1 Tesalonisiɛ́ŋ 5
5
1Belimen, nudibídényí ká bɔ́nuɔ́ŋɛ́n agá giáy gá budug na gɛsɛgɛl ɛgɛ́ buanda ubuány genúsiege. 2Banuá muát nugúlɛnsaan bese na bese ká, buɔ́s Ɔgúnɔ́ genuúl, búgabá anyɛ buɔ́s eŋéb ganyá wuúl na budug, mɔnd ta gubíbídenyi. 3Gɛsɛgɛl band gɔnuɔ́yɔ́ ká: «Dinyɛ agá bumben, buwá dɛbá», ány gifúfie ganɔ́guɛn bɔ́ kɔ́ nɔ kɔ́, niaŋ ɛnɛ́ guɔ́bɛ́g gá nubiényé ganyá gúbéledenyi agánd wá niim. Ta mɔnd údínubɛ́sándɔ́n meyú amaány. 4Belimen, nudibá agá mbíne ká buɔ́s ubuány núbélédenyi niaŋ na eŋéb. 5Ngúnuɔ́yɔɔn bú gágual ká banuá gidigid nunyɛ band bɔ́sɔ́dɔnɔ́ á gise, band bɔ́sɔ́dɔnɔ́ na buɔ́s. Didibá bá mbíne, ta bá budug. 6Didigúsɛgɛmanan gubɛ́dɛ́maan niaŋ ná bɔsɔ́gɔ́ bómodió; nsɛ́ díbíbídenyi, didiál na ɔlɔdɔ. 7Ebe bábɛ́dɛ́maná gúbɛ́dɛ́maan na budug, ebe bábúwánaná búwánan, bábálaan magɛ́b na budug. 8Basuá gɔg disɔ́dɔnɔ́ agá gise, búdiguófoon ká díbá na ɔlɔdɔ. Nsɛ́ diál ká giondiɔdɛ́mɔ́ gás aga Gɔdányá, na gɔlɛ́ganɛn gás dɛ́nɔ́na gɔɔ́gɔ anyɛ́ ɛmbɛgɛd nɔnaná enuís bide, na gɔbaan nobusió na guágaan ɔdɛm wás aga Yésu ká, ugodísódi údɛ́nɔ́na gɔɔ́gɔ anyɛ́ gibul gá bide nɔnaná enuís bide.
9Gɔdányá dimɔdídɔ́bɔ́n ká údífúdi anyɛ ebe uganúfá bɔ́ nusésídeny, umɔdídɔ́bɔ́n ká díbia gisódio agá ɔfɛ́n wá Ɔgúnɔ́ wasɔ Yésu Kilíse. 10Umegú gás góbusió ká dísɔ́dɔɔn naga anyɛ́ ugonúsiondo, ta dɛbá beguén, ta dɛbá bɔgɔ́s. 11Buád buanda buófónó ká núdúgúnenin, nuáganɛn makánya banuá na banuá anyɛ́ nuganyá guala.
Mbígélid na ɛsɔ́m yá gusúgúdenyi
12Belimen, digúnuɔ́yɔɔn ká énudíné ebe bálaná buol bá Gɔdányá agán gá ɔlɔŋ, Ɔgúnɔ́ menuéŋín bɔ́ ká bénúbiése, bénuéndenyi. 13Ɔ́nugɔ́lɔ́n bɔ́ gianta gá buand, ánulɛ́gá bɔ́ gá buol bálaná, ánubá agá bumben banuá na banuá.
14Digúnuɔ́yɔɔn sɔ́n ká núgálaan bese na bese ebe bányá na bunɔn. Nuágaan bɔsɔ́gɔ́ bábiananá masɔlɔ́gɔgɔ makányá, nudúgúne ebe bányá na gɛdɔmbɔ, nuɔ́mínɔɔn na mɔnd gidigid. 15Ɔ́nugɔ́l gɛsɛgɛl ká mɔnd diondínyí sɔ́gɔ bɔbɛ agá bɔbɛ uságual wɔ́! Ánuambá nŋili yá gubá bese banuá na banuá, na mɔnd gidigid sɔ́n.
16Ánubá bɛsɛgɛl gidigid agá bɛdɔdɛn; 17nubísógólonyi bɛsɛgɛl bim. 18Nuéŋeen Gɔdányá nukany gá buanda gidigid, búbú ubídenyé gán, banuá nuyá babɛ́ládan na Yésu Kilíse.
19Nudilege Ɛsámb yá Mefúny ká yála buol agán gá duɔ́l, 20nudifénén moóny má mubús. 21Ánuanúná mɔ́ gɔg anyɛ́ guófonó, ká nuéyid mányá bese, 22nubɛ́sándúná bɔbɛ agá giáy gidigid.
23Nsɛ́ Gɔdányá wéŋeniné bumben ɔwɔ́ muát ál ká núbá bág busió bum. Wónd úbɛ́dɛ́gaan duɔ́l dán, na mudány mán ká anyɛ́ Ɔgúnɔ́ wasɔ Yésu Kilíse genuúl, únúfuɔgɛn kandɛ gibɔ́liɔ́. 24Ewe umáanúbɛ́lɛ́gɛ́n nyɛ na nuládád, ɔwɔ́ ugonúfuógi manda ɔmɔ́ umáadán.
25Belimen, ónubísógólónyí sɔ́n gás góbusió. 26Énubígélinyigélínyí banuá na banuá, nugɔ́lɔnɛn nŋund anyɛ beédéb.
27Nguámbá ká núndánɛ́n ogóbusió bá Ɔgúnɔ́ ká, nugabana mbɔbɔnɔ eye ogóbusió bá beédéb gidigid. 28Nsɛ́ bese wa Ɔgúnɔ́ wasɔ Yésu Kilíse bá nanɔ.
ទើបបានជ្រើសរើសហើយ៖
1 Tesalonisiɛ́ŋ 5: MMU2
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
1 Tesalonisiɛ́ŋ 5
5
1Belimen, nudibídényí ká bɔ́nuɔ́ŋɛ́n agá giáy gá budug na gɛsɛgɛl ɛgɛ́ buanda ubuány genúsiege. 2Banuá muát nugúlɛnsaan bese na bese ká, buɔ́s Ɔgúnɔ́ genuúl, búgabá anyɛ buɔ́s eŋéb ganyá wuúl na budug, mɔnd ta gubíbídenyi. 3Gɛsɛgɛl band gɔnuɔ́yɔ́ ká: «Dinyɛ agá bumben, buwá dɛbá», ány gifúfie ganɔ́guɛn bɔ́ kɔ́ nɔ kɔ́, niaŋ ɛnɛ́ guɔ́bɛ́g gá nubiényé ganyá gúbéledenyi agánd wá niim. Ta mɔnd údínubɛ́sándɔ́n meyú amaány. 4Belimen, nudibá agá mbíne ká buɔ́s ubuány núbélédenyi niaŋ na eŋéb. 5Ngúnuɔ́yɔɔn bú gágual ká banuá gidigid nunyɛ band bɔ́sɔ́dɔnɔ́ á gise, band bɔ́sɔ́dɔnɔ́ na buɔ́s. Didibá bá mbíne, ta bá budug. 6Didigúsɛgɛmanan gubɛ́dɛ́maan niaŋ ná bɔsɔ́gɔ́ bómodió; nsɛ́ díbíbídenyi, didiál na ɔlɔdɔ. 7Ebe bábɛ́dɛ́maná gúbɛ́dɛ́maan na budug, ebe bábúwánaná búwánan, bábálaan magɛ́b na budug. 8Basuá gɔg disɔ́dɔnɔ́ agá gise, búdiguófoon ká díbá na ɔlɔdɔ. Nsɛ́ diál ká giondiɔdɛ́mɔ́ gás aga Gɔdányá, na gɔlɛ́ganɛn gás dɛ́nɔ́na gɔɔ́gɔ anyɛ́ ɛmbɛgɛd nɔnaná enuís bide, na gɔbaan nobusió na guágaan ɔdɛm wás aga Yésu ká, ugodísódi údɛ́nɔ́na gɔɔ́gɔ anyɛ́ gibul gá bide nɔnaná enuís bide.
9Gɔdányá dimɔdídɔ́bɔ́n ká údífúdi anyɛ ebe uganúfá bɔ́ nusésídeny, umɔdídɔ́bɔ́n ká díbia gisódio agá ɔfɛ́n wá Ɔgúnɔ́ wasɔ Yésu Kilíse. 10Umegú gás góbusió ká dísɔ́dɔɔn naga anyɛ́ ugonúsiondo, ta dɛbá beguén, ta dɛbá bɔgɔ́s. 11Buád buanda buófónó ká núdúgúnenin, nuáganɛn makánya banuá na banuá anyɛ́ nuganyá guala.
Mbígélid na ɛsɔ́m yá gusúgúdenyi
12Belimen, digúnuɔ́yɔɔn ká énudíné ebe bálaná buol bá Gɔdányá agán gá ɔlɔŋ, Ɔgúnɔ́ menuéŋín bɔ́ ká bénúbiése, bénuéndenyi. 13Ɔ́nugɔ́lɔ́n bɔ́ gianta gá buand, ánulɛ́gá bɔ́ gá buol bálaná, ánubá agá bumben banuá na banuá.
14Digúnuɔ́yɔɔn sɔ́n ká núgálaan bese na bese ebe bányá na bunɔn. Nuágaan bɔsɔ́gɔ́ bábiananá masɔlɔ́gɔgɔ makányá, nudúgúne ebe bányá na gɛdɔmbɔ, nuɔ́mínɔɔn na mɔnd gidigid. 15Ɔ́nugɔ́l gɛsɛgɛl ká mɔnd diondínyí sɔ́gɔ bɔbɛ agá bɔbɛ uságual wɔ́! Ánuambá nŋili yá gubá bese banuá na banuá, na mɔnd gidigid sɔ́n.
16Ánubá bɛsɛgɛl gidigid agá bɛdɔdɛn; 17nubísógólonyi bɛsɛgɛl bim. 18Nuéŋeen Gɔdányá nukany gá buanda gidigid, búbú ubídenyé gán, banuá nuyá babɛ́ládan na Yésu Kilíse.
19Nudilege Ɛsámb yá Mefúny ká yála buol agán gá duɔ́l, 20nudifénén moóny má mubús. 21Ánuanúná mɔ́ gɔg anyɛ́ guófonó, ká nuéyid mányá bese, 22nubɛ́sándúná bɔbɛ agá giáy gidigid.
23Nsɛ́ Gɔdányá wéŋeniné bumben ɔwɔ́ muát ál ká núbá bág busió bum. Wónd úbɛ́dɛ́gaan duɔ́l dán, na mudány mán ká anyɛ́ Ɔgúnɔ́ wasɔ Yésu Kilíse genuúl, únúfuɔgɛn kandɛ gibɔ́liɔ́. 24Ewe umáanúbɛ́lɛ́gɛ́n nyɛ na nuládád, ɔwɔ́ ugonúfuógi manda ɔmɔ́ umáadán.
25Belimen, ónubísógólónyí sɔ́n gás góbusió. 26Énubígélinyigélínyí banuá na banuá, nugɔ́lɔnɛn nŋund anyɛ beédéb.
27Nguámbá ká núndánɛ́n ogóbusió bá Ɔgúnɔ́ ká, nugabana mbɔbɔnɔ eye ogóbusió bá beédéb gidigid. 28Nsɛ́ bese wa Ɔgúnɔ́ wasɔ Yésu Kilíse bá nanɔ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល