Kəzəɗ tə Mələɓ iyi 2
2
Ndaha tə Mimiɗ sə Kweɗek a talaŋ hedi makuw ma iyi
1Əŋ waŋ tə gugway tə Pantekwasta kəgwaraha kwata seh, hedi makuw ma iyi fuk i kəjam za a lay ntaɗ. 2Mbehmbeh mba, rəv səndawl a zlimehe a wuzlaf, mənaŋ bərgədəŋ, a haf lay tə biŋ tata i mə nja fuk. 3I lim məsəkəŋ mənaŋ ganaɗ tə kahaw iyi. Ganaɗ iyi ta i wuɗak tata, i nja a talaŋ tata ntaɗ ntaɗ fuk. 4Tata fuk i kəgwaɗ za abə Mimiɗ sə Kweɗek, ɓa, i mar ley zlap abə ma iyi par par, ma tata mə səŋ iyi səku, mənaŋ Mimiɗ mə vəlaŋta mazla ley zlap.
5Əŋ Urusalima, Yahuda manja mə ləndəŋ Bizlaf iyi aka, i ndaha əŋ hayak iyi fuk tə əŋ məŋhayak. 6Əŋ rəv wa mə zlimehe, i kwas talaŋ a lay ta. Tata fuk talaŋ tata kəwuzlaɗ za mbeh səku, məŋgəvday tata fuk i kəzlim hedi makuw ma iyi i kəzlap kwa viyey abə ma ŋga. 7I kəhar za mbeh səku, i kəwulək, i zla: «Hedi mə zlap iyi wa, tata fuk, ar lə Galili iyi səku vaw? 8Kwa viyey əŋ faŋw takwa, nakwa iyi kəzlim i kəzlap abə ma takwa wa seh viŋgey? 9Əŋ faŋw takwa, hedi mandaha tə əŋ hayak tə Partiya, Mediya, Elam, Mezawpawtamiya, Yahudiya, Kappadawsiya, ha əŋ Pawntus abə əŋ Aziya. 10Hedi dakayta iyi tə əŋ hayak tə Firigiya abə Pamfiliya, tə əŋ hayak tə Misra abə tə əŋ hayak tə Libiya mbehmbeh abə Sirene, hedi dakayta iyi i ndaha mar tə Rawma, 11əŋ hayak tə Kereta abə tə Arabiya. Hedi dakayta iyi mambuwaha tə Yahuda iyi, hedi məzəwindi mabuw nja tata iyi ley ziber kukus tə Yahuda iyi. Ama nakwa iyi kəzlim i kəzlap abə ma takwa iyi par par əŋ kəzəɗ səndawl iyi tə Bizlaf.» 12Tata fuk i kəhar za, i kəsəŋ i nda i ɗal seh viŋgey səku, i ɗəp wucum əŋ faŋw tata, i zla: «Ma ta, a mba i zlap seh viŋgey?» 13Ama hedi dakayta iyi i ɓas a talaŋ hedi makuw ma iyi, i zla: «I kəhuw za!»
Giz ma tə Piyer
14Piyer a gar abə mələɓ iyi wam a meɗek ntaɗ. A zlapaŋta abə fagay əŋ hedi makwas iyi, a zla: «Heni Yahuda iyi, abə heni hedi manja tə Urusalima iyi fuk, hi teh zləm a ma na iyi wa abə dak wucum, hi zlim məsəkəŋ mə taŋ lawlaw. 15Hedi iyi wa i kəhuw halla, mənaŋ heni mə wulək mba, məŋgəvday mənjawa njamndi cafaɗ tə kafa. 16Ama ar mənjawa məsəkəŋ hedi mə giz ma abə miya tə Bizlaf, Yuwel mə zlap, a kəɗal:
17“Bizlaf a zlap, a zla: Ehe, məsəkəŋ mə nda i gwaraha əŋ cukwaɗ tə məŋhayak:
Sa nda i kʉkweɗ Mimiɗ na a hedi iyi fuk.
Wuziyi təheni muwul iyi abə hazləma iyi i mbaɗ za əŋ hedi mə giz ma abə miya tə Bizlaf iyi,
sa zlapaŋta za əŋ zaray təheni iyi kəɗi səŋ məsəkəŋ,
abə kəɗi sisiŋ əŋ hedi tə abə va iyi tə əŋ faŋw təheni.
18Ayaw, əŋ waŋ iyi ta mba, sa kʉkweɗek Mimiɗ na za a talaŋ hedi mə ɗal kəzəɗ na iyi, muwul iyi abə wala iyi,
i nda i mbaɗ əŋ hedi mə giz ma abə miya tə Bizlaf iyi.
19Sa ɗal mazla iyi za a wuzlaf
abə məsəkəŋ mə ɗal mazla iyi bahayim a talaŋ hayak,
məmbəz, kahaw abə təbəz tə cəŋcah i təɗaha za.
20Pis a nda i ɗal ləvəŋ, ntəra bahayim a nda i mbaɗ pəpəreŋ mənaŋ məmbəz.
Abə dawaŋ ta, Bay Bayta a ziŋgehe za amba ley mbəzl ma, əŋ pis ta mba, hedi iyi i lim fagay ŋga za, i səŋ pis ta za, ar pis səndawl mə day dakayta iyi.
21Abə dawaŋ ta izey, kwa viyey mə ɗafaŋ ma əŋ Bay Bayta, a reh za#2:21 Yuwel 3:1-5..”»
22«Heni hedi tə Israyila iyi, hi teh zləm a ma sa mə nda i zlapaheni: Yesu lə Nasaratu#2:22 Matta 2:23; Luka 18:37. wa, ar hedi kəɗi a mbiŋ Bizlaf mə gizeheni fagay ŋga abə ley ɗal mazla iyi par par, məsəkəŋ mə har hedi iyi əŋ faŋw təheni, mənaŋ heni mə səŋgu heni abə talaŋ təheni wa. 23Hedi ta mar zlezle Bizlaf kəɗal wulək za ley vəlu əŋ ndəra təheni. Heni kəjawza za a mpay mazlaŋgal, hedi mə tak kuw ma iyi i kəjaza za#2:23 Matta 27:35; Markus 15:24; Luka 23:33; Yahwana 19:18.. 24Ama Bizlaf kəgarahaza za əŋ faŋw tə hedi maməc iyi, kətəɗahaza za əŋ tuwah tə məc, məŋgəvday mazla tə məc a gula i dayu səku#2:24 Matta 28:5-6; Markus 16:6; Luka 24:5.. 25Dawuda kəzlap za a talaŋ ŋga, a zla:
“Sa kəlim Bay Bayta Bizlaf hwayhway a ma na,
mbə əŋ ndəra zəma na amba sa mba i ndəv səku.
26Məŋgəvday a ɗek, nəf na kəgwaɗ za abə səsəm,
zlap na iyi abə səsəm tə təday.
Wucum na bahayim a yip za əŋ məsəkəŋ sa mə wulək ley lim,
27məŋgəvday hwa, waa Bay Bayta Bizlaf, hwa yakaka əŋ faŋw tə hedi maməc iyi seh halla,
sa hedi təkwa sə delele, hwa yakaka, ɓa, sa hərəɗa a jiɓ seh halla.
28Hwa kəgizeke kataf ley lim mədəŋcur mə cukwaɗ səku za,
hwa gwaɗaka nəf na za abə səsəm, məŋgəvday hwa mbə a kelek na#2:28 Jabura 16:8-11..”»
29Piyer a zlapaŋta baha, a zla: «Zliŋmana iyi, sey sa gizeheni məndiwiŋ a talaŋ dide tə dide takwa Dawuda. Kəməc za, i kəkahza za. Talaŋ jiɓ ŋga mbə a nawa ha mənjawa a wuta takwa#2:29 1 Bay iyi 2:10.. 30Ama mbiŋ seh, ar hedi mə giz ma abə miya tə Bizlaf, a kəsəŋ Bizlaf kəjaw ma za abə mbiŋ abə meɗ, a zla seh: Hedi ntaɗ əŋ ntaŋw ŋga iyi, a nja za a lay ŋga mənaŋ bay.#2:30 Jabura 132:11; 2 Samʉyila 7:12-13. 31Dawuda seh, kəsəŋ məsəkəŋ mə nda i ɗal cuza. Kəzlap za a talaŋ garaha tə Almasihu əŋ faŋw tə hedi maməc iyi, a zla:
“Bizlaf kəyakza əŋ məŋhayak tə hedi maməc iyi seh halla,
wucum ŋga kəhərəɗaha a jiɓ seh halla.”
32«Yesu, sa mə zlap tə a talaŋ ŋga wa, Bizlaf kəgarahaza za əŋ faŋw tə hedi maməc iyi, nini fuk, nini kəɗal sedewe za a ma ta. 33Bizlaf kəkafza za, kəɗiyza za əŋ ndəra zəma ŋga. Kəlim Mimiɗ sə Kweɗek za a ndəra Baba mənaŋ mbiŋ mə zlap ley vəlaŋgu. Kəkʉkweɗ Mimiɗ ta za a talaŋ takwa, mənaŋ heni mə gəru, heni mə zlimʉ mənjawa. 34Məŋgəvday Dawuda abə talaŋ ŋga kəgar ŋga əŋ wuzlaf halla seh, ama kəzlap za, a zla:
“Bay Bayta Bizlaf kəzlapaŋ za əŋ Bay Bayta na:
Nja əŋ ndəra zəma na,
35ha əŋ sa mə ɗiy məsəgər təkwa iyi əŋ gədaŋ ŋgas təkwa#2:35 Jabura 110:1..”»
36Piyer a zlapaŋta baha, a zla: «Məŋgəvday a ɗek, sey hedi tə Israyila iyi fuk i mə səŋgu məndiwiŋ, Yesu heni mə daru tə a mpay mazlaŋgal wa, Bizlaf kəmbaɗza cuza əŋ Bay Bayta, Almasihu!»
37Əŋ hedi mə teh zləm iyi i mə zlim ma ta seh, nəf tata kədəɗ za mbeh səku. I ɗəp Piyer abə mələɓ dakayta iyi, i zla: «Zliŋmana iyi, nakwa iyi nda i ɗal seh viŋgey?» 38Piyer a ziŋgeŋta zlap, a zla: «Hi buw nja təheni iyi, kwa viyey təheni mə lim batem abə miya tə Yesu Almasihu, amba Bizlaf mə baŋgaheni hem təheni iyi. Abə dawaŋ ta izey, heni lim Mimiɗ sə Kweɗek za. 39Məŋgəvday məsəkəŋ Bizlaf mə zlap ley vəlaheniza sey, mə nji məŋgəvday heni, abə əŋ wuziyi təheni iyi, mənaŋ wa bahayim, əŋ hedi sə guduk iyi fuk abə əŋ hedi Bay Bayta takwa Bizlaf mə nda i ɗafaŋta ma iyi fuk.»
40Piyer a zlapaŋta ma iyi par baha mbeh səku amba ley dayta əŋ zlap, ɓa, a vəlaŋta fagay, a zlapaŋta, a zla: «Hi kuw reh, amba heni mba i ndəv əŋ hem tə hedi makuɗəp iyi wa səku.» 41Hedi iyi mbeh səku tə əŋ faŋw tata, i kəkuw ma tə Piyer, ɓa, i lim batem. Əŋ pis ta mba, hedi iyi a ɗal mbeh kwata gabal maakaɗ i kəfəfəlaha za a talaŋ hedi makuw ma iyi.
Nja tə jam talaŋ tə hedi makuw ma titʉz iyi tə əŋ Urusalima
42I kədak wucum za ley zlim sərək tə mələɓ iyi, ley nja əŋ jam talaŋ tə abə zliŋge iyi, ley wuɗak peŋ a lay ta abə ley ɗal mbuh. 43Hedi iyi fuk i kələndəŋ za mbeh səku, məŋgəvday mələɓ iyi i mə ɗal mazla iyi abə məsəkəŋ mə har hedi iyi. 44Hedi makuw ma iyi fuk i kəjam za, i ɗiy məsəkəŋ tata iyi fuk a lay ta. 45I ber məsəkəŋ tata iyi fuk, i ɓiz dala ta əŋ faŋw tata, kwa viyey tiɗe abə məsəkəŋ mbiŋ mə mba ley ɗal. 46Əŋ waŋ fuk, i kəjam əŋ biŋ tə Bizlaf abə nəf ntaɗ, i kəwuɗak peŋ əŋ faŋw tata a ge tata iyi, i kəzəm wuda tata abə səsəm, abə nəf ntaɗ, 47i kəɗalaŋ mbuh əŋ Bizlaf. Hedi iyi fuk i kəhəmənta. Əŋ waŋ fuk Bay Bayta a kəfəfəlaŋta hedi mə nda i reh iyi əŋ jam talaŋ tata.
ទើបបានជ្រើសរើសហើយ៖
Kəzəɗ tə Mələɓ iyi 2: xmd
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Kəzəɗ tə Mələɓ iyi 2
2
Ndaha tə Mimiɗ sə Kweɗek a talaŋ hedi makuw ma iyi
1Əŋ waŋ tə gugway tə Pantekwasta kəgwaraha kwata seh, hedi makuw ma iyi fuk i kəjam za a lay ntaɗ. 2Mbehmbeh mba, rəv səndawl a zlimehe a wuzlaf, mənaŋ bərgədəŋ, a haf lay tə biŋ tata i mə nja fuk. 3I lim məsəkəŋ mənaŋ ganaɗ tə kahaw iyi. Ganaɗ iyi ta i wuɗak tata, i nja a talaŋ tata ntaɗ ntaɗ fuk. 4Tata fuk i kəgwaɗ za abə Mimiɗ sə Kweɗek, ɓa, i mar ley zlap abə ma iyi par par, ma tata mə səŋ iyi səku, mənaŋ Mimiɗ mə vəlaŋta mazla ley zlap.
5Əŋ Urusalima, Yahuda manja mə ləndəŋ Bizlaf iyi aka, i ndaha əŋ hayak iyi fuk tə əŋ məŋhayak. 6Əŋ rəv wa mə zlimehe, i kwas talaŋ a lay ta. Tata fuk talaŋ tata kəwuzlaɗ za mbeh səku, məŋgəvday tata fuk i kəzlim hedi makuw ma iyi i kəzlap kwa viyey abə ma ŋga. 7I kəhar za mbeh səku, i kəwulək, i zla: «Hedi mə zlap iyi wa, tata fuk, ar lə Galili iyi səku vaw? 8Kwa viyey əŋ faŋw takwa, nakwa iyi kəzlim i kəzlap abə ma takwa wa seh viŋgey? 9Əŋ faŋw takwa, hedi mandaha tə əŋ hayak tə Partiya, Mediya, Elam, Mezawpawtamiya, Yahudiya, Kappadawsiya, ha əŋ Pawntus abə əŋ Aziya. 10Hedi dakayta iyi tə əŋ hayak tə Firigiya abə Pamfiliya, tə əŋ hayak tə Misra abə tə əŋ hayak tə Libiya mbehmbeh abə Sirene, hedi dakayta iyi i ndaha mar tə Rawma, 11əŋ hayak tə Kereta abə tə Arabiya. Hedi dakayta iyi mambuwaha tə Yahuda iyi, hedi məzəwindi mabuw nja tata iyi ley ziber kukus tə Yahuda iyi. Ama nakwa iyi kəzlim i kəzlap abə ma takwa iyi par par əŋ kəzəɗ səndawl iyi tə Bizlaf.» 12Tata fuk i kəhar za, i kəsəŋ i nda i ɗal seh viŋgey səku, i ɗəp wucum əŋ faŋw tata, i zla: «Ma ta, a mba i zlap seh viŋgey?» 13Ama hedi dakayta iyi i ɓas a talaŋ hedi makuw ma iyi, i zla: «I kəhuw za!»
Giz ma tə Piyer
14Piyer a gar abə mələɓ iyi wam a meɗek ntaɗ. A zlapaŋta abə fagay əŋ hedi makwas iyi, a zla: «Heni Yahuda iyi, abə heni hedi manja tə Urusalima iyi fuk, hi teh zləm a ma na iyi wa abə dak wucum, hi zlim məsəkəŋ mə taŋ lawlaw. 15Hedi iyi wa i kəhuw halla, mənaŋ heni mə wulək mba, məŋgəvday mənjawa njamndi cafaɗ tə kafa. 16Ama ar mənjawa məsəkəŋ hedi mə giz ma abə miya tə Bizlaf, Yuwel mə zlap, a kəɗal:
17“Bizlaf a zlap, a zla: Ehe, məsəkəŋ mə nda i gwaraha əŋ cukwaɗ tə məŋhayak:
Sa nda i kʉkweɗ Mimiɗ na a hedi iyi fuk.
Wuziyi təheni muwul iyi abə hazləma iyi i mbaɗ za əŋ hedi mə giz ma abə miya tə Bizlaf iyi,
sa zlapaŋta za əŋ zaray təheni iyi kəɗi səŋ məsəkəŋ,
abə kəɗi sisiŋ əŋ hedi tə abə va iyi tə əŋ faŋw təheni.
18Ayaw, əŋ waŋ iyi ta mba, sa kʉkweɗek Mimiɗ na za a talaŋ hedi mə ɗal kəzəɗ na iyi, muwul iyi abə wala iyi,
i nda i mbaɗ əŋ hedi mə giz ma abə miya tə Bizlaf iyi.
19Sa ɗal mazla iyi za a wuzlaf
abə məsəkəŋ mə ɗal mazla iyi bahayim a talaŋ hayak,
məmbəz, kahaw abə təbəz tə cəŋcah i təɗaha za.
20Pis a nda i ɗal ləvəŋ, ntəra bahayim a nda i mbaɗ pəpəreŋ mənaŋ məmbəz.
Abə dawaŋ ta, Bay Bayta a ziŋgehe za amba ley mbəzl ma, əŋ pis ta mba, hedi iyi i lim fagay ŋga za, i səŋ pis ta za, ar pis səndawl mə day dakayta iyi.
21Abə dawaŋ ta izey, kwa viyey mə ɗafaŋ ma əŋ Bay Bayta, a reh za#2:21 Yuwel 3:1-5..”»
22«Heni hedi tə Israyila iyi, hi teh zləm a ma sa mə nda i zlapaheni: Yesu lə Nasaratu#2:22 Matta 2:23; Luka 18:37. wa, ar hedi kəɗi a mbiŋ Bizlaf mə gizeheni fagay ŋga abə ley ɗal mazla iyi par par, məsəkəŋ mə har hedi iyi əŋ faŋw təheni, mənaŋ heni mə səŋgu heni abə talaŋ təheni wa. 23Hedi ta mar zlezle Bizlaf kəɗal wulək za ley vəlu əŋ ndəra təheni. Heni kəjawza za a mpay mazlaŋgal, hedi mə tak kuw ma iyi i kəjaza za#2:23 Matta 27:35; Markus 15:24; Luka 23:33; Yahwana 19:18.. 24Ama Bizlaf kəgarahaza za əŋ faŋw tə hedi maməc iyi, kətəɗahaza za əŋ tuwah tə məc, məŋgəvday mazla tə məc a gula i dayu səku#2:24 Matta 28:5-6; Markus 16:6; Luka 24:5.. 25Dawuda kəzlap za a talaŋ ŋga, a zla:
“Sa kəlim Bay Bayta Bizlaf hwayhway a ma na,
mbə əŋ ndəra zəma na amba sa mba i ndəv səku.
26Məŋgəvday a ɗek, nəf na kəgwaɗ za abə səsəm,
zlap na iyi abə səsəm tə təday.
Wucum na bahayim a yip za əŋ məsəkəŋ sa mə wulək ley lim,
27məŋgəvday hwa, waa Bay Bayta Bizlaf, hwa yakaka əŋ faŋw tə hedi maməc iyi seh halla,
sa hedi təkwa sə delele, hwa yakaka, ɓa, sa hərəɗa a jiɓ seh halla.
28Hwa kəgizeke kataf ley lim mədəŋcur mə cukwaɗ səku za,
hwa gwaɗaka nəf na za abə səsəm, məŋgəvday hwa mbə a kelek na#2:28 Jabura 16:8-11..”»
29Piyer a zlapaŋta baha, a zla: «Zliŋmana iyi, sey sa gizeheni məndiwiŋ a talaŋ dide tə dide takwa Dawuda. Kəməc za, i kəkahza za. Talaŋ jiɓ ŋga mbə a nawa ha mənjawa a wuta takwa#2:29 1 Bay iyi 2:10.. 30Ama mbiŋ seh, ar hedi mə giz ma abə miya tə Bizlaf, a kəsəŋ Bizlaf kəjaw ma za abə mbiŋ abə meɗ, a zla seh: Hedi ntaɗ əŋ ntaŋw ŋga iyi, a nja za a lay ŋga mənaŋ bay.#2:30 Jabura 132:11; 2 Samʉyila 7:12-13. 31Dawuda seh, kəsəŋ məsəkəŋ mə nda i ɗal cuza. Kəzlap za a talaŋ garaha tə Almasihu əŋ faŋw tə hedi maməc iyi, a zla:
“Bizlaf kəyakza əŋ məŋhayak tə hedi maməc iyi seh halla,
wucum ŋga kəhərəɗaha a jiɓ seh halla.”
32«Yesu, sa mə zlap tə a talaŋ ŋga wa, Bizlaf kəgarahaza za əŋ faŋw tə hedi maməc iyi, nini fuk, nini kəɗal sedewe za a ma ta. 33Bizlaf kəkafza za, kəɗiyza za əŋ ndəra zəma ŋga. Kəlim Mimiɗ sə Kweɗek za a ndəra Baba mənaŋ mbiŋ mə zlap ley vəlaŋgu. Kəkʉkweɗ Mimiɗ ta za a talaŋ takwa, mənaŋ heni mə gəru, heni mə zlimʉ mənjawa. 34Məŋgəvday Dawuda abə talaŋ ŋga kəgar ŋga əŋ wuzlaf halla seh, ama kəzlap za, a zla:
“Bay Bayta Bizlaf kəzlapaŋ za əŋ Bay Bayta na:
Nja əŋ ndəra zəma na,
35ha əŋ sa mə ɗiy məsəgər təkwa iyi əŋ gədaŋ ŋgas təkwa#2:35 Jabura 110:1..”»
36Piyer a zlapaŋta baha, a zla: «Məŋgəvday a ɗek, sey hedi tə Israyila iyi fuk i mə səŋgu məndiwiŋ, Yesu heni mə daru tə a mpay mazlaŋgal wa, Bizlaf kəmbaɗza cuza əŋ Bay Bayta, Almasihu!»
37Əŋ hedi mə teh zləm iyi i mə zlim ma ta seh, nəf tata kədəɗ za mbeh səku. I ɗəp Piyer abə mələɓ dakayta iyi, i zla: «Zliŋmana iyi, nakwa iyi nda i ɗal seh viŋgey?» 38Piyer a ziŋgeŋta zlap, a zla: «Hi buw nja təheni iyi, kwa viyey təheni mə lim batem abə miya tə Yesu Almasihu, amba Bizlaf mə baŋgaheni hem təheni iyi. Abə dawaŋ ta izey, heni lim Mimiɗ sə Kweɗek za. 39Məŋgəvday məsəkəŋ Bizlaf mə zlap ley vəlaheniza sey, mə nji məŋgəvday heni, abə əŋ wuziyi təheni iyi, mənaŋ wa bahayim, əŋ hedi sə guduk iyi fuk abə əŋ hedi Bay Bayta takwa Bizlaf mə nda i ɗafaŋta ma iyi fuk.»
40Piyer a zlapaŋta ma iyi par baha mbeh səku amba ley dayta əŋ zlap, ɓa, a vəlaŋta fagay, a zlapaŋta, a zla: «Hi kuw reh, amba heni mba i ndəv əŋ hem tə hedi makuɗəp iyi wa səku.» 41Hedi iyi mbeh səku tə əŋ faŋw tata, i kəkuw ma tə Piyer, ɓa, i lim batem. Əŋ pis ta mba, hedi iyi a ɗal mbeh kwata gabal maakaɗ i kəfəfəlaha za a talaŋ hedi makuw ma iyi.
Nja tə jam talaŋ tə hedi makuw ma titʉz iyi tə əŋ Urusalima
42I kədak wucum za ley zlim sərək tə mələɓ iyi, ley nja əŋ jam talaŋ tə abə zliŋge iyi, ley wuɗak peŋ a lay ta abə ley ɗal mbuh. 43Hedi iyi fuk i kələndəŋ za mbeh səku, məŋgəvday mələɓ iyi i mə ɗal mazla iyi abə məsəkəŋ mə har hedi iyi. 44Hedi makuw ma iyi fuk i kəjam za, i ɗiy məsəkəŋ tata iyi fuk a lay ta. 45I ber məsəkəŋ tata iyi fuk, i ɓiz dala ta əŋ faŋw tata, kwa viyey tiɗe abə məsəkəŋ mbiŋ mə mba ley ɗal. 46Əŋ waŋ fuk, i kəjam əŋ biŋ tə Bizlaf abə nəf ntaɗ, i kəwuɗak peŋ əŋ faŋw tata a ge tata iyi, i kəzəm wuda tata abə səsəm, abə nəf ntaɗ, 47i kəɗalaŋ mbuh əŋ Bizlaf. Hedi iyi fuk i kəhəmənta. Əŋ waŋ fuk Bay Bayta a kəfəfəlaŋta hedi mə nda i reh iyi əŋ jam talaŋ tata.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល