Luka 10
10
Yesu a ləɓ gula iyi ndəra dʉsəlʉɗ a meɗek bək
(Matta 9:37-38; 10:7-16; Markus 6:8-11; Luka 9:3-5)
1Abə dawaŋ tə wa, Bay Bayta a may gula məzəwindi iyi ndəra dʉsəlʉɗ a meɗek bək, ɓa, a ləɓta bək bək a ma ŋga əŋ berne iyi abə əŋ lay iyi fuk mbiŋ mə nda i nda. 2A zlapaŋta abə ma marərək, a zla: «Məsəkəŋ iyi i kəɗal za mbeh səku əŋ lay, ama hedi iyi ɓəraŋ ley cakalahaw əŋ wuta. Hi jaŋ ndəra əŋ hedi tə lay mə ləɓaha hedi iyi baha, ley cakalaha məsəkəŋ iyi ta. 3Hi nda, ehe, sa kələɓaheni mənaŋ mbu hentek iyi əŋ faŋw tə haza damu iyi. 4Hi mba i ɓət gabal tə dala səku, kwa gabal səku, kwa kərap iyi səku. Hi mba i gar a kataf ley ɗalaŋta mbele əŋ hedi iyi səku. 5Əŋ ge heni mə nda i təɗ fuk, hi zlap za ndagwa: “Zahay mə nja a ge wa.” 6Əŋgah hedi mə mba zahay a ge ta aka seh, zahay təheni ta, a nja za a mbiŋ. Əŋgah halla seh, zahay ta a ziŋgehe ŋga za a heni. 7Hi nja a ge ta, hi zəm, hi sa məsəkəŋ i mə vəlaheni, məŋgəvday hedi mə ɗal kəzəɗ a zəm təɓəl ŋga. Hi mba i gar a ge ta əŋ ge par səku#10:7 Matta 10:10; 1 Kwarintʉ iyi 9:14; 1 Timawte 5:18.. 8Əŋ berne heni mə təɗ kwa vitikey, i kəkuwaheni za, hi zəm məsəkəŋ i mə nda i vəlaheni. 9Hi mbəl hedi mə dal tə əŋ berne iyi ta, hi zlapaŋta əŋ hedi tə a namba iyi: “Bay tə Bizlaf kəgwaraha za mbehmbeh abə heni.” 10Ama əŋgah heni kətəɗ za əŋ berne kwa vitikey, i kəkuwaheni halla seh, hi nda əŋ lay kə kwas hedi iyi, hi zlapaŋta əŋ hedi iyi fuk: 11“Kwa luguda tə əŋ berne təheni tə a ŋgas tini iyi#10:11 Matta 10:14., nini mbiceheni za ka, ama hi səŋ ka lawlaw, Bay tə Bizlaf kəgwaraha za mbehmbeh abə heni.” 12Sa kəzlapaheni, əŋ pis kə mbəzl ma tə a talaŋ məŋhayak seh, mbəzl ma tə a talaŋ hedi tə Sawdawma iyi a ɗal pay gelɓe za a talaŋ mbəzl ma tə hedi tə əŋ berne iyi ta wa.»
Berne mə ŋgəm ley kuw ma səku iyi
(Matta 11:20-24)
13«Tuwah a ndaha za a talaŋ təkwa, Kwarajin! Tuwah a ndaha za a talaŋ təkwa, Baytisayda! Məŋgəvday mazla iyi maɗal tə əŋ faŋw təheni wa, əŋgah a ɗal wa əŋ Tirʉs abə Sidaŋw seh, mar zlezle hedi tə a namba iyi i ndək rukut tə gabal iyi za a wucum, i nja za əŋ birtik ley giz i kəbuw nja tata za. 14Məŋgəvday a ɗek, əŋ pis kə mbəzl ma tə a talaŋ məŋhayak seh, mbəzl ma tə a talaŋ Tirʉs abə Sidaŋw a ɗal gelɓe za a tə təheni. 15Hwa Kafarnahum, hwa wulək seh Bizlaf a kafah za əŋ wuzlaf vaw? Mənaŋ mba səku! I nda i bəreŋgeh ha əŋ teyek əŋ faŋw tə hedi maməc iyi#10:15 Esaya 14:13-15..»
16Baha, Yesu a zlapaŋta əŋ gula ŋga iyi, a zla: «Hedi mə zlimeheni ma, a kəzlimeke ma na. Hedi mə kuwaheni ma səku, kəkuw ma na halla bahayim. Baha, hedi mə kuwaka ma na səku, kəkuw ma tə hedi mə ləɓaka seh halla bahayim#10:16 Matta 10:40; 18:5; Markus 9:37; Yahwana 5:23; 13:20; 15:23; 12:44..»
Ziŋgehe tə mələɓ iyi ndəra dʉsəlʉɗ a meɗek bək
17Mələɓ iyi ndəra dʉsəlʉɗ a meɗek bək, i ziŋgehe tata abə səsəm, i zlapaŋ əŋ Yesu, i zla: «Bay Bayta, kwa mimiɗ madawar iyi i kəkuwanini ma za bahayim, məŋgəvday nini kəzlap abə miya təkwa.»
18Yesu a ziŋgeŋta zlap, a zla: «Sa kəlim Sayɗanu za a kəndəvaha a wuzlaf mənaŋ səsəm tə vaŋ. 19Ehe, sa kəvəlaheni fagay za ley dak ŋgas a talaŋ zʉzʉk iyi, mederleŋ iyi abə ley dayaŋta fagay tə məsəgər iyi fuk. Kwa məsəkəŋ mə nda i ɗalaheni seh halla. 20Ama heni mba i səsəm məŋgəvday mimiɗ madawar iyi i kəkuwaheni ma za səku. Ama hi səsəm seh məŋgəvday miya təheni iyi i mə wuzleli a wuzlaf.»
Səsəm tə Yesu
(Matta 11:25-27; 13:16-17)
21Mbehmbeh mba, Mimiɗ sə Kweɗek a vəlaŋ səsəm əŋ Yesu. A həmən Bizlaf, a zla: «Waa Baba, Bay Bayta Bizlaf mə sla a lay tə wuzlaf abə tə teyek, sa kəɗalah sʉse məŋgəvday hwa kəgizeŋta za əŋ wuziyi mekedek iyi məsəkəŋ hwa mə ɓah a hedi tə abə burŋguzl iyi, a hedi mə səŋ məsəkəŋ iyi. Ayaw, waa Baba, əŋ səŋ nje həhər təkwa, hwa kəmba za mə ɗal mənaŋ wa.»
22«Baba na kəvəlaka məsəkəŋ iyi fuk əŋ ndəra na. Hedi mə səŋ Mbu tə Hedi seh halla, sey Baba na, hedi mə səŋ Baba na seh halla bahayim, sey Mbu ŋgaŋ liŋ hedi, Mbu ta mə mba i gizeŋgʉ.»
23Abə dawaŋ ta, a buw nje kəɗi a gula ŋga iyi, ɓa, a zlapaŋta əŋ tata taataɗ tata: «Nja səntaŋ aka əŋ heni, heni mə lim məsəkəŋ heni mə gər tə abə nje təheni. 24Məŋgəvday sa kəzlapaheni, hedi mə giz ma abə miya tə Bizlaf iyi mbeh səku abə bay iyi mbeh səku i kəmba i lim məsəkəŋ heni mə gər wa, ama i kəgər halla. I kəmba i zlim məsəkəŋ heni mə zlim wa, ama i kəzlim halla#10:24 1 Piyer 1:10-12..»
Ma marərək abə lə Samariya səntaŋ
25Ehe, metir tə ma majaw məzəwindi aka, a gar, a mba i təl ley bim Yesu, a zlapaŋgu, a zla: «Metir, sa nda i ɗal amba ley lim mədəŋcur mə cukwaɗ səku seh, mey?» 26Yesu a ziŋgeŋ zlap, a zla: «Mə wuzleli əŋ ɗerewel tə ma majaw takwa seh, viŋgey? Hwa jeŋgʉ seh, viŋgey?» 27A ziŋgeŋ zlap, a zla: «Mba Bay Bayta Bizlaf təkwa abə nəf təkwa fuk, abə mədəŋcur təkwa fuk, abə wulək təkwa fuk liŋ abə fagay təkwa fuk, mba məslige təkwa mənaŋ hwa mə mba talaŋ təkwa.»
28Yesu a zlapaŋgu izey, a zla: «Hwa kəziŋgehe zlap za ləlaw diya, ɗal mənaŋ mba bahayim, hwa lim mədəŋcur mə cukwaɗ səku za.»
29Ama hedi ta a mba i gam hawa tə əŋ nje ŋga. A ɗəp Yesu baha, a zla: «Məslige na seh, viyey?» 30Yesu a zlapaŋgu baha, a zla: «Hedi məzəwindi aka, a bəreŋgehe a Urusalima, a nda əŋ Yerikwa. A nda seh əŋ ndəra hedi mə la məsəkəŋ tə hedi iyi. I məlu, i tawu, i laŋ məsəkəŋ tə ndəra ŋga iyi fuk, i nda tata, i yaku a nəf a nəf. 31Abə dawaŋ ta, hedi mə ɗal kukus əŋ Bizlaf aka, a kənda kəɗi əŋ kataf ta. A lim hedi məhil iyi i mə tawu sey. Ɓa, a zləŋgəɗ kəɗi əŋ kəv məzəwindi, a nda ŋga guduk abə mbiŋ. 32Mənaŋ mba bahayim, lə Leweŋki, a gwaraha a lay ta. A lim hedi ta. Ɓa, a zləŋgəɗ kəɗi əŋ kəv məzəwindi, a nda ŋga guduk abə mbiŋ. 33Ama lə Samariya aka, a kənda i pikehe kəɗi mba, a gwaraha əŋ kelek hedi ta, a gəru, a ɗalaŋ nje həhər. 34A kərəɗaha əŋ kelek ŋga, a ɗalaŋ mel abə mavu a mbəlah ŋga iyi, a paɗaŋta, a ɓətu a zaŋgwa ŋga, a deɓʉ əŋ biŋ kə waŋ muluk iyi, a gəraŋ nje a talaŋ. 35Garaha kafa ta, a təɗaha dala, a vəlaŋ əŋ hedi tə biŋ kə waŋ muluk iyi ta, a zlapaŋgu, a zla: “Gəraka nje a hedi wa. Əŋgah sa kəziŋgehe kwata əŋ pik na seh, sa abə talaŋ na, sa mineh məsəkəŋ hwa mə gay fuk za.”»
36Ɓa, Yesu a ɗəpu, a zla: «Əŋ wulək təkwa seh, əŋ faŋw tə hedi sə maakaɗ iyi wa seh, məslige tə hedi, hedi mə la məsəkəŋ tə hedi iyi i mə tawu wa seh viyey?» 37Metir tə ma majaw ta, a ziŋgeŋ zlap, a zla: «Məslige ŋga seh, ar hedi mə səŋgaŋ nje həhər.» Ɓa, Yesu a zlapaŋgu izey, a zla: «Nda, hwa bahayim, ɗal mənaŋ mba.»
Yesu mbə a ge Marta abə Mariyama
38Əŋ Yesu a kənda abə gula ŋga iyi a kataf seh, a təɗ əŋ wuta məzəwindi aka, a namba wala aka, miya ŋga Marta a kuwu əŋ ge ŋga. 39Zliŋgeŋ wala wala aka, miya ŋga Mariyama. Mə nji a kelek Bay Bayta, a kəteheŋ zləm a zlap ŋga. 40Marta a kəɗal kəzəɗ iyi par par ley da wuda. A ndaha, a zlapaŋ əŋ Yesu, a zla: «Bay Bayta, zliŋmana kəyakaka kəzəɗ iyi wa fuk əŋ sa taataɗ ley ɗal, a kəŋgəmah yim dap vaw? Zlapaŋgu, mə ndaha ley təraka.» 41Bay Bayta, a ziŋgeŋ zlap, a zla: «Marta, Marta hwa kəŋga talaŋ təkwa abə wulək ley ɗal məsəkəŋ iyi par par mbeh səku. 42Məsəkəŋ ntaɗ səntaŋ. Ar məsəkəŋ Mariyama mə may wa, hedi mə gula i ɓətaŋza halla.»
ទើបបានជ្រើសរើសហើយ៖
Luka 10: xmd
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Luka 10
10
Yesu a ləɓ gula iyi ndəra dʉsəlʉɗ a meɗek bək
(Matta 9:37-38; 10:7-16; Markus 6:8-11; Luka 9:3-5)
1Abə dawaŋ tə wa, Bay Bayta a may gula məzəwindi iyi ndəra dʉsəlʉɗ a meɗek bək, ɓa, a ləɓta bək bək a ma ŋga əŋ berne iyi abə əŋ lay iyi fuk mbiŋ mə nda i nda. 2A zlapaŋta abə ma marərək, a zla: «Məsəkəŋ iyi i kəɗal za mbeh səku əŋ lay, ama hedi iyi ɓəraŋ ley cakalahaw əŋ wuta. Hi jaŋ ndəra əŋ hedi tə lay mə ləɓaha hedi iyi baha, ley cakalaha məsəkəŋ iyi ta. 3Hi nda, ehe, sa kələɓaheni mənaŋ mbu hentek iyi əŋ faŋw tə haza damu iyi. 4Hi mba i ɓət gabal tə dala səku, kwa gabal səku, kwa kərap iyi səku. Hi mba i gar a kataf ley ɗalaŋta mbele əŋ hedi iyi səku. 5Əŋ ge heni mə nda i təɗ fuk, hi zlap za ndagwa: “Zahay mə nja a ge wa.” 6Əŋgah hedi mə mba zahay a ge ta aka seh, zahay təheni ta, a nja za a mbiŋ. Əŋgah halla seh, zahay ta a ziŋgehe ŋga za a heni. 7Hi nja a ge ta, hi zəm, hi sa məsəkəŋ i mə vəlaheni, məŋgəvday hedi mə ɗal kəzəɗ a zəm təɓəl ŋga. Hi mba i gar a ge ta əŋ ge par səku#10:7 Matta 10:10; 1 Kwarintʉ iyi 9:14; 1 Timawte 5:18.. 8Əŋ berne heni mə təɗ kwa vitikey, i kəkuwaheni za, hi zəm məsəkəŋ i mə nda i vəlaheni. 9Hi mbəl hedi mə dal tə əŋ berne iyi ta, hi zlapaŋta əŋ hedi tə a namba iyi: “Bay tə Bizlaf kəgwaraha za mbehmbeh abə heni.” 10Ama əŋgah heni kətəɗ za əŋ berne kwa vitikey, i kəkuwaheni halla seh, hi nda əŋ lay kə kwas hedi iyi, hi zlapaŋta əŋ hedi iyi fuk: 11“Kwa luguda tə əŋ berne təheni tə a ŋgas tini iyi#10:11 Matta 10:14., nini mbiceheni za ka, ama hi səŋ ka lawlaw, Bay tə Bizlaf kəgwaraha za mbehmbeh abə heni.” 12Sa kəzlapaheni, əŋ pis kə mbəzl ma tə a talaŋ məŋhayak seh, mbəzl ma tə a talaŋ hedi tə Sawdawma iyi a ɗal pay gelɓe za a talaŋ mbəzl ma tə hedi tə əŋ berne iyi ta wa.»
Berne mə ŋgəm ley kuw ma səku iyi
(Matta 11:20-24)
13«Tuwah a ndaha za a talaŋ təkwa, Kwarajin! Tuwah a ndaha za a talaŋ təkwa, Baytisayda! Məŋgəvday mazla iyi maɗal tə əŋ faŋw təheni wa, əŋgah a ɗal wa əŋ Tirʉs abə Sidaŋw seh, mar zlezle hedi tə a namba iyi i ndək rukut tə gabal iyi za a wucum, i nja za əŋ birtik ley giz i kəbuw nja tata za. 14Məŋgəvday a ɗek, əŋ pis kə mbəzl ma tə a talaŋ məŋhayak seh, mbəzl ma tə a talaŋ Tirʉs abə Sidaŋw a ɗal gelɓe za a tə təheni. 15Hwa Kafarnahum, hwa wulək seh Bizlaf a kafah za əŋ wuzlaf vaw? Mənaŋ mba səku! I nda i bəreŋgeh ha əŋ teyek əŋ faŋw tə hedi maməc iyi#10:15 Esaya 14:13-15..»
16Baha, Yesu a zlapaŋta əŋ gula ŋga iyi, a zla: «Hedi mə zlimeheni ma, a kəzlimeke ma na. Hedi mə kuwaheni ma səku, kəkuw ma na halla bahayim. Baha, hedi mə kuwaka ma na səku, kəkuw ma tə hedi mə ləɓaka seh halla bahayim#10:16 Matta 10:40; 18:5; Markus 9:37; Yahwana 5:23; 13:20; 15:23; 12:44..»
Ziŋgehe tə mələɓ iyi ndəra dʉsəlʉɗ a meɗek bək
17Mələɓ iyi ndəra dʉsəlʉɗ a meɗek bək, i ziŋgehe tata abə səsəm, i zlapaŋ əŋ Yesu, i zla: «Bay Bayta, kwa mimiɗ madawar iyi i kəkuwanini ma za bahayim, məŋgəvday nini kəzlap abə miya təkwa.»
18Yesu a ziŋgeŋta zlap, a zla: «Sa kəlim Sayɗanu za a kəndəvaha a wuzlaf mənaŋ səsəm tə vaŋ. 19Ehe, sa kəvəlaheni fagay za ley dak ŋgas a talaŋ zʉzʉk iyi, mederleŋ iyi abə ley dayaŋta fagay tə məsəgər iyi fuk. Kwa məsəkəŋ mə nda i ɗalaheni seh halla. 20Ama heni mba i səsəm məŋgəvday mimiɗ madawar iyi i kəkuwaheni ma za səku. Ama hi səsəm seh məŋgəvday miya təheni iyi i mə wuzleli a wuzlaf.»
Səsəm tə Yesu
(Matta 11:25-27; 13:16-17)
21Mbehmbeh mba, Mimiɗ sə Kweɗek a vəlaŋ səsəm əŋ Yesu. A həmən Bizlaf, a zla: «Waa Baba, Bay Bayta Bizlaf mə sla a lay tə wuzlaf abə tə teyek, sa kəɗalah sʉse məŋgəvday hwa kəgizeŋta za əŋ wuziyi mekedek iyi məsəkəŋ hwa mə ɓah a hedi tə abə burŋguzl iyi, a hedi mə səŋ məsəkəŋ iyi. Ayaw, waa Baba, əŋ səŋ nje həhər təkwa, hwa kəmba za mə ɗal mənaŋ wa.»
22«Baba na kəvəlaka məsəkəŋ iyi fuk əŋ ndəra na. Hedi mə səŋ Mbu tə Hedi seh halla, sey Baba na, hedi mə səŋ Baba na seh halla bahayim, sey Mbu ŋgaŋ liŋ hedi, Mbu ta mə mba i gizeŋgʉ.»
23Abə dawaŋ ta, a buw nje kəɗi a gula ŋga iyi, ɓa, a zlapaŋta əŋ tata taataɗ tata: «Nja səntaŋ aka əŋ heni, heni mə lim məsəkəŋ heni mə gər tə abə nje təheni. 24Məŋgəvday sa kəzlapaheni, hedi mə giz ma abə miya tə Bizlaf iyi mbeh səku abə bay iyi mbeh səku i kəmba i lim məsəkəŋ heni mə gər wa, ama i kəgər halla. I kəmba i zlim məsəkəŋ heni mə zlim wa, ama i kəzlim halla#10:24 1 Piyer 1:10-12..»
Ma marərək abə lə Samariya səntaŋ
25Ehe, metir tə ma majaw məzəwindi aka, a gar, a mba i təl ley bim Yesu, a zlapaŋgu, a zla: «Metir, sa nda i ɗal amba ley lim mədəŋcur mə cukwaɗ səku seh, mey?» 26Yesu a ziŋgeŋ zlap, a zla: «Mə wuzleli əŋ ɗerewel tə ma majaw takwa seh, viŋgey? Hwa jeŋgʉ seh, viŋgey?» 27A ziŋgeŋ zlap, a zla: «Mba Bay Bayta Bizlaf təkwa abə nəf təkwa fuk, abə mədəŋcur təkwa fuk, abə wulək təkwa fuk liŋ abə fagay təkwa fuk, mba məslige təkwa mənaŋ hwa mə mba talaŋ təkwa.»
28Yesu a zlapaŋgu izey, a zla: «Hwa kəziŋgehe zlap za ləlaw diya, ɗal mənaŋ mba bahayim, hwa lim mədəŋcur mə cukwaɗ səku za.»
29Ama hedi ta a mba i gam hawa tə əŋ nje ŋga. A ɗəp Yesu baha, a zla: «Məslige na seh, viyey?» 30Yesu a zlapaŋgu baha, a zla: «Hedi məzəwindi aka, a bəreŋgehe a Urusalima, a nda əŋ Yerikwa. A nda seh əŋ ndəra hedi mə la məsəkəŋ tə hedi iyi. I məlu, i tawu, i laŋ məsəkəŋ tə ndəra ŋga iyi fuk, i nda tata, i yaku a nəf a nəf. 31Abə dawaŋ ta, hedi mə ɗal kukus əŋ Bizlaf aka, a kənda kəɗi əŋ kataf ta. A lim hedi məhil iyi i mə tawu sey. Ɓa, a zləŋgəɗ kəɗi əŋ kəv məzəwindi, a nda ŋga guduk abə mbiŋ. 32Mənaŋ mba bahayim, lə Leweŋki, a gwaraha a lay ta. A lim hedi ta. Ɓa, a zləŋgəɗ kəɗi əŋ kəv məzəwindi, a nda ŋga guduk abə mbiŋ. 33Ama lə Samariya aka, a kənda i pikehe kəɗi mba, a gwaraha əŋ kelek hedi ta, a gəru, a ɗalaŋ nje həhər. 34A kərəɗaha əŋ kelek ŋga, a ɗalaŋ mel abə mavu a mbəlah ŋga iyi, a paɗaŋta, a ɓətu a zaŋgwa ŋga, a deɓʉ əŋ biŋ kə waŋ muluk iyi, a gəraŋ nje a talaŋ. 35Garaha kafa ta, a təɗaha dala, a vəlaŋ əŋ hedi tə biŋ kə waŋ muluk iyi ta, a zlapaŋgu, a zla: “Gəraka nje a hedi wa. Əŋgah sa kəziŋgehe kwata əŋ pik na seh, sa abə talaŋ na, sa mineh məsəkəŋ hwa mə gay fuk za.”»
36Ɓa, Yesu a ɗəpu, a zla: «Əŋ wulək təkwa seh, əŋ faŋw tə hedi sə maakaɗ iyi wa seh, məslige tə hedi, hedi mə la məsəkəŋ tə hedi iyi i mə tawu wa seh viyey?» 37Metir tə ma majaw ta, a ziŋgeŋ zlap, a zla: «Məslige ŋga seh, ar hedi mə səŋgaŋ nje həhər.» Ɓa, Yesu a zlapaŋgu izey, a zla: «Nda, hwa bahayim, ɗal mənaŋ mba.»
Yesu mbə a ge Marta abə Mariyama
38Əŋ Yesu a kənda abə gula ŋga iyi a kataf seh, a təɗ əŋ wuta məzəwindi aka, a namba wala aka, miya ŋga Marta a kuwu əŋ ge ŋga. 39Zliŋgeŋ wala wala aka, miya ŋga Mariyama. Mə nji a kelek Bay Bayta, a kəteheŋ zləm a zlap ŋga. 40Marta a kəɗal kəzəɗ iyi par par ley da wuda. A ndaha, a zlapaŋ əŋ Yesu, a zla: «Bay Bayta, zliŋmana kəyakaka kəzəɗ iyi wa fuk əŋ sa taataɗ ley ɗal, a kəŋgəmah yim dap vaw? Zlapaŋgu, mə ndaha ley təraka.» 41Bay Bayta, a ziŋgeŋ zlap, a zla: «Marta, Marta hwa kəŋga talaŋ təkwa abə wulək ley ɗal məsəkəŋ iyi par par mbeh səku. 42Məsəkəŋ ntaɗ səntaŋ. Ar məsəkəŋ Mariyama mə may wa, hedi mə gula i ɓətaŋza halla.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល