Bielínyélínyé 1
1
Nidúmin
1Aguá Tiofíl, agá mbɔbɔnɔ yam ya busió, mmɔyɔ́ buand gidigid ubú Yésu máalá na ubú uméefúnyifúnyí gutɔ guedúm agá nɛbanyɛ́gɛn, 2guám agá buɔ́s ɔbɔ́ Gɔdányá méebúlígí wɔ́ ugumuana. Anyɛ́ umáabá uganyɛ ká úbɔ́lɛ́gɛ, uwéŋin bisele bág agá bugaga bá Ɛsámb yá Mefúny gá ebe ɔbɔ́ umɔ́ɔdɔ́bɔ́n anɛ bedúmeb. 3Agá gélem gá nigú nág, Yésu uwebídíyé gá bedúmeb bág anama giod. Agá medug etín ándɛ uwámɛ́n bɔ́ ká bálɛ́ns ká unyɛ ɔgɔ́s, uwond uwɔyɔɔn bɔ́ bufuŋ bá Gɔdányá.
4Anɛ́ Yésu máabá unyánan buɔ́s búmodió nɔbɔ, uganyɛ gɔ́b ká: «Nudiélíkí Yelúsalɛm, énubídí ndán ya Babá ɛyɛ́ numɔ́ɔb agám gá niíd. 5Sáŋa meduénén na madɛga, banuá gɔg begenúduenen agá Ɛsámb yá Mefúny gá baan bá medug.»
Yésu mábɔ́lɛ́g ugumuana
6Ebe bámáabá babɛ́gɔ́sɛ́gánán na Yésu obófún wɔ́ ká: «Ɔgúnɔ́, búnyɛ aya ká, gá gɛsɛgɛl egie aganuánd gudág bufuŋ bá Ísalayɛ́l e?» 7Yésu guondinyi bɔ́ ká: «Budɛgɔ́nɔ́lɛ́ŋá ká núlɛ́ns bɛsɛgɛl na bigúl, gágual ká Babá uméedényígényí mɔ́, uwɔ́ eŋényé unyá na bugaga baguál nɔ́. 8Nugadaŋáb bugaga anyɛ́ Ɛsámb yá Mefúny genúnúsélin. Nugabá bél gɛ́laluá bám Yelúsalɛm, agá Yudé gidigid na Samalí, guám agá embún ya gus gidigid.»
9Agá gélem gá moóny amaány, Gɔdányá uwɔgɔ́l Yésu ugumuana, bɔbɔ́ gidigid bálɛ́ŋa, ány nugand méedúmbí guɔsɛg wɔ́. 10Anɛ́ bámáabá bámáanyá gúlɛ́ŋa buáy bá muana kɔɔ́m Yésu máabɔ́lɛ́gána, kɔ́ nɔ kɔ́, band bándɛ na bɛla fuúmm oboól ɔgɔ́b gá buáy. 11Bágányɛ gɔ́b ká: «Banuá band bá Galilé, nusɔlɔbɛn ány gá gulɛ́ŋa muana góbúsió bá giág e? Yésu uwaány umánubɔ́lɛ́g ugumuana gosiondo nɛnama ɛnɛ́ númánɔ́lɛ́ŋá wɔ́ ubɔ́lɛgaan.»
Ɔlɔŋ wá bedúmeb
12Bedúmeb abádɔg agá gɛny gínyá ɔfɛ́n ká nɔgɔnd na bolifié, oboónd Yelúsalɛm. Nugɔnd unuány dɛbá ayáyá, núnyɛ́ buand bá kílomɛ́ta omoom na tísɔn. 13Bámáal na guám Yelúsalɛm, ebébúlígi agá nɛgɛlɛ ɛnɛ́ bámáabá bábɛ́gɔ́sa kɔ́ ugumuana wa gians. Bámabá, Piéle, Sáŋa, Sáka na Andelé, Fílibe na Tómasia, Batelemí na Matáyoso, Sáka mɔɔn wa Alafé, Símune umáabá unuanan gág gá gɛdɔŋ na Yúde mɔɔn wá Sáka. 14Bɔ́bɔ́ beem, na ɔdɛm ómoom mabá bábɛ́gɔ́sa gɛsɛgɛl gidigid gá gubísógólonyi na Maliá inyódió Yésu na bagánd bóndodi, na belimen bá Yésu.
Matias ménúgí Yúdasa
15Buɔ́s búndodió agá medug amaány, beédéb mabá bábɛ́gɔ́sɛ́gánán buand bágubá nɔgɔ́n na band nitín. Piéle gudélímin gadágadá wɔbɔ, uganyɛ ká: 16«Belimen buand ubú Ɛsámb yá Mefúny mɔ́ɔyɔ́ agá inyɔ́ŋ mabiánán ká búbífuógi. Ímɔyɔ́ agá niíd na Défide buóny bá Yúda, uwɔ́ waád uméedílígén band bámáadɛ́gɛ́n Yésu. 17Yúdasa mabá agás gá ɔlɔŋ wá bedúmeb, wala buol nasɔ. Umabiá wág andáŋáb wá buol anɛ basuá. 18Na muonyi umɔ́ bámáanam wɔ́ gág gá biyebu, uwɔɔ́nd gisién. Agá giád gisién umáaguá na ɔduɔ́, duna dág uduótós, bɛna bág gidigid ibiáfamfam. 19Band bá Yelusalɛm gidigid mɔ́ɔb buóny ubuány; buád buanda bámáabɛ́lɛ́gɛ́n gisién igiány ɔgɔ́b gá gugál ká Akɛlɛdáma anaány gunyá ká Gisién gá manɔŋ 20Agá mbɔbɔnɔ sá ɛsag, búnyɛ buɔ́ŋɔ́n ká:
Nsɛ́ gians gág bá bigind,
ta mɔnd udibíŋín gá gɛ́.
Bunyɛ sɔ́n buɔ́ŋɔ́n ká:
Mɔnd ondodió núgi wɔ́ agág gá buol.
21Band nyɛ kɔ́ bémeédídílígén gɛsɛgɛl gidigid ɛgɛ Ɔgúnɔ́ Yésu máandá nasɔ, 22gubanyɛg anyɛ́ Sáŋa méeduú Yésu, guám buɔ́s úmáabɔ́lɛ́g ugumuana. Búguófoon gɔg ká, mɔnd omoom aga band abaány bá eŋél gɛ́laluá ɔlɔŋ nasɔ góbúsió báguanyɔg gá Yésu aga ebeguén.»
23Ebédíyé gɔg band bándɛ, Matiása na Yɔ́sɛba uwɔ́ bábɛ́laná Balasábas, bábílaan wɔ́ sɔ́n ká Yúsutusɛ. 24Béedéb abaál mbísógól eye: «Ɔgúnɔ́, aŋuá alɛnsaná ɛdɛm saás basuá beem, dídíyé unúm aga band ebe bándɛ ɔsɔ́ɔgudɔ́bɔ́n, 25Ká úgɔ́l buol bá bedúmeb ubú Yúdasa máatɛ́n ká wɔ́b agá niluku nínyá nág.» 26Abál ɛfɛdafɛda ká bálɛ́ns ányá Ɔgúnɔ́ sɔɔ́gudɔ́bɔ́n. Ɛfɛdafɛda iyagɔn Matiása, uwɔbiɔ́yɛ́kɛnɛn agá ɔlɔŋ wá bedúmeb bát na omoom.
ទើបបានជ្រើសរើសហើយ៖
Bielínyélínyé 1: MMU2
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bielínyélínyé 1
1
Nidúmin
1Aguá Tiofíl, agá mbɔbɔnɔ yam ya busió, mmɔyɔ́ buand gidigid ubú Yésu máalá na ubú uméefúnyifúnyí gutɔ guedúm agá nɛbanyɛ́gɛn, 2guám agá buɔ́s ɔbɔ́ Gɔdányá méebúlígí wɔ́ ugumuana. Anyɛ́ umáabá uganyɛ ká úbɔ́lɛ́gɛ, uwéŋin bisele bág agá bugaga bá Ɛsámb yá Mefúny gá ebe ɔbɔ́ umɔ́ɔdɔ́bɔ́n anɛ bedúmeb. 3Agá gélem gá nigú nág, Yésu uwebídíyé gá bedúmeb bág anama giod. Agá medug etín ándɛ uwámɛ́n bɔ́ ká bálɛ́ns ká unyɛ ɔgɔ́s, uwond uwɔyɔɔn bɔ́ bufuŋ bá Gɔdányá.
4Anɛ́ Yésu máabá unyánan buɔ́s búmodió nɔbɔ, uganyɛ gɔ́b ká: «Nudiélíkí Yelúsalɛm, énubídí ndán ya Babá ɛyɛ́ numɔ́ɔb agám gá niíd. 5Sáŋa meduénén na madɛga, banuá gɔg begenúduenen agá Ɛsámb yá Mefúny gá baan bá medug.»
Yésu mábɔ́lɛ́g ugumuana
6Ebe bámáabá babɛ́gɔ́sɛ́gánán na Yésu obófún wɔ́ ká: «Ɔgúnɔ́, búnyɛ aya ká, gá gɛsɛgɛl egie aganuánd gudág bufuŋ bá Ísalayɛ́l e?» 7Yésu guondinyi bɔ́ ká: «Budɛgɔ́nɔ́lɛ́ŋá ká núlɛ́ns bɛsɛgɛl na bigúl, gágual ká Babá uméedényígényí mɔ́, uwɔ́ eŋényé unyá na bugaga baguál nɔ́. 8Nugadaŋáb bugaga anyɛ́ Ɛsámb yá Mefúny genúnúsélin. Nugabá bél gɛ́laluá bám Yelúsalɛm, agá Yudé gidigid na Samalí, guám agá embún ya gus gidigid.»
9Agá gélem gá moóny amaány, Gɔdányá uwɔgɔ́l Yésu ugumuana, bɔbɔ́ gidigid bálɛ́ŋa, ány nugand méedúmbí guɔsɛg wɔ́. 10Anɛ́ bámáabá bámáanyá gúlɛ́ŋa buáy bá muana kɔɔ́m Yésu máabɔ́lɛ́gána, kɔ́ nɔ kɔ́, band bándɛ na bɛla fuúmm oboól ɔgɔ́b gá buáy. 11Bágányɛ gɔ́b ká: «Banuá band bá Galilé, nusɔlɔbɛn ány gá gulɛ́ŋa muana góbúsió bá giág e? Yésu uwaány umánubɔ́lɛ́g ugumuana gosiondo nɛnama ɛnɛ́ númánɔ́lɛ́ŋá wɔ́ ubɔ́lɛgaan.»
Ɔlɔŋ wá bedúmeb
12Bedúmeb abádɔg agá gɛny gínyá ɔfɛ́n ká nɔgɔnd na bolifié, oboónd Yelúsalɛm. Nugɔnd unuány dɛbá ayáyá, núnyɛ́ buand bá kílomɛ́ta omoom na tísɔn. 13Bámáal na guám Yelúsalɛm, ebébúlígi agá nɛgɛlɛ ɛnɛ́ bámáabá bábɛ́gɔ́sa kɔ́ ugumuana wa gians. Bámabá, Piéle, Sáŋa, Sáka na Andelé, Fílibe na Tómasia, Batelemí na Matáyoso, Sáka mɔɔn wa Alafé, Símune umáabá unuanan gág gá gɛdɔŋ na Yúde mɔɔn wá Sáka. 14Bɔ́bɔ́ beem, na ɔdɛm ómoom mabá bábɛ́gɔ́sa gɛsɛgɛl gidigid gá gubísógólonyi na Maliá inyódió Yésu na bagánd bóndodi, na belimen bá Yésu.
Matias ménúgí Yúdasa
15Buɔ́s búndodió agá medug amaány, beédéb mabá bábɛ́gɔ́sɛ́gánán buand bágubá nɔgɔ́n na band nitín. Piéle gudélímin gadágadá wɔbɔ, uganyɛ ká: 16«Belimen buand ubú Ɛsámb yá Mefúny mɔ́ɔyɔ́ agá inyɔ́ŋ mabiánán ká búbífuógi. Ímɔyɔ́ agá niíd na Défide buóny bá Yúda, uwɔ́ waád uméedílígén band bámáadɛ́gɛ́n Yésu. 17Yúdasa mabá agás gá ɔlɔŋ wá bedúmeb, wala buol nasɔ. Umabiá wág andáŋáb wá buol anɛ basuá. 18Na muonyi umɔ́ bámáanam wɔ́ gág gá biyebu, uwɔɔ́nd gisién. Agá giád gisién umáaguá na ɔduɔ́, duna dág uduótós, bɛna bág gidigid ibiáfamfam. 19Band bá Yelusalɛm gidigid mɔ́ɔb buóny ubuány; buád buanda bámáabɛ́lɛ́gɛ́n gisién igiány ɔgɔ́b gá gugál ká Akɛlɛdáma anaány gunyá ká Gisién gá manɔŋ 20Agá mbɔbɔnɔ sá ɛsag, búnyɛ buɔ́ŋɔ́n ká:
Nsɛ́ gians gág bá bigind,
ta mɔnd udibíŋín gá gɛ́.
Bunyɛ sɔ́n buɔ́ŋɔ́n ká:
Mɔnd ondodió núgi wɔ́ agág gá buol.
21Band nyɛ kɔ́ bémeédídílígén gɛsɛgɛl gidigid ɛgɛ Ɔgúnɔ́ Yésu máandá nasɔ, 22gubanyɛg anyɛ́ Sáŋa méeduú Yésu, guám buɔ́s úmáabɔ́lɛ́g ugumuana. Búguófoon gɔg ká, mɔnd omoom aga band abaány bá eŋél gɛ́laluá ɔlɔŋ nasɔ góbúsió báguanyɔg gá Yésu aga ebeguén.»
23Ebédíyé gɔg band bándɛ, Matiása na Yɔ́sɛba uwɔ́ bábɛ́laná Balasábas, bábílaan wɔ́ sɔ́n ká Yúsutusɛ. 24Béedéb abaál mbísógól eye: «Ɔgúnɔ́, aŋuá alɛnsaná ɛdɛm saás basuá beem, dídíyé unúm aga band ebe bándɛ ɔsɔ́ɔgudɔ́bɔ́n, 25Ká úgɔ́l buol bá bedúmeb ubú Yúdasa máatɛ́n ká wɔ́b agá niluku nínyá nág.» 26Abál ɛfɛdafɛda ká bálɛ́ns ányá Ɔgúnɔ́ sɔɔ́gudɔ́bɔ́n. Ɛfɛdafɛda iyagɔn Matiása, uwɔbiɔ́yɛ́kɛnɛn agá ɔlɔŋ wá bedúmeb bát na omoom.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល