Yuhana 1
1
Yesu Almasəyhu ca, ara Zlap mala Gazlavay
1Mar aka ata lamar ca, Zlap aka,
zlap anta mbəy ara Gazlavay. Zlap anta ca, ara Gazlavay.
2Ata lamar ca, Zlap anta mbəy ara Gazlavay.
3Gazlavay a bahata səkan ege tewtew ca, a Zlap wese,
kaw səkan teŋguleŋ maa a baza, a Zlap wese səkwaw ca, askwaw.
4Lanja mbəy ŋ Zlap wese,
aya, lanja anta ca, ara leweɗ la ŋ hejəye.
5Aya, leweɗ a keweɗ ŋ kuzle,
cemey, kuzle anta kula ŋ jaɓ aza, səkwaw.
6Gazlavay kálaɓaha heje wende aka, zlam anta Yuhana.
7Yuhana anta a ndaha ca, ŋ ghwalza leweɗ wese, ndar hejəye tewtew, əy lamza leweɗ anta ta ara mbe.
8Yuhana anta ca, ara leweɗ səkwaw. Cemey, a ndaha ca, ŋ ghwal ma ata leweɗ anta.
9Zlap wese ca, ara leweɗ ma njenjəwen. A ndaha a manhayak ca, ŋ weɗetene la ŋ hejəye tewtew.
10Zlap anta mbəy ŋ manhayak,
Gazlavay a baza manhayak ca, ta a mbe,
cemey, manhayak kásanaw, askwaw.
11A ndaha ca, ŋ hayak anta,
cemey, hejəye ma ŋ hayak anta anta ege, əy kálamza, askwaw.
12Cemey, ŋ hejəye ma lamza aza ege leŋ ma ca lalam tata ege ka a zlam anta ca, Zlap anta kéveletene ɓarɓar ŋ baw tata a uzəye Gazlavay ege. 13Hejəye anta ege ca, əy mbawha ca, ta ŋ mbambaz, səkwaw, kaw a laɗaw mala zleykusam, səkwaw, kaw a laɗaw mala heje dakənak, səkwaw, cemey, a laɗaw mala Gazlavay.
14Zlap wese kábaw anta a heje dakənak
kánja ŋ taba ŋtakwaw
mbəy ghef a zəhay,
ey ma ma njenjəwen. Nene kégəre ɓardakw anta,
ara ɓardakw maa Mba Gazlavay ma teŋguleŋ a lamaza ara Cen.
15Yuhana a ghwal zlap ata mbe, a zlepetene ŋ hejəye a mazlazlay, a ŋgaya:
«Ŋghe heje maa sa zlap a heɗe sa ya, a nandaha a dəwze naka. Cemey, heje anta mbəy pa ma day aha sa, mavəday mar sa nambawha ca, mbəy aka tew.»
16Heje tewtew ŋtakwaw, heje kélem səkan aza ta ŋ taŋtaŋ anta, heje kélem zəhay aza ata zəhay.
17Gazlavay a valaheje ma maŋkanaŋkan ca, ta ŋ ara Musa, cemey, taŋtaŋ ey ma ma njenjəwen ca, əy ndaha aka ta ara Yesu Almasəyhu.
18Ɗala ma gəre Gazlavay ca, kaw, askwaw. Cemey, Mba ma teŋguleŋ anta ara Gazlavay, ma kénjeye ara Cen, ara mbe ma ghwalaheje.
Laghwal ma mala Yuhana ma ban hejəye a yam baptəysma
19Ŋghe laghwal zlap mala Yuhana ma ban hejəye a yam baptəysma ŋ mala kwakwas ege ey Leweŋkaw ege. Madakal dakal mala Yahudu, ma ŋ Urusaləyma ege, əy laɓzata ara mbe, ŋ ɗawza, əy ŋgaya: «Hwa ca, hwa vayay?» 20A təwse ca, Yuhana káɓah ma ata tata, askwaw, a ghwalza, a ŋgaya: «Sa ca, sa Almasəyhu səkwaw.» 21Aya, əy ɗawza, əy ŋgaya: «Ca, hwa ca, hwa vayay? Hwa Eləya vaw?» Yuhana a zenetene, a ŋgaya: «Ŋghey, sa Eləya səkwaw,» «Ca, hwa mba ma zlap ma mala Gazlavay vaw?» A zenetene, a ŋgaya: «Ŋghey.» 22Aya, əy zlepene, əy ŋgaya: «Ca, hwa ca, hwa eze vayay? Zeneney, ndar nene nda ŋ zenzetene ma anta ŋ hejəye ma leɓeney ege. Ca, hwa zlap ata hwa ca, hwa vayay?» 23A təwse ca, Yuhana a zenetene, a ŋgaya:
«Sa ca, sa ɗala ma kaja ula ata darzlam, sa ya:
“Hune lemzene taf mala Bay Madakal aka kadak kadak,”»
ana maa Esaya, mba ma zlap ma mala Gazlavay, a zlap.
24Cemey, hejəye maa əy laɓata ara Yuhana ege wese ca, tata Farəysa ege. 25A təwse ca, əy vas ŋ ɗawza, əy ŋgaya: «Mada hwa Almasəyhu səkwaw, hwa Eləya səkwaw, hwa Mba ma zlap ma mala Gazlavay, səkwaw, ca, hwa banata hejəye a yam baptəysma ŋ vay?» 26A təwse ca, Yuhana a zenetene, a ŋgaya: «Sa ca, sa banata hejəye ca, a yam baptəysma gagaha. Cemey, ɗala wende ŋ taba ŋkune aka, hune kasan, səkwaw. 27A nandaha a dəwze naka, cemey, kaw sa káhwas ŋ pal serek ŋte anta səkwaw.» 28Səkan ŋghe anta ege tewtew, əy la ca, ŋ uzam Baytanəya, aha bəza zlazlar Urdun, ata la maa Yuhana a banata hejəye a yam baptəysma.
Yesu, ara mba ŋtəmek mala Gazlavay
29Mpat anta ca, Yuhana a gəre Yesu a kandaha ara mbe, aya, a zlap, a ŋgaya: «Ŋghe mba ŋtəmek mala Gazlavay ma kaŋta gay mala manhayak. 30Mbe ca, ara heje maa sa zlap, a heɗe, sa ya: “Heje wende aka, a nandaha a dəwze naka, cemey, mbəy pa ma day aha sa, mavəday, mbe ca, mar sa nambawha ca, mbəy aka tew.” 31Sa a ha naka, sa kasan heje anta səkwaw, cemey, sa ndaha ŋ ban hejəye a yam baptəysma ca, ndar hejəye Əysərayəyla ege, əy sanaw.»
32Yuhana a ghwal zlap a heɗe zeney, a ŋgaya: «Sa kégəre Zəwet a katadakwha ka ata uzlaf ana məyɗanak, a nja a heɗe. 33Sa ca, sa kasan heje anta səkwaw, cemey, Gazlavay ma leɓekey ŋ banata hejəye a yam baptəysma, kézlepekey aza, a ŋgaya: “Heje maa hwa kenegəre Zəwet a katadakwha, a nja a heɗe ca, ara mbe ma kanabanata hejəye a Zəwet ma keweɗ.” 34Sa ca, sa kégəre, sa kaghwalza, heje anta ca, ara Mba Gazlavay.»
Madarlaŋw Yesu ege mampar
35Mpat anta zeney, Yuhana mbəy ata la wese, zlaɓa madarlaŋw anta ege gbak. 36Maa a gəre Yesu a kanda ca, a sarza kadak kadak, a zlap, a ŋgaya: «Ŋghe mba ŋtəmek mala Gazlavay!» 37Madarlaŋw ma gbak ege wese, maa əy zləme Yuhana a zlap ana ebe ŋghe wese ca, əy səbar Yesu. 38Yesu a bawha a dəwze, a gəre ca, əy kasəbaraw, aya, a ɗawzata, a ŋgaya: «Hune mpam vemey?» Əy zenene, əy ŋgaya: «Rabəy, ana zlap ca, Masasərak, hwa nja ca, a katay?» 39Aya, a zenetene, a ŋgaya: «Hune ndaha, hune negəre.» Aya, əy nda, əy gəre la maa a kanja, aya əy nja ara mbe a pes wese. Maa əy ŋgel ma wese ca, a la anta ler ŋfaɗ mala mackwahw.
40Ɗala teŋguleŋ ŋ taba madarlaŋw ege ma gbak ma zləme zlap Yuhana ege wese ey maa əy səbar Yesu wese ca, zlam anta, Andəyre, ara zlaŋgan Səymawn Pəyer. 41Ɗala mampar maa Andəyre a nda, a ndewzene ca, ara Səymawn, zlaŋgan. Aya, a zlepene, a ŋgaya: «Nene kéndewzene aza ŋ Almasəyhu.» 42Aya, Andəyre a jeɓza Səymawn ara Yesu. A təwse ca, Yesu a sarza Səymawn kadak kadak, a zlepene, a ŋgaya: «Hwa ca, hwa Səymawn, mba Yuhana. Cemey, əy nayahwaw a zlam Kefas», ana zlap ca, kefe.
43Mpat anta, Yesu káɗawza ŋ nda ŋ hayak Galəyləy. A ndewzene ŋ Fəyləyp, a zlepene, a ŋgaya: «Səberekey.» 44Cemey, Fəyləyp anta ca, ara ɗala ma ŋ uzam Baytəysayda, uzam mala ata Andəyre ey Pəyer yam. 45A dəwze anta, Fəyləyp a nda, a ndewzene a Natanayel, a zlepene, a ŋgaya: «Nene kéndewzene ŋ heje maa kéŋtereye a heɗe ŋ ma maŋkanaŋkan mala Musa leŋ maa uzəye ma zlap ma mala Gazlavay ege əy zlap a heɗe yam, wese aza. Heje anta ca, ara Yesu, mba Yusufu ma ŋ Nasaratu.» 46Aya, Natanayel, a zlepene, a ŋgaya: «Səkan ma taŋtaŋ ŋ Nasaratu aka vaw?» Fəyləyp, a zenene, a ŋgaya: «Ndaha, hwa negəre.»
47Maa Yesu a gəre Natanayel a kandaha ara mbe ca, a zlap a heɗe a ŋgaya: «Heje ŋghe ca, ara ɗala Əysərayəyla ma njenjəwen, ɗala ma kasan ŋ zla metəwle, səkwaw.» 48Natanayel a ɗawza, a ŋgaya: «Hwa senekey, vaŋgay?» Yesu a zenene, a ŋgaya: «Mar Fəyləyp a nayahwaw ca, sa kégəre hwa aza, hwa kénjeye asa səke.» 49Aya, Natanayel wese a zlepene, a ŋgaya: «Masasərak, hwa ca, hwa Mba Gazlavay, hwa bay mala Əysərayəyla.» 50Yesu a zenene, a ŋgaya: «Hwa lemzekey ŋghe ca, mavəday maa sa zlapahwaw, sa kégərehwaw asa səke wese vaw? Ca, hwa negəre səkan ege ma pa ma day aha ebe ŋghe ege zeney.» 51Aya, Yesu a zlap zeney, a ŋgaya: «Sa kazlapahune, njenjəwen, hune negəre la ma mgba ata uzlaf kézlereye, malaɓ mala Gazlavay ege, əy ketev, əy katadakwha ata Mba Ɗala.»
ទើបបានជ្រើសរើសហើយ៖
Yuhana 1: BHS
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 CABTAL
Yuhana 1
1
Yesu Almasəyhu ca, ara Zlap mala Gazlavay
1Mar aka ata lamar ca, Zlap aka,
zlap anta mbəy ara Gazlavay. Zlap anta ca, ara Gazlavay.
2Ata lamar ca, Zlap anta mbəy ara Gazlavay.
3Gazlavay a bahata səkan ege tewtew ca, a Zlap wese,
kaw səkan teŋguleŋ maa a baza, a Zlap wese səkwaw ca, askwaw.
4Lanja mbəy ŋ Zlap wese,
aya, lanja anta ca, ara leweɗ la ŋ hejəye.
5Aya, leweɗ a keweɗ ŋ kuzle,
cemey, kuzle anta kula ŋ jaɓ aza, səkwaw.
6Gazlavay kálaɓaha heje wende aka, zlam anta Yuhana.
7Yuhana anta a ndaha ca, ŋ ghwalza leweɗ wese, ndar hejəye tewtew, əy lamza leweɗ anta ta ara mbe.
8Yuhana anta ca, ara leweɗ səkwaw. Cemey, a ndaha ca, ŋ ghwal ma ata leweɗ anta.
9Zlap wese ca, ara leweɗ ma njenjəwen. A ndaha a manhayak ca, ŋ weɗetene la ŋ hejəye tewtew.
10Zlap anta mbəy ŋ manhayak,
Gazlavay a baza manhayak ca, ta a mbe,
cemey, manhayak kásanaw, askwaw.
11A ndaha ca, ŋ hayak anta,
cemey, hejəye ma ŋ hayak anta anta ege, əy kálamza, askwaw.
12Cemey, ŋ hejəye ma lamza aza ege leŋ ma ca lalam tata ege ka a zlam anta ca, Zlap anta kéveletene ɓarɓar ŋ baw tata a uzəye Gazlavay ege. 13Hejəye anta ege ca, əy mbawha ca, ta ŋ mbambaz, səkwaw, kaw a laɗaw mala zleykusam, səkwaw, kaw a laɗaw mala heje dakənak, səkwaw, cemey, a laɗaw mala Gazlavay.
14Zlap wese kábaw anta a heje dakənak
kánja ŋ taba ŋtakwaw
mbəy ghef a zəhay,
ey ma ma njenjəwen. Nene kégəre ɓardakw anta,
ara ɓardakw maa Mba Gazlavay ma teŋguleŋ a lamaza ara Cen.
15Yuhana a ghwal zlap ata mbe, a zlepetene ŋ hejəye a mazlazlay, a ŋgaya:
«Ŋghe heje maa sa zlap a heɗe sa ya, a nandaha a dəwze naka. Cemey, heje anta mbəy pa ma day aha sa, mavəday mar sa nambawha ca, mbəy aka tew.»
16Heje tewtew ŋtakwaw, heje kélem səkan aza ta ŋ taŋtaŋ anta, heje kélem zəhay aza ata zəhay.
17Gazlavay a valaheje ma maŋkanaŋkan ca, ta ŋ ara Musa, cemey, taŋtaŋ ey ma ma njenjəwen ca, əy ndaha aka ta ara Yesu Almasəyhu.
18Ɗala ma gəre Gazlavay ca, kaw, askwaw. Cemey, Mba ma teŋguleŋ anta ara Gazlavay, ma kénjeye ara Cen, ara mbe ma ghwalaheje.
Laghwal ma mala Yuhana ma ban hejəye a yam baptəysma
19Ŋghe laghwal zlap mala Yuhana ma ban hejəye a yam baptəysma ŋ mala kwakwas ege ey Leweŋkaw ege. Madakal dakal mala Yahudu, ma ŋ Urusaləyma ege, əy laɓzata ara mbe, ŋ ɗawza, əy ŋgaya: «Hwa ca, hwa vayay?» 20A təwse ca, Yuhana káɓah ma ata tata, askwaw, a ghwalza, a ŋgaya: «Sa ca, sa Almasəyhu səkwaw.» 21Aya, əy ɗawza, əy ŋgaya: «Ca, hwa ca, hwa vayay? Hwa Eləya vaw?» Yuhana a zenetene, a ŋgaya: «Ŋghey, sa Eləya səkwaw,» «Ca, hwa mba ma zlap ma mala Gazlavay vaw?» A zenetene, a ŋgaya: «Ŋghey.» 22Aya, əy zlepene, əy ŋgaya: «Ca, hwa ca, hwa eze vayay? Zeneney, ndar nene nda ŋ zenzetene ma anta ŋ hejəye ma leɓeney ege. Ca, hwa zlap ata hwa ca, hwa vayay?» 23A təwse ca, Yuhana a zenetene, a ŋgaya:
«Sa ca, sa ɗala ma kaja ula ata darzlam, sa ya:
“Hune lemzene taf mala Bay Madakal aka kadak kadak,”»
ana maa Esaya, mba ma zlap ma mala Gazlavay, a zlap.
24Cemey, hejəye maa əy laɓata ara Yuhana ege wese ca, tata Farəysa ege. 25A təwse ca, əy vas ŋ ɗawza, əy ŋgaya: «Mada hwa Almasəyhu səkwaw, hwa Eləya səkwaw, hwa Mba ma zlap ma mala Gazlavay, səkwaw, ca, hwa banata hejəye a yam baptəysma ŋ vay?» 26A təwse ca, Yuhana a zenetene, a ŋgaya: «Sa ca, sa banata hejəye ca, a yam baptəysma gagaha. Cemey, ɗala wende ŋ taba ŋkune aka, hune kasan, səkwaw. 27A nandaha a dəwze naka, cemey, kaw sa káhwas ŋ pal serek ŋte anta səkwaw.» 28Səkan ŋghe anta ege tewtew, əy la ca, ŋ uzam Baytanəya, aha bəza zlazlar Urdun, ata la maa Yuhana a banata hejəye a yam baptəysma.
Yesu, ara mba ŋtəmek mala Gazlavay
29Mpat anta ca, Yuhana a gəre Yesu a kandaha ara mbe, aya, a zlap, a ŋgaya: «Ŋghe mba ŋtəmek mala Gazlavay ma kaŋta gay mala manhayak. 30Mbe ca, ara heje maa sa zlap, a heɗe, sa ya: “Heje wende aka, a nandaha a dəwze naka, cemey, mbəy pa ma day aha sa, mavəday, mbe ca, mar sa nambawha ca, mbəy aka tew.” 31Sa a ha naka, sa kasan heje anta səkwaw, cemey, sa ndaha ŋ ban hejəye a yam baptəysma ca, ndar hejəye Əysərayəyla ege, əy sanaw.»
32Yuhana a ghwal zlap a heɗe zeney, a ŋgaya: «Sa kégəre Zəwet a katadakwha ka ata uzlaf ana məyɗanak, a nja a heɗe. 33Sa ca, sa kasan heje anta səkwaw, cemey, Gazlavay ma leɓekey ŋ banata hejəye a yam baptəysma, kézlepekey aza, a ŋgaya: “Heje maa hwa kenegəre Zəwet a katadakwha, a nja a heɗe ca, ara mbe ma kanabanata hejəye a Zəwet ma keweɗ.” 34Sa ca, sa kégəre, sa kaghwalza, heje anta ca, ara Mba Gazlavay.»
Madarlaŋw Yesu ege mampar
35Mpat anta zeney, Yuhana mbəy ata la wese, zlaɓa madarlaŋw anta ege gbak. 36Maa a gəre Yesu a kanda ca, a sarza kadak kadak, a zlap, a ŋgaya: «Ŋghe mba ŋtəmek mala Gazlavay!» 37Madarlaŋw ma gbak ege wese, maa əy zləme Yuhana a zlap ana ebe ŋghe wese ca, əy səbar Yesu. 38Yesu a bawha a dəwze, a gəre ca, əy kasəbaraw, aya, a ɗawzata, a ŋgaya: «Hune mpam vemey?» Əy zenene, əy ŋgaya: «Rabəy, ana zlap ca, Masasərak, hwa nja ca, a katay?» 39Aya, a zenetene, a ŋgaya: «Hune ndaha, hune negəre.» Aya, əy nda, əy gəre la maa a kanja, aya əy nja ara mbe a pes wese. Maa əy ŋgel ma wese ca, a la anta ler ŋfaɗ mala mackwahw.
40Ɗala teŋguleŋ ŋ taba madarlaŋw ege ma gbak ma zləme zlap Yuhana ege wese ey maa əy səbar Yesu wese ca, zlam anta, Andəyre, ara zlaŋgan Səymawn Pəyer. 41Ɗala mampar maa Andəyre a nda, a ndewzene ca, ara Səymawn, zlaŋgan. Aya, a zlepene, a ŋgaya: «Nene kéndewzene aza ŋ Almasəyhu.» 42Aya, Andəyre a jeɓza Səymawn ara Yesu. A təwse ca, Yesu a sarza Səymawn kadak kadak, a zlepene, a ŋgaya: «Hwa ca, hwa Səymawn, mba Yuhana. Cemey, əy nayahwaw a zlam Kefas», ana zlap ca, kefe.
43Mpat anta, Yesu káɗawza ŋ nda ŋ hayak Galəyləy. A ndewzene ŋ Fəyləyp, a zlepene, a ŋgaya: «Səberekey.» 44Cemey, Fəyləyp anta ca, ara ɗala ma ŋ uzam Baytəysayda, uzam mala ata Andəyre ey Pəyer yam. 45A dəwze anta, Fəyləyp a nda, a ndewzene a Natanayel, a zlepene, a ŋgaya: «Nene kéndewzene ŋ heje maa kéŋtereye a heɗe ŋ ma maŋkanaŋkan mala Musa leŋ maa uzəye ma zlap ma mala Gazlavay ege əy zlap a heɗe yam, wese aza. Heje anta ca, ara Yesu, mba Yusufu ma ŋ Nasaratu.» 46Aya, Natanayel, a zlepene, a ŋgaya: «Səkan ma taŋtaŋ ŋ Nasaratu aka vaw?» Fəyləyp, a zenene, a ŋgaya: «Ndaha, hwa negəre.»
47Maa Yesu a gəre Natanayel a kandaha ara mbe ca, a zlap a heɗe a ŋgaya: «Heje ŋghe ca, ara ɗala Əysərayəyla ma njenjəwen, ɗala ma kasan ŋ zla metəwle, səkwaw.» 48Natanayel a ɗawza, a ŋgaya: «Hwa senekey, vaŋgay?» Yesu a zenene, a ŋgaya: «Mar Fəyləyp a nayahwaw ca, sa kégəre hwa aza, hwa kénjeye asa səke.» 49Aya, Natanayel wese a zlepene, a ŋgaya: «Masasərak, hwa ca, hwa Mba Gazlavay, hwa bay mala Əysərayəyla.» 50Yesu a zenene, a ŋgaya: «Hwa lemzekey ŋghe ca, mavəday maa sa zlapahwaw, sa kégərehwaw asa səke wese vaw? Ca, hwa negəre səkan ege ma pa ma day aha ebe ŋghe ege zeney.» 51Aya, Yesu a zlap zeney, a ŋgaya: «Sa kazlapahune, njenjəwen, hune negəre la ma mgba ata uzlaf kézlereye, malaɓ mala Gazlavay ege, əy ketev, əy katadakwha ata Mba Ɗala.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 CABTAL