Lúkasa 7
7
Giondi gá ɔgɔn wa musia
(Mat 8.5-13; Sáŋ 4.46-54)
1Yésu máal úmáman guɔyɔɔn band gugál uguány, uwɔb agá tísɔn wa Kafɛlɛnahúm. 2Mɔnd wa lɔ́m omodió, ɔgɔn wa musia nɔgɔn mabá kɔ́. Umabiánán eŋél buol waga uméemény gúbíléne. Eŋél buol uwaány mabá unúma, uganyɛ egúy na nigú. 3Anɛ́ ɔgɔn uwaány mɔ́ɔb band ɔ́yɔ ká Yésu guéŋúgenyinyi, uwobísógólidi gɛdam gá bagɔn bá Beyúdɛn ká báb guɔyɛ́dɛ́n Yésu ká úsiéŋúgí eŋél buol waga. 4Beyúdɛn abaány máal na guege aga Yésu, ebédúm gubísógólonyi wɔ́, bɔ́yɔ gág ká: «Mɔnd uwaány gúsɛgɛmanan na gidúgune gɔ́w. 5Gágual ká ugúdíbíléne basuá Beyúdɛn giod, umadɛ́fuágɛ́n gians gá mbísógól.» 6Abádɔ́mb na Yésu. Bámáal bágányɛ béguege agá nuyá, ɔgɔn wá musia gɔdɔ́m begúl bág ká bɔ́siɔyɛ́dɛ́n Yésu ká: «Ɔgúnɔ́, adiánd gúbísésidenyi, gágual ká ndɛbá agá edény ká ébíŋín agamia. 7Buád buanda nságuán yaŋuá muát ká, ndiíl ɔgɔ́w góbusió; ta anaány, ɔyɛ́d buóny táŋ búmoom, eŋél buol wám éŋúg. 8Nguɔ́yɔ anaány gágual ká yaŋuá muát inyɛ na bagɔn, ngúbianan ká yála bɔ́ nŋɔ́bɛnɔ, yond sɔ́n mbianan musia múbiananá ká múŋala nŋɔ́bɛnɔ. Mmaál gá wádia ká: “Mbɛ!” Wɔb. Mmaál góndodió: “Ólo!” Wuúl; mmánd gual gá eŋél buol wam ká: “Alá ebue” wal gual.» 9Yésu máal na guɔ́b gugál uguány, uweméŋeméŋ giod; uwabɛguagalɛd giŋi gá band gímáaládán wɔ́ uganyɛ ká: «Agá meliŋítas, mmányɛ ndián nɛnama na giondiɔdɛ́mɔ́ egie, ta agá gadágadá wa baan bá Ísalayɛ́la.» 10Begúl bág máal na guond agá nuyá, ɔbɔ́fuɔgɛn eŋél buol wá mɔnd uwaány mámán guéŋúg.
Yésu menyúgí gɛndɔmbuɔ́ gá mɔnd agá tísɔn wá Nayín
11Mémbelibéli, Yésu gɔb agá tísɔn unyá ɔfɛ́n ká Nayín. Bámabá ɔlɔŋ na bafɔ́nɔfɔ́n bág, gianta gá giŋi gá band ládan bɔ́. 12Umáal uganyɛ egúy na nibíŋínin, gigúl igiány bámáabaán na gɛlɔŋ gá guonyó. Umabá mɔɔn táŋ omoom wa gisi gá agánd. Giod gá band bɔkɔ́m agány menédílígén gisi igiány. 13Yésu máal wánaan gɛ́, gɔsɔ́g uguádɛgɛn wɔ́. Uganyɛ gá gɛ́ ká: «Adiánd gɔ́baŋɛd.» 14Uwabɛ́sɛdɛn, uwɔ́ gubisíd gisimb; band bámáabɛ́dɔ́gaán gɛ́ ebédélímin; uwad guɔyɛdɛn giɔ́mfɔ gá mɔnd igiány ká: «mmaál gɔ́w ká anyɔ́g!» 15Gɛlɔŋ igiélukumin ɛgɛɛ́b gá gugálagál. Yésu guondinyi inyódió wɔ́. 16Gianta gá buwa igiádɛgɛn bɔ́ bem, ebédúm gugúmenyi Gɔdányá bɔ́yɔ ká: «Gianta gá ibús másiám agasuá, Gɔdányá moól gá gúdúgún gɛdɔŋ gág!» 17Agá giéns gá gus gidigid gá Yudé na agá masiá mág, Ɔbɔ́yɔ buanda Yésu máalá.
Na Yésu na Sáŋa Batísit
(Mat 11.2-6)
18Bafɔ́nɔfɔ́n bá Sáŋa máab guɔyɔɔ́n wɔ́ buanda gidigid búmáabɛ́dɔ́mbaán. Sáŋa gubɛ́lɛ́gɛn gɔg bafɔ́nɔfɔ́n bándɛ ɔgɔ́b gá ɔlɔŋ. 19Uwadɔ́m bɔ́ aga Ɔgúnɔ́ ká bófún wɔ́ ká: «Anyɛ “Kilíse ubianana ká wuúl” ɔ́gɔ́ ká digúbianan ká díbídenyi mɔnd ondodió?» 20Bámáan aga Yésu bágányɛ gág ká: «Sáŋa Batísite mádɛ́dɔ́m ká dísiguófún ká: “Anyɛ Kilíse unyá wuúl e? Ɔgɔ́ ká díbídenyi mɔnd ondodió e?”» 21Agá gɛsɛgɛl giád gímoom, Yésu uwéŋúgenyi band giod bámáanúmá, na bámáabá bigónd, na bámáabiánán biád bá bíliíndié, uwond uwal ká bebúdebude giod ánaan. 22Uwad guondinyi band bá Sáŋa ká: «Ánɔ́b nuɔ́yɔ́n Sáŋa buanda númánuán numónd numɔɔ́b: Bebúdebude guánan, bigónd ánda, beŋúnuŋún basɔgɔ́nán, beduédue ɔ́bɔɔn, beguén bányɔgan. Basɔ́gasɔga ɔbɔ́bɛ́dɔ́lɛ́gɔn ndág ya nsɔ́m. 23Bese na ewe ugenuén udɛtɛ́n guádáb gág gám góbusió.»
Yésu guɔ́yɔ buanda ubú Sáŋa nyá
(Mat 11.7-11)
24Band ɔbɔ́ Sáŋa máadɔ́m máal bámáadɔ́mb, Yésu gudúm guɔyɔɔn giŋi gá band manda mábɛ́lɛ́ŋaná Sáŋa, uganyɛ ká: «Núgɔb agá gɛsɛɛ́sɛ gá gualɛ́ŋa giág? Nubal unú ofufuny éyéné a? 25Giág gɔ́g nunyá gɔb gualɛ́ŋá e? Mɔnd na mɔnd uságubiágán bɛnɔg bá bɛla a? Ebe gɔg bányá na bɛla bá ɔfɛ́n, bɔ́sɔ́dɔnɔ́ gianta gá gusɔ́d gúlɔbɔɔn agá indáŋa sá befuŋ. 26Giág gɔg nunyá gɔb gualɛ́ŋá? Ibús yá Gɔdányá e? Ooo, ngúnuɔ́yɔn ká ugúdɔ́mban ibús yá Gɔdányá. 27Sáŋa nyɛ ewe inyɔ́ŋ ɔ́yɔnɔ́ gág góbusió ká: Ngesuŋinyi mɔnd na nsɔ́m, ugenúgúfunin nŋili. 28Uwɔ́yɛ́kɛnɛn uganyɛ ká: Ngúnuɔ́yɔn, mɔnd udúmbaná Sáŋa mabása udibíbién. Ta nɔ́, mɔnd unyá siɔdɛd agá Bufuŋ bá Gɔdányá gúdɔ́mban wɔ́.»
Gigólio gá Sáŋa Batísite
(Mat 11.16-19)
29Yésu uwɔb nobusió uganyɛ ká: «Band gidigid bá gɛdɔŋ, na bogól taás mɔbɛ́dɔ́lɛ́gɔɔ́n Sáŋa, abálɛns ká Gɔdányá nyɛ osi, Sáŋa uwedu bɔ́. 30Bafalisiɛ́ŋ na bóŋ bisele béméen gúbídu, águsáŋɔ́n gubílén gá Gɔdányá ɔgɔ́b gá giáy. 31Ngédi gɔg ányá na band bá nɔgɔndɔ́ enue? Bágúbɛ́fuáganan ányá oo? 32Bányɛ anyɛ bábayɔ bányá ilukié agá nionyi bɔ́yɔn bɔsɔ́gɔ́ ekelu magɔ́gɔ́n ká: “Gɛsɛgɛl basuá dɛsɔ́gunúdɔ́ŋɔɔn nselu, nudimébíne, dimɔ́dɔ́ŋɔ́ ɛsag sá nigú, banuá ta gubaŋɛd!”
33«Kányɛ gúnyɛ ká, Sáŋa Batísite móol, udimanyánan gɛnyɔka, udɛbúwánán magɛ́b, unuɔyɛd ká: “Unyɛ ɔgɔnɔ́gɔn.” 34Yaŋuá mɔɔn wá mɔnd nguúl, inyánan yond mbúwánan, unuɔ́yɔ ká: “Ánuáná, mɔnd ewe gúbɛ́dága gɔɔ́gɔ manyán na magɛ́b, unyɛ ogúl wa bogól taás na bafalafal.” 35Band gidigid gɔg bélumenyé nsiŋi ya Gɔdányá, gúlɛnsan ká iguála bese.»
Na Yésu na agánd wa bɛfal
36Falisiɛ́ŋ ondodi gubɛ́lɛ́gɛn Yésu gá unyɔ́. Uwɔ́ gɔb, ebédúm gunyánan. 37Bámáal bámáanyá gúnyánan, agánd omodió wa tísɔn uwaány uwámɛ́nɛn, umabá afalafal. Anɛ́ umɔ́ɔb ká Yésu nyɛ gá ɔnyɔ́ agá Falisiɛ́ŋ, uwuúl na ginɔ́g gá idógodóg ifuógón tás liéŋ na alabɛ́nda. 38Uwond agá gélem gá Yésu agá bigɔ́nd ubaŋa, unyumbigenyi bɛgɔnd bá Yésu na malɛlɛ mág. Agá gélem ány, uwofuóno bɛ́ na iŋíde ság, usɔ́sɔ bɛ́, uwefuénen bɛ́ alabɛ́nda.
39Mɔnd umáabɛ́lán Yésu gá ɔnyɔ́ máal wánaan anaány, uwɔbiɔ́yɛdɛn ɔwɔ́ muát ká: «Ímábá mɔnd ewe nyɛ ibús, gési ugagúlɛns ká agánd ubísídené wɔ́ nyɛ afalafal!» 40Yésu ganyɛ gá mɔnd uwaány ekelu magɔ́gɔ́n ká: «Símune, nnyɛ na buóny bá gúguɔyɛdɛn.» Uwondinyi ká: «Gálá Ɔgúnɔ́gɔn, ngúgubɛ́dɔ́lɛ́gɔn.» 41Yésu ganyɛ gág ká: «Mɔnd mobiólí band bándɛ muonyi, uwomoom, muonyi dɔgɔn dútaán, omodió etín ándɛ na duát. 42Anyɛ́ múmáayágán bɔ́ gusua, uwatɛ́nɛn bɔ́. Gá ugɔ́w, unúm wá band ebe bándɛ ugenúmény gubíléne mɔnd umáanɛ́nɛ́n bɔ́ e?» 43Símune guondinyi ká: «Ngúbɛ́dága ká sɔ́gɔ ɔwɔ́ umáanɛ́nɛ́n wɔ́ gianta gá ofin.» Yésu uwefelunyi ká: «Anyɛ na nɛɛm.»
44Yésu gubɛ́gɔ́ŋɔ́n giáy gá agánd, uganyɛ gá Símune ká: «Amaán agánd ewe e? Nsɔtɔ yiíl ɔgɔ́w gá gians, adimámfá madɛ́ga mágúbɛ́sɔ́gɛd bɛgɔnd; ɔwɔ́, umásɔgá bɛgɔnd bám na malɛlɛ mág, umónd umófuónó bɛ́ na iŋíde ság. 45Ɔdimɔ́ngɔ́l gɛsas ká óngóli, ɔwɔ́ gɔg, feké anyɛ́ uséguúl, unyɛ gumfɔ́lɔfɔlá gumfɔ́lɔfɔl bɛgɔnd na niíd nág. 46Ediménsugun manyaŋ agá ɔduɔ́. Ɔwɔ́ gɔg, uménsugún alabɛ́nda agám gá bɛgɔnd. 47Buád buanda nguɔyɔnɔ́ ká, gianta gá ɛlɛ́ga umánuala, gúdíyényi ká bɛfal bág bínyá giod ganyɛ bɛnɛ́nan. Kányɛ búnyá ká ewe bánɛnanɛná siɔdɛd gúbianan mɔɔn wa ɛlɛ́ga.» 48Uganyɛ sɔ́n gá agánd ká: «Bɛfal bɔ́w ganyɛ bɛnɛ́nan.»
49Band bámáanyánán ná Yésu ebédúm gubɛ́dága bɔ́yɔ ká: «Búnúm bɔbɔnd ebue? Ugúfɔ́fílɔ ká ugútɛ́nanɛn muát bɛfal!» 50Yésu ganyɛ gɔg gá agánd ká: «Giɔndi ɔdɛ́mɔ́ gɔ́w mógusódí, ɛmbɛ́ agá bumben.»
ទើបបានជ្រើសរើសហើយ៖
Lúkasa 7: MMU2
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lúkasa 7
7
Giondi gá ɔgɔn wa musia
(Mat 8.5-13; Sáŋ 4.46-54)
1Yésu máal úmáman guɔyɔɔn band gugál uguány, uwɔb agá tísɔn wa Kafɛlɛnahúm. 2Mɔnd wa lɔ́m omodió, ɔgɔn wa musia nɔgɔn mabá kɔ́. Umabiánán eŋél buol waga uméemény gúbíléne. Eŋél buol uwaány mabá unúma, uganyɛ egúy na nigú. 3Anɛ́ ɔgɔn uwaány mɔ́ɔb band ɔ́yɔ ká Yésu guéŋúgenyinyi, uwobísógólidi gɛdam gá bagɔn bá Beyúdɛn ká báb guɔyɛ́dɛ́n Yésu ká úsiéŋúgí eŋél buol waga. 4Beyúdɛn abaány máal na guege aga Yésu, ebédúm gubísógólonyi wɔ́, bɔ́yɔ gág ká: «Mɔnd uwaány gúsɛgɛmanan na gidúgune gɔ́w. 5Gágual ká ugúdíbíléne basuá Beyúdɛn giod, umadɛ́fuágɛ́n gians gá mbísógól.» 6Abádɔ́mb na Yésu. Bámáal bágányɛ béguege agá nuyá, ɔgɔn wá musia gɔdɔ́m begúl bág ká bɔ́siɔyɛ́dɛ́n Yésu ká: «Ɔgúnɔ́, adiánd gúbísésidenyi, gágual ká ndɛbá agá edény ká ébíŋín agamia. 7Buád buanda nságuán yaŋuá muát ká, ndiíl ɔgɔ́w góbusió; ta anaány, ɔyɛ́d buóny táŋ búmoom, eŋél buol wám éŋúg. 8Nguɔ́yɔ anaány gágual ká yaŋuá muát inyɛ na bagɔn, ngúbianan ká yála bɔ́ nŋɔ́bɛnɔ, yond sɔ́n mbianan musia múbiananá ká múŋala nŋɔ́bɛnɔ. Mmaál gá wádia ká: “Mbɛ!” Wɔb. Mmaál góndodió: “Ólo!” Wuúl; mmánd gual gá eŋél buol wam ká: “Alá ebue” wal gual.» 9Yésu máal na guɔ́b gugál uguány, uweméŋeméŋ giod; uwabɛguagalɛd giŋi gá band gímáaládán wɔ́ uganyɛ ká: «Agá meliŋítas, mmányɛ ndián nɛnama na giondiɔdɛ́mɔ́ egie, ta agá gadágadá wa baan bá Ísalayɛ́la.» 10Begúl bág máal na guond agá nuyá, ɔbɔ́fuɔgɛn eŋél buol wá mɔnd uwaány mámán guéŋúg.
Yésu menyúgí gɛndɔmbuɔ́ gá mɔnd agá tísɔn wá Nayín
11Mémbelibéli, Yésu gɔb agá tísɔn unyá ɔfɛ́n ká Nayín. Bámabá ɔlɔŋ na bafɔ́nɔfɔ́n bág, gianta gá giŋi gá band ládan bɔ́. 12Umáal uganyɛ egúy na nibíŋínin, gigúl igiány bámáabaán na gɛlɔŋ gá guonyó. Umabá mɔɔn táŋ omoom wa gisi gá agánd. Giod gá band bɔkɔ́m agány menédílígén gisi igiány. 13Yésu máal wánaan gɛ́, gɔsɔ́g uguádɛgɛn wɔ́. Uganyɛ gá gɛ́ ká: «Adiánd gɔ́baŋɛd.» 14Uwabɛ́sɛdɛn, uwɔ́ gubisíd gisimb; band bámáabɛ́dɔ́gaán gɛ́ ebédélímin; uwad guɔyɛdɛn giɔ́mfɔ gá mɔnd igiány ká: «mmaál gɔ́w ká anyɔ́g!» 15Gɛlɔŋ igiélukumin ɛgɛɛ́b gá gugálagál. Yésu guondinyi inyódió wɔ́. 16Gianta gá buwa igiádɛgɛn bɔ́ bem, ebédúm gugúmenyi Gɔdányá bɔ́yɔ ká: «Gianta gá ibús másiám agasuá, Gɔdányá moól gá gúdúgún gɛdɔŋ gág!» 17Agá giéns gá gus gidigid gá Yudé na agá masiá mág, Ɔbɔ́yɔ buanda Yésu máalá.
Na Yésu na Sáŋa Batísit
(Mat 11.2-6)
18Bafɔ́nɔfɔ́n bá Sáŋa máab guɔyɔɔ́n wɔ́ buanda gidigid búmáabɛ́dɔ́mbaán. Sáŋa gubɛ́lɛ́gɛn gɔg bafɔ́nɔfɔ́n bándɛ ɔgɔ́b gá ɔlɔŋ. 19Uwadɔ́m bɔ́ aga Ɔgúnɔ́ ká bófún wɔ́ ká: «Anyɛ “Kilíse ubianana ká wuúl” ɔ́gɔ́ ká digúbianan ká díbídenyi mɔnd ondodió?» 20Bámáan aga Yésu bágányɛ gág ká: «Sáŋa Batísite mádɛ́dɔ́m ká dísiguófún ká: “Anyɛ Kilíse unyá wuúl e? Ɔgɔ́ ká díbídenyi mɔnd ondodió e?”» 21Agá gɛsɛgɛl giád gímoom, Yésu uwéŋúgenyi band giod bámáanúmá, na bámáabá bigónd, na bámáabiánán biád bá bíliíndié, uwond uwal ká bebúdebude giod ánaan. 22Uwad guondinyi band bá Sáŋa ká: «Ánɔ́b nuɔ́yɔ́n Sáŋa buanda númánuán numónd numɔɔ́b: Bebúdebude guánan, bigónd ánda, beŋúnuŋún basɔgɔ́nán, beduédue ɔ́bɔɔn, beguén bányɔgan. Basɔ́gasɔga ɔbɔ́bɛ́dɔ́lɛ́gɔn ndág ya nsɔ́m. 23Bese na ewe ugenuén udɛtɛ́n guádáb gág gám góbusió.»
Yésu guɔ́yɔ buanda ubú Sáŋa nyá
(Mat 11.7-11)
24Band ɔbɔ́ Sáŋa máadɔ́m máal bámáadɔ́mb, Yésu gudúm guɔyɔɔn giŋi gá band manda mábɛ́lɛ́ŋaná Sáŋa, uganyɛ ká: «Núgɔb agá gɛsɛɛ́sɛ gá gualɛ́ŋa giág? Nubal unú ofufuny éyéné a? 25Giág gɔ́g nunyá gɔb gualɛ́ŋá e? Mɔnd na mɔnd uságubiágán bɛnɔg bá bɛla a? Ebe gɔg bányá na bɛla bá ɔfɛ́n, bɔ́sɔ́dɔnɔ́ gianta gá gusɔ́d gúlɔbɔɔn agá indáŋa sá befuŋ. 26Giág gɔg nunyá gɔb gualɛ́ŋá? Ibús yá Gɔdányá e? Ooo, ngúnuɔ́yɔn ká ugúdɔ́mban ibús yá Gɔdányá. 27Sáŋa nyɛ ewe inyɔ́ŋ ɔ́yɔnɔ́ gág góbusió ká: Ngesuŋinyi mɔnd na nsɔ́m, ugenúgúfunin nŋili. 28Uwɔ́yɛ́kɛnɛn uganyɛ ká: Ngúnuɔ́yɔn, mɔnd udúmbaná Sáŋa mabása udibíbién. Ta nɔ́, mɔnd unyá siɔdɛd agá Bufuŋ bá Gɔdányá gúdɔ́mban wɔ́.»
Gigólio gá Sáŋa Batísite
(Mat 11.16-19)
29Yésu uwɔb nobusió uganyɛ ká: «Band gidigid bá gɛdɔŋ, na bogól taás mɔbɛ́dɔ́lɛ́gɔɔ́n Sáŋa, abálɛns ká Gɔdányá nyɛ osi, Sáŋa uwedu bɔ́. 30Bafalisiɛ́ŋ na bóŋ bisele béméen gúbídu, águsáŋɔ́n gubílén gá Gɔdányá ɔgɔ́b gá giáy. 31Ngédi gɔg ányá na band bá nɔgɔndɔ́ enue? Bágúbɛ́fuáganan ányá oo? 32Bányɛ anyɛ bábayɔ bányá ilukié agá nionyi bɔ́yɔn bɔsɔ́gɔ́ ekelu magɔ́gɔ́n ká: “Gɛsɛgɛl basuá dɛsɔ́gunúdɔ́ŋɔɔn nselu, nudimébíne, dimɔ́dɔ́ŋɔ́ ɛsag sá nigú, banuá ta gubaŋɛd!”
33«Kányɛ gúnyɛ ká, Sáŋa Batísite móol, udimanyánan gɛnyɔka, udɛbúwánán magɛ́b, unuɔyɛd ká: “Unyɛ ɔgɔnɔ́gɔn.” 34Yaŋuá mɔɔn wá mɔnd nguúl, inyánan yond mbúwánan, unuɔ́yɔ ká: “Ánuáná, mɔnd ewe gúbɛ́dága gɔɔ́gɔ manyán na magɛ́b, unyɛ ogúl wa bogól taás na bafalafal.” 35Band gidigid gɔg bélumenyé nsiŋi ya Gɔdányá, gúlɛnsan ká iguála bese.»
Na Yésu na agánd wa bɛfal
36Falisiɛ́ŋ ondodi gubɛ́lɛ́gɛn Yésu gá unyɔ́. Uwɔ́ gɔb, ebédúm gunyánan. 37Bámáal bámáanyá gúnyánan, agánd omodió wa tísɔn uwaány uwámɛ́nɛn, umabá afalafal. Anɛ́ umɔ́ɔb ká Yésu nyɛ gá ɔnyɔ́ agá Falisiɛ́ŋ, uwuúl na ginɔ́g gá idógodóg ifuógón tás liéŋ na alabɛ́nda. 38Uwond agá gélem gá Yésu agá bigɔ́nd ubaŋa, unyumbigenyi bɛgɔnd bá Yésu na malɛlɛ mág. Agá gélem ány, uwofuóno bɛ́ na iŋíde ság, usɔ́sɔ bɛ́, uwefuénen bɛ́ alabɛ́nda.
39Mɔnd umáabɛ́lán Yésu gá ɔnyɔ́ máal wánaan anaány, uwɔbiɔ́yɛdɛn ɔwɔ́ muát ká: «Ímábá mɔnd ewe nyɛ ibús, gési ugagúlɛns ká agánd ubísídené wɔ́ nyɛ afalafal!» 40Yésu ganyɛ gá mɔnd uwaány ekelu magɔ́gɔ́n ká: «Símune, nnyɛ na buóny bá gúguɔyɛdɛn.» Uwondinyi ká: «Gálá Ɔgúnɔ́gɔn, ngúgubɛ́dɔ́lɛ́gɔn.» 41Yésu ganyɛ gág ká: «Mɔnd mobiólí band bándɛ muonyi, uwomoom, muonyi dɔgɔn dútaán, omodió etín ándɛ na duát. 42Anyɛ́ múmáayágán bɔ́ gusua, uwatɛ́nɛn bɔ́. Gá ugɔ́w, unúm wá band ebe bándɛ ugenúmény gubíléne mɔnd umáanɛ́nɛ́n bɔ́ e?» 43Símune guondinyi ká: «Ngúbɛ́dága ká sɔ́gɔ ɔwɔ́ umáanɛ́nɛ́n wɔ́ gianta gá ofin.» Yésu uwefelunyi ká: «Anyɛ na nɛɛm.»
44Yésu gubɛ́gɔ́ŋɔ́n giáy gá agánd, uganyɛ gá Símune ká: «Amaán agánd ewe e? Nsɔtɔ yiíl ɔgɔ́w gá gians, adimámfá madɛ́ga mágúbɛ́sɔ́gɛd bɛgɔnd; ɔwɔ́, umásɔgá bɛgɔnd bám na malɛlɛ mág, umónd umófuónó bɛ́ na iŋíde ság. 45Ɔdimɔ́ngɔ́l gɛsas ká óngóli, ɔwɔ́ gɔg, feké anyɛ́ uséguúl, unyɛ gumfɔ́lɔfɔlá gumfɔ́lɔfɔl bɛgɔnd na niíd nág. 46Ediménsugun manyaŋ agá ɔduɔ́. Ɔwɔ́ gɔg, uménsugún alabɛ́nda agám gá bɛgɔnd. 47Buád buanda nguɔyɔnɔ́ ká, gianta gá ɛlɛ́ga umánuala, gúdíyényi ká bɛfal bág bínyá giod ganyɛ bɛnɛ́nan. Kányɛ búnyá ká ewe bánɛnanɛná siɔdɛd gúbianan mɔɔn wa ɛlɛ́ga.» 48Uganyɛ sɔ́n gá agánd ká: «Bɛfal bɔ́w ganyɛ bɛnɛ́nan.»
49Band bámáanyánán ná Yésu ebédúm gubɛ́dága bɔ́yɔ ká: «Búnúm bɔbɔnd ebue? Ugúfɔ́fílɔ ká ugútɛ́nanɛn muát bɛfal!» 50Yésu ganyɛ gɔg gá agánd ká: «Giɔndi ɔdɛ́mɔ́ gɔ́w mógusódí, ɛmbɛ́ agá bumben.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល