Bielínyélínyé 2
2
Gúul gá Ɛsámb yá Mefúny
1Anyɛ́ buɔ́s bá budɔ́mb bá Pantekot#2.1 Pantekót nyɛ ombílíginyó wá Bagɛlɛ́k bá budɔ́mb bá bɛgayagaya. Búmabɛ́dɔ́mbaán agá gélem gá medug etín ándɛ na mát má pásaka. máasiáma, beédéb gidigid mabá bábɛ́gɔ́sɛ́gán kɔɔ́m gómoom. 2Kɔ́ nɔ kɔ́, gilum igílín ugumuana anɛ gianta gá ofufuny gífúŋené. Igiófuóg agá gians ɛgɛ́ bámáabá kɔ́ ilukié. 3Abaán bɛlámb bɛ́bɛ́fuáganan bɛlámb bá yoóg ɛ́lɔ́laná. Bɛ́máamɛ́n bɔ́ puas, ibiabiáfa; bɛ́bɛ́dála aga sig mɔnd a ɔgɔ́b gá ɔlɔŋ. 4Obófuóg bɔ́bɔ́ gidigid na Ɛsámb yá Mefúny. Abáb gá gúgála megélídié móndodi gɔɔ́gɔ anyɛ́ Ɛsámb yá Mefúny máabá ídíyenyi bɔ́.
5Yelúsalɛm ány, Beyúdɛn bámáabá bédíne Gɔdányá mabá kɔ́, bómoólónín agá bɛdɔŋ bá gus gidigid. 6Anɛ́ bɔ́mɔ́ɔb gilum igiány mélumíd, biŋi bá band ibiábɛ́gɔ́sɛ́gan. Abáb gá gúméŋeméŋ bɔ́bɔ́ gidigid, gágual ká, sig mɔnd a mɔ́ɔbɔɔ́n bɔ́ bágála gugál gág gá muát. 7Ebéméŋeméŋ giod, báyíkína, bɔ́yɔ ká: «Band ebene bágálagalá, beem díbá band bá Galilé e? 8Nanyá búnyá gɔg ká, sig mɔnd a agás gá ɔlɔŋ guɔ́bɔɔn bɔ́ bágála gugál gág gá muát e? 9Diguúlenin agá bɛdɔŋ ebie, Pálatɛs, Mɛ́dɛs na Elamít, na Mesopotamí, na Yudé na Capados, na Pɔ́ŋ na Así, 10na Filisí na Pamfilí, na Egípit na Libí giáy gá Silɛn, ebe ólonin Lɔ́m, 11bóndodi sɔ́n nyɛ gubién gá Beyúdɛn, na ebe bámáabɛ́gɔ́ŋɔ́n agá guádáb gá Beyúdɛn, Bagɛlɛ́t na band bá Alabí. Ta anaány bɔ́bɔ́ bem, diguɔ́bɔɔn band bá Galilé abaány anyɛ́ bɔ́yɔnɔ́ bianta bá manda má Gɔdányá agá megélídié más.» 12Bɔ́bɔ́ bem bémeméŋéméŋ giod, badɛ́lɛ́ns ubú búnyá ká bábɛ́dágɛd; bɔ́biɔ́yɔɔn bɔ́bɔ́ na bɔ́bɔ́ ká: «Ebue guɔ́yɔ ká giág e?» 13Ta anaány, bóndodi band mekuélé beédéb bɔ́yɔ ká: «Básabálaan magɛ́b!»
Gugál gá Piéle
14Piéle na bát na omoom ebédélímin. Piéle uwɔgɔ́l gugál, uganyɛ gá giŋi gá band ekelu magɔ́gɔ́n ká:
«Banuá Beyúdɛn na ebe gidigid bányá Yelúsalɛm, ánuág idú bese na bese gá buóny ubú yɔyɔnɔ́, nuónd núsɔ́ŋɔ́n ubú búbɛ́dɔ́mbaná. 15Band abaány dɛmábál magɛ́b anyɛ́ núbɛ́dáganá, gágual ká dimaányɛ agá bɛsɛgɛl biányɛ́manyɛ nomo bá budúdúg gusúg. 16Nɛ́nuán ewe gugál gá ibús yá Gɔdányá Sowɛ́l bífuógonyó, umɔyɛ́d ká:
17Gɔdányá máal ká, agá medug mégúsúgúdenyi,
ngegesigesi Mefúny mám aga mɔnd gidigid;
baan abanɔ́mandɔ na bɛgɔna bán gɛɛ́yaan mubús,
bɛndɔmbuɔ́ bán bá band gabianan numɔ́ny,
bilunu bán bá band galɛmanan.
18Búnyɛ́ nɔ́, mɔɔ́s amaány ngegesigesi Mefúny mám yaŋuá Gɔdányá
aga bél buol bám abanɔ́mandɔ na abagánd,
bágabá mubús.
19Nŋala bisey ugumuana agá imelemend,
na beméŋeméŋe bá manda aya egegus.
Manɔŋ na yoóg na inyók giod gabá.
20Ɔɔ́ny gond imbíné, oól ónd obólodod anyɛ manɔŋ.
Igiány gigúl buɔ́s bá Ɔgúnɔ́ gabá búmányɛ búdísiám, búgabá gianta gá buɔ́s ɛgɛ nugúm nág ganuánɛ́g.
21 Buád buanda, mɔnd gidigid uganɔ́bɛ́lɛ́gɛn Ɔgúnɔ́ ká údúgún wɔ́, ugɔsɔ́d.
22«Banuá band bá Ísalayɛ́l ɔ́nubɛ́dɔ́lɛ́gɛ́n gugál gám: Yésu wa Násalɛd nyɛ mɔnd uwɔ́ Gɔdányá méenúdíyé ká unyɛ naga agá bísey na bigégén bá manda anama anama ɛbɛ́ umáalá agán gá gadágadá, agá gélem gá Gɔdányá banuá muát nugúlɛnsaan nɔ́. 23Mɔnd waád Gɔdányá méenuéŋín feké, gɔɔ́gɔ anyɛ́ umáasɔ́mb agág gá mbɛ́dágɛ́dɛ́n gúmányɛ gá nsua. Banuá, unuɔ́n wɔ́, unuéŋín wɔ́ gá ebe bádiádábáná bá Gɔdányá ká básánd wɔ́ agá kolos. 24Ta nɔ́ Gɔdányá uwenyugi wɔ́ aga ebeguén, uwaŋɔ́n wɔ́ agá nusésídény ná nigú gágual ká, nídɛmabianan bugaga búgúlɔ́bɔn wɔ́. 25Gá guán, Défide magálá gá giáy gá Yésu ká:
Mmáanaán Ɔgúnɔ́ bɛsɛgɛl gidigid agám góbusió,
unyɛ agám gá masiá ká nditaátaán.
26 Buád buand ɔdɛm wám ɔ́bɔnɔ́ bese giod, gugál gám nyɛ gufuógón na bɛdɔdɛn,
nuɔ́l nám nunɔ́ muát gedúke agá giondiɔdɛ́mɔ́.
27 Gágual ká Ɔgúnɔ́, adigambɛ́yɛ́bɛd aga gɛdɔŋ gá ebeguén.
Adigádáb ká, yaŋuá inyá wɔw íyɛ́ka agá gɛbɛl.
28 Égundíyé iŋili sá gusɔ́d,
oyómfuógi na bɛdɔdɛn gágual ká anyɛ nam.
29«Belimen, nŋúbianan magɛ́nda mɔ́gúnuɔ́yɔɔn sáaaŋ buɔ́ny bá sié ɔgúnɔ wasɔ Défide: Umegú, obónyo wɔ́, gɛbɛl gág mabása agasuá na bá ínene. 30Défide mabá gɔ́g ibús yá Gɔdányá, ulɛnsaan ká Gɔdányá méeŋín wɔ́ ndán, uwond uwabɛ́liɛn Défide ká, mɔnd wa nɔgɔgɔ nág gelukumin agág gá niluku ná bufuŋ. 31Défide makɛ́n guán guányɔg gá Kilíse aga ebeguén gisiósio#2.31 Défide mɔsɔ́dɔɔ́n duɔŋ giod gisiósio ká Kilíse bíbién. Gág góbusió umɔyɛ́d ká: Bádɛmabɛ́yɛ́bɛ́d wɔ́ agá gɛdɔŋ gá ebeguén, nuɔ́l nág ta guyɛk. 32Yésu uwɔ́ yɔyɔnɔ́, Gɔdányá menyí wɔ́ aga ebeguén, basuá beem dɛnyɛ bél bɛ́laluá bá gú. 33Gɔdányá mebúlígí wɔ́ agág gá ɔmbɔ́g ɔnɛ́m. Gɔdányá Sié uwéŋin wɔ́ Ɛsámb yá Mefúny ɛyɛ́ umáadánɛ́n wɔ́, uwɔ́ gudífá yɛ́ gɔɔ́gɔ anyɛ́ nuánaná, nuond nuɔ́bɔɔn nɛ́nuán. 34Défide umáal udɛbɔ́lɛ́gɛ ugumuana mɔyɛ́d gɔg ká: Ɔgúnɔ́ Gɔdányá mɔyɛ́d gá Ɔgúnɔ́ wám ká: Lukúmín agá ɔmbɔ́g wám uwɔnɛ́m, 35guám anyɛ́ nŋanuág bambɛ́lɛmbɛ́l bɔ́w gusígusié wa ambana yɔ́w.
36«Nsɛ́ baan bá Ísalayɛl gidigid lɛns bese na bese ká: Yésu uwaány uwɔ́ numáasanda agá kolos, uwɔ́ Gɔdányá máal ká úbá Ɔgúnɔ́, uwɔ́ sɔ́n Kilíse.»
Gubɛ́gɔ́ŋɔ́n gá band bá busió
37Gugál gá Piéle uguebísíd band bɔ́mɔ́ɔbɔɔ́n gú agá ɛdɛm. Abád guófún Piéle na bedúmeb bómodió ká: «Belimen, diál nanyá e?» 38Piéle guondinyi bɔ́ ká: «Énunúgí gubá gán! Sig mɔnd a bídu agá ɔfɛ́n wa Yésu Kilíse, ká bánɔ́nɛnɛn bɛfal bán, nubád gudáŋáb Ɛsámb yá Mefúny ínyá mfaán yá Gɔdányá. 39Agá meliŋítas, ndán ya Gɔdányá nyɛ góbusió bán na baan bán, na ogóbusió bá ebe gidigid bɔ́sɔ́dɔnɔ́ ayáyá, na giod gá ebe gidigid ɔbɔ́ Ɔgúnɔ́ Gɔdányá wasɔ ganɔ́bɛ́laan.» 40Piéle uwand guɔyɔɔn bɔ́ giod gá moóny ká úgúnínyi guádáb gɔ́b, báyɛ́bɛn. Uganyɛ gɔ́b ká: «Ánuádáb gisódio, nubɛ́nyáŋɔ́n band abaány bányá benyímén.» 41Giod gá band ɔgɔ́b gá ɔlɔŋ uwaány igiádáb gugál gá Piéle, obónd ebébídu. Buɔ́s ubuány, band bɔ́mɔ́ɔbiɔ́yɛ́kɛ́nɛ́n agá giɔ́b gá beédéb mabá buand bá dɔns dúdadɔ.
Gusɔ́d gá beédéb
42Band abaány gidigid mebíeŋín na nɔládád agá gúfúnyifunyi gá bedúmeb, bɔ́sɔ́dɔɔn ɔmbɔ́g agá ɔmbɔ́g, na agá guafa gá bɛnyɔka, na agá imbísógól. 43Band giod meméŋeméŋ anyɛ́ bámáanaán manda giod na bisey bedúmeb máalá. 44Ebe gidigid bamɛɛ́y beédéb mabá babɛ́ládan, báfa bɔ́bɔ́ na bɔ́bɔ́ buand gidigid bámáabiánán. 45Bémeduénén bisién bɔ́b na bɔnɛ́m bɔ́b, báfa muonyi má ondunó bɔ́bɔ́ beem anyɛ́ masɔ́m má sig mɔnd a nyá. 46Bámabá buóny búmoom, bábaan sig buɔ́siɔ́ agá ɔnyɛb wá Gɔdányá; bányánan ɔlɔŋ ɔgɔ́b gá bians agá gubíséli na bɛdɔdɛn agá ɛdɛm. 47Bákánya Gɔdányá, band gidigid bíléne bɔ́, Ɔgúnɔ́ mɔ́ɔyɛ́kɔ́nɛ́n ɔgɔ́b gá giɔ́b sig buɔ́siɔ́, band Gɔdányá móosódí.
ទើបបានជ្រើសរើសហើយ៖
Bielínyélínyé 2: MMU2
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bielínyélínyé 2
2
Gúul gá Ɛsámb yá Mefúny
1Anyɛ́ buɔ́s bá budɔ́mb bá Pantekot#2.1 Pantekót nyɛ ombílíginyó wá Bagɛlɛ́k bá budɔ́mb bá bɛgayagaya. Búmabɛ́dɔ́mbaán agá gélem gá medug etín ándɛ na mát má pásaka. máasiáma, beédéb gidigid mabá bábɛ́gɔ́sɛ́gán kɔɔ́m gómoom. 2Kɔ́ nɔ kɔ́, gilum igílín ugumuana anɛ gianta gá ofufuny gífúŋené. Igiófuóg agá gians ɛgɛ́ bámáabá kɔ́ ilukié. 3Abaán bɛlámb bɛ́bɛ́fuáganan bɛlámb bá yoóg ɛ́lɔ́laná. Bɛ́máamɛ́n bɔ́ puas, ibiabiáfa; bɛ́bɛ́dála aga sig mɔnd a ɔgɔ́b gá ɔlɔŋ. 4Obófuóg bɔ́bɔ́ gidigid na Ɛsámb yá Mefúny. Abáb gá gúgála megélídié móndodi gɔɔ́gɔ anyɛ́ Ɛsámb yá Mefúny máabá ídíyenyi bɔ́.
5Yelúsalɛm ány, Beyúdɛn bámáabá bédíne Gɔdányá mabá kɔ́, bómoólónín agá bɛdɔŋ bá gus gidigid. 6Anɛ́ bɔ́mɔ́ɔb gilum igiány mélumíd, biŋi bá band ibiábɛ́gɔ́sɛ́gan. Abáb gá gúméŋeméŋ bɔ́bɔ́ gidigid, gágual ká, sig mɔnd a mɔ́ɔbɔɔ́n bɔ́ bágála gugál gág gá muát. 7Ebéméŋeméŋ giod, báyíkína, bɔ́yɔ ká: «Band ebene bágálagalá, beem díbá band bá Galilé e? 8Nanyá búnyá gɔg ká, sig mɔnd a agás gá ɔlɔŋ guɔ́bɔɔn bɔ́ bágála gugál gág gá muát e? 9Diguúlenin agá bɛdɔŋ ebie, Pálatɛs, Mɛ́dɛs na Elamít, na Mesopotamí, na Yudé na Capados, na Pɔ́ŋ na Así, 10na Filisí na Pamfilí, na Egípit na Libí giáy gá Silɛn, ebe ólonin Lɔ́m, 11bóndodi sɔ́n nyɛ gubién gá Beyúdɛn, na ebe bámáabɛ́gɔ́ŋɔ́n agá guádáb gá Beyúdɛn, Bagɛlɛ́t na band bá Alabí. Ta anaány bɔ́bɔ́ bem, diguɔ́bɔɔn band bá Galilé abaány anyɛ́ bɔ́yɔnɔ́ bianta bá manda má Gɔdányá agá megélídié más.» 12Bɔ́bɔ́ bem bémeméŋéméŋ giod, badɛ́lɛ́ns ubú búnyá ká bábɛ́dágɛd; bɔ́biɔ́yɔɔn bɔ́bɔ́ na bɔ́bɔ́ ká: «Ebue guɔ́yɔ ká giág e?» 13Ta anaány, bóndodi band mekuélé beédéb bɔ́yɔ ká: «Básabálaan magɛ́b!»
Gugál gá Piéle
14Piéle na bát na omoom ebédélímin. Piéle uwɔgɔ́l gugál, uganyɛ gá giŋi gá band ekelu magɔ́gɔ́n ká:
«Banuá Beyúdɛn na ebe gidigid bányá Yelúsalɛm, ánuág idú bese na bese gá buóny ubú yɔyɔnɔ́, nuónd núsɔ́ŋɔ́n ubú búbɛ́dɔ́mbaná. 15Band abaány dɛmábál magɛ́b anyɛ́ núbɛ́dáganá, gágual ká dimaányɛ agá bɛsɛgɛl biányɛ́manyɛ nomo bá budúdúg gusúg. 16Nɛ́nuán ewe gugál gá ibús yá Gɔdányá Sowɛ́l bífuógonyó, umɔyɛ́d ká:
17Gɔdányá máal ká, agá medug mégúsúgúdenyi,
ngegesigesi Mefúny mám aga mɔnd gidigid;
baan abanɔ́mandɔ na bɛgɔna bán gɛɛ́yaan mubús,
bɛndɔmbuɔ́ bán bá band gabianan numɔ́ny,
bilunu bán bá band galɛmanan.
18Búnyɛ́ nɔ́, mɔɔ́s amaány ngegesigesi Mefúny mám yaŋuá Gɔdányá
aga bél buol bám abanɔ́mandɔ na abagánd,
bágabá mubús.
19Nŋala bisey ugumuana agá imelemend,
na beméŋeméŋe bá manda aya egegus.
Manɔŋ na yoóg na inyók giod gabá.
20Ɔɔ́ny gond imbíné, oól ónd obólodod anyɛ manɔŋ.
Igiány gigúl buɔ́s bá Ɔgúnɔ́ gabá búmányɛ búdísiám, búgabá gianta gá buɔ́s ɛgɛ nugúm nág ganuánɛ́g.
21 Buád buanda, mɔnd gidigid uganɔ́bɛ́lɛ́gɛn Ɔgúnɔ́ ká údúgún wɔ́, ugɔsɔ́d.
22«Banuá band bá Ísalayɛ́l ɔ́nubɛ́dɔ́lɛ́gɛ́n gugál gám: Yésu wa Násalɛd nyɛ mɔnd uwɔ́ Gɔdányá méenúdíyé ká unyɛ naga agá bísey na bigégén bá manda anama anama ɛbɛ́ umáalá agán gá gadágadá, agá gélem gá Gɔdányá banuá muát nugúlɛnsaan nɔ́. 23Mɔnd waád Gɔdányá méenuéŋín feké, gɔɔ́gɔ anyɛ́ umáasɔ́mb agág gá mbɛ́dágɛ́dɛ́n gúmányɛ gá nsua. Banuá, unuɔ́n wɔ́, unuéŋín wɔ́ gá ebe bádiádábáná bá Gɔdányá ká básánd wɔ́ agá kolos. 24Ta nɔ́ Gɔdányá uwenyugi wɔ́ aga ebeguén, uwaŋɔ́n wɔ́ agá nusésídény ná nigú gágual ká, nídɛmabianan bugaga búgúlɔ́bɔn wɔ́. 25Gá guán, Défide magálá gá giáy gá Yésu ká:
Mmáanaán Ɔgúnɔ́ bɛsɛgɛl gidigid agám góbusió,
unyɛ agám gá masiá ká nditaátaán.
26 Buád buand ɔdɛm wám ɔ́bɔnɔ́ bese giod, gugál gám nyɛ gufuógón na bɛdɔdɛn,
nuɔ́l nám nunɔ́ muát gedúke agá giondiɔdɛ́mɔ́.
27 Gágual ká Ɔgúnɔ́, adigambɛ́yɛ́bɛd aga gɛdɔŋ gá ebeguén.
Adigádáb ká, yaŋuá inyá wɔw íyɛ́ka agá gɛbɛl.
28 Égundíyé iŋili sá gusɔ́d,
oyómfuógi na bɛdɔdɛn gágual ká anyɛ nam.
29«Belimen, nŋúbianan magɛ́nda mɔ́gúnuɔ́yɔɔn sáaaŋ buɔ́ny bá sié ɔgúnɔ wasɔ Défide: Umegú, obónyo wɔ́, gɛbɛl gág mabása agasuá na bá ínene. 30Défide mabá gɔ́g ibús yá Gɔdányá, ulɛnsaan ká Gɔdányá méeŋín wɔ́ ndán, uwond uwabɛ́liɛn Défide ká, mɔnd wa nɔgɔgɔ nág gelukumin agág gá niluku ná bufuŋ. 31Défide makɛ́n guán guányɔg gá Kilíse aga ebeguén gisiósio#2.31 Défide mɔsɔ́dɔɔ́n duɔŋ giod gisiósio ká Kilíse bíbién. Gág góbusió umɔyɛ́d ká: Bádɛmabɛ́yɛ́bɛ́d wɔ́ agá gɛdɔŋ gá ebeguén, nuɔ́l nág ta guyɛk. 32Yésu uwɔ́ yɔyɔnɔ́, Gɔdányá menyí wɔ́ aga ebeguén, basuá beem dɛnyɛ bél bɛ́laluá bá gú. 33Gɔdányá mebúlígí wɔ́ agág gá ɔmbɔ́g ɔnɛ́m. Gɔdányá Sié uwéŋin wɔ́ Ɛsámb yá Mefúny ɛyɛ́ umáadánɛ́n wɔ́, uwɔ́ gudífá yɛ́ gɔɔ́gɔ anyɛ́ nuánaná, nuond nuɔ́bɔɔn nɛ́nuán. 34Défide umáal udɛbɔ́lɛ́gɛ ugumuana mɔyɛ́d gɔg ká: Ɔgúnɔ́ Gɔdányá mɔyɛ́d gá Ɔgúnɔ́ wám ká: Lukúmín agá ɔmbɔ́g wám uwɔnɛ́m, 35guám anyɛ́ nŋanuág bambɛ́lɛmbɛ́l bɔ́w gusígusié wa ambana yɔ́w.
36«Nsɛ́ baan bá Ísalayɛl gidigid lɛns bese na bese ká: Yésu uwaány uwɔ́ numáasanda agá kolos, uwɔ́ Gɔdányá máal ká úbá Ɔgúnɔ́, uwɔ́ sɔ́n Kilíse.»
Gubɛ́gɔ́ŋɔ́n gá band bá busió
37Gugál gá Piéle uguebísíd band bɔ́mɔ́ɔbɔɔ́n gú agá ɛdɛm. Abád guófún Piéle na bedúmeb bómodió ká: «Belimen, diál nanyá e?» 38Piéle guondinyi bɔ́ ká: «Énunúgí gubá gán! Sig mɔnd a bídu agá ɔfɛ́n wa Yésu Kilíse, ká bánɔ́nɛnɛn bɛfal bán, nubád gudáŋáb Ɛsámb yá Mefúny ínyá mfaán yá Gɔdányá. 39Agá meliŋítas, ndán ya Gɔdányá nyɛ góbusió bán na baan bán, na ogóbusió bá ebe gidigid bɔ́sɔ́dɔnɔ́ ayáyá, na giod gá ebe gidigid ɔbɔ́ Ɔgúnɔ́ Gɔdányá wasɔ ganɔ́bɛ́laan.» 40Piéle uwand guɔyɔɔn bɔ́ giod gá moóny ká úgúnínyi guádáb gɔ́b, báyɛ́bɛn. Uganyɛ gɔ́b ká: «Ánuádáb gisódio, nubɛ́nyáŋɔ́n band abaány bányá benyímén.» 41Giod gá band ɔgɔ́b gá ɔlɔŋ uwaány igiádáb gugál gá Piéle, obónd ebébídu. Buɔ́s ubuány, band bɔ́mɔ́ɔbiɔ́yɛ́kɛ́nɛ́n agá giɔ́b gá beédéb mabá buand bá dɔns dúdadɔ.
Gusɔ́d gá beédéb
42Band abaány gidigid mebíeŋín na nɔládád agá gúfúnyifunyi gá bedúmeb, bɔ́sɔ́dɔɔn ɔmbɔ́g agá ɔmbɔ́g, na agá guafa gá bɛnyɔka, na agá imbísógól. 43Band giod meméŋeméŋ anyɛ́ bámáanaán manda giod na bisey bedúmeb máalá. 44Ebe gidigid bamɛɛ́y beédéb mabá babɛ́ládan, báfa bɔ́bɔ́ na bɔ́bɔ́ buand gidigid bámáabiánán. 45Bémeduénén bisién bɔ́b na bɔnɛ́m bɔ́b, báfa muonyi má ondunó bɔ́bɔ́ beem anyɛ́ masɔ́m má sig mɔnd a nyá. 46Bámabá buóny búmoom, bábaan sig buɔ́siɔ́ agá ɔnyɛb wá Gɔdányá; bányánan ɔlɔŋ ɔgɔ́b gá bians agá gubíséli na bɛdɔdɛn agá ɛdɛm. 47Bákánya Gɔdányá, band gidigid bíléne bɔ́, Ɔgúnɔ́ mɔ́ɔyɛ́kɔ́nɛ́n ɔgɔ́b gá giɔ́b sig buɔ́siɔ́, band Gɔdányá móosódí.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល