1 Tesalonisiɛ́ŋ Nibíŋínín na mbɔbɔnɔ
Nibíŋínín na mbɔbɔnɔ
Pólo mɔ́ɔŋ mbɔbɔnɔ eye ká úkányɛd, wónd úgúníni beédéb bá Tesaloník, tísɔn uwɔgɔn wá giéns gá gus gá Maseduán, gɛmuaná wa gɛdɔŋ gínyá ɔfɛ́n ká Gɛlɛ́s. Agá bielínyélínyé bá bafɔ́nɔfɔ́n, alɛ́ŋɛ́d (Bie 17.1-10) búnyɛ buɔ́ŋɔ́n ká Pólo na begúl bág medúmbényí ndág ya nsɔ́m agá tísɔn wa Tesaloník. Na nanyá giod gá Beyúdɛn na ebe bádiábá Beyúdɛn máadáb Yésu Kilíse. Agá gélem ány, Beyúdɛn béméen bádiádábána Yésu, abáb gá gúnusenyi Pólo gág gá buol. Nág na begúl bág, na budug, ɔbɔ́bínɔ agá tísɔn uwány. Bámalá ná guám Kɔlɛ́nt, Pólo gɔb gáguágɛ́nan góbusió bá bɛŋɛ́lɛŋɔ́siɔ bá beédéb bá Tesaloník, uwɔ́ gudɔ́mɛ́n bɔ́ Timoté. Timoté malá na guond agá Pólo, uganyɛ gág ká, beédéb bá Tesaloník nyɛ balɔ́ndan agá guádáb na ɛlɛ́ga, ta anɛ́ búnyá ká begúgényigenyi bɔ́. Pólo máal na guɔ́b anányɛ, uwabia makányá, uwɔɔ́ŋɛ́n bɔ́ ɔmbɔbɔnɔ ewe ká údíye bɔ́ bulinsi bá ɛlɛ́ga yág na ká wɔ́b nobusió na gufúnyifunyi bɔ́ Agá mbɔbɔnɔ 1 guám ɛ́dadɔ, Pólo guéŋen nugany giod, ubɛ́dága buanda búmaál bɔ́ naga na Batesalonisiɛ́ŋ. Agá mbɔbɔnɔ 4 guám ɛ́dánɔ, ugúfúnyifunyi bɔ́ gusiondó gá Ɔgúnɔ́ na gubígɔ́l ugú bábiananá ká bɔ́bígɔ́l ká básɛ́mɛdɛn Ɔgúnɔ́.
ទើបបានជ្រើសរើសហើយ៖
1 Tesalonisiɛ́ŋ Nibíŋínín na mbɔbɔnɔ: MMU2
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល