Kəzəɗ tə Mələɓ iyi 9
9
Buw nja tə Sawl
(Kəzəɗ tə Mələɓ iyi 22:6-16; 26:12-18)
1Əŋ hala ta mba, Sawl a wulək seh, sey ley zləŋgaŋta takwaŋ əŋ gula tə Bay Bayta iyi ha ley jata. A nda, a lim hedi səndawl tə a talaŋ hedi iyi i mə ɗal kukus əŋ Bizlaf, 2a ɗəpu, amba mə wuzleleŋta letir iyi ley vəlaŋta əŋ hedi səndawl iyi tə əŋ biŋ iyi kə ɗal mbuh əŋ Bizlaf tə əŋ Damas, əŋgah kəlim hedi mə ziber kataf tə Bay Bayta#9:2 Esaya 30:21; Jabura 27:11. iyi za a namba seh, a məl muwul abə wala iyi a dahata əŋ Urusalima. 3Mbə əŋ kataf ley nda əŋ Damas, kəgwar kwata abə berne ta, mbehmbeh mba, lay a waɗaha a wuzlaf, kəwaɗ lay tə a ma ŋga fuk. 4A ndəv əŋ teyek, ɓa, a zlim wula a kəzlapaŋgu, a zla: «Sawl, Sawl, hwa təlaka ma seh məŋgəvday a mey?» 5Sawl a ɗəp, a zla: «Hwa seh, viyey Bay Bayta?» Wula sey, a ziŋgeŋ zlap, a zla: «Sa seh, sa Yesu hedi hwa mə təlaŋ ma wa. 6Ama gar, nda əŋ berne, a namba i gizeh məsəkəŋ hwa mə nda i ɗal za.» 7Hedi mə nda tə abə Sawl iyi, i gar, i nja tete. I kəzlim wula, ama i kəlim hedi halla. 8Sawl a garaha a teyek, a rəz nje, ama kəlim kwa mey halla. I məlaŋ ndəra, i deɓʉ əŋ Damas. 9Əŋ waŋ maakaɗ ta, a gula i gər nje səku, a nja kwa kəzəm wuda halla, kwa kəsa yim halla.
10Əŋ Damas ta, hedi makuw ma aka, miya ŋga Ananiyas. Bay Bayta a gizeŋ məsəkəŋ kəɗi səsiŋ, a zlapaŋgu, a zla: «Ananiyas!» A ziŋgeŋ zlap, a zla: «Sa mbə ceh, Bay Bayta.» 11Bay Bayta a zlapaŋgu, a zla: «Nda təkwa mbehmbeh wa əŋ kataf, i mə ɗafaŋ ma kataf sə delele, əŋ ge Yahuda, ɗəp hedi, i mə ɗafaŋ ma Sawl, hedi tə əŋ berne tə Tarsʉs. A kəɗal mbuh mənjawa, 12əŋ səsiŋ, kəlim hedi, i mə ɗafaŋ ma Ananiyas za, a təɗ, a ɗiyaŋ ndəra a talaŋ ŋga amba a lim ley gər nje baha.» 13Ananiyas a ziŋgeŋ zlap, a zla: «Bay Bayta, hedi iyi mbeh səku i kəzlapaka za a hedi ta, i kəgizeke məsəkəŋ madawar iyi mbiŋ mə ɗalaŋta fuk əŋ hedi təkwa makuw ma iyi za tə əŋ Urusalima. 14Baha, kəndaha za əŋ nawa abə zlap tə hedi səndawl iyi tə a talaŋ hedi iyi i mə ɗal kukus əŋ Bizlaf, ley məl hedi mə zlap miya təkwa iyi fuk.» 15Ama Bay Bayta a zlapaŋ əŋ Ananiyas, a zla: «Nda, məŋgəvday sa kəmayza za, sa kəmbaɗza za əŋ hedi mə ɗal kəzəɗ na, amba a giz miya na əŋ hedi məzəwindi iyi abə əŋ bay tata iyi liŋ əŋ Israyila iyi. 16Sa abə talaŋ na, sa gizeŋ za əŋ mbiŋ mə nda i zləŋ takwaŋ məŋgəvday sa wa.» 17Abə dawaŋ ta izey, Ananiyas a nda ŋga. A təɗ əŋ ge sey, a ɗiy ndəra ŋga a talaŋ Sawl, ɓa, a zlapaŋgu, a zla: «Sawl, zliŋmana, ar Bay Bayta Yesu mə gizeh wucum tə a kataf əŋ hwa kənda sey, kələɓaka za amba nje təkwa mə rəz, hwa gwaɗ abə Mimiɗ sə Kweɗek.» 18Mbehmbeh mba, məsəkəŋ mənaŋ dawaŋ tə hubar a nahaha mar tə əŋ nje tə Sawl, nje ŋga kərəz za. A gar, kəkuw batem za. 19Ɓa, a zəm məsəkəŋ, fagay ŋga a ziŋgehe a lay ta.
Sawl a giz Labara Səntaŋ Lawayaŋ a Damas
Sawl a nja waŋ mbizek abə gula tə Yesu iyi əŋ Damas. 20A mar ley giz Labara Səntaŋ Lawayaŋ, mbehmbeh mba əŋ biŋ iyi kə ɗal mbuh əŋ Bizlaf, a kəgizeŋta əŋ hedi iyi abə ley zlap Yesu seh, ar Mbu tə Bizlaf. 21Hedi iyi i mə zlim ma ŋga iyi fuk i kəhar za, i ɗəp, i zla: «Hedi wa seh, ar hedi mə zləŋgaŋta takwaŋ əŋ hedi tə Yesu iyi tə əŋ Urusalima seh səku vaw? A kəndaha əŋ nawa ley məlta amba a deɓeŋta əŋ hedi səndawl iyi tə a talaŋ hedi iyi i mə ɗal kukus əŋ Bizlaf səku vaw?» 22Ama Sawl a fəfəl ley giz ma abə fagay. Yahuda iyi manja tə əŋ Damas i kəsəŋ əŋ tata i mə nda i ziŋgeŋ zlap səku ba, məŋgəvday kəgizeŋta za məndiwiŋ Yesu seh, ar Almasihu. 23Abə dawaŋ tə waŋ iyi mbeh səku, Yahuda iyi i ɗal yawa ley ja Sawl, 24ama kəzlim wereh tata ta za. I kəjəɗ medigiɗ tə berne iyi njaɗu abə pis fuk, amba i ju. 25Ama abə njaɗu izey, gula iyi mbiŋ mə sərəkta, i ɓətu, i ɗiyu əŋ cakarak, i bəreŋgu kəɗi əŋ məgədu tə galaŋ#9:25 2 Kwarintʉ iyi 11:32-33. tə berne.
Əŋ Urusalima, Barnabas a gizeŋta Sawl əŋ mələɓ tə Yesu iyi
26Əŋ Sawl mə gwar əŋ Urusalima seh, a pələk ley jam abə hedi makuw ma iyi. Ama tata fuk i kələndəŋ za abə mbiŋ, məŋgəvday i kəsəŋ mbiŋ bahayim kəmbaɗ za əŋ hedi makuw ma məndiwiŋ seh halla. 27Abə dawaŋ ta izey, Barnabas a ŋgaslu, a deɓʉ əŋ kelek mələɓ iyi. A gizeŋta mənaŋ wa: «A kataf, Sawl kəlim Bay Bayta za. Bay Bayta ta kəzlapaŋ za. Əŋ Damas, Sawl kəgiz Labara Səntaŋ Lawayaŋ abə ləndəŋ səku abə miya tə Yesu.» 28Mar tə əŋ pis ta mba, Sawl mə nji abə tata, a kəpik abə tata əŋ Urusalima, a kəgiz ma tə Bizlaf mə tak ləndəŋ. 29A kəzlapaŋta əŋ Yahuda mə zlap ma Gərek iyi, a ɗal yawa abə tata, ama tata seh, i kəpələk ley ju. 30Əŋ zliŋgeŋ iyi i mə zlim ma ta seh, i deɓ Sawl əŋ Kaysariya, a namba, i ləɓu ley nda əŋ Tarsʉs. 31Abə dawaŋ ta izey, jam talaŋ tə hedi makuw ma iyi fuk tə əŋ hayak tə Yahudiya, tə əŋ Galili, tə əŋ Samariya i mbə əŋ zahay. I kəgəl əŋ kuw ma, i mə nji əŋ səŋ fagay tə Bay Bayta, i kəgəl abə mətər tə Mimiɗ sə Kweɗek.
Ayneyas kəmbəl za əŋ məc ŋga
32Piyer a nda kwa əŋ vey, əŋ waŋ məzəwindi aka a nda i gəraha hedi makuw ma iyi tə əŋ Lidda. 33A namba, a lim hedi məzəwindi aka, miya ŋga Ayneyas, mə weŋgi a kwambum kəɗal va jamaakaɗ, məŋgəvday mbiŋ mə huluɓi. 34Piyer a zlapaŋgu, a zla: «Ayneyas, Yesu Almasihu kəmbəlah cuza! Gar, ɓət kwambum təkwa, hwa abə ndəra təkwa.» Mbehmbeh mba, Ayneyas, a gar ŋga. 35Hedi tə əŋ Lidda iyi abə tə əŋ Saraŋw iyi fuk, i kəgərza za, i kəkuw Bay Bayta za.
Tabita, gula tə Yesu, kəgaraha za əŋ faŋw tə hedi maməc iyi
36A Jawpe wala makuw ma aka, miya ŋga Tabita. Miya ta, abə ma Gərek seh, «Dawrkas», mənaŋ zlap ta seh «meŋ damu.» Mə nji ley ɗal kəzəɗ səntaŋ, a kətər hedi məstakwaŋ iyi. 37A va ta mba, wucum a dəmaŋgu, ɓak, a məc ŋga. Abə dawaŋ tə i kəbaŋgaŋ wucum kwata seh, i ɗiyu əŋ biŋ tə a talaŋ biŋ. 38Jawpe seh, mbehmbeh abə Lidda. Əŋ hedi makuw ma iyi i mə zlim Piyer mbə a namba seh, i ləɓ hedi iyi bək əŋ kelek ŋga abə zlap wa, i zla: «Nini kəɗalah mbuh, ndaha əŋ wuta tini, hwa mba i kərəŋgaha səku.» 39Piyer a nda abə tata. Əŋ mbiŋ mə gwar seh, i deɓʉ əŋ biŋ tə a talaŋ biŋ sey. Wala məce iyi fuk i kərəɗaha əŋ kelek ŋga abə haŋ. I kəgizeŋ rukut tata iyi Tabita mə tifeŋta əŋ mbiŋ mbə abə nje ndagwa. 40Piyer a təɗaha hedi iyi fuk a palah, a reɓ abə malakw, a ɗal mbuh. Ɓa, a buw kəɗi a məce ta, a zla: «Tabita, gar.» Tabita a rəz nje, əŋ mbiŋ mə lim Piyer seh, ɓa, a nji, nja. 41Piyer a məlaŋ ndəra, a garu. Ɓa, a ɗafaŋta ma əŋ hedi makuw ma iyi abə wala məce iyi, a gizeŋta Tabita seh, mbə abə nje. 42Ma ta, kəkʉkweɗ za əŋ berne tə Jawpe fuk, hedi iyi mbeh səku i kəkuw ma tə Bay Bayta za. 43Piyer kənja za mbeh səku əŋ Jawpe, a ge hedi mə ɗal kəzəɗ tə bukula, i mə ɗafaŋ ma Simaŋw.
ទើបបានជ្រើសរើសហើយ៖
Kəzəɗ tə Mələɓ iyi 9: xmd
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Kəzəɗ tə Mələɓ iyi 9
9
Buw nja tə Sawl
(Kəzəɗ tə Mələɓ iyi 22:6-16; 26:12-18)
1Əŋ hala ta mba, Sawl a wulək seh, sey ley zləŋgaŋta takwaŋ əŋ gula tə Bay Bayta iyi ha ley jata. A nda, a lim hedi səndawl tə a talaŋ hedi iyi i mə ɗal kukus əŋ Bizlaf, 2a ɗəpu, amba mə wuzleleŋta letir iyi ley vəlaŋta əŋ hedi səndawl iyi tə əŋ biŋ iyi kə ɗal mbuh əŋ Bizlaf tə əŋ Damas, əŋgah kəlim hedi mə ziber kataf tə Bay Bayta#9:2 Esaya 30:21; Jabura 27:11. iyi za a namba seh, a məl muwul abə wala iyi a dahata əŋ Urusalima. 3Mbə əŋ kataf ley nda əŋ Damas, kəgwar kwata abə berne ta, mbehmbeh mba, lay a waɗaha a wuzlaf, kəwaɗ lay tə a ma ŋga fuk. 4A ndəv əŋ teyek, ɓa, a zlim wula a kəzlapaŋgu, a zla: «Sawl, Sawl, hwa təlaka ma seh məŋgəvday a mey?» 5Sawl a ɗəp, a zla: «Hwa seh, viyey Bay Bayta?» Wula sey, a ziŋgeŋ zlap, a zla: «Sa seh, sa Yesu hedi hwa mə təlaŋ ma wa. 6Ama gar, nda əŋ berne, a namba i gizeh məsəkəŋ hwa mə nda i ɗal za.» 7Hedi mə nda tə abə Sawl iyi, i gar, i nja tete. I kəzlim wula, ama i kəlim hedi halla. 8Sawl a garaha a teyek, a rəz nje, ama kəlim kwa mey halla. I məlaŋ ndəra, i deɓʉ əŋ Damas. 9Əŋ waŋ maakaɗ ta, a gula i gər nje səku, a nja kwa kəzəm wuda halla, kwa kəsa yim halla.
10Əŋ Damas ta, hedi makuw ma aka, miya ŋga Ananiyas. Bay Bayta a gizeŋ məsəkəŋ kəɗi səsiŋ, a zlapaŋgu, a zla: «Ananiyas!» A ziŋgeŋ zlap, a zla: «Sa mbə ceh, Bay Bayta.» 11Bay Bayta a zlapaŋgu, a zla: «Nda təkwa mbehmbeh wa əŋ kataf, i mə ɗafaŋ ma kataf sə delele, əŋ ge Yahuda, ɗəp hedi, i mə ɗafaŋ ma Sawl, hedi tə əŋ berne tə Tarsʉs. A kəɗal mbuh mənjawa, 12əŋ səsiŋ, kəlim hedi, i mə ɗafaŋ ma Ananiyas za, a təɗ, a ɗiyaŋ ndəra a talaŋ ŋga amba a lim ley gər nje baha.» 13Ananiyas a ziŋgeŋ zlap, a zla: «Bay Bayta, hedi iyi mbeh səku i kəzlapaka za a hedi ta, i kəgizeke məsəkəŋ madawar iyi mbiŋ mə ɗalaŋta fuk əŋ hedi təkwa makuw ma iyi za tə əŋ Urusalima. 14Baha, kəndaha za əŋ nawa abə zlap tə hedi səndawl iyi tə a talaŋ hedi iyi i mə ɗal kukus əŋ Bizlaf, ley məl hedi mə zlap miya təkwa iyi fuk.» 15Ama Bay Bayta a zlapaŋ əŋ Ananiyas, a zla: «Nda, məŋgəvday sa kəmayza za, sa kəmbaɗza za əŋ hedi mə ɗal kəzəɗ na, amba a giz miya na əŋ hedi məzəwindi iyi abə əŋ bay tata iyi liŋ əŋ Israyila iyi. 16Sa abə talaŋ na, sa gizeŋ za əŋ mbiŋ mə nda i zləŋ takwaŋ məŋgəvday sa wa.» 17Abə dawaŋ ta izey, Ananiyas a nda ŋga. A təɗ əŋ ge sey, a ɗiy ndəra ŋga a talaŋ Sawl, ɓa, a zlapaŋgu, a zla: «Sawl, zliŋmana, ar Bay Bayta Yesu mə gizeh wucum tə a kataf əŋ hwa kənda sey, kələɓaka za amba nje təkwa mə rəz, hwa gwaɗ abə Mimiɗ sə Kweɗek.» 18Mbehmbeh mba, məsəkəŋ mənaŋ dawaŋ tə hubar a nahaha mar tə əŋ nje tə Sawl, nje ŋga kərəz za. A gar, kəkuw batem za. 19Ɓa, a zəm məsəkəŋ, fagay ŋga a ziŋgehe a lay ta.
Sawl a giz Labara Səntaŋ Lawayaŋ a Damas
Sawl a nja waŋ mbizek abə gula tə Yesu iyi əŋ Damas. 20A mar ley giz Labara Səntaŋ Lawayaŋ, mbehmbeh mba əŋ biŋ iyi kə ɗal mbuh əŋ Bizlaf, a kəgizeŋta əŋ hedi iyi abə ley zlap Yesu seh, ar Mbu tə Bizlaf. 21Hedi iyi i mə zlim ma ŋga iyi fuk i kəhar za, i ɗəp, i zla: «Hedi wa seh, ar hedi mə zləŋgaŋta takwaŋ əŋ hedi tə Yesu iyi tə əŋ Urusalima seh səku vaw? A kəndaha əŋ nawa ley məlta amba a deɓeŋta əŋ hedi səndawl iyi tə a talaŋ hedi iyi i mə ɗal kukus əŋ Bizlaf səku vaw?» 22Ama Sawl a fəfəl ley giz ma abə fagay. Yahuda iyi manja tə əŋ Damas i kəsəŋ əŋ tata i mə nda i ziŋgeŋ zlap səku ba, məŋgəvday kəgizeŋta za məndiwiŋ Yesu seh, ar Almasihu. 23Abə dawaŋ tə waŋ iyi mbeh səku, Yahuda iyi i ɗal yawa ley ja Sawl, 24ama kəzlim wereh tata ta za. I kəjəɗ medigiɗ tə berne iyi njaɗu abə pis fuk, amba i ju. 25Ama abə njaɗu izey, gula iyi mbiŋ mə sərəkta, i ɓətu, i ɗiyu əŋ cakarak, i bəreŋgu kəɗi əŋ məgədu tə galaŋ#9:25 2 Kwarintʉ iyi 11:32-33. tə berne.
Əŋ Urusalima, Barnabas a gizeŋta Sawl əŋ mələɓ tə Yesu iyi
26Əŋ Sawl mə gwar əŋ Urusalima seh, a pələk ley jam abə hedi makuw ma iyi. Ama tata fuk i kələndəŋ za abə mbiŋ, məŋgəvday i kəsəŋ mbiŋ bahayim kəmbaɗ za əŋ hedi makuw ma məndiwiŋ seh halla. 27Abə dawaŋ ta izey, Barnabas a ŋgaslu, a deɓʉ əŋ kelek mələɓ iyi. A gizeŋta mənaŋ wa: «A kataf, Sawl kəlim Bay Bayta za. Bay Bayta ta kəzlapaŋ za. Əŋ Damas, Sawl kəgiz Labara Səntaŋ Lawayaŋ abə ləndəŋ səku abə miya tə Yesu.» 28Mar tə əŋ pis ta mba, Sawl mə nji abə tata, a kəpik abə tata əŋ Urusalima, a kəgiz ma tə Bizlaf mə tak ləndəŋ. 29A kəzlapaŋta əŋ Yahuda mə zlap ma Gərek iyi, a ɗal yawa abə tata, ama tata seh, i kəpələk ley ju. 30Əŋ zliŋgeŋ iyi i mə zlim ma ta seh, i deɓ Sawl əŋ Kaysariya, a namba, i ləɓu ley nda əŋ Tarsʉs. 31Abə dawaŋ ta izey, jam talaŋ tə hedi makuw ma iyi fuk tə əŋ hayak tə Yahudiya, tə əŋ Galili, tə əŋ Samariya i mbə əŋ zahay. I kəgəl əŋ kuw ma, i mə nji əŋ səŋ fagay tə Bay Bayta, i kəgəl abə mətər tə Mimiɗ sə Kweɗek.
Ayneyas kəmbəl za əŋ məc ŋga
32Piyer a nda kwa əŋ vey, əŋ waŋ məzəwindi aka a nda i gəraha hedi makuw ma iyi tə əŋ Lidda. 33A namba, a lim hedi məzəwindi aka, miya ŋga Ayneyas, mə weŋgi a kwambum kəɗal va jamaakaɗ, məŋgəvday mbiŋ mə huluɓi. 34Piyer a zlapaŋgu, a zla: «Ayneyas, Yesu Almasihu kəmbəlah cuza! Gar, ɓət kwambum təkwa, hwa abə ndəra təkwa.» Mbehmbeh mba, Ayneyas, a gar ŋga. 35Hedi tə əŋ Lidda iyi abə tə əŋ Saraŋw iyi fuk, i kəgərza za, i kəkuw Bay Bayta za.
Tabita, gula tə Yesu, kəgaraha za əŋ faŋw tə hedi maməc iyi
36A Jawpe wala makuw ma aka, miya ŋga Tabita. Miya ta, abə ma Gərek seh, «Dawrkas», mənaŋ zlap ta seh «meŋ damu.» Mə nji ley ɗal kəzəɗ səntaŋ, a kətər hedi məstakwaŋ iyi. 37A va ta mba, wucum a dəmaŋgu, ɓak, a məc ŋga. Abə dawaŋ tə i kəbaŋgaŋ wucum kwata seh, i ɗiyu əŋ biŋ tə a talaŋ biŋ. 38Jawpe seh, mbehmbeh abə Lidda. Əŋ hedi makuw ma iyi i mə zlim Piyer mbə a namba seh, i ləɓ hedi iyi bək əŋ kelek ŋga abə zlap wa, i zla: «Nini kəɗalah mbuh, ndaha əŋ wuta tini, hwa mba i kərəŋgaha səku.» 39Piyer a nda abə tata. Əŋ mbiŋ mə gwar seh, i deɓʉ əŋ biŋ tə a talaŋ biŋ sey. Wala məce iyi fuk i kərəɗaha əŋ kelek ŋga abə haŋ. I kəgizeŋ rukut tata iyi Tabita mə tifeŋta əŋ mbiŋ mbə abə nje ndagwa. 40Piyer a təɗaha hedi iyi fuk a palah, a reɓ abə malakw, a ɗal mbuh. Ɓa, a buw kəɗi a məce ta, a zla: «Tabita, gar.» Tabita a rəz nje, əŋ mbiŋ mə lim Piyer seh, ɓa, a nji, nja. 41Piyer a məlaŋ ndəra, a garu. Ɓa, a ɗafaŋta ma əŋ hedi makuw ma iyi abə wala məce iyi, a gizeŋta Tabita seh, mbə abə nje. 42Ma ta, kəkʉkweɗ za əŋ berne tə Jawpe fuk, hedi iyi mbeh səku i kəkuw ma tə Bay Bayta za. 43Piyer kənja za mbeh səku əŋ Jawpe, a ge hedi mə ɗal kəzəɗ tə bukula, i mə ɗafaŋ ma Simaŋw.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល