Yuhana 2
2
Laca dəma ŋ uzam Kana
1Aya, wan mahkaɗ, a dəwze anta ca, gwaygwaya laca dəma a ŋ uzam Kana, ŋ hayak Galəyləy. Man Yesu mbəy a təwse. 2Əy káyata ata Yesu əy madarlaŋw anta ege ŋ gwaygwaya anta yam. 3Aya, maa mavaw a ŋtakw anta a təwse ca, man Yesu, a zlepene ŋ Yesu, a ŋgaya: «Mavaw tuwaɗ ara tata.» 4A təwse ca, Yesu a zenene, a ŋgaya: «Mana! Hwa ma keneghwelzekey zlan maa sa kanalaw, vaw? Vah naka kándaha kwagwa səkwaw.» 5Aya, maman a zlepetene ŋ mala zlan ege, a ŋgaya: «Hune la səkan maa a kanazlapahune tewtew.» 6Ɗawar malamalam a ŋkəɗaŋ ege ŋkwah a təwse aka, teŋguleŋ ca, a kaŋta yam ləytəyr temere. Yahudu ege əy kala zlan a yam maa ŋma ŋ ban dadawar ma ata tata ege aza ana maa kwakwas tata a zlap. 7A təwse ca, Yesu a zlepetene ŋ mala zlan ege, a ŋgaya: «Hune ghefzata ɗawar ŋghe ege aka a yam.» Aya, mala zlan ege wese, əy ghefzata ka peslepesle. 8Aya, Yesu a zlepetene, a ŋgaya: «Na ŋgha ca, hune ɗaw, hune jeɓzene ŋ madakal ma ata ha gwaygwaya anta.» Mala zlan wese ege, əy ɗaw, əy jeɓzene. 9Madakal wese a zlanza ca, yam wese kábaw anta a mavaw. A kasan ata la maa mavaw anta a ndaha səkwaw. Cemey, a mala zlan ege ma ɗaza mavaw wese ca, əy kasanaw. A təwse ca, madakal ma ata ha gwaygwaya wese, a yaɓa mawal dəma, 10aya, a zlepene, a ŋgaya: «Kaw vayay ma ja gwaygwaya laca dəma ca, a mar ŋ veletene mavaw ma gwaya aza ŋ hejəye anta ege mayaya kwagwa. Aya, a dəwze maa əy káŋhwaz tata ca, a veletene ma gwaya, səkwaw. Cemey, ŋkwa ca, hwa káɓahza mavaw ma gwaya aka ha na ŋgha.»
11Ebe ŋghe ca, ara zaɓəla maa Yesu a mar ŋ law. A la ŋ uzam Kana ŋ hayak Galəyləy. A ghwalza ɓardakw anta, aya, madarlaŋw anta ege əy lamza. 12A dəwze anta, a nda ŋ Kafarnahum zlaɓa ata maman ey zlaŋgan ege leŋ madarlaŋw anta ege, əy nja a təwse wan ege cekuɗe ende ŋghe.
Yesu a gamata hejəye ma kala fəlew ŋ ujek kwakwas ege aza
13Aya, maa gwaygwaya Paska mala Yahudu ege slaɓ ca, Yesu a nda mgba ŋ Urusaləyma. 14A ndewzetene ŋ hejəye ata varvara ujek kwakwas əy kala fəlew zləye, ŋtəməye ey məyɗanak ege. A zeney, a ndewzetene ŋ hejəye ma kembeɗetene səlay ŋ hejəye, əy kénjeye a ma fəlew tata ege. 15A təwse ca, Yesu a ŋta serek, a ɓəram lakwatay, a gamata aza tewtew tata ata varvara ujek kwakwas zlaɓa zləye ey ŋtəməye tata ege. A ŋcakwzata tabəla tata ege, səlay tata ege əy kweceɗ tata. 16A zlepetene ŋ hejəye ma kala fəlew məyɗanak ege, a ŋgaya: «Hune keszata aza tewtew ete ŋghe, hune ɗaw ŋ bawza ujek Vana Gazlavay aza ŋ ujek ma ata la fəlew səkwaw!» 17Madarlaŋw Yesu ege, əy senzene ata ma maa kéŋtereye ŋ ɗerewel ma keweɗ, a ŋgaya: «Bay Madakal sa kaɗaw ujek ŋkwa dakala mambaza. Laɗaw anta a keŋkəɗewekey ŋ unaf ana kwahwaw.» 18Aya, madakal dakal Yahudu ege əy ɗawza, əy ŋgaya: «Zaɓəla maa hwa kanalaw, ŋ ghwelzeney njəwen ca, ɓarɓar ŋkwa aka ŋ la səkan anta ana ebe ŋghe ca, vemey?» 19Yesu a zenetene, a ŋgaya: «Hune ghwaramza ujek kwakwas ŋghe aza, sa nalam ka ata la anta, ata wan mahkaɗ!» 20Yahudu ege, əy zlepene, əy ŋgaya: «Nene lam ujek kwakwas ŋghe ŋ va raŋfaɗ aha ŋkwah. Ca, a ŋkwa, hwa ya, hwa nalam ka ata wan mahkaɗ!» 21Cemey, maa a zlap ata ujek kwakwas wese ca, a zlap ca, ata kusam anta. 22Maa Yesu a gwarzamha aza ata lamac ca, madarlaŋw anta ege əy senzene ata ma maa a zlap wese. Aya, əy lamza ma meŋtereŋter ŋ ɗerewel ma keweɗ ey ma maa Yesu a zlapata ege tewtew.
Yesu a kasan səkan ma ŋ unaf hejəye
23Maa Yesu mbəy ŋ Urusaləyma ata vah gwaygwaya Paska mala Yahudu ege wese ca, hejəye vəram, əy lamza Yesu, mavəday əy maa gəre zaɓəla ege maa a kalata. 24Cemey, Yesu ca, kálamza zlap tata anta səkwaw, mavəday a kasan ledeŋ ŋkwaɓ tata ege tewtew. 25A kalamza ɗala a ghwelzene ma ata hejəye səkwaw, mavəday mbe a ha anta a kasan səkan ma ŋ unaf ɗala.
ទើបបានជ្រើសរើសហើយ៖
Yuhana 2: BHS
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 CABTAL
Yuhana 2
2
Laca dəma ŋ uzam Kana
1Aya, wan mahkaɗ, a dəwze anta ca, gwaygwaya laca dəma a ŋ uzam Kana, ŋ hayak Galəyləy. Man Yesu mbəy a təwse. 2Əy káyata ata Yesu əy madarlaŋw anta ege ŋ gwaygwaya anta yam. 3Aya, maa mavaw a ŋtakw anta a təwse ca, man Yesu, a zlepene ŋ Yesu, a ŋgaya: «Mavaw tuwaɗ ara tata.» 4A təwse ca, Yesu a zenene, a ŋgaya: «Mana! Hwa ma keneghwelzekey zlan maa sa kanalaw, vaw? Vah naka kándaha kwagwa səkwaw.» 5Aya, maman a zlepetene ŋ mala zlan ege, a ŋgaya: «Hune la səkan maa a kanazlapahune tewtew.» 6Ɗawar malamalam a ŋkəɗaŋ ege ŋkwah a təwse aka, teŋguleŋ ca, a kaŋta yam ləytəyr temere. Yahudu ege əy kala zlan a yam maa ŋma ŋ ban dadawar ma ata tata ege aza ana maa kwakwas tata a zlap. 7A təwse ca, Yesu a zlepetene ŋ mala zlan ege, a ŋgaya: «Hune ghefzata ɗawar ŋghe ege aka a yam.» Aya, mala zlan ege wese, əy ghefzata ka peslepesle. 8Aya, Yesu a zlepetene, a ŋgaya: «Na ŋgha ca, hune ɗaw, hune jeɓzene ŋ madakal ma ata ha gwaygwaya anta.» Mala zlan wese ege, əy ɗaw, əy jeɓzene. 9Madakal wese a zlanza ca, yam wese kábaw anta a mavaw. A kasan ata la maa mavaw anta a ndaha səkwaw. Cemey, a mala zlan ege ma ɗaza mavaw wese ca, əy kasanaw. A təwse ca, madakal ma ata ha gwaygwaya wese, a yaɓa mawal dəma, 10aya, a zlepene, a ŋgaya: «Kaw vayay ma ja gwaygwaya laca dəma ca, a mar ŋ veletene mavaw ma gwaya aza ŋ hejəye anta ege mayaya kwagwa. Aya, a dəwze maa əy káŋhwaz tata ca, a veletene ma gwaya, səkwaw. Cemey, ŋkwa ca, hwa káɓahza mavaw ma gwaya aka ha na ŋgha.»
11Ebe ŋghe ca, ara zaɓəla maa Yesu a mar ŋ law. A la ŋ uzam Kana ŋ hayak Galəyləy. A ghwalza ɓardakw anta, aya, madarlaŋw anta ege əy lamza. 12A dəwze anta, a nda ŋ Kafarnahum zlaɓa ata maman ey zlaŋgan ege leŋ madarlaŋw anta ege, əy nja a təwse wan ege cekuɗe ende ŋghe.
Yesu a gamata hejəye ma kala fəlew ŋ ujek kwakwas ege aza
13Aya, maa gwaygwaya Paska mala Yahudu ege slaɓ ca, Yesu a nda mgba ŋ Urusaləyma. 14A ndewzetene ŋ hejəye ata varvara ujek kwakwas əy kala fəlew zləye, ŋtəməye ey məyɗanak ege. A zeney, a ndewzetene ŋ hejəye ma kembeɗetene səlay ŋ hejəye, əy kénjeye a ma fəlew tata ege. 15A təwse ca, Yesu a ŋta serek, a ɓəram lakwatay, a gamata aza tewtew tata ata varvara ujek kwakwas zlaɓa zləye ey ŋtəməye tata ege. A ŋcakwzata tabəla tata ege, səlay tata ege əy kweceɗ tata. 16A zlepetene ŋ hejəye ma kala fəlew məyɗanak ege, a ŋgaya: «Hune keszata aza tewtew ete ŋghe, hune ɗaw ŋ bawza ujek Vana Gazlavay aza ŋ ujek ma ata la fəlew səkwaw!» 17Madarlaŋw Yesu ege, əy senzene ata ma maa kéŋtereye ŋ ɗerewel ma keweɗ, a ŋgaya: «Bay Madakal sa kaɗaw ujek ŋkwa dakala mambaza. Laɗaw anta a keŋkəɗewekey ŋ unaf ana kwahwaw.» 18Aya, madakal dakal Yahudu ege əy ɗawza, əy ŋgaya: «Zaɓəla maa hwa kanalaw, ŋ ghwelzeney njəwen ca, ɓarɓar ŋkwa aka ŋ la səkan anta ana ebe ŋghe ca, vemey?» 19Yesu a zenetene, a ŋgaya: «Hune ghwaramza ujek kwakwas ŋghe aza, sa nalam ka ata la anta, ata wan mahkaɗ!» 20Yahudu ege, əy zlepene, əy ŋgaya: «Nene lam ujek kwakwas ŋghe ŋ va raŋfaɗ aha ŋkwah. Ca, a ŋkwa, hwa ya, hwa nalam ka ata wan mahkaɗ!» 21Cemey, maa a zlap ata ujek kwakwas wese ca, a zlap ca, ata kusam anta. 22Maa Yesu a gwarzamha aza ata lamac ca, madarlaŋw anta ege əy senzene ata ma maa a zlap wese. Aya, əy lamza ma meŋtereŋter ŋ ɗerewel ma keweɗ ey ma maa Yesu a zlapata ege tewtew.
Yesu a kasan səkan ma ŋ unaf hejəye
23Maa Yesu mbəy ŋ Urusaləyma ata vah gwaygwaya Paska mala Yahudu ege wese ca, hejəye vəram, əy lamza Yesu, mavəday əy maa gəre zaɓəla ege maa a kalata. 24Cemey, Yesu ca, kálamza zlap tata anta səkwaw, mavəday a kasan ledeŋ ŋkwaɓ tata ege tewtew. 25A kalamza ɗala a ghwelzene ma ata hejəye səkwaw, mavəday mbe a ha anta a kasan səkan ma ŋ unaf ɗala.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 CABTAL