Kəzəɗ tə Mələɓ iyi 1
1
Mələɓ iyi i lim Mimiɗ sə Kweɗek za
1Waa Teyawfilus,
Əŋ ɗerewel na titʉz#1:1 Luka 1:1-4. seh, sa kəgiz kəzəɗ Yesu mə ɗal iyi wa fuk za abə sərək ŋga iyi mar tə əŋ mar ta, 2ha əŋ pis mbiŋ mə gar ŋga əŋ wuzlaf. Mar mbiŋ kəgar ŋga halla ndagwa seh, kəvəl sərək ŋga iyi za abə fagay tə Mimiɗ sə Kweɗek əŋ hedi iyi mbiŋ mə mayta mənaŋ mələɓ iyi. 3Abə dawaŋ tə tuwah mbiŋ mə sa ha əŋ məc ŋga, ar əŋ mələɓ iyi ta, a gizeŋta wucum abə ley gizeŋta məsəkəŋ iyi par par məndiwiŋ mbiŋ mbə abə nje. Əŋ waŋ ndəra nfaɗ mbə abə tata, a kəzlapaŋta ma tə Bay tə Bizlaf. 4Əŋ pis məzəwindi aka, Yesu a kəzəm wuda abə tata, a ŋgəzta, a zla: «Hi mba i nda guduk abə Urusalima səku, ama heni gəbar məsəkəŋ Baba mə nda i vəlaheni mənaŋ sa mə gizeheni#1:4 Luka 24:49. sey. 5Yahwana a ɗalaŋta batem əŋ hedi iyi abə yim, ama heni seh, əŋ waŋ iyi kʉsit, heni lim batem za abə Mimiɗ sə Kweɗek#1:5 Matta 3:11; Markus 1:8; Luka 3:16; Yahwana 1:33..»
Yesu a gar ŋga əŋ wuzlaf
6Mələɓ iyi i kəkwas za a kelek Yesu, i ɗəpu, i zla: «Bay Bayta, ar əŋ hala wa hwa mə nda i ɗiy bay tə əŋ hayak tə Israyila vaw#1:6 Amaws 9:11-12; Luka 19:11.?» 7Yesu a ziŋgeŋta zlap, a zla: «Ma təheni ley səŋ pis ta, aka səku əŋ hala ta mə nda i gwaraha seh halla, məŋgəvday Baba na kəɗiyta cuza abə fagay ŋga#1:7 Markus 13:32.. 8Ama heni lim fagay za əŋ Mimiɗ sə Kweɗek mə nda i bəreŋgehe əŋ talaŋ təheni. Abə dawaŋ ta izey, hi mbaɗ za əŋ hedi mə ɗal sedewe na iyi əŋ Urusalima, əŋ hayak tə Yahudiya iyi fuk abə əŋ hayak tə Samariya iyi, ha əŋ maɗ ma tə məŋhayak fuk#1:8 Matta 28:19; Markus 16:15; Luka 24:47-48..» 9Abə dawaŋ tə Yesu kəcukwaɗ za ley zlap ma iyi wa, a gar ŋga əŋ wuzlaf, hedi tə a namba iyi i kəgəru ha mekwetene a surutu, i limʉ səku ba#1:9 Markus 16:19; Luka 24:50-51.. 10Əŋ tata i kəgər nje əŋ wuzlaf baha, əŋ lay Yesu mə nda seh, mbehmbeh mba, hedi iyi bək aka abə rukut sə kweɗek i mə geri a kelek tata, 11ɓa, i zlapaŋta əŋ mələɓ iyi sey, i zla: «Heni lə Galili iyi, heni mə nji a nawa ley gər nje əŋ wuzlaf seh məŋgəvday a mey? Yesu mə gar ŋga əŋ faŋw təheni əŋ wuzlaf wa, a ziŋgehe za mənaŋ heni mə limʉ mbiŋ mə nda ŋga əŋ wuzlaf wa.»
I may Mattiyas a lay tə Yahuda Iskariyawt
12Abə dawaŋ ta, mələɓ tə Yesu iyi i bəreŋgehe a wuzum, i mə ɗafaŋ ma wuzum tə Jaytun iyi, i ziŋ tata əŋ Urusalima, wuzum ta guduk halla, a ɗal mbeh kwata kilewmetir ntaɗ dap#1:12 Markus 11:1.. 13Əŋ tata i mə gwaraha əŋ Urusalima seh, i tap əŋ biŋ tə a talaŋ biŋ, əŋ lay kə jam talaŋ tata mənaŋ vah hwayhway. Ar Piyer, Yahwana, Yakuba, Andəre, Filip, Tawmas, Bartawlawme, Matta, Yakuba mbu tə Alfa, Simaŋw, hedi mə mba hayak ŋga liŋ Yahuda mbu tə Yakuba#1:13 Matta 10:2-4; Markus 3:16-19; Luka 6:14-16.. 14Tata fuk wulək tata ntaɗ, i jam ley ɗalaŋ mbuh əŋ Bizlaf abə nəf ntaɗ. Abə tata, wala iyi par aka, Mariyama mama tə Yesu liŋ abə zliŋgeŋ tə Yesu iyi.
15Waŋ ntaɗ əŋ waŋ iyi tə mba, hedi makuw ma iyi makwas tə a lay ta i ɗal mbeh kwata temere abə ndəra bək. Piyer a gar əŋ faŋw tata, a zlapaŋta, a zla: 16«Zliŋmana iyi, a kəlim seh, ma Mimiɗ sə Kweɗek mə giz tə əŋ Ɗerewel tə Bizlaf abə ma tə Dawuda tə a talaŋ Yahuda wa seh mə ɗal. Yahuda wa, mbiŋ mə nda i ŋgaslaha hedi iyi ley məl Yesu#1:16 Jabura 41:10.. 17Yahuda wa, kəmbaɗ za əŋ hedi ntaɗ tə əŋ faŋw tini, məŋgəvday i kəmayza za ley ɗal kəzəɗ mənaŋ nini bahayim. 18Yahuda sey, a səkəm lay abə dala mbiŋ mə lim tə abə kəzəɗ ŋga madawar ta. Əŋ lay ŋga ta, a ndəv, dəməs ŋga a ŋgwahak, wʉnjiɗ ŋga sukutuf! a palah. 19Hedi tə Urusalima iyi fuk i zlim ma ta. Məŋgəvday a ɗek, i ɗafaŋ ma əŋ lay ta “Hakeldama”, mənaŋ zlap ta seh, “lay tə məmbəz.#1:19 Matta 27:3-8.”» 20Piyer a zlap baha, a zla: «Mə wuzleli əŋ Ɗerewel tə Jabura:
“Ge ŋga mə mbaɗ əŋ ŋgifiɗ,
hedi mə mba i nja a ɗəməŋ səku.”
Mawuzlel a kəzlap baha, a zla:
“Sey hedi par a ɓət lay tə kəzəɗ ŋga.#1:20 Jabura 69:26; 109:8.”
21-22«A kəlim seh, hedi ntaɗ a jamaha əŋ talaŋ takwa ley ɗal sedewe a talaŋ gar tə Bay Bayta Yesu əŋ wuzlaf. Sey hedi ntaɗ tə əŋ faŋw tə hedi mə ziberenakwa iyi hwayhway əŋ pek takwa tə abə Bay Bayta Yesu əŋ hayak wa, mar əŋ hala ta mba, əŋ Yahwana mə ɗalaŋ batem, ha əŋ pis mbiŋ mə gar ŋga əŋ wuzlaf.#1:21-22 Matta 3:16; Markus 1:9; Luka 3:21.»
23Abə dawaŋ ta izey, i daha miya tə hedi iyi bək, ar Yusufa, i mə ɗafaŋ ma Barsabbas, i mə ɗiyaŋ miya baha, Yustus abə Mattiyas. 24Ɓa, hedi majam iyi sey, i ɗal mbuh mənaŋ wa, i zla: «Waa Bay Bayta Bizlaf, hwa hedi mə səŋ nəf tə hedi iyi fuk, gizenini hedi ntaɗ əŋ faŋw tə hedi sə bək iyi wa, hwa mə may 25ley ɗal kəzəɗ tə mələɓ, ley nja a lay tə Yahuda mə yaku ley nda ŋga əŋ lay mbiŋ mə may wa.» 26Abə dawaŋ ta, i ɗal kurwu amba ley may miya ntaɗ əŋ faŋw tə miya sə bək iyi wa. Kurwu ta a ndəv a talaŋ Mattiyas, ɓa, a ndaha ley jam a talaŋ mələɓ iyi wam a meɗek ntaɗ iyi sey.
ទើបបានជ្រើសរើសហើយ៖
Kəzəɗ tə Mələɓ iyi 1: xmd
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Kəzəɗ tə Mələɓ iyi 1
1
Mələɓ iyi i lim Mimiɗ sə Kweɗek za
1Waa Teyawfilus,
Əŋ ɗerewel na titʉz#1:1 Luka 1:1-4. seh, sa kəgiz kəzəɗ Yesu mə ɗal iyi wa fuk za abə sərək ŋga iyi mar tə əŋ mar ta, 2ha əŋ pis mbiŋ mə gar ŋga əŋ wuzlaf. Mar mbiŋ kəgar ŋga halla ndagwa seh, kəvəl sərək ŋga iyi za abə fagay tə Mimiɗ sə Kweɗek əŋ hedi iyi mbiŋ mə mayta mənaŋ mələɓ iyi. 3Abə dawaŋ tə tuwah mbiŋ mə sa ha əŋ məc ŋga, ar əŋ mələɓ iyi ta, a gizeŋta wucum abə ley gizeŋta məsəkəŋ iyi par par məndiwiŋ mbiŋ mbə abə nje. Əŋ waŋ ndəra nfaɗ mbə abə tata, a kəzlapaŋta ma tə Bay tə Bizlaf. 4Əŋ pis məzəwindi aka, Yesu a kəzəm wuda abə tata, a ŋgəzta, a zla: «Hi mba i nda guduk abə Urusalima səku, ama heni gəbar məsəkəŋ Baba mə nda i vəlaheni mənaŋ sa mə gizeheni#1:4 Luka 24:49. sey. 5Yahwana a ɗalaŋta batem əŋ hedi iyi abə yim, ama heni seh, əŋ waŋ iyi kʉsit, heni lim batem za abə Mimiɗ sə Kweɗek#1:5 Matta 3:11; Markus 1:8; Luka 3:16; Yahwana 1:33..»
Yesu a gar ŋga əŋ wuzlaf
6Mələɓ iyi i kəkwas za a kelek Yesu, i ɗəpu, i zla: «Bay Bayta, ar əŋ hala wa hwa mə nda i ɗiy bay tə əŋ hayak tə Israyila vaw#1:6 Amaws 9:11-12; Luka 19:11.?» 7Yesu a ziŋgeŋta zlap, a zla: «Ma təheni ley səŋ pis ta, aka səku əŋ hala ta mə nda i gwaraha seh halla, məŋgəvday Baba na kəɗiyta cuza abə fagay ŋga#1:7 Markus 13:32.. 8Ama heni lim fagay za əŋ Mimiɗ sə Kweɗek mə nda i bəreŋgehe əŋ talaŋ təheni. Abə dawaŋ ta izey, hi mbaɗ za əŋ hedi mə ɗal sedewe na iyi əŋ Urusalima, əŋ hayak tə Yahudiya iyi fuk abə əŋ hayak tə Samariya iyi, ha əŋ maɗ ma tə məŋhayak fuk#1:8 Matta 28:19; Markus 16:15; Luka 24:47-48..» 9Abə dawaŋ tə Yesu kəcukwaɗ za ley zlap ma iyi wa, a gar ŋga əŋ wuzlaf, hedi tə a namba iyi i kəgəru ha mekwetene a surutu, i limʉ səku ba#1:9 Markus 16:19; Luka 24:50-51.. 10Əŋ tata i kəgər nje əŋ wuzlaf baha, əŋ lay Yesu mə nda seh, mbehmbeh mba, hedi iyi bək aka abə rukut sə kweɗek i mə geri a kelek tata, 11ɓa, i zlapaŋta əŋ mələɓ iyi sey, i zla: «Heni lə Galili iyi, heni mə nji a nawa ley gər nje əŋ wuzlaf seh məŋgəvday a mey? Yesu mə gar ŋga əŋ faŋw təheni əŋ wuzlaf wa, a ziŋgehe za mənaŋ heni mə limʉ mbiŋ mə nda ŋga əŋ wuzlaf wa.»
I may Mattiyas a lay tə Yahuda Iskariyawt
12Abə dawaŋ ta, mələɓ tə Yesu iyi i bəreŋgehe a wuzum, i mə ɗafaŋ ma wuzum tə Jaytun iyi, i ziŋ tata əŋ Urusalima, wuzum ta guduk halla, a ɗal mbeh kwata kilewmetir ntaɗ dap#1:12 Markus 11:1.. 13Əŋ tata i mə gwaraha əŋ Urusalima seh, i tap əŋ biŋ tə a talaŋ biŋ, əŋ lay kə jam talaŋ tata mənaŋ vah hwayhway. Ar Piyer, Yahwana, Yakuba, Andəre, Filip, Tawmas, Bartawlawme, Matta, Yakuba mbu tə Alfa, Simaŋw, hedi mə mba hayak ŋga liŋ Yahuda mbu tə Yakuba#1:13 Matta 10:2-4; Markus 3:16-19; Luka 6:14-16.. 14Tata fuk wulək tata ntaɗ, i jam ley ɗalaŋ mbuh əŋ Bizlaf abə nəf ntaɗ. Abə tata, wala iyi par aka, Mariyama mama tə Yesu liŋ abə zliŋgeŋ tə Yesu iyi.
15Waŋ ntaɗ əŋ waŋ iyi tə mba, hedi makuw ma iyi makwas tə a lay ta i ɗal mbeh kwata temere abə ndəra bək. Piyer a gar əŋ faŋw tata, a zlapaŋta, a zla: 16«Zliŋmana iyi, a kəlim seh, ma Mimiɗ sə Kweɗek mə giz tə əŋ Ɗerewel tə Bizlaf abə ma tə Dawuda tə a talaŋ Yahuda wa seh mə ɗal. Yahuda wa, mbiŋ mə nda i ŋgaslaha hedi iyi ley məl Yesu#1:16 Jabura 41:10.. 17Yahuda wa, kəmbaɗ za əŋ hedi ntaɗ tə əŋ faŋw tini, məŋgəvday i kəmayza za ley ɗal kəzəɗ mənaŋ nini bahayim. 18Yahuda sey, a səkəm lay abə dala mbiŋ mə lim tə abə kəzəɗ ŋga madawar ta. Əŋ lay ŋga ta, a ndəv, dəməs ŋga a ŋgwahak, wʉnjiɗ ŋga sukutuf! a palah. 19Hedi tə Urusalima iyi fuk i zlim ma ta. Məŋgəvday a ɗek, i ɗafaŋ ma əŋ lay ta “Hakeldama”, mənaŋ zlap ta seh, “lay tə məmbəz.#1:19 Matta 27:3-8.”» 20Piyer a zlap baha, a zla: «Mə wuzleli əŋ Ɗerewel tə Jabura:
“Ge ŋga mə mbaɗ əŋ ŋgifiɗ,
hedi mə mba i nja a ɗəməŋ səku.”
Mawuzlel a kəzlap baha, a zla:
“Sey hedi par a ɓət lay tə kəzəɗ ŋga.#1:20 Jabura 69:26; 109:8.”
21-22«A kəlim seh, hedi ntaɗ a jamaha əŋ talaŋ takwa ley ɗal sedewe a talaŋ gar tə Bay Bayta Yesu əŋ wuzlaf. Sey hedi ntaɗ tə əŋ faŋw tə hedi mə ziberenakwa iyi hwayhway əŋ pek takwa tə abə Bay Bayta Yesu əŋ hayak wa, mar əŋ hala ta mba, əŋ Yahwana mə ɗalaŋ batem, ha əŋ pis mbiŋ mə gar ŋga əŋ wuzlaf.#1:21-22 Matta 3:16; Markus 1:9; Luka 3:21.»
23Abə dawaŋ ta izey, i daha miya tə hedi iyi bək, ar Yusufa, i mə ɗafaŋ ma Barsabbas, i mə ɗiyaŋ miya baha, Yustus abə Mattiyas. 24Ɓa, hedi majam iyi sey, i ɗal mbuh mənaŋ wa, i zla: «Waa Bay Bayta Bizlaf, hwa hedi mə səŋ nəf tə hedi iyi fuk, gizenini hedi ntaɗ əŋ faŋw tə hedi sə bək iyi wa, hwa mə may 25ley ɗal kəzəɗ tə mələɓ, ley nja a lay tə Yahuda mə yaku ley nda ŋga əŋ lay mbiŋ mə may wa.» 26Abə dawaŋ ta, i ɗal kurwu amba ley may miya ntaɗ əŋ faŋw tə miya sə bək iyi wa. Kurwu ta a ndəv a talaŋ Mattiyas, ɓa, a ndaha ley jam a talaŋ mələɓ iyi wam a meɗek ntaɗ iyi sey.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល