Lúkasa 12
12
Búnyá buɔsɛ́gɔ́n gadambɔg
(Mat 10.19-20,26-33)
1Band mabɛ́gɔ́sá kɔɔ́m ɔgɔ́ Yésu máaba gá gúbɛ́dɔ́lɛ́gɔɔn wɔ́. Bámabá liíi nɛnama nɛ́nyá ká bámadanɛn agá bɛgɔnd. Umakɛ́n guɔyɔɔn bafɔ́nɔfɔ́n bág ká: «Nugúsigimanan gubɛ́nyáŋanyaŋ na ginudúgin gá Bafalisiɛ́ŋ, ɛ́ŋ gual ká munéŋén mɔ́b. 2Buanda gidigid búnyá buɔsɛ́gɔ́n gaánɛ́g, ubúnyá agá niɔs gadambɔg. 3Kányɛ búnyɛ ká, buanda gidigid nusɔ́guɔyɔ agá mbíne, bɔ́gɔɔ́b bɔ́ na ɔdɛm wá buɔ́s, buand nugonuóŋunyoŋuny agá udú wá mɔnd nagadá wa nɛgɛlɛ, búgɔbiɔ́yɔ kɔɔ́m gidigid. 4Begúl bám, ngúnuɔ́yɔn ká nudiédíné ebe bɔ́nɔnɔ́ nuɔ́l#12.4 Anány guámba guɔyɛd guɔ́n mɔnd, ta bɔɔ́n nuɔ́l, bádɛ́bá bágual buanda búmodió. 5Énudíné Gɔdányá, ɔwɔ́ unyá na bugaga bégúnuéti agá yoóg ídiéfuénéné. Ɔwɔ́ iménunúdíyé ká núdíne. Búnyɛ nɔ́, ɔwɔ́ nubiananá ká núdíne. 6Mɔnd gidigid gɔ́lɛnsan ká bégúduénen músunye mútán gá dudɔ́dɔ́lá, nánié Gɔdányá digúbiélibieli ta ímoom yá mú. 7Ta iŋíde sán gidigid nyɛ sɛbanan. Nudiédíné, nugúdɔ́mbaan munoni gidigid. 8Yánd gunuɔ́yɛdɛn ebue, mɔnd ugɔnuɔ́yɛd agá busió bá band ebe ká: Inyɛ wa Yésu, yaŋuá Mɔɔn wá mɔnd ngɔyɛd sɔ́n agá busió bá basɔ́mɔ́sɔm bá Gɔdányá ká: mɔnd uwaány nyɛ wam, 9ewe ugɔnuɔ́yɛd agá busió bá band ká udɛgɔ́ŋlɛnsan, yaŋuá sɔ́n ngɔyɛd agá busió bá ɛngɛlɛs bá Gɔdányá ká ndɛgɔ́lɛnsan wɔ́. 10Ewe uganúŋandɛn yaŋuá Mɔɔn wá mɔnd ɛdɔg gadáŋáb gɛnɛnɛna gá bɛfal bág, ewe gɔg ugenúfénídin Ɛsámb yá Mefúny, dɛ́nubiá gɛnɛnɛna. 11Anyɛ́ báganúbaan nanɔ agá bians bás bá mbísógól, na agá busió bá béfuŋ na bagɔn, nudiágɛ́nán ká digɔgúbiɔ́gɔnɔgɔn nanya e, ɔ́gɔ ká digɔguɔ́yɔ́ giág e? 12Gágual ká Ɛsámb yá Mefúny genúfúnyifunyi agá gigúl igiány ubú nunyá ká nuɔ́yɛd.»
Nsab yá giál gá ɛnɔ́m ya mɔnd
13Mɔnd gadágadá wa giŋi gá band mɔyɛ́dɛ́n Yésu ká: «Ofúnyifúny, ɔyɛ́dɛ́n endimen wámɛ ká diáfɛ́dan bɔnɛ́m bás ɔbɔ́ babá meédísín.» 14Yésu ganyɛ gág ká: «Ányá unyá gundélíminyi anyɛ egél bɛsan ɔ́gɔ ká, eŋefi ká yáfa manda mánɔ e?» 15Yésu guand guɔyɛd gɔ́b ká: «Nubɛ́nyáŋanyaŋ, nudiágán eŋís yán giod gá bɔnɛ́m, gágual ká, gusɔ́d gá mɔnd dɛbá gudálaán agá bɔnɛ́m bág, ta ubá na bɔ́ giod.» 16Uwɔyɛdɛn bɔ́ nsab eye uganyɛ ká: «Bisién bá ɛnɔ́m ya mɔnd móomó giod. 17Umánɔ́ná, ubiófoon uwɔ́ muát ká: “Yaál nanyá anyɛ́ ndiábiánáná kɔɔ́m gá gɔ́bɛ́dɛ́gɛn bɛgayagaya bámɛ e?” 18Uganyɛ gɔg ká: “Ebue nsɛ́gimananá ká yaál, ngagad bɛsásɔ bám, mfuág bímodió bínyá bianta, ány ngabɛ́dɛ́gan inkeŋe sám, na manda mám mómodió kɔ́.” 19Agá gélem, ngɔbiɔ́yɛdɛn yaŋuá muát ká: “Ogúl é, anyɛ na bɔnɛ́m ta bɔ́guɔyɔ bá duɔŋ giod; duúké, nyánán, búwánán, áyáyaba.” 20Gɔdányá ganyɛ gág gɔg ká: “Giál egie, agá budug bá ínen, bógogúguófún gusɔ́d gɔ́w, manda amaány gidigid aságuágaan agá gɛsasɔ gɔ́bɛ́n ányá e?” 21Yésu guand guɔ́yɛ́kɛnɛn ká: Anaány búganúbá na mɔnd ugúsaná bɔnɛ́m góbúsió bág bá bɛ́muát, agá eŋís yá Gɔdányá udibiá bɔnɛ́m.»
Giondiɔdɛ́mɔ́ agá Gɔdányá
(Mat 6.25-33)
22Yésu ganyɛ sɔ́n gá bafɔ́nɔfɔ́n bág ká: «Buád buand nnuɔ́yɔnɔ́ ká: Nudiágɛ́nán agá giáy gá manyán mónuófoninó ká núsɔ́dɔɔn, ta na buóny bá bɛla góbusió bá gúlaŋa duɔ́l daán. 23Gágual ká gusɔ́d gúdɔ́mbaan manyán, nuɔ́l dɔ́mbaan bɛla. 24Ánulɛ́ŋá biɔ́lɔliɔ́, bídigúgúná, bídígayá, bídíbiánán ta gɛdál, ta gɛsasɔ. Ta anaány, Gɔdányá gúnyísenyi bɛ́, nugúdɔ́mbaan munoni. 25Búdɛ́bá ɛŋágɛ́nɛ́n yanɔ inyá bɔ́guɔ́yɛ́kɛnɛn ta ɛsɛsɛ́gɛ́l agán gá gúsɔ́d. 26Númén nudibiánán bugaga gá baan bá manda anyɛ ubuány, gagiág nuágɛ́naná gá manda mómodió e? 27Ánulɛ́ŋá anyɛ́ bafalúwa sɔ́gɔnɔ́ agá bísién, bádiguála buol, bádínugá bɛla. Ngúnuɔ́yɔn ká: ta Sálomɔŋɔ, ta anyɛ́ umáabiánán bɔnɛ́m giod udɛmabia bɛla bɛ́niá bunɔ́g anyɛ falúwa omoom agá bafalúwa abaány. 28Gɔdányá málaŋa gigud gínyá agá gisién ínen anaány, nŋɔ́guɔ́ béti gɛ́ agá yoóg, nanyá udiábáná bágúnúláŋa banuá, ta anyɛ́ guádáb gán nyá siɔdɛdɛd e? 29Nudiágɛ́nán gá guamba buanda nuganúnyánan, ta ubú nuganúbúwánan. 30Band bádiálɛnsáná Gɔdányá, bɔ́bɔ́ bébísésenyé gá guamba manda amaány gɛsɛgɛl gidigid. Banuá gɔg, Sié wanɔ gɔ́lɛnsan buanda búnuófoninó. 31Ánuál guamba bufuŋ bá Gɔdányá, ány nuganúbia manda amaány gidigid. 32Bánuá nunyá anyɛ mɔɔn wá gɛnaŋ gá bɛdɔ́mba, nudiábiánán buwa, gágual ká Sié wánɔ águán bú bese ká núbá agág gá Bufuŋ.
Bɔnɛ́m búdiásɛŋɛ́sɛ́ŋá
(Mat 6.19-21)
33«Énuduénén bɔnɛ́m baan, nuéŋen basɔ́gasɔga muonyi. Ánubɛ́dɛ́gaán bɔnɛ́m baan agá bɛgad bɛganúgɛ́ga na bánamana. Ta buɔ́s, beéb, ta buɛ́nyá dɛganámɛ́n bɔ́ gá guasɛŋaán. 34Gágual ká kɔɔ́m bɔnɛ́m bán nyá, gɔ́gɔ́ sɔ́n ɔdɛm wán nyá.
Ánubɛ́dábɔ́ná gá gúbídenyi gusiónd gá Yésu
(Mat 24.43-51)
35«Ánubá babɛ́dábɔ́nán gá guala buol na gɛɛ́sa gisúŋén agá nɛdál, na balámbá bán bágán yoóg. 36Ánubá anyɛ bél buol bébídenyé muát nuyá usiondónó gá gigiŋ ká béfunin wɔ́ gians, ugaal úmásiám umékilídín. 37Bese na bél buol ɔbɔ́ muát nuyá gɔnúfuɔgɛn nŋanyuá gigúl ugenúsiege. Ngúnuɔ́yɔɔn, búnyɛ́ meliŋítas, ugabiág gɛla gág gá buol, úlúkumenyi bél buol gá ɔnyɔ́, wáfɛnan bɔ́. 38Úmósiondo gɛsɛgɛl mámán gɔ́dɔ́mbɔ giod o, umánd gufuɔgɛn bɔ́ nŋanyuá, bágabá bɔ́bɔ́ bem agá bɛdɔdɛn.
39«Ánulɛnsá ká ɔ́gɔ muát nuyá gɔ́lɛnsan gɛsɛgɛl eŋéb ólonó, udɛbá bágútɛɛ́n wɔ́ ubíŋín agág gá gians. 40Banuá sɔ́n ánubɛ́dábɔ́n gá gúbídenyi. Gágual ká Mɔɔn wá mɔnd gól agá gɛsɛgɛl nudiébíbídényé.»
41Piéle ganyɛ gɔg ká: «Ɔgúnɔ́, Kɔɔ́kɔ gás góbusió ɔyɔnɔ́ nsab eye e, gúmén góbusió bá mɔnd gidigid e?» 42Ɔgúnɔ́ guondinyi ká: «Unúm eŋél buol unyá gɔg na nuládád na nsiŋi e? Unyɛ ewe ɔwɔ́ muát nuyá séguéŋin wɔ́ buol bégúgégenyi gians gág na guafɛnan bɔsɔ́g bél buol, gigúl gá manyán máman gueg. 43Bese na eŋél buol uwaány ɔwɔ́ muát nuyá gonúsiondó úfuɔgɛn wɔ́ wala buol. 44Ngúnuɔyɔɔn agá meliŋítas ká, muát nuyá geéŋin uwaány bugaga béguendenyi bɔnɛ́m bág gidigid. 45Eŋél buol uwaány mɔ́biɔ́yɛdɛn ɔwɔ́ muát ká: “Muát nuyá digúsiondoón fiaŋ”, úmádɛgɛn gɔg bɔsɔ́g bél buol na bagánd na banɔ́mandɔ gégúgide bɔ́, unyánan, ubúwánan, ubálan magɛ́b, 46ány ɔgɔn wág mósiondó buɔ́s ubú udiébíbídényé, agá gɛsɛgɛl udialɛnsáná, únúkɔ́ŋa wɔ́, wala nág anyɛ́ bálaná na ebe bányá kand nuládádá.
47«Eŋél buol ulɛnsaná buanda ubú ɔgɔn wág bílénené mén udibídábɔ́nɔ, udiál nuged ná muát nuyá, ugadáŋáb dusue giod; 48ewe udiálɛnsáná ubú muát nuyá bílénené, udiál nuged ná muát nuyá uwaány ugadáŋáb dusue siɔdɛd. Ebe béméŋín bɔ́ giod, bógófún bɔ́ giod, ewe bémédényígényí gá manda giod, bógófún wɔ́ giod gudúmbídenyi.
Góbúsió bá giág Yésu móol
49«Nguúl gá gúsifuán yoóg egegus, nganyá guamba ká íbífuán. 50Bágúbianan ká béndu, manɔŋ mám gúsɔ́mbɔsɔmb anyɛ́ búmányaná búdíbiál.
(Mat 10.34-36)
51«Nugúbɛ́dága ká nguúl egegus gá gúsiál ká band sɔ́dɔɔn agá bumben e? Ágó, nguúl ká nsaág nsala agá gadágadá wa band. 52Gudúm nɛ́nuán, band mábá bátán agá gians, bágabɛ́sála, bádadɔ nusenyi bándɛ, bándɛ nusenyi bádadɔ. 53Sié genusenyi mɔɔn, mɔɔn nusenyi sié. Inyódió nusenyi ɔmbúlɔ́, ɔmbúlɔ nusenyi inyódió. Inyén nusenyi giomb gág, giomb nusenyi inyén yaga.»
Gulɛns gusɔ́ŋɔ́n gúsigúsié wa bɛsɛgɛl
(Mat 16.2-3)
54Yésu mɔyɔɔ́n sɔ́n giŋi gá band ká: «Gɛsɛgɛl numánuán imelemend élégen, nuɔyɛd ká, “nɔbɔl gagúnua”, búbiál nɔ́. 55Gɛsɛgɛl numánuán imelemend kuéŋ, nuguɔ́yɔ ká: “Inen, ɔɔ́ny gagúlánsɛ́d”, búbiál nɔ́. 56Banuá band bémúnéŋén, gɛsɛgɛl nulɛ́ŋaná gús na imelemend, nugúlɛnsaan anyɛ́ buɔ́s gagúnúbá. Manda mábɛ́dɔ́mbaná nɛ́nuán, nudɛgɔ́lɛnsan mɔ́ gá giág e?
57«Góbúsió bágiág nudiásɔ́ŋɔ́náná buanda búnyá bese ká nuala e? 58Gɛsɛgɛl abiananá gɛsan na endimen wɔ́w, númaál nuganyá gubaan ogóbúsió bá ɔgɔn wá nɛgál, númaál numányɛ agá nŋili, ambɛ́d nŋili yá gɔbɛ́dábɔ́n naga. Udiál unyɛ nɔ́, udigɔbán ogóbúsió bá begél bɛsan, ká begél bɛsan abaány gudúmbi aga musia, musia guéti agá gians gá mbíné. 59Ngúguɔyɔɔn ká: adɛ́nuám kɔ́ kand gubá ká amánaám muonyi gidigid bóguófonó kɔ́.»
ទើបបានជ្រើសរើសហើយ៖
Lúkasa 12: MMU2
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lúkasa 12
12
Búnyá buɔsɛ́gɔ́n gadambɔg
(Mat 10.19-20,26-33)
1Band mabɛ́gɔ́sá kɔɔ́m ɔgɔ́ Yésu máaba gá gúbɛ́dɔ́lɛ́gɔɔn wɔ́. Bámabá liíi nɛnama nɛ́nyá ká bámadanɛn agá bɛgɔnd. Umakɛ́n guɔyɔɔn bafɔ́nɔfɔ́n bág ká: «Nugúsigimanan gubɛ́nyáŋanyaŋ na ginudúgin gá Bafalisiɛ́ŋ, ɛ́ŋ gual ká munéŋén mɔ́b. 2Buanda gidigid búnyá buɔsɛ́gɔ́n gaánɛ́g, ubúnyá agá niɔs gadambɔg. 3Kányɛ búnyɛ ká, buanda gidigid nusɔ́guɔyɔ agá mbíne, bɔ́gɔɔ́b bɔ́ na ɔdɛm wá buɔ́s, buand nugonuóŋunyoŋuny agá udú wá mɔnd nagadá wa nɛgɛlɛ, búgɔbiɔ́yɔ kɔɔ́m gidigid. 4Begúl bám, ngúnuɔ́yɔn ká nudiédíné ebe bɔ́nɔnɔ́ nuɔ́l#12.4 Anány guámba guɔyɛd guɔ́n mɔnd, ta bɔɔ́n nuɔ́l, bádɛ́bá bágual buanda búmodió. 5Énudíné Gɔdányá, ɔwɔ́ unyá na bugaga bégúnuéti agá yoóg ídiéfuénéné. Ɔwɔ́ iménunúdíyé ká núdíne. Búnyɛ nɔ́, ɔwɔ́ nubiananá ká núdíne. 6Mɔnd gidigid gɔ́lɛnsan ká bégúduénen músunye mútán gá dudɔ́dɔ́lá, nánié Gɔdányá digúbiélibieli ta ímoom yá mú. 7Ta iŋíde sán gidigid nyɛ sɛbanan. Nudiédíné, nugúdɔ́mbaan munoni gidigid. 8Yánd gunuɔ́yɛdɛn ebue, mɔnd ugɔnuɔ́yɛd agá busió bá band ebe ká: Inyɛ wa Yésu, yaŋuá Mɔɔn wá mɔnd ngɔyɛd sɔ́n agá busió bá basɔ́mɔ́sɔm bá Gɔdányá ká: mɔnd uwaány nyɛ wam, 9ewe ugɔnuɔ́yɛd agá busió bá band ká udɛgɔ́ŋlɛnsan, yaŋuá sɔ́n ngɔyɛd agá busió bá ɛngɛlɛs bá Gɔdányá ká ndɛgɔ́lɛnsan wɔ́. 10Ewe uganúŋandɛn yaŋuá Mɔɔn wá mɔnd ɛdɔg gadáŋáb gɛnɛnɛna gá bɛfal bág, ewe gɔg ugenúfénídin Ɛsámb yá Mefúny, dɛ́nubiá gɛnɛnɛna. 11Anyɛ́ báganúbaan nanɔ agá bians bás bá mbísógól, na agá busió bá béfuŋ na bagɔn, nudiágɛ́nán ká digɔgúbiɔ́gɔnɔgɔn nanya e, ɔ́gɔ ká digɔguɔ́yɔ́ giág e? 12Gágual ká Ɛsámb yá Mefúny genúfúnyifunyi agá gigúl igiány ubú nunyá ká nuɔ́yɛd.»
Nsab yá giál gá ɛnɔ́m ya mɔnd
13Mɔnd gadágadá wa giŋi gá band mɔyɛ́dɛ́n Yésu ká: «Ofúnyifúny, ɔyɛ́dɛ́n endimen wámɛ ká diáfɛ́dan bɔnɛ́m bás ɔbɔ́ babá meédísín.» 14Yésu ganyɛ gág ká: «Ányá unyá gundélíminyi anyɛ egél bɛsan ɔ́gɔ ká, eŋefi ká yáfa manda mánɔ e?» 15Yésu guand guɔyɛd gɔ́b ká: «Nubɛ́nyáŋanyaŋ, nudiágán eŋís yán giod gá bɔnɛ́m, gágual ká, gusɔ́d gá mɔnd dɛbá gudálaán agá bɔnɛ́m bág, ta ubá na bɔ́ giod.» 16Uwɔyɛdɛn bɔ́ nsab eye uganyɛ ká: «Bisién bá ɛnɔ́m ya mɔnd móomó giod. 17Umánɔ́ná, ubiófoon uwɔ́ muát ká: “Yaál nanyá anyɛ́ ndiábiánáná kɔɔ́m gá gɔ́bɛ́dɛ́gɛn bɛgayagaya bámɛ e?” 18Uganyɛ gɔg ká: “Ebue nsɛ́gimananá ká yaál, ngagad bɛsásɔ bám, mfuág bímodió bínyá bianta, ány ngabɛ́dɛ́gan inkeŋe sám, na manda mám mómodió kɔ́.” 19Agá gélem, ngɔbiɔ́yɛdɛn yaŋuá muát ká: “Ogúl é, anyɛ na bɔnɛ́m ta bɔ́guɔyɔ bá duɔŋ giod; duúké, nyánán, búwánán, áyáyaba.” 20Gɔdányá ganyɛ gág gɔg ká: “Giál egie, agá budug bá ínen, bógogúguófún gusɔ́d gɔ́w, manda amaány gidigid aságuágaan agá gɛsasɔ gɔ́bɛ́n ányá e?” 21Yésu guand guɔ́yɛ́kɛnɛn ká: Anaány búganúbá na mɔnd ugúsaná bɔnɛ́m góbúsió bág bá bɛ́muát, agá eŋís yá Gɔdányá udibiá bɔnɛ́m.»
Giondiɔdɛ́mɔ́ agá Gɔdányá
(Mat 6.25-33)
22Yésu ganyɛ sɔ́n gá bafɔ́nɔfɔ́n bág ká: «Buád buand nnuɔ́yɔnɔ́ ká: Nudiágɛ́nán agá giáy gá manyán mónuófoninó ká núsɔ́dɔɔn, ta na buóny bá bɛla góbusió bá gúlaŋa duɔ́l daán. 23Gágual ká gusɔ́d gúdɔ́mbaan manyán, nuɔ́l dɔ́mbaan bɛla. 24Ánulɛ́ŋá biɔ́lɔliɔ́, bídigúgúná, bídígayá, bídíbiánán ta gɛdál, ta gɛsasɔ. Ta anaány, Gɔdányá gúnyísenyi bɛ́, nugúdɔ́mbaan munoni. 25Búdɛ́bá ɛŋágɛ́nɛ́n yanɔ inyá bɔ́guɔ́yɛ́kɛnɛn ta ɛsɛsɛ́gɛ́l agán gá gúsɔ́d. 26Númén nudibiánán bugaga gá baan bá manda anyɛ ubuány, gagiág nuágɛ́naná gá manda mómodió e? 27Ánulɛ́ŋá anyɛ́ bafalúwa sɔ́gɔnɔ́ agá bísién, bádiguála buol, bádínugá bɛla. Ngúnuɔ́yɔn ká: ta Sálomɔŋɔ, ta anyɛ́ umáabiánán bɔnɛ́m giod udɛmabia bɛla bɛ́niá bunɔ́g anyɛ falúwa omoom agá bafalúwa abaány. 28Gɔdányá málaŋa gigud gínyá agá gisién ínen anaány, nŋɔ́guɔ́ béti gɛ́ agá yoóg, nanyá udiábáná bágúnúláŋa banuá, ta anyɛ́ guádáb gán nyá siɔdɛdɛd e? 29Nudiágɛ́nán gá guamba buanda nuganúnyánan, ta ubú nuganúbúwánan. 30Band bádiálɛnsáná Gɔdányá, bɔ́bɔ́ bébísésenyé gá guamba manda amaány gɛsɛgɛl gidigid. Banuá gɔg, Sié wanɔ gɔ́lɛnsan buanda búnuófoninó. 31Ánuál guamba bufuŋ bá Gɔdányá, ány nuganúbia manda amaány gidigid. 32Bánuá nunyá anyɛ mɔɔn wá gɛnaŋ gá bɛdɔ́mba, nudiábiánán buwa, gágual ká Sié wánɔ águán bú bese ká núbá agág gá Bufuŋ.
Bɔnɛ́m búdiásɛŋɛ́sɛ́ŋá
(Mat 6.19-21)
33«Énuduénén bɔnɛ́m baan, nuéŋen basɔ́gasɔga muonyi. Ánubɛ́dɛ́gaán bɔnɛ́m baan agá bɛgad bɛganúgɛ́ga na bánamana. Ta buɔ́s, beéb, ta buɛ́nyá dɛganámɛ́n bɔ́ gá guasɛŋaán. 34Gágual ká kɔɔ́m bɔnɛ́m bán nyá, gɔ́gɔ́ sɔ́n ɔdɛm wán nyá.
Ánubɛ́dábɔ́ná gá gúbídenyi gusiónd gá Yésu
(Mat 24.43-51)
35«Ánubá babɛ́dábɔ́nán gá guala buol na gɛɛ́sa gisúŋén agá nɛdál, na balámbá bán bágán yoóg. 36Ánubá anyɛ bél buol bébídenyé muát nuyá usiondónó gá gigiŋ ká béfunin wɔ́ gians, ugaal úmásiám umékilídín. 37Bese na bél buol ɔbɔ́ muát nuyá gɔnúfuɔgɛn nŋanyuá gigúl ugenúsiege. Ngúnuɔ́yɔɔn, búnyɛ́ meliŋítas, ugabiág gɛla gág gá buol, úlúkumenyi bél buol gá ɔnyɔ́, wáfɛnan bɔ́. 38Úmósiondo gɛsɛgɛl mámán gɔ́dɔ́mbɔ giod o, umánd gufuɔgɛn bɔ́ nŋanyuá, bágabá bɔ́bɔ́ bem agá bɛdɔdɛn.
39«Ánulɛnsá ká ɔ́gɔ muát nuyá gɔ́lɛnsan gɛsɛgɛl eŋéb ólonó, udɛbá bágútɛɛ́n wɔ́ ubíŋín agág gá gians. 40Banuá sɔ́n ánubɛ́dábɔ́n gá gúbídenyi. Gágual ká Mɔɔn wá mɔnd gól agá gɛsɛgɛl nudiébíbídényé.»
41Piéle ganyɛ gɔg ká: «Ɔgúnɔ́, Kɔɔ́kɔ gás góbusió ɔyɔnɔ́ nsab eye e, gúmén góbusió bá mɔnd gidigid e?» 42Ɔgúnɔ́ guondinyi ká: «Unúm eŋél buol unyá gɔg na nuládád na nsiŋi e? Unyɛ ewe ɔwɔ́ muát nuyá séguéŋin wɔ́ buol bégúgégenyi gians gág na guafɛnan bɔsɔ́g bél buol, gigúl gá manyán máman gueg. 43Bese na eŋél buol uwaány ɔwɔ́ muát nuyá gonúsiondó úfuɔgɛn wɔ́ wala buol. 44Ngúnuɔyɔɔn agá meliŋítas ká, muát nuyá geéŋin uwaány bugaga béguendenyi bɔnɛ́m bág gidigid. 45Eŋél buol uwaány mɔ́biɔ́yɛdɛn ɔwɔ́ muát ká: “Muát nuyá digúsiondoón fiaŋ”, úmádɛgɛn gɔg bɔsɔ́g bél buol na bagánd na banɔ́mandɔ gégúgide bɔ́, unyánan, ubúwánan, ubálan magɛ́b, 46ány ɔgɔn wág mósiondó buɔ́s ubú udiébíbídényé, agá gɛsɛgɛl udialɛnsáná, únúkɔ́ŋa wɔ́, wala nág anyɛ́ bálaná na ebe bányá kand nuládádá.
47«Eŋél buol ulɛnsaná buanda ubú ɔgɔn wág bílénené mén udibídábɔ́nɔ, udiál nuged ná muát nuyá, ugadáŋáb dusue giod; 48ewe udiálɛnsáná ubú muát nuyá bílénené, udiál nuged ná muát nuyá uwaány ugadáŋáb dusue siɔdɛd. Ebe béméŋín bɔ́ giod, bógófún bɔ́ giod, ewe bémédényígényí gá manda giod, bógófún wɔ́ giod gudúmbídenyi.
Góbúsió bá giág Yésu móol
49«Nguúl gá gúsifuán yoóg egegus, nganyá guamba ká íbífuán. 50Bágúbianan ká béndu, manɔŋ mám gúsɔ́mbɔsɔmb anyɛ́ búmányaná búdíbiál.
(Mat 10.34-36)
51«Nugúbɛ́dága ká nguúl egegus gá gúsiál ká band sɔ́dɔɔn agá bumben e? Ágó, nguúl ká nsaág nsala agá gadágadá wa band. 52Gudúm nɛ́nuán, band mábá bátán agá gians, bágabɛ́sála, bádadɔ nusenyi bándɛ, bándɛ nusenyi bádadɔ. 53Sié genusenyi mɔɔn, mɔɔn nusenyi sié. Inyódió nusenyi ɔmbúlɔ́, ɔmbúlɔ nusenyi inyódió. Inyén nusenyi giomb gág, giomb nusenyi inyén yaga.»
Gulɛns gusɔ́ŋɔ́n gúsigúsié wa bɛsɛgɛl
(Mat 16.2-3)
54Yésu mɔyɔɔ́n sɔ́n giŋi gá band ká: «Gɛsɛgɛl numánuán imelemend élégen, nuɔyɛd ká, “nɔbɔl gagúnua”, búbiál nɔ́. 55Gɛsɛgɛl numánuán imelemend kuéŋ, nuguɔ́yɔ ká: “Inen, ɔɔ́ny gagúlánsɛ́d”, búbiál nɔ́. 56Banuá band bémúnéŋén, gɛsɛgɛl nulɛ́ŋaná gús na imelemend, nugúlɛnsaan anyɛ́ buɔ́s gagúnúbá. Manda mábɛ́dɔ́mbaná nɛ́nuán, nudɛgɔ́lɛnsan mɔ́ gá giág e?
57«Góbúsió bágiág nudiásɔ́ŋɔ́náná buanda búnyá bese ká nuala e? 58Gɛsɛgɛl abiananá gɛsan na endimen wɔ́w, númaál nuganyá gubaan ogóbúsió bá ɔgɔn wá nɛgál, númaál numányɛ agá nŋili, ambɛ́d nŋili yá gɔbɛ́dábɔ́n naga. Udiál unyɛ nɔ́, udigɔbán ogóbúsió bá begél bɛsan, ká begél bɛsan abaány gudúmbi aga musia, musia guéti agá gians gá mbíné. 59Ngúguɔyɔɔn ká: adɛ́nuám kɔ́ kand gubá ká amánaám muonyi gidigid bóguófonó kɔ́.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល