Bielínyélínyé 9
9
Ɔmbɛ́lɛ́gɛ́n wá Sɔ́lɔ
1Agá gɛsɛgɛl igiány, Sɔ́lɔ mabɛ́dágá gɔɔ́gɔ́ gunusenyi na guɔ́nɔ bafɔ́nɔfɔ́n bá Ɔgúnɔ́. Uwanaán ɔgɔn wa bɔgɔ́gɔ, 2uwófún wɔ́ imbɔbɔnɔ siéŋené wɔ́ bugaga bá gúbíŋeen agá bians bá mbísógól bá Beyúdɛn bínyá Damás ká, úmɔ́fuɔg band kɔ́ ta banɔ́mandɔ, ta bagánd báládaná nŋili ya Ɔgúnɔ́, wádɛgaan bɔ́, wágaan bɔ́ masɛŋɛ, wúban bɔ́ Yelúsalɛm.
3Anɛ́ Sɔ́lɔ máabá umányɛ agá nŋili egúy na tísɔn wa Damás, umáal wánɛ́n gise seégedegede, gílenin muana igiɔ́bɔŋ wɔ́. 4Uwagua egegus, uwɔ́b ekelu wɔ́yɔ gág ká: «Sɔ́lɔ, Sɔ́lɔ, egungényígenyi gá giág e?» 5Sɔ́lɔ guófún ká: «Aŋuá ányá é, Ɔgúnɔ́?» Ekelu guondinyi ká: «Yaŋuá Yésu, yaŋuá engényígenyé. 6Ta anaány adɔ́g, ébíŋín agá tísɔn, bɔ́gɔgúguɔyɛdɛn ubú ányá ká ál.» 7Band ɔbɔ́ umáabá ɔlɔŋ nɔbɔ ebédélímin, badimabá na buóny bɔ́guɔyɛd, bɔ́mɔ́ɔbɔɔ́n ekelu, bádián mɔnd. 8Sɔ́lɔ uwadɔg egegus, ta anyɛ́ eŋís yág máabá yá bɛ́la, udimand guánaan ta buanda, band ɔbɔ́ umáabá ɔlɔŋ nɔbɔ abádɛgɛn wɔ́ agá ɔmbɔ́g gá gúbíŋínyi wɔ́ agá tísɔn wa Damás, 9uwedúmbi kɔ́ medug mádadɔ udiánaán, udinyá, udibúwá.
10Agá tísɔn wa Damás, ɔfɔ́nɔfɔ́n mabá kɔ́ ɔfɛ́n ká Ananiása; Ɔgúnɔ́ uwabɛ́lɛ́gɛn wɔ́ anyɛ́ umáamɛ́n wɔ́ uganyɛ gág ká: «Ananiása» Uwondinyi ká: «Yaŋuá ewe Ɔgúnɔ́.» 11Ɔgúnɔ́ gányɛ gág ká: «Ɛmbɛ́ gɔ́g nɛ́nuán agá gɛbala bábɛ́laná ká: Gɛbala, ófún gians gá Yúdasa, mɔnd nyɛ kɔ́ ɔfɛ́n ká Sɔ́lɔ wa Talás; ugúbísógólonyi nɛ́nuán, 12umáan agá giényigie ká mɔnd ɔfɛ́n ká Ananiása mébíŋin, umádál wɔ́ ɛmbɔ́g ká wond gá guánan.» 13Ananiása guondinyi ká: «Éhé! Ɔgúnɔ́ nguɔ́bɔɔn band giod bágála na ɔfɛ́n wá mɔnd uwaány, bɔ́yɔ́ anyɛ́ unyá gugényigenyi beédéb bɔ́w Yelúsalɛm. 14Úguúl aya na bugaga bɔgɔ́gɔ nyá guéŋin wɔ́ ká wádɛgaan ebe gidigid básámbaná ɔfɛ́n wɔ́w.» 15Ɔgúnɔ́ gányɛ ká: «Ɛmbɛ, gágual ká ngueyid mɔnd uwaány ká wúŋalaan buol, úlínsi ɔfɛ́n wám gá bɛdɔŋ bíndodi na befuŋ bɔ́b, na nigúl na Ísalayɛ́l. 16Yaŋuá muát ngedíye wɔ́ muyú gidigid umú ubiananá ká úlúmen na mú gám gá ɔfɛ́n.» 17Ananiása gɔb, uwebíŋín agá gians, uwadál wɔ́ ɛmbɔ́g uganyɛ ká: «Endimen wám Sɔ́lɔ, Ɔgúnɔ́ Yésu umáaguámɛ́n agá nŋili ɛ́yɛ́ ómóolónín gá yɛ́, maándɔ́m ká áb gá guánaan, ónd ofuóg na Ɛsámb yá Mefúny.» 18Kɔ́ nɔ kɔ́, biágáyágáy ibiélíki agá eŋís yá Sɔ́lɔ, uwedúm guánaan, ebédu wɔ́, 19uwabád gunyá buanda, uwabia magɛ́nda.
Sɔ́lɔ guɔ́yɔ Ndág ya Nsɔ́m Damás
Uwedúmbi gɛdám gá medug na beédéb bá Damás. 20Kɔ́ nɔ kɔ́, ta gubídí, uwedúm guɔyɔ agá bians bá mbísógól bá Beyúdɛn ká Yésu nyɛ Mɔɔn wa Gɔdányá. 21Band gidigid bɔ́mɔ́ɔbɛ́dɔ́lɛ́gɔɔ́n wɔ́ meméŋeméŋ, bóbiófoon ká: «Saá mɔnd ewe unyá gubá ugényigenyi ebe bóbísógólonyó agá ɔfɛ́n wá Yésu Yelúsalɛm, guúl gág muát aya dɛbá ká úsiadɛ́gaán bɔ́ ká wúban bɔ́ aga bɔgɔ́gɔ é?» 22Sɔ́lɔ gɔg magálá gá Beyúdɛn bá Damás kand buwa, udíyenyi bese na bese ká Yésu nyɛ Kilíse. 23Agá gélem gá gianta gá gɛsɛgɛl, Beyúdɛn gidigid abásɔ́mb ká bɔɔ́n Sɔ́lɔ, 24Sɔ́lɔ uwalɛns ɛdɔg yɔ́b. Bámalá ɔgɛ́g agá embíŋínín yá tísɔn na budug, ta na buɔ́s ká bádɛgɛn wɔ́, bɔɔ́n. 25Kányɛ, bafɔ́nɔfɔ́n bá Sɔ́lɔ mɔ́ɔgɔ́l wɔ́, ebéyeli wɔ́ negúné wa ɔmɛndɛ wá tísɔn agá nsada imáabá na duoli.
Sɔ́lɔ gɔ́ban Yelósalɛm
26Sɔ́lɔ máal wámaán Yelúsalɛm, uwabɛ́mág gusáyɛ́mɛn agá gadágadá wá bafɔ́nɔfɔ́n, bɔ́bɔ́ gidigid mabiá buwa naga, bádiádábaán ká unyɛ meliŋítas ɔfɔ́nɔfɔ́n. 27Balanábasa uwɔgɔ́l gɔg Sɔ́lɔ, uwébíŋínyi agá gadágadá wa bedúmeb, uwɔyɔɔn bɔ́ anyɛ́ Sɔ́lɔ máan Ɔgúnɔ́ agá nŋili, na anyɛ́ Ɔgúnɔ́ máagálɛ́dɛ́n wɔ́. Uwɔyɛdɛn bɔ́ sɔ́n anyɛ́ Sɔ́lɔ máagála na ɔfɛ́n wá Yésu kand buwa agá tísɔn wa Damás. 28Gudúm ány, Sɔ́lɔ uwondonondon nɔbɔ Yelúsalɛm, wɔyɔ ɔfɛ́n wa Ɔgúnɔ́ kand buwa. 29Umabá wɔyɔ moóny na Beyúdɛn bágálaná nugɛlɛ́k, usuŋenenyi nɔbɔ; bɔ́bɔ́ bámambá gɔg nŋili ya guɔ́n wɔ́. 30Anyɛ́ beédéb mɔ́ɔb anaány, abaáb na Sɔ́lɔ Sesalé, ebénedúmbí wɔ́ uguány agá tísɔn wa Tálas. 31Agá gɛsɛgɛl igiány, beédéb bá Yudé, bá Galilé, na bá Samalí mabá agá bumbén, bábiáganɛn makánya, bála anyɛ́ Ɔgúnɔ́ bílénené. Ɔlɔŋ wá beédéb mɔbiɔ́yɛ́kɔ́nɛ́n na bugaga bá Ɛsámb yá Mefúny.
Piéle méŋúgí Ené
32Piéle mabá wanda kɔɔ́m gidigid, wuúl úyɔ́lɔ́ beédéb. Buɔ́s búmodió, uwɔb aga beédéb bámáabá bɔ́sɔ́dɔɔn Lída. 33Uwɔfuɔgɛn mɔnd kɔ́ ɔfɛ́n ká Ené, ebíseéndúnény agá akan, umabá unúma búgányɛ duɔŋ duányɛ́manyɛ, umabá gandáganda. 34Piéle ganyɛ gág ká: «Ené, Yésu Kilíse méguéŋúgí, adɔ́g aŋuá muát ɔ́gɔ́l nɛbɛd nɔ́w», kɔ́ nɔ kɔ́, uwadɔg. 35Band gidigid bá Lída na bá gindúnúgié gá Salɔ́n máan anaány, ebébígébélidi giáy gá Ɔgúnɔ́.
Tabíta wa Yopé mányɔ́g gá ebeguén
36Ány Yopé, agánd mabá kɔ́, umabá ɔfɔ́nɔfɔ́n, ɔfɛ́n wág ká Tabíta, anaány gúnyá Dɔlɔkása na nugɛlɛ́ka, ɛ́ŋ gual ká mmondá. Buol bág mabá gɔg ká wála bɛnɔg bá manda, wónd udúgúne basɔ́gasɔga. 37Buɔ́s búmodió, uwagua gunúma, uwegú. Bámáal béméedumbí wɔ́, abánaág wɔ́ agá nɛgɛlɛ nímáabá agá ndáŋa. 38Anyɛ́ bafɔ́nɔfɔ́n bá Yafá mɔ́ɔb ká Piéle mabá Lidá, Lidá waád unyá egúy na Yafá, abádɔ́m band bándɛ ká bɔ́yɛ́dɛ́n wɔ́ nsɔ́m eye ká: «Dimógubísógólídí, ólo fiaŋ agasuá.» Piéle máal úmɔ́ɔb anaány, uwedúmbi gá gɔb kɔ́ nɔ kɔ́ nɔbɔ. 39Umáal wámaán, ebébúlígi wɔ́ agá nɛgɛlɛ nímáabá agá ndáŋa, bisi bá bagánd mabá agág góbusió bábáŋa, bídíyenyi bakaba, na bɛla ɛbɛ́ Dɔlɔkása máabá wala anyɛ́ umáabá agá gusɔ́d. 40Piéle uwémi band gidigid bámáabá kɔ́, uweguns enú egegus, uwedúm gubísógólonyi, uwebígébelidi giáy gá gɛlɔŋ, uganyɛ gá Tabíta ká: «Adɔ́g.» Tabíta uwefuun eŋís, anyɛ́ umáan Piéle, uwadɔg, uwelukumin. 41Piéle uwadɛgɛn wɔ́ agá ɔmbɔ́g ká wédugi wɔ́. Agá gélem ány, uwabɛ́lɛ́gɛn beédéb na bisi, uwedíye bɔ́ Tabíta umáabá uganyɛ ɔgɔ́s. 42Band bá Yopé gidigid ɔbɔɔ́b, giod abádáb Ɔgúnɔ́. 43Piéle uwɔlɔb ány Yopé gianta gá gɛsɛgɛl agá mɔnd anyɛ Símune umáabá wala buol na bɛɛmf bá manyam.
ទើបបានជ្រើសរើសហើយ៖
Bielínyélínyé 9: MMU2
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bielínyélínyé 9
9
Ɔmbɛ́lɛ́gɛ́n wá Sɔ́lɔ
1Agá gɛsɛgɛl igiány, Sɔ́lɔ mabɛ́dágá gɔɔ́gɔ́ gunusenyi na guɔ́nɔ bafɔ́nɔfɔ́n bá Ɔgúnɔ́. Uwanaán ɔgɔn wa bɔgɔ́gɔ, 2uwófún wɔ́ imbɔbɔnɔ siéŋené wɔ́ bugaga bá gúbíŋeen agá bians bá mbísógól bá Beyúdɛn bínyá Damás ká, úmɔ́fuɔg band kɔ́ ta banɔ́mandɔ, ta bagánd báládaná nŋili ya Ɔgúnɔ́, wádɛgaan bɔ́, wágaan bɔ́ masɛŋɛ, wúban bɔ́ Yelúsalɛm.
3Anɛ́ Sɔ́lɔ máabá umányɛ agá nŋili egúy na tísɔn wa Damás, umáal wánɛ́n gise seégedegede, gílenin muana igiɔ́bɔŋ wɔ́. 4Uwagua egegus, uwɔ́b ekelu wɔ́yɔ gág ká: «Sɔ́lɔ, Sɔ́lɔ, egungényígenyi gá giág e?» 5Sɔ́lɔ guófún ká: «Aŋuá ányá é, Ɔgúnɔ́?» Ekelu guondinyi ká: «Yaŋuá Yésu, yaŋuá engényígenyé. 6Ta anaány adɔ́g, ébíŋín agá tísɔn, bɔ́gɔgúguɔyɛdɛn ubú ányá ká ál.» 7Band ɔbɔ́ umáabá ɔlɔŋ nɔbɔ ebédélímin, badimabá na buóny bɔ́guɔyɛd, bɔ́mɔ́ɔbɔɔ́n ekelu, bádián mɔnd. 8Sɔ́lɔ uwadɔg egegus, ta anyɛ́ eŋís yág máabá yá bɛ́la, udimand guánaan ta buanda, band ɔbɔ́ umáabá ɔlɔŋ nɔbɔ abádɛgɛn wɔ́ agá ɔmbɔ́g gá gúbíŋínyi wɔ́ agá tísɔn wa Damás, 9uwedúmbi kɔ́ medug mádadɔ udiánaán, udinyá, udibúwá.
10Agá tísɔn wa Damás, ɔfɔ́nɔfɔ́n mabá kɔ́ ɔfɛ́n ká Ananiása; Ɔgúnɔ́ uwabɛ́lɛ́gɛn wɔ́ anyɛ́ umáamɛ́n wɔ́ uganyɛ gág ká: «Ananiása» Uwondinyi ká: «Yaŋuá ewe Ɔgúnɔ́.» 11Ɔgúnɔ́ gányɛ gág ká: «Ɛmbɛ́ gɔ́g nɛ́nuán agá gɛbala bábɛ́laná ká: Gɛbala, ófún gians gá Yúdasa, mɔnd nyɛ kɔ́ ɔfɛ́n ká Sɔ́lɔ wa Talás; ugúbísógólonyi nɛ́nuán, 12umáan agá giényigie ká mɔnd ɔfɛ́n ká Ananiása mébíŋin, umádál wɔ́ ɛmbɔ́g ká wond gá guánan.» 13Ananiása guondinyi ká: «Éhé! Ɔgúnɔ́ nguɔ́bɔɔn band giod bágála na ɔfɛ́n wá mɔnd uwaány, bɔ́yɔ́ anyɛ́ unyá gugényigenyi beédéb bɔ́w Yelúsalɛm. 14Úguúl aya na bugaga bɔgɔ́gɔ nyá guéŋin wɔ́ ká wádɛgaan ebe gidigid básámbaná ɔfɛ́n wɔ́w.» 15Ɔgúnɔ́ gányɛ ká: «Ɛmbɛ, gágual ká ngueyid mɔnd uwaány ká wúŋalaan buol, úlínsi ɔfɛ́n wám gá bɛdɔŋ bíndodi na befuŋ bɔ́b, na nigúl na Ísalayɛ́l. 16Yaŋuá muát ngedíye wɔ́ muyú gidigid umú ubiananá ká úlúmen na mú gám gá ɔfɛ́n.» 17Ananiása gɔb, uwebíŋín agá gians, uwadál wɔ́ ɛmbɔ́g uganyɛ ká: «Endimen wám Sɔ́lɔ, Ɔgúnɔ́ Yésu umáaguámɛ́n agá nŋili ɛ́yɛ́ ómóolónín gá yɛ́, maándɔ́m ká áb gá guánaan, ónd ofuóg na Ɛsámb yá Mefúny.» 18Kɔ́ nɔ kɔ́, biágáyágáy ibiélíki agá eŋís yá Sɔ́lɔ, uwedúm guánaan, ebédu wɔ́, 19uwabád gunyá buanda, uwabia magɛ́nda.
Sɔ́lɔ guɔ́yɔ Ndág ya Nsɔ́m Damás
Uwedúmbi gɛdám gá medug na beédéb bá Damás. 20Kɔ́ nɔ kɔ́, ta gubídí, uwedúm guɔyɔ agá bians bá mbísógól bá Beyúdɛn ká Yésu nyɛ Mɔɔn wa Gɔdányá. 21Band gidigid bɔ́mɔ́ɔbɛ́dɔ́lɛ́gɔɔ́n wɔ́ meméŋeméŋ, bóbiófoon ká: «Saá mɔnd ewe unyá gubá ugényigenyi ebe bóbísógólonyó agá ɔfɛ́n wá Yésu Yelúsalɛm, guúl gág muát aya dɛbá ká úsiadɛ́gaán bɔ́ ká wúban bɔ́ aga bɔgɔ́gɔ é?» 22Sɔ́lɔ gɔg magálá gá Beyúdɛn bá Damás kand buwa, udíyenyi bese na bese ká Yésu nyɛ Kilíse. 23Agá gélem gá gianta gá gɛsɛgɛl, Beyúdɛn gidigid abásɔ́mb ká bɔɔ́n Sɔ́lɔ, 24Sɔ́lɔ uwalɛns ɛdɔg yɔ́b. Bámalá ɔgɛ́g agá embíŋínín yá tísɔn na budug, ta na buɔ́s ká bádɛgɛn wɔ́, bɔɔ́n. 25Kányɛ, bafɔ́nɔfɔ́n bá Sɔ́lɔ mɔ́ɔgɔ́l wɔ́, ebéyeli wɔ́ negúné wa ɔmɛndɛ wá tísɔn agá nsada imáabá na duoli.
Sɔ́lɔ gɔ́ban Yelósalɛm
26Sɔ́lɔ máal wámaán Yelúsalɛm, uwabɛ́mág gusáyɛ́mɛn agá gadágadá wá bafɔ́nɔfɔ́n, bɔ́bɔ́ gidigid mabiá buwa naga, bádiádábaán ká unyɛ meliŋítas ɔfɔ́nɔfɔ́n. 27Balanábasa uwɔgɔ́l gɔg Sɔ́lɔ, uwébíŋínyi agá gadágadá wa bedúmeb, uwɔyɔɔn bɔ́ anyɛ́ Sɔ́lɔ máan Ɔgúnɔ́ agá nŋili, na anyɛ́ Ɔgúnɔ́ máagálɛ́dɛ́n wɔ́. Uwɔyɛdɛn bɔ́ sɔ́n anyɛ́ Sɔ́lɔ máagála na ɔfɛ́n wá Yésu kand buwa agá tísɔn wa Damás. 28Gudúm ány, Sɔ́lɔ uwondonondon nɔbɔ Yelúsalɛm, wɔyɔ ɔfɛ́n wa Ɔgúnɔ́ kand buwa. 29Umabá wɔyɔ moóny na Beyúdɛn bágálaná nugɛlɛ́k, usuŋenenyi nɔbɔ; bɔ́bɔ́ bámambá gɔg nŋili ya guɔ́n wɔ́. 30Anyɛ́ beédéb mɔ́ɔb anaány, abaáb na Sɔ́lɔ Sesalé, ebénedúmbí wɔ́ uguány agá tísɔn wa Tálas. 31Agá gɛsɛgɛl igiány, beédéb bá Yudé, bá Galilé, na bá Samalí mabá agá bumbén, bábiáganɛn makánya, bála anyɛ́ Ɔgúnɔ́ bílénené. Ɔlɔŋ wá beédéb mɔbiɔ́yɛ́kɔ́nɛ́n na bugaga bá Ɛsámb yá Mefúny.
Piéle méŋúgí Ené
32Piéle mabá wanda kɔɔ́m gidigid, wuúl úyɔ́lɔ́ beédéb. Buɔ́s búmodió, uwɔb aga beédéb bámáabá bɔ́sɔ́dɔɔn Lída. 33Uwɔfuɔgɛn mɔnd kɔ́ ɔfɛ́n ká Ené, ebíseéndúnény agá akan, umabá unúma búgányɛ duɔŋ duányɛ́manyɛ, umabá gandáganda. 34Piéle ganyɛ gág ká: «Ené, Yésu Kilíse méguéŋúgí, adɔ́g aŋuá muát ɔ́gɔ́l nɛbɛd nɔ́w», kɔ́ nɔ kɔ́, uwadɔg. 35Band gidigid bá Lída na bá gindúnúgié gá Salɔ́n máan anaány, ebébígébélidi giáy gá Ɔgúnɔ́.
Tabíta wa Yopé mányɔ́g gá ebeguén
36Ány Yopé, agánd mabá kɔ́, umabá ɔfɔ́nɔfɔ́n, ɔfɛ́n wág ká Tabíta, anaány gúnyá Dɔlɔkása na nugɛlɛ́ka, ɛ́ŋ gual ká mmondá. Buol bág mabá gɔg ká wála bɛnɔg bá manda, wónd udúgúne basɔ́gasɔga. 37Buɔ́s búmodió, uwagua gunúma, uwegú. Bámáal béméedumbí wɔ́, abánaág wɔ́ agá nɛgɛlɛ nímáabá agá ndáŋa. 38Anyɛ́ bafɔ́nɔfɔ́n bá Yafá mɔ́ɔb ká Piéle mabá Lidá, Lidá waád unyá egúy na Yafá, abádɔ́m band bándɛ ká bɔ́yɛ́dɛ́n wɔ́ nsɔ́m eye ká: «Dimógubísógólídí, ólo fiaŋ agasuá.» Piéle máal úmɔ́ɔb anaány, uwedúmbi gá gɔb kɔ́ nɔ kɔ́ nɔbɔ. 39Umáal wámaán, ebébúlígi wɔ́ agá nɛgɛlɛ nímáabá agá ndáŋa, bisi bá bagánd mabá agág góbusió bábáŋa, bídíyenyi bakaba, na bɛla ɛbɛ́ Dɔlɔkása máabá wala anyɛ́ umáabá agá gusɔ́d. 40Piéle uwémi band gidigid bámáabá kɔ́, uweguns enú egegus, uwedúm gubísógólonyi, uwebígébelidi giáy gá gɛlɔŋ, uganyɛ gá Tabíta ká: «Adɔ́g.» Tabíta uwefuun eŋís, anyɛ́ umáan Piéle, uwadɔg, uwelukumin. 41Piéle uwadɛgɛn wɔ́ agá ɔmbɔ́g ká wédugi wɔ́. Agá gélem ány, uwabɛ́lɛ́gɛn beédéb na bisi, uwedíye bɔ́ Tabíta umáabá uganyɛ ɔgɔ́s. 42Band bá Yopé gidigid ɔbɔɔ́b, giod abádáb Ɔgúnɔ́. 43Piéle uwɔlɔb ány Yopé gianta gá gɛsɛgɛl agá mɔnd anyɛ Símune umáabá wala buol na bɛɛmf bá manyam.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល