Luka 12
12
Mbəla ŋkwaɓ ara həji ŋgwashŋgwash aagi
(Mat 10.26-33; 19.20)
1Tiɗa a wan watsa, həji aagi tadzam ta zliɓzliɓ abəra Yesu, la dak ŋgas akas, həji dak ata həji ndiɓi aagi. Yesu dəba a azlapatana a magəli tə aagi: «Huni mbəla ŋkwaɓ ara faŋtər ataa Farisa aagi, a may a ghal ci, ara huni aɗa həji ŋgwashŋgwash aagi. 2Səkən ma ɓahaɓah tiwtiw, a agəra tə ata varvara, səkən ma ghal ata digh, a azlima tə. 3Sha ana ndə a ɗa, ma ndə huni ghalə a ləvaŋ tiwtiw, a aɓin a ghal tə a bishkit. Ma ndə huni hahashi a zləm, ma jak tatsakaya, a aɓin a zlima tə a taba həji aagi. 4Sa zlapahuni, a huni ŋgwanambə naka aagi, huni ɗiw a ɗal ŋzliŋ ara həji ma dza həji aagis, ama, a diwzha tə, aa kula a ɗalɓa səkən minja aka səku aagi. 5Sa aghalahuni, ala ndə huni kaaɗal ŋzliŋ ara. Huni ɗal ŋzliŋ ara Bizlaf. Kwa a diwzha mci kuni, abə ɓərɓər ta fakahuni a kwahu ma ŋkula kəɗaŋ. Sa zlapahuni, sha ana ndə huni kaaɗal ŋzliŋ ara.
6Həji ber zaghwala dzaɓən ata dala gbak aɓa wəra? Ama, Bizlaf a kahashashaŋ minja kwa ŋtaguleŋ a taba ta akas. 7Kwa dzuguɗ ha kuni aagi tiwtiw taŋgəɗaya. Huni ɗal ŋzliŋis, sləf kuni dəy aha zaghwala ma vərəm watsa aagi. 8Sa zlapahuni: kwa vaye ma zlap ata nja həji aagi tiwtiw: “Ala naka”, Mbə həji ma dəgnak a asənə ata nja matəf ataa Bizlaf aagi, “Ala naka,” iy yəm, 9ama, kwa vaye ma zlap iŋgaya: “Sa kasənahu səku,” iy ata nja həji aagi, Mbə həji ma dəgnak a aɓin a zlapanə: “Sa kasənahu səku,” i kəsha ata nja matəf ataa Bizlaf aagi. 10Kwa vaye ma zlap ma ma gamak ata Mbə həji ma dəgnak, a aɓin a lima pəl mpət tə; ci, ala ma zlap ma ma gamak ata Miɗ ma ghwaɗeɗe, a kaalima pəl mpət kwa vepiyis.
11Ndə aa kaajaɓahuni a ŋge a jak ta tarha Yahuda aagi, aka səku, atama bay ma ndza aha hayak aagi, huni ɗiw a ɗal ŋzliŋ ata ma ndə huni kaazlapazə a reh ha kunis. 12Ara ndə a ɗa ya, Miɗ ma ghwaɗeɗe ma kaaghalahuni ma ndə huni kaazlapazə a tsutsa ata la watsa.»
Maŋgəla ata ala ma ŋtsəɓaŋtsəɓ ndə ŋkwaɓ ɓəraŋ
13Ala minja aka a taba ŋgaɓa həji aagi, zlap a zlapanə a Yesu, iŋgaya: «Masərək, zlapanə a zlina ni aɓizh səkən zəm jak cini bəza.» 14Yesu zhin a zhinanə, iŋgaya: «Ala naka, ma tsaka ka a zlap ata ŋtsəɓ kuni abə ɓizh ŋtsəɓ kuni aagi vaya?» 15A diwzha tə, zlap a zlapatana tiwtiw: «Huni mbəla ŋkwaɓ, huni mbasl ɗa nja ma ndza aska ŋtsəɓ aka, ara ndə a ɗa ya, miɗ ataa ala ci, ŋtsəɓ səku, kwa a ndza abə dagal ŋtsəɓ tə.»
16Dəba a azlapatana abə maŋgəla minja, iŋgaya: «Ala ma ŋtsəɓaŋtsəɓ minja aka, la ta Ꞌus ma ŋtan ara aka, ma daada tə, ma kaɗal səkən dəy. 17Ɗiw a ɗiwzə ha tə, iŋgaya: “Sa aɗalzə avaŋgəy? La ta za səkən naka ma kaadzamha ata wəvə akas.” 18Azha, iŋgaya: “Sa kasən səkən ndə sa kaaɗalə. Galaɓa ci, sa aŋgazə cebem naka ka, sa aꞌun madagal tə aagi, vərəm, aska sa a za ndiri naka abə səkən naka aagi tiwtiw a mən.” 19A diwzha tə, sa azlapanə a ha naka: “Zlikusəm naka, hwa taŋtsəɓ kwa, səkən dagala ara hwa a zəmahu a ɗa va dagala. Nəpɓa bəza, zəmə, sə, ɓas ata zəghay kwa.” 20Ama, Bizlaf zlap a zlapanə: “Mabamabam! Abə zaɗə watsə, sa aji miɗ kwa bəza. Azha ya, hwa dzamanə səkən ma tiwtiw watsa aagi a vaya?”»
21Yesu zlap a zlap zhana, iŋgaya: «Andza ikwa ana ala a dzam səkən aka aska ha tə, ata nja Bizlaf ci, taŋtsəɓəs.»
Vəla ha a Bizlaf
(Mat 6.25-33)
22Yesu zlap a zlapatana a magəli tə aagi, iŋgaya: «Tsakwa, sha ana ndə sa kazlapahuni: Huni ɗiw a tsa deŋ aka ata səkən zəm ndə huni kaɗiwi a zəməs, aka səku, ata rəkuts ta tsa ata zlikusəm kunis. 23Ara ndə a ɗa, təwah miɗ dəy aha səkən zəm, təwah zlikusəm dəy aha rəkuts. 24Huni taŋzə ŋgərak aagi: aa kazləga akas, aa kadzamha səkən ata wəvə akas, la ɓah səkən ta akas, kwa cebem, ama Bizlaf a kazəmatana səkən. Huni dəy aha ŋgərak aagi abə guɗaŋ tə.
25A taba kuni ya, ma ŋkula a kərəɗzə wan tə kajik atama aska ma ndə huni kadeŋ a ɗalə vaya? 26Andza səkən ma kajik, huni ŋkula ɗalə səku, huni deŋ ata ma finha aagi ava? 27Huni taŋzə fafan səkən aagi kaɗal zlən akas, aa kadza rəkuts akas. Azha, sa zlapahuni, kwa Suleymanu, abə ŋtsəɓ tə tiwtiw, tava a tsa rəkuts ma kazhiva andza kwa ŋtaguleŋ a taba tas. 28Andza Bizlaf a kazhiva ŋkəsaf aagi akacihwa, a kwaf aagi akwiy a kwahu, a aɗalahuni dəy aha təmta. Huni həji ndə awa kuni a ɗa ɓəraŋ aagi. 29Huni ɗiw a gas səkən zəm abə səkən ta sa səku, huni ɗiw a deŋ səku. 30Ara ndə a ɗa, həji ma ŋkula sən Bizlaf aagi, ana ma ŋkula lima la nəp ata la gas səkən watsa aagi a manahayak watsə. Ama huni, Cihw kuni aka, a kasən səkən ndə huni kamayə. 31Aɓa azha, huni gasɓa Bay Bizlaf, azha, a aɓin a vəlahuni baraf səkən aagi.»
Ɓah səkən ŋtsəɓ ma ndza a wəzəm a wəzlaf
(Mat 6.19-21)
32«Ŋzliŋ a dzahunis, huni ma ŋgurekw aagi! Ara ndə a ɗa, təwahanə a Cihw kuni a vəlahuni la ndza bay. 33Huni ber səkən kuni aagi, huni vəlatana dala a həji titikw aagi. Huni gas slibi ma ŋkula gəy a ɓah səkən kuni aagi, huni tsa ŋtsəɓ kuni ka abəra Bizlaf ata la ndə ŋhil a kaaŋkula gwar, kwa tepi a kaɗa kula a gəyəs. 34Ara ndə a ɗa, ꞌunəf kuni a andza ata la ndə səkən kuni aagi a heɗe.»
Ndza abə nja a teh Mbə həji ma dəgnak
(Mat 24.43-51)
35Yesu zlap a zlapatana: «Huni tsa rəkuts zlən kuni, huni dzaw gaŋ kuni ka, kwahu maba ata patərla kuni. 36Huni ndza andza həji ma ɗal zlən aagi, ma kateh madagal ta, tiɗa taa tə ata la daaha dəma, ndə a kaazhina tə, a adza majak, aagi adəɗanə. 37Ɓas ara həji ma ɗal zlən ndə madagal ta a kaandaha a gərata, aa tawanəs.» Sa zlapahuni, a ɗa ŋter, a atsa rəkuts zlən tə, a ayata, aagi andza ka ata la zəm səkən, a avəlatana səkən zəm. 38Andza a zhinha bay zaɗə, aka səku dəylakwaf, a ndaha a gərata ya, aa tawanəs, ɓas ara təmta.
39«Huni kasənə: andza cina jak a kasən ler ndə ŋhil a kaandaha a gi tə ci, a kaaji a pəlanə təf a nda a gi tə akas. 40Huni lam kusəm, ana huni yəm, ara ndə Mbə həji ma dəgnak a andaha ata ler ndə huni ŋkula sənə.»
41Mbara azha, Piyer dəba a aɗiwzə, iŋgaya: «Bay Madagal, a ɗa hwa zlap maŋgəla watsə aska ni gagagha vəw, aka səku, aska həji aagi tiwtiw vəw?» 42Bay Madagal zhin a zhinanə: «Ala ma ɗal zlən ma ŋtan abə ma kadeŋ ŋkwaɓ təwah vaya? A ɗa ala ndə madagal tə a vəlanə jak aka ata ra tə, abə a vəlatana səkən zəm a həji ma ɗal zlən ndiɓi aagi, tiɗa ndə aa kaamayə. 43Ɓas a maɗal zlən watsa, ndə madagal tə a kaazhinha a gəra, a kaləm abə zlən tə! 44Sa zlapahuni, a ɗa ŋter, madagal a ambaslanə ŋtsəɓ tə ka tiwtiw ata ra tə. 45Ama, andza ala ma ɗal zlən watsa, a ha tə iŋgaya: “Madagal naka awli a zhinha,” iy, andza dəba a adza maɗal zlən ndiɓi aagi, mawəl aagi abə wali, a kazəmɓa səkən tə, a kasaɓa mavə tə, a kaŋhuzɓa ŋhuz tə. 46Azha, madagal ataa ala ma ɗal zlən watsa, a aɓin a ndakənə ha, vah ndə a ŋkula sən ler ta nda tə. A andaha a gam aara, aagi aɓizh wəda zlən ta abə həji ma ŋkula ma ndza abə ŋkwaɓ ŋtaɗ a zlən aagi.
47Ala ma ɗal zlən ma kasən səkən ndə madagal tə a kaɗiwi, ama, tanaana aska a ɗalə akas, a alima gəzl dagala. 48Mbara azha, ala ma ŋkula sən səkən ndə madagal tə a kaɗiwi ya, ɗal i tsər aka, ndə aa kaagəzlə ya, a alima gəzl kajik ikwa. Ara ndə a ɗa, ala ndə həji vəlanə dagala ya, həji aɗiwzə ara dagala. Ndə həji vəlanə ka dəy a guɗaŋ, həji aɗiw ara dəy aha zhana.»
Ndaha Yesu aska ɓizh həji aagi
(Mat 10.34-36)
49«Ndaa naka, kwahu ana ndə sa daazə ata manahayak, azha sa kamay ci, kwahu watsa maba anawatsə! 50Sa aɗal batem yaka, a ɗalaka ndəlndəl a ha naka a vaŋ ata vah ndə a kaɗal! 51Deŋ kuni ci, təwah ana ndə sa daazə ata manahayak, huniy vəw? Aŋghə, sa zlapahuni ci, ɓizh ana ndə sa daazə. 52ꞌWa aka anawatsə, jak ndə həji aagi dzaɓən a mən, aagi aɓizh ta, həji ma mahkaɗ aagi, aagi aɗa jaga abə həji ma gbak aagi, ma gbak aagi, aagi aɗa jaga abə ma mahkaɗ aagi. 53Cina mbə a kaaji nja mbəs, mbə a kaaji nja cinis. Mana həladəma a kaaji nja həla təs, həladəma a kaaji nja mamənəs. Mana mawəl a kaaji nja wala mbə təs, wala mbə a kaaji nja mana mawəl təs.»
Zlima səkən ma kaaɓin a pew
(Mat 16.2-3)
54Yesu zlap a zlapatana a həji aagi vərəm zhana, iŋgaya: «Andza huni tagəra gwazlavay a kadarha gwara a mbaha ata la ndəv pish, huni zlap anawatsə: “Manavan a aɗa,” ana huniy, azha, a aɗal ikwa. 55Ndə huni kaagəra miɗ ma ndza a nduŋ, “Wəreɓ a aɗal,” huniy, a aɗal ikwa. 56Həji ŋgwashŋgwash aagi, huni kasən mbaɗ la ma ata hayak abə la ma ndza a wəzlaf, azha, mbara huni ŋkula sən səkən ma kaɗal anawatsə aagi bəza veme?»
Dzəv ma abə ala ndə huni həɗəw kuni
(Mat 5.25-26)
57«Huni ŋkula zlap bəza ata səkən ma dəlili a ɗal abə ha kuni veme? 58Andza huni tahəɗəw kuni abə ala, huni kanda abə sha ata guma meni, huni ləm a riy ka tiɗa ndə huni ata təf kwagwa, ara ndə a kaajaɓahu ka ara ala ma zla guma, ala ma zla guma a ajaɓahu ka a suji aagi, suji aagi a kafakahu ka a jak yaka. 59Sa zlapahu: la nda kwa a bəza a tsutsa akas, səy ndə hwa maŋtəra bəza tiwtiw andza ndə aa mayə.»
ទើបបានជ្រើសរើសហើយ៖
Luka 12: GOU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Luka 12
12
Mbəla ŋkwaɓ ara həji ŋgwashŋgwash aagi
(Mat 10.26-33; 19.20)
1Tiɗa a wan watsa, həji aagi tadzam ta zliɓzliɓ abəra Yesu, la dak ŋgas akas, həji dak ata həji ndiɓi aagi. Yesu dəba a azlapatana a magəli tə aagi: «Huni mbəla ŋkwaɓ ara faŋtər ataa Farisa aagi, a may a ghal ci, ara huni aɗa həji ŋgwashŋgwash aagi. 2Səkən ma ɓahaɓah tiwtiw, a agəra tə ata varvara, səkən ma ghal ata digh, a azlima tə. 3Sha ana ndə a ɗa, ma ndə huni ghalə a ləvaŋ tiwtiw, a aɓin a ghal tə a bishkit. Ma ndə huni hahashi a zləm, ma jak tatsakaya, a aɓin a zlima tə a taba həji aagi. 4Sa zlapahuni, a huni ŋgwanambə naka aagi, huni ɗiw a ɗal ŋzliŋ ara həji ma dza həji aagis, ama, a diwzha tə, aa kula a ɗalɓa səkən minja aka səku aagi. 5Sa aghalahuni, ala ndə huni kaaɗal ŋzliŋ ara. Huni ɗal ŋzliŋ ara Bizlaf. Kwa a diwzha mci kuni, abə ɓərɓər ta fakahuni a kwahu ma ŋkula kəɗaŋ. Sa zlapahuni, sha ana ndə huni kaaɗal ŋzliŋ ara.
6Həji ber zaghwala dzaɓən ata dala gbak aɓa wəra? Ama, Bizlaf a kahashashaŋ minja kwa ŋtaguleŋ a taba ta akas. 7Kwa dzuguɗ ha kuni aagi tiwtiw taŋgəɗaya. Huni ɗal ŋzliŋis, sləf kuni dəy aha zaghwala ma vərəm watsa aagi. 8Sa zlapahuni: kwa vaye ma zlap ata nja həji aagi tiwtiw: “Ala naka”, Mbə həji ma dəgnak a asənə ata nja matəf ataa Bizlaf aagi, “Ala naka,” iy yəm, 9ama, kwa vaye ma zlap iŋgaya: “Sa kasənahu səku,” iy ata nja həji aagi, Mbə həji ma dəgnak a aɓin a zlapanə: “Sa kasənahu səku,” i kəsha ata nja matəf ataa Bizlaf aagi. 10Kwa vaye ma zlap ma ma gamak ata Mbə həji ma dəgnak, a aɓin a lima pəl mpət tə; ci, ala ma zlap ma ma gamak ata Miɗ ma ghwaɗeɗe, a kaalima pəl mpət kwa vepiyis.
11Ndə aa kaajaɓahuni a ŋge a jak ta tarha Yahuda aagi, aka səku, atama bay ma ndza aha hayak aagi, huni ɗiw a ɗal ŋzliŋ ata ma ndə huni kaazlapazə a reh ha kunis. 12Ara ndə a ɗa ya, Miɗ ma ghwaɗeɗe ma kaaghalahuni ma ndə huni kaazlapazə a tsutsa ata la watsa.»
Maŋgəla ata ala ma ŋtsəɓaŋtsəɓ ndə ŋkwaɓ ɓəraŋ
13Ala minja aka a taba ŋgaɓa həji aagi, zlap a zlapanə a Yesu, iŋgaya: «Masərək, zlapanə a zlina ni aɓizh səkən zəm jak cini bəza.» 14Yesu zhin a zhinanə, iŋgaya: «Ala naka, ma tsaka ka a zlap ata ŋtsəɓ kuni abə ɓizh ŋtsəɓ kuni aagi vaya?» 15A diwzha tə, zlap a zlapatana tiwtiw: «Huni mbəla ŋkwaɓ, huni mbasl ɗa nja ma ndza aska ŋtsəɓ aka, ara ndə a ɗa ya, miɗ ataa ala ci, ŋtsəɓ səku, kwa a ndza abə dagal ŋtsəɓ tə.»
16Dəba a azlapatana abə maŋgəla minja, iŋgaya: «Ala ma ŋtsəɓaŋtsəɓ minja aka, la ta Ꞌus ma ŋtan ara aka, ma daada tə, ma kaɗal səkən dəy. 17Ɗiw a ɗiwzə ha tə, iŋgaya: “Sa aɗalzə avaŋgəy? La ta za səkən naka ma kaadzamha ata wəvə akas.” 18Azha, iŋgaya: “Sa kasən səkən ndə sa kaaɗalə. Galaɓa ci, sa aŋgazə cebem naka ka, sa aꞌun madagal tə aagi, vərəm, aska sa a za ndiri naka abə səkən naka aagi tiwtiw a mən.” 19A diwzha tə, sa azlapanə a ha naka: “Zlikusəm naka, hwa taŋtsəɓ kwa, səkən dagala ara hwa a zəmahu a ɗa va dagala. Nəpɓa bəza, zəmə, sə, ɓas ata zəghay kwa.” 20Ama, Bizlaf zlap a zlapanə: “Mabamabam! Abə zaɗə watsə, sa aji miɗ kwa bəza. Azha ya, hwa dzamanə səkən ma tiwtiw watsa aagi a vaya?”»
21Yesu zlap a zlap zhana, iŋgaya: «Andza ikwa ana ala a dzam səkən aka aska ha tə, ata nja Bizlaf ci, taŋtsəɓəs.»
Vəla ha a Bizlaf
(Mat 6.25-33)
22Yesu zlap a zlapatana a magəli tə aagi, iŋgaya: «Tsakwa, sha ana ndə sa kazlapahuni: Huni ɗiw a tsa deŋ aka ata səkən zəm ndə huni kaɗiwi a zəməs, aka səku, ata rəkuts ta tsa ata zlikusəm kunis. 23Ara ndə a ɗa, təwah miɗ dəy aha səkən zəm, təwah zlikusəm dəy aha rəkuts. 24Huni taŋzə ŋgərak aagi: aa kazləga akas, aa kadzamha səkən ata wəvə akas, la ɓah səkən ta akas, kwa cebem, ama Bizlaf a kazəmatana səkən. Huni dəy aha ŋgərak aagi abə guɗaŋ tə.
25A taba kuni ya, ma ŋkula a kərəɗzə wan tə kajik atama aska ma ndə huni kadeŋ a ɗalə vaya? 26Andza səkən ma kajik, huni ŋkula ɗalə səku, huni deŋ ata ma finha aagi ava? 27Huni taŋzə fafan səkən aagi kaɗal zlən akas, aa kadza rəkuts akas. Azha, sa zlapahuni, kwa Suleymanu, abə ŋtsəɓ tə tiwtiw, tava a tsa rəkuts ma kazhiva andza kwa ŋtaguleŋ a taba tas. 28Andza Bizlaf a kazhiva ŋkəsaf aagi akacihwa, a kwaf aagi akwiy a kwahu, a aɗalahuni dəy aha təmta. Huni həji ndə awa kuni a ɗa ɓəraŋ aagi. 29Huni ɗiw a gas səkən zəm abə səkən ta sa səku, huni ɗiw a deŋ səku. 30Ara ndə a ɗa, həji ma ŋkula sən Bizlaf aagi, ana ma ŋkula lima la nəp ata la gas səkən watsa aagi a manahayak watsə. Ama huni, Cihw kuni aka, a kasən səkən ndə huni kamayə. 31Aɓa azha, huni gasɓa Bay Bizlaf, azha, a aɓin a vəlahuni baraf səkən aagi.»
Ɓah səkən ŋtsəɓ ma ndza a wəzəm a wəzlaf
(Mat 6.19-21)
32«Ŋzliŋ a dzahunis, huni ma ŋgurekw aagi! Ara ndə a ɗa, təwahanə a Cihw kuni a vəlahuni la ndza bay. 33Huni ber səkən kuni aagi, huni vəlatana dala a həji titikw aagi. Huni gas slibi ma ŋkula gəy a ɓah səkən kuni aagi, huni tsa ŋtsəɓ kuni ka abəra Bizlaf ata la ndə ŋhil a kaaŋkula gwar, kwa tepi a kaɗa kula a gəyəs. 34Ara ndə a ɗa, ꞌunəf kuni a andza ata la ndə səkən kuni aagi a heɗe.»
Ndza abə nja a teh Mbə həji ma dəgnak
(Mat 24.43-51)
35Yesu zlap a zlapatana: «Huni tsa rəkuts zlən kuni, huni dzaw gaŋ kuni ka, kwahu maba ata patərla kuni. 36Huni ndza andza həji ma ɗal zlən aagi, ma kateh madagal ta, tiɗa taa tə ata la daaha dəma, ndə a kaazhina tə, a adza majak, aagi adəɗanə. 37Ɓas ara həji ma ɗal zlən ndə madagal ta a kaandaha a gərata, aa tawanəs.» Sa zlapahuni, a ɗa ŋter, a atsa rəkuts zlən tə, a ayata, aagi andza ka ata la zəm səkən, a avəlatana səkən zəm. 38Andza a zhinha bay zaɗə, aka səku dəylakwaf, a ndaha a gərata ya, aa tawanəs, ɓas ara təmta.
39«Huni kasənə: andza cina jak a kasən ler ndə ŋhil a kaandaha a gi tə ci, a kaaji a pəlanə təf a nda a gi tə akas. 40Huni lam kusəm, ana huni yəm, ara ndə Mbə həji ma dəgnak a andaha ata ler ndə huni ŋkula sənə.»
41Mbara azha, Piyer dəba a aɗiwzə, iŋgaya: «Bay Madagal, a ɗa hwa zlap maŋgəla watsə aska ni gagagha vəw, aka səku, aska həji aagi tiwtiw vəw?» 42Bay Madagal zhin a zhinanə: «Ala ma ɗal zlən ma ŋtan abə ma kadeŋ ŋkwaɓ təwah vaya? A ɗa ala ndə madagal tə a vəlanə jak aka ata ra tə, abə a vəlatana səkən zəm a həji ma ɗal zlən ndiɓi aagi, tiɗa ndə aa kaamayə. 43Ɓas a maɗal zlən watsa, ndə madagal tə a kaazhinha a gəra, a kaləm abə zlən tə! 44Sa zlapahuni, a ɗa ŋter, madagal a ambaslanə ŋtsəɓ tə ka tiwtiw ata ra tə. 45Ama, andza ala ma ɗal zlən watsa, a ha tə iŋgaya: “Madagal naka awli a zhinha,” iy, andza dəba a adza maɗal zlən ndiɓi aagi, mawəl aagi abə wali, a kazəmɓa səkən tə, a kasaɓa mavə tə, a kaŋhuzɓa ŋhuz tə. 46Azha, madagal ataa ala ma ɗal zlən watsa, a aɓin a ndakənə ha, vah ndə a ŋkula sən ler ta nda tə. A andaha a gam aara, aagi aɓizh wəda zlən ta abə həji ma ŋkula ma ndza abə ŋkwaɓ ŋtaɗ a zlən aagi.
47Ala ma ɗal zlən ma kasən səkən ndə madagal tə a kaɗiwi, ama, tanaana aska a ɗalə akas, a alima gəzl dagala. 48Mbara azha, ala ma ŋkula sən səkən ndə madagal tə a kaɗiwi ya, ɗal i tsər aka, ndə aa kaagəzlə ya, a alima gəzl kajik ikwa. Ara ndə a ɗa, ala ndə həji vəlanə dagala ya, həji aɗiwzə ara dagala. Ndə həji vəlanə ka dəy a guɗaŋ, həji aɗiw ara dəy aha zhana.»
Ndaha Yesu aska ɓizh həji aagi
(Mat 10.34-36)
49«Ndaa naka, kwahu ana ndə sa daazə ata manahayak, azha sa kamay ci, kwahu watsa maba anawatsə! 50Sa aɗal batem yaka, a ɗalaka ndəlndəl a ha naka a vaŋ ata vah ndə a kaɗal! 51Deŋ kuni ci, təwah ana ndə sa daazə ata manahayak, huniy vəw? Aŋghə, sa zlapahuni ci, ɓizh ana ndə sa daazə. 52ꞌWa aka anawatsə, jak ndə həji aagi dzaɓən a mən, aagi aɓizh ta, həji ma mahkaɗ aagi, aagi aɗa jaga abə həji ma gbak aagi, ma gbak aagi, aagi aɗa jaga abə ma mahkaɗ aagi. 53Cina mbə a kaaji nja mbəs, mbə a kaaji nja cinis. Mana həladəma a kaaji nja həla təs, həladəma a kaaji nja mamənəs. Mana mawəl a kaaji nja wala mbə təs, wala mbə a kaaji nja mana mawəl təs.»
Zlima səkən ma kaaɓin a pew
(Mat 16.2-3)
54Yesu zlap a zlapatana a həji aagi vərəm zhana, iŋgaya: «Andza huni tagəra gwazlavay a kadarha gwara a mbaha ata la ndəv pish, huni zlap anawatsə: “Manavan a aɗa,” ana huniy, azha, a aɗal ikwa. 55Ndə huni kaagəra miɗ ma ndza a nduŋ, “Wəreɓ a aɗal,” huniy, a aɗal ikwa. 56Həji ŋgwashŋgwash aagi, huni kasən mbaɗ la ma ata hayak abə la ma ndza a wəzlaf, azha, mbara huni ŋkula sən səkən ma kaɗal anawatsə aagi bəza veme?»
Dzəv ma abə ala ndə huni həɗəw kuni
(Mat 5.25-26)
57«Huni ŋkula zlap bəza ata səkən ma dəlili a ɗal abə ha kuni veme? 58Andza huni tahəɗəw kuni abə ala, huni kanda abə sha ata guma meni, huni ləm a riy ka tiɗa ndə huni ata təf kwagwa, ara ndə a kaajaɓahu ka ara ala ma zla guma, ala ma zla guma a ajaɓahu ka a suji aagi, suji aagi a kafakahu ka a jak yaka. 59Sa zlapahu: la nda kwa a bəza a tsutsa akas, səy ndə hwa maŋtəra bəza tiwtiw andza ndə aa mayə.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល