Luka 4
4
Malula a slanza Yesu ata darzlam
1A dəwze maa Yesu a lem laban aza a baptəysma ŋ lakwat maa əy kayaɓa Urdun wese ca, a zenha aka mbəy ghef a Zəwet ma keweɗ. Aya, Zəwet wese a jeɓza ata darzlam, 2wan raŋfaɗ Sayɗanu a kabaɗza. Ata vah anta ege tewtew ca, kaw a kazam səkan askwaw. A dəwze anta ca, metes a jaw. 3Aya, Sayɗanu wese, a zlepene, a ŋgaya: «Mada hwa Mba Gazlavay ca, bawza ŋkəɗaŋ ŋghe aza, ŋ uda.» 4Yesu a zenene, a ŋgaya: «Kéŋtereye ŋ ɗerewel ma keweɗ, a ŋgaya: “Ɗala a nanja ca, a səkan ta zam gagaha səkwaw.”»
5Sayɗanu wese, a tevza mgba, a təwse ca, kəcaŋ a ghwelzene hayak ege maa bay ege əy kazam bay ata tata ŋ manhayak tewtew. 6Aya, Sayɗanu anta a zlepene, a ŋgaya: «Sa navalahwaw ɓardakw ŋ gar ata ha hayak ŋghe ege tewtew, zlaɓa taŋtaŋ səkan ege ma ŋ hayak anta ege tewtew. Ca, səkan ŋghe anta ege ca, tewtew əy kéveleye asa ra naka, sa yam, sa kula ŋ valzata aza ŋ kaw vayay maa sa kaɗawaw. 7Ana ebe ŋghe, hwa ca, mada hwa kégəleɓ a tama naka, hwa kéhəmenzekey ca, səkan ŋghe ege tewtew, sa navalahwata.» 8Yesu a zenzene, a ŋgaya: «Kéŋtereye ŋ ɗerewel Gazlavay, a ŋgaya: “Səy hwa nahəman ca, Bay Madakal, Gazlavay ŋkwa, hwa nelene zlan ca, a mbe teŋguleŋ anta.”»
9A zeney, Sayɗanu a jeɓza ŋ Urusaləyma, a tevenza mgba ata ha ujek kwakwas, aya, a zlepene, a ŋgaya: «Mada hwa mba Gazlavay ca, mber ata ha ujek ŋghe kəɗe ata hayak, 10mavəday, kéŋtereye ŋ ɗerewel Gazlavay, a ŋgaya: “Gazlavay a nezlepetene ŋ malaɓ anta ege ŋ həbarahwaw”, 11kéŋtereye zeney, a ŋgaya: “Əy neslewahwaw asa ra tata ege, ndar kaw ŋgas ŋkwa a ɗaw ŋ gurat ata ŋkəɗaŋ səkwaw.”» 12Yesu a zenene, a ŋgaya: «Kéŋtereye ŋ ɗerewel Gazlavay, a ŋgaya: “Hwa ɗaw ŋ slanza Bay Madakal, Gazlavay ŋkwa səkwaw.”»
13A dəwze maa Sayɗanu, kélem ma maa ata slanza Yesu wese askwaw ca, tel a nda anta, a yakza Yesu aka, səy a pes matakan zeney.
Yesu a mar zlan anta ŋ hayak Galəyləy
14Yesu a zenha ŋ hayak Galəyləy, ɓarɓar mala Zəwet Gazlavay ma keweɗ mbəy a mbe dakala. Hejəye əy kaya zlam anta ŋ hayak anta tewtew. 15A təwse ca, a kasasərakzata hejəye a ujek ma ata rak Gazlavay mala Yahudu ege. Hejəye tewtew əy kahəmanza.
Hejəye ma a uzam Nasaratu ege əy kaɗaw ma Yesu səkwaw
16Aya, Yesu a ndaha ŋ uzam Nasaratu ata la maa a galha. A pes ma ata zazak, a dam ŋ ujek ma ata rak Gazlavay mala Yahudu ege ana ma a mpat a mpat. A təwse ca, a gwarzam, a nda a tama hejəye ŋ jəŋge ɗerewel Gazlavay. 17A təwse ca, əy velene ɗerewel mapaɗapaɗ mala Esaya, mba ma zlap ma mala Gazlavay. Aya, a palaw, a ndewzene kéŋtereye ata la anta, ana ebe ŋghe:
18«Zəwet mala Bay Madakal mbəy ata sa,
mavəday kémeyekey aza ŋ ghwelzetene Ma Mewe ma Taŋtaŋ ŋ hejəye metetekw ege.
A leɓekey ŋ ghwelzetene ŋ hejəye mambalambal ege ca, əy képeleye aza,
ŋ zlerzetene nje ŋ ulaf ege,
ŋ rehzata hejəye ma kaŋgwav ege.
19A leɓekey ŋ ghwalza ca, va taŋtaŋ mala Bay Madakal maa a neletene ŋ hejəye, hwas.»
20Aya, a paɗ ɗerewel wese ka, a velene ka ŋ ɗala mala zlan ŋ ujek anta. A dəwze anta ca, a nda, a nja ka a tama hejəye ŋ ghwelzetene ma anta. Hejəye tewtew ma ŋ ujek ma ata rak Gazlavay anta ege, əy kasarza. 21A təwse ca, a mar ŋ zlepetene, a ŋgaya: «Zlap meŋtereŋter maa hune zləme ŋghe ca, kála anta na ŋgha a tambaca ŋ hune ma zləme ma anta.»
22Hejəye tewtew əy kazlap ŋ taba tata, əy kedeŋ ŋkwaɓ ata zlap anta ege ma tuwah tuwah. Aya, əy zlap, əy ŋgaya: «Heje ŋghe anta ca, ara mba Yusufu səkwaw aza vaw?» 23A təwse ca, Yesu a zlepetene, a ŋgaya: «Njenjəwen, hune nezlepekey a laslaŋgal ma ŋgha: “Hwa ca, hwa maval menjevek ma ata reh hejəye, rehza ha ŋkwa.” Hune nezlepekey zeney: “Nene kézləme səkan ege tewtew maa hwa lata ŋ Kafarnahum, cemey, lata səkan anta ege ete ŋghe ana tata ŋ uzam ŋkwa yam may.”» 24Yesu a zlepetene zeney, a ŋgaya: «Sa kazlapahune njenjəwen, mba ma zlap ma mala Gazlavay kaw vekey ca, əy kalamza kadak kadak ŋ uzam maa a mbawha ŋma ca, askwaw.
25Sa kazlapahune njəwen,
Ata vah maa Eləya, mba ma zlap ma mala Gazlavay mbəy ŋ manhayak ca, weləye mce ege vəram ŋ Əysərayəyla aka,
va mahkaɗ a ŋtəra ŋkwah, kaw van káɗa askwaw.
Metes kála dakala ŋ hayak anta.
26Cemey, Gazlavay kálaɓza Eləya ara wala kaw teŋguleŋ ŋ taba weləye wese ege ŋ cekzene askwaw,
a laɓza ca, səy ara wala mbəlam wende aka ma ŋ uzam Sarepta
ŋ hayak Səydaŋw
27A zeney, ata vah maa Eləysa, mba ma zlap ma mala Gazlavay mbəy ŋ manhayak ca, hejəye fagwalakw ege vəram ŋ hayak Əysərayəyla aka.
Cemey, kérehza ɗala kaw teŋguleŋ ŋ taba hejəye fagwalakw ege wese, askwaw.
Səy a rehza ca, Naman, ɗala ma ŋ hayak Səyrəya teŋguleŋ anta.»
28Aya, maa hejəye tewtew ma ŋ ujek ma ata rak Gazlavay ege wese, əy zləme ma ŋghe anta ca, əy kághwaɗ tata dakala mambaza ata Yesu. 29A təwse ca, əy gwarzam, əy njewaza aza ŋ uzam wese, əy jeɓza kəɗa mgba ata dawan maa uzam tata kélemeye a heɗe, ndar əy ŋcakwza kəɗa uza ŋ lalahw. 30Cemey, Yesu pet, a dam aza ŋ taba tata, tel a nda anta.
Yesu a gam zəwet malula ma ŋ ha ɗala aza
31A dəwze anta ca, Yesu a nda ŋ Kafarnahum, uzam ma ŋ hayak Galəyləy. Aya, a sesərekzetene zlap mala Gazlavay ŋ hejəye a pes ma ata zazak. 32A təwse ca, hejəye kédeŋ ŋkwaɓ dakala mambaza ata lasasərak anta, mavəday a zlap ca, a ɓardakw maa Gazlavay a velene. 33Aya, ŋ ujek ma ata rak Gazlavay wese ca, heje wende aka, zəwet malula a heɗe, a ja ula a mazlazlay, a ŋgaya: 34«Hey! Yesu Nasaratu, hwa ɗaw ara nene vemey? Hwa nda ca, ŋ fətekzeney aza vaw? Sa kasanahwaw, hwa ca, hwa ɗala ma keweɗ maa Gazlavay a laɓaza.» 35Aya, Yesu a bebecza zəwet malula wese, a zlepene, a ŋgaya: «Nja ka ɗekɗek, damha aza ŋ heje wese!» A təwse ca, zəwet malula wese a nahza heje wese ata hayak a tama hejəye. Cemey, a damha aza ŋ heje wese, a yakza ka, kaw kélene səkan wende ma kadak səkwaw, askwaw. 36Ma anta kéŋgetene ŋkwaɓ aza mambaza ŋ hejəye tewtew. Əy zlap ŋ taba tata, əy ŋgaya: «Gwala! Ma ŋgha ca, ara ŋseŋ ma vekey! Ŋseŋ heje maa a zlepetene ŋ zəwet malula ege a ɓardakw, əy damha aza ŋ ɗala ŋgha!» 37A təwse ca, zlam Yesu a kaya ŋ hayak anta tewtew.
Yesu a rehzata hejəye ma ŋ dawar ege aza vəram
38Yesu a damha aza ŋ ujek ma ata rak Gazlavay, a nda a wata Səymawn. A təwse ca, man wala Səymawn anta mbəy werwer askwaw, hendərey kámbalza, kwahwaw ata kusam dakala. Aya, əy rak Yesu ndar a rehza ŋ dawar anta. 39A təwse ca, a ŋteɓaha ata wala wese, a bebecza dawar wese, aya dawar anta a damha aza ŋ wala wese. A təwse, a təwse, perce a gwarzam, mbəy werwer, a letene səkan ŋ zam.
40Aya, maa pes a kandav anta ca, əy dene hejəye ma kadawar ege, kaw ŋseŋ dawar ege vekey vekey. Aya, a ca ra anta ata tata teŋguleŋ teŋguleŋ tewtew tata, a rehzata aza. 41A təwse zeney ca, zəwet malula ege əy damha aza ŋ hejəye ma kadawar ege wese vəram, əy ja ula a mazlazlay, əy ŋgaya: «Hwa ca, hwa mba Gazlavay!» Cemey, Yesu a bebeczata zəwet malula ege wese, a takata ka ŋ zlap, mavəday əy kasan mbe ca, ara Almasəyhu.
Yesu a ghwal Ma Mewe ma Taŋtaŋ mala Gazlavay ŋ hayak Yahudəya
42Maa mapat a la anta ca, Yesu a damaha aza ŋ uzam wese, tel a nda anta a mazlam, ata la maa ujek ege a təwse, askwaw. Cemey, hejəye vəram əy kampamaw, aya, ndew əy ndewzene aza. Maa əy kéndewzene aza ca, əy kaɗaw a geɓza aka, a nda anta zeney səkwaw. 43Cemey, a zlepetene, a ŋgaya: «Səy sa nda ŋ ghwalza Ma Mewe ma Taŋtaŋ mala Lazam bay mala Gazlavay ŋ uzam ege vedəye yam. Ayaw, Gazlavay a leɓekey ca, mavəday anta.» 44Aya, a yakza uzam wese ka, a nda anta, ŋ ghwal Ma Mewe ma Taŋtaŋ ŋ ujek ma ata rak Gazlavay ege vedəye ma ŋ hayak Yahudəya.
ទើបបានជ្រើសរើសហើយ៖
Luka 4: BHS
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 CABTAL
Luka 4
4
Malula a slanza Yesu ata darzlam
1A dəwze maa Yesu a lem laban aza a baptəysma ŋ lakwat maa əy kayaɓa Urdun wese ca, a zenha aka mbəy ghef a Zəwet ma keweɗ. Aya, Zəwet wese a jeɓza ata darzlam, 2wan raŋfaɗ Sayɗanu a kabaɗza. Ata vah anta ege tewtew ca, kaw a kazam səkan askwaw. A dəwze anta ca, metes a jaw. 3Aya, Sayɗanu wese, a zlepene, a ŋgaya: «Mada hwa Mba Gazlavay ca, bawza ŋkəɗaŋ ŋghe aza, ŋ uda.» 4Yesu a zenene, a ŋgaya: «Kéŋtereye ŋ ɗerewel ma keweɗ, a ŋgaya: “Ɗala a nanja ca, a səkan ta zam gagaha səkwaw.”»
5Sayɗanu wese, a tevza mgba, a təwse ca, kəcaŋ a ghwelzene hayak ege maa bay ege əy kazam bay ata tata ŋ manhayak tewtew. 6Aya, Sayɗanu anta a zlepene, a ŋgaya: «Sa navalahwaw ɓardakw ŋ gar ata ha hayak ŋghe ege tewtew, zlaɓa taŋtaŋ səkan ege ma ŋ hayak anta ege tewtew. Ca, səkan ŋghe anta ege ca, tewtew əy kéveleye asa ra naka, sa yam, sa kula ŋ valzata aza ŋ kaw vayay maa sa kaɗawaw. 7Ana ebe ŋghe, hwa ca, mada hwa kégəleɓ a tama naka, hwa kéhəmenzekey ca, səkan ŋghe ege tewtew, sa navalahwata.» 8Yesu a zenzene, a ŋgaya: «Kéŋtereye ŋ ɗerewel Gazlavay, a ŋgaya: “Səy hwa nahəman ca, Bay Madakal, Gazlavay ŋkwa, hwa nelene zlan ca, a mbe teŋguleŋ anta.”»
9A zeney, Sayɗanu a jeɓza ŋ Urusaləyma, a tevenza mgba ata ha ujek kwakwas, aya, a zlepene, a ŋgaya: «Mada hwa mba Gazlavay ca, mber ata ha ujek ŋghe kəɗe ata hayak, 10mavəday, kéŋtereye ŋ ɗerewel Gazlavay, a ŋgaya: “Gazlavay a nezlepetene ŋ malaɓ anta ege ŋ həbarahwaw”, 11kéŋtereye zeney, a ŋgaya: “Əy neslewahwaw asa ra tata ege, ndar kaw ŋgas ŋkwa a ɗaw ŋ gurat ata ŋkəɗaŋ səkwaw.”» 12Yesu a zenene, a ŋgaya: «Kéŋtereye ŋ ɗerewel Gazlavay, a ŋgaya: “Hwa ɗaw ŋ slanza Bay Madakal, Gazlavay ŋkwa səkwaw.”»
13A dəwze maa Sayɗanu, kélem ma maa ata slanza Yesu wese askwaw ca, tel a nda anta, a yakza Yesu aka, səy a pes matakan zeney.
Yesu a mar zlan anta ŋ hayak Galəyləy
14Yesu a zenha ŋ hayak Galəyləy, ɓarɓar mala Zəwet Gazlavay ma keweɗ mbəy a mbe dakala. Hejəye əy kaya zlam anta ŋ hayak anta tewtew. 15A təwse ca, a kasasərakzata hejəye a ujek ma ata rak Gazlavay mala Yahudu ege. Hejəye tewtew əy kahəmanza.
Hejəye ma a uzam Nasaratu ege əy kaɗaw ma Yesu səkwaw
16Aya, Yesu a ndaha ŋ uzam Nasaratu ata la maa a galha. A pes ma ata zazak, a dam ŋ ujek ma ata rak Gazlavay mala Yahudu ege ana ma a mpat a mpat. A təwse ca, a gwarzam, a nda a tama hejəye ŋ jəŋge ɗerewel Gazlavay. 17A təwse ca, əy velene ɗerewel mapaɗapaɗ mala Esaya, mba ma zlap ma mala Gazlavay. Aya, a palaw, a ndewzene kéŋtereye ata la anta, ana ebe ŋghe:
18«Zəwet mala Bay Madakal mbəy ata sa,
mavəday kémeyekey aza ŋ ghwelzetene Ma Mewe ma Taŋtaŋ ŋ hejəye metetekw ege.
A leɓekey ŋ ghwelzetene ŋ hejəye mambalambal ege ca, əy képeleye aza,
ŋ zlerzetene nje ŋ ulaf ege,
ŋ rehzata hejəye ma kaŋgwav ege.
19A leɓekey ŋ ghwalza ca, va taŋtaŋ mala Bay Madakal maa a neletene ŋ hejəye, hwas.»
20Aya, a paɗ ɗerewel wese ka, a velene ka ŋ ɗala mala zlan ŋ ujek anta. A dəwze anta ca, a nda, a nja ka a tama hejəye ŋ ghwelzetene ma anta. Hejəye tewtew ma ŋ ujek ma ata rak Gazlavay anta ege, əy kasarza. 21A təwse ca, a mar ŋ zlepetene, a ŋgaya: «Zlap meŋtereŋter maa hune zləme ŋghe ca, kála anta na ŋgha a tambaca ŋ hune ma zləme ma anta.»
22Hejəye tewtew əy kazlap ŋ taba tata, əy kedeŋ ŋkwaɓ ata zlap anta ege ma tuwah tuwah. Aya, əy zlap, əy ŋgaya: «Heje ŋghe anta ca, ara mba Yusufu səkwaw aza vaw?» 23A təwse ca, Yesu a zlepetene, a ŋgaya: «Njenjəwen, hune nezlepekey a laslaŋgal ma ŋgha: “Hwa ca, hwa maval menjevek ma ata reh hejəye, rehza ha ŋkwa.” Hune nezlepekey zeney: “Nene kézləme səkan ege tewtew maa hwa lata ŋ Kafarnahum, cemey, lata səkan anta ege ete ŋghe ana tata ŋ uzam ŋkwa yam may.”» 24Yesu a zlepetene zeney, a ŋgaya: «Sa kazlapahune njenjəwen, mba ma zlap ma mala Gazlavay kaw vekey ca, əy kalamza kadak kadak ŋ uzam maa a mbawha ŋma ca, askwaw.
25Sa kazlapahune njəwen,
Ata vah maa Eləya, mba ma zlap ma mala Gazlavay mbəy ŋ manhayak ca, weləye mce ege vəram ŋ Əysərayəyla aka,
va mahkaɗ a ŋtəra ŋkwah, kaw van káɗa askwaw.
Metes kála dakala ŋ hayak anta.
26Cemey, Gazlavay kálaɓza Eləya ara wala kaw teŋguleŋ ŋ taba weləye wese ege ŋ cekzene askwaw,
a laɓza ca, səy ara wala mbəlam wende aka ma ŋ uzam Sarepta
ŋ hayak Səydaŋw
27A zeney, ata vah maa Eləysa, mba ma zlap ma mala Gazlavay mbəy ŋ manhayak ca, hejəye fagwalakw ege vəram ŋ hayak Əysərayəyla aka.
Cemey, kérehza ɗala kaw teŋguleŋ ŋ taba hejəye fagwalakw ege wese, askwaw.
Səy a rehza ca, Naman, ɗala ma ŋ hayak Səyrəya teŋguleŋ anta.»
28Aya, maa hejəye tewtew ma ŋ ujek ma ata rak Gazlavay ege wese, əy zləme ma ŋghe anta ca, əy kághwaɗ tata dakala mambaza ata Yesu. 29A təwse ca, əy gwarzam, əy njewaza aza ŋ uzam wese, əy jeɓza kəɗa mgba ata dawan maa uzam tata kélemeye a heɗe, ndar əy ŋcakwza kəɗa uza ŋ lalahw. 30Cemey, Yesu pet, a dam aza ŋ taba tata, tel a nda anta.
Yesu a gam zəwet malula ma ŋ ha ɗala aza
31A dəwze anta ca, Yesu a nda ŋ Kafarnahum, uzam ma ŋ hayak Galəyləy. Aya, a sesərekzetene zlap mala Gazlavay ŋ hejəye a pes ma ata zazak. 32A təwse ca, hejəye kédeŋ ŋkwaɓ dakala mambaza ata lasasərak anta, mavəday a zlap ca, a ɓardakw maa Gazlavay a velene. 33Aya, ŋ ujek ma ata rak Gazlavay wese ca, heje wende aka, zəwet malula a heɗe, a ja ula a mazlazlay, a ŋgaya: 34«Hey! Yesu Nasaratu, hwa ɗaw ara nene vemey? Hwa nda ca, ŋ fətekzeney aza vaw? Sa kasanahwaw, hwa ca, hwa ɗala ma keweɗ maa Gazlavay a laɓaza.» 35Aya, Yesu a bebecza zəwet malula wese, a zlepene, a ŋgaya: «Nja ka ɗekɗek, damha aza ŋ heje wese!» A təwse ca, zəwet malula wese a nahza heje wese ata hayak a tama hejəye. Cemey, a damha aza ŋ heje wese, a yakza ka, kaw kélene səkan wende ma kadak səkwaw, askwaw. 36Ma anta kéŋgetene ŋkwaɓ aza mambaza ŋ hejəye tewtew. Əy zlap ŋ taba tata, əy ŋgaya: «Gwala! Ma ŋgha ca, ara ŋseŋ ma vekey! Ŋseŋ heje maa a zlepetene ŋ zəwet malula ege a ɓardakw, əy damha aza ŋ ɗala ŋgha!» 37A təwse ca, zlam Yesu a kaya ŋ hayak anta tewtew.
Yesu a rehzata hejəye ma ŋ dawar ege aza vəram
38Yesu a damha aza ŋ ujek ma ata rak Gazlavay, a nda a wata Səymawn. A təwse ca, man wala Səymawn anta mbəy werwer askwaw, hendərey kámbalza, kwahwaw ata kusam dakala. Aya, əy rak Yesu ndar a rehza ŋ dawar anta. 39A təwse ca, a ŋteɓaha ata wala wese, a bebecza dawar wese, aya dawar anta a damha aza ŋ wala wese. A təwse, a təwse, perce a gwarzam, mbəy werwer, a letene səkan ŋ zam.
40Aya, maa pes a kandav anta ca, əy dene hejəye ma kadawar ege, kaw ŋseŋ dawar ege vekey vekey. Aya, a ca ra anta ata tata teŋguleŋ teŋguleŋ tewtew tata, a rehzata aza. 41A təwse zeney ca, zəwet malula ege əy damha aza ŋ hejəye ma kadawar ege wese vəram, əy ja ula a mazlazlay, əy ŋgaya: «Hwa ca, hwa mba Gazlavay!» Cemey, Yesu a bebeczata zəwet malula ege wese, a takata ka ŋ zlap, mavəday əy kasan mbe ca, ara Almasəyhu.
Yesu a ghwal Ma Mewe ma Taŋtaŋ mala Gazlavay ŋ hayak Yahudəya
42Maa mapat a la anta ca, Yesu a damaha aza ŋ uzam wese, tel a nda anta a mazlam, ata la maa ujek ege a təwse, askwaw. Cemey, hejəye vəram əy kampamaw, aya, ndew əy ndewzene aza. Maa əy kéndewzene aza ca, əy kaɗaw a geɓza aka, a nda anta zeney səkwaw. 43Cemey, a zlepetene, a ŋgaya: «Səy sa nda ŋ ghwalza Ma Mewe ma Taŋtaŋ mala Lazam bay mala Gazlavay ŋ uzam ege vedəye yam. Ayaw, Gazlavay a leɓekey ca, mavəday anta.» 44Aya, a yakza uzam wese ka, a nda anta, ŋ ghwal Ma Mewe ma Taŋtaŋ ŋ ujek ma ata rak Gazlavay ege vedəye ma ŋ hayak Yahudəya.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 CABTAL