Luka 11
11
Yesu a kasərəkatana tarha a magəli tə aagi
1Vah minja aka, Yesu a katarha ata la minja. Ndə a kəɗaŋ tarha bəza, ala minja ŋtaguleŋ a taba magəli tə aagi, zlap a zlapanə, i kəsha iŋgaya: «Bay Madagal, Yahwana ma ɗal batem tasərəkatana tarha a magəli tə aagi, hwa yəm, sərəkani aska ni tarha yəm.»
2Yesu zlap a zlapatana: «Andza huni katarha, huni zlap ikwa:
Vana cini,
ɗalə aska kwa vaye masən zləm kwa ghwaɗeɗe.
Bay kwa mandaha.
3Vəlani səkən ta zəm teete abə ni kala pish.
4Pəlani mpət cini ka,
andza ndə ni kapəlatana mpət ataa həji ma ɗalani mpət aagi ka yəm.
Hwa ɗiw a mbaslani ka, a nda ata la ɗal mpətəs.»
5Yesu zlap a zlapatana zhana: «Andza ala minja ŋtaguleŋ a taba kuni, ŋgwanambə tə aka, peteŋ ara a tapah zaɗə, i kəsha iŋgaya: “Ŋgwanambə naka, tarzaka wəda ambash mahkaɗ,” iy. 6“Ara ndə a ɗa, ŋtaguleŋ a taba ŋgwanambə naka aagi, taha ara sa, a ndaa aka ata laciwir. Ama, səkən zəm a sa vəlanə akas,”» iy. 7Azha andza ala a zhinanə a jak: «Mbaslaka ka, majak naka tatsakaya, ni ata la wan abə wəzhi naka aagi, sa kula a gar a wəzəm zhana a gasahu wədas.» 8Sa zlapahuni, avəli ci, kwa andza a kagar a wəzəm a vəlanə ara ndə a ɗa ŋgwanambə tə səku ci, a agarha a wəzəm a vəlanə ara ndə a kawərəzlanə zləm.
9Azha, ataa naka, sa kazlapahuni: Huni ɗiwi, aagi avəlahuni. Huni gasə, huni alima. Huni dza majak, aagi adəɗahuni. 10Ara ndə a ɗa, kwa vaye ma kaɗiwi, a lima səkən ndə a ɗiwi. Kwa vaye ma kagasə, a gəra. Azha, ala ma kadza majak, aagi adəɗanə.
11Ara vaya a taba kuni ndə, andza mbə tə a ɗiw ŋkilif ara ya, a vəlanə sheshuk a mavəy tə vəw? 12Aka səku ya, a avəlanə rəji andza taɗiw aŋsli vəw? 13Aɓa huni həji ma gamak aagi ya, huni kasən vəlatana səkən ma ŋtan a wəzhi kuni aagi, aga Cihw kuni ma ndza a wəzəm a wəzlaf, kula a vəlatana Miɗ ma ghwaɗeɗe a həji ma ɗiw aagi aka wəra.
Zhin ma Yesu ata ma ndə aa təkakənə
(Mat 9.32-34; 12.22-30; Mrk 3.22-27)
14Vah minja aka, Yesu a kagam miɗ ma gamak ma bəw ala ka a dada, ndə miɗ ma gamak a nda tə a bəza a zlikusəm tə, madəŋə dəba a azlap. Azha vərəm həji ma ndza a tsutsa aagi, hak aa ghərəŋ ta abə guɗaŋ tə. 15Ama ndiɓi aagi kazlap: «A ɗa Belzebul, bay miɗ gamak, ma vəlanə ɓərɓər ta gam miɗ ma gamak watsa aagi,» aagiy. 16Ndiɓi aagi gas a sleŋanə kilŋga a Yesu, aagi iŋgaya: «Ɗalzə səkən tsaɓan, ata nja cini, aska ni a sənə ci, ɓərɓər kwa a ndaha ara Bizlaf.» 17Ama, Yesu a kasən deŋ ŋkwaɓ ta, dəba a azlapatana, i təmta, iŋgaya: «Kala hayak ndə həji ma ndza a mən aagi kadza kusəm a walaŋ ta ci, a kəɗaŋ abə gəy tə, jak ma ndza a hayak watsa aagi, tiwtiw aagi azah ta. 18Andza, Gətili ma kadza kusəm abə ha tə ya, bay tə watsa a asən a ndza avaŋga? Ara ndə a ɗa, huni kazlap: Belzebul ma vəlaka ɓərɓər ta gam miɗ ma gamak, ana huniy. 19Andza Belzebul ma kavəlaka ɓərɓər a gam miɗ ma gamak ya, wəzhi kuni aagi aa gamə abə ɓərɓər ya? Dawna sha ya, wəzhi kuni aagi azahuni mpət. 20Andza a ɗa ŋter, abə ɓərɓər Bizlaf abə sa kagam miɗ ma gamak, watsa ya, la ndza bay Bizlaf huk abə huni.
21Andza ala ma ɓərɓər abə huzla tə, a kahəbar jak tə, səkən tə aagi tiwtiw aagi andza kadək. 22Ama, andza ala ma dəy aha abə ɓərɓər aha taa tə ya, a lanə huzla tə bəza, a kwaranə səkən tə aagi bəza tiwtiw, a ɓizhatana bəza a həji aagi. 23Ala ma ŋkula ndza abə sa, a ɗa ala jaga naka. Ala ma ŋkula lamzaka a dzamə, sha ana ala ma kawiɗi.»
Zhinha miɗ ma gamak
(Mat 12.43-45)
24«Azha, ndə miɗ ma gamak a nda tə a bəza ana ala watsa, tsaa katəwər, a ŋge a hayak aagi aska a gas la nəp. Ama, talimaɓa akas. A tsutsa, iŋgaya: “Galaɓa sa zhin naka ata la ndə sa ndaa a bəza,” iy. 25Ndə a zhinha, a ndaha a gəra la ya, tazlaɗaya, talamaya katkadək. 26Tsaa kanda tə a yaha miɗ ma gamak aagi ŋshiliɗ ndə mshiɗ ta dəy aha aagi. Ndə aa ɗa peteŋ, aa ndaha, ka aa ndza ta ka ata la watsa. Sha ana ndə a ɗa, yaka ala watsa a ɗa dəy aha ma avandza.»
Zəghay ma ŋtan
27Ndə Yesu a zlap bəza ikwa, wala minja a taba ŋgaɓa həji aagi, dəba a azlapanə abə ɓərɓər tə iŋgaya: «Təwah maɗal ata wala ma tiwahu a dəməs tə, ndə hwa saha ŋꞌwa tə.» 28Ama, Yesu zhin a zhinanə: «Galaɓa təwah maɗal, ata həji ma kateh ma Bizlaf, ama, dəba aagi aɗal zlən abə sha.»
Tsaɓan Mbə həji ma dəgnak
(Mat 12.38-42)
29Tiɗa ndə ŋgaɓa həji aagi tadzam ta ka abəra Yesu, dəba a azlap: Həji ma ndza akacihwa aagi, gamak ikwa, tsaɓan ana ndə aa kaɗiwi ci, aa kaalima akas. Səy tsaɓan ataa ala ma ɗaf ma ndə a zlimazə ara Bizlaf Yunas. 30Andza ndə Yunas a bəw tə andza səkən tsaɓan ata nja həji ma ndza a Niniwe aagi, andza sha, abə Mbə həji ma dəgnak a bəw tə andza səkən tsaɓan ma kaapew ata nja həji ma ndza akacihwa aagi. 31Vah ndə Bizlaf a kaaya həji aagi ata guma, bay wala minja a andaha gwara a nduŋ, a andaha a zatana mpət a həji ma ndza akacihwa aagi, ara ndə a ɗa ci, a ndaha a hayak ma gədək ma ndza ata manahayak, aska a teh sən səkən bay Suleymanu, ama, ala minja a ɗi dəy aha Suleymanu. 32Vah ndə Bizlaf a kaaya həji aagi ata guma, həji ma ndza a hayak Niniwe aagi azatana mpət a həji ma ndza akacihwa aagi. Ara ndə a ɗa ya, aa tazlima ma ndə Yunas a ghalatana; aa tambaɗ landza ta bəza. Ama, ala minja a ɗi dəy aha Yunas.
Landza ma ndza a weɗ la
(Mat 5.15; Mrk 4.21; Luk 8.16)
33«Kwa ala ma kaaji a tsa kwahu ka ata patərla a ɓah ka akas, a dzəɓ ka aska teptepi akas. Aɓa azha ci, a gas la ma tsəham a tsazə ka a heɗe aska həji ma kanda a jak aagi a gəra la. 34Nja kwa ana weɗ la zlikusəm kwa. Andza nja kwa a katkadək, a ɗa zlikusəm kwa a weɗ tiwtiw. Ama, andza nja kwa, a kadawər, zlikusəm kwa tiwtiw a ndza a ləvaŋ. 35Mbara azha, mbəla ŋkwaɓ, ara ndə weɗ la ma ndza a zlikusəm kwa, a kabəw tə a ləvaŋ. 36Andza zlikusəm kwa a kaweɗ tiwtiw, kwa guva minja a ləvaŋ akas, zlikusəm kwa tiwtiw, a andza a weɗ la, andza ndə ɓal patərla a kaweɗahu.»
Yesu a kazatana mpət a Farisa aagi abə masərək ma ma garagar aagi
(Mat 23.4, 6-7; 13.25-27)
37Ndə Yesu a kəɗaŋ zlap bəza, ndə Farisa minja ya a yə bəza a wata tə a zəm səkən, Yesu tsaw a nda, ka, a ndza tə ka, a zəm səkən. 38Hak ndə Farisa watsa a ghərəŋ tə ara ndə Yesu a ŋkula ban ra a zəm səkən andza ndə zlap jiji ta. 39Bay Madagal i kəsha iŋgaya: «Anawatsə, huni Farisa aagi. Yaɓ huni dəɓa tikshiyəm a bəza ghwaɗeɗe abə dəɓa tizhimzla. Ama, la ma ndza a ꞌunəf kuni, huni abə ŋkwaɓ ataa ŋhil aagi, ꞌunəf kuni mshiɗ tiwtiw. 40Mabamabam aagi! Bizlaf ma baha dəɓa tə ci, tambasl ꞌunəf tə ka a bazə vəw? 41Huni vəlatana səkən ma ndza a tikshiyəm kuni abə ma ndza a tizhimzla kuni aagi a həji titikw aagi, a huni aŋkula ɗa həji dadawər aagi tiwtiw. 42Dadawər ata huni Farisa aagi! Huni kavəlanə ma wam səkən kuni ŋtaɗ a Bizlaf, andza vajiɗ wiri ndiɓi aagi, abə səkən ndə huni ꞌusata aagi. Ama, mbasl huni təwah ndə Bizlaf a ɗiwi ka, abə may Bizlaf. Avəli ci sha ana ndə huni kaaɗalə, a ŋkula mbasl ka. 43Dadawər, ata huni Farisa aagi! Ara ndə huni gas la ndza həji magulakwakw aagi a jak ta tarha Yahuda aagi, ana huni. Huni may a həji aagi gəliɓ ka a zlapzahuni abə haw ata nja həji aagi. 44Dadawər ata huni! Huni ma ndza andza jiɓ ma ŋkula ba ndə həji aagi kanda ata təmta, denehneh, həji kasənata səku aagi.»
45Ala minja ŋtaguleŋ a taba masərək ma ma garagar aagi, i kəsha iŋgaya: «Masərək, ndə hwa kazlap watsə, a ɗa hwa rani,» iy. 46Yesu zhin a zhnanə: «Dadawər ata huni yəm, huni masərək ma ma garagar aagi! Ara ndə a ɗa ya, huni tsatana səkən ma ndəlndəl, a həji aagi ata dəɓa a tiwi, ci huni kaji ra kuni a dish a heɗes. 47Dadawər ata huni! Huni ma kaba jiɓ ma təwah ataa həji ma ɗaf ma ndə aa zlimazə ara Bizlaf aagi, avəli ci, jiji kuni aagi ma bazlata. 48Andza ikwa, huni may a ghal zlən jiji kuni aagi, ndə a ɗa, aa ma bazl həji ma ɗaf ma ndə aa zlimazə ara Bizlaf aagi, ama ataa aŋkuni ya, zlən kuni ba jiɓ ta aagi. 49Sha ana ndə Bizlaf a zlap abə sən səkən tə, iŋgaya: “Sa azlənatana a həji ma ɗaf ma ndə aa zlima ara sa aagi, abə həji ta zlən naka aagi ci, aagi abazl ndiɓi aagi bəza a taba ta, aagi asatana yaka a ndiɓi aagi,” 50azha, abə həji ma ndza akacihwa aagi, aagi aŋtəra ampəs ataa maɗaf ma Bizlaf ma bazl aka aagi tiwtiw, ꞌwa aka ambəɗa tə ata diw ba manahayak a vaŋ akacihwa, 51ꞌwa aka ata dza Habila a gwar ata dza Zakariya ndə aa dzə ka a walaŋ la ndə aa kaŋkəɗanə səkən a heɗe a Bizlaf ata la ma ghwaɗeɗe. Sa zlapahuni, a ɗa ŋter, ampəs ta ma zahha ya, a amən abə həji ma ndza akacihwa aagi. 52Dadawər ata huni, masərək ma ma garagar aagi! Ara ndə a ɗa, səkən ta dəɗ ma jak ta sən səkən a ndza ara huni: huni kaji a nda a mən abə ha kunis, ma kamayɓa aagi, huni kapəlatana təfəs.»
53Ndə Yesu a ndaa tə a bəza a wata ndə Farisa watsa, masərək ma ma garagar aagi abə Farisa aagi taghuɗek ta abə sha, dəba aagi atsapanə, abə ɗiw aagi dagala. 54Aa may a sleŋanə kilŋga a ma tə ndə a ghalə, aska aagi alima ma ma gamak a mən.
ទើបបានជ្រើសរើសហើយ៖
Luka 11: GOU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Luka 11
11
Yesu a kasərəkatana tarha a magəli tə aagi
1Vah minja aka, Yesu a katarha ata la minja. Ndə a kəɗaŋ tarha bəza, ala minja ŋtaguleŋ a taba magəli tə aagi, zlap a zlapanə, i kəsha iŋgaya: «Bay Madagal, Yahwana ma ɗal batem tasərəkatana tarha a magəli tə aagi, hwa yəm, sərəkani aska ni tarha yəm.»
2Yesu zlap a zlapatana: «Andza huni katarha, huni zlap ikwa:
Vana cini,
ɗalə aska kwa vaye masən zləm kwa ghwaɗeɗe.
Bay kwa mandaha.
3Vəlani səkən ta zəm teete abə ni kala pish.
4Pəlani mpət cini ka,
andza ndə ni kapəlatana mpət ataa həji ma ɗalani mpət aagi ka yəm.
Hwa ɗiw a mbaslani ka, a nda ata la ɗal mpətəs.»
5Yesu zlap a zlapatana zhana: «Andza ala minja ŋtaguleŋ a taba kuni, ŋgwanambə tə aka, peteŋ ara a tapah zaɗə, i kəsha iŋgaya: “Ŋgwanambə naka, tarzaka wəda ambash mahkaɗ,” iy. 6“Ara ndə a ɗa, ŋtaguleŋ a taba ŋgwanambə naka aagi, taha ara sa, a ndaa aka ata laciwir. Ama, səkən zəm a sa vəlanə akas,”» iy. 7Azha andza ala a zhinanə a jak: «Mbaslaka ka, majak naka tatsakaya, ni ata la wan abə wəzhi naka aagi, sa kula a gar a wəzəm zhana a gasahu wədas.» 8Sa zlapahuni, avəli ci, kwa andza a kagar a wəzəm a vəlanə ara ndə a ɗa ŋgwanambə tə səku ci, a agarha a wəzəm a vəlanə ara ndə a kawərəzlanə zləm.
9Azha, ataa naka, sa kazlapahuni: Huni ɗiwi, aagi avəlahuni. Huni gasə, huni alima. Huni dza majak, aagi adəɗahuni. 10Ara ndə a ɗa, kwa vaye ma kaɗiwi, a lima səkən ndə a ɗiwi. Kwa vaye ma kagasə, a gəra. Azha, ala ma kadza majak, aagi adəɗanə.
11Ara vaya a taba kuni ndə, andza mbə tə a ɗiw ŋkilif ara ya, a vəlanə sheshuk a mavəy tə vəw? 12Aka səku ya, a avəlanə rəji andza taɗiw aŋsli vəw? 13Aɓa huni həji ma gamak aagi ya, huni kasən vəlatana səkən ma ŋtan a wəzhi kuni aagi, aga Cihw kuni ma ndza a wəzəm a wəzlaf, kula a vəlatana Miɗ ma ghwaɗeɗe a həji ma ɗiw aagi aka wəra.
Zhin ma Yesu ata ma ndə aa təkakənə
(Mat 9.32-34; 12.22-30; Mrk 3.22-27)
14Vah minja aka, Yesu a kagam miɗ ma gamak ma bəw ala ka a dada, ndə miɗ ma gamak a nda tə a bəza a zlikusəm tə, madəŋə dəba a azlap. Azha vərəm həji ma ndza a tsutsa aagi, hak aa ghərəŋ ta abə guɗaŋ tə. 15Ama ndiɓi aagi kazlap: «A ɗa Belzebul, bay miɗ gamak, ma vəlanə ɓərɓər ta gam miɗ ma gamak watsa aagi,» aagiy. 16Ndiɓi aagi gas a sleŋanə kilŋga a Yesu, aagi iŋgaya: «Ɗalzə səkən tsaɓan, ata nja cini, aska ni a sənə ci, ɓərɓər kwa a ndaha ara Bizlaf.» 17Ama, Yesu a kasən deŋ ŋkwaɓ ta, dəba a azlapatana, i təmta, iŋgaya: «Kala hayak ndə həji ma ndza a mən aagi kadza kusəm a walaŋ ta ci, a kəɗaŋ abə gəy tə, jak ma ndza a hayak watsa aagi, tiwtiw aagi azah ta. 18Andza, Gətili ma kadza kusəm abə ha tə ya, bay tə watsa a asən a ndza avaŋga? Ara ndə a ɗa, huni kazlap: Belzebul ma vəlaka ɓərɓər ta gam miɗ ma gamak, ana huniy. 19Andza Belzebul ma kavəlaka ɓərɓər a gam miɗ ma gamak ya, wəzhi kuni aagi aa gamə abə ɓərɓər ya? Dawna sha ya, wəzhi kuni aagi azahuni mpət. 20Andza a ɗa ŋter, abə ɓərɓər Bizlaf abə sa kagam miɗ ma gamak, watsa ya, la ndza bay Bizlaf huk abə huni.
21Andza ala ma ɓərɓər abə huzla tə, a kahəbar jak tə, səkən tə aagi tiwtiw aagi andza kadək. 22Ama, andza ala ma dəy aha abə ɓərɓər aha taa tə ya, a lanə huzla tə bəza, a kwaranə səkən tə aagi bəza tiwtiw, a ɓizhatana bəza a həji aagi. 23Ala ma ŋkula ndza abə sa, a ɗa ala jaga naka. Ala ma ŋkula lamzaka a dzamə, sha ana ala ma kawiɗi.»
Zhinha miɗ ma gamak
(Mat 12.43-45)
24«Azha, ndə miɗ ma gamak a nda tə a bəza ana ala watsa, tsaa katəwər, a ŋge a hayak aagi aska a gas la nəp. Ama, talimaɓa akas. A tsutsa, iŋgaya: “Galaɓa sa zhin naka ata la ndə sa ndaa a bəza,” iy. 25Ndə a zhinha, a ndaha a gəra la ya, tazlaɗaya, talamaya katkadək. 26Tsaa kanda tə a yaha miɗ ma gamak aagi ŋshiliɗ ndə mshiɗ ta dəy aha aagi. Ndə aa ɗa peteŋ, aa ndaha, ka aa ndza ta ka ata la watsa. Sha ana ndə a ɗa, yaka ala watsa a ɗa dəy aha ma avandza.»
Zəghay ma ŋtan
27Ndə Yesu a zlap bəza ikwa, wala minja a taba ŋgaɓa həji aagi, dəba a azlapanə abə ɓərɓər tə iŋgaya: «Təwah maɗal ata wala ma tiwahu a dəməs tə, ndə hwa saha ŋꞌwa tə.» 28Ama, Yesu zhin a zhinanə: «Galaɓa təwah maɗal, ata həji ma kateh ma Bizlaf, ama, dəba aagi aɗal zlən abə sha.»
Tsaɓan Mbə həji ma dəgnak
(Mat 12.38-42)
29Tiɗa ndə ŋgaɓa həji aagi tadzam ta ka abəra Yesu, dəba a azlap: Həji ma ndza akacihwa aagi, gamak ikwa, tsaɓan ana ndə aa kaɗiwi ci, aa kaalima akas. Səy tsaɓan ataa ala ma ɗaf ma ndə a zlimazə ara Bizlaf Yunas. 30Andza ndə Yunas a bəw tə andza səkən tsaɓan ata nja həji ma ndza a Niniwe aagi, andza sha, abə Mbə həji ma dəgnak a bəw tə andza səkən tsaɓan ma kaapew ata nja həji ma ndza akacihwa aagi. 31Vah ndə Bizlaf a kaaya həji aagi ata guma, bay wala minja a andaha gwara a nduŋ, a andaha a zatana mpət a həji ma ndza akacihwa aagi, ara ndə a ɗa ci, a ndaha a hayak ma gədək ma ndza ata manahayak, aska a teh sən səkən bay Suleymanu, ama, ala minja a ɗi dəy aha Suleymanu. 32Vah ndə Bizlaf a kaaya həji aagi ata guma, həji ma ndza a hayak Niniwe aagi azatana mpət a həji ma ndza akacihwa aagi. Ara ndə a ɗa ya, aa tazlima ma ndə Yunas a ghalatana; aa tambaɗ landza ta bəza. Ama, ala minja a ɗi dəy aha Yunas.
Landza ma ndza a weɗ la
(Mat 5.15; Mrk 4.21; Luk 8.16)
33«Kwa ala ma kaaji a tsa kwahu ka ata patərla a ɓah ka akas, a dzəɓ ka aska teptepi akas. Aɓa azha ci, a gas la ma tsəham a tsazə ka a heɗe aska həji ma kanda a jak aagi a gəra la. 34Nja kwa ana weɗ la zlikusəm kwa. Andza nja kwa a katkadək, a ɗa zlikusəm kwa a weɗ tiwtiw. Ama, andza nja kwa, a kadawər, zlikusəm kwa tiwtiw a ndza a ləvaŋ. 35Mbara azha, mbəla ŋkwaɓ, ara ndə weɗ la ma ndza a zlikusəm kwa, a kabəw tə a ləvaŋ. 36Andza zlikusəm kwa a kaweɗ tiwtiw, kwa guva minja a ləvaŋ akas, zlikusəm kwa tiwtiw, a andza a weɗ la, andza ndə ɓal patərla a kaweɗahu.»
Yesu a kazatana mpət a Farisa aagi abə masərək ma ma garagar aagi
(Mat 23.4, 6-7; 13.25-27)
37Ndə Yesu a kəɗaŋ zlap bəza, ndə Farisa minja ya a yə bəza a wata tə a zəm səkən, Yesu tsaw a nda, ka, a ndza tə ka, a zəm səkən. 38Hak ndə Farisa watsa a ghərəŋ tə ara ndə Yesu a ŋkula ban ra a zəm səkən andza ndə zlap jiji ta. 39Bay Madagal i kəsha iŋgaya: «Anawatsə, huni Farisa aagi. Yaɓ huni dəɓa tikshiyəm a bəza ghwaɗeɗe abə dəɓa tizhimzla. Ama, la ma ndza a ꞌunəf kuni, huni abə ŋkwaɓ ataa ŋhil aagi, ꞌunəf kuni mshiɗ tiwtiw. 40Mabamabam aagi! Bizlaf ma baha dəɓa tə ci, tambasl ꞌunəf tə ka a bazə vəw? 41Huni vəlatana səkən ma ndza a tikshiyəm kuni abə ma ndza a tizhimzla kuni aagi a həji titikw aagi, a huni aŋkula ɗa həji dadawər aagi tiwtiw. 42Dadawər ata huni Farisa aagi! Huni kavəlanə ma wam səkən kuni ŋtaɗ a Bizlaf, andza vajiɗ wiri ndiɓi aagi, abə səkən ndə huni ꞌusata aagi. Ama, mbasl huni təwah ndə Bizlaf a ɗiwi ka, abə may Bizlaf. Avəli ci sha ana ndə huni kaaɗalə, a ŋkula mbasl ka. 43Dadawər, ata huni Farisa aagi! Ara ndə huni gas la ndza həji magulakwakw aagi a jak ta tarha Yahuda aagi, ana huni. Huni may a həji aagi gəliɓ ka a zlapzahuni abə haw ata nja həji aagi. 44Dadawər ata huni! Huni ma ndza andza jiɓ ma ŋkula ba ndə həji aagi kanda ata təmta, denehneh, həji kasənata səku aagi.»
45Ala minja ŋtaguleŋ a taba masərək ma ma garagar aagi, i kəsha iŋgaya: «Masərək, ndə hwa kazlap watsə, a ɗa hwa rani,» iy. 46Yesu zhin a zhnanə: «Dadawər ata huni yəm, huni masərək ma ma garagar aagi! Ara ndə a ɗa ya, huni tsatana səkən ma ndəlndəl, a həji aagi ata dəɓa a tiwi, ci huni kaji ra kuni a dish a heɗes. 47Dadawər ata huni! Huni ma kaba jiɓ ma təwah ataa həji ma ɗaf ma ndə aa zlimazə ara Bizlaf aagi, avəli ci, jiji kuni aagi ma bazlata. 48Andza ikwa, huni may a ghal zlən jiji kuni aagi, ndə a ɗa, aa ma bazl həji ma ɗaf ma ndə aa zlimazə ara Bizlaf aagi, ama ataa aŋkuni ya, zlən kuni ba jiɓ ta aagi. 49Sha ana ndə Bizlaf a zlap abə sən səkən tə, iŋgaya: “Sa azlənatana a həji ma ɗaf ma ndə aa zlima ara sa aagi, abə həji ta zlən naka aagi ci, aagi abazl ndiɓi aagi bəza a taba ta, aagi asatana yaka a ndiɓi aagi,” 50azha, abə həji ma ndza akacihwa aagi, aagi aŋtəra ampəs ataa maɗaf ma Bizlaf ma bazl aka aagi tiwtiw, ꞌwa aka ambəɗa tə ata diw ba manahayak a vaŋ akacihwa, 51ꞌwa aka ata dza Habila a gwar ata dza Zakariya ndə aa dzə ka a walaŋ la ndə aa kaŋkəɗanə səkən a heɗe a Bizlaf ata la ma ghwaɗeɗe. Sa zlapahuni, a ɗa ŋter, ampəs ta ma zahha ya, a amən abə həji ma ndza akacihwa aagi. 52Dadawər ata huni, masərək ma ma garagar aagi! Ara ndə a ɗa, səkən ta dəɗ ma jak ta sən səkən a ndza ara huni: huni kaji a nda a mən abə ha kunis, ma kamayɓa aagi, huni kapəlatana təfəs.»
53Ndə Yesu a ndaa tə a bəza a wata ndə Farisa watsa, masərək ma ma garagar aagi abə Farisa aagi taghuɗek ta abə sha, dəba aagi atsapanə, abə ɗiw aagi dagala. 54Aa may a sleŋanə kilŋga a ma tə ndə a ghalə, aska aagi alima ma ma gamak a mən.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល