Bielínyélínyé 19
19
Gusiég gá Pólo agá tísɔn wa Efɛ́s
1Apolóso mabá umányɛ agá tísɔn wa Kɔlɛ́nt, Pólo uwenég agá tísɔn wa Efɛ́s uwɔfuɔg gɛdám gá bafɔ́nɔfɔ́n kɔ́. Umadɔ́mbɛ́n agá giéns gá gus gá dɔgɔnd dá Así. 2Uwófún bɔ́ ká: «Anyɛ́ numáadáb numabiá Ɛsámb yá Mefúny e?» Obóndinyi ká: «Dɛmabása dídiɔ́b bágála buóny bá Ɛsámb yá Mefúny.» 3Uwɔ́ guófún bɔ́ ká: «Kásɛ nduén numáabiá e?» Obóndinyi ká: «Nduén yá Sáŋa.» 4Uganyɛ gɔ́b ká: «Sáŋa mabá uduenen band bámáadábaán gunúgi gusɔ́d gɔ́b, wɔyɔɔn band Bísalayɛ́la ká baág ɛdɛm sɔ́b gá ewe usiénené wúleén agám gá gélem, anaány gúnyɛ ká Yésu.» 5Anyɛ́ beédéb bá Efɛ́s mɔ́ɔb gugál uguány, ebébíduenen agá ɔfɛ́n wá Ɔgúnɔ́ Yésu. 6Pólo uwadála bɔ́ ɛmbɔ́g, abábia Ɛsámb yá Mefúny, ebédúm gugála gugál gúndodi, bɔ́yɔ manda agá ɔfɛ́n wá Gɔdányá. 7Bámabá band bát na bándɛ.
Pólo gúdúmbenyi Ndág ya Nsɔ́m Efɛ́s
8Pólo mabaán agá gians gá mbísógól gá Beyúdɛn gɛsɛgɛl gidigid, buanda bá iyol ɛ́dadɔ. Umagálá sáŋŋŋ kand buwa, wɔyɔ buóny bá Bufuŋ bá Gɔdányá, ubɛ́kɛ́ndɛ́naan ká úyódi ebe bɔ́mɔ́ɔbɛ́dɔ́lɛ́gɔɔ́n wɔ́ ká bádáb. 9Gɛdam gá band gɔg mabá na ɔdɛm gulal, ebeén guádáb, béféneen nŋili ya Ɔgúnɔ́ agá eŋís yá band gidigid. Pólo guádɔ́gan nɔbɔ, uwadɔ́mb na beédéb, uwefúnyifunyi bɔ́ mɔɔ́s mem agá kɔɔ́m gá gufúnyifunyi gá Tilanóse. 10Umefúnyifúnyi anaány duɔŋ duándɛ nɛnama nɛ́nyá ká band gidigid bɔ́mɔ́ɔsɔ́dɔɔ́n agá giéns gá gus gá Así, Beyúdɛn, na band bádiábá Beyúdɛn mɔ́ɔbɔɔ́n gugál gá Ɔgúnɔ́.
Baan bá Séfa
11Gɔdányá madɔ́mbɛ́n aga Pólo ká wála bigégén bá manda, 12nɛnama nɛ́nyá ká band mɔgɔ́lɔɔ́n biéns bá bɛla gúmén banábɛ́kɛn bíméebísídén nuɔ́l nág, ká ebe bámáanɔ́má mébísídeén, béŋúgeen, biád bá bíliíndié ámaan ɔgɔ́b gá duɔ́l. 13Gɛdam gá Beyúdɛn gɛ́máabá gɛ́baan agá mɔkɔ́m gidigid gá gukɔ́ŋa biád bá bíliíndié agá duɔ́l dá band bámáanɔ́má, megedényí gukɔ́ŋa bɛ́ agá ɔfɛ́n wá Ɔgúnɔ́ Yésu, bɔ́yɔ ká: «Mmaál gán agá ɔfɛ́n wa Yésu uwɔ́ Pólo ɔ́yɔnɔ́, ánuámaán!» 14Band bámáabá bála bɔ́, bámáabá baan bá omoom wa ɔgɔ́gɔ wa Beyúdɛn ɔfɛ́n ká Séfa. Bámabá bátíndád nomo. 15Giád gá gíliíndié ganyɛ gɔ́b ká: «Yésu, ngúlɛnsan wɔ́, ilɛnsan sɔ́n ányá unyá Pólo. Banuá gɔg nunyɛ bányá e?» 16Mɔnd umáabá na giád gá gíliíndié, uwolugin bɔ́, uwabanyɛg gugide bɔ́ na bugaga nɛnama nɛ́nyɛ ká bɔ́mɔbínɔ́nɔ́n na imféŋ, bɛla lafálafa. 17Band bá Efɛ́s gidigid, na Beyúdɛn, na band bádiábá Beyúdɛn, ɔbɔɔ́b buóny ubuány. Gianta gá buwa igiádɛgɛn bɔ́, ebédúm gugúmenyi ɔfɛ́n wá Ɔgúnɔ́ Yésu. 18Giŋi gá beédéb mabɛ́bálá manda amabɛ́ ɔmɔ́ bámáalá. 19Ebe giod bámáabá bála mányɛ móoloón na imbɔbɔnɔ sɔ́b, ebébegesenyi sɛ́ ogóbusió bá band gidigid. Bámábanaan gɛdám gá muonyi má imbɔbɔnɔ siád, múmegeén muonyi giod. 20Ánaány gugál gá Gɔdányá máasansaán, uguágumaan, ugúbaan nobusió na gudíyenyi bugaga bág.
Giyɔ́gɔ́d Efɛ́s na gɔdɔ́mb gá Pólo
21Agá gélem gá manda amaány, Pólo uwasɔ́mb ká wɔ́b Yelúsalɛm. Údɔ́mbɛ́n agá nŋili yá Maseduán, na ya Akayí. Uganyɛ ká: «Anyɛ́ nganuáam uguány, nganadɔ́mb Lɔ́m.» 22Uwadɔ́m na Timoté, na Elasáta, Maseduán. Band bándɛ beméedúgúné wɔ́. Ɔwɔ́ muát gɔ́g uwand gudúmbi gɛdám gá medug agá giéns gá gus gá Así.
23Agá giád gigúl, gianta gá giyɔ́gɔ́d mabá agá tísɔn wa Efɛ́s góbusió bá nŋili ya Ɔgúnɔ́. 24Odúndun omodió ɔfɛ́n Demetilúse mabá udúne biíyé bá ɔnyɛb wá Gɔdányá wa agánd ɔfɛn ká Aletemíse. Umabá udúne bɛ́ na biléŋ-léŋ. Buol ubuány malá ká, nág na bedúndun bianan sɔ́n muonyi giod. 25Demetilúse magɔ́sɛ́d bedúndun gidigid na band bámáalá mool buanda búmoom anyɛ ubuány. Uganyɛ gɔ́b ká: «Begúl bám, nugúlɛnsaan ká buol ubuány buálaná ká dísɔ́dɔɔn bese. 26Nuguɔ́bɔɔn nuond nuánaán ubú mɔnd bábilaná ká Pólo álaná. Uguɔ́yɔ kɔɔ́m gidigid ká bagɔdányá ɔbɔ́ band dábɔ́naná dɛbá bagɔdányá. Úguámɛ́nɛn ká úyódi giod gá band na gugál gág. Saá gɔɔ́gɔ aya Efɛ́s ugányá gusúg, usaman guám sɔ́n agá giéns gá gus gá Así. 27Bugaal ká buol bás gua. And sɔ́n ɔnyɛb wá Aletemíse, gianta gá Gɔdányá wa agánd dɛgand gubia nugúm, bádɛgand guɔyɔ ká Aletemíse nyɛ Gɔdányá. Nánié mɔnd gidigid gúgúmenyi wɔ́ agá giéns gá gus gá Así, na agá gus gidigid.»
28Band máal bɔ́bɔɔn gugál uguány, ɔbɔ́b ilób, ebúdúm guánsa bɔ́yɔ ká: «Unyɛ giantáta, Aletemíse, Gɔdányá wa Efɛ́s.» 29Giyɔ́gɔ́d igiány mánám agá tísɔn gidigid. Abádɛgɛn Gayúse na Alisitáka. Bámabá band bá Maseduán béméedílígeén Pólo agág gá ɔŋɛnd. Abában bɔ́ ogóbusió bá biŋi gá band. 30Pólo mambá gubídíye ogóbusió bá giŋi, beédéb gɔg ebéleg wɔ́. 31Gɛdam gá bianta bá band bá giéns gá gus gá Así bámáabá begúl bá Pólo, abádɔ́mɛ́n wɔ́ band ká Bɔ́yɛ́dɛ́n wɔ́ ká udibídíyé agá giŋi gá band.
32Agá gɛsɛgɛl giád, giŋi gá band mabɛ́yɔ́kaán, giyɔ́gɔ́d igiábá kɔ́ giod. Ebe gála ebue buóny, ebéné ágálá búndodi. Giod gá band dɛmalɛnsaan ɔduɔ́ wá buóny bámáabɛ́gɔ́sɛ́d gá wɔ́. 33Gɛdam gá band igiɔ́yɔɔn mɔnd omodió ɔfɛ́n ká Alɛkɛsándɛlɛ buanda gidigid. Beyúdɛn abaág wɔ́ ogóbusió. Uwefégídenyi ɔmbɔ́g ká ulúŋi giŋi gágual ká umambá gugálɛ́d. 34Anyɛ́ bɔ́mɔ́ɔb gɔg ká unyɛ mɔnd wa Beyúdɛn, ebédúm guánsa bem wɔbɔ ekelu omoom buanda bá bɛsɛgɛl biándɛ. Bámabá bɔ́yɔ ká: «Unyɛ giantáta, Aletemíse Gɔdányá wa Efɛ́s!» 35Oŋóŋ wa tísɔn uwelúŋi giŋi, uganyɛ ká: «Band bá tísɔn wa Efɛ́s, mɔnd gidigid gúlɛnsaan ká tísɔn wa Efɛ́s ubídenyé ɔnyɛb wá Aletemíse, giantáta gá Gɔdányá wa agánd, na giíyé gág gímóolín ugumuana. 36Mɔnd dɛbá wágusáŋɔ́n, énulúŋ pɔɔ́ɔ, nudiála anyɛ bɔduɔ́duɔ. 37Numóolón band abaány aya, bɔ́bɔ́ ta guéb manda amafɔ́nán má ɔnyɛb, ta gɔsɛgɛd Gɔdányá wasɔ wa agánd. 38Ɔ́gɔ Demetiliyúse na bedúndun gúbianan gɛsan na mɔnd, besúmb bɛsan nyɛ kɔ́. Mɔɔs nyɛ kɔ́ bágálaná bɛsan, nsɛ́ báb guɔsɔ́mɛn. 39Númábianan buanda bumodió búguófún, dɛgaán agá gɛgɔ́s gɛ́sɔ́mbaná moóny amaány. 40Gá guán, bányɛ bágual bɔ́dísɔ́mɛ́n gá giyɔ́gɔ́d gɛságɔbɛ́dɔ́mbaan ínen. Gágual ká dɛdɛmábianan ta ɔduɔ́ wá buóny úságual ká dɛ́bɛ́gɔ́sɛ́d aya.» Anyɛ́ oŋóŋ mɔ́ɔdɔ́mb gugál, uwegúgenyi band ɔgɔbɔ́.
ទើបបានជ្រើសរើសហើយ៖
Bielínyélínyé 19: MMU2
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bielínyélínyé 19
19
Gusiég gá Pólo agá tísɔn wa Efɛ́s
1Apolóso mabá umányɛ agá tísɔn wa Kɔlɛ́nt, Pólo uwenég agá tísɔn wa Efɛ́s uwɔfuɔg gɛdám gá bafɔ́nɔfɔ́n kɔ́. Umadɔ́mbɛ́n agá giéns gá gus gá dɔgɔnd dá Así. 2Uwófún bɔ́ ká: «Anyɛ́ numáadáb numabiá Ɛsámb yá Mefúny e?» Obóndinyi ká: «Dɛmabása dídiɔ́b bágála buóny bá Ɛsámb yá Mefúny.» 3Uwɔ́ guófún bɔ́ ká: «Kásɛ nduén numáabiá e?» Obóndinyi ká: «Nduén yá Sáŋa.» 4Uganyɛ gɔ́b ká: «Sáŋa mabá uduenen band bámáadábaán gunúgi gusɔ́d gɔ́b, wɔyɔɔn band Bísalayɛ́la ká baág ɛdɛm sɔ́b gá ewe usiénené wúleén agám gá gélem, anaány gúnyɛ ká Yésu.» 5Anyɛ́ beédéb bá Efɛ́s mɔ́ɔb gugál uguány, ebébíduenen agá ɔfɛ́n wá Ɔgúnɔ́ Yésu. 6Pólo uwadála bɔ́ ɛmbɔ́g, abábia Ɛsámb yá Mefúny, ebédúm gugála gugál gúndodi, bɔ́yɔ manda agá ɔfɛ́n wá Gɔdányá. 7Bámabá band bát na bándɛ.
Pólo gúdúmbenyi Ndág ya Nsɔ́m Efɛ́s
8Pólo mabaán agá gians gá mbísógól gá Beyúdɛn gɛsɛgɛl gidigid, buanda bá iyol ɛ́dadɔ. Umagálá sáŋŋŋ kand buwa, wɔyɔ buóny bá Bufuŋ bá Gɔdányá, ubɛ́kɛ́ndɛ́naan ká úyódi ebe bɔ́mɔ́ɔbɛ́dɔ́lɛ́gɔɔ́n wɔ́ ká bádáb. 9Gɛdam gá band gɔg mabá na ɔdɛm gulal, ebeén guádáb, béféneen nŋili ya Ɔgúnɔ́ agá eŋís yá band gidigid. Pólo guádɔ́gan nɔbɔ, uwadɔ́mb na beédéb, uwefúnyifunyi bɔ́ mɔɔ́s mem agá kɔɔ́m gá gufúnyifunyi gá Tilanóse. 10Umefúnyifúnyi anaány duɔŋ duándɛ nɛnama nɛ́nyá ká band gidigid bɔ́mɔ́ɔsɔ́dɔɔ́n agá giéns gá gus gá Así, Beyúdɛn, na band bádiábá Beyúdɛn mɔ́ɔbɔɔ́n gugál gá Ɔgúnɔ́.
Baan bá Séfa
11Gɔdányá madɔ́mbɛ́n aga Pólo ká wála bigégén bá manda, 12nɛnama nɛ́nyá ká band mɔgɔ́lɔɔ́n biéns bá bɛla gúmén banábɛ́kɛn bíméebísídén nuɔ́l nág, ká ebe bámáanɔ́má mébísídeén, béŋúgeen, biád bá bíliíndié ámaan ɔgɔ́b gá duɔ́l. 13Gɛdam gá Beyúdɛn gɛ́máabá gɛ́baan agá mɔkɔ́m gidigid gá gukɔ́ŋa biád bá bíliíndié agá duɔ́l dá band bámáanɔ́má, megedényí gukɔ́ŋa bɛ́ agá ɔfɛ́n wá Ɔgúnɔ́ Yésu, bɔ́yɔ ká: «Mmaál gán agá ɔfɛ́n wa Yésu uwɔ́ Pólo ɔ́yɔnɔ́, ánuámaán!» 14Band bámáabá bála bɔ́, bámáabá baan bá omoom wa ɔgɔ́gɔ wa Beyúdɛn ɔfɛ́n ká Séfa. Bámabá bátíndád nomo. 15Giád gá gíliíndié ganyɛ gɔ́b ká: «Yésu, ngúlɛnsan wɔ́, ilɛnsan sɔ́n ányá unyá Pólo. Banuá gɔg nunyɛ bányá e?» 16Mɔnd umáabá na giád gá gíliíndié, uwolugin bɔ́, uwabanyɛg gugide bɔ́ na bugaga nɛnama nɛ́nyɛ ká bɔ́mɔbínɔ́nɔ́n na imféŋ, bɛla lafálafa. 17Band bá Efɛ́s gidigid, na Beyúdɛn, na band bádiábá Beyúdɛn, ɔbɔɔ́b buóny ubuány. Gianta gá buwa igiádɛgɛn bɔ́, ebédúm gugúmenyi ɔfɛ́n wá Ɔgúnɔ́ Yésu. 18Giŋi gá beédéb mabɛ́bálá manda amabɛ́ ɔmɔ́ bámáalá. 19Ebe giod bámáabá bála mányɛ móoloón na imbɔbɔnɔ sɔ́b, ebébegesenyi sɛ́ ogóbusió bá band gidigid. Bámábanaan gɛdám gá muonyi má imbɔbɔnɔ siád, múmegeén muonyi giod. 20Ánaány gugál gá Gɔdányá máasansaán, uguágumaan, ugúbaan nobusió na gudíyenyi bugaga bág.
Giyɔ́gɔ́d Efɛ́s na gɔdɔ́mb gá Pólo
21Agá gélem gá manda amaány, Pólo uwasɔ́mb ká wɔ́b Yelúsalɛm. Údɔ́mbɛ́n agá nŋili yá Maseduán, na ya Akayí. Uganyɛ ká: «Anyɛ́ nganuáam uguány, nganadɔ́mb Lɔ́m.» 22Uwadɔ́m na Timoté, na Elasáta, Maseduán. Band bándɛ beméedúgúné wɔ́. Ɔwɔ́ muát gɔ́g uwand gudúmbi gɛdám gá medug agá giéns gá gus gá Así.
23Agá giád gigúl, gianta gá giyɔ́gɔ́d mabá agá tísɔn wa Efɛ́s góbusió bá nŋili ya Ɔgúnɔ́. 24Odúndun omodió ɔfɛ́n Demetilúse mabá udúne biíyé bá ɔnyɛb wá Gɔdányá wa agánd ɔfɛn ká Aletemíse. Umabá udúne bɛ́ na biléŋ-léŋ. Buol ubuány malá ká, nág na bedúndun bianan sɔ́n muonyi giod. 25Demetilúse magɔ́sɛ́d bedúndun gidigid na band bámáalá mool buanda búmoom anyɛ ubuány. Uganyɛ gɔ́b ká: «Begúl bám, nugúlɛnsaan ká buol ubuány buálaná ká dísɔ́dɔɔn bese. 26Nuguɔ́bɔɔn nuond nuánaán ubú mɔnd bábilaná ká Pólo álaná. Uguɔ́yɔ kɔɔ́m gidigid ká bagɔdányá ɔbɔ́ band dábɔ́naná dɛbá bagɔdányá. Úguámɛ́nɛn ká úyódi giod gá band na gugál gág. Saá gɔɔ́gɔ aya Efɛ́s ugányá gusúg, usaman guám sɔ́n agá giéns gá gus gá Así. 27Bugaal ká buol bás gua. And sɔ́n ɔnyɛb wá Aletemíse, gianta gá Gɔdányá wa agánd dɛgand gubia nugúm, bádɛgand guɔyɔ ká Aletemíse nyɛ Gɔdányá. Nánié mɔnd gidigid gúgúmenyi wɔ́ agá giéns gá gus gá Así, na agá gus gidigid.»
28Band máal bɔ́bɔɔn gugál uguány, ɔbɔ́b ilób, ebúdúm guánsa bɔ́yɔ ká: «Unyɛ giantáta, Aletemíse, Gɔdányá wa Efɛ́s.» 29Giyɔ́gɔ́d igiány mánám agá tísɔn gidigid. Abádɛgɛn Gayúse na Alisitáka. Bámabá band bá Maseduán béméedílígeén Pólo agág gá ɔŋɛnd. Abában bɔ́ ogóbusió bá biŋi gá band. 30Pólo mambá gubídíye ogóbusió bá giŋi, beédéb gɔg ebéleg wɔ́. 31Gɛdam gá bianta bá band bá giéns gá gus gá Así bámáabá begúl bá Pólo, abádɔ́mɛ́n wɔ́ band ká Bɔ́yɛ́dɛ́n wɔ́ ká udibídíyé agá giŋi gá band.
32Agá gɛsɛgɛl giád, giŋi gá band mabɛ́yɔ́kaán, giyɔ́gɔ́d igiábá kɔ́ giod. Ebe gála ebue buóny, ebéné ágálá búndodi. Giod gá band dɛmalɛnsaan ɔduɔ́ wá buóny bámáabɛ́gɔ́sɛ́d gá wɔ́. 33Gɛdam gá band igiɔ́yɔɔn mɔnd omodió ɔfɛ́n ká Alɛkɛsándɛlɛ buanda gidigid. Beyúdɛn abaág wɔ́ ogóbusió. Uwefégídenyi ɔmbɔ́g ká ulúŋi giŋi gágual ká umambá gugálɛ́d. 34Anyɛ́ bɔ́mɔ́ɔb gɔg ká unyɛ mɔnd wa Beyúdɛn, ebédúm guánsa bem wɔbɔ ekelu omoom buanda bá bɛsɛgɛl biándɛ. Bámabá bɔ́yɔ ká: «Unyɛ giantáta, Aletemíse Gɔdányá wa Efɛ́s!» 35Oŋóŋ wa tísɔn uwelúŋi giŋi, uganyɛ ká: «Band bá tísɔn wa Efɛ́s, mɔnd gidigid gúlɛnsaan ká tísɔn wa Efɛ́s ubídenyé ɔnyɛb wá Aletemíse, giantáta gá Gɔdányá wa agánd, na giíyé gág gímóolín ugumuana. 36Mɔnd dɛbá wágusáŋɔ́n, énulúŋ pɔɔ́ɔ, nudiála anyɛ bɔduɔ́duɔ. 37Numóolón band abaány aya, bɔ́bɔ́ ta guéb manda amafɔ́nán má ɔnyɛb, ta gɔsɛgɛd Gɔdányá wasɔ wa agánd. 38Ɔ́gɔ Demetiliyúse na bedúndun gúbianan gɛsan na mɔnd, besúmb bɛsan nyɛ kɔ́. Mɔɔs nyɛ kɔ́ bágálaná bɛsan, nsɛ́ báb guɔsɔ́mɛn. 39Númábianan buanda bumodió búguófún, dɛgaán agá gɛgɔ́s gɛ́sɔ́mbaná moóny amaány. 40Gá guán, bányɛ bágual bɔ́dísɔ́mɛ́n gá giyɔ́gɔ́d gɛságɔbɛ́dɔ́mbaan ínen. Gágual ká dɛdɛmábianan ta ɔduɔ́ wá buóny úságual ká dɛ́bɛ́gɔ́sɛ́d aya.» Anyɛ́ oŋóŋ mɔ́ɔdɔ́mb gugál, uwegúgenyi band ɔgɔbɔ́.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល