Kəzəɗ tə Mələɓ iyi 8
8
1Sawl bahayim, kəkuw ja tə Etiyen za.
Sawl a kətəl ma əŋ jam talaŋ tə hedi makuw ma iyi
Əŋ pis ta mba, təl ma səndawl kəmar za əŋ jam talaŋ tə hedi makuw ma iyi tə Urusalima. Hedi makuw ma iyi fuk i kəwʉweɗ tata za kwa əŋ vey fuk əŋ hayak tə Yahudiya abə tə Samariya, sey mayak mələɓ iyi. 2Hedi mə ləndəŋ Bizlaf iyi i kah Etiyen, i kəhaŋ za mbeh səku a məc ŋga. 3Ama Sawl seh, a kəpələk kataf ley gay jam talaŋ tə hedi makuw ma iyi. A kənda a ge a ge, a kəməl hedi makuw ma iyi, muwul iyi abə wala iyi, a kənahta əŋ daŋgay.
Filip a kəgiz Labara Səntaŋ Lawayaŋ əŋ hayak tə Samariya
4Hedi makuw ma mawʉweɗ iyi sey, i kənda əŋ lay iyi par par abə ley giz Labara Səntaŋ Lawayaŋ. 5Filip a nda əŋ berne tə əŋ Samariya, a kəgizeŋta ma tə Almasihu əŋ hedi iyi. 6Hedi makwas iyi fuk i kəjam wulək za ntaɗ, i kəzlim ma tə Filip abə dak wucum əŋ tata i kəteheŋ zləm seh, i kəgər mazla mbiŋ mə ɗal iyi. 7Mimiɗ tə abə ndəra dəlay iyi i kətəɗaha əŋ talaŋ tə hedi mə dal iyi mbeh səku abə ja varay. Hedi mahuluɓ iyi abə hedi sə gəlvaɗah iyi mbeh səku i kəmbəl za. 8Mənaŋ wa, səsəm səndawl kəɗal za əŋ berne ta.
9Əŋ berne ta mba, hedi aka, miya ŋga Simaŋw. A kəɗal mənjivek kə har hedi tə Samariya iyi. A kəɗiy talaŋ ŋga əŋ hedi bayta. 10Hedi iyi fuk, mekedek iyi abə səndawl iyi i kəteheŋ zləm abə dak wucum. I kəzlap za, i zla: «Hedi ta wa, ar fagay tə Bizlaf, i mə ɗafaŋ ma “fagay səndawl”». 11I kəteheŋ zləm abə dak wucum, məŋgəvday kənja za mbeh səku əŋ faŋw tata, kəharta za abə mazla iyi par par mbiŋ mə ɗalta. 12Ama əŋ Filip mə gizeŋta Labara Səntaŋ Lawayaŋ tə Bay tə Bizlaf abə tə a talaŋ miya tə Yesu Almasihu seh, hedi iyi ta i kəkuw ma ŋga za, i kəlim batem za muwul iyi abə wala iyi fuk. 13Simaŋw abə talaŋ ŋga kəkuw ma za, kəlim batem za bahayim. A kuw ley yak Filip səku ba, kəhar za əŋ mbiŋ mə gər məsəkəŋ mə har hedi iyi abə mazla səndawl iyi mbiŋ mə ɗalta.
14Əŋ mələɓ tə Urusalima iyi i mə zlim hedi tə Samariya iyi i kəkuw ma za seh, ɓa, i ləɓ Piyer abə Yahwana əŋ kelek tata. 15Əŋ Piyer abə Yahwana i mə gwar əŋ Samariya seh, i ɗalaŋ mbuh əŋ Bizlaf məŋgəvday hedi makuw ma iyi amba i mə kuw Mimiɗ sə Kweɗek. 16Məŋgəvday a ɗek, Mimiɗ sə Kweɗek kəbəreŋgehe kwa a hedi ntaɗ əŋ faŋw tata halla ndagwa. I lim seh, sey batem tə abə miya tə Bay Bayta Yesu dap. 17Piyer abə Yahwana i ɗiyaŋta ndəra a tata, ɓa, i lim Mimiɗ sə Kweɗek. 18Əŋ Simaŋw mə gər hedi makuw ma iyi i kəlim Mimiɗ za əŋ mələɓ iyi i kəɗiyaŋta ndəra a talaŋ tata seh, a mba i vəlaŋta dala əŋ Piyer abə Yahwana, 19ɓa, a ɗəpta, a zla: «Hi vəlaka fagay ta yimak, amba hedi iyi sa mə nda i ɗiyaŋta ndəra a talaŋ tata wa seh, i mə lim Mimiɗ sə Kweɗek bahayim.» 20Ama Piyer a ziŋgeŋ zlap, a zla: «Bizlaf mə kuɗəpah abə dala təkwa fuk, məŋgəvday hwa kəwulək za məsəkəŋ Bizlaf mə vəl seh, i gula i səkəmu abə dala! 21Əŋ ma wa seh, ɓiz təkwa, aka səku ŋgem təkwa seh halla, məŋgəvday nəf təkwa kəwaɗ a ma tə Bizlaf halla. 22Yak wulək təkwa madawar mba, rək Bay Bayta Bizlaf, kəganah a yakah wulək təkwa madawar tə əŋ nəf mba za kəvah. 23Məŋgəvday sa gər nəf təkwa mə gweɗi abə wulək madawar tə mba məsəkəŋ, hwa hedi sərah, hwa məva tə hem!» 24Simaŋw a ziŋgeŋta zlap əŋ Piyer abə Yahwana izey, a zla: «Heni abə talaŋ təheni, hi rək Bay Bayta Bizlaf məŋgəvday sa, amba ma heni mə zlap wa, mə mba i gwaraha a sa səku.» 25Mələɓ iyi ta bək tata iyi i kəɗal sedewe za a talaŋ ma tata i mə giz tə Bay Bayta Yesu, ɓa, i ziŋ tata əŋ Urusalima. I mbə əŋ kataf seh, i kəgiz Labara Səntaŋ Lawayaŋ əŋ wuta iyi mbeh səku tə Samariya.
Filip a baŋgaŋ batem əŋ hedi tə ŋgwamna tə əŋ Etiyawpiya
26Mələɓ tə Bay Bayta Bizlaf a zlapaŋ əŋ Filip, a zla: «Gar, nda kəɗi əŋ teyek, kəɗi əŋ kataf mə bəreŋ əŋ Urusalima ley nda əŋ Gaza. Kataf ta, ar kataf tə əŋ təp damu.» 27Filip a gar mbehmbeh mba, a mar ley nda. Əŋ kataf, a lim lə Etiyawpiya lakway mala, talaŋ habay səndawl, maɗiy tə a məsəkəŋ tə bay Kandas, wala mə sla tə a talaŋ hayak tə Etiyawpiya. Kəndaha za əŋ Urusalima ley dar malakw a ma tə Bizlaf. 28A kəziŋ ŋga əŋ wuta. Mə nji əŋ seret ŋga, a kəjeŋge Ɗerewel tə hedi mə giz ma abə miya tə Bizlaf, Esaya. 29Mimiɗ sə Kweɗek a zlapaŋ əŋ Filip, a zla: «Nda ha əŋ kelek hedi tə abə seret cu wa.» 30Filip a hiyaha, a zlim lə Etiyawpiya ta a kəjeŋge əŋ Ɗerewel tə hedi mə giz ma abə miya tə Bizlaf, Esaya. Ɓa, a ɗəpu, a zla: «Hwa kəzlim ma hwa mə jeŋge wa vaw?» 31Lə Etiyawpiya ta a ziŋgeŋ zlap, a zla: «Hedi ley gizeke ma ta halla dap seh, sa nda i zlimʉ seh viŋgey?» Ɓa, a zlapaŋ əŋ Filip ley tapaha əŋ seret, ley nja a kelek ŋga. 32Ehe, ma mbiŋ mə jeŋge tə əŋ Ɗerewel tə Bizlaf ta:
«Mbiŋ mənaŋ mbu hentek, i kədeɓʉ əŋ lay kə fat.
Mbiŋ mənaŋ mbu hentek mə nji a kəzlap səku a ma tə hedi mə zla bujuguɗ ŋga.
Kərəz ma halla.
33I kəɗiyza əŋ hedi səku, i kəmbəzlaŋ ma abə kataf ta səku.
Mə gula i zlap a wuziyi ŋga iyi seh viyey? Hedi halla!
Məŋgəvday a ɗek, i kəcukwaɗ nəp ŋga cuza əŋ məŋhayak#8:33 Esaya 53:7-8..»
34Lə Etiyawpiya a ɗəp Filip, a zla: «A mbuh, gizeke: hedi mə giz ma abə miya tə Bizlaf wa a zlap seh a talaŋ viyey? A talaŋ ŋga vaw, aka səku a talaŋ hedi par vaw?» 35Abə dawaŋ ta izey, Filip a mar ley zlap a talaŋ ma mawuzlel tə əŋ Ɗerewel tə Bizlaf ta, a gizeŋ Labara Səntaŋ Lawayaŋ tə Yesu. 36I kənda tata baha, i gwar mbehmbeh a meɗek yim. Lə Etiyawpiya a ɗəpu izey, a zla: «Ehe, yim wa. Mə takaka ley lim batem seh mey?» [37Filip a zlapaŋgu, a zla: «Əŋgah hwa kəkuw ma za abə nəf ntaɗ seh, hwa gula i lim batem za.» Lə Etiyawpiya a ziŋgeŋ zlap, a zla: «Ayaw, sa kəkuw za, Yesu Almasihu, ar Mbu tə Bizlaf»]. 38Mbehmbeh mba, a zlapaŋta əŋ hedi iyi i mə takaha talaŋ tə dakw ley gar seret. Filip, i bəreŋgehe abə hedi ta bək tata əŋ yim, ɓa, Filip a ɗalaŋ batem. 39Əŋ tata i mə təɗaha əŋ yim seh, Mimiɗ tə Bay Bayta Bizlaf ɓət, a ɓət Filip. Lə Etiyawpiya kəlimza halla ba, ama a kənda ŋga əŋ pik ŋga abə səsəm mbeh səku. 40Filip a gər nje seh, mbə əŋ Asdawd#8:40 1 Samʉyila 5:1-7., ɓa, a mar ley giz Labara Səntaŋ Lawayaŋ əŋ berne iyi, mbiŋ mə taŋ fuk ha a gwar əŋ berne tə Kaysariya.
ទើបបានជ្រើសរើសហើយ៖
Kəzəɗ tə Mələɓ iyi 8: xmd
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Kəzəɗ tə Mələɓ iyi 8
8
1Sawl bahayim, kəkuw ja tə Etiyen za.
Sawl a kətəl ma əŋ jam talaŋ tə hedi makuw ma iyi
Əŋ pis ta mba, təl ma səndawl kəmar za əŋ jam talaŋ tə hedi makuw ma iyi tə Urusalima. Hedi makuw ma iyi fuk i kəwʉweɗ tata za kwa əŋ vey fuk əŋ hayak tə Yahudiya abə tə Samariya, sey mayak mələɓ iyi. 2Hedi mə ləndəŋ Bizlaf iyi i kah Etiyen, i kəhaŋ za mbeh səku a məc ŋga. 3Ama Sawl seh, a kəpələk kataf ley gay jam talaŋ tə hedi makuw ma iyi. A kənda a ge a ge, a kəməl hedi makuw ma iyi, muwul iyi abə wala iyi, a kənahta əŋ daŋgay.
Filip a kəgiz Labara Səntaŋ Lawayaŋ əŋ hayak tə Samariya
4Hedi makuw ma mawʉweɗ iyi sey, i kənda əŋ lay iyi par par abə ley giz Labara Səntaŋ Lawayaŋ. 5Filip a nda əŋ berne tə əŋ Samariya, a kəgizeŋta ma tə Almasihu əŋ hedi iyi. 6Hedi makwas iyi fuk i kəjam wulək za ntaɗ, i kəzlim ma tə Filip abə dak wucum əŋ tata i kəteheŋ zləm seh, i kəgər mazla mbiŋ mə ɗal iyi. 7Mimiɗ tə abə ndəra dəlay iyi i kətəɗaha əŋ talaŋ tə hedi mə dal iyi mbeh səku abə ja varay. Hedi mahuluɓ iyi abə hedi sə gəlvaɗah iyi mbeh səku i kəmbəl za. 8Mənaŋ wa, səsəm səndawl kəɗal za əŋ berne ta.
9Əŋ berne ta mba, hedi aka, miya ŋga Simaŋw. A kəɗal mənjivek kə har hedi tə Samariya iyi. A kəɗiy talaŋ ŋga əŋ hedi bayta. 10Hedi iyi fuk, mekedek iyi abə səndawl iyi i kəteheŋ zləm abə dak wucum. I kəzlap za, i zla: «Hedi ta wa, ar fagay tə Bizlaf, i mə ɗafaŋ ma “fagay səndawl”». 11I kəteheŋ zləm abə dak wucum, məŋgəvday kənja za mbeh səku əŋ faŋw tata, kəharta za abə mazla iyi par par mbiŋ mə ɗalta. 12Ama əŋ Filip mə gizeŋta Labara Səntaŋ Lawayaŋ tə Bay tə Bizlaf abə tə a talaŋ miya tə Yesu Almasihu seh, hedi iyi ta i kəkuw ma ŋga za, i kəlim batem za muwul iyi abə wala iyi fuk. 13Simaŋw abə talaŋ ŋga kəkuw ma za, kəlim batem za bahayim. A kuw ley yak Filip səku ba, kəhar za əŋ mbiŋ mə gər məsəkəŋ mə har hedi iyi abə mazla səndawl iyi mbiŋ mə ɗalta.
14Əŋ mələɓ tə Urusalima iyi i mə zlim hedi tə Samariya iyi i kəkuw ma za seh, ɓa, i ləɓ Piyer abə Yahwana əŋ kelek tata. 15Əŋ Piyer abə Yahwana i mə gwar əŋ Samariya seh, i ɗalaŋ mbuh əŋ Bizlaf məŋgəvday hedi makuw ma iyi amba i mə kuw Mimiɗ sə Kweɗek. 16Məŋgəvday a ɗek, Mimiɗ sə Kweɗek kəbəreŋgehe kwa a hedi ntaɗ əŋ faŋw tata halla ndagwa. I lim seh, sey batem tə abə miya tə Bay Bayta Yesu dap. 17Piyer abə Yahwana i ɗiyaŋta ndəra a tata, ɓa, i lim Mimiɗ sə Kweɗek. 18Əŋ Simaŋw mə gər hedi makuw ma iyi i kəlim Mimiɗ za əŋ mələɓ iyi i kəɗiyaŋta ndəra a talaŋ tata seh, a mba i vəlaŋta dala əŋ Piyer abə Yahwana, 19ɓa, a ɗəpta, a zla: «Hi vəlaka fagay ta yimak, amba hedi iyi sa mə nda i ɗiyaŋta ndəra a talaŋ tata wa seh, i mə lim Mimiɗ sə Kweɗek bahayim.» 20Ama Piyer a ziŋgeŋ zlap, a zla: «Bizlaf mə kuɗəpah abə dala təkwa fuk, məŋgəvday hwa kəwulək za məsəkəŋ Bizlaf mə vəl seh, i gula i səkəmu abə dala! 21Əŋ ma wa seh, ɓiz təkwa, aka səku ŋgem təkwa seh halla, məŋgəvday nəf təkwa kəwaɗ a ma tə Bizlaf halla. 22Yak wulək təkwa madawar mba, rək Bay Bayta Bizlaf, kəganah a yakah wulək təkwa madawar tə əŋ nəf mba za kəvah. 23Məŋgəvday sa gər nəf təkwa mə gweɗi abə wulək madawar tə mba məsəkəŋ, hwa hedi sərah, hwa məva tə hem!» 24Simaŋw a ziŋgeŋta zlap əŋ Piyer abə Yahwana izey, a zla: «Heni abə talaŋ təheni, hi rək Bay Bayta Bizlaf məŋgəvday sa, amba ma heni mə zlap wa, mə mba i gwaraha a sa səku.» 25Mələɓ iyi ta bək tata iyi i kəɗal sedewe za a talaŋ ma tata i mə giz tə Bay Bayta Yesu, ɓa, i ziŋ tata əŋ Urusalima. I mbə əŋ kataf seh, i kəgiz Labara Səntaŋ Lawayaŋ əŋ wuta iyi mbeh səku tə Samariya.
Filip a baŋgaŋ batem əŋ hedi tə ŋgwamna tə əŋ Etiyawpiya
26Mələɓ tə Bay Bayta Bizlaf a zlapaŋ əŋ Filip, a zla: «Gar, nda kəɗi əŋ teyek, kəɗi əŋ kataf mə bəreŋ əŋ Urusalima ley nda əŋ Gaza. Kataf ta, ar kataf tə əŋ təp damu.» 27Filip a gar mbehmbeh mba, a mar ley nda. Əŋ kataf, a lim lə Etiyawpiya lakway mala, talaŋ habay səndawl, maɗiy tə a məsəkəŋ tə bay Kandas, wala mə sla tə a talaŋ hayak tə Etiyawpiya. Kəndaha za əŋ Urusalima ley dar malakw a ma tə Bizlaf. 28A kəziŋ ŋga əŋ wuta. Mə nji əŋ seret ŋga, a kəjeŋge Ɗerewel tə hedi mə giz ma abə miya tə Bizlaf, Esaya. 29Mimiɗ sə Kweɗek a zlapaŋ əŋ Filip, a zla: «Nda ha əŋ kelek hedi tə abə seret cu wa.» 30Filip a hiyaha, a zlim lə Etiyawpiya ta a kəjeŋge əŋ Ɗerewel tə hedi mə giz ma abə miya tə Bizlaf, Esaya. Ɓa, a ɗəpu, a zla: «Hwa kəzlim ma hwa mə jeŋge wa vaw?» 31Lə Etiyawpiya ta a ziŋgeŋ zlap, a zla: «Hedi ley gizeke ma ta halla dap seh, sa nda i zlimʉ seh viŋgey?» Ɓa, a zlapaŋ əŋ Filip ley tapaha əŋ seret, ley nja a kelek ŋga. 32Ehe, ma mbiŋ mə jeŋge tə əŋ Ɗerewel tə Bizlaf ta:
«Mbiŋ mənaŋ mbu hentek, i kədeɓʉ əŋ lay kə fat.
Mbiŋ mənaŋ mbu hentek mə nji a kəzlap səku a ma tə hedi mə zla bujuguɗ ŋga.
Kərəz ma halla.
33I kəɗiyza əŋ hedi səku, i kəmbəzlaŋ ma abə kataf ta səku.
Mə gula i zlap a wuziyi ŋga iyi seh viyey? Hedi halla!
Məŋgəvday a ɗek, i kəcukwaɗ nəp ŋga cuza əŋ məŋhayak#8:33 Esaya 53:7-8..»
34Lə Etiyawpiya a ɗəp Filip, a zla: «A mbuh, gizeke: hedi mə giz ma abə miya tə Bizlaf wa a zlap seh a talaŋ viyey? A talaŋ ŋga vaw, aka səku a talaŋ hedi par vaw?» 35Abə dawaŋ ta izey, Filip a mar ley zlap a talaŋ ma mawuzlel tə əŋ Ɗerewel tə Bizlaf ta, a gizeŋ Labara Səntaŋ Lawayaŋ tə Yesu. 36I kənda tata baha, i gwar mbehmbeh a meɗek yim. Lə Etiyawpiya a ɗəpu izey, a zla: «Ehe, yim wa. Mə takaka ley lim batem seh mey?» [37Filip a zlapaŋgu, a zla: «Əŋgah hwa kəkuw ma za abə nəf ntaɗ seh, hwa gula i lim batem za.» Lə Etiyawpiya a ziŋgeŋ zlap, a zla: «Ayaw, sa kəkuw za, Yesu Almasihu, ar Mbu tə Bizlaf»]. 38Mbehmbeh mba, a zlapaŋta əŋ hedi iyi i mə takaha talaŋ tə dakw ley gar seret. Filip, i bəreŋgehe abə hedi ta bək tata əŋ yim, ɓa, Filip a ɗalaŋ batem. 39Əŋ tata i mə təɗaha əŋ yim seh, Mimiɗ tə Bay Bayta Bizlaf ɓət, a ɓət Filip. Lə Etiyawpiya kəlimza halla ba, ama a kənda ŋga əŋ pik ŋga abə səsəm mbeh səku. 40Filip a gər nje seh, mbə əŋ Asdawd#8:40 1 Samʉyila 5:1-7., ɓa, a mar ley giz Labara Səntaŋ Lawayaŋ əŋ berne iyi, mbiŋ mə taŋ fuk ha a gwar əŋ berne tə Kaysariya.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល