Mata 13
13
Laslaŋgal ma ata ɗala ma kazləka
1A pes wese ca, Yesu a damha aka a wata, a nda, a nja ka a mazlam ŋtele. 2Hejəye vəram, əy ɓecaha ara mbe, mavəday anta a tev ŋ kwambawal, a nja ka ŋma. Hejəye tewtew əy kédeŋeye a mazlam yam.
3A zlepetene a laslaŋgal ma ata səkan ege vəram, a ŋgaya: «A pes wende aka, ɗala maɗas wende, a nda ŋ zləkaha ŋ la anta. 4Aya, maa a kazləka ca, ŋseŋ vedəye əy kwekweɗ a mazlam taf. Vəgem ege əy ndaha, əy meɗata aza tewtew. 5Vedəye, əy nah ŋ la ŋkəɗaŋ, ata la maa hayak a təwse parham. Əy davha kəcaŋ mavəday hayak dakala askwaw. 6Cemey, maa pes a daha ca, a ŋkəɗawata aza, aya, ŋhwal əy ŋhwal tata mavəday slaslalay asa tata askwaw. 7Ŋseŋ vedəye zeney, əy nah ŋ taba jəkeɗ. Jəkeɗ a galha, aya, a ŋgacata. 8Ca, ŋseŋ vedəye zeney, əy nah ata la ma taŋtaŋ. Əy mbəla mbaw, vedəye, mba ndərey a heɗe temere temere, vedəye zeney, a heɗe raŋkwah raŋkwah, vedəye zeney yam, a heɗe ramahkaɗ ramahkaɗ.» 9Aya, Yesu a zlepetene zeney, a ŋgaya: «Ɗala maa zlam a heɗe aka ca, mezləme ka kadak kadak!»
Yesu a zlap a laslaŋgal ma ca, mavəday vemey?
10A dəwze anta, madarlaŋw Yesu ege əy nda mbermber ara mbe, əy ɗawza, əy ŋgaya: «Hwa zlepetene a laslaŋgal ma ca, ŋ vay?» 11Aya, Yesu a zenetene, a ŋgaya: «A ŋkune ca, Gazlavay kávalahune taf aza ŋ san səkan ege maɓahaɓah ŋ lazam Bay ma mgba ata uzlaf. Cemey, ŋ hejəye vedəye ca, əy kélemew, askwaw. 12Cemey, ɗala maa səkan ara mbe aka ca, əy nevelene a heɗe dakala zeney, a ɗala maa səkan ara mbe askwaw ca, kaw cekuɗe ende ara mbe aka ca, əy neŋtene aza. 13Ayaw, sa zlepetene a laslaŋgal ma ca, mavəday əy kasar la, cemey, əy kegəre la askwaw. Əy keteh zlam, cemey, əy kezləme askwaw. 14Ana ebe ŋghe, səkan ma ndewzetene ŋghe ca, ara ma maa Esaya, mba ma zlap ma mala Gazlavay, a zlap a nuna anta, a ŋgaya:
“Hune neteh zlam, cemey, hune kenezləme askwaw,
hune nasar la, cemey, hune kenegəre la askwaw.
15Cemey, hejəye ŋghe anta ege əy kezləme zləme səkwaw.
Əy kának zlam tata ege ka,
əy kámpak nje tata ege ka,
ndar əy ɗaw ŋ gəre la a nje tata ege səkwaw,
əy zləme a zlam tata ege səkwaw,
əy san səkan ŋ unaf tata ege səkwaw,
mavəday əy kaɗaw ŋ ja mbahw,
ndar sa rehzata aza, səkwaw.”»
16«Cemey, a ŋkune ca, zəhay ŋ hune, mavəday nje ŋkune ege əy kegəre la leŋ zlam ŋkune ege əy kezləme zləme. 17Njenjəwen, sa kazlapahune, uzəye ma zlap ma mala Gazlavay ege vəram leŋ hejəye vəram ma kala səkan a heɗe a heɗe ege, əy káɗaw ŋ gəre səkan ege maa hune kegəreta ŋghe ege, cemey, əy kégəre askwaw. Əy káɗaw ŋ zləme səkan maa hune kezləmeta ŋghe ege, cemey, əy kézləmeta askwaw.»
Yesu a ghwalza laslaŋgal ma ata ɗala ma kazləka
18«Ŋghe, hune teh zlam, ata laslaŋgal ma ata heje ma kazləka eze: 19Ŋseŋ ma nah a mazlam taf ca, ara hejəye ma keteh zlap mala lazam Bay Gazlavay ege, cemey, əy kezləme zlap anta səkwaw. Malula a ndaha, a ŋtetene ma ma ŋ unaf tata wese aza. 20Ŋseŋ ma nah ŋ la ŋkəɗaŋ ca, ara hejəye ma kezləme zlap Gazlavay ege, əy lamza zlap anta kəcaŋ a sasam. 21Cemey, zlap anta, a kéheɓ slaslalay ŋ tata askwaw. Əy lamza zlap anta walaŋ cekuɗe ende ŋghe. Aya, mada gef kámbalata, askwaw ca, əy kámpam ŋgwesem asa tata mavəday zlap Gazlavay ca, əy yakza lalam unaf tata aka. 22Ŋseŋ ma nah ŋ taba jəkeɗ ca, ara hejəye ma zləme zlap Gazlavay ege, cemey, ledeŋ ŋkwaɓ ata lanja ma taŋtaŋ ma a manhayak leŋ ata laŋcaɗ, əy ŋgac zlap anta, aya, ŋseŋ anta a kambala mba askwaw. 23Ŋseŋ ma nah ŋ la ma taŋtaŋ ca, ara hejəye ma zləme zlap Gazlavay ege, əy lamza ŋ unaf tata kadak kadak, əy la səkan ana ma Gazlavay a kaɗawaw. Əy mbaw mba ma taŋtaŋ, ata vedəye temere, vedəye raŋkwah, vedəye zeney ramahkaɗ.»
Laslaŋgal ma ata zlərav ey ndərey
24Yesu a zlepetene a laslaŋgal ma wende zeney, a ŋgaya: «Bay ma mgba ata uzlaf ca, a nja ana ɗala ma zlak ŋseŋ ndərey ma taŋtaŋ ŋ la anta. 25A zaɗaw wende aka maa kaw vayay a kawan ca, heje ma kaɗaw ŋ gəre ata nje səkwaw a ndaha, a zlekene zlərav aka ŋ la ndrey maa əy kayaɓa alkamarəy anta. Tel a nda anta. 26Maa ndərey ege əy gal tata, əy daha ca, zlərav wese a daha yam. 27Mala zlan mala heje la wese ege, əy ndaha, əy zlepene, əy ŋgaya: “Təwjek ŋcene, hwa zlakha ŋ la ŋkwa ca, ŋseŋ ndərey ma taŋtaŋ askwaw aza vaw? Ca, zlərav a davha eze ca, a katay?” 28A təwse ca, təwjek tata wese a zenetene a ŋgaya: “Ara ɗala ma kaɗaw ŋ gərekey ata nje səkwaw ma zlakaw.” Mala zlan anta ege wese, əy ɗawza, əy ŋgaya: “Hwa kaɗaw nene nda ŋ daɗ zlərav anta ege aza vaw?” 29Təwjek tata wese, a zenetene, a ŋgaya: “Ŋghey! manja, mavəday, hune kadaɗ zlərav anta ca, hune nadaɗ ndərey ara yam. 30Hune yakzata ka, əy magal ŋ la anta ha hwas ata vah maa hejəye əy kenepet səkan, a təwse ca, sa nezlepetene a hejəye ma pet səkan ege: hune balata zlərav ege aza kwagwa, hune jaw ka ŋ ŋkəɗawata. A dəwze anta, a ndərey ca, hune pet aza aka ŋ tərgwa naka.”»
Laslaŋgal ma ata mba venjeh
31Yesu a zlepetene, a laslaŋgal ma wende zeney, a ŋgaya: «Lazam Bay ma mgba ata uzlaf ca, a nja ana mba venjeh maa ɗala a ŋtaw, a zlak ka ŋ la anta. 32Ara ŋseŋ ma pa ŋ pəzekw aha ŋseŋ ege tewtew, cemey, mada kádavha aza ca, a nagal day aha urey ege vedəye ma ŋ la. Aya, a la anta ŋ mpe, vəgem ma mgba ata uzlaf ege əy ndaha, əy ba ujek tata ege aka ata zləram anta ege.»
Laslaŋgal ma ata əys
33Yesu a zlepetene, a laslaŋgal ma wende zeney, a ŋgaya: «Lazam Bay ma mgba ata uzlaf ca, a nja ana əys maa wala a kaŋta cekuɗe ende ŋghe, a kəvaɗ a ŋfa kəylaw ragbak aha jaɓan, aya, əys anta a hafza ŋfa makəvaɗkəvaɗ anta tewtew.»
Ma maa Yesu a zlap a laslaŋgal ma
34Yesu a zlepetene ma ŋghe ege tewtew ŋ hejəye ca, a laslaŋgal ma, kaw kézlepetene delele askwaw, səy a laslaŋgal ma. 35A zlap ende ŋghe ca, ndar səkan a la ana maa mba ma zlap ma mala Gazlavay, a zlap a ŋgaya:
«Sa nezlepetene a laslaŋgal ma,
sa neghwelzetene səkan maɓahaɓah ege mar aka ata laba manhayak.»
Yesu a ghwalza laslaŋgal ma ma ata zlərav
36Aya, Yesu a yakzata hejəye aka, a dam anta a wata. Madarlaŋw anta ege, əy ndaha mbermber ara mbe, əy zlepene, əy ŋgaya: «Ghwelzeney laslaŋgal ma ma ata zlərav ma ŋ la wese.» 37A təwse ca, Yesu a zenetene, a ŋgaya: «Ɗala ma kazlak ŋseŋ ndərey ma taŋtaŋ ca, ara Mba Ɗala. 38La ca, ara manhayak, ŋseŋ ndərey ma taŋtaŋ ca, ara hejəye ma ŋ lazam Bay mala Gazlavay ege, zlərav ca, ara hejəye mala Malula ege. 39Ɗala ma kaɗaw ŋ gəre ata nje səkwaw ma zlak zlərav ŋ la anta ca, ara Malula. Lepet səkan ca, ara laŋtakw manhayak. Hejəye, mepet ndərey ege ca, ara malaɓ Gazlavay ege. 40Ana maa əy ɓec zlərav ŋ ŋkəɗawaw ŋ kwahwaw wese ca, laŋtakw manhayak a nala ana mbe yam. 41Mba Ɗala a nalaɓata malaɓ anta ege. Əy nagamata zəwet malula ege ma kaŋcakwzata hejəye ŋ la gay leŋ hejəye ma kala dadawar ege aza tewtew ŋ Lazam Bay anta. 42Əy nanahzata ŋ kwahwaw. A təwse ca, əy nahan, əy naɓam zləɗeŋ tata ege. 43Cemey, hejəye ma kala səkan ege ana maa Gazlavay a kaɗaw ca, əy neweɗ ana pes ŋ lazam Bay mala Cen tata. Ɗala maa zlam a heɗe aka ca, mezləme ka kadak kadak!»
Laslaŋgal ma ata səkan maɓahaɓah ma taŋtaŋ ey gavda
44«Lazam Bay ma mgba ata uzlaf ca, a nja ana səkan ma taŋtaŋ maɓahaɓah ŋ la. Maa ɗala wende a ndewzene, a ɓahza ka zeney. A təwse ca, a kasasam dakala, a nda ŋ səkamata səkan anta ege aza tewtew, aya, a ndaha a səkam la wese aza. 45A zeney, lazam Bay ma mgba ata uzlaf ca, a nja ana ɗala mala fəlew ma kampam gavda ma tuwah tuwah ege. 46Maa a ndew aza ata gavda wende maa lasəkam anta səlay dakala ca, tel a nda, a səkemetene səkan anta ege aza tewtew ŋ hejəye, a ndaha a səkam gavda wese.»
Laslaŋgal ma ata taba
47«A zeney, lazam Bay ma mgba ata uzlaf ca, a nja ana taba maa əy kanahza ŋ yam, a kambalha ŋseŋ ŋkəlef kaw vekey. 48Mada taba anta ghef ca, əy njewza a mazlam yam, a dəwze anta, əy nja ka, əy gəɗamata ŋkəlef ma taŋtaŋ ege, əy zahzata ŋ ujam, cemey, ŋkəlef ma kadak səkwaw ege ca, əy kwayzata aza. 49Laŋtakw manhayak ca, a nala ana mbe yam. Malaɓ Gazlavay ege, əy nadaha, əy neɓezata hejəye ma kala səkan ana maa Gazlavay a kaɗawaw ege ey hejəye ma kala dadawar ege. 50Aya, əy nakwayzata hejəye ma kala dadawar ege ŋ kwahwaw, a təwse, əy nahan, əy naɓam zləɗeŋ tata ege.»
Səkan mewe ey səkan mavava
51Yesu a ɗawzata madarlaŋw anta ege a ŋgaya: «Hune kézləme ma ŋgha ege aza tewtew vaw?» A təwse, əy zenene, əy ŋgaya: «Ayaw.» 52Aya, Yesu a zlepetene, a ŋgaya: «Maghwal ma maŋkanaŋkan kaw vekey, ma kábaw anta ŋ madarlaŋw mala lazam Bay ma mgba ata uzlaf ca, a nja ana heje ujek ma zlaɗata səkan mewe ege, ey səkan mavava ege aza ata laɓah səkan anta ma taŋtaŋ.»
Hejəye Nasaratu ege əy kalamza ma mala Yesu səkwaw
53Maa Yesu káŋtakwzata laslaŋgal ma ege wese aza ca, a gwarzam anta a təwse, tel a nda anta. 54Aya, a nda ŋ uzam Nasaratu ata la maa a galha. A kasasərakzata hejəye ŋ ujek tata ma ata rak Gazlavay. Hejəye tewtew əy káŋga ŋkwaɓ, əy kazlap, əy ŋgaya: «Ma velene kəleŋ anta vayay? A san ŋ la zaɓəla anta ege ana ebe ŋghe ca, vaŋgay? 55Heje ŋghe ca, ara mba heje mazla mpe wese askwaw, aza vaw? Maman ca, ara Marəyama, səkwaw aza vaw? Zlaŋgan ege ca, ara ata Yakuba, Yusufu, Səymawn ey Yahuda, səkwaw aza vaw? 56Ca, zlaŋgan heldəməye ege tewtew, əy ara heje ete ŋghe askwaw aza vaw? A lem aza ɓardakw anta ana ebe ŋghe ca, a katay?» 57Ledeŋ ŋkwaɓ tata anta wese, kátakata ŋ lamza Yesu. Aya, a zlepetene a ŋgaya: «Əy kahəmanza mba ma zlap ma mala Gazlavay kaw a katay, cemey, ŋ uzam anta leŋ ŋ taba hejəye anta ege ca, əy kahəmanza askwaw.» 58A təwse ca, Yesu kála zaɓəla ege vəram askwaw, mavəday, əy kalamza, səkwaw.
ទើបបានជ្រើសរើសហើយ៖
Mata 13: BHS
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 CABTAL
Mata 13
13
Laslaŋgal ma ata ɗala ma kazləka
1A pes wese ca, Yesu a damha aka a wata, a nda, a nja ka a mazlam ŋtele. 2Hejəye vəram, əy ɓecaha ara mbe, mavəday anta a tev ŋ kwambawal, a nja ka ŋma. Hejəye tewtew əy kédeŋeye a mazlam yam.
3A zlepetene a laslaŋgal ma ata səkan ege vəram, a ŋgaya: «A pes wende aka, ɗala maɗas wende, a nda ŋ zləkaha ŋ la anta. 4Aya, maa a kazləka ca, ŋseŋ vedəye əy kwekweɗ a mazlam taf. Vəgem ege əy ndaha, əy meɗata aza tewtew. 5Vedəye, əy nah ŋ la ŋkəɗaŋ, ata la maa hayak a təwse parham. Əy davha kəcaŋ mavəday hayak dakala askwaw. 6Cemey, maa pes a daha ca, a ŋkəɗawata aza, aya, ŋhwal əy ŋhwal tata mavəday slaslalay asa tata askwaw. 7Ŋseŋ vedəye zeney, əy nah ŋ taba jəkeɗ. Jəkeɗ a galha, aya, a ŋgacata. 8Ca, ŋseŋ vedəye zeney, əy nah ata la ma taŋtaŋ. Əy mbəla mbaw, vedəye, mba ndərey a heɗe temere temere, vedəye zeney, a heɗe raŋkwah raŋkwah, vedəye zeney yam, a heɗe ramahkaɗ ramahkaɗ.» 9Aya, Yesu a zlepetene zeney, a ŋgaya: «Ɗala maa zlam a heɗe aka ca, mezləme ka kadak kadak!»
Yesu a zlap a laslaŋgal ma ca, mavəday vemey?
10A dəwze anta, madarlaŋw Yesu ege əy nda mbermber ara mbe, əy ɗawza, əy ŋgaya: «Hwa zlepetene a laslaŋgal ma ca, ŋ vay?» 11Aya, Yesu a zenetene, a ŋgaya: «A ŋkune ca, Gazlavay kávalahune taf aza ŋ san səkan ege maɓahaɓah ŋ lazam Bay ma mgba ata uzlaf. Cemey, ŋ hejəye vedəye ca, əy kélemew, askwaw. 12Cemey, ɗala maa səkan ara mbe aka ca, əy nevelene a heɗe dakala zeney, a ɗala maa səkan ara mbe askwaw ca, kaw cekuɗe ende ara mbe aka ca, əy neŋtene aza. 13Ayaw, sa zlepetene a laslaŋgal ma ca, mavəday əy kasar la, cemey, əy kegəre la askwaw. Əy keteh zlam, cemey, əy kezləme askwaw. 14Ana ebe ŋghe, səkan ma ndewzetene ŋghe ca, ara ma maa Esaya, mba ma zlap ma mala Gazlavay, a zlap a nuna anta, a ŋgaya:
“Hune neteh zlam, cemey, hune kenezləme askwaw,
hune nasar la, cemey, hune kenegəre la askwaw.
15Cemey, hejəye ŋghe anta ege əy kezləme zləme səkwaw.
Əy kának zlam tata ege ka,
əy kámpak nje tata ege ka,
ndar əy ɗaw ŋ gəre la a nje tata ege səkwaw,
əy zləme a zlam tata ege səkwaw,
əy san səkan ŋ unaf tata ege səkwaw,
mavəday əy kaɗaw ŋ ja mbahw,
ndar sa rehzata aza, səkwaw.”»
16«Cemey, a ŋkune ca, zəhay ŋ hune, mavəday nje ŋkune ege əy kegəre la leŋ zlam ŋkune ege əy kezləme zləme. 17Njenjəwen, sa kazlapahune, uzəye ma zlap ma mala Gazlavay ege vəram leŋ hejəye vəram ma kala səkan a heɗe a heɗe ege, əy káɗaw ŋ gəre səkan ege maa hune kegəreta ŋghe ege, cemey, əy kégəre askwaw. Əy káɗaw ŋ zləme səkan maa hune kezləmeta ŋghe ege, cemey, əy kézləmeta askwaw.»
Yesu a ghwalza laslaŋgal ma ata ɗala ma kazləka
18«Ŋghe, hune teh zlam, ata laslaŋgal ma ata heje ma kazləka eze: 19Ŋseŋ ma nah a mazlam taf ca, ara hejəye ma keteh zlap mala lazam Bay Gazlavay ege, cemey, əy kezləme zlap anta səkwaw. Malula a ndaha, a ŋtetene ma ma ŋ unaf tata wese aza. 20Ŋseŋ ma nah ŋ la ŋkəɗaŋ ca, ara hejəye ma kezləme zlap Gazlavay ege, əy lamza zlap anta kəcaŋ a sasam. 21Cemey, zlap anta, a kéheɓ slaslalay ŋ tata askwaw. Əy lamza zlap anta walaŋ cekuɗe ende ŋghe. Aya, mada gef kámbalata, askwaw ca, əy kámpam ŋgwesem asa tata mavəday zlap Gazlavay ca, əy yakza lalam unaf tata aka. 22Ŋseŋ ma nah ŋ taba jəkeɗ ca, ara hejəye ma zləme zlap Gazlavay ege, cemey, ledeŋ ŋkwaɓ ata lanja ma taŋtaŋ ma a manhayak leŋ ata laŋcaɗ, əy ŋgac zlap anta, aya, ŋseŋ anta a kambala mba askwaw. 23Ŋseŋ ma nah ŋ la ma taŋtaŋ ca, ara hejəye ma zləme zlap Gazlavay ege, əy lamza ŋ unaf tata kadak kadak, əy la səkan ana ma Gazlavay a kaɗawaw. Əy mbaw mba ma taŋtaŋ, ata vedəye temere, vedəye raŋkwah, vedəye zeney ramahkaɗ.»
Laslaŋgal ma ata zlərav ey ndərey
24Yesu a zlepetene a laslaŋgal ma wende zeney, a ŋgaya: «Bay ma mgba ata uzlaf ca, a nja ana ɗala ma zlak ŋseŋ ndərey ma taŋtaŋ ŋ la anta. 25A zaɗaw wende aka maa kaw vayay a kawan ca, heje ma kaɗaw ŋ gəre ata nje səkwaw a ndaha, a zlekene zlərav aka ŋ la ndrey maa əy kayaɓa alkamarəy anta. Tel a nda anta. 26Maa ndərey ege əy gal tata, əy daha ca, zlərav wese a daha yam. 27Mala zlan mala heje la wese ege, əy ndaha, əy zlepene, əy ŋgaya: “Təwjek ŋcene, hwa zlakha ŋ la ŋkwa ca, ŋseŋ ndərey ma taŋtaŋ askwaw aza vaw? Ca, zlərav a davha eze ca, a katay?” 28A təwse ca, təwjek tata wese a zenetene a ŋgaya: “Ara ɗala ma kaɗaw ŋ gərekey ata nje səkwaw ma zlakaw.” Mala zlan anta ege wese, əy ɗawza, əy ŋgaya: “Hwa kaɗaw nene nda ŋ daɗ zlərav anta ege aza vaw?” 29Təwjek tata wese, a zenetene, a ŋgaya: “Ŋghey! manja, mavəday, hune kadaɗ zlərav anta ca, hune nadaɗ ndərey ara yam. 30Hune yakzata ka, əy magal ŋ la anta ha hwas ata vah maa hejəye əy kenepet səkan, a təwse ca, sa nezlepetene a hejəye ma pet səkan ege: hune balata zlərav ege aza kwagwa, hune jaw ka ŋ ŋkəɗawata. A dəwze anta, a ndərey ca, hune pet aza aka ŋ tərgwa naka.”»
Laslaŋgal ma ata mba venjeh
31Yesu a zlepetene, a laslaŋgal ma wende zeney, a ŋgaya: «Lazam Bay ma mgba ata uzlaf ca, a nja ana mba venjeh maa ɗala a ŋtaw, a zlak ka ŋ la anta. 32Ara ŋseŋ ma pa ŋ pəzekw aha ŋseŋ ege tewtew, cemey, mada kádavha aza ca, a nagal day aha urey ege vedəye ma ŋ la. Aya, a la anta ŋ mpe, vəgem ma mgba ata uzlaf ege əy ndaha, əy ba ujek tata ege aka ata zləram anta ege.»
Laslaŋgal ma ata əys
33Yesu a zlepetene, a laslaŋgal ma wende zeney, a ŋgaya: «Lazam Bay ma mgba ata uzlaf ca, a nja ana əys maa wala a kaŋta cekuɗe ende ŋghe, a kəvaɗ a ŋfa kəylaw ragbak aha jaɓan, aya, əys anta a hafza ŋfa makəvaɗkəvaɗ anta tewtew.»
Ma maa Yesu a zlap a laslaŋgal ma
34Yesu a zlepetene ma ŋghe ege tewtew ŋ hejəye ca, a laslaŋgal ma, kaw kézlepetene delele askwaw, səy a laslaŋgal ma. 35A zlap ende ŋghe ca, ndar səkan a la ana maa mba ma zlap ma mala Gazlavay, a zlap a ŋgaya:
«Sa nezlepetene a laslaŋgal ma,
sa neghwelzetene səkan maɓahaɓah ege mar aka ata laba manhayak.»
Yesu a ghwalza laslaŋgal ma ma ata zlərav
36Aya, Yesu a yakzata hejəye aka, a dam anta a wata. Madarlaŋw anta ege, əy ndaha mbermber ara mbe, əy zlepene, əy ŋgaya: «Ghwelzeney laslaŋgal ma ma ata zlərav ma ŋ la wese.» 37A təwse ca, Yesu a zenetene, a ŋgaya: «Ɗala ma kazlak ŋseŋ ndərey ma taŋtaŋ ca, ara Mba Ɗala. 38La ca, ara manhayak, ŋseŋ ndərey ma taŋtaŋ ca, ara hejəye ma ŋ lazam Bay mala Gazlavay ege, zlərav ca, ara hejəye mala Malula ege. 39Ɗala ma kaɗaw ŋ gəre ata nje səkwaw ma zlak zlərav ŋ la anta ca, ara Malula. Lepet səkan ca, ara laŋtakw manhayak. Hejəye, mepet ndərey ege ca, ara malaɓ Gazlavay ege. 40Ana maa əy ɓec zlərav ŋ ŋkəɗawaw ŋ kwahwaw wese ca, laŋtakw manhayak a nala ana mbe yam. 41Mba Ɗala a nalaɓata malaɓ anta ege. Əy nagamata zəwet malula ege ma kaŋcakwzata hejəye ŋ la gay leŋ hejəye ma kala dadawar ege aza tewtew ŋ Lazam Bay anta. 42Əy nanahzata ŋ kwahwaw. A təwse ca, əy nahan, əy naɓam zləɗeŋ tata ege. 43Cemey, hejəye ma kala səkan ege ana maa Gazlavay a kaɗaw ca, əy neweɗ ana pes ŋ lazam Bay mala Cen tata. Ɗala maa zlam a heɗe aka ca, mezləme ka kadak kadak!»
Laslaŋgal ma ata səkan maɓahaɓah ma taŋtaŋ ey gavda
44«Lazam Bay ma mgba ata uzlaf ca, a nja ana səkan ma taŋtaŋ maɓahaɓah ŋ la. Maa ɗala wende a ndewzene, a ɓahza ka zeney. A təwse ca, a kasasam dakala, a nda ŋ səkamata səkan anta ege aza tewtew, aya, a ndaha a səkam la wese aza. 45A zeney, lazam Bay ma mgba ata uzlaf ca, a nja ana ɗala mala fəlew ma kampam gavda ma tuwah tuwah ege. 46Maa a ndew aza ata gavda wende maa lasəkam anta səlay dakala ca, tel a nda, a səkemetene səkan anta ege aza tewtew ŋ hejəye, a ndaha a səkam gavda wese.»
Laslaŋgal ma ata taba
47«A zeney, lazam Bay ma mgba ata uzlaf ca, a nja ana taba maa əy kanahza ŋ yam, a kambalha ŋseŋ ŋkəlef kaw vekey. 48Mada taba anta ghef ca, əy njewza a mazlam yam, a dəwze anta, əy nja ka, əy gəɗamata ŋkəlef ma taŋtaŋ ege, əy zahzata ŋ ujam, cemey, ŋkəlef ma kadak səkwaw ege ca, əy kwayzata aza. 49Laŋtakw manhayak ca, a nala ana mbe yam. Malaɓ Gazlavay ege, əy nadaha, əy neɓezata hejəye ma kala səkan ana maa Gazlavay a kaɗawaw ege ey hejəye ma kala dadawar ege. 50Aya, əy nakwayzata hejəye ma kala dadawar ege ŋ kwahwaw, a təwse, əy nahan, əy naɓam zləɗeŋ tata ege.»
Səkan mewe ey səkan mavava
51Yesu a ɗawzata madarlaŋw anta ege a ŋgaya: «Hune kézləme ma ŋgha ege aza tewtew vaw?» A təwse, əy zenene, əy ŋgaya: «Ayaw.» 52Aya, Yesu a zlepetene, a ŋgaya: «Maghwal ma maŋkanaŋkan kaw vekey, ma kábaw anta ŋ madarlaŋw mala lazam Bay ma mgba ata uzlaf ca, a nja ana heje ujek ma zlaɗata səkan mewe ege, ey səkan mavava ege aza ata laɓah səkan anta ma taŋtaŋ.»
Hejəye Nasaratu ege əy kalamza ma mala Yesu səkwaw
53Maa Yesu káŋtakwzata laslaŋgal ma ege wese aza ca, a gwarzam anta a təwse, tel a nda anta. 54Aya, a nda ŋ uzam Nasaratu ata la maa a galha. A kasasərakzata hejəye ŋ ujek tata ma ata rak Gazlavay. Hejəye tewtew əy káŋga ŋkwaɓ, əy kazlap, əy ŋgaya: «Ma velene kəleŋ anta vayay? A san ŋ la zaɓəla anta ege ana ebe ŋghe ca, vaŋgay? 55Heje ŋghe ca, ara mba heje mazla mpe wese askwaw, aza vaw? Maman ca, ara Marəyama, səkwaw aza vaw? Zlaŋgan ege ca, ara ata Yakuba, Yusufu, Səymawn ey Yahuda, səkwaw aza vaw? 56Ca, zlaŋgan heldəməye ege tewtew, əy ara heje ete ŋghe askwaw aza vaw? A lem aza ɓardakw anta ana ebe ŋghe ca, a katay?» 57Ledeŋ ŋkwaɓ tata anta wese, kátakata ŋ lamza Yesu. Aya, a zlepetene a ŋgaya: «Əy kahəmanza mba ma zlap ma mala Gazlavay kaw a katay, cemey, ŋ uzam anta leŋ ŋ taba hejəye anta ege ca, əy kahəmanza askwaw.» 58A təwse ca, Yesu kála zaɓəla ege vəram askwaw, mavəday, əy kalamza, səkwaw.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 CABTAL