Yahwana 12
12
Mariyama a mbaɗaŋ ɓurdi a ŋgas tə Yesu
(Matta 26:6-13; Markus 14:3-9)
1Mayak waŋ ŋkuh amba gugway tə Paska a ɗal, Yesu a nda əŋ Baytaniya#12:1 Markus 11:1. əŋ lay Lazarus mə njaha tə ɗəməŋ, mbiŋ seh, ar hedi Yesu mə garahaw tə əŋ faŋw tə hedi maməc iyi sey. 2A namba, i kəɗalaŋ məsəkəŋ kə zəm za, Marta a kəvəlaŋta. Lazarus mbə əŋ faŋw tə hedi mə zəm wuda tə abə Yesu iyi. 3Abə dawaŋ ta izey, Mariyama a ɓət reyta tə litir tə ɓurdi tə dala tə a ɗek kwak, maɗal tə abə nardi sə kweɗek, a mbaɗaŋza a ŋgas tə Yesu, ɓa, a takwaɗaŋta abə bujuguɗ#12:3 Luka 7:37-38. tə talaŋ ŋga iyi. Lay tə biŋ ta fuk kəgwaɗ za abə njif tə ɓurdi ta. 4Hedi ntaɗ tə əŋ faŋw tə gula tə Yesu iyi, Yahuda Iskariyawt, mbiŋ mə nda i berʉ, a ɗəp, a zla: 5«Məŋgəvday a mey i ber ɓurdi ta a dala tə malaway mawaɗ temere maakaɗ i vəlaŋta dala ta əŋ hedi məstakwaŋ iyi səku vaw?» 6A zlap mənaŋ wa seh, məŋgəvday a kəwulək a hedi məstakwaŋ iyi məndiwiŋ seh halla, ama məŋgəvday mbiŋ məhil. Mbiŋ seh, hedi mə məl gabal tə dala, a kəɓət dala i mə ɗiy tə ɗəməŋ. 7Ama Yesu a zlap, a zla: «Yak wala wa a ɗal wa seh, a ɗiyaka wucum na əŋ waŋ i mə nda i ɗiyaka əŋ jiɓ. 8Hedi məstakwaŋ iyi seh, heni limta za hwayhway a kelek təheni, ama sa seh, heni limeke hwayhway seh halla.» 9Hedi makwas iyi mbeh səku i zlim Yesu mbə əŋ Baytaniya. I nda əŋ namba seh, məŋgəvday Yesu taataɗ səku, ama ley gəraha Lazarus bahayim, hedi Yesu mə garahaw tə əŋ faŋw tə hedi maməc iyi wa. 10Abə dawaŋ ta izey, hedi səndawl iyi tə a talaŋ hedi iyi i mə ɗal kukus əŋ Bizlaf i ɓət wulək ley ja Lazarus bahayim, 11məŋgəvday Lazarus ta, Yahuda iyi mbeh səku i kəyakta za, i kəkuw ma tə Yesu.
Yesu a təɗ əŋ Urusalima
(Matta 21:1-11; Markus 11:1-11; Luka 19:28-40)
12Garaha kafa ta, hedi makwas iyi mbeh səku i kəndaha za əŋ gugway tə Paska, i zlim seh Yesu a kəgwaraha əŋ Urusalima. 13Tata fuk i ɓətaha ma ndəra tə mpay mənaŋ slibe, i təɗaha tata əŋ berne ley nda i gbamaŋ talaŋ əŋ Yesu, i kəja varay, i zla: «Hwazana! Bizlaf mə ɗiy ndəra bay ŋga a hedi mə ndaha tə abə miya tə Bay Bayta, Bay tə Israyila iyi.» 14Yesu a lim mbu zaŋgwa, a nja a ɗek, mənaŋ ma mawuzlel tə əŋ Ɗerewel tə Bizlaf mə zlap, a zla:
15«Hi mba i ləndəŋ səku, hedi tə əŋ berne tə Siyawna iyi,
ehe, bay təheni a kəndaha,
mə nji a mbu zaŋgwa.»
16Mbehmbeh mba, gula ŋga iyi i kəsəŋ məsəkəŋ mə ɗal ta halla. Ama əŋ Yesu mə nda ŋga əŋ wuzlaf ley nja əŋ səndawl ŋga seh, i səŋ kenek a ma mawuzlel tə əŋ Ɗerewel tə Bizlaf mə zlap tə a talaŋ ŋga sey, baha, i kəɗalaŋ məsəkəŋ za əŋ mbiŋ mənaŋ ma ta mə zlap.
17Hedi tə abə Yesu iyi fuk, əŋ mbiŋ mə ɗafaŋ ma əŋ Lazarus ley təɗaha a jiɓ abə mbiŋ mə garahaw tə əŋ faŋw tə hedi maməc wa seh, i gizeŋta məsəkəŋ tata i mə lim əŋ hedi məzəwindi iyi. 18Məŋgəvday a ɗek, hedi makwas iyi i ndaha ley gbamaŋ talaŋ əŋ Yesu, məŋgəvday tata i mə zlim məsəkəŋ mbiŋ mə ɗal mə har hedi iyi sey. 19Farisa iyi i kəzlap əŋ faŋw tata, i zla: «Ehe, hi gəru, məsəkəŋ nakwa mə ɗal fuk haya, məŋhayak fuk a kəziberʉ.»
20Lə Gərek dakayta iyi i mbə əŋ faŋw tə hedi mə ndaha tə əŋ Urusalima iyi ley daraŋ malakw əŋ Bizlaf əŋ pis tə gugway. 21I kərəɗaha əŋ kelek Filip, ar lə Baytisayda əŋ hayak tə Galili, i ɗəpu, i zla: «Metir, nini mba i gər Yesu.» 22Filip a nda, a gizeŋ ma ta əŋ Andəre, ɓa, tata bək tata, i nda i gizeŋ ma ta əŋ Yesu. 23Yesu a ziŋgeŋta zlap, a zla: «Hala ta kəhwasaha za, amba Mbu tə Hedi a nda i nja əŋ səndawl. 24Ayaw, sa kəzlapaheni məndiwiŋ, əŋgah mbu tə ndəri a nah əŋ teyek, əŋgah kəməc halla seh, a nda i nja ŋga taataɗ ŋga. Ama əŋgah kəməc za seh, a mbuw wuziyi mbeh səku za. 25Hedi mə mba mədəŋcur ŋga seh, a kuɗəpza za, ama hedi mə mba mədəŋcur ŋga səku əŋ məŋhayak wa, a nda i jəɗu kwa a pipi a pipi#12:25 Matta 10:39; 16:25; Markus 8:35; Luka 9:24.. 26Əŋgah hedi a kəmba i ɗalaka kəzəɗ seh, mə zibereke. Mənaŋ wa, hedi mə ɗal kəzəɗ na a nja za əŋ lay sa mə nda i nja. Baba na a havaŋ talaŋ za əŋ hedi mə ɗalaka kəzəɗ.»
Yesu a zlap a talaŋ məc ŋga
27Yesu a zlap, a zla: «Mənjawa, nəf na kəmbir za. Sa nda i zlap seh viŋgey? “Baba, reheke əŋ tuwah mə nda i ndaha əŋ pis ta wa gey” vaw? Ama məndiwiŋ, sa kəndaha za əŋ məŋhayak ley zləŋ takwaŋ əŋ hala ta wa. 28Baba, gizehe səndawl təkwa.» Abə dawaŋ ta izey, wula a zlimehe mar tə wuzlaf, a zla: «Sa kəgizehe səndawl ŋga za, sa nda i gizʉ baha.» 29Hedi makwas tə a namba iyi i mə zlim wula ta seh, i zlap, i zla: «Ar rəv tə vaŋ.» Hedi dakayta iyi, i zla: «Ar mələɓ tə Bizlaf mə zlapaŋgu.» 30Ama Yesu a zlapaŋta, a zla: «Wula ta a zlimehe seh məŋgəvday sa səku, ama a zlimehe seh məŋgəvday heni. 31Ar mənjawa, hala kə mbəzl ma tə a talaŋ məŋhayak. Mənjawa, bay mə sla tə a talaŋ məŋhayak wa i gamza za a palah. 32Sa seh, əŋgah i kəkafaka za mar tə teyek seh, sa ŋgaslaha hedi iyi fuk za əŋ kelek na.» 33Ar kəɗi əŋ zlap iyi wa, Yesu a kəgiz a nda i məc seh kəɗi əŋ məc vitikey. 34Hedi makwas iyi i ziŋgeŋ zlap, i zla: «Nini abə talaŋ tini, nini kəzlim za əŋ Ɗerewel tə ma majaw takwa, Almasihu a nda i nja kwa a pipi a pipi#12:34 Jabura 110:4; Esaya 9:6; Daniyel 7:14.. Kaa, hwa seh, hwa nda i zlap, sey i kaf Mbu tə Hedi za əŋ wuzlaf a mpay mazlaŋgal seh viŋgey? Mbu tə Hedi ta seh viyey?» 35Yesu a ziŋgeŋta zlap, a zla: «Lay mawaɗ mbə əŋ faŋw təheni tə nja mbizek ndagwa. Heni pik əŋ hala heni mbə abə lay mawaɗ, amba ləvəŋ mə mba i ndaha a talaŋ təheni abə huk səku, məŋgəvday hedi mə pik tə əŋ ləvəŋ seh, a kəsəŋ a nda seh əŋ vey səku. 36Əŋ lay mawaɗ mbə abə heni seh, hi kuw lay mawaɗ ta, amba heni mbaɗ əŋ wuziyi tə lay mawaɗ iyi.»
Yahuda iyi i kəkuw Yesu halla
Abə dawaŋ tə Yesu kəzlap kwata mənaŋ wa seh, a nda ŋga, a ɓah guduk abə tata. 37Kwa kəɗal mazla iyi za mbeh səku a ma tata seh, i kəkuw ma ŋga ta halla, 38mənaŋ wa, zlap tə Esaya, hedi mә giz ma abә miya tə Bizlaf mә zlap sey, kəɗal za, a zla:
«Bay Bayta Bizlaf, mə kuw ma nini mə zlap wa seh viyey?
Bay Bayta Bizlaf a gizeŋ fagay seh əŋ viyey?»
39Hedi iyi ta i gula i kuw ma səku, məŋgəvday a ɗek, Esaya kəzlap za baha, a zla:
40«Bizlaf kəwulufaŋta nje za,
kəɗalaŋta nəf tata za tawytawy,
amba nje tata mə mba i lim məsəkəŋ səku,
amba burŋguzl tata mə mba i səŋ məsəkəŋ səku.
Ehe, məŋgəvday a ɗek, i kəmba i ziŋgehe əŋ kelek na, amba sa mbəlta səku#12:40 Esaya 6:9-10..»
41Esaya kəzlap za mənaŋ wa, məŋgəvday mbiŋ kəlim səndawl tə Yesu za, kəzlap za a talaŋ ŋga.
42Mənaŋ wa, hedi iyi mbeh səku, kwa əŋ faŋw tə talaŋ habay tə Yahuda iyi, tata abə talaŋ tata, i kəkuw ma tə Yesu za. Ama, i kəmba i təɗaha ma ta əŋ palah səku, məŋgəvday i kəmba Farisa iyi i gamahata əŋ biŋ kə ɗal mbuh əŋ Bizlaf əŋ palah səku. 43I kəmba səndawl mə ndaha tə ndəra hedi iyi pay day a talaŋ səndawl mə ndaha tə ndəra Bizlaf.
44Yesu a zlap abə fagay, a zla: «Hedi mə kuwaka ma, a kuw ma na taataɗ səku, ama a kuw ma tə hedi mə ləɓaka. 45Kwa viyey mə limeke, a kəlim hedi mə ləɓaka bahayim. 46Sa seh, sa lay mawaɗ, sa kəndaha za əŋ məŋhayak, amba kwa viyey mə kuwaka a nja əŋ ləvəŋ halla ba. 47Əŋgah hedi a zlim ma na, kəɗal kəzəɗ mənaŋ zlap ta mə mba halla seh, sa mə nda i mbəzlaŋ ma a talaŋ ŋga səku, məŋgəvday sa ndaha seh ley mbəzl ma a talaŋ məŋhayak səku, ama sa ndaha ley reh məŋhayak. 48Hedi mə mbalaka səku, mə ɗiy ma na əŋ nəf ŋga səku seh, kəlim hedi ŋga mə mbəzlaŋ ma cuza: ar ma na sa mə zlap iyi wa mə nda i mbəzlaŋ ma a talaŋ əŋ waŋ maɗ ma iyi. 49Məŋgəvday sa kəzlap abə mba na seh halla, ama Baba mə ləɓaka, mbiŋ abə talaŋ ŋga mə zlapaka məsəkəŋ sa mə nda i zlapaŋta əŋ hedi iyi, sa mə nda i sərəkaŋta əŋ hedi iyi. 50Sa kəsəŋ ma mbiŋ mə zlap wa seh, a kədeɓ hedi əŋ mədəŋcur mə cukwaɗ səku. Mənaŋ wa, ma sa mə zlap fuk, sa kəzlapu mənaŋ Baba mə zlapaka ma ta.»
ទើបបានជ្រើសរើសហើយ៖
Yahwana 12: xmd
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Yahwana 12
12
Mariyama a mbaɗaŋ ɓurdi a ŋgas tə Yesu
(Matta 26:6-13; Markus 14:3-9)
1Mayak waŋ ŋkuh amba gugway tə Paska a ɗal, Yesu a nda əŋ Baytaniya#12:1 Markus 11:1. əŋ lay Lazarus mə njaha tə ɗəməŋ, mbiŋ seh, ar hedi Yesu mə garahaw tə əŋ faŋw tə hedi maməc iyi sey. 2A namba, i kəɗalaŋ məsəkəŋ kə zəm za, Marta a kəvəlaŋta. Lazarus mbə əŋ faŋw tə hedi mə zəm wuda tə abə Yesu iyi. 3Abə dawaŋ ta izey, Mariyama a ɓət reyta tə litir tə ɓurdi tə dala tə a ɗek kwak, maɗal tə abə nardi sə kweɗek, a mbaɗaŋza a ŋgas tə Yesu, ɓa, a takwaɗaŋta abə bujuguɗ#12:3 Luka 7:37-38. tə talaŋ ŋga iyi. Lay tə biŋ ta fuk kəgwaɗ za abə njif tə ɓurdi ta. 4Hedi ntaɗ tə əŋ faŋw tə gula tə Yesu iyi, Yahuda Iskariyawt, mbiŋ mə nda i berʉ, a ɗəp, a zla: 5«Məŋgəvday a mey i ber ɓurdi ta a dala tə malaway mawaɗ temere maakaɗ i vəlaŋta dala ta əŋ hedi məstakwaŋ iyi səku vaw?» 6A zlap mənaŋ wa seh, məŋgəvday a kəwulək a hedi məstakwaŋ iyi məndiwiŋ seh halla, ama məŋgəvday mbiŋ məhil. Mbiŋ seh, hedi mə məl gabal tə dala, a kəɓət dala i mə ɗiy tə ɗəməŋ. 7Ama Yesu a zlap, a zla: «Yak wala wa a ɗal wa seh, a ɗiyaka wucum na əŋ waŋ i mə nda i ɗiyaka əŋ jiɓ. 8Hedi məstakwaŋ iyi seh, heni limta za hwayhway a kelek təheni, ama sa seh, heni limeke hwayhway seh halla.» 9Hedi makwas iyi mbeh səku i zlim Yesu mbə əŋ Baytaniya. I nda əŋ namba seh, məŋgəvday Yesu taataɗ səku, ama ley gəraha Lazarus bahayim, hedi Yesu mə garahaw tə əŋ faŋw tə hedi maməc iyi wa. 10Abə dawaŋ ta izey, hedi səndawl iyi tə a talaŋ hedi iyi i mə ɗal kukus əŋ Bizlaf i ɓət wulək ley ja Lazarus bahayim, 11məŋgəvday Lazarus ta, Yahuda iyi mbeh səku i kəyakta za, i kəkuw ma tə Yesu.
Yesu a təɗ əŋ Urusalima
(Matta 21:1-11; Markus 11:1-11; Luka 19:28-40)
12Garaha kafa ta, hedi makwas iyi mbeh səku i kəndaha za əŋ gugway tə Paska, i zlim seh Yesu a kəgwaraha əŋ Urusalima. 13Tata fuk i ɓətaha ma ndəra tə mpay mənaŋ slibe, i təɗaha tata əŋ berne ley nda i gbamaŋ talaŋ əŋ Yesu, i kəja varay, i zla: «Hwazana! Bizlaf mə ɗiy ndəra bay ŋga a hedi mə ndaha tə abə miya tə Bay Bayta, Bay tə Israyila iyi.» 14Yesu a lim mbu zaŋgwa, a nja a ɗek, mənaŋ ma mawuzlel tə əŋ Ɗerewel tə Bizlaf mə zlap, a zla:
15«Hi mba i ləndəŋ səku, hedi tə əŋ berne tə Siyawna iyi,
ehe, bay təheni a kəndaha,
mə nji a mbu zaŋgwa.»
16Mbehmbeh mba, gula ŋga iyi i kəsəŋ məsəkəŋ mə ɗal ta halla. Ama əŋ Yesu mə nda ŋga əŋ wuzlaf ley nja əŋ səndawl ŋga seh, i səŋ kenek a ma mawuzlel tə əŋ Ɗerewel tə Bizlaf mə zlap tə a talaŋ ŋga sey, baha, i kəɗalaŋ məsəkəŋ za əŋ mbiŋ mənaŋ ma ta mə zlap.
17Hedi tə abə Yesu iyi fuk, əŋ mbiŋ mə ɗafaŋ ma əŋ Lazarus ley təɗaha a jiɓ abə mbiŋ mə garahaw tə əŋ faŋw tə hedi maməc wa seh, i gizeŋta məsəkəŋ tata i mə lim əŋ hedi məzəwindi iyi. 18Məŋgəvday a ɗek, hedi makwas iyi i ndaha ley gbamaŋ talaŋ əŋ Yesu, məŋgəvday tata i mə zlim məsəkəŋ mbiŋ mə ɗal mə har hedi iyi sey. 19Farisa iyi i kəzlap əŋ faŋw tata, i zla: «Ehe, hi gəru, məsəkəŋ nakwa mə ɗal fuk haya, məŋhayak fuk a kəziberʉ.»
20Lə Gərek dakayta iyi i mbə əŋ faŋw tə hedi mə ndaha tə əŋ Urusalima iyi ley daraŋ malakw əŋ Bizlaf əŋ pis tə gugway. 21I kərəɗaha əŋ kelek Filip, ar lə Baytisayda əŋ hayak tə Galili, i ɗəpu, i zla: «Metir, nini mba i gər Yesu.» 22Filip a nda, a gizeŋ ma ta əŋ Andəre, ɓa, tata bək tata, i nda i gizeŋ ma ta əŋ Yesu. 23Yesu a ziŋgeŋta zlap, a zla: «Hala ta kəhwasaha za, amba Mbu tə Hedi a nda i nja əŋ səndawl. 24Ayaw, sa kəzlapaheni məndiwiŋ, əŋgah mbu tə ndəri a nah əŋ teyek, əŋgah kəməc halla seh, a nda i nja ŋga taataɗ ŋga. Ama əŋgah kəməc za seh, a mbuw wuziyi mbeh səku za. 25Hedi mə mba mədəŋcur ŋga seh, a kuɗəpza za, ama hedi mə mba mədəŋcur ŋga səku əŋ məŋhayak wa, a nda i jəɗu kwa a pipi a pipi#12:25 Matta 10:39; 16:25; Markus 8:35; Luka 9:24.. 26Əŋgah hedi a kəmba i ɗalaka kəzəɗ seh, mə zibereke. Mənaŋ wa, hedi mə ɗal kəzəɗ na a nja za əŋ lay sa mə nda i nja. Baba na a havaŋ talaŋ za əŋ hedi mə ɗalaka kəzəɗ.»
Yesu a zlap a talaŋ məc ŋga
27Yesu a zlap, a zla: «Mənjawa, nəf na kəmbir za. Sa nda i zlap seh viŋgey? “Baba, reheke əŋ tuwah mə nda i ndaha əŋ pis ta wa gey” vaw? Ama məndiwiŋ, sa kəndaha za əŋ məŋhayak ley zləŋ takwaŋ əŋ hala ta wa. 28Baba, gizehe səndawl təkwa.» Abə dawaŋ ta izey, wula a zlimehe mar tə wuzlaf, a zla: «Sa kəgizehe səndawl ŋga za, sa nda i gizʉ baha.» 29Hedi makwas tə a namba iyi i mə zlim wula ta seh, i zlap, i zla: «Ar rəv tə vaŋ.» Hedi dakayta iyi, i zla: «Ar mələɓ tə Bizlaf mə zlapaŋgu.» 30Ama Yesu a zlapaŋta, a zla: «Wula ta a zlimehe seh məŋgəvday sa səku, ama a zlimehe seh məŋgəvday heni. 31Ar mənjawa, hala kə mbəzl ma tə a talaŋ məŋhayak. Mənjawa, bay mə sla tə a talaŋ məŋhayak wa i gamza za a palah. 32Sa seh, əŋgah i kəkafaka za mar tə teyek seh, sa ŋgaslaha hedi iyi fuk za əŋ kelek na.» 33Ar kəɗi əŋ zlap iyi wa, Yesu a kəgiz a nda i məc seh kəɗi əŋ məc vitikey. 34Hedi makwas iyi i ziŋgeŋ zlap, i zla: «Nini abə talaŋ tini, nini kəzlim za əŋ Ɗerewel tə ma majaw takwa, Almasihu a nda i nja kwa a pipi a pipi#12:34 Jabura 110:4; Esaya 9:6; Daniyel 7:14.. Kaa, hwa seh, hwa nda i zlap, sey i kaf Mbu tə Hedi za əŋ wuzlaf a mpay mazlaŋgal seh viŋgey? Mbu tə Hedi ta seh viyey?» 35Yesu a ziŋgeŋta zlap, a zla: «Lay mawaɗ mbə əŋ faŋw təheni tə nja mbizek ndagwa. Heni pik əŋ hala heni mbə abə lay mawaɗ, amba ləvəŋ mə mba i ndaha a talaŋ təheni abə huk səku, məŋgəvday hedi mə pik tə əŋ ləvəŋ seh, a kəsəŋ a nda seh əŋ vey səku. 36Əŋ lay mawaɗ mbə abə heni seh, hi kuw lay mawaɗ ta, amba heni mbaɗ əŋ wuziyi tə lay mawaɗ iyi.»
Yahuda iyi i kəkuw Yesu halla
Abə dawaŋ tə Yesu kəzlap kwata mənaŋ wa seh, a nda ŋga, a ɓah guduk abə tata. 37Kwa kəɗal mazla iyi za mbeh səku a ma tata seh, i kəkuw ma ŋga ta halla, 38mənaŋ wa, zlap tə Esaya, hedi mә giz ma abә miya tə Bizlaf mә zlap sey, kəɗal za, a zla:
«Bay Bayta Bizlaf, mə kuw ma nini mə zlap wa seh viyey?
Bay Bayta Bizlaf a gizeŋ fagay seh əŋ viyey?»
39Hedi iyi ta i gula i kuw ma səku, məŋgəvday a ɗek, Esaya kəzlap za baha, a zla:
40«Bizlaf kəwulufaŋta nje za,
kəɗalaŋta nəf tata za tawytawy,
amba nje tata mə mba i lim məsəkəŋ səku,
amba burŋguzl tata mə mba i səŋ məsəkəŋ səku.
Ehe, məŋgəvday a ɗek, i kəmba i ziŋgehe əŋ kelek na, amba sa mbəlta səku#12:40 Esaya 6:9-10..»
41Esaya kəzlap za mənaŋ wa, məŋgəvday mbiŋ kəlim səndawl tə Yesu za, kəzlap za a talaŋ ŋga.
42Mənaŋ wa, hedi iyi mbeh səku, kwa əŋ faŋw tə talaŋ habay tə Yahuda iyi, tata abə talaŋ tata, i kəkuw ma tə Yesu za. Ama, i kəmba i təɗaha ma ta əŋ palah səku, məŋgəvday i kəmba Farisa iyi i gamahata əŋ biŋ kə ɗal mbuh əŋ Bizlaf əŋ palah səku. 43I kəmba səndawl mə ndaha tə ndəra hedi iyi pay day a talaŋ səndawl mə ndaha tə ndəra Bizlaf.
44Yesu a zlap abə fagay, a zla: «Hedi mə kuwaka ma, a kuw ma na taataɗ səku, ama a kuw ma tə hedi mə ləɓaka. 45Kwa viyey mə limeke, a kəlim hedi mə ləɓaka bahayim. 46Sa seh, sa lay mawaɗ, sa kəndaha za əŋ məŋhayak, amba kwa viyey mə kuwaka a nja əŋ ləvəŋ halla ba. 47Əŋgah hedi a zlim ma na, kəɗal kəzəɗ mənaŋ zlap ta mə mba halla seh, sa mə nda i mbəzlaŋ ma a talaŋ ŋga səku, məŋgəvday sa ndaha seh ley mbəzl ma a talaŋ məŋhayak səku, ama sa ndaha ley reh məŋhayak. 48Hedi mə mbalaka səku, mə ɗiy ma na əŋ nəf ŋga səku seh, kəlim hedi ŋga mə mbəzlaŋ ma cuza: ar ma na sa mə zlap iyi wa mə nda i mbəzlaŋ ma a talaŋ əŋ waŋ maɗ ma iyi. 49Məŋgəvday sa kəzlap abə mba na seh halla, ama Baba mə ləɓaka, mbiŋ abə talaŋ ŋga mə zlapaka məsəkəŋ sa mə nda i zlapaŋta əŋ hedi iyi, sa mə nda i sərəkaŋta əŋ hedi iyi. 50Sa kəsəŋ ma mbiŋ mə zlap wa seh, a kədeɓ hedi əŋ mədəŋcur mə cukwaɗ səku. Mənaŋ wa, ma sa mə zlap fuk, sa kəzlapu mənaŋ Baba mə zlapaka ma ta.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល