Luka 11
11
Sərək a talaŋ ley ɗal mbuh
(Matta 6:9-13; 7:7-11)
1Əŋ pis məzəwindi aka, Yesu a kəɗal mbuh əŋ lay par aka. Əŋ mbiŋ kəcukwaɗ cuza ley ɗal mbuh seh, hedi ntaɗ əŋ faŋw tə gula ŋga iyi, a ɗəpu, a zla: «Bay Bayta, sərəkanini ley ɗal mbuh mənaŋ Yahwana mə ɗal batem mə sərək gula ŋga iyi gey.» 2A zlapaŋta, a zla: «Əŋ heni kəɗal mbuh seh, hi zlap mənaŋ wa:
“Waa Baba Bizlaf,
ɗal amba kwa viyey mə səŋ hwa seh, hwa Bizlaf sə Kweɗek,
ɗal Bay təkwa mə ndaha,
3Vəlanini məsəkəŋ kə zəm tiɗe mənaŋ nini mə mba a waŋ ta a waŋ ta.
4Yakanini hem tə a talaŋ tini iyi,
məŋgəvday nini abə talaŋ tini bahayim, nini kəyakaŋta hem tə hedi mə ɗalanini hem iyi.
Hwa mba i yakanini ley ndəv əŋ məsəkəŋ mə nda i təlanini səku#11:4 Matta 6:13..”»
5Yesu a zlapaŋta baha, a zla: «Əŋgah hedi ntaɗ əŋ faŋw təheni abə maday ŋga aka, a nda əŋ kelek ŋga ŋgəlak njaɗu, ɓa, a zlapaŋgu, a zla: “Maday na, sa ndaha ley rək peŋ maakaɗ, 6məŋgəvday maday na ntaɗ tə əŋ faŋw tə maday na iyi, kəndaha za kəɗi əŋ pik əŋ ge na, ama məsəkəŋ amba sa vəlaŋ seh halla.” 7Maday ŋga ta, a ziŋgeŋ zlap kəɗi ge, a zla: “Yakaka, mənjawa sa kəpek medigiɗ cuza, sa abə wuziyi na iyi fuk nini kəwaŋ. Sa gula i garaha ley vəlah peŋ səku ba.” 8Sa kəzlapaheni, kwa maday ŋga ta, a kəmba i garaha ley vəlaŋ məsəkəŋ məŋgəvday tə maday səku seh, a garaha za ley vəlaŋ məsəkəŋ mənaŋ mbiŋ mə mba, məŋgəvday a kəɗəpu cehceh. 9Sa seh, sa kəzlapaheni: Hi ɗəp, i vəlaheni za. Hi pələk, hi lim za. Hi taw medigiɗ, i rəzaheni lay za. 10Məŋgəvday hedi mə ɗəp məsəkəŋ, i vəlaŋ za. Hedi mə pələk məsəkəŋ, a lim za. Hedi mə taw medigiɗ, i rəzaŋ lay za. 11Baba vitikey əŋ faŋw təheni, mbu ŋgaŋ a ɗəpaŋ kəlif, a vəlaŋ zʉzʉk za vaw? 12Aka səku, a ɗəpaŋ misliɗ seh, a vəlaŋ mederleŋ za vaw? 13Kwa heni hedi madawar iyi maa, hi kəsəŋ məsəkəŋ səntaŋ ley vəlaŋta əŋ wuziyi təheni iyi. Mənaŋ mba seh, Baba tə wuzlaf a vəlaŋta Mimiɗ sə Kweɗek əŋ hedi mə ɗəpu iyi seh halla vaw?»
Yesu seh, gula tə Belzebul vaw?
(Matta 12:22-30; Markus 3:22-27)
14Əŋ pis məzəwindi aka, Yesu a kəgam mimiɗ madawar əŋ talaŋ tə hedi mə gula i zlap səku. Əŋ mimiɗ madawar ta, kətəɗaha ŋga cuza seh, hedi ta a kəzlap izey. Hedi makwas tə a namba iyi fuk i har. 15Ama hedi dakayta tə əŋ faŋw tata iyi, i zla: «Ar Belzebul#11:15 Belzebul Ar bay tə mimiɗ madawar iyi, aka səku baha, Lay kuli., bay tə mimiɗ madawar iyi, mə vəlaŋ fagay ley gam mimiɗ madawar iyi.» 16Hedi dakayta iyi i mba i təlu, i ɗəpu amba mə ɗal mazla ley səŋ fagay ŋga a ndaha a wuzlaf. 17Ama Yesu a kəsəŋ wulək tata, ɓa, a zlapaŋta, a zla: «Əŋgah hedi iyi tə əŋ hayak ntaɗ i kəɗal vərəm əŋ faŋw tata seh, hayak ta mba, a gay ŋga za, ge iyi bahayim i hurum tata za a meɗek a meɗek. 18Hi kəzlap Belzebul mə vəlaka fagay ley gam mimiɗ madawar iyi tə əŋ talaŋ tə hedi iyi seh, əŋgah Sayɗanu a kəjəm abə hedi ŋga iyi seh, bay ŋga a nda i nja seh, viŋgey? 19Əŋgah sa kəgam mimiɗ madawar iyi abə fagay tə Belzebul seh, wuziyi təheni iyi bahayim i nda i gamta seh, abə fagay vitikey? Məŋgəvday a ɗek, i vəlaheni hem za. 20Ama əŋgah abə fagay tə Bizlaf, sa kəgam mimiɗ madawar iyi seh, mənaŋ zlap ta, Bay tə Bizlaf a kəgizeheni, kəgwaraha za kulah a heni.»
21Yesu a zlap abə ma marərək baha, a zla: «Əŋ hedi tə abə fagay, masla wucum tə abə gulawm ŋga, a kəjəɗ ge ŋga, məsəkəŋ ŋga iyi fuk i nja za lawlaw. 22Ama əŋgah hedi tə abə fagay mə dayza a ndaha əŋ talaŋ ŋga, a kuwaŋ gulawm ŋga mbiŋ mə ɗiyu əŋ mətər ŋga sey, abə məsəkəŋ ŋga iyi fuk, ɓa, a ɓizekeŋta məsəkəŋ ŋga iyi ta əŋ hedi iyi.
23«Hedi mbə abə sa halla, ar məsəgər na. Hedi mə cakal məsəkəŋ abə sa səku bahayim, a kəkʉkweɗʉ.»
Ziŋgehe tə mimiɗ tə abə ndəra dəlay
(Matta 12:43-45)
24«Əŋgah mimiɗ tə abə ndəra dəlay kətəɗaha ŋga za əŋ talaŋ tə hedi, a nda a pik, a pik əŋ təp damu, a pələk lay ley yip. Kwa kəlim halla seh, a zla: “Sa nda i ziŋ əŋ biŋ na sa mə təɗaha tə ɗəməŋ sey.” 25Əŋ ziŋgehe ŋga, a lim biŋ ta mə feɗi, mə ɗiyi lawlaw. 26Abə dawaŋ ta izey, a nda i daha mimiɗ madawar iyi dʉsəlʉɗ, i dayu abə lem, i təɗ əŋ biŋ ta, i nja a ɗəməŋ. Cukwaɗ tə nja tə hedi ta, a day nakaha za əŋ madawar.»
Pir ma məndiwiŋ
27Əŋ Yesu mə zlap mənaŋ wa seh, wala məzəwindi aka, a zlap abə fagay əŋ faŋw tə hedi makwas iyi, a zla: «Nja səntaŋ seh əŋ wala mə mbuwah abə əŋ wala mə sah wa ŋga.» 28Ama mbiŋ seh, a zla: «Ɗəba nja səntaŋ seh, əŋ hedi mə zlim ma tə Bizlaf iyi, mə ɗal kəzəɗ tə abə mbiŋ iyi!»
Məsəkəŋ mə nda i ɗal tə a talaŋ Mbu tə Hedi
(Matta 12:38-42)
29Əŋ hedi iyi mbeh səku i kəkwasaha əŋ kelek Yesu seh, a mar ley zlap, a zla: «Hedi mənjawa iyi wa, ar hedi madawar iyi. I kəɗəp mazla, ama i lim halla, sey mazla tə hedi mə giz ma abə miya tə Bizlaf, Yawnas. 30Məŋgəvday mənaŋ mba, Bizlaf mə ɗal mazla abə Yawnas əŋ hedi tə Niniwe iyi, mənaŋ mba bahayim, Mbu tə Hedi a nda i mbaɗ əŋ mazla əŋ hedi mənjawa iyi#11:30 Yawnas 3:3-5; Matta 12:41.. 31Əŋ pis kə mbəzl ma tə a talaŋ məŋhayak seh, bay tə wala tə əŋ hayak kəɗi əŋ teyek, a gar za a ma tə hedi tə eci iyi, a vəlaŋta hem za, məŋgəvday a ndaha guduk ley zlim zlap tə Sulaymanu, hedi tə abə burŋguzl, ehe, a nawa, hedi mə day Sulaymanu aka. 32Əŋ pis kə mbəzl ma tə a talaŋ məŋhayak seh, hedi tə əŋ hayak tə Niniwe iyi i gar za a ma tə hedi mənjawa iyi ley vəlaŋta hem, məŋgəvday hedi tə Niniwe iyi i kəbuw nja tata za əŋ tata i mə zlim zlap tə Bizlaf a ndəra Yawnas. Ehe, hedi mə day Yawnas a nawa aka.»
Nje seh, ar lalam tə wucum
(Matta 5:15; 6:22-23)
33«Hedi mə nda i bas lalam amba ley ɓahaw, aka səku ley ɗiyu a gədaŋ bekwete seh halla, ama i ɗiyu a lay kə ɗiy lalam, amba hedi mə təɗ əŋ namba iyi fuk i gər lay mawaɗ. 34Lalam tə wucum təkwa seh, ar nje. Əŋgah nje təkwa lawlaw seh, wucum təkwa fuk mbə əŋ lay mawaɗ bahayim. Ama əŋgah nje təkwa lawlaw halla, wucum təkwa fuk bahayim mbə əŋ ləvəŋ. 35Mənaŋ wa, hi sla wucum lawlaw, waɗ tə wucum təkwa a mba i mbaɗ əŋ ləvəŋ səku. 36Əŋgah wucum təkwa fuk mbə əŋ lay mawaɗ, kwa ləvəŋ a ɗəməŋ halla. Wucum təkwa ta a nja za əŋ lay mawaɗ mənaŋ lalam mə waɗ lay abə waɗ ŋga.»
Yesu a vəlaŋ hem əŋ Farisa iyi abə hedi mə ɗal kukus tə ma majaw iyi
(Matta 23:1-36; Markus 12:38-40)
37Əŋ Yesu kəcukwaɗ zlap kwata seh, lə Farisa ntaɗ aka, a ɗafaŋ ma əŋ ge ŋga ley zəm wuda. A təɗ, ɓa, a mar ley zəm wuda. 38Lə Farisa ta a har, məŋgəvday a gər Yesu a kəzəm wuda ndəra mə tak baŋ#11:38 Ndəra mə tak baŋ, mənaŋ kukus tə Yahuda iyi mə zlap ley zəm wuda seh, sey i baŋ ndəra za ndagwa. Ɓa, i zəm wuda.. 39Bay Bayta a zlapaŋgu, a zla: «Mənjawa, heni Farisa iyi, heni kəbaŋ dawaŋ tə kwaɗum tə wuda abə tə yim, ama nəf təheni mə gweɗi abə mba məsəkəŋ kə hil liŋ abə ley ɗal bəlhwaɗay. 40Hedi mə tak burŋguzl iyi! Bizlaf mə ɗal lay tə palah, kəɗal lay tə ɗəməŋ seh halla bahayim vaw? 41Hi vəlaŋta məsəkəŋ tə əŋ kwaɗum tə wuda təheni abə tə yim təheni əŋ hedi məstakwaŋ iyi, ɓa, məsəkəŋ iyi fuk i mbaɗ za kweɗek kweɗek əŋ heni.
42«Ama tuwah a limeheni za, heni Farisa iyi, məŋgəvday heni kəvəl məsəkəŋ əŋ Bizlaf məsəkəŋ ntaɗ əŋ wam, kwa məsəkəŋ mekedek mekedek mə ndərəm wuri, abə kwasakway tə wuri iyi par par tə əŋ jerne təheni, hi kəvəl mənaŋ mba bahayim, ama heni kəgeŋgir mba wucum tə Bizlaf za abə ley ɗal məsəkəŋ səntaŋ abə kataf ta əŋ hedi iyi. Ɗəba məsəkəŋ iyi mba seh, ar məsəkəŋ səntaŋ iyi ley ɗal, hi mba i yak ley ɗal məsəkəŋ dakayta iyi səku bahayim.
43«Tuwah a ndaha za a talaŋ təheni, heni Farisa iyi məŋgəvday heni kəmba lay kə nja səntaŋ əŋ biŋ iyi kə ɗal mbuh əŋ Bizlaf, heni mba hedi iyi i mə ɗalaheni mbele abə waŋ talaŋ əŋ lay kə kwas hedi iyi. 44Tuwah a ndaha za a talaŋ təheni, heni Farisa iyi, məŋgəvday heni mənaŋ talaŋ jiɓ iyi, i kəlimta halla, hedi iyi i kənda kəɗi a talaŋ ta, i kəsəŋ səku.»
45Abə dawaŋ ta, hedi ntaɗ əŋ faŋw tə metir tə ma majaw iyi, a zlapaŋgu, a zla: «Metir, mənaŋ hwa mə zlap wa seh, hwa kəranini bahayim.»
46Yesu a ziŋgeŋ zlap, a zla: «Heni bahayim, metir tə ma majaw iyi, tuwah a nda za a talaŋ təheni, məŋgəvday heni kətəɗaha kukus sə ndʉlndʉl iyi əŋ hedi iyi tuwah ley ziber, ama hi kətərta ley ziberʉ kwa kʉsit səku. 47Tuwah a ndaha za a talaŋ təheni, heni mə ləm talaŋ jiɓ tə hedi mə giz ma abə miya tə Bizlaf iyi zlezle ley ŋgəm, anjəkər dide tə dide təheni iyi i mə jata. 48Mənaŋ wa, heni kəgizeŋta əŋ hedi iyi kəzəɗ tə dide tə dide təheni iyi zlezle, a kəŋgəmaheni. Tata seh, i kəja hedi mə giz ma abə miya tə Bizlaf iyi za, ama heni bahayim, heni kələm talaŋ jiɓ tata iyi za. 49Məŋgəvday a ɗek, Bizlaf əŋ səŋ məsəkəŋ ŋga, a zla: “Sa nda i ləɓaŋta hedi mə giz ma abə miya na iyi liŋ mələɓ iyi. I nda i ja hedi dakayta iyi, i nda i zləŋgaŋta takwaŋ əŋ hedi dakayta tə əŋ faŋw tata iyi.” 50Məŋgəvday a ɗek, məmbəz tə hedi mə giz ma abə miya tə Bizlaf iyi fuk, mambaɗ mar tə əŋ mar tə məŋhayak, a wufaŋta za a talaŋ hedi mənjawa iyi wa. 51Mar i mə ja Habila ha ja tə Zakariya əŋ walaŋ tə lay kə məsaw məsəkəŋ abə biŋ kə ɗal kukus əŋ Bizlaf#11:51 Matta 23:35.. Ayaw, sa kəzlapaheni, i mbəzlaŋta ma za əŋ hedi tə jemere iyi wa, məŋgəvday məc tə hedi iyi wa fuk.
52«Tuwah a ndaha za a talaŋ təheni, heni metir tə ma majaw iyi, heni kətak kataf ley səŋ Bizlaf za, ama heni bahayim heni kətəɗ halla, heni kəyak hedi iyi ley təɗ halla.»
53Əŋ Yesu kətəɗaha ŋga a ge ta seh, Farisa iyi abə metir tə ma majaw iyi nəf kədəmaŋta za mbeh səku. Ɓa, i ɗəpu a talaŋ ma iyi par par mbeh səku. 54I kəɗemberʉ əŋ zlap ŋga iyi amba i zlim ma madawar mbiŋ mə nda i təɗaha tə pakwam ŋga, ɓa, i vəlaŋ hem.
ទើបបានជ្រើសរើសហើយ៖
Luka 11: xmd
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Luka 11
11
Sərək a talaŋ ley ɗal mbuh
(Matta 6:9-13; 7:7-11)
1Əŋ pis məzəwindi aka, Yesu a kəɗal mbuh əŋ lay par aka. Əŋ mbiŋ kəcukwaɗ cuza ley ɗal mbuh seh, hedi ntaɗ əŋ faŋw tə gula ŋga iyi, a ɗəpu, a zla: «Bay Bayta, sərəkanini ley ɗal mbuh mənaŋ Yahwana mə ɗal batem mə sərək gula ŋga iyi gey.» 2A zlapaŋta, a zla: «Əŋ heni kəɗal mbuh seh, hi zlap mənaŋ wa:
“Waa Baba Bizlaf,
ɗal amba kwa viyey mə səŋ hwa seh, hwa Bizlaf sə Kweɗek,
ɗal Bay təkwa mə ndaha,
3Vəlanini məsəkəŋ kə zəm tiɗe mənaŋ nini mə mba a waŋ ta a waŋ ta.
4Yakanini hem tə a talaŋ tini iyi,
məŋgəvday nini abə talaŋ tini bahayim, nini kəyakaŋta hem tə hedi mə ɗalanini hem iyi.
Hwa mba i yakanini ley ndəv əŋ məsəkəŋ mə nda i təlanini səku#11:4 Matta 6:13..”»
5Yesu a zlapaŋta baha, a zla: «Əŋgah hedi ntaɗ əŋ faŋw təheni abə maday ŋga aka, a nda əŋ kelek ŋga ŋgəlak njaɗu, ɓa, a zlapaŋgu, a zla: “Maday na, sa ndaha ley rək peŋ maakaɗ, 6məŋgəvday maday na ntaɗ tə əŋ faŋw tə maday na iyi, kəndaha za kəɗi əŋ pik əŋ ge na, ama məsəkəŋ amba sa vəlaŋ seh halla.” 7Maday ŋga ta, a ziŋgeŋ zlap kəɗi ge, a zla: “Yakaka, mənjawa sa kəpek medigiɗ cuza, sa abə wuziyi na iyi fuk nini kəwaŋ. Sa gula i garaha ley vəlah peŋ səku ba.” 8Sa kəzlapaheni, kwa maday ŋga ta, a kəmba i garaha ley vəlaŋ məsəkəŋ məŋgəvday tə maday səku seh, a garaha za ley vəlaŋ məsəkəŋ mənaŋ mbiŋ mə mba, məŋgəvday a kəɗəpu cehceh. 9Sa seh, sa kəzlapaheni: Hi ɗəp, i vəlaheni za. Hi pələk, hi lim za. Hi taw medigiɗ, i rəzaheni lay za. 10Məŋgəvday hedi mə ɗəp məsəkəŋ, i vəlaŋ za. Hedi mə pələk məsəkəŋ, a lim za. Hedi mə taw medigiɗ, i rəzaŋ lay za. 11Baba vitikey əŋ faŋw təheni, mbu ŋgaŋ a ɗəpaŋ kəlif, a vəlaŋ zʉzʉk za vaw? 12Aka səku, a ɗəpaŋ misliɗ seh, a vəlaŋ mederleŋ za vaw? 13Kwa heni hedi madawar iyi maa, hi kəsəŋ məsəkəŋ səntaŋ ley vəlaŋta əŋ wuziyi təheni iyi. Mənaŋ mba seh, Baba tə wuzlaf a vəlaŋta Mimiɗ sə Kweɗek əŋ hedi mə ɗəpu iyi seh halla vaw?»
Yesu seh, gula tə Belzebul vaw?
(Matta 12:22-30; Markus 3:22-27)
14Əŋ pis məzəwindi aka, Yesu a kəgam mimiɗ madawar əŋ talaŋ tə hedi mə gula i zlap səku. Əŋ mimiɗ madawar ta, kətəɗaha ŋga cuza seh, hedi ta a kəzlap izey. Hedi makwas tə a namba iyi fuk i har. 15Ama hedi dakayta tə əŋ faŋw tata iyi, i zla: «Ar Belzebul#11:15 Belzebul Ar bay tə mimiɗ madawar iyi, aka səku baha, Lay kuli., bay tə mimiɗ madawar iyi, mə vəlaŋ fagay ley gam mimiɗ madawar iyi.» 16Hedi dakayta iyi i mba i təlu, i ɗəpu amba mə ɗal mazla ley səŋ fagay ŋga a ndaha a wuzlaf. 17Ama Yesu a kəsəŋ wulək tata, ɓa, a zlapaŋta, a zla: «Əŋgah hedi iyi tə əŋ hayak ntaɗ i kəɗal vərəm əŋ faŋw tata seh, hayak ta mba, a gay ŋga za, ge iyi bahayim i hurum tata za a meɗek a meɗek. 18Hi kəzlap Belzebul mə vəlaka fagay ley gam mimiɗ madawar iyi tə əŋ talaŋ tə hedi iyi seh, əŋgah Sayɗanu a kəjəm abə hedi ŋga iyi seh, bay ŋga a nda i nja seh, viŋgey? 19Əŋgah sa kəgam mimiɗ madawar iyi abə fagay tə Belzebul seh, wuziyi təheni iyi bahayim i nda i gamta seh, abə fagay vitikey? Məŋgəvday a ɗek, i vəlaheni hem za. 20Ama əŋgah abə fagay tə Bizlaf, sa kəgam mimiɗ madawar iyi seh, mənaŋ zlap ta, Bay tə Bizlaf a kəgizeheni, kəgwaraha za kulah a heni.»
21Yesu a zlap abə ma marərək baha, a zla: «Əŋ hedi tə abə fagay, masla wucum tə abə gulawm ŋga, a kəjəɗ ge ŋga, məsəkəŋ ŋga iyi fuk i nja za lawlaw. 22Ama əŋgah hedi tə abə fagay mə dayza a ndaha əŋ talaŋ ŋga, a kuwaŋ gulawm ŋga mbiŋ mə ɗiyu əŋ mətər ŋga sey, abə məsəkəŋ ŋga iyi fuk, ɓa, a ɓizekeŋta məsəkəŋ ŋga iyi ta əŋ hedi iyi.
23«Hedi mbə abə sa halla, ar məsəgər na. Hedi mə cakal məsəkəŋ abə sa səku bahayim, a kəkʉkweɗʉ.»
Ziŋgehe tə mimiɗ tə abə ndəra dəlay
(Matta 12:43-45)
24«Əŋgah mimiɗ tə abə ndəra dəlay kətəɗaha ŋga za əŋ talaŋ tə hedi, a nda a pik, a pik əŋ təp damu, a pələk lay ley yip. Kwa kəlim halla seh, a zla: “Sa nda i ziŋ əŋ biŋ na sa mə təɗaha tə ɗəməŋ sey.” 25Əŋ ziŋgehe ŋga, a lim biŋ ta mə feɗi, mə ɗiyi lawlaw. 26Abə dawaŋ ta izey, a nda i daha mimiɗ madawar iyi dʉsəlʉɗ, i dayu abə lem, i təɗ əŋ biŋ ta, i nja a ɗəməŋ. Cukwaɗ tə nja tə hedi ta, a day nakaha za əŋ madawar.»
Pir ma məndiwiŋ
27Əŋ Yesu mə zlap mənaŋ wa seh, wala məzəwindi aka, a zlap abə fagay əŋ faŋw tə hedi makwas iyi, a zla: «Nja səntaŋ seh əŋ wala mə mbuwah abə əŋ wala mə sah wa ŋga.» 28Ama mbiŋ seh, a zla: «Ɗəba nja səntaŋ seh, əŋ hedi mə zlim ma tə Bizlaf iyi, mə ɗal kəzəɗ tə abə mbiŋ iyi!»
Məsəkəŋ mə nda i ɗal tə a talaŋ Mbu tə Hedi
(Matta 12:38-42)
29Əŋ hedi iyi mbeh səku i kəkwasaha əŋ kelek Yesu seh, a mar ley zlap, a zla: «Hedi mənjawa iyi wa, ar hedi madawar iyi. I kəɗəp mazla, ama i lim halla, sey mazla tə hedi mə giz ma abə miya tə Bizlaf, Yawnas. 30Məŋgəvday mənaŋ mba, Bizlaf mə ɗal mazla abə Yawnas əŋ hedi tə Niniwe iyi, mənaŋ mba bahayim, Mbu tə Hedi a nda i mbaɗ əŋ mazla əŋ hedi mənjawa iyi#11:30 Yawnas 3:3-5; Matta 12:41.. 31Əŋ pis kə mbəzl ma tə a talaŋ məŋhayak seh, bay tə wala tə əŋ hayak kəɗi əŋ teyek, a gar za a ma tə hedi tə eci iyi, a vəlaŋta hem za, məŋgəvday a ndaha guduk ley zlim zlap tə Sulaymanu, hedi tə abə burŋguzl, ehe, a nawa, hedi mə day Sulaymanu aka. 32Əŋ pis kə mbəzl ma tə a talaŋ məŋhayak seh, hedi tə əŋ hayak tə Niniwe iyi i gar za a ma tə hedi mənjawa iyi ley vəlaŋta hem, məŋgəvday hedi tə Niniwe iyi i kəbuw nja tata za əŋ tata i mə zlim zlap tə Bizlaf a ndəra Yawnas. Ehe, hedi mə day Yawnas a nawa aka.»
Nje seh, ar lalam tə wucum
(Matta 5:15; 6:22-23)
33«Hedi mə nda i bas lalam amba ley ɓahaw, aka səku ley ɗiyu a gədaŋ bekwete seh halla, ama i ɗiyu a lay kə ɗiy lalam, amba hedi mə təɗ əŋ namba iyi fuk i gər lay mawaɗ. 34Lalam tə wucum təkwa seh, ar nje. Əŋgah nje təkwa lawlaw seh, wucum təkwa fuk mbə əŋ lay mawaɗ bahayim. Ama əŋgah nje təkwa lawlaw halla, wucum təkwa fuk bahayim mbə əŋ ləvəŋ. 35Mənaŋ wa, hi sla wucum lawlaw, waɗ tə wucum təkwa a mba i mbaɗ əŋ ləvəŋ səku. 36Əŋgah wucum təkwa fuk mbə əŋ lay mawaɗ, kwa ləvəŋ a ɗəməŋ halla. Wucum təkwa ta a nja za əŋ lay mawaɗ mənaŋ lalam mə waɗ lay abə waɗ ŋga.»
Yesu a vəlaŋ hem əŋ Farisa iyi abə hedi mə ɗal kukus tə ma majaw iyi
(Matta 23:1-36; Markus 12:38-40)
37Əŋ Yesu kəcukwaɗ zlap kwata seh, lə Farisa ntaɗ aka, a ɗafaŋ ma əŋ ge ŋga ley zəm wuda. A təɗ, ɓa, a mar ley zəm wuda. 38Lə Farisa ta a har, məŋgəvday a gər Yesu a kəzəm wuda ndəra mə tak baŋ#11:38 Ndəra mə tak baŋ, mənaŋ kukus tə Yahuda iyi mə zlap ley zəm wuda seh, sey i baŋ ndəra za ndagwa. Ɓa, i zəm wuda.. 39Bay Bayta a zlapaŋgu, a zla: «Mənjawa, heni Farisa iyi, heni kəbaŋ dawaŋ tə kwaɗum tə wuda abə tə yim, ama nəf təheni mə gweɗi abə mba məsəkəŋ kə hil liŋ abə ley ɗal bəlhwaɗay. 40Hedi mə tak burŋguzl iyi! Bizlaf mə ɗal lay tə palah, kəɗal lay tə ɗəməŋ seh halla bahayim vaw? 41Hi vəlaŋta məsəkəŋ tə əŋ kwaɗum tə wuda təheni abə tə yim təheni əŋ hedi məstakwaŋ iyi, ɓa, məsəkəŋ iyi fuk i mbaɗ za kweɗek kweɗek əŋ heni.
42«Ama tuwah a limeheni za, heni Farisa iyi, məŋgəvday heni kəvəl məsəkəŋ əŋ Bizlaf məsəkəŋ ntaɗ əŋ wam, kwa məsəkəŋ mekedek mekedek mə ndərəm wuri, abə kwasakway tə wuri iyi par par tə əŋ jerne təheni, hi kəvəl mənaŋ mba bahayim, ama heni kəgeŋgir mba wucum tə Bizlaf za abə ley ɗal məsəkəŋ səntaŋ abə kataf ta əŋ hedi iyi. Ɗəba məsəkəŋ iyi mba seh, ar məsəkəŋ səntaŋ iyi ley ɗal, hi mba i yak ley ɗal məsəkəŋ dakayta iyi səku bahayim.
43«Tuwah a ndaha za a talaŋ təheni, heni Farisa iyi məŋgəvday heni kəmba lay kə nja səntaŋ əŋ biŋ iyi kə ɗal mbuh əŋ Bizlaf, heni mba hedi iyi i mə ɗalaheni mbele abə waŋ talaŋ əŋ lay kə kwas hedi iyi. 44Tuwah a ndaha za a talaŋ təheni, heni Farisa iyi, məŋgəvday heni mənaŋ talaŋ jiɓ iyi, i kəlimta halla, hedi iyi i kənda kəɗi a talaŋ ta, i kəsəŋ səku.»
45Abə dawaŋ ta, hedi ntaɗ əŋ faŋw tə metir tə ma majaw iyi, a zlapaŋgu, a zla: «Metir, mənaŋ hwa mə zlap wa seh, hwa kəranini bahayim.»
46Yesu a ziŋgeŋ zlap, a zla: «Heni bahayim, metir tə ma majaw iyi, tuwah a nda za a talaŋ təheni, məŋgəvday heni kətəɗaha kukus sə ndʉlndʉl iyi əŋ hedi iyi tuwah ley ziber, ama hi kətərta ley ziberʉ kwa kʉsit səku. 47Tuwah a ndaha za a talaŋ təheni, heni mə ləm talaŋ jiɓ tə hedi mə giz ma abə miya tə Bizlaf iyi zlezle ley ŋgəm, anjəkər dide tə dide təheni iyi i mə jata. 48Mənaŋ wa, heni kəgizeŋta əŋ hedi iyi kəzəɗ tə dide tə dide təheni iyi zlezle, a kəŋgəmaheni. Tata seh, i kəja hedi mə giz ma abə miya tə Bizlaf iyi za, ama heni bahayim, heni kələm talaŋ jiɓ tata iyi za. 49Məŋgəvday a ɗek, Bizlaf əŋ səŋ məsəkəŋ ŋga, a zla: “Sa nda i ləɓaŋta hedi mə giz ma abə miya na iyi liŋ mələɓ iyi. I nda i ja hedi dakayta iyi, i nda i zləŋgaŋta takwaŋ əŋ hedi dakayta tə əŋ faŋw tata iyi.” 50Məŋgəvday a ɗek, məmbəz tə hedi mə giz ma abə miya tə Bizlaf iyi fuk, mambaɗ mar tə əŋ mar tə məŋhayak, a wufaŋta za a talaŋ hedi mənjawa iyi wa. 51Mar i mə ja Habila ha ja tə Zakariya əŋ walaŋ tə lay kə məsaw məsəkəŋ abə biŋ kə ɗal kukus əŋ Bizlaf#11:51 Matta 23:35.. Ayaw, sa kəzlapaheni, i mbəzlaŋta ma za əŋ hedi tə jemere iyi wa, məŋgəvday məc tə hedi iyi wa fuk.
52«Tuwah a ndaha za a talaŋ təheni, heni metir tə ma majaw iyi, heni kətak kataf ley səŋ Bizlaf za, ama heni bahayim heni kətəɗ halla, heni kəyak hedi iyi ley təɗ halla.»
53Əŋ Yesu kətəɗaha ŋga a ge ta seh, Farisa iyi abə metir tə ma majaw iyi nəf kədəmaŋta za mbeh səku. Ɓa, i ɗəpu a talaŋ ma iyi par par mbeh səku. 54I kəɗemberʉ əŋ zlap ŋga iyi amba i zlim ma madawar mbiŋ mə nda i təɗaha tə pakwam ŋga, ɓa, i vəlaŋ hem.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល