Zlan mala malaɓ ege 26
26
Pawl a ghwal ma ma ata ha anta a tama bay Agarəypa
1Bay Agarəypa, a zlepene ŋ Pawl, a ŋgaya: «Sa kápalzahwaw taf aza, ghwalza ma ma ata ha ŋkwa.» Aya, Pawl a kafza ra anta, a ghwalza ma ma ata ha anta, a zlap a ŋgaya: 2«Bay Agarəypa, sa kasasam dakala a tambaca a tama ŋkwa ŋ ghwalza ma ma ata ha naka, ata ma maa Yahudu ege əy ŋkəɗewekey tewtew. 3Mavəday hwa ca, hwa kasan kwakwas mala Yahudu ege kadak kadak leŋ laja səbakw tata ege. Mbahw, sa karakahwaw, tehzekey zlam kadak kadak.»
4«Yahudu ege tewtew əy kasan lanja naka, mar aka maa sa mbaw ŋ taba hejəye naka ege leŋ ŋ Urusaləyma. 5Əy kesenekey zlezle. Mada əy kaɗaw ca, əy kula ŋ ghwalza ma ma ata sa aza, sa kásəbar taf kwakwas ŋcene Farəysa ege, taf kwakwas ma pa ŋ ɓarɓar. 6Əy ŋkəɗewekey na ŋgha ca, mavəday sa káca ŋkwaɓ naka aka ata ma maa Gazlavay a ŋkenetene ŋ jeje ŋcene ege ma zlezle. 7Ŋseŋ ŋcene ege wam aha gbak tata, əy káca ŋkwaɓ tata ege aka ata ma maa Gazlavay a zlap ŋ veletene ŋ jeje ŋcene ma a nuna anta ege wese yam. Əy kahəmanza Gazlavay zaɗaw ey pes, kaw bəlew anta askwaw. Bay naka Agarəypa, Yahudu ege əy ŋkəɗewekey ca, mavəday sa yam, sa káca ŋkwaɓ naka aka ata ma anta. 8Hune Yahudu ege, Gazlavay a gwarzamata hejəye aza ata lamac, ca, hune lamza ma anta səkwaw ca, mavəday vemey?»
9«Sa, a ha naka, sa kédeŋza ŋ gayza zlam Yesu ɗala Nasaratu aza, a werwer ege vedəye vedəye. 10Ara səkan ŋghe, ana maa sa la aza ŋ Urusaləyma. Madakal dakal mala kwakwas ege əy képelzekey taf ŋ nahzata hejəye ma lamza ma mala Gazlavay aza ege vəram ŋ daŋgay. Mada əy kéjetene guma ma ata jata aza ca, sa kalamza yam. 11Sa kanda a ujek ma ata rak Gazlavay mala Yahudu ege tewtew ŋ setene gef ŋ hejəye ma lamza ma mala Gazlavay aza ege, ŋ letene kulakw əy maraɓa zlam Yesu. Cemey, unaf kéghweɗekey aza mambaza ata tata, sa kásəbarata hwas ŋ uzam ma ata mbəlam ege vedəye vedəye.»
Pawl a ghwalza maa a lamza ma mala Bay Madakal aza
12«Ana ebe ŋghe, a pes wende aka, sa kanda ŋ uzam Damas. Ara madakal dakal mala kwakwas ege əy ma leɓzekey zlaɓa ɗerewel asa ra ma ata pelzekey taf ŋ mbalata hejəye ma lamza ma mala Gazlavay aza ege. 13Bay naka Agarəypa, maa sa ata taf tete pes wereywerey ca, sa gəre leweɗ a weɗha aka mgba ata uzlaf day aha leweɗ mala pes, a weɗ ata sa zlaɓa hejəye ma kesəberekey ege. 14A təwse, nene ndav tewtew ŋcene ata hayak. Kəɗe ca, sa zləme ula ɗala a kezlepekey a ma Əybəranəyŋkaw ege, a ŋgaya: “Sawl, Sawl hwa sekey gef ŋ vay? Hwa kaŋgwav ha ŋkwa ka bəse ana zla ma kasləkar zlambay mala mba njəwen.” 15A təwse ca, sa ɗawza, sa ya: “Hwa vayay, Bay Madakal?” Aya Bay Madakal wese a zenekey, a ŋgaya: “Sa ca, sa Yesu maa hwa kesene gef wese. 16Cemey, gwarzam, gar aka. Sa ghwalahwaw kusam ca, mavəday sa kámayahwaw aza ŋ la a mala zlan naka. Hwa neghwelzetene maa hwa gərekey a tambaca ŋgha ŋ hejəye leŋ səkan maa sa kanaghwalzahwaw ege zeney. 17Sa nalaɓzahwaw kəɗe ara hejəye ŋkwa ege leŋ ara hejəye vedəye, sa nerehzahwaw aza ata səkan dadawar ege maa əy kanalahwaw. 18Hwa nezlerzetene nje tata ege aza, hwa nadamata aza ŋ kuzle kəɗe ata la ma keweɗ. Hwa nerehzata aza asa ra Sayɗanu kəɗe ara Gazlavay, ndar əy lemzekey ŋ unaf tata ege, əy lem lapal gay tata ege aza leŋ lanja ŋ taba hejəye mala Gazlavay ege.”»
Pawl a zlap ata zlan anta
19«Ana ebe ŋghe, bay naka Agarəypa, mar aka a pes wese ca, səkan maa Gazlavay a ghwelekey ta ŋ mgba ata uzlaf wese ca, sa káyakza ka ŋ səbar askwaw. 20Cemey, sa ghwelzetene zlap Gazlavay mpar ca, ŋ hejəye ma ŋ Damas ege leŋ hejəye ma ŋ Urusaləyma ege, a dəwze anta, ŋ hejəye ma ŋ hayak Yahudəya ege tewtew, a zeney ŋ hejəye ma tata Yahudu ege səkwaw. Sa zlepetene, sa ya: “Hune jene mbahw ŋ Gazlavay, hune bawza lanja ŋkune ege aza, hune la səkan ma taŋtaŋ ŋ ghwalza ca, hune kábaw ŋkune njenjəwen.” 21Ana ebe ŋghe, Yahudu ege əy mbelekey a ujek kwakwas mavəday anta, əy ɗaw ŋ jekey aza. 22Aya, ha hwas a tambaca, Gazlavay a kehəberekey, sa kaghwalza zlap anta a tama hejəye tewtew, kaw ŋ madakal dakal ege, kaw ŋ hejəye vedəye vedəye tewtew. Cemey, sa ghwal ca, səy zlap maa uzəye ma zlap ma mala Gazlavay ege leŋ Musa əy zlap ata səkan ma kanalaha, maa əy ŋgaya: 23“Almasəyhu a nasa gef, a nagwarzamha aza mpar ŋ taba hejəye ma mac tata ege, ŋ ghwalza leweɗ mala lereh mala Gazlavay ŋ Yahudu ege leŋ ŋ hejəye ma tata Yahudu ege səkwaw”.»
Pawl a zlepene ŋ bay Agarəypa ŋ lamza ma mala Yesu
24Aya, maa Pawl a kaghwalza ma ma ata ha anta aza ana ebe ŋghe ca, Festus a ja ula, a ŋgaya: «Pawl, hwa kawak! Lasan səkan ŋkwa ma dakala ŋghe ca, kábawzakwaw ŋkwaɓ aza.»
25Cemey, Pawl a zenene, a ŋgaya: «Bay madakal naka Festus, sa kawak askwaw! Ma maa sa kazlap ŋghe ca, ara ma ma njenjəwen, ma a heɗe a heɗe. 26Bay Agarəypa a ha anta, a kasan ma anta, mavəday anta sa kazlap a tama anta kaw a lalak askwaw. Sa kasan njenjəwen ca, səkan ŋghe anta ege tewtew, a kasanata. Səkan anta ege əy laha ca, maɓahaɓah səkwaw, cemey, ata nje hejəye. 27Bay naka Agarəypa, hwa kálamza ma mala uzəye ma zlap ma mala Gazlavay ege aza vaw? Ayaw, sa kasan njenjəwen, hwa kalamza ma tata aza.» 28Aya, bay Agarəypa a zenene ŋ Pawl, a ŋgaya: «Hwa ulakza ca, hwa kula ŋ bewzekey aza ŋ ɗala mala Almasəyhu kəcaŋ ende ŋghe tew vaw?» 29Pawl a zenene, a ŋgaya: «Kaw kəcaŋ ende ŋghe, kaw kəcaŋ ende ŋghe səkwaw ca, sa karak Gazlavay, ndar hwa, zlaɓa hejəye ma ketehzekey zlam a tambaca ege tewtew, hune baw ŋkune ana sa. Cemey, əy ɗaw ŋ jawahune a sesele ana maa əy jewekey ŋghe səkwaw.»
30Aya, ata bay Agarəypa ey mambal hayak leŋ Bernəyke ey hejəye ma ara tata ege tewtew əy gwarzam, 31əy nda tata. Əy kazlap ara, əy ŋgaya: «Heje ŋghe anta ca, kaw kála gay ma ata ja aza, askwaw ca, ma ata nahza ŋ daŋgay ca, askwaw.» 32A dəwze anta ca, bay Agarəypa a zlepene ŋ Festus, a ŋgaya: «Keɗe heje ŋghe anta káɗaw taf ma ata jene guma ara bay madakal mala hayak Rawma askwaw ca, heje kula aza ŋ palza ka.»
ទើបបានជ្រើសរើសហើយ៖
Zlan mala malaɓ ege 26: BHS
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 CABTAL
Zlan mala malaɓ ege 26
26
Pawl a ghwal ma ma ata ha anta a tama bay Agarəypa
1Bay Agarəypa, a zlepene ŋ Pawl, a ŋgaya: «Sa kápalzahwaw taf aza, ghwalza ma ma ata ha ŋkwa.» Aya, Pawl a kafza ra anta, a ghwalza ma ma ata ha anta, a zlap a ŋgaya: 2«Bay Agarəypa, sa kasasam dakala a tambaca a tama ŋkwa ŋ ghwalza ma ma ata ha naka, ata ma maa Yahudu ege əy ŋkəɗewekey tewtew. 3Mavəday hwa ca, hwa kasan kwakwas mala Yahudu ege kadak kadak leŋ laja səbakw tata ege. Mbahw, sa karakahwaw, tehzekey zlam kadak kadak.»
4«Yahudu ege tewtew əy kasan lanja naka, mar aka maa sa mbaw ŋ taba hejəye naka ege leŋ ŋ Urusaləyma. 5Əy kesenekey zlezle. Mada əy kaɗaw ca, əy kula ŋ ghwalza ma ma ata sa aza, sa kásəbar taf kwakwas ŋcene Farəysa ege, taf kwakwas ma pa ŋ ɓarɓar. 6Əy ŋkəɗewekey na ŋgha ca, mavəday sa káca ŋkwaɓ naka aka ata ma maa Gazlavay a ŋkenetene ŋ jeje ŋcene ege ma zlezle. 7Ŋseŋ ŋcene ege wam aha gbak tata, əy káca ŋkwaɓ tata ege aka ata ma maa Gazlavay a zlap ŋ veletene ŋ jeje ŋcene ma a nuna anta ege wese yam. Əy kahəmanza Gazlavay zaɗaw ey pes, kaw bəlew anta askwaw. Bay naka Agarəypa, Yahudu ege əy ŋkəɗewekey ca, mavəday sa yam, sa káca ŋkwaɓ naka aka ata ma anta. 8Hune Yahudu ege, Gazlavay a gwarzamata hejəye aza ata lamac, ca, hune lamza ma anta səkwaw ca, mavəday vemey?»
9«Sa, a ha naka, sa kédeŋza ŋ gayza zlam Yesu ɗala Nasaratu aza, a werwer ege vedəye vedəye. 10Ara səkan ŋghe, ana maa sa la aza ŋ Urusaləyma. Madakal dakal mala kwakwas ege əy képelzekey taf ŋ nahzata hejəye ma lamza ma mala Gazlavay aza ege vəram ŋ daŋgay. Mada əy kéjetene guma ma ata jata aza ca, sa kalamza yam. 11Sa kanda a ujek ma ata rak Gazlavay mala Yahudu ege tewtew ŋ setene gef ŋ hejəye ma lamza ma mala Gazlavay aza ege, ŋ letene kulakw əy maraɓa zlam Yesu. Cemey, unaf kéghweɗekey aza mambaza ata tata, sa kásəbarata hwas ŋ uzam ma ata mbəlam ege vedəye vedəye.»
Pawl a ghwalza maa a lamza ma mala Bay Madakal aza
12«Ana ebe ŋghe, a pes wende aka, sa kanda ŋ uzam Damas. Ara madakal dakal mala kwakwas ege əy ma leɓzekey zlaɓa ɗerewel asa ra ma ata pelzekey taf ŋ mbalata hejəye ma lamza ma mala Gazlavay aza ege. 13Bay naka Agarəypa, maa sa ata taf tete pes wereywerey ca, sa gəre leweɗ a weɗha aka mgba ata uzlaf day aha leweɗ mala pes, a weɗ ata sa zlaɓa hejəye ma kesəberekey ege. 14A təwse, nene ndav tewtew ŋcene ata hayak. Kəɗe ca, sa zləme ula ɗala a kezlepekey a ma Əybəranəyŋkaw ege, a ŋgaya: “Sawl, Sawl hwa sekey gef ŋ vay? Hwa kaŋgwav ha ŋkwa ka bəse ana zla ma kasləkar zlambay mala mba njəwen.” 15A təwse ca, sa ɗawza, sa ya: “Hwa vayay, Bay Madakal?” Aya Bay Madakal wese a zenekey, a ŋgaya: “Sa ca, sa Yesu maa hwa kesene gef wese. 16Cemey, gwarzam, gar aka. Sa ghwalahwaw kusam ca, mavəday sa kámayahwaw aza ŋ la a mala zlan naka. Hwa neghwelzetene maa hwa gərekey a tambaca ŋgha ŋ hejəye leŋ səkan maa sa kanaghwalzahwaw ege zeney. 17Sa nalaɓzahwaw kəɗe ara hejəye ŋkwa ege leŋ ara hejəye vedəye, sa nerehzahwaw aza ata səkan dadawar ege maa əy kanalahwaw. 18Hwa nezlerzetene nje tata ege aza, hwa nadamata aza ŋ kuzle kəɗe ata la ma keweɗ. Hwa nerehzata aza asa ra Sayɗanu kəɗe ara Gazlavay, ndar əy lemzekey ŋ unaf tata ege, əy lem lapal gay tata ege aza leŋ lanja ŋ taba hejəye mala Gazlavay ege.”»
Pawl a zlap ata zlan anta
19«Ana ebe ŋghe, bay naka Agarəypa, mar aka a pes wese ca, səkan maa Gazlavay a ghwelekey ta ŋ mgba ata uzlaf wese ca, sa káyakza ka ŋ səbar askwaw. 20Cemey, sa ghwelzetene zlap Gazlavay mpar ca, ŋ hejəye ma ŋ Damas ege leŋ hejəye ma ŋ Urusaləyma ege, a dəwze anta, ŋ hejəye ma ŋ hayak Yahudəya ege tewtew, a zeney ŋ hejəye ma tata Yahudu ege səkwaw. Sa zlepetene, sa ya: “Hune jene mbahw ŋ Gazlavay, hune bawza lanja ŋkune ege aza, hune la səkan ma taŋtaŋ ŋ ghwalza ca, hune kábaw ŋkune njenjəwen.” 21Ana ebe ŋghe, Yahudu ege əy mbelekey a ujek kwakwas mavəday anta, əy ɗaw ŋ jekey aza. 22Aya, ha hwas a tambaca, Gazlavay a kehəberekey, sa kaghwalza zlap anta a tama hejəye tewtew, kaw ŋ madakal dakal ege, kaw ŋ hejəye vedəye vedəye tewtew. Cemey, sa ghwal ca, səy zlap maa uzəye ma zlap ma mala Gazlavay ege leŋ Musa əy zlap ata səkan ma kanalaha, maa əy ŋgaya: 23“Almasəyhu a nasa gef, a nagwarzamha aza mpar ŋ taba hejəye ma mac tata ege, ŋ ghwalza leweɗ mala lereh mala Gazlavay ŋ Yahudu ege leŋ ŋ hejəye ma tata Yahudu ege səkwaw”.»
Pawl a zlepene ŋ bay Agarəypa ŋ lamza ma mala Yesu
24Aya, maa Pawl a kaghwalza ma ma ata ha anta aza ana ebe ŋghe ca, Festus a ja ula, a ŋgaya: «Pawl, hwa kawak! Lasan səkan ŋkwa ma dakala ŋghe ca, kábawzakwaw ŋkwaɓ aza.»
25Cemey, Pawl a zenene, a ŋgaya: «Bay madakal naka Festus, sa kawak askwaw! Ma maa sa kazlap ŋghe ca, ara ma ma njenjəwen, ma a heɗe a heɗe. 26Bay Agarəypa a ha anta, a kasan ma anta, mavəday anta sa kazlap a tama anta kaw a lalak askwaw. Sa kasan njenjəwen ca, səkan ŋghe anta ege tewtew, a kasanata. Səkan anta ege əy laha ca, maɓahaɓah səkwaw, cemey, ata nje hejəye. 27Bay naka Agarəypa, hwa kálamza ma mala uzəye ma zlap ma mala Gazlavay ege aza vaw? Ayaw, sa kasan njenjəwen, hwa kalamza ma tata aza.» 28Aya, bay Agarəypa a zenene ŋ Pawl, a ŋgaya: «Hwa ulakza ca, hwa kula ŋ bewzekey aza ŋ ɗala mala Almasəyhu kəcaŋ ende ŋghe tew vaw?» 29Pawl a zenene, a ŋgaya: «Kaw kəcaŋ ende ŋghe, kaw kəcaŋ ende ŋghe səkwaw ca, sa karak Gazlavay, ndar hwa, zlaɓa hejəye ma ketehzekey zlam a tambaca ege tewtew, hune baw ŋkune ana sa. Cemey, əy ɗaw ŋ jawahune a sesele ana maa əy jewekey ŋghe səkwaw.»
30Aya, ata bay Agarəypa ey mambal hayak leŋ Bernəyke ey hejəye ma ara tata ege tewtew əy gwarzam, 31əy nda tata. Əy kazlap ara, əy ŋgaya: «Heje ŋghe anta ca, kaw kála gay ma ata ja aza, askwaw ca, ma ata nahza ŋ daŋgay ca, askwaw.» 32A dəwze anta ca, bay Agarəypa a zlepene ŋ Festus, a ŋgaya: «Keɗe heje ŋghe anta káɗaw taf ma ata jene guma ara bay madakal mala hayak Rawma askwaw ca, heje kula aza ŋ palza ka.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 CABTAL