda abə sa#22:21 Jabura 41:10.! 22Məndiwiŋ ta seh, Mbu tə Hedi a nda i məc mənaŋ Bizlaf mə mba. Ama tuwah aka əŋ hedi mə nda i berʉ!» 23Ɓa, gula ŋga iyi i mar ley ɗəp wucum tata ntaɗ ntaɗ, i zla: «Mə nda i ɗal məsəkəŋ wa əŋ faŋw takwa wa seh, viyey?»
Pay səndawl seh, viyey?
24Abə dawaŋ ta, yawa kəgar za mbeh səku əŋ faŋw tə gula tə Yesu iyi, i mba i səŋ hedi səndawl tə əŋ faŋw tata. 25Yesu a zlapaŋta, a zla: «Bay tə əŋ hayak iyi wa, i kəsla a talaŋ hedi iyi abə fagay, tata seh, i mba hedi iyi i mə həmənta, i mə ɗafaŋta ma bay mə ɗal kəzəɗ səntaŋ iyi. 26Ama, a mba i ɗal mənaŋ wa abə heni səku. Hedi səndawl tə əŋ faŋw təheni seh, mə mbaɗ mənaŋ matabuwa. Hedi mə sla tə a talaŋ hedi iyi seh, mə mbaɗ mənaŋ hedi mə ɗal kəzəɗ. 27Pay səndawl seh, viyey? Hedi mə nji a kəzəm wuda vaw, aka səku, hedi mə ɗal kəzəɗ vaw? Ar hedi manja, a kəzəm wuda səku vaw? Ama sa kəzlapaheni, sa mbə əŋ faŋw təheni mənaŋ hedi mə ɗal kəzəɗ. 28Heni seh, heni mbə abə sa hwayhway əŋ tuwah na, heni kəyakaka seh halla. 29Sa kəvəlaheni Bay za mənaŋ Baba na mə vəlaku. 30Mənaŋ wa, hi zəm məsəkəŋ za, hi sa məsəkəŋ za a lay kə zəm na, əŋ Bay na, hi nja za a lay kə nja tə bay iyi ley mbəzlaŋta ma əŋ ntaŋw tə Israyila iyi wam a meɗek bək.»
Yesu abə Piyer
(Matta 26:31-35; Markus 14:27-31; Yahwana 13:36-38)
31Bay Bayta, a zla: «Simaŋw, Simaŋw, Sayɗanu kəɗəp kataf za ley huɓəlaheni, ley mbeŋgeheni mənaŋ i mə mbeŋ ndəri ley wuɗak ndəri abə mbəɗmbəɗ ta. 32Ama sa seh, sa kəɗal mbuh məŋgəvday hwa, amba kuw ma təkwa mə mba i kuɗəp səku. Hwa seh, əŋ hwa kəziŋgehe za əŋ kelek na, vəlaŋta fagay əŋ zliŋgeh iyi bahayim.»
33Piyer a zlapaŋgu, a zla: «Bay Bayta, sa kəsla wucum kwata ley nda abə hwa, kwa əŋ daŋgay#22:33 Daŋgay, aka səku, lay kə pek hedi iyi., kwa əŋ məc bahayim.» 34Yesu a ziŋgeŋ zlap, a zla: «Piyer, sa kəzlapah, eci ha gwamzakw a nda i ja wula seh, hwa ja ma za əŋ ŋgas maakaɗ hwa kəsəŋgaka səku.»
Sla wucum məŋgəvday tuwah
35Yesu a zlapaŋta baha, a zla: «Əŋ sa mə ləɓaheni, gabal tə dala a ndəra halla, gabal halla, kərap halla, məsəkəŋ heni mə mba, heni kəlim halla seh, aka vaw?» I ziŋgeŋ zlap, i zla: «Məsəkəŋ nini mə mba, nini kəlim halla seh halla.» 36A zlapaŋta, a zla: «Ama mənjawa, hedi tə abə gabal tə dala, mə ɓətu, hedi tə abə gabal, mə ɓətu, mənaŋ mba bahayim, hedi mba, masalam ŋga halla, mə ber rukut ŋga ley səkəmaha masalam. 37Məŋgəvday sa kəzlapaheni, ma tə Bizlaf mawuzlel mə zlap, a zla: “I kəŋgəɗza za əŋ faŋw tə hedi mə ja hedi iyi#22:37 Esaya 53:12..” Məndiwiŋ, məsəkəŋ mawuzlel tə a talaŋ na wa seh, sey mə ɗal za.» 38I zlapaŋgu, i zla: «Bay Bayta, ehe, masalam bək.» A ziŋgeŋta zlap, a zla: «A hwas za.»
Yesu a ɗal mbuh a wuzum tə Jaytun iyi
(Matta 26:36-46; Markus 14:32-42)
39Abə dawaŋ ta, Yesu a təɗ ŋga, a nda əŋ wuzum tə Jaytun iyi mənaŋ vah hwayhway. Ɓa, gula ŋga iyi i ziberʉ. 40A gwar a lay ta, a zlapaŋta, a zla: «Hi ɗal mbuh amba hi mba i ndəv əŋ məsəkəŋ mə nda i bimeheni ley ɗal hem səku.» 41Ɓa, a kərəɗ ŋga guduk mbizek abə tata, əŋgah hedi a kap nvəŋ seh, a gwar za a lay ta, a dar malakw, a ɗal mbuh, a zla: 42«Baba na, əŋgah abə mba təkwa, gaɗaka tuwah wa guduk abə sa. Ama hwa mba i ɗal mənaŋ sa mə mba səku, ɗal mənaŋ hwa mə mba». [43Ɓa, mələɓ tə Bizlaf a təɗaha a wuzlaf ley vəlaŋ fagay. 44Yesu, ləndəŋ kəɗalaŋ za mbeh səku, a ɗalaŋ mbuh əŋ Bizlaf abə fagay baha dap, muwurɓay ŋga a mbaɗ mənaŋ məmbəz, a kəzləvaha əŋ teyek.]
45Abə dawaŋ tə ɗal mbuh ŋga, a gar, a ziŋ ŋga əŋ kelek gula ŋga iyi, a limta, i kəwaŋ məŋgəvday təɓəl tə wulək. 46Yesu a zlapaŋta, a zla: «Hi waŋ seh, məŋgəvday a mey? Hi garaha, hi ɗal mbuh əŋ Bizlaf məŋgəvday hi mba i ndəv əŋ məsəkəŋ mə nda i bimeheni ley ɗal hem səku.»
Məl tə Yesu
(Matta 26:47-56; Markus 14:43-50; Yahwana 18:3-11)
47Əŋ Yesu a kəzlap ndagwa seh, hedi makwas iyi i ndaha. Hedi, i mə ɗafaŋ ma Yahuda, hedi ntaɗ tə əŋ faŋw tə gula iyi wam a meɗek bək sey, mbə a ma tata. A kərəɗaha əŋ kelek Yesu ley ɗalaŋ mbele abə məl wucum. 48Yesu a zlapaŋgu, a zla: «Yahuda, hwa nda i kuɗəp Mbu tə Hedi seh abə ɗal mbele məl wucum vaw?» 49Hedi tə abə Yesu iyi, i mə gər məsəkəŋ mə nda i ɗal ta seh, i ɗəpu, i zla: «Bay Bayta, nini bəlta abə masalam tini iyi vaw?» 50Mbehmbeh mba, hedi ntaɗ əŋ faŋw tata, a bəl gula tə hedi səndawl tə a talaŋ hedi iyi i mə ɗal kukus əŋ Bizlaf, a rəslaŋ zləm tə zəma#22:50 Yahwana 18:10, 26.. 51Ama Yesu a zlap, a zla: «Hi yak ley ɗal məsəkəŋ mənaŋ wa, wawa kwata.» A ges ndəra a zləm tə hedi ta, neɓ, a neɓeŋza ka a lay ta.
52Abə dawaŋ ta izey, Yesu a zlapaŋta əŋ hedi səndawl iyi tə a talaŋ hedi iyi i mə ɗal kukus əŋ Bizlaf abə hedi səndawl iyi tə hedi mə jəɗ biŋ tə Bizlaf iyi liŋ hedi mə ɗal yawa iyi i mə ndaha ley məlu wa, a zla: «Hi ndaha abə masalam abə zlambay ley məlaka mənaŋ wa seh, sa məhil vaw? 53Əŋ waŋ iyi fuk sa mbə abə heni əŋ biŋ tə Bizlaf, kwa heni kəpələkaka ley məl seh halla. Ama mənjawa, waŋ təheni kəgwaraha za abə mazla tə ləvəŋ.»
Piyer a zlap seh, a kәsәŋ Yesu sәku
(Matta 26:57-58, 69-75; Markus 14:53-54, 66-72; Yahwana 18:12-18, 25-27)
54Abə dawaŋ tə i mə məl Yesu izey, i deɓʉ əŋ ge hedi səndawl tə a talaŋ hedi iyi i mə ɗal kukus əŋ Bizlaf. Piyer a kəziberta abə guduk ta. 55I kəbas kahaw za a palah ge, i mə nji fuk a meɗek kahaw ta. Piyer bahayim a nja əŋ faŋw tata.
56Wala mə ɗal kəzəɗ tə ge ta, a gər Piyer mə nji a meɗek kahaw, ɓa, a gəru, a zla: «Hedi wa bahayim, mbə abə mbiŋ.» 57Ama Piyer a ja ma abə ley zlapaŋgu, a zla: «Hey, wala wa, sa kəsəŋ hedi ta səku.» 58Nja mbizek, abə dawaŋ ta, hedi par baha, a gəru, a zla: «Hwa bahayim, naa, hwa gula ntaɗ tə əŋ faŋw tata.» Piyer, a ziŋgeŋ zlap, a zla: «Kay, hedi wa, sa mbə əŋ faŋw tata halla.» 59I nja, a ɗal njamndi ntaɗ, abə dawaŋ ta, hedi məzəwindi a kəceh a ma ta, a zla: «Məndiwiŋ, hedi wa, mbə abə mbiŋ, məŋgəvday ar lə Galili.» 60Piyer a ziŋgeŋ zlap, a zla: «Hedi wa, sa kəsəŋ ma hwa mə mba i zlap wa səku.» Mar kəcukwaɗ zlap ŋga halla ndagwa seh, gwamzakw a ja wula. 61Bay Bayta, a buw nje kəɗi a Piyer, a gəru. Ɓa, Piyer a səŋ kenek a ma Bay Bayta mə zlapaŋgu, a zla: «Ha gwamzakw a nda i ja wula eci seh, hwa ja ma za əŋ ŋgas maakaɗ hwa kəsəŋgaka səku.» 62Piyer a təɗaha ŋga a palah, kəhaŋ mbeh səku.
I ɓasaŋ a talaŋ Yesu
(Matta 26:67-68; Markus 14:65)
63Hedi mə jəɗ Yesu iyi i ɓasaŋ a talaŋ, i tawu. 64I bərəɗaŋ nje, i ɗəpu, i zla: «Əŋgah hwa hedi mə giz ma abə miya tə Bizlaf seh, səŋgu mə tawah wa seh, viyey?» 65I zlapaŋ ma iyi par par mbeh səku tə abə məra.
Yesu mbə a ma tə hedi səndawl mə ɗal yawa kə mbəzl ma iyi
(Matta 26:59-66; Markus 14:55-64; Yahwana 18:19-24)
66Əŋ lay mə daŋgaha daŋ, hedi mə ɗal yawa tə Yahuda iyi, hedi səndawl iyi tə a talaŋ hedi iyi i mə ɗal kukus əŋ Bizlaf abə metir tə ma majaw iyi i kwas. I deɓ Yesu a ma tə hedi səndawl mə ɗal yawa kə mbəzl ma tata iyi. 67I ɗəpu, i zla: «Əŋgah hwa Almasihu seh, gizenini.» Yesu a ziŋgeŋta zlap, a zla: «Əŋgah sa zlapaheni, hi kənda i kuwaka ma halla. 68Əŋgah sa ɗəpaheni bahayim, heni kənda i ziŋgeke zlap halla. 69Ama mar mənjawa, Mbu tə Hedi a nda i nja əŋ ndəra zəma tə Bizlaf tə abə fagay#22:69 Jabura 110:1..» 70Tata fuk i zlapaŋgu, i zla: «Hwa seh, hwa Mbu tə Bizlaf izey vaw?» A ziŋgeŋta zlap, a zla: «Mənaŋ mba, mənaŋ heni mə zlap.» 71Abə dawaŋ ta izey, i zlap, i zla: «Nakwa iyi kəmba hedi par a gizenakwa baha vaw? Nakwa abə talaŋ takwa, nakwa kəzlim ma mbiŋ mə zlap abə ma ŋga za!»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល