Bielínyélínyé 20
20
Ɔŋɛnd wá Pólo Maseduán na Gɛlɛ́s
1Giyɔ́gɔ́d máal ná guman, Pólo uwagɔ́sɛ́d beédéb gá guágaan bɔ́ makánya. Uganyɛ gɔ́b ká, Óoo, dɛmádɔ́gán, uwɔgɔ́l nŋili gá gɔb Maseduán. 2Umabá uyugaan giéns gá gus igiány, wuúl wágaán beédéb bámáabá kɔ́ makánya giod, wond ufúnyifunyi bɔ́. Uwabád gɔb Gɛlɛ́k. 3Pólo uwɔlɔb kɔ́ iyól ɛ́dadɔ. Agá gɛsɛgɛl umáambá ká úgɔ́l gidoŋ ɛgɛgɔ́n gá gɔb agá giéns gá gus gá Silí, uwɔ́b ká, Beyúdɛn saman gunɔgɛn wɔ́ ɛdɔg, uwaán bese ká wóndin ya Maseduán. 4Umabá nɔ́b na Sopatolóso mɔɔn wa Pilúse, band bá tísɔn wa Belé, na Alisitáka, na Sekundús band bá tísɔn wa Tesaloníke; Gayúse wa tísɔn wa Dɛlɛbé, na Timoté, na Tisíke na Tolofíme bá giéns gá gus gá Así. 5Ɔlɔŋ wá band uwaány makɛ́n gás, uwénedíbídi Tólowása. 6Basuá gɔg gugɔ́l gidoŋ ɛgɛgɔn agá tísɔn bábɛlaná ká Filípe agá gélem gá budɔ́mb bá bɛnyɔka bá kand ginudúgin. Agá gélem gá medug mátán, idiɔnɔfuɔ́g bɔ́ Tolowása, idiedúmbi kɔ́ ngimide ya gɛɛny.
Etíke mányɔ́g aga ebeguén
7Buɔ́s bá busió bá gɛɛny, anyɛ́ dɛmáabɛ́gɔ́sɛ́d gá gugɔ́l manyán má Gɔdányá, Pólo uwagála gá beédéb gidigid, gágual ká umabá ká ugagúdɔ́mb mémbelibél; uwɔb nobusió na gugála guám na ɔdɛm wá budug. 8Balámba mabá giod agá nɛgɛlɛ ná gɛmuaná, kɔɔ́m dɛmáabɛ́gɔ́sɛ́gán. 9Mɔɔ́nɔmbɔ gɛnɔg ɔfɛ́n ká Etík mabá ilukié egúy na wúndi. Uwobiómb gá dunɔ́ gigúl Pólo máabaán na gugál nobusió. Anyɛ́ umáabá agɔ́ndán gá dunɔ́, uwenetúlúg agá ndaŋa ya gádadɔ, uwesibíduúmídí egegus. Ká bédúgí wɔ́, umabá umámán gúgú. 10Pólo uwedúnúg fiaŋ, uwabɛ́dɔ́gɛn mɔ́nɔmbɔ, uganyɛ ká: «Nudiágɛ́naán, unyɛ ɔgɔ́s.» 11Umáal wondoon gimuana, uwasɔ́mb gɛnyɔka, uwanyá. Uwand gugála gianta gá gɛsɛgɛl, guám na gigund bála, uwad gɔdɔ́mb. 12Obóndon mɔ́nɔmbɔ gɛnɔ́g ɔgɔ́s, ubuényugi band gidigid nuɔ́l giod.
Pólo mádɔ́mbɛn Tolowás gá gɔb Milɛ́
13Basuá dɛmakɛ́n agá gidoŋ ɛgɛgɔn gá gɔb Asóso. Kɔ́ dɛmáabiánán dídénd dɛ́gɔ́l Pólo gágual ká umasɔ́mb ká wánda na bɛgɔnd. 14Anyɛ́ umɔ́ɔsídífuɔ́g Asóso, idiɔgɔ́l wɔ́ agá gidoŋ ɛgɛgɔn gá gɔb agá tísɔn bábɛ́laná ká Mitilɛ́n. 15Mémbelibél, idiadɔg ány agá gidoŋ ɛgɛgɔn, idianaám egúy na kɔɔ́m bábɛ́laná ká Sió. Buɔ́s bumáaládaán, idianaám Sámos, búmáand gúládan, idianaám Milɛ́#20.15 Tologiliyɔ́ŋ dɛbá agá imbɔbɔnɔ símodi.. 16Pólo dɛmamba gudélímin Efɛ́s gágual ká udimamba gudúmbi gɛsɛgɛl agá giéns gá gus gá Así. Umabífálá ká ɔ́gɔ búnyɛ báguánɛ́g ká waám Yelúsalɛm buɔ́s bá pantekót.
Pólo gúgála gá bagɔn bá Efɛ́s
17Pólo máal unyɛ Milɛ́, uwadɔ́m nsɔ́m Efɛ́s ká bábɛ́lɛ́gɛn bagɔn bá giɔ́b gá beédéb banyá kɔ́. 18Bagɔn abaány máal básiámán agág gá buáy, uganyɛ gɔ́b ká: «Nugúlɛnsaan anyɛ́ mmɔ́ɔsɔ́dɔɔ́n gadágadá wanɔ, guabanyɛ́g buɔ́s bá busió anyɛ́ imáasiám aya agá giéns gá gus gá Así. 19Imebísélí gá gúdɔ́mábaan Ɔgúnɔ́, na malɛlɛ́ agá eŋís gadágadá wa muɔ́bɛ́dɛ́n ɔmɔ́ Beyúdɛn máaŋgɔ́daán mudɔg. 20Nugúlɛnsaan ká ndimɔnuɔ́sɛgɛn buanda gá ebue búmáabá bégúnúdúgún. Mmɔnuɔ́yɔɔ́n iyond iyenúfúnyifunyi buanda gidigid agá eŋís yá band na agán gá bians. 21Guéli gɛ́laluá gám mabɛ́laán Beyúdɛn, na band bádiábá Beyúdɛn, ká bábɛ́gɔ́ŋɔ́n aga Gɔdányá, bádáb Ɔgúnɔ́ wasɔ Yésu.
22«Nɛ́nuán gɔg, gám gɔb Yelúsalɛm agá gɛgɔ́da gá Ɛsámb yá Mefúny, ndɛgɔ́lɛnsaan búganúŋámɛ́n kɔ́. 23Ngúlɛnsaan gɔg ká agá bɔtísɔn gidigid, Ɛsámb yá Mefúny gúmbɛ́dɛ́naan gians gá mbíne na guɔ́bɛ́g gúmbídenyé. 24Yaŋuá gɔg, ngúlɛnsaan ká, gusɔ́d gám dɛbá buanda agám gá eŋís. Ubú mbílénené nyá ká, yaám na buol bám agá gusúgúdenyi; mmán buol béguúl guɔ́yɔ́ Ndág ya Nsɔ́m. Ubú Ɔgúnɔ́ Yésu Máamfá, búnyɛ́ ká yiíl yɔɔ́yɔ́ Ndág ya Nsɔ́m ya bese wa Gɔdányá.
25«Mmɔyɔ́ Bufuŋ bá Gɔdányá gadágadá wanɔ. Ngúlɛnsaan nɛ́nuán ká, nudɛgand gúŋán banuá gidigid. 26Buád buanda inuɔ́yɔnɔ́ ekelu magɔ́gɔ́n ínen ká: Omoom wanɔ maáb agá bunyím, budɛgúŋlɛ́ŋa. 27Mmɔnuɔ́yɔɔ́n mbɛ́dágɛ́dɛ́n ya Gɔdányá gidigid, ta buand ndimɔnuɔ́sɛgɛn. 28Ɔ́nugɔ́l gɛsɛgɛl na banuá muát, nuónd núgɔ́l gɛsɛgɛl na gɛnaŋ, anaány gúnyá ká giɔ́b gá beédéb ɛgɛ́ Ɛsámb yá Mefúny máanɔ́dág begiíg, ɔ́nugɔ́l gɛsɛgɛl na giɔ́b gá beédéb bá Gɔdányá ɔbɔ́ umáadáŋáb, na manɔŋ má mɔɔn waga wa bɛ́muát.
29«Ngúlɛnsaan ká ngal mmádɔ́mb, band gebíŋín gadágadá wanɔ anyɛ mfág, bádɛgaáŋɛ́g gɛnaŋ. 30Giod gá band agán gá ɔlɔŋ gebuse bɛsɔbɔ gá gubɛ́gɔ́ŋɔ́n bafɔ́nɔfɔ́n ká báládaan bɔ́. 31Ánubɛ́nyáŋanyáŋ, nubɛ́dága ká imedúmbi duɔŋ dúdadɔ, na budug anyɛ na buɔ́s, ndimɔdɔmb gunúbiése na malɛlɛ agá eŋís. 32Nɛ́nuán gɔg, mmónuóndi aga Gɔdányá na agág gá gugál gá bese. Ugúbianan bugaga bágual ká nuóbógo agá nŋádáb. Ubɛ́dɛ́ganɛn band umɔ́ɔdɔ́bɔn bɛnɔg bá manda.
33«Ndɛmaág eŋís gá muonyi, ta gól, ta bɛla bá mɔnd. 34Nugúlɛnsaan banuá muát ká mmalá buol na ɛmbɔ́g sám ká ndáŋáb ubú búmóodiófoón na ebe béméendílígén. 35Mmenúdíyé gá buanda gidigid ká, búguófoon guala buol ká núdúgúne basɔ́gasɔga bádiábá na magɛ́nda. Ánubɛ́dágá sɔ́n moóny ɔmɔ́ Ɔgúnɔ́ wasɔ Yésu mɔ́ɔyɔ́ ká: Bese nyɛ́ kɔ́ giod gá ewe wéŋené, gɔdɔ́mb ewe udáŋábaná.»
36Agá gélem gá gugál uguány, Pólo uweguns enú, owobísógólidi ɔlɔŋ nɔbɔ. 37Abábaŋa beme wɔbɔ, bɔ́gɔ́lɔɔn Pólo nŋund gá guéŋen wɔ́ mbígélíd ya gusúgúdenyi. 38Bumalá bɔ́ gɔsɔ́g gágual ká Pólo máal gɔ́b ká bádɛgand guánaan. Agá gélem, ebénedílígín wɔ́ ká úgɔ́l gidoŋ ɛgɛgɔn.
ទើបបានជ្រើសរើសហើយ៖
Bielínyélínyé 20: MMU2
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bielínyélínyé 20
20
Ɔŋɛnd wá Pólo Maseduán na Gɛlɛ́s
1Giyɔ́gɔ́d máal ná guman, Pólo uwagɔ́sɛ́d beédéb gá guágaan bɔ́ makánya. Uganyɛ gɔ́b ká, Óoo, dɛmádɔ́gán, uwɔgɔ́l nŋili gá gɔb Maseduán. 2Umabá uyugaan giéns gá gus igiány, wuúl wágaán beédéb bámáabá kɔ́ makánya giod, wond ufúnyifunyi bɔ́. Uwabád gɔb Gɛlɛ́k. 3Pólo uwɔlɔb kɔ́ iyól ɛ́dadɔ. Agá gɛsɛgɛl umáambá ká úgɔ́l gidoŋ ɛgɛgɔ́n gá gɔb agá giéns gá gus gá Silí, uwɔ́b ká, Beyúdɛn saman gunɔgɛn wɔ́ ɛdɔg, uwaán bese ká wóndin ya Maseduán. 4Umabá nɔ́b na Sopatolóso mɔɔn wa Pilúse, band bá tísɔn wa Belé, na Alisitáka, na Sekundús band bá tísɔn wa Tesaloníke; Gayúse wa tísɔn wa Dɛlɛbé, na Timoté, na Tisíke na Tolofíme bá giéns gá gus gá Así. 5Ɔlɔŋ wá band uwaány makɛ́n gás, uwénedíbídi Tólowása. 6Basuá gɔg gugɔ́l gidoŋ ɛgɛgɔn agá tísɔn bábɛlaná ká Filípe agá gélem gá budɔ́mb bá bɛnyɔka bá kand ginudúgin. Agá gélem gá medug mátán, idiɔnɔfuɔ́g bɔ́ Tolowása, idiedúmbi kɔ́ ngimide ya gɛɛny.
Etíke mányɔ́g aga ebeguén
7Buɔ́s bá busió bá gɛɛny, anyɛ́ dɛmáabɛ́gɔ́sɛ́d gá gugɔ́l manyán má Gɔdányá, Pólo uwagála gá beédéb gidigid, gágual ká umabá ká ugagúdɔ́mb mémbelibél; uwɔb nobusió na gugála guám na ɔdɛm wá budug. 8Balámba mabá giod agá nɛgɛlɛ ná gɛmuaná, kɔɔ́m dɛmáabɛ́gɔ́sɛ́gán. 9Mɔɔ́nɔmbɔ gɛnɔg ɔfɛ́n ká Etík mabá ilukié egúy na wúndi. Uwobiómb gá dunɔ́ gigúl Pólo máabaán na gugál nobusió. Anyɛ́ umáabá agɔ́ndán gá dunɔ́, uwenetúlúg agá ndaŋa ya gádadɔ, uwesibíduúmídí egegus. Ká bédúgí wɔ́, umabá umámán gúgú. 10Pólo uwedúnúg fiaŋ, uwabɛ́dɔ́gɛn mɔ́nɔmbɔ, uganyɛ ká: «Nudiágɛ́naán, unyɛ ɔgɔ́s.» 11Umáal wondoon gimuana, uwasɔ́mb gɛnyɔka, uwanyá. Uwand gugála gianta gá gɛsɛgɛl, guám na gigund bála, uwad gɔdɔ́mb. 12Obóndon mɔ́nɔmbɔ gɛnɔ́g ɔgɔ́s, ubuényugi band gidigid nuɔ́l giod.
Pólo mádɔ́mbɛn Tolowás gá gɔb Milɛ́
13Basuá dɛmakɛ́n agá gidoŋ ɛgɛgɔn gá gɔb Asóso. Kɔ́ dɛmáabiánán dídénd dɛ́gɔ́l Pólo gágual ká umasɔ́mb ká wánda na bɛgɔnd. 14Anyɛ́ umɔ́ɔsídífuɔ́g Asóso, idiɔgɔ́l wɔ́ agá gidoŋ ɛgɛgɔn gá gɔb agá tísɔn bábɛ́laná ká Mitilɛ́n. 15Mémbelibél, idiadɔg ány agá gidoŋ ɛgɛgɔn, idianaám egúy na kɔɔ́m bábɛ́laná ká Sió. Buɔ́s bumáaládaán, idianaám Sámos, búmáand gúládan, idianaám Milɛ́#20.15 Tologiliyɔ́ŋ dɛbá agá imbɔbɔnɔ símodi.. 16Pólo dɛmamba gudélímin Efɛ́s gágual ká udimamba gudúmbi gɛsɛgɛl agá giéns gá gus gá Así. Umabífálá ká ɔ́gɔ búnyɛ báguánɛ́g ká waám Yelúsalɛm buɔ́s bá pantekót.
Pólo gúgála gá bagɔn bá Efɛ́s
17Pólo máal unyɛ Milɛ́, uwadɔ́m nsɔ́m Efɛ́s ká bábɛ́lɛ́gɛn bagɔn bá giɔ́b gá beédéb banyá kɔ́. 18Bagɔn abaány máal básiámán agág gá buáy, uganyɛ gɔ́b ká: «Nugúlɛnsaan anyɛ́ mmɔ́ɔsɔ́dɔɔ́n gadágadá wanɔ, guabanyɛ́g buɔ́s bá busió anyɛ́ imáasiám aya agá giéns gá gus gá Así. 19Imebísélí gá gúdɔ́mábaan Ɔgúnɔ́, na malɛlɛ́ agá eŋís gadágadá wa muɔ́bɛ́dɛ́n ɔmɔ́ Beyúdɛn máaŋgɔ́daán mudɔg. 20Nugúlɛnsaan ká ndimɔnuɔ́sɛgɛn buanda gá ebue búmáabá bégúnúdúgún. Mmɔnuɔ́yɔɔ́n iyond iyenúfúnyifunyi buanda gidigid agá eŋís yá band na agán gá bians. 21Guéli gɛ́laluá gám mabɛ́laán Beyúdɛn, na band bádiábá Beyúdɛn, ká bábɛ́gɔ́ŋɔ́n aga Gɔdányá, bádáb Ɔgúnɔ́ wasɔ Yésu.
22«Nɛ́nuán gɔg, gám gɔb Yelúsalɛm agá gɛgɔ́da gá Ɛsámb yá Mefúny, ndɛgɔ́lɛnsaan búganúŋámɛ́n kɔ́. 23Ngúlɛnsaan gɔg ká agá bɔtísɔn gidigid, Ɛsámb yá Mefúny gúmbɛ́dɛ́naan gians gá mbíne na guɔ́bɛ́g gúmbídenyé. 24Yaŋuá gɔg, ngúlɛnsaan ká, gusɔ́d gám dɛbá buanda agám gá eŋís. Ubú mbílénené nyá ká, yaám na buol bám agá gusúgúdenyi; mmán buol béguúl guɔ́yɔ́ Ndág ya Nsɔ́m. Ubú Ɔgúnɔ́ Yésu Máamfá, búnyɛ́ ká yiíl yɔɔ́yɔ́ Ndág ya Nsɔ́m ya bese wa Gɔdányá.
25«Mmɔyɔ́ Bufuŋ bá Gɔdányá gadágadá wanɔ. Ngúlɛnsaan nɛ́nuán ká, nudɛgand gúŋán banuá gidigid. 26Buád buanda inuɔ́yɔnɔ́ ekelu magɔ́gɔ́n ínen ká: Omoom wanɔ maáb agá bunyím, budɛgúŋlɛ́ŋa. 27Mmɔnuɔ́yɔɔ́n mbɛ́dágɛ́dɛ́n ya Gɔdányá gidigid, ta buand ndimɔnuɔ́sɛgɛn. 28Ɔ́nugɔ́l gɛsɛgɛl na banuá muát, nuónd núgɔ́l gɛsɛgɛl na gɛnaŋ, anaány gúnyá ká giɔ́b gá beédéb ɛgɛ́ Ɛsámb yá Mefúny máanɔ́dág begiíg, ɔ́nugɔ́l gɛsɛgɛl na giɔ́b gá beédéb bá Gɔdányá ɔbɔ́ umáadáŋáb, na manɔŋ má mɔɔn waga wa bɛ́muát.
29«Ngúlɛnsaan ká ngal mmádɔ́mb, band gebíŋín gadágadá wanɔ anyɛ mfág, bádɛgaáŋɛ́g gɛnaŋ. 30Giod gá band agán gá ɔlɔŋ gebuse bɛsɔbɔ gá gubɛ́gɔ́ŋɔ́n bafɔ́nɔfɔ́n ká báládaan bɔ́. 31Ánubɛ́nyáŋanyáŋ, nubɛ́dága ká imedúmbi duɔŋ dúdadɔ, na budug anyɛ na buɔ́s, ndimɔdɔmb gunúbiése na malɛlɛ agá eŋís. 32Nɛ́nuán gɔg, mmónuóndi aga Gɔdányá na agág gá gugál gá bese. Ugúbianan bugaga bágual ká nuóbógo agá nŋádáb. Ubɛ́dɛ́ganɛn band umɔ́ɔdɔ́bɔn bɛnɔg bá manda.
33«Ndɛmaág eŋís gá muonyi, ta gól, ta bɛla bá mɔnd. 34Nugúlɛnsaan banuá muát ká mmalá buol na ɛmbɔ́g sám ká ndáŋáb ubú búmóodiófoón na ebe béméendílígén. 35Mmenúdíyé gá buanda gidigid ká, búguófoon guala buol ká núdúgúne basɔ́gasɔga bádiábá na magɛ́nda. Ánubɛ́dágá sɔ́n moóny ɔmɔ́ Ɔgúnɔ́ wasɔ Yésu mɔ́ɔyɔ́ ká: Bese nyɛ́ kɔ́ giod gá ewe wéŋené, gɔdɔ́mb ewe udáŋábaná.»
36Agá gélem gá gugál uguány, Pólo uweguns enú, owobísógólidi ɔlɔŋ nɔbɔ. 37Abábaŋa beme wɔbɔ, bɔ́gɔ́lɔɔn Pólo nŋund gá guéŋen wɔ́ mbígélíd ya gusúgúdenyi. 38Bumalá bɔ́ gɔsɔ́g gágual ká Pólo máal gɔ́b ká bádɛgand guánaan. Agá gélem, ebénedílígín wɔ́ ká úgɔ́l gidoŋ ɛgɛgɔn.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល