Bielínyélínyé 10
10
Ɛlɛmɛ ya Kɔlɔnɛ́ya
1Mɔnd mabá aga gidɔŋ gá Sesalé ɔfɛ́n ká Kɔlɔnɛ́ya, umabá ɔgɔ́n wá musia má Balomɛ́ŋ bámáabá bábɛ́laan ká «Italík»#10.1 Ɔgúnɔ́ wá musia aga Balomɛ́ŋ mabá wendenyi musia nɔgɔn.. 2Umabá na nuládád. Nág na gians gág gá band gidigid malá Gɔdányá nŋɔ́bɛnɔ. Umedúgúné basɔ́gasɔga bá Beyúdɛn wond ubísógólonyi Gɔdányá bɛsɛgɛl gidigid. 3Ebue buɔ́s, agá bɛsɛgɛl bɛ́dadɔ bá niɔ́b, uwaán ɛngɛlɛs geŋul. Iyabɛ́lɛ́gɛ́n Kɔlɔnɛ́ya ká: «Kɔlɔnɛ́ya!» 4Kɔlɔnɛ́ya uwadál yɛ́ eŋís sóoŋŋŋ, buwa ubuádɛgɛn wɔ́, uwófún ká: «Giág ɛ, Ɔgúnɔ́?» Ɛngɛlɛs guondinyi ká: «Gɔdányá ɔ́guɔ́bɔɔn imbísógól sɔ́w na gidúgune alaná basɔ́gasɔga, udigúgubiélibieli. 5Nɛ́nuán gɔg, dɔ́m band Yopé ká bábɛ́lɛ́gɛn Símune bábɛ́laná sɔ́n ká Piéle. 6Ugúlɔbɔɔn aga Símune ondodi walaná buol na bɛɛmf bá manyam, gians gág nyɛ egúy na gɛsál gá manáŋ abɔ́sa.» 7Ɛngɛlɛs ya Gɔdányá imáagálá gág máal yóndoon, Kɔlɔnɛ́ya gɔbɛ́lɛ́gɛn bél buol bág bándɛ na isia yág ímáabá yála Gɔdányá nŋɔ́bɛnɔ. 8Uwɔyɛdɛn bɔ́ buand gidigid búmáabɛ́dɔ́mbaán, uwadɔ́m bɔ́ Yopé.
Ɛlɛmɛ yá Piéle Yopé
9Mémbelibéli anyɛ́ bámáabá básɔ́ŋɔnaan na ɔŋɛnd bágányɛ egúy na tísɔn wa Yopé. Gigúl igiány, Piéle gɔb agá ndaŋa gá guobísógólónyí, búmabá na ɔdɛm wa buɔ́s. 10Nsana iyadɛgɛn wɔ́, uwambɛ́d ká únyá buanda. Anɛ́ bámáabá bámányá gúnámbaan wɔ́ buanda, uwabia giényigie. 11Uwaán muán efúnen, Buand ádɔ́gaán kɔ́ anyɛ gianta gá giéns gá gɛla bámáadɛ́gɛ́n agá nsónsó íní, búsémen egegus. 12Agá giéns gá gɛla igiány, bunyɛ manyama mabá kɔ́ giod, eme mábiananá bigɔ́nd bíní, na málambaná egegus, na anama yá munoni gidigid. 13Ekelu uwagálɛ́d gág ká: «Piéle, ɛmbɛ ɔɔ́n, ányá.» 14Piéle guondinyi ká: «Ágó, Ɔgúnɔ́ meliŋítas agám gá gusɔ́d, ta gilegélég, ta buanda bá gisele mabása búdíbíŋín agám gá niíd!» 15Gá gɛsɛgɛl gá gándɛ, iyand guɔ́b ekelu wúlenin ugumuana wɔ́yɔ ká: «Ɔdiɔyɛ́d ká ubú Ɔgúnɔ́ sóguondi filí, búnyɛ gisele.» 16Ubuány mabiál bɛsɛgɛl bídadɔ, ány buand ubuónd ugumuana.
17Piéle gubiófún uwɔ́ muát ká: Gúsigúsié wa giényigie egie guámba guɔyɛd ká giág e? Agá gɛsɛgɛl giád band ɔbɔ́ Kɔlɔnɛ́ya máadɔ́m móol bófoón gians gá Símune, bámabá bágányɛ agá nibíŋínín. 18Obófún ekelu magɔ́gɔ́n ká Símune bábɛ́laná sɔ́n ká Piéle gúlɔbɔɔn aya e? 19Gienyigie mabá gímáanyá gúbueŋenyi Piéle méne. Ɛsámb yá Mefúny ganyɛ gág ká: «Band bádadɔ gúguamba éné! 20Dúnúg nɛ́nuán, álád nŋili nɔbɔ, adiánd gúdúmbi gɛsɛgɛl, gágual ká yaŋuá mmánɔdɔ́m bɔ́.» 21Piéle gudúnúg, guɔfuɔ́g band abaány, uganyɛ gɔ́b ká: «Yaŋuá ewe, nnyɛ ewe nuambaná, numoól gá giág e?» 22Obóndinyi ká: «Kɔlɔnɛ́ya ɔgúnɔ́ wa musia umánudɛ́dɔ́m, unyɛ mɔnd walaná manda aga busi, wond wala Gɔdányá nŋɔ́bɛnɔ, ɔwɔ́ band bá Beyúdɛn gidigid bílénené. Ɛngɛlɛs wa Gɔdányá saal gág agá giényigie ká úsigugɔ́l, áb agagá, ɔ́yɔɔn wɔ́ ebue gidigid abiananá ká ɔ́yɔɔn wɔ́.»
23Piéle uwebíŋinyi bɔ́ abábɛ́dɛ́mɛn. Mémbelibélí, uwond nɔbɔ na gɛdám gá beédéb bá tísɔn wa Yopé bámáab gá guedílígín wɔ́. 24Abánámaán buɔ́s bumáaládaán mémbelibél Sesalé. Kɔlɔnɛ́ya mebídényi bɔ́ ɔlɔŋ na band bág bá niíd ná gians na begúl bág bá ɔdɛm umáabɛ́lɛ́gɛ́n. 25Agá gɛsɛgɛl ɛgɛ́ Piéle másiám, Kɔlɔnɛ́ya uwogóli wɔ́, uwagɔɔn wɔ́ agá ambana gá gufá wɔ́ nukany. 26Piéle guedugi wɔ́, uganyɛ gág ká: «Adɔ́g! Yaŋuá sɔ́n inyɛ mɔnd anyɛ aŋuá.» 27Bámabá boól bɔ́yɔ́ moóny, bébíŋeen agá gians, uwɔfuɔg giod gá band bámáabɛ́gɔ́sɛd. 28Uwɔ́ gɔ́b ká: «Nugúlɛnsaan ká mɔnd wa Beyúdɛn dɛgúbianan ká wánda gúmén úbíŋín agá gians gá eŋenyi. Yaŋuá gɔg, Gɔdányá águal gám ká ndɛbiá ɛmbɛ́dágɛ́dɛ́n ká: Deén nyɛ ebíndén, búguófoon gɔbɛ́sándúna wɔ́, ɔ́gɔ ká ndigúsɛgɛmanan ká yɛ́baan agagá. 29Buád buanda nságuádáb ɔmbɛ́lɛ́gɛ́n wɔ́w ta gubia buwa agá ɔdɛm. Nguámba gɔlɛns nɛnuán buanda nuságɔmbɛ́laan gá bɔ́.» 30Kɔlɔnɛ́ya guondinyi ká: «Búgányɛ medug mádadɔ ínen, gɔɔ́gɔ agá gigúl egie, buɔ́s mabá búmámán gúgandɛg, mmabá mbísógolonyi agám gá gians. Kɔ́ nɔ kɔ́, mɔnd uwaŋámɛ́n buas, bɛla bág meségédé. 31Uwaal gám ká: “Kɔlɔnɛ́ya, Gɔdányá ɔ́guɔ́b mbísógól yɔ́w, údígubiélidi gidúgune éŋené basúgasuga. 32Dɔ́m band gɔg Yopé, bábɛ́lɛ́gɛn Símune bábɛ́laná sɔ́n ká Piéle, usɔ́dɔnɔ́ agá gians gá Símune ondodi walaná buol bá bɛɛmf agá gɛsál gá manáŋ abɔ́sa.” 33Iyedúmbi gɔdɔ́m band ká básɛgɔbɛ́lɛ́gɛ́n, ayádáb ɔmbɛ́lɛ́gɛ́n wám. Nɛ́nuán basuá ebe bem ogóbusió bá Gɔdányá ká dɛ́bɛ́dɔ́lɛ́gɔɔn buanda gidigid Ɔgúnɔ́ ságual ká ɔ́diɔ́yɔɔn.»
Gugál gá Piéle aga Kɔlɔnɛ́ya
34Piéle gugɔ́l gugál uganyɛ ká: «Agá meliŋítas mmásɔ́ŋɔ́n nɛ́nuán ká Gɔdányá gɔ́gɛ́ndɛ́gaan mɔnd gidigid. 35Mɔnd wa gus gidigid ta ubá wa nigúl nínúm walaná Gɔdányá nŋɔ́bɛnɔ, wond wala busi, Gɔdányá gúgɛ́ndɛ́gaan wɔ́ agág gá buáy. 36Umadɔ́m gugál gág gá nigúl ná Ísalayɛ́l. Gugál uguány nyɛ Ndág ya Nsɔ́m ya bumbén ɛlɛ́ŋaná Yésu Kilíse unyá Ɔgúnɔ́ wa band gidigid.
37«Nɔgɔ́lɛnsaan buanda búmáabɛ́dɔ́mb agá gus gá Yudé gidigid; gumabanyɛ́g agá gus gá Galilé, anyɛ́ Sáŋa mɔ́ɔyɔɔ́n band ká bésibíduénén; 38Nugɔ́lɛnsaan anyɛ́ Gɔdányá móofuógí Yésu wa Násalɛd na bugaga bá Ɛsámb yá Mefúny, nulɛnsaan sɔ́n anyɛ́ umóol wándá kɔɔ́m gidigid wuúl wálá bese, uwéŋúgenyi ebe gidigid bámáabá biɔ́l bá ɔmbɛlɛ́mbɛ́l, gágual ká Gɔdányá mabá naga.
39«Basuá bóndodi dɛnyɛ bél gɛ́laluá gá ebue umáal agá gus gá Beyúdɛn, na Yelúsalɛm, ɔwɔ́ bɔ́mɔ́ɔn agá kolos anyɛ́ bámáasánd wɔ́. 40Gɔdányá uwenyi wɔ́ aga ebeguén agá gélem gá medug mádadɔ, uwéŋin wɔ́ bugaga ká úbídíye, 41saá agá mɔnd gidigid, gás basuá ɔbɔ́ Gɔdányá máakɛ́n gudɔ́bɔ́n anyɛ bél gɛ́laluá. Basuá dɛmáanyánán, idiond idiabúwánan naga anyɛ́ Gɔdányá méenyí wɔ́ aga ebeguén. 42Uwaal gás ká diíl dídúmbényínyí band Ndág ya Nsɔ́m, diɔ́yɔ agá meliŋítas sɔ́n ká: Uwɔ́ Gɔdányá mɔ́ɔdɔ́bɔ́n ká úgélenyi band ɔbɔgɔ́s na ebeguén. 43Mubús má Gɔdányá gidigid méelényí gɛ́laluá muɔ́yɔ ká: mɔnd na mɔnd gidigid uganuágaan ɔdɛm wág aga Yésu, únuúdáŋáb agá ɔfɛ́n wá Yésu gɛnɛnɛna gá bɛfal bág.»
Guúl gá Ɛsámb yá Mefúny aga band bádiábá Beyúdɛn
44Piéle mabá umányá gúgála Ɛsámb yá Mefúny iyéselin band gidigid bɔ́mɔ́ɔbɛ́dɔ́lɛ́gɔɔ́n gugál gág. 45Beédéb bá Beyúdɛn béméesídílígén Piéle meméŋeméŋ ká Ɛsámb yá Mefúny ɛyɛ́ Gɔdányá máadɔ́m méselín sɔ́n ebe bámáal bádɛ́bá Beyúdɛn! 46Beédéb mɔ́ɔbɔɔ́n band abaány bágála megélié móndodi, bégúmenyi budúmé bá Gɔdányá. Piéle guand gugɔ́l gugál ugany ká: 47«Nɛ́nuán, band ebe madáŋáb Ɛsámb yá Mefúny anɛ basuá. Dɛdɛbá bégúleg bɔ́ ká béduben.» 48Uwéŋin bugaga bá gúdu bɔ́ agá ɔfɛ́n wá Yésu Kilíse. Obófún wɔ́ ká wánd gulɔb nɔbɔ baan bá medug.
ទើបបានជ្រើសរើសហើយ៖
Bielínyélínyé 10: MMU2
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bielínyélínyé 10
10
Ɛlɛmɛ ya Kɔlɔnɛ́ya
1Mɔnd mabá aga gidɔŋ gá Sesalé ɔfɛ́n ká Kɔlɔnɛ́ya, umabá ɔgɔ́n wá musia má Balomɛ́ŋ bámáabá bábɛ́laan ká «Italík»#10.1 Ɔgúnɔ́ wá musia aga Balomɛ́ŋ mabá wendenyi musia nɔgɔn.. 2Umabá na nuládád. Nág na gians gág gá band gidigid malá Gɔdányá nŋɔ́bɛnɔ. Umedúgúné basɔ́gasɔga bá Beyúdɛn wond ubísógólonyi Gɔdányá bɛsɛgɛl gidigid. 3Ebue buɔ́s, agá bɛsɛgɛl bɛ́dadɔ bá niɔ́b, uwaán ɛngɛlɛs geŋul. Iyabɛ́lɛ́gɛ́n Kɔlɔnɛ́ya ká: «Kɔlɔnɛ́ya!» 4Kɔlɔnɛ́ya uwadál yɛ́ eŋís sóoŋŋŋ, buwa ubuádɛgɛn wɔ́, uwófún ká: «Giág ɛ, Ɔgúnɔ́?» Ɛngɛlɛs guondinyi ká: «Gɔdányá ɔ́guɔ́bɔɔn imbísógól sɔ́w na gidúgune alaná basɔ́gasɔga, udigúgubiélibieli. 5Nɛ́nuán gɔg, dɔ́m band Yopé ká bábɛ́lɛ́gɛn Símune bábɛ́laná sɔ́n ká Piéle. 6Ugúlɔbɔɔn aga Símune ondodi walaná buol na bɛɛmf bá manyam, gians gág nyɛ egúy na gɛsál gá manáŋ abɔ́sa.» 7Ɛngɛlɛs ya Gɔdányá imáagálá gág máal yóndoon, Kɔlɔnɛ́ya gɔbɛ́lɛ́gɛn bél buol bág bándɛ na isia yág ímáabá yála Gɔdányá nŋɔ́bɛnɔ. 8Uwɔyɛdɛn bɔ́ buand gidigid búmáabɛ́dɔ́mbaán, uwadɔ́m bɔ́ Yopé.
Ɛlɛmɛ yá Piéle Yopé
9Mémbelibéli anyɛ́ bámáabá básɔ́ŋɔnaan na ɔŋɛnd bágányɛ egúy na tísɔn wa Yopé. Gigúl igiány, Piéle gɔb agá ndaŋa gá guobísógólónyí, búmabá na ɔdɛm wa buɔ́s. 10Nsana iyadɛgɛn wɔ́, uwambɛ́d ká únyá buanda. Anɛ́ bámáabá bámányá gúnámbaan wɔ́ buanda, uwabia giényigie. 11Uwaán muán efúnen, Buand ádɔ́gaán kɔ́ anyɛ gianta gá giéns gá gɛla bámáadɛ́gɛ́n agá nsónsó íní, búsémen egegus. 12Agá giéns gá gɛla igiány, bunyɛ manyama mabá kɔ́ giod, eme mábiananá bigɔ́nd bíní, na málambaná egegus, na anama yá munoni gidigid. 13Ekelu uwagálɛ́d gág ká: «Piéle, ɛmbɛ ɔɔ́n, ányá.» 14Piéle guondinyi ká: «Ágó, Ɔgúnɔ́ meliŋítas agám gá gusɔ́d, ta gilegélég, ta buanda bá gisele mabása búdíbíŋín agám gá niíd!» 15Gá gɛsɛgɛl gá gándɛ, iyand guɔ́b ekelu wúlenin ugumuana wɔ́yɔ ká: «Ɔdiɔyɛ́d ká ubú Ɔgúnɔ́ sóguondi filí, búnyɛ gisele.» 16Ubuány mabiál bɛsɛgɛl bídadɔ, ány buand ubuónd ugumuana.
17Piéle gubiófún uwɔ́ muát ká: Gúsigúsié wa giényigie egie guámba guɔyɛd ká giág e? Agá gɛsɛgɛl giád band ɔbɔ́ Kɔlɔnɛ́ya máadɔ́m móol bófoón gians gá Símune, bámabá bágányɛ agá nibíŋínín. 18Obófún ekelu magɔ́gɔ́n ká Símune bábɛ́laná sɔ́n ká Piéle gúlɔbɔɔn aya e? 19Gienyigie mabá gímáanyá gúbueŋenyi Piéle méne. Ɛsámb yá Mefúny ganyɛ gág ká: «Band bádadɔ gúguamba éné! 20Dúnúg nɛ́nuán, álád nŋili nɔbɔ, adiánd gúdúmbi gɛsɛgɛl, gágual ká yaŋuá mmánɔdɔ́m bɔ́.» 21Piéle gudúnúg, guɔfuɔ́g band abaány, uganyɛ gɔ́b ká: «Yaŋuá ewe, nnyɛ ewe nuambaná, numoól gá giág e?» 22Obóndinyi ká: «Kɔlɔnɛ́ya ɔgúnɔ́ wa musia umánudɛ́dɔ́m, unyɛ mɔnd walaná manda aga busi, wond wala Gɔdányá nŋɔ́bɛnɔ, ɔwɔ́ band bá Beyúdɛn gidigid bílénené. Ɛngɛlɛs wa Gɔdányá saal gág agá giényigie ká úsigugɔ́l, áb agagá, ɔ́yɔɔn wɔ́ ebue gidigid abiananá ká ɔ́yɔɔn wɔ́.»
23Piéle uwebíŋinyi bɔ́ abábɛ́dɛ́mɛn. Mémbelibélí, uwond nɔbɔ na gɛdám gá beédéb bá tísɔn wa Yopé bámáab gá guedílígín wɔ́. 24Abánámaán buɔ́s bumáaládaán mémbelibél Sesalé. Kɔlɔnɛ́ya mebídényi bɔ́ ɔlɔŋ na band bág bá niíd ná gians na begúl bág bá ɔdɛm umáabɛ́lɛ́gɛ́n. 25Agá gɛsɛgɛl ɛgɛ́ Piéle másiám, Kɔlɔnɛ́ya uwogóli wɔ́, uwagɔɔn wɔ́ agá ambana gá gufá wɔ́ nukany. 26Piéle guedugi wɔ́, uganyɛ gág ká: «Adɔ́g! Yaŋuá sɔ́n inyɛ mɔnd anyɛ aŋuá.» 27Bámabá boól bɔ́yɔ́ moóny, bébíŋeen agá gians, uwɔfuɔg giod gá band bámáabɛ́gɔ́sɛd. 28Uwɔ́ gɔ́b ká: «Nugúlɛnsaan ká mɔnd wa Beyúdɛn dɛgúbianan ká wánda gúmén úbíŋín agá gians gá eŋenyi. Yaŋuá gɔg, Gɔdányá águal gám ká ndɛbiá ɛmbɛ́dágɛ́dɛ́n ká: Deén nyɛ ebíndén, búguófoon gɔbɛ́sándúna wɔ́, ɔ́gɔ ká ndigúsɛgɛmanan ká yɛ́baan agagá. 29Buád buanda nságuádáb ɔmbɛ́lɛ́gɛ́n wɔ́w ta gubia buwa agá ɔdɛm. Nguámba gɔlɛns nɛnuán buanda nuságɔmbɛ́laan gá bɔ́.» 30Kɔlɔnɛ́ya guondinyi ká: «Búgányɛ medug mádadɔ ínen, gɔɔ́gɔ agá gigúl egie, buɔ́s mabá búmámán gúgandɛg, mmabá mbísógolonyi agám gá gians. Kɔ́ nɔ kɔ́, mɔnd uwaŋámɛ́n buas, bɛla bág meségédé. 31Uwaal gám ká: “Kɔlɔnɛ́ya, Gɔdányá ɔ́guɔ́b mbísógól yɔ́w, údígubiélidi gidúgune éŋené basúgasuga. 32Dɔ́m band gɔg Yopé, bábɛ́lɛ́gɛn Símune bábɛ́laná sɔ́n ká Piéle, usɔ́dɔnɔ́ agá gians gá Símune ondodi walaná buol bá bɛɛmf agá gɛsál gá manáŋ abɔ́sa.” 33Iyedúmbi gɔdɔ́m band ká básɛgɔbɛ́lɛ́gɛ́n, ayádáb ɔmbɛ́lɛ́gɛ́n wám. Nɛ́nuán basuá ebe bem ogóbusió bá Gɔdányá ká dɛ́bɛ́dɔ́lɛ́gɔɔn buanda gidigid Ɔgúnɔ́ ságual ká ɔ́diɔ́yɔɔn.»
Gugál gá Piéle aga Kɔlɔnɛ́ya
34Piéle gugɔ́l gugál uganyɛ ká: «Agá meliŋítas mmásɔ́ŋɔ́n nɛ́nuán ká Gɔdányá gɔ́gɛ́ndɛ́gaan mɔnd gidigid. 35Mɔnd wa gus gidigid ta ubá wa nigúl nínúm walaná Gɔdányá nŋɔ́bɛnɔ, wond wala busi, Gɔdányá gúgɛ́ndɛ́gaan wɔ́ agág gá buáy. 36Umadɔ́m gugál gág gá nigúl ná Ísalayɛ́l. Gugál uguány nyɛ Ndág ya Nsɔ́m ya bumbén ɛlɛ́ŋaná Yésu Kilíse unyá Ɔgúnɔ́ wa band gidigid.
37«Nɔgɔ́lɛnsaan buanda búmáabɛ́dɔ́mb agá gus gá Yudé gidigid; gumabanyɛ́g agá gus gá Galilé, anyɛ́ Sáŋa mɔ́ɔyɔɔ́n band ká bésibíduénén; 38Nugɔ́lɛnsaan anyɛ́ Gɔdányá móofuógí Yésu wa Násalɛd na bugaga bá Ɛsámb yá Mefúny, nulɛnsaan sɔ́n anyɛ́ umóol wándá kɔɔ́m gidigid wuúl wálá bese, uwéŋúgenyi ebe gidigid bámáabá biɔ́l bá ɔmbɛlɛ́mbɛ́l, gágual ká Gɔdányá mabá naga.
39«Basuá bóndodi dɛnyɛ bél gɛ́laluá gá ebue umáal agá gus gá Beyúdɛn, na Yelúsalɛm, ɔwɔ́ bɔ́mɔ́ɔn agá kolos anyɛ́ bámáasánd wɔ́. 40Gɔdányá uwenyi wɔ́ aga ebeguén agá gélem gá medug mádadɔ, uwéŋin wɔ́ bugaga ká úbídíye, 41saá agá mɔnd gidigid, gás basuá ɔbɔ́ Gɔdányá máakɛ́n gudɔ́bɔ́n anyɛ bél gɛ́laluá. Basuá dɛmáanyánán, idiond idiabúwánan naga anyɛ́ Gɔdányá méenyí wɔ́ aga ebeguén. 42Uwaal gás ká diíl dídúmbényínyí band Ndág ya Nsɔ́m, diɔ́yɔ agá meliŋítas sɔ́n ká: Uwɔ́ Gɔdányá mɔ́ɔdɔ́bɔ́n ká úgélenyi band ɔbɔgɔ́s na ebeguén. 43Mubús má Gɔdányá gidigid méelényí gɛ́laluá muɔ́yɔ ká: mɔnd na mɔnd gidigid uganuágaan ɔdɛm wág aga Yésu, únuúdáŋáb agá ɔfɛ́n wá Yésu gɛnɛnɛna gá bɛfal bág.»
Guúl gá Ɛsámb yá Mefúny aga band bádiábá Beyúdɛn
44Piéle mabá umányá gúgála Ɛsámb yá Mefúny iyéselin band gidigid bɔ́mɔ́ɔbɛ́dɔ́lɛ́gɔɔ́n gugál gág. 45Beédéb bá Beyúdɛn béméesídílígén Piéle meméŋeméŋ ká Ɛsámb yá Mefúny ɛyɛ́ Gɔdányá máadɔ́m méselín sɔ́n ebe bámáal bádɛ́bá Beyúdɛn! 46Beédéb mɔ́ɔbɔɔ́n band abaány bágála megélié móndodi, bégúmenyi budúmé bá Gɔdányá. Piéle guand gugɔ́l gugál ugany ká: 47«Nɛ́nuán, band ebe madáŋáb Ɛsámb yá Mefúny anɛ basuá. Dɛdɛbá bégúleg bɔ́ ká béduben.» 48Uwéŋin bugaga bá gúdu bɔ́ agá ɔfɛ́n wá Yésu Kilíse. Obófún wɔ́ ká wánd gulɔb nɔbɔ baan bá medug.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល