1 Tesalonisiɛ́ŋ 4
4
Gusɔ́dɔɔn anyɛ́ Gɔdányá bílénené
1Belimen, dígunúfúnyifunyi anyɛ́ nubiananá ká núsɔ́dɔɔn bese ogóbusió bá Gɔdányá. Búnyɛ bese gágual ká nuganyá gúsɔ́dɔɔn anaány. Digúnuágaan makánya, dibísógólonyi agá ɔfɛ́n wá Ɔgúnɔ́ Yésu ká núbaan nobusió na gusɔ́dɔɔn anaány.
2Nugúlɛnsaan gugál dinyá gunuɔ́yɔɔn agá ɔfɛ́n wá Ɔgúnɔ́ Yésu. 3Gɔdányá gúbíléne ká núbá bág busió bum, nuónd núbísándúna gubídɔ́bɔ. 4Nsɛ́ na mɔɔ́ná agán gá ɔlɔŋ lɛns gɔbɛ́dɛ́gaan nuɔ́l nág begubeg anyɛ́ guófonó#4.4 Bómodió guɔ́yɔ ká sig mɔnd a gúbianan ká wéyid agánd bese ká úsɔ́dɔn gusɔ́d guófonó, guálaná Gɔdányá bese.. 5Nudibiéŋeén gá biád bá bɛsɛmɛ́dɛ́n bá gus niaŋ ná ebe bádiálɛnsáná Gɔdányá. 6Gá buanda ubuány, mɔnd diál endimen waga bɔbɛ́, gúmén udinéŋ endimen waga, gágual ká Ɔgúnɔ́ geéŋin nusésídeny gá waád uwaány wala endimen waga bɔbɛ́. Disaman gunuɔ́yɛdɛn bú bɛsɛgɛl anyɛ bɛsɛgɛl. 7Gɔdányá dimadɛ́bɛ́lɛ́gɛn ká disɔ́dɔɔn ta nanyá ta nanyá. Umadíbɛ́lɛ́gɛ́n gɔg ká disɔ́dɔɔn gág góbúsió. 8Buádɛ́n buanda ewe usɛ́gɛ́naná gugál uguány, saá mɔnd usɛ́gɛ́naná, Gɔdányá uwéŋeniné Ɛsámb yá Mefúny usɛ́gɛ́naná.
9Agá giáy gá ɛlɛ́ga banuá na banuá, nudibídényí ká bál gunuɔ́ŋɛ́n. Gɔdányá menúfúnyifúnyí nanyá nubiananá ká núlɛ́ganɛn banuá na banuá. 10Anaány nusɔ́dɔnɔ́ na beédéb gidigid bá Maseduán. Belimen, digúnuágaan makánya ká núbaan nobusió agá ɛlɛ́ga iyaány. 11Dinuágaan sɔ́n makányá ká núsɔ́dɔɔn agá bumben, nudigɔ́lɔɔ́n gɛsɛgɛl na manda má bɔsɔ́gɔ́, nuála buol na ɛmbɔ́g sán anyɛ́ dimáanúsásɛd. 12Anaány ká ebe bádiábáná beédéb bɔ́yɔ bɛnɔg bá manda gán góbúsió. Ány, nugabíbianan banuá muát gá buanda gidigid.
Guanyɔg gá ebeguén na gusiónd gá Ɔgɔ́n
13Belimen, diguámba gunúlínsi meliŋítas agá giáy gá ebeguén, anaány ká nudiál agá ɛŋágɛ́nɛ́n niaŋ ná ebe bádiábiánáná giondiɔdɛ́mɔ́. 14Anyɛ́ diádábaná ká Yésu Kilíse megú, uwond uwanyɔg aga ebeguén, anaány sɔ́n ebe béméegú bádábaná Yésu, Gɔdányá ganɔ́gɔ́sɛ́d bɔ́ aga Yésu. 15Buanda Ɔgúnɔ́ mɔ́ɔyɛ́d, bɔ́bɔ́ digɔgúnúnuɔ́yɛdɛn, umɔyɛ́d ká: Basuá diganúbá dimányá gúsɔ́dɔɔn, anyɛ́ ugonúsiondo, didigakɛn gusɔŋɔn gá ebeguén. 16Anyɛ́ digɔnuɔ́b nsɛb ya Gɔdányá mɔ́dɔ́ŋɛ́d, ekelu wá ɔgɔn wa ɛngɛlɛs sá Gɔdányá ánsɛ́d, ány gɔg Ɔgúnɔ́ genúsél agá imelemend. Ebe béméegú agá nŋádáb na Kilíse ánuakɛ́n guanyɔg. 17Agá gélem ány, basuá diganúbá dimányá gúsɔ́dɔɔn, dɛgadɔg ɔlɔŋ nɔbɔ agá gɛlɔndɔ ká diélúmén na Ɔgúnɔ́ ugumuana. Anaány diganúbá naga na baánamana. 18Ánubiágaán makánya agá buóny ubuány banuá na banuá.
ទើបបានជ្រើសរើសហើយ៖
1 Tesalonisiɛ́ŋ 4: MMU2
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
1 Tesalonisiɛ́ŋ 4
4
Gusɔ́dɔɔn anyɛ́ Gɔdányá bílénené
1Belimen, dígunúfúnyifunyi anyɛ́ nubiananá ká núsɔ́dɔɔn bese ogóbusió bá Gɔdányá. Búnyɛ bese gágual ká nuganyá gúsɔ́dɔɔn anaány. Digúnuágaan makánya, dibísógólonyi agá ɔfɛ́n wá Ɔgúnɔ́ Yésu ká núbaan nobusió na gusɔ́dɔɔn anaány.
2Nugúlɛnsaan gugál dinyá gunuɔ́yɔɔn agá ɔfɛ́n wá Ɔgúnɔ́ Yésu. 3Gɔdányá gúbíléne ká núbá bág busió bum, nuónd núbísándúna gubídɔ́bɔ. 4Nsɛ́ na mɔɔ́ná agán gá ɔlɔŋ lɛns gɔbɛ́dɛ́gaan nuɔ́l nág begubeg anyɛ́ guófonó#4.4 Bómodió guɔ́yɔ ká sig mɔnd a gúbianan ká wéyid agánd bese ká úsɔ́dɔn gusɔ́d guófonó, guálaná Gɔdányá bese.. 5Nudibiéŋeén gá biád bá bɛsɛmɛ́dɛ́n bá gus niaŋ ná ebe bádiálɛnsáná Gɔdányá. 6Gá buanda ubuány, mɔnd diál endimen waga bɔbɛ́, gúmén udinéŋ endimen waga, gágual ká Ɔgúnɔ́ geéŋin nusésídeny gá waád uwaány wala endimen waga bɔbɛ́. Disaman gunuɔ́yɛdɛn bú bɛsɛgɛl anyɛ bɛsɛgɛl. 7Gɔdányá dimadɛ́bɛ́lɛ́gɛn ká disɔ́dɔɔn ta nanyá ta nanyá. Umadíbɛ́lɛ́gɛ́n gɔg ká disɔ́dɔɔn gág góbúsió. 8Buádɛ́n buanda ewe usɛ́gɛ́naná gugál uguány, saá mɔnd usɛ́gɛ́naná, Gɔdányá uwéŋeniné Ɛsámb yá Mefúny usɛ́gɛ́naná.
9Agá giáy gá ɛlɛ́ga banuá na banuá, nudibídényí ká bál gunuɔ́ŋɛ́n. Gɔdányá menúfúnyifúnyí nanyá nubiananá ká núlɛ́ganɛn banuá na banuá. 10Anaány nusɔ́dɔnɔ́ na beédéb gidigid bá Maseduán. Belimen, digúnuágaan makánya ká núbaan nobusió agá ɛlɛ́ga iyaány. 11Dinuágaan sɔ́n makányá ká núsɔ́dɔɔn agá bumben, nudigɔ́lɔɔ́n gɛsɛgɛl na manda má bɔsɔ́gɔ́, nuála buol na ɛmbɔ́g sán anyɛ́ dimáanúsásɛd. 12Anaány ká ebe bádiábáná beédéb bɔ́yɔ bɛnɔg bá manda gán góbúsió. Ány, nugabíbianan banuá muát gá buanda gidigid.
Guanyɔg gá ebeguén na gusiónd gá Ɔgɔ́n
13Belimen, diguámba gunúlínsi meliŋítas agá giáy gá ebeguén, anaány ká nudiál agá ɛŋágɛ́nɛ́n niaŋ ná ebe bádiábiánáná giondiɔdɛ́mɔ́. 14Anyɛ́ diádábaná ká Yésu Kilíse megú, uwond uwanyɔg aga ebeguén, anaány sɔ́n ebe béméegú bádábaná Yésu, Gɔdányá ganɔ́gɔ́sɛ́d bɔ́ aga Yésu. 15Buanda Ɔgúnɔ́ mɔ́ɔyɛ́d, bɔ́bɔ́ digɔgúnúnuɔ́yɛdɛn, umɔyɛ́d ká: Basuá diganúbá dimányá gúsɔ́dɔɔn, anyɛ́ ugonúsiondo, didigakɛn gusɔŋɔn gá ebeguén. 16Anyɛ́ digɔnuɔ́b nsɛb ya Gɔdányá mɔ́dɔ́ŋɛ́d, ekelu wá ɔgɔn wa ɛngɛlɛs sá Gɔdányá ánsɛ́d, ány gɔg Ɔgúnɔ́ genúsél agá imelemend. Ebe béméegú agá nŋádáb na Kilíse ánuakɛ́n guanyɔg. 17Agá gélem ány, basuá diganúbá dimányá gúsɔ́dɔɔn, dɛgadɔg ɔlɔŋ nɔbɔ agá gɛlɔndɔ ká diélúmén na Ɔgúnɔ́ ugumuana. Anaány diganúbá naga na baánamana. 18Ánubiágaán makánya agá buóny ubuány banuá na banuá.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល