Rúkasa 21
21
Mómí ra kúsú ra ókótó
1Naáté yá yanje yá Irɔŋgɔ, Yésusu a ma núné na kɔ́ŋgɔ́ raá kó a ma ená mbútí rá vato yó endá eréenana mómí na pandó éjé vá ma ré vaána mómí. 2Kó a ma ená hónó kúsú ra okótó ka timbaana yo enda eréena vipkama vyá mwení vívé íví ka na mpí mbunu. 3Yésusu a ma járá anáá: Na vatɔ́ɔ́tɔ́, na vatɔ́ɔ́tɔ́, ŋgo nó ojánámó anáá owora wa kúsú ra ókótó ejé e mó eréena otómbá vato bimé ávámó. 4Esené vato bimé ává vá mó eréena, vá mó eréena ŋgava éjé na máná na até éyé vá tímbámó, kó ómwané ójó a jámámó wimé, a mó eréena wimé ówó a mó tímbe anáá a sɔ́tɔ́ nowó. 5Na nimé raá, vato vá katé vásámána yanje yá Irɔŋgɔ vá járá anáá yanje mwané é nyémámó na vesi vá atááné kó na vesi vá mótéé ává vato vá katé eréenana anáá vá haá yanje mwané. Kó Yésusu a ma járá nawó anáá: 6Wimé ówó no enámó omówo, metúú má né urámó ámá wandá wó ta né ne rií hɔ́rɔ́, tɔɔ itááné númwéesií na máná ra sɔ́ɔ́.
Vitɔɔ na itúúríyé
7Vato vá ma súsé Yésusu anáá: «Oyéere, itíndíkáná ijaté mamba mwané má né jinámó? Ndeme ejaté ejé to no enámó anáá to ijímé anáá mamba mwané má etá berebe na wéŋgavena?» 8Yésusu a ma wó wundíyé anáá: Kéríkyáno, no teŋge no mice anáá vá no jenye, esene éyé eyé ombunu rá vato o me urámó na ebérááná yámé vá járá anáá: «Noó kójo Irɔŋgɔ a ma ijátá, kó itíndíkáná yó etá berebe, vinó ka wó byɔ́ɔnɔ.» 9Ará no né ovámó vá járá maró má vitá, na induutana, no ta eŋgá no buwana, wimana omówo o geremenámó omana húmé. Wo je rií anáá mamana ma cí me tené húmé kwa kwa hɔ́rɔ́. 10Yésusu a ma járá hée nawó anáá: Noyɔŋɔ nómó a ne nubaanámó na noyɔŋɔ e nemó, edɔŋgɔ émó na edɔŋgɔ e ye mó. 11Cí e mó nónoŋgórámó, kó na ombunu rá pandó njeŋge na vikané vyá manɔ́ mó mó riyámó ɔ́wɔ́. Nó mo enámó vikáné vyá ndeme na máná kó vato vá no tínámó mbunu.
Ate éyé é né húmánámó vihoóhóná vyá Yésusu
12Wo je rií anáá, hɔrɔ́ mamba amáma má árɔ́wɔ́ ka eŋgavena, vá né nó ambaanámó, otúúrye ávámó, osɔ́mɔ́nɔ ávámó na vagónó ává na byanje vyá mbásóóríyé ukú ójó anáá vá nó jósye, kó vá né nɔmó ávámó na mboo, kó no ne endámó jósyé na aŋgísó rá va njwé na vagónó vá mahumu na wusó wá ebéráána yámé. 13Ɔ́wɔ́, o ne eŋgámó anáá no rií vátisíye vámé. 14Vaáno na múnú má vinó anáá no ta geréméná okomesana até eyé no né járámó na jósí ukú ójó anáá no váháŋgána. 15Esené eyé anáá noó máté ŋgo ne o no eréénámó vipeŋgé kó na peyɔ ombótá ojó anáá vambémbená vá vinó vá te ne petaana na vinó ítɔɔ o nó wundiye wandá. 16Tɔɔ tyó na nweéti, va nɔvéne vá vinó, vijíjíyé vyá vinó, kó va mbérá vá vinó vá né nó sérámó, kó mbunu ojó na vinó o ne gwámó 17Vato bimana vá né nó bénámó ná wusó wá ebérááná yá mé. 18Wó je rií anáá tɔɔ kító emwésií ejé ná ucé rá vinó e ta mó daŋgá. 19No me timbámó esɔ́tɔ́ na wusó wá imenewe rá vinó.
Até éyé é nó jinámó na Yérúsaráme
20Ará no me enámó vabyá vikperé, vá iŋgiritiye oŋgórá rá Yérúsaráme, vinó ojembe anáá itíndíkáná rá osasona yé húmé. 21Itindikana mwané, ává vá mo ryámó ná Yudé vá me gérémenámó obɔ́nɔ́nɔ na eŋgéné, ává vá me ryámó naáté yá oŋgórá vá me géremenámó we urikyé káá ává vá me ryámó na nimé rá edɔŋgɔ ka héyá wiŋgáána na oŋgórá. 22Náná kówo o omó itíráná ná va mwáŋ mwáŋ wá vakárate anáá metúú mwané Irɔŋgɔ a mo eréenámó neyómó naá pwénísi 23Noóŋgó na vakótó ává vá mó riyámó na vaná ná embúmu na ava vá mó ríyámó na unwíyé ówó vaná na itíndíkáná mwané, metúú mwané, urúndú rá Irɔŋgɔ omo sísánámó ná edɔŋgɔ mwané kó vato ává wɔ́ɔ́ vá me timbaanámó ná makáná mbunu. 24Vá mó wó o námó na mwaápánó mwá vitá, ávámó vá me owó ambaanámó na ŋgúru wenda nawó na byanje vyá mboo na vidɔŋgɔ bimé, vato ává vá ta jembé Irɔŋgɔ vá mó me natyánámó ohúmé ame itíndíkáná mwané i me mánámó.
Wuré wá Mwaná moto
25Ndeme í mó ryámó ná oŋgóná, ná ohé kó ná mokekéní. Na cí, masisí na wokótó mo me ambaanámó mayɔŋɔ mimé ámá na cí ra ndono esene éyé anáá maŋá e mó me eŋgámó ekáné yá iduŋgu na ombúkíyé ráa. 26Wokótó wó mó onámó vato ará vá mó buŋgámó ate eyé ené eŋgevenámó ná cí iŋgimé esene éyé anáá ŋgúru ijí na máná i ne bébaŋgámó. 27Kó vá me enámó Mwaná moto a enda uré naáté yá eyásá yá máná a rií táásé na ŋguru kó na ekáné yá niimí. 28Ará mamba mwané má mó késyámó anáá má eŋgávena, vinó o vágánona kaá otírímiye ucé, esene éyé Irɔŋgɔ a mó riyámó a etá berebe anáá a nó atá.
Wuré wá tamba ra Irɔŋgɔ
29Yésusu a ma wɔ́rɔ́ ndeme aye nawó anáá: «Néménáno mpaŋganá na marété amámó, 30Ará má késyámó otɔ́ twané, vinó maté no jembámó anáá itíndíkáná íjí wusi yó jíne. 31Náná kówo vinó hónó ará no mó enámó mamba maté má eŋgávena, vinó ojembe anáá tamba ra Irɔŋgɔ yo etá berebe. 32Na vatɔ́ɔ́tɔ́, na vatɔ́ɔ́tɔ́ ŋgo nó ojánámó anáá, mamba mwané má mó éŋgávenámó hɔ́rɔ́ ebondéná eyé wusí owó yimé yó arɔ́wɔ́ ka mana na nugwé. 33Máná na cí mó mó tómbámó, wó je rií anáá vipéŋgé vyámé ví ta mó tómbá.»
Mwaná moto a mó urámó itíndíkáná íjí moto a ta mó me gíré
34Yésusu a ma endá na wusó na enjárá aye na vihoóhóná vyáá anáá: «Kéríkyáno! Vinó ka túmbyé itíndíkáná rá vinó íŋgímé na mamba ámá má eŋgámó anáá no déŋgyé pé ra Irɔŋgɔ ámó wéŋga ówó vibínó, obómána ówó mɔwɔ́, kó obuŋgana ówó esɔ́tɔ́ yá vinó, mamba na meŋgí wuré wá Mwaná moto wó nó bwíiye. 35Sɛ́ɛm ámó mbúnjé, isí mwané é mó bwíiyámó vato bimé ává na cí. 36Vinó ka enda tonó, vásóóríyámáno itíndíkáná íŋgímé ombótá ójó anáá no pamba na mamba mimé ámá má né eŋgavenámó, índi no timbe makevikye no térémena na wusó wá Mwaná moto.»
37Yésusu a ma ré túmbíye mesí na yanje yá Irɔŋgɔ, a yeére vato kó a ma ré enda túmbíye metúú na yene rá orívyá. 38Ibeesí yimé, vato bimé vá ma ré urána na yanje yá Irɔŋgɔ na ondo me vátɔ́rɔ́.
ទើបបានជ្រើសរើសហើយ៖
Rúkasa 21: tii
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024, CABTAL
Rúkasa 21
21
Mómí ra kúsú ra ókótó
1Naáté yá yanje yá Irɔŋgɔ, Yésusu a ma núné na kɔ́ŋgɔ́ raá kó a ma ená mbútí rá vato yó endá eréenana mómí na pandó éjé vá ma ré vaána mómí. 2Kó a ma ená hónó kúsú ra okótó ka timbaana yo enda eréena vipkama vyá mwení vívé íví ka na mpí mbunu. 3Yésusu a ma járá anáá: Na vatɔ́ɔ́tɔ́, na vatɔ́ɔ́tɔ́, ŋgo nó ojánámó anáá owora wa kúsú ra ókótó ejé e mó eréena otómbá vato bimé ávámó. 4Esené vato bimé ává vá mó eréena, vá mó eréena ŋgava éjé na máná na até éyé vá tímbámó, kó ómwané ójó a jámámó wimé, a mó eréena wimé ówó a mó tímbe anáá a sɔ́tɔ́ nowó. 5Na nimé raá, vato vá katé vásámána yanje yá Irɔŋgɔ vá járá anáá yanje mwané é nyémámó na vesi vá atááné kó na vesi vá mótéé ává vato vá katé eréenana anáá vá haá yanje mwané. Kó Yésusu a ma járá nawó anáá: 6Wimé ówó no enámó omówo, metúú má né urámó ámá wandá wó ta né ne rií hɔ́rɔ́, tɔɔ itááné númwéesií na máná ra sɔ́ɔ́.
Vitɔɔ na itúúríyé
7Vato vá ma súsé Yésusu anáá: «Oyéere, itíndíkáná ijaté mamba mwané má né jinámó? Ndeme ejaté ejé to no enámó anáá to ijímé anáá mamba mwané má etá berebe na wéŋgavena?» 8Yésusu a ma wó wundíyé anáá: Kéríkyáno, no teŋge no mice anáá vá no jenye, esene éyé eyé ombunu rá vato o me urámó na ebérááná yámé vá járá anáá: «Noó kójo Irɔŋgɔ a ma ijátá, kó itíndíkáná yó etá berebe, vinó ka wó byɔ́ɔnɔ.» 9Ará no né ovámó vá járá maró má vitá, na induutana, no ta eŋgá no buwana, wimana omówo o geremenámó omana húmé. Wo je rií anáá mamana ma cí me tené húmé kwa kwa hɔ́rɔ́. 10Yésusu a ma járá hée nawó anáá: Noyɔŋɔ nómó a ne nubaanámó na noyɔŋɔ e nemó, edɔŋgɔ émó na edɔŋgɔ e ye mó. 11Cí e mó nónoŋgórámó, kó na ombunu rá pandó njeŋge na vikané vyá manɔ́ mó mó riyámó ɔ́wɔ́. Nó mo enámó vikáné vyá ndeme na máná kó vato vá no tínámó mbunu.
Ate éyé é né húmánámó vihoóhóná vyá Yésusu
12Wo je rií anáá, hɔrɔ́ mamba amáma má árɔ́wɔ́ ka eŋgavena, vá né nó ambaanámó, otúúrye ávámó, osɔ́mɔ́nɔ ávámó na vagónó ává na byanje vyá mbásóóríyé ukú ójó anáá vá nó jósye, kó vá né nɔmó ávámó na mboo, kó no ne endámó jósyé na aŋgísó rá va njwé na vagónó vá mahumu na wusó wá ebéráána yámé. 13Ɔ́wɔ́, o ne eŋgámó anáá no rií vátisíye vámé. 14Vaáno na múnú má vinó anáá no ta geréméná okomesana até eyé no né járámó na jósí ukú ójó anáá no váháŋgána. 15Esené eyé anáá noó máté ŋgo ne o no eréénámó vipeŋgé kó na peyɔ ombótá ojó anáá vambémbená vá vinó vá te ne petaana na vinó ítɔɔ o nó wundiye wandá. 16Tɔɔ tyó na nweéti, va nɔvéne vá vinó, vijíjíyé vyá vinó, kó va mbérá vá vinó vá né nó sérámó, kó mbunu ojó na vinó o ne gwámó 17Vato bimana vá né nó bénámó ná wusó wá ebérááná yá mé. 18Wó je rií anáá tɔɔ kító emwésií ejé ná ucé rá vinó e ta mó daŋgá. 19No me timbámó esɔ́tɔ́ na wusó wá imenewe rá vinó.
Até éyé é nó jinámó na Yérúsaráme
20Ará no me enámó vabyá vikperé, vá iŋgiritiye oŋgórá rá Yérúsaráme, vinó ojembe anáá itíndíkáná rá osasona yé húmé. 21Itindikana mwané, ává vá mo ryámó ná Yudé vá me gérémenámó obɔ́nɔ́nɔ na eŋgéné, ává vá me ryámó naáté yá oŋgórá vá me géremenámó we urikyé káá ává vá me ryámó na nimé rá edɔŋgɔ ka héyá wiŋgáána na oŋgórá. 22Náná kówo o omó itíráná ná va mwáŋ mwáŋ wá vakárate anáá metúú mwané Irɔŋgɔ a mo eréenámó neyómó naá pwénísi 23Noóŋgó na vakótó ává vá mó riyámó na vaná ná embúmu na ava vá mó ríyámó na unwíyé ówó vaná na itíndíkáná mwané, metúú mwané, urúndú rá Irɔŋgɔ omo sísánámó ná edɔŋgɔ mwané kó vato ává wɔ́ɔ́ vá me timbaanámó ná makáná mbunu. 24Vá mó wó o námó na mwaápánó mwá vitá, ávámó vá me owó ambaanámó na ŋgúru wenda nawó na byanje vyá mboo na vidɔŋgɔ bimé, vato ává vá ta jembé Irɔŋgɔ vá mó me natyánámó ohúmé ame itíndíkáná mwané i me mánámó.
Wuré wá Mwaná moto
25Ndeme í mó ryámó ná oŋgóná, ná ohé kó ná mokekéní. Na cí, masisí na wokótó mo me ambaanámó mayɔŋɔ mimé ámá na cí ra ndono esene éyé anáá maŋá e mó me eŋgámó ekáné yá iduŋgu na ombúkíyé ráa. 26Wokótó wó mó onámó vato ará vá mó buŋgámó ate eyé ené eŋgevenámó ná cí iŋgimé esene éyé anáá ŋgúru ijí na máná i ne bébaŋgámó. 27Kó vá me enámó Mwaná moto a enda uré naáté yá eyásá yá máná a rií táásé na ŋguru kó na ekáné yá niimí. 28Ará mamba mwané má mó késyámó anáá má eŋgávena, vinó o vágánona kaá otírímiye ucé, esene éyé Irɔŋgɔ a mó riyámó a etá berebe anáá a nó atá.
Wuré wá tamba ra Irɔŋgɔ
29Yésusu a ma wɔ́rɔ́ ndeme aye nawó anáá: «Néménáno mpaŋganá na marété amámó, 30Ará má késyámó otɔ́ twané, vinó maté no jembámó anáá itíndíkáná íjí wusi yó jíne. 31Náná kówo vinó hónó ará no mó enámó mamba maté má eŋgávena, vinó ojembe anáá tamba ra Irɔŋgɔ yo etá berebe. 32Na vatɔ́ɔ́tɔ́, na vatɔ́ɔ́tɔ́ ŋgo nó ojánámó anáá, mamba mwané má mó éŋgávenámó hɔ́rɔ́ ebondéná eyé wusí owó yimé yó arɔ́wɔ́ ka mana na nugwé. 33Máná na cí mó mó tómbámó, wó je rií anáá vipéŋgé vyámé ví ta mó tómbá.»
Mwaná moto a mó urámó itíndíkáná íjí moto a ta mó me gíré
34Yésusu a ma endá na wusó na enjárá aye na vihoóhóná vyáá anáá: «Kéríkyáno! Vinó ka túmbyé itíndíkáná rá vinó íŋgímé na mamba ámá má eŋgámó anáá no déŋgyé pé ra Irɔŋgɔ ámó wéŋga ówó vibínó, obómána ówó mɔwɔ́, kó obuŋgana ówó esɔ́tɔ́ yá vinó, mamba na meŋgí wuré wá Mwaná moto wó nó bwíiye. 35Sɛ́ɛm ámó mbúnjé, isí mwané é mó bwíiyámó vato bimé ává na cí. 36Vinó ka enda tonó, vásóóríyámáno itíndíkáná íŋgímé ombótá ójó anáá no pamba na mamba mimé ámá má né eŋgavenámó, índi no timbe makevikye no térémena na wusó wá Mwaná moto.»
37Yésusu a ma ré túmbíye mesí na yanje yá Irɔŋgɔ, a yeére vato kó a ma ré enda túmbíye metúú na yene rá orívyá. 38Ibeesí yimé, vato bimé vá ma ré urána na yanje yá Irɔŋgɔ na ondo me vátɔ́rɔ́.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024, CABTAL