Lúkasa 11
11
Yésu gúfunyifunyi mbísógól
(Mat 6.9-13)
1Buɔ́s búmodió, Yésu mabá ubísógólonyi kɔɔ́m, anyɛ́ umámana, ɔfɔ́nɔfɔ́n waga ganyɛ gág ká: «Ɔgúnɔ́, dífúnyifúnyí mbísógól anyɛ́ Sáŋa méefúnyifúnyí bafɔ́nɔfɔ́n bág.» 2Yésu ganyɛ gɔ́b ká: «gɛsɛgɛl nubísógólonyó, ɔ́nuɔyɔ ká:
Sié wasɔ
alá ká band lɛns ká anyɛ Gɔdányá,
Bufuŋ bɔ́w, biál,
3Diéŋín manyán más má sig buɔ́siɔ́,
4dɛ́tɛ́nɛ́n bɛfal bás kɔɔ́kɔ anyɛ́ basuá sɔ́n dɛtɛ́nanɛná bɔsɔ́gɔ́, adɛnɛɛ́n ká dɛ́guɛn agá mbuge!»
Nsab ya ogúl wófono buanda
5Yésu guand guɔyɛdɛn bɔ́ ká: «Mɔnd omoom agán gá ɔlɔŋ máab aga ogúl waga na ɔdɛm wá budug, ká wɔ́yɛ́dɛ́n wɔ́ ká: “Sígól ogúl e, mbiólí bɛnyɔka bɛ́dadɔ, 6Ogúl wam omodió nyɛ gá ɔŋɛnd, úmásiŋámɛ́n éné, ndigúbianan buanda bágúfá wɔ́”, 7uwaány móndinyi agá gians nagadá ká: “Edisinsésényí, nsaman gufuug niíd na gians, nam na baan bám dɛsaman gubɛ́dɛ́mɛn, ndɛbá báguand guadɔ́g ká ngúfá bɛnyɔka”, 8ngúnuɔ́yɔn ká: ugaguádɔg géguéŋin wɔ́ bɛ́, saá gágual ká bányɛ bugúl, ugeguéŋin wɔ́ buanda gidigid wambaná gágual ká usedímbígen guófon wɔ́.
9«Yaŋuá ngúnuɔ́yɔɔn ká: Ónuófún, nugadáŋáb, ánuambá, nugɔfuɔg, énukilídín, bégenúfunin. 10Gágual ká, mɔnd gidigid wófónó, ugúdáŋába, wambaná gúfuɔgɔn, ukilené agá niíd ná gians, bégúfunenin wɔ́. 11Sié unúm unyá béguéŋin mɔɔn waga nnyɔ́k gigúl mɔɔn waga uwaány ófonó wɔ́ yɔbɔ e? 12Ɔ́gɔ ká ɛŋɛŋɛ gɛsɛgɛl usóguófún wɔ́ nɛká e? 13Ɔ́gɔ banuá nunyá babɛ nugúlɛnsaan guéŋin baan bán manda má bese, bɛsɛgɛl bíník gɔ́g Babá unyá ugumuana genuéŋín Ɛsámb yá Mefúny gá ebé bofonó wɔ́ yɛ́.»
Yésu gúmányɛ́ganɛn biád bá bíliíndié
(Mat 9.32-34; 12.22-30; Mál 3.22-27)
14Buɔ́s búmodió, Yésu mabá ukɔ́ŋa giád gá gíliíndié gímóondí mɔnd gɛndɛgálɛ́diá. Anyɛ́ gímáamá, gɛndɛgálɛ́diá igiábanyɛg gúgálá, band gɔg meméŋeméŋ. 15Gɛdam gá band mɔyɔ́ ká: «Belesebúle, ɔgɔn wa biád bá bíliíndié ufánaná wɔ́ bugaga bá gúkɔ́ŋa bɛ́.» 16Bómodió mambá nŋili yá guág wɔ́ agá yɔɔ́bɛ́dɛn, bófoon wɔ́ ká waál gisey gídíyenyé ká bugaga bág gúlenin aga Gɔdányá. 17Yésu gɔg malɛnsaán ɛmbɛ́dágɛ́dɛ́n sɔ́b, uganyɛ gɔ́b gɔg ká: «Band bá gɛdɔŋ gímoom maáb gá gúnuanan bɔ́bɔ́ na bɔ́bɔ́, gɛdɔŋ igiány gagadɛg na bians bínyá kɔ́ gidigid. 18Sátan mébínusenyi ɔwɔ́ muát, nanyá gɛdɔŋ gág nyá báguand gɔb nobusió? Ta anyɛ́ búnyá ká nuguɔyɔ ká Belesebúl wumfánaná bugaga bá gúkɔ́ŋa biád bá bíliíndié. 19Ímábá ngúkúŋá bɛ́ nɛnama iniány, ányá wéŋené begúl bán bugaga bágúkɔ́ŋa bɛ́ e? Bégúdíyenyi ká banuá nunyɛ na gɛnana. 20Agá meliŋítas, na bugaga bá Gɔdányá nkɔ́ŋaná biád bá bíliíndié, búbú búdíyenyé ká Bufuŋ bá Gɔdányá saman gusɛnuámɛ́n. 21Gɛsɛgɛl mɔnd nyá na bugaga mɔ́nugɔ́l malaŋ mág má bíde ká úgégenyi gians gág, bádɛ́bá bégúbísíd manda mág. 22Mɔnd unyá gɔg na bugaga udúmbaná wɔ́ mésiege, uyág muát nuyá, wɔg malaŋ mág má bide ɔmɔ́ wondonyó ɔdɛm gá mɔ́, ugɔ́l manda gidigid ɔmɔ́ usɔ́guɔg, wafa. 23Ewe udiábáná nam, gúŋnusenyi, ewe udiágúsáná nam, gúsélémendenyi.
Gusiónd gá giád gá gíliíndié
(Mat 12.43-45)
24«Gɛsɛgɛl giád gá gíliíndié mánuám agá nuɔ́l ná mɔnd, gígúdeŋe agá bɔkɔɔ́m bá kɔ́d kɔ́d giíl giámbá kɔɔ́m gá gúdúkid, gímén gídíbia, gíbiɔ́yɛdɛn ká: “Yaál guond agám gá gians imáadɔ́g gá gɛ́.” 25Anyɛ́ gímónuondo, gifuɔgɛn nuyá nág fúláfúlá nudábɔ́nán bese na bese. 26Anyɛ́ gímánuán anaány, giábɛ́lɛ́gɛ́n bɔsɔ́g bíliíndié bítíndádɔ nomo binyá na ɔndɔndɔ gɔdɔ́mb gɛ́, ká bísiondó bísilukúmín agá nuɔ́l ɔ na mɔnd uwaány. Agá gélem ány, gubá gá mɔnd uwaány ánd guyéli gɔdɔ́mb anyɛ́ gúmáabá nsuá.»
Mband bese
27Yésu máal úmágála anaány, agánd agá gadágadá wa giŋi gá band ganyɛ gág ekelu magɔ́gɔ́n ká: «Bese na agánd umágɔbɛ́dɔ́gaán agág gá duna, uwegufúŋenyé sɔ́n!» 28Yésu guondinyi ká: «Bese na ebe bɔ́bídɔ́lɛ́gɔnɔ́ moóny má Gɔdányá, bófuógonyi mɔ́!»
Band guɔ́yɔ gá Yésu ká waál gisey
(Mat 12.38-42)
29Anyɛ́ biŋi bá band bímábigɔ́sá mɔ́ɔbɔ́ŋ Yésu, uwedúm guɔyɔɔn bɛ́ ká: «Banuá band bá ínen nudɛbá bese. Nuguófoon gisey, nudigaán tá gímoom, asiá gímábɛ́lɛ́ŋán Yónasa. 30Nɛnama nímoom ɛnɛ́ Yónasa máabá búlinsi gá band bá Ninífe, anaány sɔ́n yaŋuá mɔɔn wá mɔnd nganúbá bulinsi gá band bá ínen#11.30 Búnyá Gɔdányá mémí Yónas agá duna dá gianta gá yɔbɔ gímaámɛn wɔ́, umedúmbi kɔ́ medug mádadɔ Yónas. Alɛ́ŋɛ́d mbɔbɔnɔ ya Yónas.. 31Buɔ́s bá nɛgál, agánd umáabá ofuŋ wá gɛmbádá gá gus#11.31 Búnyɛ buɔyɛ́dɔ́n ká ofuŋ wá Saba kɔɔ́m gómodió. Alɛ́ŋɛ́d 1Lua 10.1-3 gedélímin agá busió bá banuá band bá ínen únúsɔ́mɔn, gágual ká umólónín agá bɛdɔŋ bá gus bínyá ayáyá, ká úsibɛ́dɔ́lɛ́gɔ́n gugál gá Sálómoŋɔ gúnyá gufuógón na nsiŋi. Nánié agá gadágadá wanɔ, mɔnd nyɛ kɔ́ udɔ́mbaná Sálómɔŋɔ. 32Buɔ́s bá nɛgál, band bá gɛdɔŋ gá Ninífe gedélímen agá busió bá band bá ínen gá gúsɔ́mɔn bɔ́. Gágual ká band bá gɛdɔŋ gá Ninífe máal bɔ́mɔ́ɔbɛ́dɔ́lɛ́gɔn gugál gá Gɔdányá ugú Yónasa méedúmbényí, ebénúgi gusɔ́d. Nánié agá gadágadá wanɔ, mɔnd nyɛ kɔ́ udɔ́mbaná Yónasa.
Gusɔ́dɔn agá gíse nagadá
(Mat 5.15; Mál 4.21; Lúk 8.16)
33«Mɔnd dɛguágaan lámba yoóg ká wɔ́sɛ́g wɔ́. Ugúdála wɔ́ agá gɛdálɛn ká band gidigid bébíŋené, ánaan gise bese na bese.
(Mat 6.22-23)
34«Eŋís yɔ́w nyɛ lámbá wá nuɔ́l nɔ́w; yámábá bese, gise gúsegenyi nuɔ́l nɔ́w gidigid. Yámánúma, nuɔ́l nɔ́w gabá agá mbíne. 35Kányɛ gúnyɛ ká, gɔ́l gɛsɛgɛl na gise ɛgɛ́ ányá na gɛ́ ká gɛ́dɛɛ́y mbíne 36Gise médegenyi nuɔ́l nɔ́w kadiá giáy gímoom nyɛ agá mbíne, núgabá gidigid wa nɔ́ agá gise anyɛ́ lámba núsegenyé séée.»
Yésu gúgélenyi béfúnyifúny bisele na Bafalisiɛ́ŋ
(Mat 23.4,6-7,13,25-27,29-31,34-36)
37Anyɛ́ Yésu máal ná guman gugála, Falisiɛ́ŋ uwabɛ́lɛ́gɛn wɔ́ gá ɔnyɔ́. Yésu uwebíŋín agá gians gá mɔnd uwaány, uwelukumin gá ɔnyɔ́. 38Falisiɛŋ uwaány meméŋeméŋ anyɛ́ umáan Yésu máabanyɛ́g gunyánan kand gubɛ́sɔ́gɛd ɛmbɔ́g. 39Ɔgúnɔ́ ganyɛ gág gɔ́g ká: «Anaány nunyá banuá Bafalisiɛ́ŋ, nunyɛ anyɛ indeŋé na bɛsuá band sɔganá gélem gusúg. Nagadá wanɔ nyɛ ofuógón na ɔlɔdɔ, na giád gá ɔdɛm. 40Biál ebie, sá Gɔdányá omoom umáayɛ́ŋaán na gélem na nagadá e? 41Énuéŋeén basúgasuga manda mányá nagadá, ány buanda gidigid gabá begubeg aganuá. 42Bɔbɛ nanɔ banuá Bafalisiɛ́ŋ gágual ká nuguéŋen Gɔdányá niaf nímoom agá aŋaf át yá magɔ́nɛd ta bɛgɔlɛn, bigud bá budiádany, nubiélibieli guanda agá busi na band, na gulɛ́ga Gɔdányá. Búbú búnyá guófoon ká nuála, nudibiélibiéli manda mómodió. 43Bɔbɛ nanɔ banuá Bafalisiɛ́ŋ nugúbíléne eluku yá busió agá bians bán bá mbísógól, nubíléne ká bénúbígélígeli agá bɔkɔɔ́m bányá filí. 44Bɔbɛ nanɔ, nunyɛ anyɛ bɛbɛl bɛ́diábiánáná bulinsi, bándaná gá bɛ́ kand gulɛnsa#11.44 Bisele bá Beyudɛn guɔ́yɔ ká mɔnd mánda agá bɛbɛl, búguófon ká básɔ́gɔn wɔ́. Alɛ́ŋɛ́d Nɔ 19.16.» 45Ofúnyifúny bisele omodió ganyɛ gág ká: «Ofúnyifúny, gɛsɛgɛl agálaná anaány, agúdɛ́sɛ́ga basuá sɔ́n!» 46Yésu guondinyi ká: «Nunyɛ sɔ́n agá bɔbɛ banuá befúnyifúny bisele. Nugúdúgaan band bɛnɔ bɛ́yáganá bɔ́, nudidúgún bɔ́ ta siɔdɛd gágúbɛdɔ́gaan bɛnɔ bɔ́b. 47Bɔbɛ nanɔ, gágual ká nugúfuáganɛn mubús bɛnɔg bá bɛbɛl, múmú muád besié ɔgunɔ́ bán mɔ́ɔnɔ́. 48Gual gán gúdíyényi ká nunyɛ ekelu na besié ɔgúnɔ́ bán bɔ́mɔ́ɔnɔ́ mubús, banuá nugúfuáganɛn mú bɛbɛl. 49Buád buanda Gɔdányá agág gá gɔlɛns mɔ́yɛ́d ká: Ngadɔ́manɛn bɔ́ mubús na bedúmeb; bɔ́gɔ́nɔ gɛdám ɔgɔ́b gá ɔlɔŋ, bóbígonyi bómodió, 50Buád buanda band bá ínen ganúbia nusésídény gobusió bá mubús ɔmɔ́ bɔ́mɔ́ɔnɔ́ gutɔ guedúm anyɛ́ gus mábɛ́lɔ́ŋ, 51gudúm anyɛ́ bɔ́mɔ́ɔn Ábɛla guám agá nigú ná Sakalíyasa, uwɔ́ bɔ́mɔ́ɔn gadágadá wa gɛdál gá bɛ́fuafua na gibegubegué gá kɔɔ́m. Ngúnuɔ́yɔɔn banuá band bá ínen ká nugabia nusésídény gá muɔ́nɔ́n umuány gidigid. 52Gɔsɔ́g nanɔ banuá bóŋ bisele, numɔgɔ́l nufúnín núfunené niíd ná gians ná gɔlɛns, banuá muát ta gubíŋín, unueleg ebé bámáabiánán ɛmbɛ́dágɛ́dɛ́n ya gubíŋín.»
53Anyɛ́ Yésu máadɔ́g agá kɔɔ́m agány, Bafalisiɛ́ŋ na bóŋ bisele ɔbɔ́bɛ́n wɔ́ gianta gá ilób, obófoon wɔ́ iŋófúny anama gidigid: 54Bámadámbán wɔ́ ɛlám bébídenyi ká ɔ́gɔ ugagúbɛ́nán ká bɔ́sɔ́mɛ́n wɔ́.
ទើបបានជ្រើសរើសហើយ៖
Lúkasa 11: MMU2
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lúkasa 11
11
Yésu gúfunyifunyi mbísógól
(Mat 6.9-13)
1Buɔ́s búmodió, Yésu mabá ubísógólonyi kɔɔ́m, anyɛ́ umámana, ɔfɔ́nɔfɔ́n waga ganyɛ gág ká: «Ɔgúnɔ́, dífúnyifúnyí mbísógól anyɛ́ Sáŋa méefúnyifúnyí bafɔ́nɔfɔ́n bág.» 2Yésu ganyɛ gɔ́b ká: «gɛsɛgɛl nubísógólonyó, ɔ́nuɔyɔ ká:
Sié wasɔ
alá ká band lɛns ká anyɛ Gɔdányá,
Bufuŋ bɔ́w, biál,
3Diéŋín manyán más má sig buɔ́siɔ́,
4dɛ́tɛ́nɛ́n bɛfal bás kɔɔ́kɔ anyɛ́ basuá sɔ́n dɛtɛ́nanɛná bɔsɔ́gɔ́, adɛnɛɛ́n ká dɛ́guɛn agá mbuge!»
Nsab ya ogúl wófono buanda
5Yésu guand guɔyɛdɛn bɔ́ ká: «Mɔnd omoom agán gá ɔlɔŋ máab aga ogúl waga na ɔdɛm wá budug, ká wɔ́yɛ́dɛ́n wɔ́ ká: “Sígól ogúl e, mbiólí bɛnyɔka bɛ́dadɔ, 6Ogúl wam omodió nyɛ gá ɔŋɛnd, úmásiŋámɛ́n éné, ndigúbianan buanda bágúfá wɔ́”, 7uwaány móndinyi agá gians nagadá ká: “Edisinsésényí, nsaman gufuug niíd na gians, nam na baan bám dɛsaman gubɛ́dɛ́mɛn, ndɛbá báguand guadɔ́g ká ngúfá bɛnyɔka”, 8ngúnuɔ́yɔn ká: ugaguádɔg géguéŋin wɔ́ bɛ́, saá gágual ká bányɛ bugúl, ugeguéŋin wɔ́ buanda gidigid wambaná gágual ká usedímbígen guófon wɔ́.
9«Yaŋuá ngúnuɔ́yɔɔn ká: Ónuófún, nugadáŋáb, ánuambá, nugɔfuɔg, énukilídín, bégenúfunin. 10Gágual ká, mɔnd gidigid wófónó, ugúdáŋába, wambaná gúfuɔgɔn, ukilené agá niíd ná gians, bégúfunenin wɔ́. 11Sié unúm unyá béguéŋin mɔɔn waga nnyɔ́k gigúl mɔɔn waga uwaány ófonó wɔ́ yɔbɔ e? 12Ɔ́gɔ ká ɛŋɛŋɛ gɛsɛgɛl usóguófún wɔ́ nɛká e? 13Ɔ́gɔ banuá nunyá babɛ nugúlɛnsaan guéŋin baan bán manda má bese, bɛsɛgɛl bíník gɔ́g Babá unyá ugumuana genuéŋín Ɛsámb yá Mefúny gá ebé bofonó wɔ́ yɛ́.»
Yésu gúmányɛ́ganɛn biád bá bíliíndié
(Mat 9.32-34; 12.22-30; Mál 3.22-27)
14Buɔ́s búmodió, Yésu mabá ukɔ́ŋa giád gá gíliíndié gímóondí mɔnd gɛndɛgálɛ́diá. Anyɛ́ gímáamá, gɛndɛgálɛ́diá igiábanyɛg gúgálá, band gɔg meméŋeméŋ. 15Gɛdam gá band mɔyɔ́ ká: «Belesebúle, ɔgɔn wa biád bá bíliíndié ufánaná wɔ́ bugaga bá gúkɔ́ŋa bɛ́.» 16Bómodió mambá nŋili yá guág wɔ́ agá yɔɔ́bɛ́dɛn, bófoon wɔ́ ká waál gisey gídíyenyé ká bugaga bág gúlenin aga Gɔdányá. 17Yésu gɔg malɛnsaán ɛmbɛ́dágɛ́dɛ́n sɔ́b, uganyɛ gɔ́b gɔg ká: «Band bá gɛdɔŋ gímoom maáb gá gúnuanan bɔ́bɔ́ na bɔ́bɔ́, gɛdɔŋ igiány gagadɛg na bians bínyá kɔ́ gidigid. 18Sátan mébínusenyi ɔwɔ́ muát, nanyá gɛdɔŋ gág nyá báguand gɔb nobusió? Ta anyɛ́ búnyá ká nuguɔyɔ ká Belesebúl wumfánaná bugaga bá gúkɔ́ŋa biád bá bíliíndié. 19Ímábá ngúkúŋá bɛ́ nɛnama iniány, ányá wéŋené begúl bán bugaga bágúkɔ́ŋa bɛ́ e? Bégúdíyenyi ká banuá nunyɛ na gɛnana. 20Agá meliŋítas, na bugaga bá Gɔdányá nkɔ́ŋaná biád bá bíliíndié, búbú búdíyenyé ká Bufuŋ bá Gɔdányá saman gusɛnuámɛ́n. 21Gɛsɛgɛl mɔnd nyá na bugaga mɔ́nugɔ́l malaŋ mág má bíde ká úgégenyi gians gág, bádɛ́bá bégúbísíd manda mág. 22Mɔnd unyá gɔg na bugaga udúmbaná wɔ́ mésiege, uyág muát nuyá, wɔg malaŋ mág má bide ɔmɔ́ wondonyó ɔdɛm gá mɔ́, ugɔ́l manda gidigid ɔmɔ́ usɔ́guɔg, wafa. 23Ewe udiábáná nam, gúŋnusenyi, ewe udiágúsáná nam, gúsélémendenyi.
Gusiónd gá giád gá gíliíndié
(Mat 12.43-45)
24«Gɛsɛgɛl giád gá gíliíndié mánuám agá nuɔ́l ná mɔnd, gígúdeŋe agá bɔkɔɔ́m bá kɔ́d kɔ́d giíl giámbá kɔɔ́m gá gúdúkid, gímén gídíbia, gíbiɔ́yɛdɛn ká: “Yaál guond agám gá gians imáadɔ́g gá gɛ́.” 25Anyɛ́ gímónuondo, gifuɔgɛn nuyá nág fúláfúlá nudábɔ́nán bese na bese. 26Anyɛ́ gímánuán anaány, giábɛ́lɛ́gɛ́n bɔsɔ́g bíliíndié bítíndádɔ nomo binyá na ɔndɔndɔ gɔdɔ́mb gɛ́, ká bísiondó bísilukúmín agá nuɔ́l ɔ na mɔnd uwaány. Agá gélem ány, gubá gá mɔnd uwaány ánd guyéli gɔdɔ́mb anyɛ́ gúmáabá nsuá.»
Mband bese
27Yésu máal úmágála anaány, agánd agá gadágadá wa giŋi gá band ganyɛ gág ekelu magɔ́gɔ́n ká: «Bese na agánd umágɔbɛ́dɔ́gaán agág gá duna, uwegufúŋenyé sɔ́n!» 28Yésu guondinyi ká: «Bese na ebe bɔ́bídɔ́lɛ́gɔnɔ́ moóny má Gɔdányá, bófuógonyi mɔ́!»
Band guɔ́yɔ gá Yésu ká waál gisey
(Mat 12.38-42)
29Anyɛ́ biŋi bá band bímábigɔ́sá mɔ́ɔbɔ́ŋ Yésu, uwedúm guɔyɔɔn bɛ́ ká: «Banuá band bá ínen nudɛbá bese. Nuguófoon gisey, nudigaán tá gímoom, asiá gímábɛ́lɛ́ŋán Yónasa. 30Nɛnama nímoom ɛnɛ́ Yónasa máabá búlinsi gá band bá Ninífe, anaány sɔ́n yaŋuá mɔɔn wá mɔnd nganúbá bulinsi gá band bá ínen#11.30 Búnyá Gɔdányá mémí Yónas agá duna dá gianta gá yɔbɔ gímaámɛn wɔ́, umedúmbi kɔ́ medug mádadɔ Yónas. Alɛ́ŋɛ́d mbɔbɔnɔ ya Yónas.. 31Buɔ́s bá nɛgál, agánd umáabá ofuŋ wá gɛmbádá gá gus#11.31 Búnyɛ buɔyɛ́dɔ́n ká ofuŋ wá Saba kɔɔ́m gómodió. Alɛ́ŋɛ́d 1Lua 10.1-3 gedélímin agá busió bá banuá band bá ínen únúsɔ́mɔn, gágual ká umólónín agá bɛdɔŋ bá gus bínyá ayáyá, ká úsibɛ́dɔ́lɛ́gɔ́n gugál gá Sálómoŋɔ gúnyá gufuógón na nsiŋi. Nánié agá gadágadá wanɔ, mɔnd nyɛ kɔ́ udɔ́mbaná Sálómɔŋɔ. 32Buɔ́s bá nɛgál, band bá gɛdɔŋ gá Ninífe gedélímen agá busió bá band bá ínen gá gúsɔ́mɔn bɔ́. Gágual ká band bá gɛdɔŋ gá Ninífe máal bɔ́mɔ́ɔbɛ́dɔ́lɛ́gɔn gugál gá Gɔdányá ugú Yónasa méedúmbényí, ebénúgi gusɔ́d. Nánié agá gadágadá wanɔ, mɔnd nyɛ kɔ́ udɔ́mbaná Yónasa.
Gusɔ́dɔn agá gíse nagadá
(Mat 5.15; Mál 4.21; Lúk 8.16)
33«Mɔnd dɛguágaan lámba yoóg ká wɔ́sɛ́g wɔ́. Ugúdála wɔ́ agá gɛdálɛn ká band gidigid bébíŋené, ánaan gise bese na bese.
(Mat 6.22-23)
34«Eŋís yɔ́w nyɛ lámbá wá nuɔ́l nɔ́w; yámábá bese, gise gúsegenyi nuɔ́l nɔ́w gidigid. Yámánúma, nuɔ́l nɔ́w gabá agá mbíne. 35Kányɛ gúnyɛ ká, gɔ́l gɛsɛgɛl na gise ɛgɛ́ ányá na gɛ́ ká gɛ́dɛɛ́y mbíne 36Gise médegenyi nuɔ́l nɔ́w kadiá giáy gímoom nyɛ agá mbíne, núgabá gidigid wa nɔ́ agá gise anyɛ́ lámba núsegenyé séée.»
Yésu gúgélenyi béfúnyifúny bisele na Bafalisiɛ́ŋ
(Mat 23.4,6-7,13,25-27,29-31,34-36)
37Anyɛ́ Yésu máal ná guman gugála, Falisiɛ́ŋ uwabɛ́lɛ́gɛn wɔ́ gá ɔnyɔ́. Yésu uwebíŋín agá gians gá mɔnd uwaány, uwelukumin gá ɔnyɔ́. 38Falisiɛŋ uwaány meméŋeméŋ anyɛ́ umáan Yésu máabanyɛ́g gunyánan kand gubɛ́sɔ́gɛd ɛmbɔ́g. 39Ɔgúnɔ́ ganyɛ gág gɔ́g ká: «Anaány nunyá banuá Bafalisiɛ́ŋ, nunyɛ anyɛ indeŋé na bɛsuá band sɔganá gélem gusúg. Nagadá wanɔ nyɛ ofuógón na ɔlɔdɔ, na giád gá ɔdɛm. 40Biál ebie, sá Gɔdányá omoom umáayɛ́ŋaán na gélem na nagadá e? 41Énuéŋeén basúgasuga manda mányá nagadá, ány buanda gidigid gabá begubeg aganuá. 42Bɔbɛ nanɔ banuá Bafalisiɛ́ŋ gágual ká nuguéŋen Gɔdányá niaf nímoom agá aŋaf át yá magɔ́nɛd ta bɛgɔlɛn, bigud bá budiádany, nubiélibieli guanda agá busi na band, na gulɛ́ga Gɔdányá. Búbú búnyá guófoon ká nuála, nudibiélibiéli manda mómodió. 43Bɔbɛ nanɔ banuá Bafalisiɛ́ŋ nugúbíléne eluku yá busió agá bians bán bá mbísógól, nubíléne ká bénúbígélígeli agá bɔkɔɔ́m bányá filí. 44Bɔbɛ nanɔ, nunyɛ anyɛ bɛbɛl bɛ́diábiánáná bulinsi, bándaná gá bɛ́ kand gulɛnsa#11.44 Bisele bá Beyudɛn guɔ́yɔ ká mɔnd mánda agá bɛbɛl, búguófon ká básɔ́gɔn wɔ́. Alɛ́ŋɛ́d Nɔ 19.16.» 45Ofúnyifúny bisele omodió ganyɛ gág ká: «Ofúnyifúny, gɛsɛgɛl agálaná anaány, agúdɛ́sɛ́ga basuá sɔ́n!» 46Yésu guondinyi ká: «Nunyɛ sɔ́n agá bɔbɛ banuá befúnyifúny bisele. Nugúdúgaan band bɛnɔ bɛ́yáganá bɔ́, nudidúgún bɔ́ ta siɔdɛd gágúbɛdɔ́gaan bɛnɔ bɔ́b. 47Bɔbɛ nanɔ, gágual ká nugúfuáganɛn mubús bɛnɔg bá bɛbɛl, múmú muád besié ɔgunɔ́ bán mɔ́ɔnɔ́. 48Gual gán gúdíyényi ká nunyɛ ekelu na besié ɔgúnɔ́ bán bɔ́mɔ́ɔnɔ́ mubús, banuá nugúfuáganɛn mú bɛbɛl. 49Buád buanda Gɔdányá agág gá gɔlɛns mɔ́yɛ́d ká: Ngadɔ́manɛn bɔ́ mubús na bedúmeb; bɔ́gɔ́nɔ gɛdám ɔgɔ́b gá ɔlɔŋ, bóbígonyi bómodió, 50Buád buanda band bá ínen ganúbia nusésídény gobusió bá mubús ɔmɔ́ bɔ́mɔ́ɔnɔ́ gutɔ guedúm anyɛ́ gus mábɛ́lɔ́ŋ, 51gudúm anyɛ́ bɔ́mɔ́ɔn Ábɛla guám agá nigú ná Sakalíyasa, uwɔ́ bɔ́mɔ́ɔn gadágadá wa gɛdál gá bɛ́fuafua na gibegubegué gá kɔɔ́m. Ngúnuɔ́yɔɔn banuá band bá ínen ká nugabia nusésídény gá muɔ́nɔ́n umuány gidigid. 52Gɔsɔ́g nanɔ banuá bóŋ bisele, numɔgɔ́l nufúnín núfunené niíd ná gians ná gɔlɛns, banuá muát ta gubíŋín, unueleg ebé bámáabiánán ɛmbɛ́dágɛ́dɛ́n ya gubíŋín.»
53Anyɛ́ Yésu máadɔ́g agá kɔɔ́m agány, Bafalisiɛ́ŋ na bóŋ bisele ɔbɔ́bɛ́n wɔ́ gianta gá ilób, obófoon wɔ́ iŋófúny anama gidigid: 54Bámadámbán wɔ́ ɛlám bébídenyi ká ɔ́gɔ ugagúbɛ́nán ká bɔ́sɔ́mɛ́n wɔ́.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល