Kəzəɗ tə Mələɓ iyi 13
13
I ləɓ Barnabas abə Sawl əŋ Antakiya
1Əŋ jam talaŋ tə hedi makuw ma iyi tə əŋ Antakiya, hedi mə giz ma abə miya tə Bizlaf iyi aka abə hedi mə sərək hedi iyi, ar seh: Barnabas, Simeyaŋw i mə ɗafaŋ ma hedi sə dəgənak, Lusiyus lə Sirene, Manahen, i gəl abə Hirudus Antipas a lay ta liŋ Sawl#13:1 Luka 3:1.. 2Əŋ pis məzəwindi aka, əŋ tata i kədar malakw əŋ Bay Bayta Bizlaf, i kəɗal dalyam, Mimiɗ sə Kweɗek a kəzlapaŋta, a zla: «Hi mayaka Barnabas abə Sawl ley ɗal kəzəɗ, sa mə ɗafaŋta ma wa.» 3Abə dawaŋ tə ley ɗal dalyam abə ley ɗal mbuh seh, i ɗiyaŋta ndəra a tata, ɓa i yakta i nda tata.
Barnabas abə Sawl i nda əŋ Kiprus
4Mənaŋ wa, Mimiɗ sə Kweɗek a ləɓ Barnabas abə Sawl, i nda əŋ Selewkiya, a namba, i tap əŋ kambuwal ley nda əŋ hayak tə əŋ dəməs tə yim tə Kiprus. 5Əŋ tata i mə gwar əŋ Salamis, i giz ma tə Bizlaf əŋ biŋ iyi kə ɗal mbuh əŋ Bizlaf. Yahwana-Markus mbə abə tata ley tərta. 6I taŋ hayak tə əŋ dəməs tə yim ha əŋ Pafaws. A namba, i lim hedi mə ɗal mənjivek kə har hedi iyi, i mə ɗafaŋ ma Bar Yesu, ar lə Yahuda, a kəbərəsl ma, a kəzlap mbiŋ seh hedi mə giz ma abə miya tə Bizlaf. 7Mbiŋ maday tə Seregiyus Pulus, guverner tə hayak tə əŋ dəməs tə yim ta, ar hedi mə səŋ məsəkəŋ. A ɗafaŋta ma əŋ Barnabas abə Sawl, məŋgəvday a kəmba i zlim ma tə Bizlaf. 8Ama hedi mə ɗal məsəkəŋ tə abə mənjivek, Elimas ta seh, (ar miya ŋga tə abə ma Gərek) hedi ta kəkuw Barnabas abə Sawl seh halla, a kəpələk ley tak guverner ley kuw ma. 9Abə dawaŋ ta izey, Sawl, i mə ɗafaŋ ma Pawl, hedi magwaɗ tə abə Mimiɗ sə Kweɗek, a gər hedi mə ɗal məsəkəŋ tə abə mənjivek sey əŋ nje. 10Ɓa, a zlapaŋgu, a zla: «Mbu tə Iblisa! Hwa abə bərəsl ma mbeh səku liŋ bəlhwaɗay, hwa məsəgər tə məsəkəŋ səntaŋ iyi fuk. Ha a pipey hwa nda i yak ley gay kəzəɗ tə Bay Bayta Bizlaf sə delele iyi wa? 11Mənjawa, teh zləm lawlaw: Bay Bayta a tawah za: Hwa mbaɗ za əŋ hedi wuluf, hwa lim waɗ tə pis halla ha nja mbizek.» Mbehmbeh mba, nje tə Elimas a wuluf, mbə əŋ ləvəŋ, a kətewer kwa əŋ lay vitikey fuk, a kəpələk hedi ley məlaŋ ndəra ley ŋgaslu. 12Əŋ guverner mə gər məsəkəŋ mataŋ ta seh, a mbaɗ ŋga əŋ hedi mə kuw ma, məŋgəvday kəhar za a talaŋ sərək tə Bay Bayta.
Pawl abə Barnabas i kəgiz ma tə Bizlaf əŋ Antakiya əŋ hayak tə Pisidiya
13Pawl abə hedi tə abə mbiŋ iyi i təɗ əŋ kambuwal əŋ Pafaws, i nda tata əŋ Perge əŋ hayak tə Pamfiliya. Ama Yahwana-Markus a yakta, a ziŋ ŋga əŋ Urusalima. 14Tata bahayim i gar a Perge, i nda əŋ Antakiya əŋ hayak tə Pisidiya. Əŋ pis kə yip, i təɗ əŋ biŋ kə ɗal mbuh əŋ Bizlaf, i nja. 15Abə dawaŋ tə ley jeŋge Ɗerewel tə ma majaw tə Musa abə tə hedi mə giz ma abə miya tə Bizlaf iyi, talaŋ habay iyi tə əŋ biŋ kə ɗal mbuh əŋ Bizlaf, i ləɓ hedi əŋ kelek Pawl abə Barnabas, i zla: «Zliŋmana iyi, heni abə zlap ley zlapaŋta əŋ hedi tə əŋ jam talaŋ iyi wa ley vəlaŋta fagay aka vaw? Hi zlap izey.» 16Pawl a gar, a kaf ndəra ŋga, a zla: «Israyila iyi abə heni hedi mə ləndəŋ Bizlaf iyi, hi teheke zləm! 17Bizlaf tə hedi takwa tə Israyila iyi, kəmay dide tə dide takwa iyi za. Kəgəlta za əŋ tata i mbə əŋ hayak tə hedi madaway iyi, a Misra. Abə dawaŋ ta, a təɗahata a Misra abə fagay ŋga səndawl. 18A kəgəraŋta nje a talaŋ a ɗal mbeh kwata va ndəra nfaɗ əŋ təp damu. 19Abə dawaŋ tə mbiŋ mə cukwaɗ ntaŋw tə hedi iyi dʉsəlʉɗ əŋ hayak tə Kanana, ɓa, a vəlaŋta hayak ta əŋ hedi ŋga iyi. 20Əŋ məsəkəŋ ta mə ɗal iyi wa fuk, a ɗal mbeh kwata va temere nfaɗ abə ndəra juɓum. Abə dawaŋ tə wa, a may hedi dakayta iyi tə əŋ faŋw tə dide tə dide takwa iyi ley mbaɗ əŋ hedi mə mbəzl ma iyi. A gwar ha əŋ va tə Samʉyila#13:20 1 Samʉyila 3:20. hedi mə giz ma abə miya tə Bizlaf. 21Abə dawaŋ ta izey, i ɗəp bay, Bizlaf a vəlaŋta Sawl, mbu tə Kis, hedi tə əŋ ntaŋw tə Benyamin, kəzəm bay va ndəra nfaɗ. 22Abə dawaŋ tə Bizlaf mə cakw Sawl əŋ bay seh, a ɗiyaŋta Dawuda əŋ bay. Ehe, Bizlaf mə zlap tə a talaŋ ŋga, a zla: “Dawuda, mbu tə Yessa, kəŋgəmaka za, a ɗal məsəkəŋ sa mə mba fuk za#13:22 1 Samʉyila 8:5, 19; 10:21; 13:14; 16:12; Jabura 89:21..” 23Mənaŋ Bizlaf mə zlapaŋta əŋ hedi tə əŋ Israyila iyi, a vəlaŋta hedi mə reh hedi iyi za. Ar Yesu, hedi tə əŋ ntaŋw tə Dawuda. 24Mar əŋ Yesu kəndaha halla ndagwa seh, Yahwana a kəgiz Labara Səntaŋ Lawayaŋ əŋ hedi tə əŋ Israyila iyi fuk ley buw nja tata, i kuw ley ɗal batem#13:24 Markus 1:4; Luka 3:3.. 25Əŋ Yahwana mbeh kwata ley cukwaɗ kəzəɗ ŋga seh, a zlapaŋta əŋ hedi iyi: “Hi cek seh, sa seh viyey? Sa Almasihu səku. A ndaha za abə dawaŋ na, sa kəhwas ley pəl serek tə kərap ŋga halla#13:25 Yahwana 1:20; Matta 3:11; Markus 1:7; Luka 3:16; Yahwana 1:27..”»
26Pawl a zlapaŋta baha, a zla: «Waa zliŋmana iyi, heni mambuwaha tə əŋ ntaŋw tə Ibrahima iyi, heni hedi mə səŋ səndawl tə Bizlaf iyi, ar əŋ nakwa Bizlaf mə ləɓaha labara kə reh hedi iyi wa. 27Ama, hedi tə Urusalima iyi abə talaŋ habay tata iyi i kəsəŋ Yesu, ar seh viyey seh halla, i kəsəŋ zlap tə hedi mə giz ma abə miya tə Bizlaf iyi i mə giz a vah ta, a vah ta əŋ pis kə yip seh halla. Abə mbiŋ ta fuk, i kəɗal ma tə hedi mə giz ma abə miya tə Bizlaf iyi za, abə ley mbəzlaŋ ma a talaŋ Yesu. 28Kwa i kəlim ma ntaɗ ley vəlaŋ hem amba ley jaza seh halla, ama i rək Pilatu amba ley ju. 29Abə dawaŋ tə i mə cukwaɗ ley ɗal ma mawuzlel mə zlap tə a ɗek sey kwata, i bəreŋgehew a mpay mazlaŋgal, ɓa, i ɗiyu əŋ jiɓ#13:29 Matta 27:22-23, 57-61; Markus 15:13-14, 42-47; Luka 23:21-23, 50-56; Yahwana 19:15, 38, 42.. 30Ama Bizlaf a garahaw əŋ faŋw tə hedi maməc iyi. 31Əŋ waŋ iyi mbeh səku, Yesu kəgizeŋta wucum za əŋ hedi mə ndaha tə abə mbiŋ iyi mar tə əŋ Galili ha əŋ Urusalima. Mənjawa, tata i kəmbaɗ za əŋ sedewe ŋga iyi a ma tə hedi tə əŋ Israyila iyi. 32Nini bahayim, nini daheni Labara Səntaŋ Lawayaŋ wa: məsəkəŋ Bizlaf mə zlap a vəlaŋta za əŋ dide tə dide takwa iyi sey, 33kəɗal məsəkəŋ ta za məŋgəvday nakwa, nakwa wuziyi tata iyi, abə ley garaha Yesu mar tə əŋ faŋw tə hedi maməc iyi, mənaŋ ma mawuzlel tə əŋ Ɗerewel tə dərif tə Jabura bək:
“Hwa seh, hwa mbu na,
eci, sa kəmbuwah za.”
34«Bizlaf kəzlap za, a garahaza za mar tə əŋ faŋw tə hedi maməc iyi, wucum ŋga a mba i hərəɗa a jiɓ səku, mənaŋ mbiŋ mə zlap, a zla:
“Sa pireheni ma za abə pir ma sə kweɗek, məndiwiŋ,
mənaŋ sa mə zlapaŋ əŋ Dawuda sa vəlaŋ za wa.”
35«Məŋgəvday a ɗek, Dawuda a zlap əŋ lay məzəwindi baha, a zla:
“Hwa yak wucum tə mbu təkwa sə delele a hərəɗ halla#13:35 Jabura 2:7; Esaya 55:3; Jabura 16:10..”»
36Dawuda seh, mbiŋ kəɗal kəzəɗ za əŋ Bizlaf əŋ nja ŋga, ɓa, a məc ŋga, i kəpəsza za a kelek dide tə dide ŋga iyi, kəhərəɗ za#13:36 1 Bay iyi 2:10.. 37Ama hedi Bizlaf mə garahaw əŋ faŋw tə hedi maməc iyi seh, kəhərəɗa halla. 38Zliŋmana iyi, sey hi səŋ ka: Ar kəɗi əŋ Yesu i kəgizeheni baŋ tə hem təheni iyi za. Ma majaw tə Musa a gula i pəlaheni halla. 39Kəɗi a mbiŋ hedi makuw ma ŋga iyi fuk, i kəreh za. 40Hi sla wucum lawlaw, məsəkəŋ hedi mə giz ma abə miya tə Bizlaf iyi i mə zlap wa, a mba i limeheni səku:
41«“Hi gəru, heni, hedi mə hav talaŋ iyi, hi har, hi kuɗəp! Məŋgəvday sa ɗal məsəkəŋ za əŋ heni mbə abə nje,
ar məsəkəŋ heni mə nda i kuw səku, kwa əŋgah hedi a kəgizeheni labara ta za.”»
42Əŋ Pawl abə Barnabas i kətəɗaha əŋ biŋ kə ɗal mbuh əŋ Bizlaf, hedi iyi i rəkta, i mə ziŋgehe əŋ pis kə yip mə nda i ndaha baha, amba ley zlap a talaŋ ma ta wa baha. 43Abə dawaŋ tə jam talaŋ seh, Yahuda iyi mbeh səku abə hedi madaway mə waŋgaŋ talaŋ əŋ ma majaw tə Musa iyi, i kəziber Pawl abə Barnabas. Pawl abə Barnabas ta, i kəzlapaŋta, i kəvəlaŋta fagay ley ɗiy wulək tata fuk a səntaŋ tə Bizlaf.
44Əŋ pis kə yip par mə gwaraha seh, hedi iyi mbeh səku tə əŋ berne iyi i kəndaha za ley zlim ma tə Bay Bayta Bizlaf. 45Əŋ Yahuda iyi i mə gər hedi makwas iyi mbeh səku seh, i ɗal sərah, i kəmba zlap tə Pawl səku, i ru. 46Pawl abə Barnabas i zlapaŋta abə ləndəŋ səku, i zla: «Ar əŋ heni, i gizeheni ma tə Bizlaf za ndagwa. Ama heni kəmba ley kuw ma ta səku wa seh, hi cek seh Bay tə Bizlaf wa seh, ar tə təheni səku, nini yakaheni za, nini nda tini əŋ kelek hedi Yahuda iyi səku. 47Məŋgəvday ar ma majaw Bay Bayta mə zlapanakwa, a zla:
“Sa kəɗiyah za mənaŋ lay mawaɗ əŋ hedi iyi,
amba hwa dahaŋta reh əŋ hedi iyi,
ha əŋ meɗek tə məŋhayak#13:47 Esaya 49:6.!”»
48Əŋ hedi Yahuda iyi səku i mə zlim ma wa seh, i kəsəsəm za mbeh səku, ɓa, i həmən zlap tə Bay Bayta Bizlaf. Abə dawaŋ ta, hedi Bizlaf mə may ley lim mədəŋcur mə cukwaɗ səku iyi fuk, i kəkuw ma za. 49Zlap tə Bay Bayta Bizlaf kəwʉweɗ za kwa a tikey əŋ berne sə mbehmbeh iyi ta. 50Ama talaŋ habay tə Yahuda iyi i kəgaɗ wala tə abə məsəkəŋ mə daraŋ malakw əŋ Bizlaf iyi#13:50 Yahwana 1:19. liŋ gula tə bay tə əŋ berne iyi ta ley ɗal jəm. I kəzləŋgaŋta takwaŋ əŋ Pawl abə Barnabas, ɓa, i gamta əŋ hayak tata. 51Pawl abə Barnabas ta, i kəmbiceŋta luguda tə a ŋgas tata iyi#13:51 Markus 6:11. a talaŋ hedi iyi ta. Ɓa, i nda tata əŋ Ikwaniya. 52Ama əŋ Antakiya, hedi mə ziber kataf tə Yesu iyi seh, i mə gweɗi abə səsəm mbeh səku liŋ abə Mimiɗ sə Kweɗek.
ទើបបានជ្រើសរើសហើយ៖
Kəzəɗ tə Mələɓ iyi 13: xmd
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
