Luka 3
3
Yuhana a ghwelzetene zlap mala Gazlavay ŋ hejəye
1Maa Yuhana a namar ŋ la zlan anta ca, ata va bay Təyberəyus, bay madakal mala hayak Rawma, va anta ma wam aha jaɓan ŋ bay. Pawntəyus Pəylatu ara bay mala hayak Yahudəya, Həyrudus ara bay mala hayak Galəyləy, zlaŋgan Fəyləyp yam ara bay mala hayak Əyturəya ey hayak Tarakawnəytəys, leŋ Ləysanəya yam, bay mala hayak Abəylen. 2A təwse ca, ata Anas ey Kayafas, ara tata madakal dakal mala kwakwas ege. Ata vah wese ca, Yuhana mba Zekarəya mbəy ata damaw. Aya, Gazlavay a zlepene ma anta. 3A təwse, Yuhana a tawar la ma mbermber a ma lakwat Urdun tewtew, a ghwelzetene zlap mala Gazlavay ŋ hejəye, a ŋgaya: «Hune ja mbahw, hune bawza lanja ŋkune ege aza, hune lem laban aza a yam baptəysma, ndar Gazlavay a palzahune gay ŋkune ege aka.» 4Cemey, kála anta ana ma meŋtereŋter ŋ ɗerewel Esaya, mba ma zlap ma mala Gazlavay, a ŋgaya:
«Ɗala a kaja ula ata darzlam, a ŋgaya:
“Hune lemzene taf aka ŋ Bay Madakal,
hune lamzata taf anta ege aka, gbar delele.
5Lalahw kaw vekey mampas anta,
ata barla kaw ey dawan kaw vekey əy mala tata paɗay paɗay,
taf ma hwarndəɗaŋw ege əy magar gbar delele,
taf ma kadak səkwaw ege əy malam tata tuwah.
6Hejəye tewtew əy megəre lereh maa Gazlavay a valza!”»
7Aya, hejəye vəram, əy ndaha ara mbe, ndar əy lem laban aza a yam baptəysma. Cemey, a zlepetene, a ŋgaya: «Hey! Hune uzəye ŋkursla ege, ma ghwalzahune hune nereh ata dadawar laghwaɗ unaf Gazlavay ma kanandaha ca, vayay? 8Hune la zlan ege ma taŋtaŋ ŋ ghwalza ca, hune kája mbahw aza, hune kábawza lanja ŋkune ege aza a tama Gazlavay! Hune ɗaw ŋ deŋza ŋ unaf ŋkune ege ca: “Əybərahəyma, ara jeje ŋcene,” səkwaw! Cemey, sa kazlapahune, Gazlavay kula ŋ bawzata ŋkəɗaŋ ŋghe ege aza, əy la tata ŋ uzəye Əybərahəyma ege. 9Hune sla ka! Jene késleye aza ŋ bal mpe zlaɓa slaslalay anta ege tewtew. Ndaw mpe kaw vekey ma kambaw mba ma taŋtaŋ səkwaw ca, əy nabalza, əy nanahza aza ŋ kwahwaw!»
10Aya, hejəye vəram əy ɗawza, əy ŋgaya: «Mada ana ebe ŋghe ca, nene nala vaŋgay?» 11A təwse ca, Yuhana a zenetene, a ŋgaya: «Ɗala maa rəgwac anta gbak aka ca, səy mevelene wende a heje maa rəgwac anta askwaw. A zeney, ɗala maa səkan ta zam anta aka ca, səy əy meɓezew, a heje maa səkan ta zam anta askwaw.»
12Hejəye ma cak budaw ege, əy ndaha ara mbe yam ŋ lem laban aza a yam baptəysma. Əy ɗawza, əy ŋgaya: «Bay ŋcene, nene yam ca, nene nala vaŋgay?» 13A zenetene, a ŋgaya: «Hune ɗaw ŋ cak budaw ara hejəye day aha maa madakal dakal ŋkune ege əy zlapahune ŋ cak səkwaw.» 14Sawje ege əy ɗawza yam, əy ŋgaya: «Nene yam ca, nene nala vaŋgay?» A zenetene, a ŋgaya: «Hune ɗaw ŋ pərasl səlay ara hejəye ata ɓarɓar səkwaw, hune ɗaw ŋ zla metəwle ata hejəye səkwaw. Cemey, hune sasam ata səlay maa əy kaŋtarahune ata zlan ŋkune ege.»
15Hejəye tewtew əy keteh səkan ma taŋtaŋ ma kanalaha. Mavəday anta, kaw vayay a kulakza ŋ ha anta ca, Yuhana ca, ara Almasəyhu ka vaw. 16A təwse ca, Yuhana a zlepetene ŋ hejəye tewtew, a ŋgaya: «Sa ca, sa banahune ca, a yam baptəysma gagaha, cemey, ɗala matakan, ma pa ŋ ɓarɓar aha sa, a nandaha. Kaw ŋ pal serek ŋte anta ca, sa kahwas səkwaw. Mbe ca, a nabanahune a Zəwet ma keweɗ leŋ a kwahwaw. 17Mbəy ŋ kəlaŋ zlaɓa taktərgwa ma ata mbeŋ ndərey asa ra anta, ŋ ɓezata ata yam ndərey ey təbekw anta. A nazahza ndərey ka ŋ tərgwa anta, cemey, a təbekw ca, a naŋkəɗawza ŋ kwahwaw ma kamac səkwaw kaw vepey.»
18Yuhana a veletene ɓarɓar ŋ hejəye ta ŋ zlap ege vedəye vedəye zeney. Ana ebe ŋghe, a ghwelzetene Ma Mewe ma Taŋtaŋ.
19Cemey, Yuhana a zenzene ghem ŋ bay Həyrudus, mavəday maa a ŋta Həyrudəya, wala zlaŋgan aza ŋ la ŋ wala anta leŋ maa a la səkan dadawar ege vedəye vedəye. 20A təwse ca, bay Həyrudus wese, a la dadawar ma pa ŋ kadak səkwaw zeney, a nahza Yuhana wese, a ujek daŋgay.
Yesu a lem laban aza a yam baptəysma
21Aya, maa Yuhana a kabanata hejəye tewtew a yam baptəysma ca, Yesu a ndaha, a lem laban aza a yam baptəysma yam. Aya, maa a karak Gazlavay ca, la ma mgba ata uzlaf, bədaŋ a zlarha. 22Zəwet ma keweɗ tadakw a tadakwha ata mbe ana məyɗanak. A təwse ca, ula a jaha mgba ata uzlaf wese, a ŋgaya: «Hwa ca, hwa mba naka maa sa kaɗaw mambaza. Sa kasasam dakala ata hwa.»
Jeje Yesu ege
23Maa Yesu a mar ŋ la zlan anta ma ata ghwal Ma Mewe ma Taŋtaŋ ca, va anta a la anta ramahkaɗ ege. A təwse ca, hejəye əy ulakza ca, Yesu ca, ara mba Yusufu,
Yusufu ca, mba Heləy, 24Heləy ca, mba Matat,
Matat ca, mba Lewəy, Lewəy ca, mba Melkəy,
Melkəy ca, mba Yanay, Yanay ca, mba Yusufu,
25Yusufu ca, mba Matatəya, Matatəya ca, mba Amaws,
Amaws ca, mba Nahum, Nahum ca, mba Hesləy,
Hesləy ca, mba Nagay, 26Nagay ca, mba Mata,
Mata ca, mba Matatəya, Matatəya ca, mba Semeyəyn,
Semeyəyn ca, mba Yawsek, Yawsek ca, mba Yawda,
27Yawda ca, mba Yawanan, Yawanan ca, mba Resa,
Resa ca, mba zawrawbabəyla, zawrawbabəyla ca, mba Salatəyel,
Salatəyel ca, mba Nerəy, 28Nerəy ca, mba Melkəy,
Melkəy ca, mba Adəy, Adəy ca, mba Kawsam,
Kawsam ca, mba Elmadam, Elmadam ca, mba Erəy,
29Erəy ca, mba Yesu, Yesu ca, mba Eləyezer,
Eləyezer ca, mba Yawrəym, Yawrəym ca, mba Matat,
Matat ca, mba Lewəy, 30Lewəy ca, mba Səymeyawn,
Səymeyawn ca, mba Yahuda, Yahuda ca, mba Yusufu,
Yusufu ca, mba Yawnam, Yawnam ca, mba Eləyakəym,
31Eləyakəym ca, mba Meləya, Meləya ca, mba Mena,
Mena ca, mba Matata, Matata ca, mba Natan,
Natan ca, mba Dawuda, 32Dawuda ca, mba Yesa,
Yesa ca, mba Awbeɗ, Awbeɗ ca, mba Bawes,
Bawes ca, mba Salmuna, Salmuna ca, mba Nasunu,
33Nasunu ca, mba Aməynadabu, Aməynadabu ca, mba Adməyn,
Adməyn ca, mba Arnəy, Arnəy ca, mba Hesrunu,
Hesrunu ca, mba Fares, Fares ca, mba Yahuda,
34Yahuda ca, mba Yakubu, Yakubu ca, mba Əysəyaku,
Əysəyaku ca, mba Əybərahəyma, Əybərahəyma ca, mba Tara,
Tara ca, mba Nakawr, 35Nakawr ca, mba Saruku,
Saruku ca, mba Ragaw, Ragaw ca, mba Falek,
Falek ca, mba Eber, Eber ca, mba Sala,
36Sala ca, mba Kaynam, Kaynam ca, mba Arfasada,
Arfasada ca, mba Sem, Sem ca, mba Nuhu,
Nuhu ca, mba Lamek, 37Lamek ca, mba Matusala,
Matusala ca, mba Anuhu, Anuhu ca, mba Yarat, Yarat ca, mba Maleləyel,
Maleləyel ca, mba Kaynam, 38Kaynam ca, mba Enaws,
Enaws ca, mba Setu,
Setu ca, mba Adamu, Adamu ca, ara mba Gazlavay.
ទើបបានជ្រើសរើសហើយ៖
Luka 3: BHS
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 CABTAL
Luka 3
3
Yuhana a ghwelzetene zlap mala Gazlavay ŋ hejəye
1Maa Yuhana a namar ŋ la zlan anta ca, ata va bay Təyberəyus, bay madakal mala hayak Rawma, va anta ma wam aha jaɓan ŋ bay. Pawntəyus Pəylatu ara bay mala hayak Yahudəya, Həyrudus ara bay mala hayak Galəyləy, zlaŋgan Fəyləyp yam ara bay mala hayak Əyturəya ey hayak Tarakawnəytəys, leŋ Ləysanəya yam, bay mala hayak Abəylen. 2A təwse ca, ata Anas ey Kayafas, ara tata madakal dakal mala kwakwas ege. Ata vah wese ca, Yuhana mba Zekarəya mbəy ata damaw. Aya, Gazlavay a zlepene ma anta. 3A təwse, Yuhana a tawar la ma mbermber a ma lakwat Urdun tewtew, a ghwelzetene zlap mala Gazlavay ŋ hejəye, a ŋgaya: «Hune ja mbahw, hune bawza lanja ŋkune ege aza, hune lem laban aza a yam baptəysma, ndar Gazlavay a palzahune gay ŋkune ege aka.» 4Cemey, kála anta ana ma meŋtereŋter ŋ ɗerewel Esaya, mba ma zlap ma mala Gazlavay, a ŋgaya:
«Ɗala a kaja ula ata darzlam, a ŋgaya:
“Hune lemzene taf aka ŋ Bay Madakal,
hune lamzata taf anta ege aka, gbar delele.
5Lalahw kaw vekey mampas anta,
ata barla kaw ey dawan kaw vekey əy mala tata paɗay paɗay,
taf ma hwarndəɗaŋw ege əy magar gbar delele,
taf ma kadak səkwaw ege əy malam tata tuwah.
6Hejəye tewtew əy megəre lereh maa Gazlavay a valza!”»
7Aya, hejəye vəram, əy ndaha ara mbe, ndar əy lem laban aza a yam baptəysma. Cemey, a zlepetene, a ŋgaya: «Hey! Hune uzəye ŋkursla ege, ma ghwalzahune hune nereh ata dadawar laghwaɗ unaf Gazlavay ma kanandaha ca, vayay? 8Hune la zlan ege ma taŋtaŋ ŋ ghwalza ca, hune kája mbahw aza, hune kábawza lanja ŋkune ege aza a tama Gazlavay! Hune ɗaw ŋ deŋza ŋ unaf ŋkune ege ca: “Əybərahəyma, ara jeje ŋcene,” səkwaw! Cemey, sa kazlapahune, Gazlavay kula ŋ bawzata ŋkəɗaŋ ŋghe ege aza, əy la tata ŋ uzəye Əybərahəyma ege. 9Hune sla ka! Jene késleye aza ŋ bal mpe zlaɓa slaslalay anta ege tewtew. Ndaw mpe kaw vekey ma kambaw mba ma taŋtaŋ səkwaw ca, əy nabalza, əy nanahza aza ŋ kwahwaw!»
10Aya, hejəye vəram əy ɗawza, əy ŋgaya: «Mada ana ebe ŋghe ca, nene nala vaŋgay?» 11A təwse ca, Yuhana a zenetene, a ŋgaya: «Ɗala maa rəgwac anta gbak aka ca, səy mevelene wende a heje maa rəgwac anta askwaw. A zeney, ɗala maa səkan ta zam anta aka ca, səy əy meɓezew, a heje maa səkan ta zam anta askwaw.»
12Hejəye ma cak budaw ege, əy ndaha ara mbe yam ŋ lem laban aza a yam baptəysma. Əy ɗawza, əy ŋgaya: «Bay ŋcene, nene yam ca, nene nala vaŋgay?» 13A zenetene, a ŋgaya: «Hune ɗaw ŋ cak budaw ara hejəye day aha maa madakal dakal ŋkune ege əy zlapahune ŋ cak səkwaw.» 14Sawje ege əy ɗawza yam, əy ŋgaya: «Nene yam ca, nene nala vaŋgay?» A zenetene, a ŋgaya: «Hune ɗaw ŋ pərasl səlay ara hejəye ata ɓarɓar səkwaw, hune ɗaw ŋ zla metəwle ata hejəye səkwaw. Cemey, hune sasam ata səlay maa əy kaŋtarahune ata zlan ŋkune ege.»
15Hejəye tewtew əy keteh səkan ma taŋtaŋ ma kanalaha. Mavəday anta, kaw vayay a kulakza ŋ ha anta ca, Yuhana ca, ara Almasəyhu ka vaw. 16A təwse ca, Yuhana a zlepetene ŋ hejəye tewtew, a ŋgaya: «Sa ca, sa banahune ca, a yam baptəysma gagaha, cemey, ɗala matakan, ma pa ŋ ɓarɓar aha sa, a nandaha. Kaw ŋ pal serek ŋte anta ca, sa kahwas səkwaw. Mbe ca, a nabanahune a Zəwet ma keweɗ leŋ a kwahwaw. 17Mbəy ŋ kəlaŋ zlaɓa taktərgwa ma ata mbeŋ ndərey asa ra anta, ŋ ɓezata ata yam ndərey ey təbekw anta. A nazahza ndərey ka ŋ tərgwa anta, cemey, a təbekw ca, a naŋkəɗawza ŋ kwahwaw ma kamac səkwaw kaw vepey.»
18Yuhana a veletene ɓarɓar ŋ hejəye ta ŋ zlap ege vedəye vedəye zeney. Ana ebe ŋghe, a ghwelzetene Ma Mewe ma Taŋtaŋ.
19Cemey, Yuhana a zenzene ghem ŋ bay Həyrudus, mavəday maa a ŋta Həyrudəya, wala zlaŋgan aza ŋ la ŋ wala anta leŋ maa a la səkan dadawar ege vedəye vedəye. 20A təwse ca, bay Həyrudus wese, a la dadawar ma pa ŋ kadak səkwaw zeney, a nahza Yuhana wese, a ujek daŋgay.
Yesu a lem laban aza a yam baptəysma
21Aya, maa Yuhana a kabanata hejəye tewtew a yam baptəysma ca, Yesu a ndaha, a lem laban aza a yam baptəysma yam. Aya, maa a karak Gazlavay ca, la ma mgba ata uzlaf, bədaŋ a zlarha. 22Zəwet ma keweɗ tadakw a tadakwha ata mbe ana məyɗanak. A təwse ca, ula a jaha mgba ata uzlaf wese, a ŋgaya: «Hwa ca, hwa mba naka maa sa kaɗaw mambaza. Sa kasasam dakala ata hwa.»
Jeje Yesu ege
23Maa Yesu a mar ŋ la zlan anta ma ata ghwal Ma Mewe ma Taŋtaŋ ca, va anta a la anta ramahkaɗ ege. A təwse ca, hejəye əy ulakza ca, Yesu ca, ara mba Yusufu,
Yusufu ca, mba Heləy, 24Heləy ca, mba Matat,
Matat ca, mba Lewəy, Lewəy ca, mba Melkəy,
Melkəy ca, mba Yanay, Yanay ca, mba Yusufu,
25Yusufu ca, mba Matatəya, Matatəya ca, mba Amaws,
Amaws ca, mba Nahum, Nahum ca, mba Hesləy,
Hesləy ca, mba Nagay, 26Nagay ca, mba Mata,
Mata ca, mba Matatəya, Matatəya ca, mba Semeyəyn,
Semeyəyn ca, mba Yawsek, Yawsek ca, mba Yawda,
27Yawda ca, mba Yawanan, Yawanan ca, mba Resa,
Resa ca, mba zawrawbabəyla, zawrawbabəyla ca, mba Salatəyel,
Salatəyel ca, mba Nerəy, 28Nerəy ca, mba Melkəy,
Melkəy ca, mba Adəy, Adəy ca, mba Kawsam,
Kawsam ca, mba Elmadam, Elmadam ca, mba Erəy,
29Erəy ca, mba Yesu, Yesu ca, mba Eləyezer,
Eləyezer ca, mba Yawrəym, Yawrəym ca, mba Matat,
Matat ca, mba Lewəy, 30Lewəy ca, mba Səymeyawn,
Səymeyawn ca, mba Yahuda, Yahuda ca, mba Yusufu,
Yusufu ca, mba Yawnam, Yawnam ca, mba Eləyakəym,
31Eləyakəym ca, mba Meləya, Meləya ca, mba Mena,
Mena ca, mba Matata, Matata ca, mba Natan,
Natan ca, mba Dawuda, 32Dawuda ca, mba Yesa,
Yesa ca, mba Awbeɗ, Awbeɗ ca, mba Bawes,
Bawes ca, mba Salmuna, Salmuna ca, mba Nasunu,
33Nasunu ca, mba Aməynadabu, Aməynadabu ca, mba Adməyn,
Adməyn ca, mba Arnəy, Arnəy ca, mba Hesrunu,
Hesrunu ca, mba Fares, Fares ca, mba Yahuda,
34Yahuda ca, mba Yakubu, Yakubu ca, mba Əysəyaku,
Əysəyaku ca, mba Əybərahəyma, Əybərahəyma ca, mba Tara,
Tara ca, mba Nakawr, 35Nakawr ca, mba Saruku,
Saruku ca, mba Ragaw, Ragaw ca, mba Falek,
Falek ca, mba Eber, Eber ca, mba Sala,
36Sala ca, mba Kaynam, Kaynam ca, mba Arfasada,
Arfasada ca, mba Sem, Sem ca, mba Nuhu,
Nuhu ca, mba Lamek, 37Lamek ca, mba Matusala,
Matusala ca, mba Anuhu, Anuhu ca, mba Yarat, Yarat ca, mba Maleləyel,
Maleləyel ca, mba Kaynam, 38Kaynam ca, mba Enaws,
Enaws ca, mba Setu,
Setu ca, mba Adamu, Adamu ca, ara mba Gazlavay.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 CABTAL