Lúkasa 15
15
Yésu na bafalafal
(Mat 18.12-14)
1Band bɔ́gɔ́lɔnɔ́ taás na bafalafal mabɛ́sɛ́dɛ́nɛ́n Yésu bɔ́bɔ́ gidigid ga gúbɛ́dɔ́lɛ́gɔɔn wɔ́. 2Bafalisiɛ́ŋ na bóŋ bisele magálɛ́nɛgálɛ́n Yésu bɔ́yɔ ká: «Ginɔg egie guánda kɔɔ́kɔ na bél bɛfal, wond unyánan nɔbɔ.»
3Yésu gudúmín bɔ́ nsab eye uganyɛ ká: 4«Ányá agán gá ɔlɔŋ unyá wagual ubianan nɔgɔn ná bɛdɔ́mbá, buánɛ́g ká gímoom nyím, waal nanyá é? Saá ugogúsió umátɛ́n ibiány ány bɛ́bádɔ́na bigud, wɔb gá guambá gá gímom igiány guám anyɛ́ ugɔgúnúɔfuɔ́g gɛ e? 5Úmɔ́fuɔg gɛ́, ubɛ́dɔ́gɛn gɛ́ agág gá bimb bá ɛmbɔ́g na bɛdɔdɛn gidigid, 6úmáman gusiámán gɛ́ agá nuyá, ubɛ́laan begúl na begúligul bág waal gɔ́b ká: “Énuúl dɛ́bálága gágual ká nsaán gɛdɔ́mbá gám gíméenyím.” 7Ngúnuɔ́yɔn ká, anaány bɛdɔdɛn ganúbá ugumuana gobúsió bá eŋél bɛfal táŋ omoom unúgenyé ɔdɛm, gudɔ́mb bɛdɔdɛn gá band etín éní na bunyo na béní bɔ́biɔ́yɔnɔ ká bányɛ besi, bádiambá gunúgi ɛdɛm.
Nsab ya kiás uméenyím uwánɛ́g
8«Ɔ́nubɛ́dɔ́lɛ́gɛ́n sɔ́n: Agánd mábianan bakiás bá muonyi bát, buánɛ́g ká omoom ményim, saá ugaguág lámba yoóg, úfúla gians gág, ulɛ́ŋa kɔɔ́m gidigid guám anyɛ́ ugagúnuán wɔ́ e? 9Úmaán wɔ́, ugɔ́sɛ́d begúl na begúligul bág wɔyɛd ká: “Énuúl dɛ́bálaga, nsaán kiás wam uméenyím.” 10Buád buanda nnuɔ́yɔnɔ́ ká, ɛngɛlɛs bá Gɔdányá gabalaga, gobusió bá afalafal omoom uségunúgi ɔdɛm.»
Nsab ya mɔɔn uméenyim uwond uwánɛ́g
11Yésu ganyɛ sɔ́n ká: «Mɔnd mabiánán baan bándɛ. 12Gilimbe ganyɛ gá sié ká: “Babá, mfá bám bisígisíg.” Sié guafɛdɛn bɔ́ bɔnɛ́m bág. 13Mɔɔ́s máal mámádɔ́mbɔ, gilimbe igiány gudú bág bɔnɛ́m, uwɔb agá gɛdɔŋ gá ayáyá. Anyɛ́ umáab guáma, uwayayan gusɔ́d guám anyɛ́ muonyi mág máamaán ták. 14Múmáal múmámana, ɔndɔmɔ uwagua agá gɛdɔŋ igiány, gusɔ́g uguádɛgɛn wɔ́. 15Ɔwɔ́ gɔb gá buol aga mɔnd wa gɛdɔŋ igiány, mɔnd uwaány gɔdɔ́m wɔ́ agág gá bisién gá guegégényí ɛŋɔnaf. 16Umáambá gigúl gímodió ká unyá manyán má ɛŋɔnaf, ta mɔnd wa guéŋin wɔ́. 17Uwedúm guanɔna, ubiɔ́yɔɔn ɔwɔ́ muát ká: “Bél buol bá babá gidigid gúnyánan bódúgoon, manyán siénen. Yaŋuá nsiguénén nsana aya! 18Gám guond aga babá, yɔ́yɛ́dɛ́n wɔ́ ká: Babá, nguál gɛfal agá eŋís yá Gɔdányá na ɔyɔ́w. 19Ndiguánd gusɛgɛmanan ká ɔ́ngɔ́lɔɔn anyɛ mɔɔn wɔ́w, ngɔ́lɔɔ́n anyɛ eŋél buol wɔ́w.” 20Uwalád nŋili gá guond agá sié. Umáal umányɛ ayáyá na nuyá, sié guétí wɔ́ eŋís, mahan amádɛgɛn sié, uwɔgɔ́l ɔdɛd, uwanabɛ́suálɛ́d mɔɔn agá ekelu, uwɔgɔ́l mɔɔn gɛsas. 21Mɔɔn gányɛ gág ká: “Babá, nguál gɛfal agá eŋís yá Gɔdányá na ɔyɔ́w. Ndigúsɛgɛmanan ká ánd gúngɔ́lɔɔn anyɛ mɔɔn wɔ́w.” 22Ta anaány, sié guɔyɛdɛn bél buol ká: “Ánuál fiaŋ, núlén gɛla gínyá bunɔg nuág wɔ́, nuág wɔ́ amánd agá inɔ́nɔ́, nuág wɔ́ mfaŋáŋá agá bɛgɔnd, 23núlén mɔɔn wá búlúke wɔmbɔnɔ́, nuɔ́n, núnámba, núlén dínyánan, díbálaga, 24gágual ká, mɔɔn wám uméegú mósiónd agá gusɔ́d, umenyím, umánɛ́g!”
«Abábanyɛg budɔ́mb. 25Endimen wag wɔgɔn mabá budiádány gigúl igiány. Umáal uganyɛ egúy na nuyá gá gúsiondo, uwɔɔ́b band bíne mesig. 26Uwabɛ́lɛ́gɛn eŋél buol omoom, owófún wɔ́ ká: Giág gɛ́bɛ́dɔ́mbana e? 27Uganyɛ gág ká: “Endimen wɔ́w uwaány usoógusiondo. Tiɔ́ mɔɔ́n mɔɔn wá búlúke gág góbúsió gágual ká usosiondó cém.” 28Endimen uwɔgɔn uwaány uwɔ́b ilób, uwen gubíŋín agá gians. Sié guám, gusiál gág ká úbíŋín. 29Uganyɛ gá sié ká: “bɛ́dɔ́lɛ́gɛ́n, búgányɛ duɔŋ giod ngualaná buol, ndimagual idú ta buɔ́s. Ta ibúbúny amabása adɛmfá buɔ́s ká mbálaga na begúl bám. 30Mɔɔn wɔ́w uwaány máal nógusiondó, umámán guefúfí bɔnɛ́m bɔ́w gidigid na bagánd, ɔguɔ́nɔɔn wɔ́ mɔɔn wá búlúke unyá guɔmb!” 31Sié ganyɛ gág ká: “Mɔɔn ɔ́, anyɛ nam aya bigúl gidigid; bɔnɛ́m bám gidigid nyɛ bɔ́w. 32Búsófoon ká diál budɔ́mb, díbálaga gágual ká endimen wɔ́w ewe, águbá eguén, kányɛ unyá gusiondo agá gusɔ́d, anyɛ́ uményími, uwe umánuánɛg.”»
ទើបបានជ្រើសរើសហើយ៖
Lúkasa 15: MMU2
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lúkasa 15
15
Yésu na bafalafal
(Mat 18.12-14)
1Band bɔ́gɔ́lɔnɔ́ taás na bafalafal mabɛ́sɛ́dɛ́nɛ́n Yésu bɔ́bɔ́ gidigid ga gúbɛ́dɔ́lɛ́gɔɔn wɔ́. 2Bafalisiɛ́ŋ na bóŋ bisele magálɛ́nɛgálɛ́n Yésu bɔ́yɔ ká: «Ginɔg egie guánda kɔɔ́kɔ na bél bɛfal, wond unyánan nɔbɔ.»
3Yésu gudúmín bɔ́ nsab eye uganyɛ ká: 4«Ányá agán gá ɔlɔŋ unyá wagual ubianan nɔgɔn ná bɛdɔ́mbá, buánɛ́g ká gímoom nyím, waal nanyá é? Saá ugogúsió umátɛ́n ibiány ány bɛ́bádɔ́na bigud, wɔb gá guambá gá gímom igiány guám anyɛ́ ugɔgúnúɔfuɔ́g gɛ e? 5Úmɔ́fuɔg gɛ́, ubɛ́dɔ́gɛn gɛ́ agág gá bimb bá ɛmbɔ́g na bɛdɔdɛn gidigid, 6úmáman gusiámán gɛ́ agá nuyá, ubɛ́laan begúl na begúligul bág waal gɔ́b ká: “Énuúl dɛ́bálága gágual ká nsaán gɛdɔ́mbá gám gíméenyím.” 7Ngúnuɔ́yɔn ká, anaány bɛdɔdɛn ganúbá ugumuana gobúsió bá eŋél bɛfal táŋ omoom unúgenyé ɔdɛm, gudɔ́mb bɛdɔdɛn gá band etín éní na bunyo na béní bɔ́biɔ́yɔnɔ ká bányɛ besi, bádiambá gunúgi ɛdɛm.
Nsab ya kiás uméenyím uwánɛ́g
8«Ɔ́nubɛ́dɔ́lɛ́gɛ́n sɔ́n: Agánd mábianan bakiás bá muonyi bát, buánɛ́g ká omoom ményim, saá ugaguág lámba yoóg, úfúla gians gág, ulɛ́ŋa kɔɔ́m gidigid guám anyɛ́ ugagúnuán wɔ́ e? 9Úmaán wɔ́, ugɔ́sɛ́d begúl na begúligul bág wɔyɛd ká: “Énuúl dɛ́bálaga, nsaán kiás wam uméenyím.” 10Buád buanda nnuɔ́yɔnɔ́ ká, ɛngɛlɛs bá Gɔdányá gabalaga, gobusió bá afalafal omoom uségunúgi ɔdɛm.»
Nsab ya mɔɔn uméenyim uwond uwánɛ́g
11Yésu ganyɛ sɔ́n ká: «Mɔnd mabiánán baan bándɛ. 12Gilimbe ganyɛ gá sié ká: “Babá, mfá bám bisígisíg.” Sié guafɛdɛn bɔ́ bɔnɛ́m bág. 13Mɔɔ́s máal mámádɔ́mbɔ, gilimbe igiány gudú bág bɔnɛ́m, uwɔb agá gɛdɔŋ gá ayáyá. Anyɛ́ umáab guáma, uwayayan gusɔ́d guám anyɛ́ muonyi mág máamaán ták. 14Múmáal múmámana, ɔndɔmɔ uwagua agá gɛdɔŋ igiány, gusɔ́g uguádɛgɛn wɔ́. 15Ɔwɔ́ gɔb gá buol aga mɔnd wa gɛdɔŋ igiány, mɔnd uwaány gɔdɔ́m wɔ́ agág gá bisién gá guegégényí ɛŋɔnaf. 16Umáambá gigúl gímodió ká unyá manyán má ɛŋɔnaf, ta mɔnd wa guéŋin wɔ́. 17Uwedúm guanɔna, ubiɔ́yɔɔn ɔwɔ́ muát ká: “Bél buol bá babá gidigid gúnyánan bódúgoon, manyán siénen. Yaŋuá nsiguénén nsana aya! 18Gám guond aga babá, yɔ́yɛ́dɛ́n wɔ́ ká: Babá, nguál gɛfal agá eŋís yá Gɔdányá na ɔyɔ́w. 19Ndiguánd gusɛgɛmanan ká ɔ́ngɔ́lɔɔn anyɛ mɔɔn wɔ́w, ngɔ́lɔɔ́n anyɛ eŋél buol wɔ́w.” 20Uwalád nŋili gá guond agá sié. Umáal umányɛ ayáyá na nuyá, sié guétí wɔ́ eŋís, mahan amádɛgɛn sié, uwɔgɔ́l ɔdɛd, uwanabɛ́suálɛ́d mɔɔn agá ekelu, uwɔgɔ́l mɔɔn gɛsas. 21Mɔɔn gányɛ gág ká: “Babá, nguál gɛfal agá eŋís yá Gɔdányá na ɔyɔ́w. Ndigúsɛgɛmanan ká ánd gúngɔ́lɔɔn anyɛ mɔɔn wɔ́w.” 22Ta anaány, sié guɔyɛdɛn bél buol ká: “Ánuál fiaŋ, núlén gɛla gínyá bunɔg nuág wɔ́, nuág wɔ́ amánd agá inɔ́nɔ́, nuág wɔ́ mfaŋáŋá agá bɛgɔnd, 23núlén mɔɔn wá búlúke wɔmbɔnɔ́, nuɔ́n, núnámba, núlén dínyánan, díbálaga, 24gágual ká, mɔɔn wám uméegú mósiónd agá gusɔ́d, umenyím, umánɛ́g!”
«Abábanyɛg budɔ́mb. 25Endimen wag wɔgɔn mabá budiádány gigúl igiány. Umáal uganyɛ egúy na nuyá gá gúsiondo, uwɔɔ́b band bíne mesig. 26Uwabɛ́lɛ́gɛn eŋél buol omoom, owófún wɔ́ ká: Giág gɛ́bɛ́dɔ́mbana e? 27Uganyɛ gág ká: “Endimen wɔ́w uwaány usoógusiondo. Tiɔ́ mɔɔ́n mɔɔn wá búlúke gág góbúsió gágual ká usosiondó cém.” 28Endimen uwɔgɔn uwaány uwɔ́b ilób, uwen gubíŋín agá gians. Sié guám, gusiál gág ká úbíŋín. 29Uganyɛ gá sié ká: “bɛ́dɔ́lɛ́gɛ́n, búgányɛ duɔŋ giod ngualaná buol, ndimagual idú ta buɔ́s. Ta ibúbúny amabása adɛmfá buɔ́s ká mbálaga na begúl bám. 30Mɔɔn wɔ́w uwaány máal nógusiondó, umámán guefúfí bɔnɛ́m bɔ́w gidigid na bagánd, ɔguɔ́nɔɔn wɔ́ mɔɔn wá búlúke unyá guɔmb!” 31Sié ganyɛ gág ká: “Mɔɔn ɔ́, anyɛ nam aya bigúl gidigid; bɔnɛ́m bám gidigid nyɛ bɔ́w. 32Búsófoon ká diál budɔ́mb, díbálaga gágual ká endimen wɔ́w ewe, águbá eguén, kányɛ unyá gusiondo agá gusɔ́d, anyɛ́ uményími, uwe umánuánɛg.”»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល