Rúkasa 20
20
Haní owo ijwé ra Yésusu ye uramo
1Isí emó, Yésusu a katé yeére vato naáté yá yanje yá Irɔŋgɔ, a wunde woja Usi wa cómó. Vagónó vá vacekiye mómí, vayéere vá mbéndɔ́ orɔŋgɔ na vagónó vá vato vá ma endá urána. 2Vá ma járá naá anáá: «Na ukúkú ra ŋguru ejaté kówo wo eŋgámó mamba amáma mimé, áné kójo a ma wo hwá ŋguru mwané.» 3Yésusu a ma járá nawó anáá: Noó hónó ŋge ne susámó anáá no ŋgojana, 4ará nduwáná ra Yohánese e ma endá uré: «Ye na Irɔŋgɔ, kee na vato?» 5Ko vá buŋganamo vá jarámó vamwané na va mwané anáá: «Ŋge te a járá náá anáá e ma endá uré na Irɔŋgɔ a waŋgamo we eŋga na viso anáá na wusó owate kówo no ta ma me atɔ́wɔ? 6Te ará jará anáá e ma endá uré na vato, vato ává bime vá waŋgamo o se nɔana atááne esene éyé eye anáá vá búŋganámó anáá Yohánese a ma ríí ahúmíye maró wa Irɔŋgɔ.» 7Ko vá ma wundíyé anáá vá ta jembé homó ówó nduwáná mwané e ma endá uré. 8Yésusu a járámó nawó anáá: «Noó hónó te a ne ojáná na ŋguru ra moto ojó ŋge eŋgamo motéé mwané.»
Nkana ra vambé wa vá teŋga mɔɔwɔ
9Na nime raá, Yésusu a ma kwenamo vato nkana eje anáá: Moto omo a ma wute apúú rá mnaná wa werete owó we ereenamo mɔɔwɔ. A ereenamo va teŋga anáá vá beeri. Ko ómwané a endamo na oŋgendɔ ojó a ne endamo uririí teete. 10Ará itíndíkáná rá mebuwe í ma húmé, kó moto wa apúú a ma tómá yeŋga manɔnɔwɔ yáá emó anáá yó endá me wɔréna taŋgo raá ra nobota na vá teŋga. Kó vateŋga vá ma ambááná yeŋga manɔnɔwɔ eméye, o me gite na wonywa, o me gúné ka me hwá wandá. 11Moto wa apúú a tomamo hée yeŋga manɔnɔwɔ yáá edye, omojo hónó vá ma me indáána na vikute, o mo seyá o me guné, ka me ohwá wandá. 12Moto a ma tomá yeŋga manɔnɔwɔ yáá índyé éye na vato vátátó, omojo vá ma mo amweena kaá o mo guné. 13Moto wa apúú a járámó anáá ŋgo eŋgámó twiiní ará? Ayáá tomamo mwaná we ame ojó cákámó odiŋge, yɔŋsi ómwané vá waŋgamo o mo mití. 14Wó je rií anáá ará vateŋga mɔɔwɔ́ va ma mo ena a nde uré, vá járámó vamwané na vamwané anáá: «Mwana wa biínde ojó uramo omojo ndɔkɔ te omoná kaá apúú a rií a ra visó. 15Kó vá ma me nɔɔ́ na kɔŋgɔ rá apúú o me oná.
Kaá ate eye moto wa apúú a waŋgamo we eŋga nawó? 16Ará moto wa apúú a endamo uré a vaŋgamo we oná va teŋga amáva, owɔ́rɔ́ va andye o wó wáá na apúú.» Ará vato vá ma ová enjárá mate, kó vá eŋgamo anáá: «Mmbéndɔ́ wandá mwané otene húmé!» 17Yésusu a wó nemenamo na aŋgiso, kó a járámó nawó anáá: «Vipeŋge vyá enjárá íví tiré-tíré na kárate wa Irɔŋgɔ iví, ntimisana ráá emo né. Anáá itááne ene va háá byanje vá ma váráŋgá, itááne mwané ene no ma bunde itááne na otondo. 18Moto oŋgime ojó obamo na máná rá itááne mwané ane memanjamo, kó moto ojó itááne mwané ne mobenamo na notó ne no mogoramo.»
Oyáakana owo tasa ra Cesará
19Vayéere vá mbéndɔ́ na vagónó vá vacekiye mómí vá ma ijime anáá Yésusu a ma kwé nkana mwané na wuso we awó, kó vá katé sɔsɔ anáá vá me ambaana kó vá ma tine vato. 20Vá ma késyé sɔ́ okwesye Yésusu, kó vá ma omo tómená vato ává vá eŋgámó ámó vato ává vá amo ndíŋgirííŋ. Vato mwané vá kate odiŋge anáá vá ambaana Yésusu na itambó, na ate eye avaŋgamo ojárá, ombótá ojó anáá vá enda naá na ŋgɔ́mɔnɔ índi ŋgɔ́mɔnɔ a me josyé. 21Kó vá ma járá naá anáá: Oyeére to ijímamo anáá até éyé o járámó na até éyé o yeéramo é ámó vatɔ́ɔ́tɔ́, kó hónó o ta pyeeré vato, kó o yeérámó vatɔ́ɔ́tɔ́ na cɔ́téná éjé Irɔŋgɔ a diŋgámó. 22Ko vá me omosusamo anáá: «Mbéndɔ́ ra visó e járámó anáá to geremenámó oyááná tása na ogónó wa ahumu kee to ta geréméná oyáána?» 23Yésusu a ma ijíme anáá wó ámó itámbó kó a ma járá nawó anáá: 24Tíhíyámáno ekpama yá mwení, kaá aye nawó anáá: «Eheere na ebérááná éyé na ekpama yá mwéní eyé mó ámó mwá áné?» Vá ma wundíyé anáá: «Ó ámó eheere na ebérááná yá ŋgɔ́mɔnɔ ójó Césará.» 25Kó Yésusu a ma járá nawó anáá: «Eréénáno sɔɔ́ ogónó wa ahumu owo wó ámó na wusó wá ogónó wa ahumu, kó owo wó ámó na wusó wá Irɔŋgɔ, eréénáno Irɔŋgɔ.» 26Ko vá ta ma me ambaana na itámbó íjí vá ma me támbéná na até éyé a ma járá na aŋgísó rá vato, kó vá ma kémbyé otómbá obenda iŋgúté.
Cúcáná na wusó wá ehonowa yá vigwé
27Va Saduséne vá te atɔ́wɔ́ anáá: Vigwé ví mó háteenámó owunde o ne sɔ́tɔ́. Kó mámó vá ma keréná Yésusu, kó va ma me súsé anáá: 28Oyéere, Mósese a ma só tévéré anáá: Moto a timbé navéne a rií mbéná, kó a gwámó ka byáná mwaná na okótó waá, moto mwané obá kúsú rá navene anáá a bonda mbɔŋɔ na wuso wá navéne. 29Wó je rií anáá: «Vato vá ma rii va navéne barááto na omwesií, i va makesye a ma bá okótó, kó a gwámó kana mwaná. 30Ojo tii a bámó kúsú rá navene, kó ómwané hónó a ma gwé ka tye mwaná 31kaá ojomo ojó na vato vatátó, seme wa wandá, hwas na ává bime va ma gwaaná ka tye mwaná na ókótó omójó. 32Nanime raá kó okótó hónó a ma gwé. 33Na mamana a me ryámó ókótó wá ané, ará vigwé vimo hatenamo o wunde one sɔ́tɔ́, esene éyé a ma wóbá vá mwané bime baráató na omwesií.» 34Yésusu a ma járá na áwó anáá: Awa vá ováánámó na cí ra ndono ejé kava vá báánámó. 35Wó je rií anáá: Ava Irɔŋgɔ a ma atɔ́wɔ́ anáá va géremenámó owunde ohateena na raaté wá vigwé anáá vá tímbe esɔ́tɔ́ éyé yó urámó vá ta bááná. 36Esené eye anáá vá ámó ame va éŋgerese vá ta hítí one gwé hee, esene éyé eye anáá vá ámó vaná vá Irɔŋgɔ a mó wó hónona na nugwé. 37Mósese a ma tíhíye na mwaŋgaráŋ anáá: Vigwé ví mó wúndanámó na esɔ́tɔ́ ará a ma ojá oráŋá rá ikiti yá ihúwe éyé e ma ré rora naáté yá virémbé vyá ihyáné ihuwe ka hyá. Kó a ma berááná Okí anáá: Irɔŋgɔ wá Abaraháma, Irɔŋgɔ wá Isáka, kó Irɔŋgɔ wá Yákɔwɔ. 38Yésusu a ma járá anáá: «Irɔŋgɔ a ta mo Irɔŋgɔ wa vigwé, wó je rií anáá a ámó Irɔŋgɔ wa va hwene esene éyé eye anáá bimé vá hwenamo na wuso wáá.» 39Vayéere vá mbéndɔ́ vámó vá ma járá na Yésusu anáá: «O mo járá wusi oyeére.» 40Kó vá ta ma ne timbe nomendá ná o me súsé cúcáná.
Etómá yá Irɔŋgɔ nawó na Dáviti
41Yésusu a ma wo súsé anáá: Twiní kówo to hityámó we atɔ́wɔ anáá: Etómá yá Irɔŋgɔ a ámó na bɔŋɔ ra Dáviti. 42Esené eye anáá: «Dáviti mate a járámó na kárate waá wa esawo anáá:
Oki Irɔŋgɔ wame a ma járá na Oki wame anáá:
Úré ondo nuumana na ombɔɔ́ re ame rá enémé,
43ohume ame ŋgo ne ováámó va mbembena wɔ́ɔ́
na cí ra eŋgoró rɔɔ. 44Dáviti a me beráanamo anáá Okí waá, kó twini owo Etómá yá Irɔŋgɔ a ámó urií na bɔŋɔ ráá?»
Yésusu a ma járá na vihoóhóná vyáa anáá vá kéríkye na vayéere vá mbéndɔ́
45Yésusu a járámó na vihoóhóná vyáá na raate ra vato ává vá kate ome ohwéére anáá: 46«Vino okéríkye na vayéere vá mbéndɔ́, vá diŋgamo ova tihiye na vikana vyá mondúte, va diŋgamo anáá vato va wó vetiye na imiti na pandó rá mowonjá, kó vá núumanámó na indií ra jiní na byanje vyá mbasóóriye, kó hée na vibínó vyá manyá. 47Wó je rií anáá vá bɔɔnɔmo kúsú até éyé í tímbámó, vá réhyámó mbásóóríyé índi vato vá ená anáá vá ámó vesi. Vá mwané, Irɔŋgɔ a mó wó pwénísyámó mbunu otómbá vasɔ́ɔ́.»
ទើបបានជ្រើសរើសហើយ៖
Rúkasa 20: tii
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024, CABTAL
Rúkasa 20
20
Haní owo ijwé ra Yésusu ye uramo
1Isí emó, Yésusu a katé yeére vato naáté yá yanje yá Irɔŋgɔ, a wunde woja Usi wa cómó. Vagónó vá vacekiye mómí, vayéere vá mbéndɔ́ orɔŋgɔ na vagónó vá vato vá ma endá urána. 2Vá ma járá naá anáá: «Na ukúkú ra ŋguru ejaté kówo wo eŋgámó mamba amáma mimé, áné kójo a ma wo hwá ŋguru mwané.» 3Yésusu a ma járá nawó anáá: Noó hónó ŋge ne susámó anáá no ŋgojana, 4ará nduwáná ra Yohánese e ma endá uré: «Ye na Irɔŋgɔ, kee na vato?» 5Ko vá buŋganamo vá jarámó vamwané na va mwané anáá: «Ŋge te a járá náá anáá e ma endá uré na Irɔŋgɔ a waŋgamo we eŋga na viso anáá na wusó owate kówo no ta ma me atɔ́wɔ? 6Te ará jará anáá e ma endá uré na vato, vato ává bime vá waŋgamo o se nɔana atááne esene éyé eye anáá vá búŋganámó anáá Yohánese a ma ríí ahúmíye maró wa Irɔŋgɔ.» 7Ko vá ma wundíyé anáá vá ta jembé homó ówó nduwáná mwané e ma endá uré. 8Yésusu a járámó nawó anáá: «Noó hónó te a ne ojáná na ŋguru ra moto ojó ŋge eŋgamo motéé mwané.»
Nkana ra vambé wa vá teŋga mɔɔwɔ
9Na nime raá, Yésusu a ma kwenamo vato nkana eje anáá: Moto omo a ma wute apúú rá mnaná wa werete owó we ereenamo mɔɔwɔ. A ereenamo va teŋga anáá vá beeri. Ko ómwané a endamo na oŋgendɔ ojó a ne endamo uririí teete. 10Ará itíndíkáná rá mebuwe í ma húmé, kó moto wa apúú a ma tómá yeŋga manɔnɔwɔ yáá emó anáá yó endá me wɔréna taŋgo raá ra nobota na vá teŋga. Kó vateŋga vá ma ambááná yeŋga manɔnɔwɔ eméye, o me gite na wonywa, o me gúné ka me hwá wandá. 11Moto wa apúú a tomamo hée yeŋga manɔnɔwɔ yáá edye, omojo hónó vá ma me indáána na vikute, o mo seyá o me guné, ka me ohwá wandá. 12Moto a ma tomá yeŋga manɔnɔwɔ yáá índyé éye na vato vátátó, omojo vá ma mo amweena kaá o mo guné. 13Moto wa apúú a járámó anáá ŋgo eŋgámó twiiní ará? Ayáá tomamo mwaná we ame ojó cákámó odiŋge, yɔŋsi ómwané vá waŋgamo o mo mití. 14Wó je rií anáá ará vateŋga mɔɔwɔ́ va ma mo ena a nde uré, vá járámó vamwané na vamwané anáá: «Mwana wa biínde ojó uramo omojo ndɔkɔ te omoná kaá apúú a rií a ra visó. 15Kó vá ma me nɔɔ́ na kɔŋgɔ rá apúú o me oná.
Kaá ate eye moto wa apúú a waŋgamo we eŋga nawó? 16Ará moto wa apúú a endamo uré a vaŋgamo we oná va teŋga amáva, owɔ́rɔ́ va andye o wó wáá na apúú.» Ará vato vá ma ová enjárá mate, kó vá eŋgamo anáá: «Mmbéndɔ́ wandá mwané otene húmé!» 17Yésusu a wó nemenamo na aŋgiso, kó a járámó nawó anáá: «Vipeŋge vyá enjárá íví tiré-tíré na kárate wa Irɔŋgɔ iví, ntimisana ráá emo né. Anáá itááne ene va háá byanje vá ma váráŋgá, itááne mwané ene no ma bunde itááne na otondo. 18Moto oŋgime ojó obamo na máná rá itááne mwané ane memanjamo, kó moto ojó itááne mwané ne mobenamo na notó ne no mogoramo.»
Oyáakana owo tasa ra Cesará
19Vayéere vá mbéndɔ́ na vagónó vá vacekiye mómí vá ma ijime anáá Yésusu a ma kwé nkana mwané na wuso we awó, kó vá katé sɔsɔ anáá vá me ambaana kó vá ma tine vato. 20Vá ma késyé sɔ́ okwesye Yésusu, kó vá ma omo tómená vato ává vá eŋgámó ámó vato ává vá amo ndíŋgirííŋ. Vato mwané vá kate odiŋge anáá vá ambaana Yésusu na itambó, na ate eye avaŋgamo ojárá, ombótá ojó anáá vá enda naá na ŋgɔ́mɔnɔ índi ŋgɔ́mɔnɔ a me josyé. 21Kó vá ma járá naá anáá: Oyeére to ijímamo anáá até éyé o járámó na até éyé o yeéramo é ámó vatɔ́ɔ́tɔ́, kó hónó o ta pyeeré vato, kó o yeérámó vatɔ́ɔ́tɔ́ na cɔ́téná éjé Irɔŋgɔ a diŋgámó. 22Ko vá me omosusamo anáá: «Mbéndɔ́ ra visó e járámó anáá to geremenámó oyááná tása na ogónó wa ahumu kee to ta geréméná oyáána?» 23Yésusu a ma ijíme anáá wó ámó itámbó kó a ma járá nawó anáá: 24Tíhíyámáno ekpama yá mwení, kaá aye nawó anáá: «Eheere na ebérááná éyé na ekpama yá mwéní eyé mó ámó mwá áné?» Vá ma wundíyé anáá: «Ó ámó eheere na ebérááná yá ŋgɔ́mɔnɔ ójó Césará.» 25Kó Yésusu a ma járá nawó anáá: «Eréénáno sɔɔ́ ogónó wa ahumu owo wó ámó na wusó wá ogónó wa ahumu, kó owo wó ámó na wusó wá Irɔŋgɔ, eréénáno Irɔŋgɔ.» 26Ko vá ta ma me ambaana na itámbó íjí vá ma me támbéná na até éyé a ma járá na aŋgísó rá vato, kó vá ma kémbyé otómbá obenda iŋgúté.
Cúcáná na wusó wá ehonowa yá vigwé
27Va Saduséne vá te atɔ́wɔ́ anáá: Vigwé ví mó háteenámó owunde o ne sɔ́tɔ́. Kó mámó vá ma keréná Yésusu, kó va ma me súsé anáá: 28Oyéere, Mósese a ma só tévéré anáá: Moto a timbé navéne a rií mbéná, kó a gwámó ka byáná mwaná na okótó waá, moto mwané obá kúsú rá navene anáá a bonda mbɔŋɔ na wuso wá navéne. 29Wó je rií anáá: «Vato vá ma rii va navéne barááto na omwesií, i va makesye a ma bá okótó, kó a gwámó kana mwaná. 30Ojo tii a bámó kúsú rá navene, kó ómwané hónó a ma gwé ka tye mwaná 31kaá ojomo ojó na vato vatátó, seme wa wandá, hwas na ává bime va ma gwaaná ka tye mwaná na ókótó omójó. 32Nanime raá kó okótó hónó a ma gwé. 33Na mamana a me ryámó ókótó wá ané, ará vigwé vimo hatenamo o wunde one sɔ́tɔ́, esene éyé a ma wóbá vá mwané bime baráató na omwesií.» 34Yésusu a ma járá na áwó anáá: Awa vá ováánámó na cí ra ndono ejé kava vá báánámó. 35Wó je rií anáá: Ava Irɔŋgɔ a ma atɔ́wɔ́ anáá va géremenámó owunde ohateena na raaté wá vigwé anáá vá tímbe esɔ́tɔ́ éyé yó urámó vá ta bááná. 36Esené eye anáá vá ámó ame va éŋgerese vá ta hítí one gwé hee, esene éyé eye anáá vá ámó vaná vá Irɔŋgɔ a mó wó hónona na nugwé. 37Mósese a ma tíhíye na mwaŋgaráŋ anáá: Vigwé ví mó wúndanámó na esɔ́tɔ́ ará a ma ojá oráŋá rá ikiti yá ihúwe éyé e ma ré rora naáté yá virémbé vyá ihyáné ihuwe ka hyá. Kó a ma berááná Okí anáá: Irɔŋgɔ wá Abaraháma, Irɔŋgɔ wá Isáka, kó Irɔŋgɔ wá Yákɔwɔ. 38Yésusu a ma járá anáá: «Irɔŋgɔ a ta mo Irɔŋgɔ wa vigwé, wó je rií anáá a ámó Irɔŋgɔ wa va hwene esene éyé eye anáá bimé vá hwenamo na wuso wáá.» 39Vayéere vá mbéndɔ́ vámó vá ma járá na Yésusu anáá: «O mo járá wusi oyeére.» 40Kó vá ta ma ne timbe nomendá ná o me súsé cúcáná.
Etómá yá Irɔŋgɔ nawó na Dáviti
41Yésusu a ma wo súsé anáá: Twiní kówo to hityámó we atɔ́wɔ anáá: Etómá yá Irɔŋgɔ a ámó na bɔŋɔ ra Dáviti. 42Esené eye anáá: «Dáviti mate a járámó na kárate waá wa esawo anáá:
Oki Irɔŋgɔ wame a ma járá na Oki wame anáá:
Úré ondo nuumana na ombɔɔ́ re ame rá enémé,
43ohume ame ŋgo ne ováámó va mbembena wɔ́ɔ́
na cí ra eŋgoró rɔɔ. 44Dáviti a me beráanamo anáá Okí waá, kó twini owo Etómá yá Irɔŋgɔ a ámó urií na bɔŋɔ ráá?»
Yésusu a ma járá na vihoóhóná vyáa anáá vá kéríkye na vayéere vá mbéndɔ́
45Yésusu a járámó na vihoóhóná vyáá na raate ra vato ává vá kate ome ohwéére anáá: 46«Vino okéríkye na vayéere vá mbéndɔ́, vá diŋgamo ova tihiye na vikana vyá mondúte, va diŋgamo anáá vato va wó vetiye na imiti na pandó rá mowonjá, kó vá núumanámó na indií ra jiní na byanje vyá mbasóóriye, kó hée na vibínó vyá manyá. 47Wó je rií anáá vá bɔɔnɔmo kúsú até éyé í tímbámó, vá réhyámó mbásóóríyé índi vato vá ená anáá vá ámó vesi. Vá mwané, Irɔŋgɔ a mó wó pwénísyámó mbunu otómbá vasɔ́ɔ́.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024, CABTAL