Lúkasa 6
6
Yésu na Sábat
1Buɔ́s bá gudúkid bá Beyúdɛn búmodió bábɛ́laná ká Sábat, Yésu mandaán agá bisién bá manda anyɛ ndásia. Bafɔ́nɔfɔ́n bág ɔbɔ́lunɔ bifígíd bá ndásia, ebéfígíle sɛ́ agá ɛmbɔ́g, abányánan. 2Gɛdam gá Bafalisiɛ́ŋ ganyɛ ká: «Gá giag nualaná ɔbɔ́ bisele bás légené buɔ́s bá Sábat e?» 3Yésu guondinyi ká: «Nudimaban buanda Défide máal gɛsɛgɛl nsana máanúmá wɔ́ na band bág e? 4Umebíŋín agá gians gá Gɔdányá uwanyá bɛnyɔka bámáabiág Gɔdányá na bɛ́, uwéŋin sɔ́n band bámáabá naga. Nánié gɔɔ́gɔ bɔgɔ́gɔ bá Gɔdányá bámáabiánán bugaga bágúnyá bɛ́#6.4 Défide dɛmɔbɛ́gɔ́lɛ́n benyɔka, besigid bidug béméeŋín wɔ́. Alɛ́ŋɛ́d Sam 1.21; 2-7..» 5Uganyɛ gɔ́b sɔ́n ká: «Mɔɔn wá mɔnd nyɛ muát buɔ́s bá Sábat.»
Yésu méŋúgi mɔnd umáanúmá agá ɔmbɔ́g
(Mat 12.9-14; Mál 3.1-6)
6Búmodió buɔ́s bá Sábat, Yésu guand gubíŋín ɔgɔ́b gá gians gá mbísógól uwedúm gufúnyifunyi. Agá gians gɔ́b gá mbísógól igiány, mɔnd mába kɔ́ unúma buánana agá ɔmbɔ́g ɔnɛ́m. 7Bóŋ bisele na Bafalisiɛ́ŋ mobísónónyí Yésu gá guán ɔ́gɔ ugeguéŋúgi mɔnd buɔ́s bá Sábát ká bámbɛd nŋili ya gusɔ́mɛ́n wɔ́#6.7 Bágúamba gusɔ́mɛ́n Yésu gágual ká umeéŋúgi mɔnd buɔ́s bámáabá bádialá buól.. 8Anyɛ́ umálɛnsán ɛmbɛ́dágɛ́dɛ́n sɔ́b, Uganyɛ gá mɔnd umáanúmá ká: «Adɔ́g, édélímin aya gadágadá.» Mɔnd uwadɔg, uwedélímin. 9Yésu guad guófún bɔ́ ká: «Bisele bás gúdífánan bugaga ká diála bɔbɛ ɔ́gɔ ká bese buɔ́s bá Sábát e? Gúmén ká dísódonyi band e, ɔ́gɔ ká dínɛɛn bɔ́ bégué e?» 10Ewegéŋélidi bɔ́ na eŋís, Uganyɛ gá mɔnd uwaány ká: «Ganɔ́n ɔmbɔ́g wɔ́w!» Uwaganɔn ɔmbɔ́g wág, uwéŋúg. 11Bafalisiɛ́ŋ na bagɔn bá bisele bámáabá kɔ́ ɔbɔɔ́b gianta gá ilób, ebédúm gugála bɔ́bɔ́ na bɔ́bɔ́, bámba buanda bágual Yésu.
Gieyide gá bát na bándɛ
(Mat 5.1; 10.1-4; Mál 3.13-19)
12Mɔɔ́s mád, Yésu uwadad agá nɔgɔnd gá gubísógólonyi. Uwedúmbi budug gidigid gá gúbísógólonyi Gɔdányá. 13Kɔɔ́m máal na gubála, uwabɛ́lɛ́gɛn bafɔ́nɔfɔ́n bág, uweyid bát na bándɛ ɔgɔ́b gá ɔlɔŋ, uwéŋin bɔ́ ɔfɛ́n wá bedúmeb. 14Ɛfɛ́n sɔ́b esie: Uwalɔg Símune ká Piéle, endimen waga Andelé, Sáka, Sáŋa, Fílibe, Batelemí, 15Matáyoso, Tɔ́masia, Sáka mɔɔn wa Alafé, Símune umáabá unuana gág gá gɛdɔŋ, 16Yúdasa mɔɔn wa Sáka, na Yúdasa Ísíkalióto, ɔwɔ́ waád uganuándɛn Yésu ɛdɔg.
Yésu na giŋi gá band
(Mat 4.24-25; Mál 3.7-11)
17Anyɛ́ uméesém nɔgɔnd nɔbɔ, uwedélímin agá gɛlambɛlambiá#6.17 Bómodió guɔ́y ká gɛlámbasiá. gá kɔɔ́m. Giod gá bafɔ́nɔfɔ́n bág bómodió na gianta gá giŋi gá band mabá kɔ́. Bómóolónín agá giéns gá gus gá Yudé, tísɔn wá Yelúsalɛm, na agá bɔtísɔn bá Tíl na Sídɔŋ bányá giáy gá manáŋ abɔ́sa. 18Bómóoloón gá gúsibɛ́dɔ́lɛ́gɔɔ́n wɔ́, ká wónd wéŋúgenyi bɔ́; ebe bámábiánán biád bá bíliíndié méeŋúgeén sɔ́n. 19Giŋi gá band mambá nŋili ya gubísídeen wɔ́, gágual ká bugaga mabá buámán agág gá nuɔ́l, buéŋúgenyi gidigid wɔbɔ.
Na besé na bɔbɛ
(Mat 5.1-12)
20Yésu uwalɛ́ŋɛ́d bafɔ́nɔfɔ́n bág uganyɛ ká:
«Bese nanɔ nunyá basɔ́gasɔga, Bufuŋ bá Gɔdányá nyɛ bán.
21Bese nanɔ nunúmaná nsana nɛ́nuán, nugoódúgon.
Bese nanɔ nubaŋaná nɛ́nuán, nugɔnɔ.
22Bese nanɔ gɛsɛgɛl band núfɛ́maná, bénúbíse, bánúsɛ́ga, bónd bɔ́yɔ manda amabɛ gán góbusió, gágual ká nugúŋádában yaŋuá Mɔɔn wá mɔnd. 23Buád buɔ́s, ánuyayábá, nususume, gágual ká bɛnama bán gabá gianta ugumuana. Gɔ́ɔgɔ anaány besié ɔgúnɔ bɔ́b máalá na mubús má Gɔdányá.
24Bɔbɛ nanɔ gɔg banuá nunyá ɛnɔ́m, nusaman gusɔ́dɔɔn bese.
25Bɔbɛ nanɔ nubiananá manyán nɛ́nuán, nuganɔ́ma nsana.
Bɔbɛ nanɔ nuɔnɔnɔ́ nɛ́nuán, nugabá agá nigú na oŋóny.
26Bɔbɛ nanɔ gɛsɛgɛl band ɔ́yɔnɔ́ manda má bese gán góbusió, gɔɔ́gɔ anaány besié ɔgúnɔ bɔ́b máalá na mubús má múnéŋén.
Ɛlɛ́ga gá bambɛ́lɛmbɛ́l
(Mat 5.39-47)
27«Ngúnuɔ́yɔɔn gɔg, banuá numbɛ́dɔ́lɛ́gɔnɔ́ ká Ánulɛ́gá bambɛ́lɛmbɛ́l baán, ánualá besé gá ebe banúfɛ́maná, 28ánufɔná ebe bɔ́núlɔ́mɔnɔ́, núbísógólonyi gá ebe bánuálaná bɔbɛ.
29«Mɔnd mágunáŋɛ́d agá nuás, díyé wɔ́ númodió, mɔnd mɔ́gɔ́l gɛla gɔ́w gá muana, éŋín wɔ́ gá gúsigúsié. 30Mɔnd mɔ́guɔŋɛn buanda, afá wɔ́, úmɔ́gɔ́l buanda bɔ́w, odiófún wɔ́. 31Ánualá na bɔsɔ́gɔ́ gɔɔ́gɔ anyɛ́ nuambaná ká bála nanɔ.
32«Númálɛ́ga ebe bánúlɛ́ganá, nudiguála buanda búsɛ́gɛmanáná bánúdáman ɛmbɔ́g. Ta bafalafal sɔ́n gúlɛ́ga band bálɛ́ganá bɔ́. 33Númála bese gá ebe bánuálaná bese, nudiguála buanda búsɛ́gɛmanáná bánúdámán ɛmbɔ́g, Bafalafal bɔ́bɔ́ muát guála nɔ́. 34Númóbiólonyi ebe nulɛnsaná ká bógonuóndinyi, kás bese nuganúdáŋamb e? Ta bafalafal gúbiólonyi bafalafal ká bóndinyi bɔ́ búsígimananá. 35Ánulɛ́gá bambɛ́lɛmbɛ́l bán, nuála bɔ́ bese, nuond nubiólonyinyi, nudibídényí ká bógonuóndinyi. Nugadáŋáb bianta bá bɛ́nama, nugabá baan bá ewe unyá Fát Ugumuana, gágual ká unyɛ bese gá ebé bádialɛnsáná bese waga, na gá ebe bányá na ifíl.
Nudigélényí bɔsɔ́gɔ́
(Mat 5.48; 7.1-12; 15.14; 10.24-25; 7.3-5)
36«Sié wanɔ nyɛ bese, ánubá na gɛnɔ́g gá ɔdɛm anyɛ ɔwɔ́. 37Nudigélényi bɔsɔ́gɔ́, bédigenúgélenyi banuá sɔ́n, anúlɛ́ŋá bɔsɔ́gɔ́ anyɛ bádigúsɛgɛmanan na gɛgua, bádɛganúlɛ́ŋa sɔ́n anyɛ nugúsɛmanan na gɛgua; ánunɛ́nánɛ́n, báganúnɛnanɛn sɔ́n. 38Énuéŋén bɔsɔ́gɔ́, bégenuéŋén sɔ́n, bágágaan, bɔ́sɔ́nɔ, bófuógi, tás líeŋ gɛgad gán; nuged unú nugenúgédényi na nɔ́, begenúgédenyi sɔ́n na nɔ́.»
39Uwand guɔyɛdɛn bɔ́ nsab eye: «Obúdobudo nyɛ béguendenyi sɔ́g obúdobudo e, bádiganaguá bɔ́bɔ́ bem bándɛ agá ɔmbɛ́l e? 40Ɔfɔ́nɔ́fɔ́n dɛgɔ́dɔ́mbaan ofúnyifúny waga; úmaáfɔ́nɔfɔɔ́n bese, unyɛ bágúbá anyɛ ofúnyifúny.
41«Nanyá ányá bágúlɛ́ŋa gifumbu gá gisóy agá niís na endimen wɔ́w, adián gidímbég gá bɔdɛ́d gínyá ɔgɔ́w gá niís e? 42Nanyá ányá bɔ́guɔyɛd gá endimen wɔ́w ká: “Bídí endimen, yéli gifumbu gá gisóy ɔgɔ́w gá niís”, aŋuá adián gidímbég gá bɔdɛ́d gínyá gá inɔ́w e! Mɔnd wa gɛlámb gá buéb ewe, ál guéli gidímbég gá bɔdɛ́d gínyá ɔgɔ́w gá niís, ány gɔg agánaán bese, ká éli gifumbu gá gisóy gínyá agá niís na endimen wɔ́w.
Bɔdɛ́d na bɛsámɔ bág
(Mat 12.33-37; 7.16-21)
43«Gɛnɔ́g gá bɔdɛ́d dɛbá bóguóm biád bá bɛ́samɔ, gɔɔ́gɔ anyɛ́ giád gá bɔdɛ́d diómónó bɛnɔg bá bɛ́samɔ. 44Bágúlɛnsan bɔdɛ́d gág gá bɛ́samɔ: Bádigúgása ɔŋɔ́dɔ agá gidudu gá insánd, ɔ́gɔ ká moliómilióm agá bɛyánka. 45Mɔnd wa bese, guála manda má bese, mányá mɔsɛ́gɔ́n agá ɔdɛm wág wá bese, mɔnd wa giád gá ɔdɛm ála manda má bɔbɛ, mányá mɔsɛ́gɔ́n agág gá giád gá bɔnɛ́m bá ɔdɛm wág; gágual ká niíd guɔ́yɔ ubɔ́ búságuman gufuóg agá ɔdɛm.
46«Gágiág numbɛ́laná gɔg ká “Ɔgúnɔ́! Ɔgúnɔ́”, nudialá ubú yɔyɔnɔ́ e?
(Mat 7.24-27)
47«Mɔnd wúlené agamia, ubídɔ́lɛ́gɔn moóny mám, wanda anyɛ́ mɔ́yɔnɔ́, ngenúdíye mɔnd ubífuágananá.
48«Unyɛ anyɛ mɔnd umáafuág nuyá nág, uwedíme ɛmbɛl guyuum, gutɔ guám agá nɛdany, uwadála mɔgɔnɔ gá nɛ́. Anyɛ́ gianta gá nɔbɔl móol, igiéyidin gians igiány na bugaga, gɛ́gɛ́ ta gugua gágual ká gímabá gífuágán bese.
49«Ewe wɔ́bɔ́nɔ́ moóny mám, udiandá anyɛ́ mɔ́yɔnɔ́, unyɛ anyɛ mɔnd umáafúag gians egegus ta gudíme ká waág mɔgɔnɔ. Anyɛ́ nɔbɔmɔ mófuóg, madɛ́ga mág amánɔnsɛn gɛ́, igiágua, igiágadɛg gidigid.»
ទើបបានជ្រើសរើសហើយ៖
Lúkasa 6: MMU2
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lúkasa 6
6
Yésu na Sábat
1Buɔ́s bá gudúkid bá Beyúdɛn búmodió bábɛ́laná ká Sábat, Yésu mandaán agá bisién bá manda anyɛ ndásia. Bafɔ́nɔfɔ́n bág ɔbɔ́lunɔ bifígíd bá ndásia, ebéfígíle sɛ́ agá ɛmbɔ́g, abányánan. 2Gɛdam gá Bafalisiɛ́ŋ ganyɛ ká: «Gá giag nualaná ɔbɔ́ bisele bás légené buɔ́s bá Sábat e?» 3Yésu guondinyi ká: «Nudimaban buanda Défide máal gɛsɛgɛl nsana máanúmá wɔ́ na band bág e? 4Umebíŋín agá gians gá Gɔdányá uwanyá bɛnyɔka bámáabiág Gɔdányá na bɛ́, uwéŋin sɔ́n band bámáabá naga. Nánié gɔɔ́gɔ bɔgɔ́gɔ bá Gɔdányá bámáabiánán bugaga bágúnyá bɛ́#6.4 Défide dɛmɔbɛ́gɔ́lɛ́n benyɔka, besigid bidug béméeŋín wɔ́. Alɛ́ŋɛ́d Sam 1.21; 2-7..» 5Uganyɛ gɔ́b sɔ́n ká: «Mɔɔn wá mɔnd nyɛ muát buɔ́s bá Sábat.»
Yésu méŋúgi mɔnd umáanúmá agá ɔmbɔ́g
(Mat 12.9-14; Mál 3.1-6)
6Búmodió buɔ́s bá Sábat, Yésu guand gubíŋín ɔgɔ́b gá gians gá mbísógól uwedúm gufúnyifunyi. Agá gians gɔ́b gá mbísógól igiány, mɔnd mába kɔ́ unúma buánana agá ɔmbɔ́g ɔnɛ́m. 7Bóŋ bisele na Bafalisiɛ́ŋ mobísónónyí Yésu gá guán ɔ́gɔ ugeguéŋúgi mɔnd buɔ́s bá Sábát ká bámbɛd nŋili ya gusɔ́mɛ́n wɔ́#6.7 Bágúamba gusɔ́mɛ́n Yésu gágual ká umeéŋúgi mɔnd buɔ́s bámáabá bádialá buól.. 8Anyɛ́ umálɛnsán ɛmbɛ́dágɛ́dɛ́n sɔ́b, Uganyɛ gá mɔnd umáanúmá ká: «Adɔ́g, édélímin aya gadágadá.» Mɔnd uwadɔg, uwedélímin. 9Yésu guad guófún bɔ́ ká: «Bisele bás gúdífánan bugaga ká diála bɔbɛ ɔ́gɔ ká bese buɔ́s bá Sábát e? Gúmén ká dísódonyi band e, ɔ́gɔ ká dínɛɛn bɔ́ bégué e?» 10Ewegéŋélidi bɔ́ na eŋís, Uganyɛ gá mɔnd uwaány ká: «Ganɔ́n ɔmbɔ́g wɔ́w!» Uwaganɔn ɔmbɔ́g wág, uwéŋúg. 11Bafalisiɛ́ŋ na bagɔn bá bisele bámáabá kɔ́ ɔbɔɔ́b gianta gá ilób, ebédúm gugála bɔ́bɔ́ na bɔ́bɔ́, bámba buanda bágual Yésu.
Gieyide gá bát na bándɛ
(Mat 5.1; 10.1-4; Mál 3.13-19)
12Mɔɔ́s mád, Yésu uwadad agá nɔgɔnd gá gubísógólonyi. Uwedúmbi budug gidigid gá gúbísógólonyi Gɔdányá. 13Kɔɔ́m máal na gubála, uwabɛ́lɛ́gɛn bafɔ́nɔfɔ́n bág, uweyid bát na bándɛ ɔgɔ́b gá ɔlɔŋ, uwéŋin bɔ́ ɔfɛ́n wá bedúmeb. 14Ɛfɛ́n sɔ́b esie: Uwalɔg Símune ká Piéle, endimen waga Andelé, Sáka, Sáŋa, Fílibe, Batelemí, 15Matáyoso, Tɔ́masia, Sáka mɔɔn wa Alafé, Símune umáabá unuana gág gá gɛdɔŋ, 16Yúdasa mɔɔn wa Sáka, na Yúdasa Ísíkalióto, ɔwɔ́ waád uganuándɛn Yésu ɛdɔg.
Yésu na giŋi gá band
(Mat 4.24-25; Mál 3.7-11)
17Anyɛ́ uméesém nɔgɔnd nɔbɔ, uwedélímin agá gɛlambɛlambiá#6.17 Bómodió guɔ́y ká gɛlámbasiá. gá kɔɔ́m. Giod gá bafɔ́nɔfɔ́n bág bómodió na gianta gá giŋi gá band mabá kɔ́. Bómóolónín agá giéns gá gus gá Yudé, tísɔn wá Yelúsalɛm, na agá bɔtísɔn bá Tíl na Sídɔŋ bányá giáy gá manáŋ abɔ́sa. 18Bómóoloón gá gúsibɛ́dɔ́lɛ́gɔɔ́n wɔ́, ká wónd wéŋúgenyi bɔ́; ebe bámábiánán biád bá bíliíndié méeŋúgeén sɔ́n. 19Giŋi gá band mambá nŋili ya gubísídeen wɔ́, gágual ká bugaga mabá buámán agág gá nuɔ́l, buéŋúgenyi gidigid wɔbɔ.
Na besé na bɔbɛ
(Mat 5.1-12)
20Yésu uwalɛ́ŋɛ́d bafɔ́nɔfɔ́n bág uganyɛ ká:
«Bese nanɔ nunyá basɔ́gasɔga, Bufuŋ bá Gɔdányá nyɛ bán.
21Bese nanɔ nunúmaná nsana nɛ́nuán, nugoódúgon.
Bese nanɔ nubaŋaná nɛ́nuán, nugɔnɔ.
22Bese nanɔ gɛsɛgɛl band núfɛ́maná, bénúbíse, bánúsɛ́ga, bónd bɔ́yɔ manda amabɛ gán góbusió, gágual ká nugúŋádában yaŋuá Mɔɔn wá mɔnd. 23Buád buɔ́s, ánuyayábá, nususume, gágual ká bɛnama bán gabá gianta ugumuana. Gɔ́ɔgɔ anaány besié ɔgúnɔ bɔ́b máalá na mubús má Gɔdányá.
24Bɔbɛ nanɔ gɔg banuá nunyá ɛnɔ́m, nusaman gusɔ́dɔɔn bese.
25Bɔbɛ nanɔ nubiananá manyán nɛ́nuán, nuganɔ́ma nsana.
Bɔbɛ nanɔ nuɔnɔnɔ́ nɛ́nuán, nugabá agá nigú na oŋóny.
26Bɔbɛ nanɔ gɛsɛgɛl band ɔ́yɔnɔ́ manda má bese gán góbusió, gɔɔ́gɔ anaány besié ɔgúnɔ bɔ́b máalá na mubús má múnéŋén.
Ɛlɛ́ga gá bambɛ́lɛmbɛ́l
(Mat 5.39-47)
27«Ngúnuɔ́yɔɔn gɔg, banuá numbɛ́dɔ́lɛ́gɔnɔ́ ká Ánulɛ́gá bambɛ́lɛmbɛ́l baán, ánualá besé gá ebe banúfɛ́maná, 28ánufɔná ebe bɔ́núlɔ́mɔnɔ́, núbísógólonyi gá ebe bánuálaná bɔbɛ.
29«Mɔnd mágunáŋɛ́d agá nuás, díyé wɔ́ númodió, mɔnd mɔ́gɔ́l gɛla gɔ́w gá muana, éŋín wɔ́ gá gúsigúsié. 30Mɔnd mɔ́guɔŋɛn buanda, afá wɔ́, úmɔ́gɔ́l buanda bɔ́w, odiófún wɔ́. 31Ánualá na bɔsɔ́gɔ́ gɔɔ́gɔ anyɛ́ nuambaná ká bála nanɔ.
32«Númálɛ́ga ebe bánúlɛ́ganá, nudiguála buanda búsɛ́gɛmanáná bánúdáman ɛmbɔ́g. Ta bafalafal sɔ́n gúlɛ́ga band bálɛ́ganá bɔ́. 33Númála bese gá ebe bánuálaná bese, nudiguála buanda búsɛ́gɛmanáná bánúdámán ɛmbɔ́g, Bafalafal bɔ́bɔ́ muát guála nɔ́. 34Númóbiólonyi ebe nulɛnsaná ká bógonuóndinyi, kás bese nuganúdáŋamb e? Ta bafalafal gúbiólonyi bafalafal ká bóndinyi bɔ́ búsígimananá. 35Ánulɛ́gá bambɛ́lɛmbɛ́l bán, nuála bɔ́ bese, nuond nubiólonyinyi, nudibídényí ká bógonuóndinyi. Nugadáŋáb bianta bá bɛ́nama, nugabá baan bá ewe unyá Fát Ugumuana, gágual ká unyɛ bese gá ebé bádialɛnsáná bese waga, na gá ebe bányá na ifíl.
Nudigélényí bɔsɔ́gɔ́
(Mat 5.48; 7.1-12; 15.14; 10.24-25; 7.3-5)
36«Sié wanɔ nyɛ bese, ánubá na gɛnɔ́g gá ɔdɛm anyɛ ɔwɔ́. 37Nudigélényi bɔsɔ́gɔ́, bédigenúgélenyi banuá sɔ́n, anúlɛ́ŋá bɔsɔ́gɔ́ anyɛ bádigúsɛgɛmanan na gɛgua, bádɛganúlɛ́ŋa sɔ́n anyɛ nugúsɛmanan na gɛgua; ánunɛ́nánɛ́n, báganúnɛnanɛn sɔ́n. 38Énuéŋén bɔsɔ́gɔ́, bégenuéŋén sɔ́n, bágágaan, bɔ́sɔ́nɔ, bófuógi, tás líeŋ gɛgad gán; nuged unú nugenúgédényi na nɔ́, begenúgédenyi sɔ́n na nɔ́.»
39Uwand guɔyɛdɛn bɔ́ nsab eye: «Obúdobudo nyɛ béguendenyi sɔ́g obúdobudo e, bádiganaguá bɔ́bɔ́ bem bándɛ agá ɔmbɛ́l e? 40Ɔfɔ́nɔ́fɔ́n dɛgɔ́dɔ́mbaan ofúnyifúny waga; úmaáfɔ́nɔfɔɔ́n bese, unyɛ bágúbá anyɛ ofúnyifúny.
41«Nanyá ányá bágúlɛ́ŋa gifumbu gá gisóy agá niís na endimen wɔ́w, adián gidímbég gá bɔdɛ́d gínyá ɔgɔ́w gá niís e? 42Nanyá ányá bɔ́guɔyɛd gá endimen wɔ́w ká: “Bídí endimen, yéli gifumbu gá gisóy ɔgɔ́w gá niís”, aŋuá adián gidímbég gá bɔdɛ́d gínyá gá inɔ́w e! Mɔnd wa gɛlámb gá buéb ewe, ál guéli gidímbég gá bɔdɛ́d gínyá ɔgɔ́w gá niís, ány gɔg agánaán bese, ká éli gifumbu gá gisóy gínyá agá niís na endimen wɔ́w.
Bɔdɛ́d na bɛsámɔ bág
(Mat 12.33-37; 7.16-21)
43«Gɛnɔ́g gá bɔdɛ́d dɛbá bóguóm biád bá bɛ́samɔ, gɔɔ́gɔ anyɛ́ giád gá bɔdɛ́d diómónó bɛnɔg bá bɛ́samɔ. 44Bágúlɛnsan bɔdɛ́d gág gá bɛ́samɔ: Bádigúgása ɔŋɔ́dɔ agá gidudu gá insánd, ɔ́gɔ ká moliómilióm agá bɛyánka. 45Mɔnd wa bese, guála manda má bese, mányá mɔsɛ́gɔ́n agá ɔdɛm wág wá bese, mɔnd wa giád gá ɔdɛm ála manda má bɔbɛ, mányá mɔsɛ́gɔ́n agág gá giád gá bɔnɛ́m bá ɔdɛm wág; gágual ká niíd guɔ́yɔ ubɔ́ búságuman gufuóg agá ɔdɛm.
46«Gágiág numbɛ́laná gɔg ká “Ɔgúnɔ́! Ɔgúnɔ́”, nudialá ubú yɔyɔnɔ́ e?
(Mat 7.24-27)
47«Mɔnd wúlené agamia, ubídɔ́lɛ́gɔn moóny mám, wanda anyɛ́ mɔ́yɔnɔ́, ngenúdíye mɔnd ubífuágananá.
48«Unyɛ anyɛ mɔnd umáafuág nuyá nág, uwedíme ɛmbɛl guyuum, gutɔ guám agá nɛdany, uwadála mɔgɔnɔ gá nɛ́. Anyɛ́ gianta gá nɔbɔl móol, igiéyidin gians igiány na bugaga, gɛ́gɛ́ ta gugua gágual ká gímabá gífuágán bese.
49«Ewe wɔ́bɔ́nɔ́ moóny mám, udiandá anyɛ́ mɔ́yɔnɔ́, unyɛ anyɛ mɔnd umáafúag gians egegus ta gudíme ká waág mɔgɔnɔ. Anyɛ́ nɔbɔmɔ mófuóg, madɛ́ga mág amánɔnsɛn gɛ́, igiágua, igiágadɛg gidigid.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល