Zlan mala malaɓ ege 27
27
Əy laɓza Pawl ŋ hayak Rawma
1Maa əy káŋkan ma aza, ndar nene nanda ŋ hayak Əytaləya a kwambawal ma dakal ca, əy valza Pawl leŋ hejəye ma ŋ daŋgay ege vedəye aka asa ra heje maa əy kayaɓa Yuləyus, madakal ma ata ha sawje ege temere, ma ata lajav sawje ege mala bay Rawma. 2Aya, nene dam ŋ kwambawal ma dakal ma ndaha aka ŋ uzam Adaraməytenus, ma kanda ata lagar ege ma a ma ŋtele ma ŋ hayak Asəya. Tel nene nah ma, nene ata Arəystarkus, ɗala Makedawnəya, ma ŋ uzam Tesalawnəykəy. 3A mapat anta, nene hwas ŋ uzam Səydaŋw, nene gar a təwse. Yuləyus a lene taŋtaŋ ŋ Pawl, a pelzene taf ŋ nda ara ŋgama anta ege ŋ uzam wese, ndar əy cekzene. 4A dəwze anta, nene tev ŋ kwambawal ma dakal zeney, nene nda ta ŋ hayak ma ŋ taba ŋtele maa əy kayaɓa Kəypərus, ata la maa tatəɗam a təwse askwaw, mavəday tatəɗam anta, a kezeneney a dəwze a dəwze. 5Nene zlaŋ ŋtele ma a həzlar Səyləykəya ey Pamfəyləya, nene hwas ŋ uzam Məyra ŋ hayak Ləysəya. 6A təwse ca, madakal sawje Rawma, ma ata ha sawje ege temere wese, a ndew ata kwambawal ma dakal ma ndaha aka ŋ Aleksandərəya, ma kanda kəɗe ŋ Əytaləya, aya, a tevzeney ŋma.
7Wan vəram, nene nda zaya zaya, nene hwas a gef dakala a mazlam uzam Kəynəydus, mavəday tatəɗam a kepereney ma. Aya, nene təwlek ta asa bar hayak ma a həzlar ŋtele maa əy kayaɓa Salmawnəy, nene hwas ŋ hayak ma ŋ taba ŋtele maa əy kayaɓa a Kereta, la maa tatəɗam a təwse askwaw. 8Nene nda a gef ta ata bar hayak wese, nene hwasha ata la wende aka, maa əy kayaɓa a «Lagar ma taŋtaŋ ege,» mbermber a uzam Laseya.
9Nene kála wan dakala, landa anta kábaw anta kadak səkwaw, mavəday wan ma ata ŋta sumay mala mesəfe kéleye aza. Aya, Pawl a ŋgazata hejəye, 10a zlepetene, a ŋgaya: «Ŋgama naka ege, sa kegəre ca, landa ŋtakwaw ŋghe, a kanala kadak səkwaw. Kwambawal ma dakal zlaɓa səkan ma ŋma ege, əy ma kanagay gagaha səkwaw, kaw heje yam, heje nefətek ŋtakwaw.» 11Cemey, a madakal sawje ma ata ha sawje temere ege ca, a lam ma mala heje ma keheɓza kwambawal ma dakal ey ma mala heje kwambawal day aha ma mala Pawl. 12A zeney, lagar kwambawal anta, a mesəfe ca, kadak ŋ nja a təwse səkwaw. Mavəday anta, radakal hejəye ca, əy ɗaw ŋ nda tata. Mada əy kula ca, əy ɗaw ŋ nda hwas ata lagar kwambawal ma ŋ Fenəykəys, ŋ hayak Kereta, ndar əy la mesəfe a təwse. Fenəykəys anta ca, ara lagar kwambawal maa mada hwa sar la kəɗa ata landav pes ca, mbəy ata ra zam, mada hwa sar la kəɗe uza ca, mbəy ata ra gula.
Bargadaŋ a ja ata ŋtele
13A dəwze anta ca, tatəɗam a jaha cekuɗe cekuɗe ta uza asa ndaŋw. Hejəye əy deŋza ca, əy kélem taf aza ŋ hwas ŋ Fenəykəys ana maa əy kaɗawaw. Əy daɗaza səkan ma ndeɓndeɓ ma ata deŋza kwambawal, əy nahza aka ŋma, aya, əy nda mazlam mazlam hayak Kereta. 14Cemey, a dəwze anta cekuɗe ca, bargadaŋ maa əy kayaɓa Erakəylaŋw a ndaha aka ta ŋ ata dawan hayak ma ŋ ŋtele maa ey kayaɓa Kereta kəɗa ata nene. 15A təwse ca, bargadaŋ wese kátak kwambawal aka, mbəy kula ŋ nda a tama səkwaw, mavəday mbəy pa ma ɓarɓar aha mbe. Aya, nene yakza kwambawal anta aka, bargadaŋ wese ma heɓza. 16Ana ebe ŋghe, nene təwlek ta ata bar hayak wende pəzekw ende ŋghe aka ma ŋ taba ŋtele maa əy kayaɓa Kawda. Aya, maa hayak wese a tak bargadaŋ aka ca, nene lem taf ŋ tevenza kwambawal ma pəzekw ata madakal a gef. 17A dəwze maa hejəye meheɓ kwambawal ege əy kétevenza kwambawal ma pəzekw aza ata madakal wese ca, əy vərew kwambawal ma dakal aka a mbarla. Əy kalalak mavəday vakw ma ŋ hayak Ləybəya wese a ɗaw ŋ garzata ka səkwaw. A təwse ca, əy nahza səkan ma ndeɓndeɓ ma ata deŋza kwambawal ma dakal aka aha yam, aya, əy geɓza kwambawal ma dakal aka, bargadaŋ a heɓza. 18Bargadaŋ anta, a kavas ŋ həɓalza kwambawal ma dakal a mazlazlay war, ana ebe ŋghe, a mapat anta, əy kwekweɗzata səkan ege ma ata səkam ma ŋ kwambawal ma dakal wese aza ŋ yam. 19Ata wan mamahkaɗ anta ca, hejəye ma keheɓ kwambawal ma dakal ege wese, əy kwekweɗzata səkan mala kwambawal ma dakal ege aza a ra tata ŋ yam, ana: mbarla ege leŋ səkan ege vedəye tewtew. 20Wan vəram, nene kegəre pes askwaw, nene gəre gamzla ege askwaw. Bargadaŋ a kavas ŋ babar a mazlazlay, ha nene kédeŋza nene nereh ŋcene ca, askwaw.
21Wan vəram, kaw hejəye ma ŋ kwambawal ege wese əy kazam səkan askwaw, aya, Pawl a deŋ a tama tata tewtew, a zlepetene, a ŋgaya: «Hune hejəye, keɗe hune kálamza ma naka ca, heje kanagwarzam aza ŋ hayak Kereta askwaw, səkan ŋtakwaw ege əy kanagay tata askwaw, əy kanakuɗap tata askwaw. 22Na ŋgha cemey, kaw vayay mambal unaf anta ka, kaw ɗala teŋguleŋ ŋ taba ŋkune a kenefətek askwaw, səy kwambawal ma dakal gagaha ma kenefətek. 23A ŋcəne a zaɗaw ŋgha, Gazlavay maa sa asa ra anta ey maa sa kelene zlan kálaɓaza malaɓ anta ara sa. 24A zlepekey, a ŋgaya: “Pawl, hwa lalak səkwaw! Səy hwa magar aza a tama bay madakal mala hayak Rawma ŋ jahwaw guma, aya, Gazlavay a taŋtaŋ anta a nerehzata hejəye ma tewtew ŋ kwambawal ma dakal ŋghe ege aza, mavəday hwa.” 25Ana ebe ŋghe, hune hejəye, hune mbal unaf aka, sa kasan njenjəwen ca, səkan maa Gazlavay a zlepekey ca, a nala ana mbe njenjəwen. 26Cemey, bargadaŋ a nejeɓzaheje kəɗe ata hayak ma ŋ taba ŋtele wende.»
Hejəye ma ŋ kwambawal ege əy reh
27Ŋ zaɗaw mawam aha ŋfaɗ anta, bargadaŋ a keŋcekwzeney ŋ ŋtele Adəyrəya. Aya, ŋ taba zaɗaw wese ca, hejəye ma keheɓza kwambawal ege, əy deŋza ca, əy slaɓ ŋ hwas ata hayak. 28A təwse, əy nahza ɓarzlam majawajaw a serek ata kwambawal ma dakal ŋ ŋtele wese, ŋ slaŋgalza pəɗem yam anta. Əy ndew pəɗem anta, metəyr ramahkaɗ aha ŋseleɗ. Əy nda a tama cekuɗe ende ŋghe, əy nahza zeney, əy ndew pəɗem yam anta, metəyr ragbak aha jamahkaɗ. 29A təwse ca, əy kálalak tata, mavəday bargadaŋ a nejeɓza kwambawal kəɗe ata kefe ege. Aya, əy nahzata ɓarzlam ma ndeɓndeɓ ege ŋfaɗ ma ata garza kwambawal ta a dəwze. Əy teh mapat malaha kəcaŋ. 30Cemey, hejəye ma keheɓ kwambawal ege wese, əy ɗaw ŋ damha aza ŋma ŋ reh tata. A təwse ca, əy tadakwza kwambawal ma pəzekw ŋ yam, əy la ana maa, əy ɗaw ŋ nah ɓarzlam ma ndeɓndeɓ ege ma ata garza kwambawal ma dakal a tama kwambawal ma dakal. 31Cemey, Pawl a zlepene ŋ madakal ma ata ha sawje ege temere leŋ ŋ sawje ege, a ŋgaya: «Mada hejəye ŋghe ege əy ŋ kwambawal askwaw ca, hune kenereh askwaw.» 32Aya, sawje ege əy razl mbarla ma kambal kwambawal ma pəzekw aka ata madakal, əy yakza ka ŋ nda ŋ yam.
33Mar mapat a nazlarha ca, Pawl a yahata hejəye tewtew ŋ zam uda, a zlepetene, a ŋgaya: «Kála anta wan wam aha ŋfaɗ, hune kesew gef, kaw hune kazam səkan askwaw. 34Na ŋgha ca, sa kazlapahune ŋ zam uda ŋ lem ɓarɓar ŋ reh. Cemey, kaw jukwaɗ ha ɗala ŋkune teŋguleŋ a kenefətek askwaw.» 35A dəwze zlap ŋghe ege ca, Pawl a ŋta uda peŋ, a lene wasay ŋ Gazlavay a tama hejəye tewtew, aya, a ŋgaw, a mar ŋ zamaw. 36A təwse, hejəye tewtew əy mbal unaf, əy zam uda peŋ anta yam. 37Nene tewtew ŋ kwambawal anta, nene temere gbak a reŋsəleɗ aha ŋkwah. 38Aya, maa əy kázam uda aza həraɗ ca, əy nahza ndərey maa əy kayaɓa alkamarəy aza ŋ yam, ndar kwambawal a la kefkef.
39Maa mapat a la anta ca, hejəye ma keheɓ kwambawal ege wese, əy kasan la maa əy a təwse səkwaw. Cemey, əy gəre vakw medefedef ata la maa yam a dam ŋ hayak ma ŋ taba ŋtele ca, əy sa unaf ŋ ŋcakwza kwambawal kəɗe ata la wese, mada a la anta. 40Ana ebe ŋghe, əy palata ɓarzlam ma ndeɓndeɓ ege ma ata garza kwambawal ma dakal aza, əy yakzata aka ŋ yam. A təwse zeney, əy palata serek ege ma ata mpe ma ata gaɓ kwambawal ege aza, aya, əy kafza maslaga ma a tama kwambawal, ndar bargadaŋ a ŋcakwza kəɗe mazlam ŋtele. 41Cemey, kwambawal a nda, a ndew ata la maa yam dakala askwaw, gbar a gar aka, tama anta a dam anta ŋ vakw, kaw kula ŋ həɓal zeney səkwaw. Aya, ɓarɓar latatəŋgwal yam a ŋga kwambawal ta ŋ dəwze. 42Sawje ege əy ɗaw ŋ jata daŋgay ege aza mavəday əy naŋtaɗ tata asa yam, əy nehey tata. 43Cemey, madakal ma ata ha sawje ege temere ca, a ɗaw ŋ rehza Pawl aza, a takata ka ŋ la səkan maa əy deŋza wese. Aya, a zlepetene ŋ hejəye ma kasan ŋ ŋtaɗ ege, əy member tata mpar ŋ yam, əy maŋtaɗ tata hwas ata hayak. 44Hejəye vedəye əy veɗ ra ata papalam ege, askwaw ca, ata mpe kwambawal ma ŋgaha ege, ŋ səbarata. Ana ebe ŋghe, hejəye tewtew əy hwas ata hayak, kaw səkan wende kéletene askwaw.
ទើបបានជ្រើសរើសហើយ៖
Zlan mala malaɓ ege 27: BHS
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 CABTAL
Zlan mala malaɓ ege 27
27
Əy laɓza Pawl ŋ hayak Rawma
1Maa əy káŋkan ma aza, ndar nene nanda ŋ hayak Əytaləya a kwambawal ma dakal ca, əy valza Pawl leŋ hejəye ma ŋ daŋgay ege vedəye aka asa ra heje maa əy kayaɓa Yuləyus, madakal ma ata ha sawje ege temere, ma ata lajav sawje ege mala bay Rawma. 2Aya, nene dam ŋ kwambawal ma dakal ma ndaha aka ŋ uzam Adaraməytenus, ma kanda ata lagar ege ma a ma ŋtele ma ŋ hayak Asəya. Tel nene nah ma, nene ata Arəystarkus, ɗala Makedawnəya, ma ŋ uzam Tesalawnəykəy. 3A mapat anta, nene hwas ŋ uzam Səydaŋw, nene gar a təwse. Yuləyus a lene taŋtaŋ ŋ Pawl, a pelzene taf ŋ nda ara ŋgama anta ege ŋ uzam wese, ndar əy cekzene. 4A dəwze anta, nene tev ŋ kwambawal ma dakal zeney, nene nda ta ŋ hayak ma ŋ taba ŋtele maa əy kayaɓa Kəypərus, ata la maa tatəɗam a təwse askwaw, mavəday tatəɗam anta, a kezeneney a dəwze a dəwze. 5Nene zlaŋ ŋtele ma a həzlar Səyləykəya ey Pamfəyləya, nene hwas ŋ uzam Məyra ŋ hayak Ləysəya. 6A təwse ca, madakal sawje Rawma, ma ata ha sawje ege temere wese, a ndew ata kwambawal ma dakal ma ndaha aka ŋ Aleksandərəya, ma kanda kəɗe ŋ Əytaləya, aya, a tevzeney ŋma.
7Wan vəram, nene nda zaya zaya, nene hwas a gef dakala a mazlam uzam Kəynəydus, mavəday tatəɗam a kepereney ma. Aya, nene təwlek ta asa bar hayak ma a həzlar ŋtele maa əy kayaɓa Salmawnəy, nene hwas ŋ hayak ma ŋ taba ŋtele maa əy kayaɓa a Kereta, la maa tatəɗam a təwse askwaw. 8Nene nda a gef ta ata bar hayak wese, nene hwasha ata la wende aka, maa əy kayaɓa a «Lagar ma taŋtaŋ ege,» mbermber a uzam Laseya.
9Nene kála wan dakala, landa anta kábaw anta kadak səkwaw, mavəday wan ma ata ŋta sumay mala mesəfe kéleye aza. Aya, Pawl a ŋgazata hejəye, 10a zlepetene, a ŋgaya: «Ŋgama naka ege, sa kegəre ca, landa ŋtakwaw ŋghe, a kanala kadak səkwaw. Kwambawal ma dakal zlaɓa səkan ma ŋma ege, əy ma kanagay gagaha səkwaw, kaw heje yam, heje nefətek ŋtakwaw.» 11Cemey, a madakal sawje ma ata ha sawje temere ege ca, a lam ma mala heje ma keheɓza kwambawal ma dakal ey ma mala heje kwambawal day aha ma mala Pawl. 12A zeney, lagar kwambawal anta, a mesəfe ca, kadak ŋ nja a təwse səkwaw. Mavəday anta, radakal hejəye ca, əy ɗaw ŋ nda tata. Mada əy kula ca, əy ɗaw ŋ nda hwas ata lagar kwambawal ma ŋ Fenəykəys, ŋ hayak Kereta, ndar əy la mesəfe a təwse. Fenəykəys anta ca, ara lagar kwambawal maa mada hwa sar la kəɗa ata landav pes ca, mbəy ata ra zam, mada hwa sar la kəɗe uza ca, mbəy ata ra gula.
Bargadaŋ a ja ata ŋtele
13A dəwze anta ca, tatəɗam a jaha cekuɗe cekuɗe ta uza asa ndaŋw. Hejəye əy deŋza ca, əy kélem taf aza ŋ hwas ŋ Fenəykəys ana maa əy kaɗawaw. Əy daɗaza səkan ma ndeɓndeɓ ma ata deŋza kwambawal, əy nahza aka ŋma, aya, əy nda mazlam mazlam hayak Kereta. 14Cemey, a dəwze anta cekuɗe ca, bargadaŋ maa əy kayaɓa Erakəylaŋw a ndaha aka ta ŋ ata dawan hayak ma ŋ ŋtele maa ey kayaɓa Kereta kəɗa ata nene. 15A təwse ca, bargadaŋ wese kátak kwambawal aka, mbəy kula ŋ nda a tama səkwaw, mavəday mbəy pa ma ɓarɓar aha mbe. Aya, nene yakza kwambawal anta aka, bargadaŋ wese ma heɓza. 16Ana ebe ŋghe, nene təwlek ta ata bar hayak wende pəzekw ende ŋghe aka ma ŋ taba ŋtele maa əy kayaɓa Kawda. Aya, maa hayak wese a tak bargadaŋ aka ca, nene lem taf ŋ tevenza kwambawal ma pəzekw ata madakal a gef. 17A dəwze maa hejəye meheɓ kwambawal ege əy kétevenza kwambawal ma pəzekw aza ata madakal wese ca, əy vərew kwambawal ma dakal aka a mbarla. Əy kalalak mavəday vakw ma ŋ hayak Ləybəya wese a ɗaw ŋ garzata ka səkwaw. A təwse ca, əy nahza səkan ma ndeɓndeɓ ma ata deŋza kwambawal ma dakal aka aha yam, aya, əy geɓza kwambawal ma dakal aka, bargadaŋ a heɓza. 18Bargadaŋ anta, a kavas ŋ həɓalza kwambawal ma dakal a mazlazlay war, ana ebe ŋghe, a mapat anta, əy kwekweɗzata səkan ege ma ata səkam ma ŋ kwambawal ma dakal wese aza ŋ yam. 19Ata wan mamahkaɗ anta ca, hejəye ma keheɓ kwambawal ma dakal ege wese, əy kwekweɗzata səkan mala kwambawal ma dakal ege aza a ra tata ŋ yam, ana: mbarla ege leŋ səkan ege vedəye tewtew. 20Wan vəram, nene kegəre pes askwaw, nene gəre gamzla ege askwaw. Bargadaŋ a kavas ŋ babar a mazlazlay, ha nene kédeŋza nene nereh ŋcene ca, askwaw.
21Wan vəram, kaw hejəye ma ŋ kwambawal ege wese əy kazam səkan askwaw, aya, Pawl a deŋ a tama tata tewtew, a zlepetene, a ŋgaya: «Hune hejəye, keɗe hune kálamza ma naka ca, heje kanagwarzam aza ŋ hayak Kereta askwaw, səkan ŋtakwaw ege əy kanagay tata askwaw, əy kanakuɗap tata askwaw. 22Na ŋgha cemey, kaw vayay mambal unaf anta ka, kaw ɗala teŋguleŋ ŋ taba ŋkune a kenefətek askwaw, səy kwambawal ma dakal gagaha ma kenefətek. 23A ŋcəne a zaɗaw ŋgha, Gazlavay maa sa asa ra anta ey maa sa kelene zlan kálaɓaza malaɓ anta ara sa. 24A zlepekey, a ŋgaya: “Pawl, hwa lalak səkwaw! Səy hwa magar aza a tama bay madakal mala hayak Rawma ŋ jahwaw guma, aya, Gazlavay a taŋtaŋ anta a nerehzata hejəye ma tewtew ŋ kwambawal ma dakal ŋghe ege aza, mavəday hwa.” 25Ana ebe ŋghe, hune hejəye, hune mbal unaf aka, sa kasan njenjəwen ca, səkan maa Gazlavay a zlepekey ca, a nala ana mbe njenjəwen. 26Cemey, bargadaŋ a nejeɓzaheje kəɗe ata hayak ma ŋ taba ŋtele wende.»
Hejəye ma ŋ kwambawal ege əy reh
27Ŋ zaɗaw mawam aha ŋfaɗ anta, bargadaŋ a keŋcekwzeney ŋ ŋtele Adəyrəya. Aya, ŋ taba zaɗaw wese ca, hejəye ma keheɓza kwambawal ege, əy deŋza ca, əy slaɓ ŋ hwas ata hayak. 28A təwse, əy nahza ɓarzlam majawajaw a serek ata kwambawal ma dakal ŋ ŋtele wese, ŋ slaŋgalza pəɗem yam anta. Əy ndew pəɗem anta, metəyr ramahkaɗ aha ŋseleɗ. Əy nda a tama cekuɗe ende ŋghe, əy nahza zeney, əy ndew pəɗem yam anta, metəyr ragbak aha jamahkaɗ. 29A təwse ca, əy kálalak tata, mavəday bargadaŋ a nejeɓza kwambawal kəɗe ata kefe ege. Aya, əy nahzata ɓarzlam ma ndeɓndeɓ ege ŋfaɗ ma ata garza kwambawal ta a dəwze. Əy teh mapat malaha kəcaŋ. 30Cemey, hejəye ma keheɓ kwambawal ege wese, əy ɗaw ŋ damha aza ŋma ŋ reh tata. A təwse ca, əy tadakwza kwambawal ma pəzekw ŋ yam, əy la ana maa, əy ɗaw ŋ nah ɓarzlam ma ndeɓndeɓ ege ma ata garza kwambawal ma dakal a tama kwambawal ma dakal. 31Cemey, Pawl a zlepene ŋ madakal ma ata ha sawje ege temere leŋ ŋ sawje ege, a ŋgaya: «Mada hejəye ŋghe ege əy ŋ kwambawal askwaw ca, hune kenereh askwaw.» 32Aya, sawje ege əy razl mbarla ma kambal kwambawal ma pəzekw aka ata madakal, əy yakza ka ŋ nda ŋ yam.
33Mar mapat a nazlarha ca, Pawl a yahata hejəye tewtew ŋ zam uda, a zlepetene, a ŋgaya: «Kála anta wan wam aha ŋfaɗ, hune kesew gef, kaw hune kazam səkan askwaw. 34Na ŋgha ca, sa kazlapahune ŋ zam uda ŋ lem ɓarɓar ŋ reh. Cemey, kaw jukwaɗ ha ɗala ŋkune teŋguleŋ a kenefətek askwaw.» 35A dəwze zlap ŋghe ege ca, Pawl a ŋta uda peŋ, a lene wasay ŋ Gazlavay a tama hejəye tewtew, aya, a ŋgaw, a mar ŋ zamaw. 36A təwse, hejəye tewtew əy mbal unaf, əy zam uda peŋ anta yam. 37Nene tewtew ŋ kwambawal anta, nene temere gbak a reŋsəleɗ aha ŋkwah. 38Aya, maa əy kázam uda aza həraɗ ca, əy nahza ndərey maa əy kayaɓa alkamarəy aza ŋ yam, ndar kwambawal a la kefkef.
39Maa mapat a la anta ca, hejəye ma keheɓ kwambawal ege wese, əy kasan la maa əy a təwse səkwaw. Cemey, əy gəre vakw medefedef ata la maa yam a dam ŋ hayak ma ŋ taba ŋtele ca, əy sa unaf ŋ ŋcakwza kwambawal kəɗe ata la wese, mada a la anta. 40Ana ebe ŋghe, əy palata ɓarzlam ma ndeɓndeɓ ege ma ata garza kwambawal ma dakal aza, əy yakzata aka ŋ yam. A təwse zeney, əy palata serek ege ma ata mpe ma ata gaɓ kwambawal ege aza, aya, əy kafza maslaga ma a tama kwambawal, ndar bargadaŋ a ŋcakwza kəɗe mazlam ŋtele. 41Cemey, kwambawal a nda, a ndew ata la maa yam dakala askwaw, gbar a gar aka, tama anta a dam anta ŋ vakw, kaw kula ŋ həɓal zeney səkwaw. Aya, ɓarɓar latatəŋgwal yam a ŋga kwambawal ta ŋ dəwze. 42Sawje ege əy ɗaw ŋ jata daŋgay ege aza mavəday əy naŋtaɗ tata asa yam, əy nehey tata. 43Cemey, madakal ma ata ha sawje ege temere ca, a ɗaw ŋ rehza Pawl aza, a takata ka ŋ la səkan maa əy deŋza wese. Aya, a zlepetene ŋ hejəye ma kasan ŋ ŋtaɗ ege, əy member tata mpar ŋ yam, əy maŋtaɗ tata hwas ata hayak. 44Hejəye vedəye əy veɗ ra ata papalam ege, askwaw ca, ata mpe kwambawal ma ŋgaha ege, ŋ səbarata. Ana ebe ŋghe, hejəye tewtew əy hwas ata hayak, kaw səkan wende kéletene askwaw.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 CABTAL