Mata 11
11
Yuhana maban hejəye a yam baptəysma a laɓzata malaɓ anta ege ara Yesu
1Aya, maa Yesu káŋgazata madarlaŋw anta ege ma wam aha gbak wese aza ca, tel a nda anta kəɗa ŋ uzam ege vedəye vedəye ma a təwse ege ŋ ghwal Ma Mewe ma Taŋtaŋ 2Ata vah wese ca, Yuhana maban hejəye a yam baptəysma mbəy ŋ daŋgay. A təwse ca, a zləme ca, əy kazlap ata zlan maa Almasəyhu, a kalata ege. Aya, a laɓzata madarlaŋw anta ege vedəye ara Yesu, 3ŋ ɗawza, ana ebe ŋghe: «Hwa ca, hwa Almasəyhu, ma kanandaha wese vaw? Askwaw ca, nene həbar ɗala matakan vaw?» 4A təwse ca, Yesu a zenetene, a ŋgaya: «Hune nda, hune ghwelzene səkan maa hune gəreta ege ey maa hune zləmeta ege, ŋ Yuhana anta. 5Hune zlepene ca, ulaf ege əy kegəre la, hejəye ma halɓaya ege, əy kanda kadak kadak. Hejəye maa fagwalakw ata tata ege, əy kásaɗ tata, madaŋgazlam ege, əy kezləme zlam. Hejəye ma mac tata ege, əy kágwarzamha aza ata lamac tata ege. Metetekw ege, əy kézləme Ma Mewe ma Taŋtaŋ aza. 6Bəzla ata ɗala ma kaw kégeɓza lalam anta aka, askwaw!»
Yesu a zlap ata Yuhana maban hejəye a yam baptəysma
7A dəwze maa madarlaŋw Yuhana ege əy nda tata ca, Yesu a mar ŋ zlap ata Yuhana anta, ŋ hejəye ma ɓecha vəram ara mbe ege wese, a zlepetene, a ŋgaya: «Hune nda ŋ saraha ata darzlam ca, vemey? Ŋkem maa tatəɗam a kahəɓalza vaw? 8Ca, hune nda ŋ saraha eze ca, vemey? Ɗala ma caha rəgwac ma tuwah vaw? Cemey, hejəye ma ca rəgwac ma tuwah tuwah ege ca, əy nja ca, a wata bay ege. 9Ca, hune nda ŋ saraha eze ca, vemey? Mba ma zlap ma mala Gazlavay vaw? Ayaw, sa kazlapahune njenjəwen, mbe ca, mbəy day aha mba ma zlap ma mala Gazlavay. 10Yuhana anta ca, ara ɗala maa Gazlavay a ghwal zlap a heɗe ŋ ɗerewel ma keweɗ, a ŋgaya: “Ŋghe, sa kalaɓza malaɓ naka mpar aha hwa, ŋ lamzahwaw taf ŋkwa aka a tama a tama.”»
11Yesu a zlap zeney, a ŋgaya: «Sa kazlapahune njenjəwen, Yuhana anta ca, mbəy pa ma day aha hejəye ma mbawha ŋ manhayak ŋghe ege tewtew. Cemey, ɗala ma pa ma pəzekw ŋ lazam Bay ma mgba ata uzlaf ca, mbəy pa ma day aha Yuhana.» 12«Mar aka ata vah maa Yuhana maban hejəye a yam baptəysma a mar ŋ ghwal zlap mala Gazlavay, ha na ŋgha ca, hejəye mala dadawar ege əy kandaha a ɓarɓar ŋ tak lazam Bay ma mgba ata uzlaf aka. Əy kampam taf ŋ pərasl lazam bay anta aza. 13Uzəye ma zlap ma mala Gazlavay ege tewtew leŋ ma maŋkanaŋkan mala Musa, əy kághwal zlap ata lazam Bay ma mgba ata uzlaf, ha hwas ata vah maa Yuhana maban hejəye a yam baptəysma a ndaha aza. 14Mada hune nalamza ma naka ca, sa kazlapahune, Yuhana ca, ara Eləya, ɗala ma kenezenha wese.» 15«Ɗala maa zlam a heɗe ŋ zləme aka ca, mezləme ma ŋgha anta aka kadak kadak.»
16Aya, Yesu a zen ŋ zlap zeney, a ŋgaya: «Sa naslaŋgalata hejəye ma na ŋgha ege ca, a vemey? Sa naslaŋgalata ca, ana uzəye maa əy kénjeye ŋ hubakw, əy kaya kusam ŋ taba tata, əy ŋgaya: 17“Nene kámbazahune talgway, cemey, hune kádəmas askwaw. Nene kálahune dəraf mce, cemey, hune káhan askwaw.” 18Ayaw, Yuhana maban hejəye a yam baptəysma kándaha, a kazam səkan askwaw, a kasa səkan askwaw. A təwse ca, hejəye əy kázlap a heɗe, əy ŋgaya: “A kawak!” 19Cemey, Mba Ɗala, a ndaha, a kazam səkan, a kasa səkan. Hejəye əy zlap a heɗe, əy ŋgaya: “Hune sarza heje ŋghe may, a zam səkan dəydey, a sa səkan dəydey”. A zeney, əy ŋgaya: “Ara ŋgama macak budaw ege leŋ hejəye ma la gay ege.” Cemey, sa kazlapahune, kəleŋ mala Gazlavay a kaghwalha ta ŋ zlan anta ege ma taŋtaŋ.»
Hejəye ma ŋ uzam ma kaɗaw ŋ lamza Gazlavay səkwaw ege
20A dəwze anta ca, Yesu a bewzetene ha ŋ hejəye ma ŋ uzam maa a la zaɓəla ege vəram ŋma wese, mavəday, kaw hejəye anta ege əy kábawza lanja tata ege aza, askwaw. 21A zlepetene, a ŋgaya: «Hune hejəye ma ŋ uzam Kwarajəyŋ ege, dadawar a nendewzahune! Hune hejəye ma ŋ uzam Baytəysayda ege, dadawar a nendewzahune! Mada keɗe zaɓəla ege malaha ŋ taba ŋkune ŋghe ege, əy la ŋ uzam Təyrus ey ŋ uzam Səydaŋw ca, hejəye ma a təwse ege, əy nabawza lanja tata ege aza zlezle. Əy naca rəgwac bakatar ata kusam tata, əy neteteŋgel ŋ wenjek ŋ ghwalza ca, əy kája mbahw aza. 22Mavəday anta, sa kazlapahune, a pes ma ata ja guma ca, Gazlavay a naŋgwavahune day aha uzam Təyrus ey uzam Səydaŋw. 23Ca, hune hejəye ma ŋ uzam Kafarnahum ege yam, hune cakza ca, Gazlavay a nagalzahune mgba ata uzlaf vaw? Kaw askwaw! A nanahzahune ata lanja hejəye mamacamac ege, mavəday keɗe zaɓəla ege maa sa lata ŋ taba ŋkune ŋghe ege, əy la ŋ uzam Sawdawma ca, keɗe ha na ŋgha uzam anta mbəy aka. Kaw a kanapəlah anta askwaw. 24Mavəday anta, sa kazlapahune, a pes ma ata ja guma ca, Gazlavay a naŋgwavahune day aha hejəye ma ŋ uzam Sawdawma anta ege.»
Yesu a həmanza Gazlavay
25Ata vah wese ca, Yesu a zlap, a ŋgaya: «Vana, Bay Madakal ma mgba ata uzlaf ey ma ata hayak. Sa kalahwaw wasay mavəday, hwa kéghweletene ma ma njenjəwen ŋkwa aza ŋ uzəye veɗekw ege. Cemey, ŋ hejəye kəleŋ ege leŋ ŋ hejəye ma kasan səkan ege ca, hwa káɓahza aka ata tata. 26Ayaw, Vana, hwa káɗawza, səkan anta ma la ana ebe ŋghe.»
27Aya, Yesu a zlepetene ŋ madarlaŋw anta ege zeney, a ŋgaya: «Vana kévelekey səkan ege aka tewtew a sa ra naka. Kaw ɗala ma kenesenekey, sa Mba ɗala ca, askwaw, səy Vana teŋguleŋ anta. A zeney, kaw ɗala ma kasan Vana ca, askwaw yam, səy, Mba anta leŋ hejəye maa Mba anta a kaɗaw ŋ ghwelzetene ege.»
Hune ndaha ara sa, ŋ lem zazak
28Yesu a zlepetene ŋ hejəye, a ŋgaya: «Hune hejəye ma ŋtəɓal ege, ma ketew səkan ma ndeɓndeɓ ege, hune ndaha ara sa, sa navalahune lazazak. 29Hune tew səkan naka ma ndeɓndeɓ ŋghe, hune sasərak ara sa, mavəday, sa ca, sa ɗala maa unaf kédeɓeye leŋ sa ɗala ma kesew ma aka, aya hune nelem zazak ata lanja ŋkune ege. 30Səkan maa sa kenetewahune ca, a kanalahune ndeɓndeɓ, askwaw. Səkan maa sa kanavalahune ŋ tew ca, kefkef.»
ទើបបានជ្រើសរើសហើយ៖
Mata 11: BHS
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 CABTAL
Mata 11
11
Yuhana maban hejəye a yam baptəysma a laɓzata malaɓ anta ege ara Yesu
1Aya, maa Yesu káŋgazata madarlaŋw anta ege ma wam aha gbak wese aza ca, tel a nda anta kəɗa ŋ uzam ege vedəye vedəye ma a təwse ege ŋ ghwal Ma Mewe ma Taŋtaŋ 2Ata vah wese ca, Yuhana maban hejəye a yam baptəysma mbəy ŋ daŋgay. A təwse ca, a zləme ca, əy kazlap ata zlan maa Almasəyhu, a kalata ege. Aya, a laɓzata madarlaŋw anta ege vedəye ara Yesu, 3ŋ ɗawza, ana ebe ŋghe: «Hwa ca, hwa Almasəyhu, ma kanandaha wese vaw? Askwaw ca, nene həbar ɗala matakan vaw?» 4A təwse ca, Yesu a zenetene, a ŋgaya: «Hune nda, hune ghwelzene səkan maa hune gəreta ege ey maa hune zləmeta ege, ŋ Yuhana anta. 5Hune zlepene ca, ulaf ege əy kegəre la, hejəye ma halɓaya ege, əy kanda kadak kadak. Hejəye maa fagwalakw ata tata ege, əy kásaɗ tata, madaŋgazlam ege, əy kezləme zlam. Hejəye ma mac tata ege, əy kágwarzamha aza ata lamac tata ege. Metetekw ege, əy kézləme Ma Mewe ma Taŋtaŋ aza. 6Bəzla ata ɗala ma kaw kégeɓza lalam anta aka, askwaw!»
Yesu a zlap ata Yuhana maban hejəye a yam baptəysma
7A dəwze maa madarlaŋw Yuhana ege əy nda tata ca, Yesu a mar ŋ zlap ata Yuhana anta, ŋ hejəye ma ɓecha vəram ara mbe ege wese, a zlepetene, a ŋgaya: «Hune nda ŋ saraha ata darzlam ca, vemey? Ŋkem maa tatəɗam a kahəɓalza vaw? 8Ca, hune nda ŋ saraha eze ca, vemey? Ɗala ma caha rəgwac ma tuwah vaw? Cemey, hejəye ma ca rəgwac ma tuwah tuwah ege ca, əy nja ca, a wata bay ege. 9Ca, hune nda ŋ saraha eze ca, vemey? Mba ma zlap ma mala Gazlavay vaw? Ayaw, sa kazlapahune njenjəwen, mbe ca, mbəy day aha mba ma zlap ma mala Gazlavay. 10Yuhana anta ca, ara ɗala maa Gazlavay a ghwal zlap a heɗe ŋ ɗerewel ma keweɗ, a ŋgaya: “Ŋghe, sa kalaɓza malaɓ naka mpar aha hwa, ŋ lamzahwaw taf ŋkwa aka a tama a tama.”»
11Yesu a zlap zeney, a ŋgaya: «Sa kazlapahune njenjəwen, Yuhana anta ca, mbəy pa ma day aha hejəye ma mbawha ŋ manhayak ŋghe ege tewtew. Cemey, ɗala ma pa ma pəzekw ŋ lazam Bay ma mgba ata uzlaf ca, mbəy pa ma day aha Yuhana.» 12«Mar aka ata vah maa Yuhana maban hejəye a yam baptəysma a mar ŋ ghwal zlap mala Gazlavay, ha na ŋgha ca, hejəye mala dadawar ege əy kandaha a ɓarɓar ŋ tak lazam Bay ma mgba ata uzlaf aka. Əy kampam taf ŋ pərasl lazam bay anta aza. 13Uzəye ma zlap ma mala Gazlavay ege tewtew leŋ ma maŋkanaŋkan mala Musa, əy kághwal zlap ata lazam Bay ma mgba ata uzlaf, ha hwas ata vah maa Yuhana maban hejəye a yam baptəysma a ndaha aza. 14Mada hune nalamza ma naka ca, sa kazlapahune, Yuhana ca, ara Eləya, ɗala ma kenezenha wese.» 15«Ɗala maa zlam a heɗe ŋ zləme aka ca, mezləme ma ŋgha anta aka kadak kadak.»
16Aya, Yesu a zen ŋ zlap zeney, a ŋgaya: «Sa naslaŋgalata hejəye ma na ŋgha ege ca, a vemey? Sa naslaŋgalata ca, ana uzəye maa əy kénjeye ŋ hubakw, əy kaya kusam ŋ taba tata, əy ŋgaya: 17“Nene kámbazahune talgway, cemey, hune kádəmas askwaw. Nene kálahune dəraf mce, cemey, hune káhan askwaw.” 18Ayaw, Yuhana maban hejəye a yam baptəysma kándaha, a kazam səkan askwaw, a kasa səkan askwaw. A təwse ca, hejəye əy kázlap a heɗe, əy ŋgaya: “A kawak!” 19Cemey, Mba Ɗala, a ndaha, a kazam səkan, a kasa səkan. Hejəye əy zlap a heɗe, əy ŋgaya: “Hune sarza heje ŋghe may, a zam səkan dəydey, a sa səkan dəydey”. A zeney, əy ŋgaya: “Ara ŋgama macak budaw ege leŋ hejəye ma la gay ege.” Cemey, sa kazlapahune, kəleŋ mala Gazlavay a kaghwalha ta ŋ zlan anta ege ma taŋtaŋ.»
Hejəye ma ŋ uzam ma kaɗaw ŋ lamza Gazlavay səkwaw ege
20A dəwze anta ca, Yesu a bewzetene ha ŋ hejəye ma ŋ uzam maa a la zaɓəla ege vəram ŋma wese, mavəday, kaw hejəye anta ege əy kábawza lanja tata ege aza, askwaw. 21A zlepetene, a ŋgaya: «Hune hejəye ma ŋ uzam Kwarajəyŋ ege, dadawar a nendewzahune! Hune hejəye ma ŋ uzam Baytəysayda ege, dadawar a nendewzahune! Mada keɗe zaɓəla ege malaha ŋ taba ŋkune ŋghe ege, əy la ŋ uzam Təyrus ey ŋ uzam Səydaŋw ca, hejəye ma a təwse ege, əy nabawza lanja tata ege aza zlezle. Əy naca rəgwac bakatar ata kusam tata, əy neteteŋgel ŋ wenjek ŋ ghwalza ca, əy kája mbahw aza. 22Mavəday anta, sa kazlapahune, a pes ma ata ja guma ca, Gazlavay a naŋgwavahune day aha uzam Təyrus ey uzam Səydaŋw. 23Ca, hune hejəye ma ŋ uzam Kafarnahum ege yam, hune cakza ca, Gazlavay a nagalzahune mgba ata uzlaf vaw? Kaw askwaw! A nanahzahune ata lanja hejəye mamacamac ege, mavəday keɗe zaɓəla ege maa sa lata ŋ taba ŋkune ŋghe ege, əy la ŋ uzam Sawdawma ca, keɗe ha na ŋgha uzam anta mbəy aka. Kaw a kanapəlah anta askwaw. 24Mavəday anta, sa kazlapahune, a pes ma ata ja guma ca, Gazlavay a naŋgwavahune day aha hejəye ma ŋ uzam Sawdawma anta ege.»
Yesu a həmanza Gazlavay
25Ata vah wese ca, Yesu a zlap, a ŋgaya: «Vana, Bay Madakal ma mgba ata uzlaf ey ma ata hayak. Sa kalahwaw wasay mavəday, hwa kéghweletene ma ma njenjəwen ŋkwa aza ŋ uzəye veɗekw ege. Cemey, ŋ hejəye kəleŋ ege leŋ ŋ hejəye ma kasan səkan ege ca, hwa káɓahza aka ata tata. 26Ayaw, Vana, hwa káɗawza, səkan anta ma la ana ebe ŋghe.»
27Aya, Yesu a zlepetene ŋ madarlaŋw anta ege zeney, a ŋgaya: «Vana kévelekey səkan ege aka tewtew a sa ra naka. Kaw ɗala ma kenesenekey, sa Mba ɗala ca, askwaw, səy Vana teŋguleŋ anta. A zeney, kaw ɗala ma kasan Vana ca, askwaw yam, səy, Mba anta leŋ hejəye maa Mba anta a kaɗaw ŋ ghwelzetene ege.»
Hune ndaha ara sa, ŋ lem zazak
28Yesu a zlepetene ŋ hejəye, a ŋgaya: «Hune hejəye ma ŋtəɓal ege, ma ketew səkan ma ndeɓndeɓ ege, hune ndaha ara sa, sa navalahune lazazak. 29Hune tew səkan naka ma ndeɓndeɓ ŋghe, hune sasərak ara sa, mavəday, sa ca, sa ɗala maa unaf kédeɓeye leŋ sa ɗala ma kesew ma aka, aya hune nelem zazak ata lanja ŋkune ege. 30Səkan maa sa kenetewahune ca, a kanalahune ndeɓndeɓ, askwaw. Səkan maa sa kanavalahune ŋ tew ca, kefkef.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 CABTAL