Lúkasa 16
16
Nsab ya eŋél buól unyá ɛmɔnd
1Yésu ganyɛ sɔ́n gá bafɔ́nɔfɔ́n bág ká: «Ɛnɔ́m ya mɔnd mabiánán eŋél buol uméendényí bɔnɛ́m bá nuyá nág. Kányɛ band méesisiíd wɔ́ ká eŋél buol uwaány gúsɛŋan bɔnɛ́m bág. 2Ɛnɔ́m ya mɔnd iyaány gubɛ́lɛ́gɛn eŋél buol waga uwaány, ɛganyɛ gág ká: “Búnúm buóny ebue yɔ́bɔnɔ́ gɔ́w e? Nŋɔyɛ́dɛ́n anyɛ́ bɔnɛ́m bám nyá, gágual ká adɛgand guendidi bɔ́.” 3Eŋél buol gubiɔ́yɛdɛn ká: “Anɛ́ mása ménúŋélí gá buol ngal nanyá e? Buol bá ɛmbɔ́g, ndɛguɔ́dɔɔn, gɔsɔ́g gɔsɔ́ga agá nŋili gabá nam ɔduɔ́ gɔnɔ́. 4Cáp, mmaán gɔ́g buanda nganuál ká band ángɛ́ndɛgaan ɔgɔbɔ́, bágaal béméŋéli gá buol.” 5Ád ány, uwabɛ́laán band bámáabiánɛ́n mása wág ifín omoom omomó. Aga mɔnd wobusió uwófún wɔ ká: “Agúbianɛn mása wam ofin wá giág e?” 6Sɔ́gɔ́ uwaány guondinyi ká: “Nɔgɔn númoom ná megud” Eŋél buol uwaány guondinyi wɔ́ ká: “Gɔ́lɔ mbɔbɔnɔ yɔw ya ofin iyaány amáasán. Lukúmín ány fiaŋ, ɔ́ŋ agá mbɔbɔnɔ eye ká balíta etín ándɛ na bát bá megud” 7Sɔ́gɔ́ umaáládán, eŋél buol uwófún wɔ́ ká: “Wɔ́w ofin nyɛ́ giág e?” Uganyɛ gág ká: “Nkude sá nkeŋe nɔgɔn.” Uganyɛ gág ká: “Gɔ́lɔ mbɔbɔnɔ yɔw ya ofin iyaány amáasán ɔ́ŋ ká nkude etín éní.” 8Mása uwaány uwefínenyi eŋél buol wa bɔmɔnd uwaány gágual ká umáal mebénd. Kányɛ gúnyá ká, band bá gus egue nyɛ na mebénd agá giáy gá buɔbɔ gudɔ́mb baan bá gise.
9«Yaŋuá ngúnuɔ́yɔɔn gɔg ká: ɔ́nubɔ́ŋɔ́n begúl na bɔnɛ́m bá gus egue gúdiábáná bese. Númáal anaány, gigúl búganúmán, Gɔdányá gonúgóli agág gá Bufuŋ bá medug mem.
10«Mɔnd unyá na nuládád gá manda má siɔdɛd, nyɛ na nuládád gá manda má gianta. Ewe unyá na bɔmɔ́nd gá manda má siɔdɛd, nyɛ na bɔmɔ́nd gá bianta bá manda. 11Ɔ́gɔ núdɛɛ́gɔlɛns guendenyi na nuládád bɔnɛ́m bá gus egue gúdiábáná ndényé, ányá uganúnúfá bɔnɛ́m bá meliŋítas e? 12Ɔ́gɔ núdɛɛ́gɔlɛns guendenyi na nuládád bɔnɛ́m bá sɔ́gɔ́, ányá ugenúnuéŋin bɔnɛ́m búnyá ban e?
(Mat 6.24)
13«Ta eŋél buol omoom dɛbá wágualan bamása bándɛ buol. Ugafɛma ewe, ubíléne ewúné; gúmén, ugabá na nuládád na ewe, usɛ́gɛ́nan ewúné. Nudɛbá bágualaan na Gɔdányá, na muonyi buol, gigúl gímoom#16.13 Alɛ́ŋɛ́d sɔ́n Mat 6.24..»
Bufuŋ bá Gɔdányá
14Bafalisiɛ́ŋ béméebíléné muonyi mɔbɛ́dɔ́lɛ́gɔɔ́n ubuány gidigid béféneen Yésu. 15Yésu ganyɛ gɔ́b ká: «Banuá nunyɛ band bámbaná gubídíyenyi agá eŋís yá band ká nunyɛ besi. Gɔdányá ulɛnsaná nagadá wa ɛdɛm sán, guánan ká, buanda ubú band gɔ́lɔnɔ́ gianta gá buanda nyɛ manyanyɔ agá eŋís yág.»
(Mat 11.12,13)
16«Gigúl gá bisele bá Moyíso, na imbɔbɔnɔ sá mubús águbába guám aga Sáŋa Batísite. Gubanyɛg ány, ndág ya nsɔ́m ya Bufuŋ bá Gɔdányá gúbiɔ́yɔ. Sig mɔnd a ubɛ́kɛ́ndɛ́naná ká úbíŋín agá Bufuŋ ubuány.»
(Mat 5.18)
17«Gus na muana ánɔ́dɔ́mb, nuful ná bisele, ta núbá siɔdɛd, núnúlɔ́bɛn.»
(Mat 5.32; 19.9; 10.11-12)
18«Mɔnd mákɔ́ŋɛd agány waga ugiŋ agánd ondodió, umánd ɛsɔm. Ta ewe uménugiŋi agánd banyá guksɔ́ŋɛ́d, umánd ɛsɔm.»
Nsab ya ɛnɔ́m ya mɔnd na Lasál
19«Ɛnɔ́m ya mɔnd imodió mabá bigúl gidigid, ɛbɛ́láŋa na binɔ́g bá bɛla bínyá muonyi giod. Sig buɔ́siɔ́, udánan ɔnyɔ́, wond uyayan gusɔ́d. 20Ɔsúgɔsugɔ, ɔfɛ́n ká Lasála mabá ɛmbɛ́diá agá nibíŋínín ná niíd ná gians na mɔnd uwaány. Umabiánán bɛdɔ́lɛgɔ nuɔ́l gidigid. 21Lasála waád mebíléné ká únyánan imfufu sá manyán sɛ́máabá sɛguanan egegus aga mɔnd uwaány. Imbuá sɛ́sɛ́ muát siálaká bɛdɔ́lɛgɔ bág.
22«Lasála uwegú, ɛngɛlɛs abában wɔ́ agá masiá má Ábalaháma. Ɛnɔ́m iyaány iyegú gá ɛ́gág gɛsɛgɛl, obónyo yɛ́. 23Imáal iganyá guɔ́bɛ́gɔ́n agá gɛdɔŋ gá ebeguén, iyɛ́ guedugi eŋís, iyanán fát enéné Lasála agá masiá má Ábalaháma. 24Ɛganyɛ gá Ábalaháma ekelu magɔ́gɔ́n ká: “Babá, nŋán gɔsɔ́g, ádɔ́m Lasála úyúb nsónsó ya inɔ́nɔ́ yág agá madɛ́ga, mófuogidi gɛlámb gám, gágual ká, nguɔ́bɛgɔn aya agá yoóg eye.” 25Ábalaháma guondinyi wɔ́ ká: “Mɔɔn ɔ́, bɛ́dágɛ́d ká águbianan manda má bese giod ɔgɔ́w gá gusɔ́d, Lasála ɔ́bɛ́gɔn, nɛ́nuán aya, ugúbianan gifuogidio aŋuá abianan guɔ́bɛ́g. 26Na nɔ́ sɔ́n, ɔmbɛl únyá yúuum kand nsúgie, gúdiádɔ́na nasɔ nanɔ. Nɛnama nínyá ká ɔbɔ́ bámbaná guɔdɔg aya ká boól aganuá dɛbá na nŋili. Ta banuá nudɛbá bágúyal ɔmbɛl uwaány ká nuúl agasuá.”
27«Ɛnɔ́m ya mɔnd ganyɛ ká: “Babá, ngúgubísógolonyi ká ádɔ́m Lasála agá nigúl ná babá wam, 28ká wébiés belimen bám bátán bányá kɔ́, ká bɔ́bɔ́ sɔ́n bédiíl aya agá muyú eme.” 29Ábalaháma guondinyi ká: “Bágúbianan imbɔbɔnɔ sá Moyíso na sá mubús, nsɛ́ bála anyɛ́ siɔ́yɔnɔ́.” 30Ɛnɔ́m ya mɔnd guondinyi ká: “Ágó Babá Ábalaháma, mɔnd mányɔg aga ebeguén, wɔyɔɔ́n bɔ́, bégenúgi ɛdɛm sɔ́b.” 31Ábalaháma guondinyi wɔ́ ká: “Bémeén gubɛ́dɔ́lɛ́gɔɔn imbɔbɔnɔ sá Moyíso na Mubús, ta mɔnd ányɔg aga ebeguén, bádɛgaádáb ubú wɔyɔnɔ́.”»
ទើបបានជ្រើសរើសហើយ៖
Lúkasa 16: MMU2
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lúkasa 16
16
Nsab ya eŋél buól unyá ɛmɔnd
1Yésu ganyɛ sɔ́n gá bafɔ́nɔfɔ́n bág ká: «Ɛnɔ́m ya mɔnd mabiánán eŋél buol uméendényí bɔnɛ́m bá nuyá nág. Kányɛ band méesisiíd wɔ́ ká eŋél buol uwaány gúsɛŋan bɔnɛ́m bág. 2Ɛnɔ́m ya mɔnd iyaány gubɛ́lɛ́gɛn eŋél buol waga uwaány, ɛganyɛ gág ká: “Búnúm buóny ebue yɔ́bɔnɔ́ gɔ́w e? Nŋɔyɛ́dɛ́n anyɛ́ bɔnɛ́m bám nyá, gágual ká adɛgand guendidi bɔ́.” 3Eŋél buol gubiɔ́yɛdɛn ká: “Anɛ́ mása ménúŋélí gá buol ngal nanyá e? Buol bá ɛmbɔ́g, ndɛguɔ́dɔɔn, gɔsɔ́g gɔsɔ́ga agá nŋili gabá nam ɔduɔ́ gɔnɔ́. 4Cáp, mmaán gɔ́g buanda nganuál ká band ángɛ́ndɛgaan ɔgɔbɔ́, bágaal béméŋéli gá buol.” 5Ád ány, uwabɛ́laán band bámáabiánɛ́n mása wág ifín omoom omomó. Aga mɔnd wobusió uwófún wɔ ká: “Agúbianɛn mása wam ofin wá giág e?” 6Sɔ́gɔ́ uwaány guondinyi ká: “Nɔgɔn númoom ná megud” Eŋél buol uwaány guondinyi wɔ́ ká: “Gɔ́lɔ mbɔbɔnɔ yɔw ya ofin iyaány amáasán. Lukúmín ány fiaŋ, ɔ́ŋ agá mbɔbɔnɔ eye ká balíta etín ándɛ na bát bá megud” 7Sɔ́gɔ́ umaáládán, eŋél buol uwófún wɔ́ ká: “Wɔ́w ofin nyɛ́ giág e?” Uganyɛ gág ká: “Nkude sá nkeŋe nɔgɔn.” Uganyɛ gág ká: “Gɔ́lɔ mbɔbɔnɔ yɔw ya ofin iyaány amáasán ɔ́ŋ ká nkude etín éní.” 8Mása uwaány uwefínenyi eŋél buol wa bɔmɔnd uwaány gágual ká umáal mebénd. Kányɛ gúnyá ká, band bá gus egue nyɛ na mebénd agá giáy gá buɔbɔ gudɔ́mb baan bá gise.
9«Yaŋuá ngúnuɔ́yɔɔn gɔg ká: ɔ́nubɔ́ŋɔ́n begúl na bɔnɛ́m bá gus egue gúdiábáná bese. Númáal anaány, gigúl búganúmán, Gɔdányá gonúgóli agág gá Bufuŋ bá medug mem.
10«Mɔnd unyá na nuládád gá manda má siɔdɛd, nyɛ na nuládád gá manda má gianta. Ewe unyá na bɔmɔ́nd gá manda má siɔdɛd, nyɛ na bɔmɔ́nd gá bianta bá manda. 11Ɔ́gɔ núdɛɛ́gɔlɛns guendenyi na nuládád bɔnɛ́m bá gus egue gúdiábáná ndényé, ányá uganúnúfá bɔnɛ́m bá meliŋítas e? 12Ɔ́gɔ núdɛɛ́gɔlɛns guendenyi na nuládád bɔnɛ́m bá sɔ́gɔ́, ányá ugenúnuéŋin bɔnɛ́m búnyá ban e?
(Mat 6.24)
13«Ta eŋél buol omoom dɛbá wágualan bamása bándɛ buol. Ugafɛma ewe, ubíléne ewúné; gúmén, ugabá na nuládád na ewe, usɛ́gɛ́nan ewúné. Nudɛbá bágualaan na Gɔdányá, na muonyi buol, gigúl gímoom#16.13 Alɛ́ŋɛ́d sɔ́n Mat 6.24..»
Bufuŋ bá Gɔdányá
14Bafalisiɛ́ŋ béméebíléné muonyi mɔbɛ́dɔ́lɛ́gɔɔ́n ubuány gidigid béféneen Yésu. 15Yésu ganyɛ gɔ́b ká: «Banuá nunyɛ band bámbaná gubídíyenyi agá eŋís yá band ká nunyɛ besi. Gɔdányá ulɛnsaná nagadá wa ɛdɛm sán, guánan ká, buanda ubú band gɔ́lɔnɔ́ gianta gá buanda nyɛ manyanyɔ agá eŋís yág.»
(Mat 11.12,13)
16«Gigúl gá bisele bá Moyíso, na imbɔbɔnɔ sá mubús águbába guám aga Sáŋa Batísite. Gubanyɛg ány, ndág ya nsɔ́m ya Bufuŋ bá Gɔdányá gúbiɔ́yɔ. Sig mɔnd a ubɛ́kɛ́ndɛ́naná ká úbíŋín agá Bufuŋ ubuány.»
(Mat 5.18)
17«Gus na muana ánɔ́dɔ́mb, nuful ná bisele, ta núbá siɔdɛd, núnúlɔ́bɛn.»
(Mat 5.32; 19.9; 10.11-12)
18«Mɔnd mákɔ́ŋɛd agány waga ugiŋ agánd ondodió, umánd ɛsɔm. Ta ewe uménugiŋi agánd banyá guksɔ́ŋɛ́d, umánd ɛsɔm.»
Nsab ya ɛnɔ́m ya mɔnd na Lasál
19«Ɛnɔ́m ya mɔnd imodió mabá bigúl gidigid, ɛbɛ́láŋa na binɔ́g bá bɛla bínyá muonyi giod. Sig buɔ́siɔ́, udánan ɔnyɔ́, wond uyayan gusɔ́d. 20Ɔsúgɔsugɔ, ɔfɛ́n ká Lasála mabá ɛmbɛ́diá agá nibíŋínín ná niíd ná gians na mɔnd uwaány. Umabiánán bɛdɔ́lɛgɔ nuɔ́l gidigid. 21Lasála waád mebíléné ká únyánan imfufu sá manyán sɛ́máabá sɛguanan egegus aga mɔnd uwaány. Imbuá sɛ́sɛ́ muát siálaká bɛdɔ́lɛgɔ bág.
22«Lasála uwegú, ɛngɛlɛs abában wɔ́ agá masiá má Ábalaháma. Ɛnɔ́m iyaány iyegú gá ɛ́gág gɛsɛgɛl, obónyo yɛ́. 23Imáal iganyá guɔ́bɛ́gɔ́n agá gɛdɔŋ gá ebeguén, iyɛ́ guedugi eŋís, iyanán fát enéné Lasála agá masiá má Ábalaháma. 24Ɛganyɛ gá Ábalaháma ekelu magɔ́gɔ́n ká: “Babá, nŋán gɔsɔ́g, ádɔ́m Lasála úyúb nsónsó ya inɔ́nɔ́ yág agá madɛ́ga, mófuogidi gɛlámb gám, gágual ká, nguɔ́bɛgɔn aya agá yoóg eye.” 25Ábalaháma guondinyi wɔ́ ká: “Mɔɔn ɔ́, bɛ́dágɛ́d ká águbianan manda má bese giod ɔgɔ́w gá gusɔ́d, Lasála ɔ́bɛ́gɔn, nɛ́nuán aya, ugúbianan gifuogidio aŋuá abianan guɔ́bɛ́g. 26Na nɔ́ sɔ́n, ɔmbɛl únyá yúuum kand nsúgie, gúdiádɔ́na nasɔ nanɔ. Nɛnama nínyá ká ɔbɔ́ bámbaná guɔdɔg aya ká boól aganuá dɛbá na nŋili. Ta banuá nudɛbá bágúyal ɔmbɛl uwaány ká nuúl agasuá.”
27«Ɛnɔ́m ya mɔnd ganyɛ ká: “Babá, ngúgubísógolonyi ká ádɔ́m Lasála agá nigúl ná babá wam, 28ká wébiés belimen bám bátán bányá kɔ́, ká bɔ́bɔ́ sɔ́n bédiíl aya agá muyú eme.” 29Ábalaháma guondinyi ká: “Bágúbianan imbɔbɔnɔ sá Moyíso na sá mubús, nsɛ́ bála anyɛ́ siɔ́yɔnɔ́.” 30Ɛnɔ́m ya mɔnd guondinyi ká: “Ágó Babá Ábalaháma, mɔnd mányɔg aga ebeguén, wɔyɔɔ́n bɔ́, bégenúgi ɛdɛm sɔ́b.” 31Ábalaháma guondinyi wɔ́ ká: “Bémeén gubɛ́dɔ́lɛ́gɔɔn imbɔbɔnɔ sá Moyíso na Mubús, ta mɔnd ányɔg aga ebeguén, bádɛgaádáb ubú wɔyɔnɔ́.”»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល