Yahwana 14
14
Yesu seh, ar kataf mə deɓ hedi əŋ kelek Baba Bizlaf
1Yesu a zlapaŋta əŋ gula ŋga iyi, a zla: «Nəf təheni a mba i mbir səku. Hi kuwaŋ ma əŋ Bizlaf, heni kuwaka ma bahayim. 2A ge Baba na seh, biŋ iyi mbeh səku, sa nda za ley ɗiyaheni lay kə nja. Əŋgah məndiwiŋ səku seh, sa zlapaheni mənaŋ wa seh halla. 3Əŋgah sa cu na ley ɗiyaheni lay kə nja seh, sa ziŋgehe za, sa ɓətaheni za əŋ kelek na, amba hi nja a lay sa mə nja bahayim. 4Heni seh, heni kəsəŋ kataf əŋ lay sa mə nda i nda əŋ namba ta.» 5Tawmas a ziŋgeŋ zlap, a zla: «Bay Bayta, nini kəsəŋ əŋ lay hwa mə nda i nda səku, kaa, nini nda i səŋ kataf ta seh, viŋgey?» 6Yesu a ziŋgeŋ zlap, a zla: «Sa seh, sa kataf, sa kəgiz ma məndiwiŋ, sa mədəŋcur. Hedi mə nda i ndaha əŋ kelek Baba kəɗi əŋ hedi par seh halla, sey kəɗi a sa. 7Əŋgah heni kəsəŋgaka seh, hi səŋ Baba na za bahayim, mar mənjawa, heni kəsəŋgu, heni kəlimza za.»
8Filip a zlapaŋgu, a zla: «Bay Bayta, gizenini Baba, mbamba seh gaa abə nini.» 9Yesu a zlapaŋgu, a zla: «Filip, nja mbeh səku sa mbə abə heni, hwa kəsəŋgaka səku vaw? Kwa viyey kəlimeke za, kəlim Baba za bahayim. Kaa, hwa nda i zlap: “Gizenini Baba”, seh viŋgey? 10Hwa kəkuw sa mbə əŋ Baba, Baba bahayim mbə əŋ sa seh halla vaw? Zlap iyi, sa mə zlapaheni wa, a ndaha a ndəra na səku. Ar Baba tə əŋ sa wa, mbiŋ mə nda i ɗal kəzəɗ ŋga iyi ta. 11Heni kuw ma sa mə zlapaheni, sa mbə əŋ Baba Bizlaf, Baba Bizlaf mbə əŋ sa. Əŋgah mənaŋ mba səku seh, hi kuw ma məŋgəvday kəzəɗ na iyi wa mak. 12Ayaw, sa kəzlapaheni məndiwiŋ, hedi mə kuwaka ma seh, a ɗal kəzəɗ sa mə ɗal za bahayim, a ɗal pay day a mba za, məŋgəvday sa kənda na əŋ kelek Baba Bizlaf. 13Məsəkəŋ heni mə ɗəp abə miya na fuk, sa ɗalaheniza za, amba səndawl tə Baba mə gizehe kəɗi a Mbu. 14Əŋgah heni kəɗəp məsəkəŋ za abə miya na, sa ɗalaheni məsəkəŋ ta za.»
Yesu a zlap, a zla: Mimiɗ sə Kweɗek a ndaha za
15Yesu a zlapaŋta əŋ gula ŋga iyi baha, a zla: «Əŋgah heni kəmbalaka seh, heni məl ma matak na iyi za. 16Sa nda i ɗəp Baba amba ley vəlaheni hedi par ley təraheni, a nda i nja abə heni kwa a pipi a pipi. 17Ar Mimiɗ mə giz məsəkəŋ məndiwiŋ, məŋhayak a gula i kuwu səku, məŋgəvday a kəsəŋgu səku, a kəlimʉ səku bahayim. Ama heni seh, hi kəsəŋgu, məŋgəvday mbiŋ mə nji abə heni, baha, a nda i nja əŋ heni kwa a pipi a pipi. 18Sa kənda i yakaheni mənaŋ mətahw iyi seh halla, sa ziŋgehe za əŋ kelek təheni. 19A ma mbizek, məŋhayak a limeke halla ba, ama heni seh, hi limeke za, məŋgəvday sa mbə abə nje, heni bahayim heni nja za abə nje. 20Əŋ pis ta mba, heni səŋ za sa mbə abə Baba na, heni bahayim, heni mbə abə sa, sa mbə abə heni. 21Hedi mə məl ma na matak iyi, baha, mə ɗal kəzəɗ abə tata seh, ar hedi mə mbalaka. Hedi mə mbalaka, Baba na a mbaza za, sa bahayim sa mbaza za, sa gizeŋ talaŋ na za əŋ mbiŋ.» 22Yahuda par aka, Yahuda Iskariyawt səku, a ɗəp Yesu, a zla: «Bay Bayta, hwa gizenini talaŋ təkwa dap seh, ama hwa kəgizeŋ talaŋ təkwa əŋ məŋhayak halla seh, məsəkəŋ ta, a nda i ɗal seh viŋgey?» 23Yesu a ziŋgeŋ zlap, a zla: «Hedi mə mbalaka, a ɗal məsəkəŋ sa mə zlap za, Baba na bahayim a mbaza za, nini abə Baba na, nini ndaha za əŋ kelek ŋga, nini nja za abə mbiŋ. 24Hedi mə mbalaka səku, a ɗal məsəkəŋ sa mə zlap seh halla. Ma heni mə zlim wa, a ndaha a ndəra na səku, ama a ndaha a ndəra Baba, hedi mə ləɓaka. 25Sa kəzlapaheni ma iyi ta za fuk əŋ sa mbə abə heni ndagwa. 26Hedi mə ndaha ley təraheni wa seh, ar Mimiɗ sə Kweɗek, Baba mə nda i ləɓahaw tə abə miya na, a nda i sərəkaheni məsəkəŋ iyi fuk, a nda i səŋgaheni kenek a talaŋ məsəkəŋ sa mə zlapaheni iyi fuk. 27Zahay sa mə yakaheni wa#14:27 Zahay a kəjam, gər əŋ Esaya 9:5., ar zahay na sa mə vəlaheni. Ar mənaŋ məŋhayak mə vəlaheni səku. Talaŋ təheni a mba i wuzlaɗ səku, hi mba i ləndəŋ səku. 28Hi kəzlim za sa kəzlap, sa zla: “Sa nda na za, ama sa ziŋgehe za əŋ kelek təheni.” Əŋgah heni kəmbalaka, hi səsəm za məŋgəvday sa kənda na əŋ kelek Baba, məŋgəvday Baba kədayaka za abə səndawl. 29Sa kəzlapaheni ma ta za mənjawa, mar məsəkəŋ iyi ta i kəɗal halla ndagwa amba hi kuwaka, əŋgah məsəkəŋ iyi ta i kəɗal za. 30Sa kənda i zlap abə heni mbeh səku seh halla ba, məŋgəvday hedi mə sla tə a talaŋ məŋhayak a kəndaha. Mbiŋ abə mazla a talaŋ na halla. 31Ama a kəlim seh, məŋhayak a səŋ sa kəmba Baba, mənaŋ wa, sa kəɗal məsəkəŋ mənaŋ Baba mə zlapaka. Hi gar, mazukwa i nda takwa za a nawa!»
ទើបបានជ្រើសរើសហើយ៖
Yahwana 14: xmd
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Yahwana 14
14
Yesu seh, ar kataf mə deɓ hedi əŋ kelek Baba Bizlaf
1Yesu a zlapaŋta əŋ gula ŋga iyi, a zla: «Nəf təheni a mba i mbir səku. Hi kuwaŋ ma əŋ Bizlaf, heni kuwaka ma bahayim. 2A ge Baba na seh, biŋ iyi mbeh səku, sa nda za ley ɗiyaheni lay kə nja. Əŋgah məndiwiŋ səku seh, sa zlapaheni mənaŋ wa seh halla. 3Əŋgah sa cu na ley ɗiyaheni lay kə nja seh, sa ziŋgehe za, sa ɓətaheni za əŋ kelek na, amba hi nja a lay sa mə nja bahayim. 4Heni seh, heni kəsəŋ kataf əŋ lay sa mə nda i nda əŋ namba ta.» 5Tawmas a ziŋgeŋ zlap, a zla: «Bay Bayta, nini kəsəŋ əŋ lay hwa mə nda i nda səku, kaa, nini nda i səŋ kataf ta seh, viŋgey?» 6Yesu a ziŋgeŋ zlap, a zla: «Sa seh, sa kataf, sa kəgiz ma məndiwiŋ, sa mədəŋcur. Hedi mə nda i ndaha əŋ kelek Baba kəɗi əŋ hedi par seh halla, sey kəɗi a sa. 7Əŋgah heni kəsəŋgaka seh, hi səŋ Baba na za bahayim, mar mənjawa, heni kəsəŋgu, heni kəlimza za.»
8Filip a zlapaŋgu, a zla: «Bay Bayta, gizenini Baba, mbamba seh gaa abə nini.» 9Yesu a zlapaŋgu, a zla: «Filip, nja mbeh səku sa mbə abə heni, hwa kəsəŋgaka səku vaw? Kwa viyey kəlimeke za, kəlim Baba za bahayim. Kaa, hwa nda i zlap: “Gizenini Baba”, seh viŋgey? 10Hwa kəkuw sa mbə əŋ Baba, Baba bahayim mbə əŋ sa seh halla vaw? Zlap iyi, sa mə zlapaheni wa, a ndaha a ndəra na səku. Ar Baba tə əŋ sa wa, mbiŋ mə nda i ɗal kəzəɗ ŋga iyi ta. 11Heni kuw ma sa mə zlapaheni, sa mbə əŋ Baba Bizlaf, Baba Bizlaf mbə əŋ sa. Əŋgah mənaŋ mba səku seh, hi kuw ma məŋgəvday kəzəɗ na iyi wa mak. 12Ayaw, sa kəzlapaheni məndiwiŋ, hedi mə kuwaka ma seh, a ɗal kəzəɗ sa mə ɗal za bahayim, a ɗal pay day a mba za, məŋgəvday sa kənda na əŋ kelek Baba Bizlaf. 13Məsəkəŋ heni mə ɗəp abə miya na fuk, sa ɗalaheniza za, amba səndawl tə Baba mə gizehe kəɗi a Mbu. 14Əŋgah heni kəɗəp məsəkəŋ za abə miya na, sa ɗalaheni məsəkəŋ ta za.»
Yesu a zlap, a zla: Mimiɗ sə Kweɗek a ndaha za
15Yesu a zlapaŋta əŋ gula ŋga iyi baha, a zla: «Əŋgah heni kəmbalaka seh, heni məl ma matak na iyi za. 16Sa nda i ɗəp Baba amba ley vəlaheni hedi par ley təraheni, a nda i nja abə heni kwa a pipi a pipi. 17Ar Mimiɗ mə giz məsəkəŋ məndiwiŋ, məŋhayak a gula i kuwu səku, məŋgəvday a kəsəŋgu səku, a kəlimʉ səku bahayim. Ama heni seh, hi kəsəŋgu, məŋgəvday mbiŋ mə nji abə heni, baha, a nda i nja əŋ heni kwa a pipi a pipi. 18Sa kənda i yakaheni mənaŋ mətahw iyi seh halla, sa ziŋgehe za əŋ kelek təheni. 19A ma mbizek, məŋhayak a limeke halla ba, ama heni seh, hi limeke za, məŋgəvday sa mbə abə nje, heni bahayim heni nja za abə nje. 20Əŋ pis ta mba, heni səŋ za sa mbə abə Baba na, heni bahayim, heni mbə abə sa, sa mbə abə heni. 21Hedi mə məl ma na matak iyi, baha, mə ɗal kəzəɗ abə tata seh, ar hedi mə mbalaka. Hedi mə mbalaka, Baba na a mbaza za, sa bahayim sa mbaza za, sa gizeŋ talaŋ na za əŋ mbiŋ.» 22Yahuda par aka, Yahuda Iskariyawt səku, a ɗəp Yesu, a zla: «Bay Bayta, hwa gizenini talaŋ təkwa dap seh, ama hwa kəgizeŋ talaŋ təkwa əŋ məŋhayak halla seh, məsəkəŋ ta, a nda i ɗal seh viŋgey?» 23Yesu a ziŋgeŋ zlap, a zla: «Hedi mə mbalaka, a ɗal məsəkəŋ sa mə zlap za, Baba na bahayim a mbaza za, nini abə Baba na, nini ndaha za əŋ kelek ŋga, nini nja za abə mbiŋ. 24Hedi mə mbalaka səku, a ɗal məsəkəŋ sa mə zlap seh halla. Ma heni mə zlim wa, a ndaha a ndəra na səku, ama a ndaha a ndəra Baba, hedi mə ləɓaka. 25Sa kəzlapaheni ma iyi ta za fuk əŋ sa mbə abə heni ndagwa. 26Hedi mə ndaha ley təraheni wa seh, ar Mimiɗ sə Kweɗek, Baba mə nda i ləɓahaw tə abə miya na, a nda i sərəkaheni məsəkəŋ iyi fuk, a nda i səŋgaheni kenek a talaŋ məsəkəŋ sa mə zlapaheni iyi fuk. 27Zahay sa mə yakaheni wa#14:27 Zahay a kəjam, gər əŋ Esaya 9:5., ar zahay na sa mə vəlaheni. Ar mənaŋ məŋhayak mə vəlaheni səku. Talaŋ təheni a mba i wuzlaɗ səku, hi mba i ləndəŋ səku. 28Hi kəzlim za sa kəzlap, sa zla: “Sa nda na za, ama sa ziŋgehe za əŋ kelek təheni.” Əŋgah heni kəmbalaka, hi səsəm za məŋgəvday sa kənda na əŋ kelek Baba, məŋgəvday Baba kədayaka za abə səndawl. 29Sa kəzlapaheni ma ta za mənjawa, mar məsəkəŋ iyi ta i kəɗal halla ndagwa amba hi kuwaka, əŋgah məsəkəŋ iyi ta i kəɗal za. 30Sa kənda i zlap abə heni mbeh səku seh halla ba, məŋgəvday hedi mə sla tə a talaŋ məŋhayak a kəndaha. Mbiŋ abə mazla a talaŋ na halla. 31Ama a kəlim seh, məŋhayak a səŋ sa kəmba Baba, mənaŋ wa, sa kəɗal məsəkəŋ mənaŋ Baba mə zlapaka. Hi gar, mazukwa i nda takwa za a nawa!»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល