Rúkasa 12
12
Watɔ́wɔ ówó Yésusu na aŋgísó rá moto uŋgimé
1Itíndíkáná mwané, vato vá ma ríi nyetete na kɔ́ŋgɔ́ ra Yésusu ukú ójó anáá vá katé vánáatana vá mwané na vámwané, Yésusu a ma késyé omana járá na vihoóhóná vyáá anáá: «Vinó okéríkye anáá no búndé vamacekiye mómí ámó Parisene esene éyé womacekiye mómí wáwó wó ámó sɛ́ɛm ámó mboŋgá. 2Wandá Womó wó ta ámó ebendééná ówó wó ta né enéyá, wimé ówó na asɔɔ́ wó né enéyámó. 3Esené wimé ówó no ma járá na wutúú, vato vá né ovámó na wusí; owo no ma járá na pwípwií naáté yá cómbá na utú rá moto, vato vá né sárámendiyámó na naŋgáté.»
Ojo no geremenámó otíné
4Ŋgo nó ojánámó vinó ává va mbérá vámé anáá: Vinó ka tíné moto ójó a onámó nótó, na nimé raá, ka ne eŋga wandá wúndyé. 5Mbaŋgámó o nó tíhíye moto ójó no geremenámó otíné: Tínáno Irɔŋgɔ, ómwané kójo a ámó anáá, na nimé ra nugwé, a timbámó ŋguru éjé anáá a wo nɔ naáté yá ihyáné íjí í ta maná. Eeŋ ŋgo nó ojánámó anáá ómwané ojo no geremenámó otíné.
6Kesí vá sérámó moríiríndí mótáánó na wusó wá siípene íbé ará? Ítɔɔ náná, Irɔŋgɔ a ta béríhyé umweesií ójó na vámwané. 7Kó tɔɔ kító rá vinó íŋgímé Irɔŋgɔ a banámó. Vinó ka tíné wandá, no ámó na mpí otómbá moríiríndí mwímé.
8Ŋgo nó ojánámó anáá: Moto ójó a né ŋgátɔ́wɔmó na aŋgísó rá vato, Mwaná moto hónó a né me atɔ́wɔmó na aŋgísó rá vá éŋgerese vá Irɔŋgɔ. 9Wó je rií anáá, ojo a ta né ŋgíjíme na aŋgísó rá vato, noó hónó ta né me ijíme na aŋgísó rá va éŋgerese vá Irɔŋgɔ. 10Ŋgé moto omo a járá wobé na ebérááná yá Mwaná moto, moto mwané Irɔŋgɔ a né me jwámó; wó je rií anáá ojo a mó séyámó mwáŋ mwáŋ wa Ireréŋgi, Irɔŋgɔ a ta né me njwé. 11Ará vá mó éndámó na vinó na jósi na byanje vyá mbásóóríyé, ítɔɔ na mahumu, ítɔɔ na aŋgísó rá va njwé, vinó ka yérána anáá: To endámó járá eéné. 12Esené mwáŋ mwáŋ wa Ireréŋgi a né nó ojánámó na itíndíkáná maté até éyé no geremenámó ojárá.
Akúmé rá cí
13Moto omo na raaté wa ncumbí wa vato a ma járá na Yésusu anáá: «Oyéere, járá na mbísó anáá a táŋgáana viíndé name.» 14Kó Yésusu a ma me wundíyé anáá: Áné kójo a mó tírímiye ntóntóró wa vinó, ŋge hónó anáá: «Ŋgo no taŋgaana akúmé rá vinó?» 15Ko a ma járá nawó anáá: «Vino o kerikye! No to ŋge wáá otémá rá vinó oŋgime na akúmé rá cí, esene éyé moto ate atimbe esɔ́tɔ́ na wusó owó anáá a ámó ekáné yá mbútí.»
Nkaná ra mbútí éjé ka na peyɔ
16Yésusu a wó kwenámó nkana anáá: Moto omó a ma rii mbutí, kó kondo ráá i ma erééná manyá mbunu bwáá mwané. 17A ma késyé ovásúsé anáá: Ŋgo né eŋgámó twíiní ará esene éyé ta timbé pandó búnu ra ovetéena ówó nobótá namé. 18Kó a ma járá anáá: Mbaŋgámó obáŋgóna ndáŋgé rame, kaá nowa injyé íjí icákámó waŋgá indi ŋgaána mbasa rame na nobótá namé wɔ́ɔ́. 19Kó a ma járá na ómwané máté anáá: Ŋgo mana otimbe manyá ná wusó wá ombunu rá mbéyá, baŋgámó ónuumana mpuwe, nyá, monú, njɔjɔnɔ esɔ́tɔ́. 20Irɔŋgɔ a ma járá naá anáá: «Yejáa wotúú owó maté o waŋgámó úgwé, kaá nobótá éné o me wonjá ne vaŋgámó urií na wusó wá ané? 21Até eyé é húménámó moto ugnimé ójó a wójámó nobótá náá na wusó wáá moká kéemé, Wó je rií anáá, vá géremenámó orií mbútí na Irɔŋgɔ.»
Ohítí ówó bɛ́ŋ Irɔŋgɔ
22Yésusu a ma járá ná vihoóhóná vyáá anáá: Wandá mwané kówo njárámó na vinó anáá: Vinó ka yérána na wusó wá esɔ́tɔ́ yá vinó no járá anáá até éyé to né nyámó ítɔɔ na wusó wá nótó rá vinó anáá te né byámó até. 23Esené esɔ́tɔ́ émó na mpí otómbá manyá, kó nótó hónó na mpí otómbá cunú. 24Néménáno víwɔ́ɔwɔ́ré, ví ta nemá, ka buwe kó ví ta timbé manyá evétéená na ndáŋgé. Wó je rií anáá Irɔŋgɔ a wó tɔ́ŋyámó, ndúmúkáná vinó ává no ómó na mpí búnu otómbá monóoní! 25Kó ané ójó na vinó kójo a hítyámó urehye metúú máá ma esɔ́tɔ́ tɔɔ katitíi, esene éyé a katé yérána? 26Ŋge na ríi ka timbe ŋguru na mwá wandá ójó katiti, na wusó wáté kówo no yéránámó na wusó wá umú mwimé? 27Kweesyáno ámó va fraáwa vá kondom ámó vá gónámó, vá ta nɔnɔɔ kó vá ta ratá cunú, vedá ŋgo nó ojánámó anáá: Ítɔɔ ahumu ójó Sárómono na akúmé ráá aŋgimé a ta ma byá vesi vá cunú amo fraáwa omweesíí. 28Ŋge Irɔŋgɔ a ma erééná ihuwe ra kondo ekáné yá onyeme, émwané éjé e ámó anáá: «Wusí owó ɔ́wɔ́, namberi ye ndá ná ihyáné, ta endá tɔ́ vinó, a vaŋgámó o no erééna o tómbá náná, ŋgɔ́tééná ra vinó e ámó kátití. 29Kó vinó, vinó ka yérána anáá até eye to né nyámó ítɔɔ até eye to né vényámó. 30Vato ává vá te ijimé Irɔŋgɔ kava va sɔ́sɔ́mó motéé ómómo ka neŋgena. Wó je rií anáá vinó tyó wa vinó ijimamo ate eye no waŋgamo. 31Vinó manáno sɔsɔ anáá Irɔŋgɔ ojo a rií njwé ra vinó, kaá ɔ́wɔ́, wimé omówo a vaŋgámó o nó eréena.»
Ovétéena ówó ekúmé na máná
32Vinó, mwaná wa idíŋge wa vato ojó, no teŋge ne tine wandá, tyó wa vinó a ma ena wusí anáá a njwé na vinó.
33«Séráno até éyé no timbámó, no eréena vawowórá mwení íjí ɔ́wɔ́, sɔ́sɔ́no na wusó wá vinó maté mócáka mwá mwení úmú mó ta ndééráná; vétéénáno ekúme rá vinó naáté yá máná, homó ówó vaŋgúŋgúbí vá ta kerá tɔɔ nyányá ka enda ndeére. 34Esené homó ówó akúmé rɔɔ́ á ámó ɔ́wɔ́ hónó kówo otémá rɔɔ́ ó ámó.»
Va eŋga manɔnɔwɔ ává vá kúrámó
35«Ríyáno cek na cunú rá vinó rá manɔnɔwɔ, kó na va rámba vá vinó névíyérí. 36Ríyáno ámó veŋga manɔnɔwɔ ává vá gírámó oyéere wawó ójó a mó énda na ibínó yá nobá, ukú ójó anáá ará a endámó etá, vá mwané o me bunena ohótó bɛ́ŋ ámó a gitatámó. 37Vitaka na veŋga manɔnɔwɔ ává oyéere a né etíyámó vá kuré! Ŋgo nó ojánámó na vatɔ́ɔ́tɔ́ anáá oyéere mwané a né eŋgámó nawó anáá vá wɔ́rɔ́ undií na dévere, kaá ómwané o vávaá cunú rá manɔnɔwɔ okésyé o wó séŋena manyá. 38Kó a endá etá na otémá rá wutúú, ítɔɔ hónó otómbá otémá rá wutúú, ómwané o je wó atíye vá kuré, vitaka na veŋga manɔnɔwɔ mwané!
39Énáno, ŋgé moto wa yanje a jémbé itíndíkáná íjí uŋgúbí a geremenamó wuré na yanje yáá, a ta né mice anáá uŋgúbí a borona mpimi raá ra yanje. 40Vinó hónó, ríyáno cɛk, esene éyé no ta ijímé itíndíkáná íjí Mwaná moto a né urámó.» 41Kó Pyéere a ma súsé anáá: «Okí, nkaná éjé o mó kwé eméje; ye e ámó bɛ́ŋ na wusó wá visó kee na wusó wá moto uŋgimé?» 42Okí a ma wundíyé anáá: «Áné kójo yeŋga manɔnɔwɔ éyé é kéŋgésanámó é wunde orií moto wa ipití? Ó ámó ojo oyéere a me tírímiyámó anáá a néména yanje, kó a eréena vasɔ́ɔ́ ŋgava rawó ra manyá na itíndíkáná. 43Vitaka na yeŋga manɔnɔwɔ éyé oyéere waá a endámó etá o me etíye na manɔnɔwɔ máá!» 44Ŋgo nó ojánámó na vatɔ́ɔ́tɔ́ anáá a vaŋgámó o me hwá ipití ráa anáá a beerye ekúmé ráa éŋgímé. 45Wó je rií anáá, ŋgé yeŋga manɔnɔwɔ yá késyé ojárá anáá: Oyéere a ta vaŋgá ondo etá kwa kwa, kó a késyámó onúbé vasɔ́ɔ́ veŋga manɔnɔwɔ, onuumana na onyá, a vényú, kaá a bómána, 46Mása a mó endámó etá isí éyé yeŋga manɔnɔwɔ eméye é ta mó jembe, kó hónó na itíndíkáná íjí a ta né jembe. Kó oyéere a né me hwámó ekáné yá pwénísye ámó vá eŋgámó na veŋga manɔnɔwɔ ává vá ámó na ucé mbé na vayéere váwó. 47«Yeŋga manɔnɔwɔ éyé yó íjímámó até éyé oyéere waá a diŋgámó kó a ta eŋgá ámó oyéere a vaŋgámó, oyéere a né me gitámó ekáné yá mkpama. 48Wó je rií anáá, yeŋga manɔnɔwɔ éyé é ta ijímé até éyé oyéere waá a diŋgámó, kó ómwané hónó a éŋgámó wobé, oyéere wáá a ta né caka o me gite mkpama. Ojo vá ma me hwá mbunu, vá né me súsámó hónó mbunu, ojo vá ma me hwá ipití na motéé mbunu, vá né me súsámó hónó mbunu.»
Vato vá sámó na wusó wá Yésusu
49Ŋgo ma uré ondo nɔ ihyáné na cí, kó ŋgo etá vaŋga anáá névíye! 50Vá géremenámó o ndwe, kó ndo ámó na mayérána ondo húmé ará wandá mwané wó né eŋgavenámó! 51No buŋganámó anáá: «Ŋgo ma uré na dɔ́ŋgɔrɔ́ɔ́ŋ na cí? Mbéndɔ, ŋgo nó ojánámó anáá ŋgo ma uré na cená. 52Okésyé ówó tetee ojó ŋgé vato vá ámó vátáánó na yanje, vá né sámó, vátátó ka rií mií na vává, vává hónó ka rií mií na vátátó. 53Isyé mwaná ka rií mií na ombwene ráá, ombwene hónó ka rií mií na isyé, netí mwaná ka rií mií na ŋgwande raá, ŋgwande hónó ka rií mií na netí, ninó ŋgwande ka rií mií na eéné mwaná, eéne mwaná hónó ka rií mií na ninó.»
Onimana owo ndeme ra itíndíkáná
54Yésusu a ma járá hée na vato anáá: Ará no enamo eyása yá máná iseri eye na evetemena yá oŋgona no járámó anáá nowora ne uramo kó we eŋgevenamo. 55Ko are no enamo puŋgí ye ende urana mwesye no járámó anáá: «Oŋgona o waŋgamo o pá ombunu kó we eŋgevenamo. 56Aá vacekiye mómí, no jembámó otimisiye ndeme rá máná na cí, mamba ámá má tómbávenámó teteejo no etá ka ijíme otimisíye na wusó wá até?»
Hendano enjará ra vinó na vinó
57Kó na wusó wá até kówo vinó maté no ta wɔ́rɔ́ cómbéná éjé ndíŋgirííŋ na até éyé no geremenámó weŋga? 58Wa timbáána na enjárá na moto, sɔsɔ́no anáá no henda na naŋga vinó na vinó mamba na masisí anáá a enda nɔɔ na moto wa mbéndɔ́, kaá moto wa mbéndɔ́ a wo otoma na mwaná wa visimbi, kaá mwaná wa visimbi a wo nɔ na mboo. 59Ŋgo nó ojánámó anáá: «O tené hume na mboo anáá wa rɔ́ɔ́ ka yáákana mbama iŋgime ijí o me timbanamo.»
ទើបបានជ្រើសរើសហើយ៖
Rúkasa 12: tii
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024, CABTAL
Rúkasa 12
12
Watɔ́wɔ ówó Yésusu na aŋgísó rá moto uŋgimé
1Itíndíkáná mwané, vato vá ma ríi nyetete na kɔ́ŋgɔ́ ra Yésusu ukú ójó anáá vá katé vánáatana vá mwané na vámwané, Yésusu a ma késyé omana járá na vihoóhóná vyáá anáá: «Vinó okéríkye anáá no búndé vamacekiye mómí ámó Parisene esene éyé womacekiye mómí wáwó wó ámó sɛ́ɛm ámó mboŋgá. 2Wandá Womó wó ta ámó ebendééná ówó wó ta né enéyá, wimé ówó na asɔɔ́ wó né enéyámó. 3Esené wimé ówó no ma járá na wutúú, vato vá né ovámó na wusí; owo no ma járá na pwípwií naáté yá cómbá na utú rá moto, vato vá né sárámendiyámó na naŋgáté.»
Ojo no geremenámó otíné
4Ŋgo nó ojánámó vinó ává va mbérá vámé anáá: Vinó ka tíné moto ójó a onámó nótó, na nimé raá, ka ne eŋga wandá wúndyé. 5Mbaŋgámó o nó tíhíye moto ójó no geremenámó otíné: Tínáno Irɔŋgɔ, ómwané kójo a ámó anáá, na nimé ra nugwé, a timbámó ŋguru éjé anáá a wo nɔ naáté yá ihyáné íjí í ta maná. Eeŋ ŋgo nó ojánámó anáá ómwané ojo no geremenámó otíné.
6Kesí vá sérámó moríiríndí mótáánó na wusó wá siípene íbé ará? Ítɔɔ náná, Irɔŋgɔ a ta béríhyé umweesií ójó na vámwané. 7Kó tɔɔ kító rá vinó íŋgímé Irɔŋgɔ a banámó. Vinó ka tíné wandá, no ámó na mpí otómbá moríiríndí mwímé.
8Ŋgo nó ojánámó anáá: Moto ójó a né ŋgátɔ́wɔmó na aŋgísó rá vato, Mwaná moto hónó a né me atɔ́wɔmó na aŋgísó rá vá éŋgerese vá Irɔŋgɔ. 9Wó je rií anáá, ojo a ta né ŋgíjíme na aŋgísó rá vato, noó hónó ta né me ijíme na aŋgísó rá va éŋgerese vá Irɔŋgɔ. 10Ŋgé moto omo a járá wobé na ebérááná yá Mwaná moto, moto mwané Irɔŋgɔ a né me jwámó; wó je rií anáá ojo a mó séyámó mwáŋ mwáŋ wa Ireréŋgi, Irɔŋgɔ a ta né me njwé. 11Ará vá mó éndámó na vinó na jósi na byanje vyá mbásóóríyé, ítɔɔ na mahumu, ítɔɔ na aŋgísó rá va njwé, vinó ka yérána anáá: To endámó járá eéné. 12Esené mwáŋ mwáŋ wa Ireréŋgi a né nó ojánámó na itíndíkáná maté até éyé no geremenámó ojárá.
Akúmé rá cí
13Moto omo na raaté wa ncumbí wa vato a ma járá na Yésusu anáá: «Oyéere, járá na mbísó anáá a táŋgáana viíndé name.» 14Kó Yésusu a ma me wundíyé anáá: Áné kójo a mó tírímiye ntóntóró wa vinó, ŋge hónó anáá: «Ŋgo no taŋgaana akúmé rá vinó?» 15Ko a ma járá nawó anáá: «Vino o kerikye! No to ŋge wáá otémá rá vinó oŋgime na akúmé rá cí, esene éyé moto ate atimbe esɔ́tɔ́ na wusó owó anáá a ámó ekáné yá mbútí.»
Nkaná ra mbútí éjé ka na peyɔ
16Yésusu a wó kwenámó nkana anáá: Moto omó a ma rii mbutí, kó kondo ráá i ma erééná manyá mbunu bwáá mwané. 17A ma késyé ovásúsé anáá: Ŋgo né eŋgámó twíiní ará esene éyé ta timbé pandó búnu ra ovetéena ówó nobótá namé. 18Kó a ma járá anáá: Mbaŋgámó obáŋgóna ndáŋgé rame, kaá nowa injyé íjí icákámó waŋgá indi ŋgaána mbasa rame na nobótá namé wɔ́ɔ́. 19Kó a ma járá na ómwané máté anáá: Ŋgo mana otimbe manyá ná wusó wá ombunu rá mbéyá, baŋgámó ónuumana mpuwe, nyá, monú, njɔjɔnɔ esɔ́tɔ́. 20Irɔŋgɔ a ma járá naá anáá: «Yejáa wotúú owó maté o waŋgámó úgwé, kaá nobótá éné o me wonjá ne vaŋgámó urií na wusó wá ané? 21Até eyé é húménámó moto ugnimé ójó a wójámó nobótá náá na wusó wáá moká kéemé, Wó je rií anáá, vá géremenámó orií mbútí na Irɔŋgɔ.»
Ohítí ówó bɛ́ŋ Irɔŋgɔ
22Yésusu a ma járá ná vihoóhóná vyáá anáá: Wandá mwané kówo njárámó na vinó anáá: Vinó ka yérána na wusó wá esɔ́tɔ́ yá vinó no járá anáá até éyé to né nyámó ítɔɔ na wusó wá nótó rá vinó anáá te né byámó até. 23Esené esɔ́tɔ́ émó na mpí otómbá manyá, kó nótó hónó na mpí otómbá cunú. 24Néménáno víwɔ́ɔwɔ́ré, ví ta nemá, ka buwe kó ví ta timbé manyá evétéená na ndáŋgé. Wó je rií anáá Irɔŋgɔ a wó tɔ́ŋyámó, ndúmúkáná vinó ává no ómó na mpí búnu otómbá monóoní! 25Kó ané ójó na vinó kójo a hítyámó urehye metúú máá ma esɔ́tɔ́ tɔɔ katitíi, esene éyé a katé yérána? 26Ŋge na ríi ka timbe ŋguru na mwá wandá ójó katiti, na wusó wáté kówo no yéránámó na wusó wá umú mwimé? 27Kweesyáno ámó va fraáwa vá kondom ámó vá gónámó, vá ta nɔnɔɔ kó vá ta ratá cunú, vedá ŋgo nó ojánámó anáá: Ítɔɔ ahumu ójó Sárómono na akúmé ráá aŋgimé a ta ma byá vesi vá cunú amo fraáwa omweesíí. 28Ŋge Irɔŋgɔ a ma erééná ihuwe ra kondo ekáné yá onyeme, émwané éjé e ámó anáá: «Wusí owó ɔ́wɔ́, namberi ye ndá ná ihyáné, ta endá tɔ́ vinó, a vaŋgámó o no erééna o tómbá náná, ŋgɔ́tééná ra vinó e ámó kátití. 29Kó vinó, vinó ka yérána anáá até eye to né nyámó ítɔɔ até eye to né vényámó. 30Vato ává vá te ijimé Irɔŋgɔ kava va sɔ́sɔ́mó motéé ómómo ka neŋgena. Wó je rií anáá vinó tyó wa vinó ijimamo ate eye no waŋgamo. 31Vinó manáno sɔsɔ anáá Irɔŋgɔ ojo a rií njwé ra vinó, kaá ɔ́wɔ́, wimé omówo a vaŋgámó o nó eréena.»
Ovétéena ówó ekúmé na máná
32Vinó, mwaná wa idíŋge wa vato ojó, no teŋge ne tine wandá, tyó wa vinó a ma ena wusí anáá a njwé na vinó.
33«Séráno até éyé no timbámó, no eréena vawowórá mwení íjí ɔ́wɔ́, sɔ́sɔ́no na wusó wá vinó maté mócáka mwá mwení úmú mó ta ndééráná; vétéénáno ekúme rá vinó naáté yá máná, homó ówó vaŋgúŋgúbí vá ta kerá tɔɔ nyányá ka enda ndeére. 34Esené homó ówó akúmé rɔɔ́ á ámó ɔ́wɔ́ hónó kówo otémá rɔɔ́ ó ámó.»
Va eŋga manɔnɔwɔ ává vá kúrámó
35«Ríyáno cek na cunú rá vinó rá manɔnɔwɔ, kó na va rámba vá vinó névíyérí. 36Ríyáno ámó veŋga manɔnɔwɔ ává vá gírámó oyéere wawó ójó a mó énda na ibínó yá nobá, ukú ójó anáá ará a endámó etá, vá mwané o me bunena ohótó bɛ́ŋ ámó a gitatámó. 37Vitaka na veŋga manɔnɔwɔ ává oyéere a né etíyámó vá kuré! Ŋgo nó ojánámó na vatɔ́ɔ́tɔ́ anáá oyéere mwané a né eŋgámó nawó anáá vá wɔ́rɔ́ undií na dévere, kaá ómwané o vávaá cunú rá manɔnɔwɔ okésyé o wó séŋena manyá. 38Kó a endá etá na otémá rá wutúú, ítɔɔ hónó otómbá otémá rá wutúú, ómwané o je wó atíye vá kuré, vitaka na veŋga manɔnɔwɔ mwané!
39Énáno, ŋgé moto wa yanje a jémbé itíndíkáná íjí uŋgúbí a geremenamó wuré na yanje yáá, a ta né mice anáá uŋgúbí a borona mpimi raá ra yanje. 40Vinó hónó, ríyáno cɛk, esene éyé no ta ijímé itíndíkáná íjí Mwaná moto a né urámó.» 41Kó Pyéere a ma súsé anáá: «Okí, nkaná éjé o mó kwé eméje; ye e ámó bɛ́ŋ na wusó wá visó kee na wusó wá moto uŋgimé?» 42Okí a ma wundíyé anáá: «Áné kójo yeŋga manɔnɔwɔ éyé é kéŋgésanámó é wunde orií moto wa ipití? Ó ámó ojo oyéere a me tírímiyámó anáá a néména yanje, kó a eréena vasɔ́ɔ́ ŋgava rawó ra manyá na itíndíkáná. 43Vitaka na yeŋga manɔnɔwɔ éyé oyéere waá a endámó etá o me etíye na manɔnɔwɔ máá!» 44Ŋgo nó ojánámó na vatɔ́ɔ́tɔ́ anáá a vaŋgámó o me hwá ipití ráa anáá a beerye ekúmé ráa éŋgímé. 45Wó je rií anáá, ŋgé yeŋga manɔnɔwɔ yá késyé ojárá anáá: Oyéere a ta vaŋgá ondo etá kwa kwa, kó a késyámó onúbé vasɔ́ɔ́ veŋga manɔnɔwɔ, onuumana na onyá, a vényú, kaá a bómána, 46Mása a mó endámó etá isí éyé yeŋga manɔnɔwɔ eméye é ta mó jembe, kó hónó na itíndíkáná íjí a ta né jembe. Kó oyéere a né me hwámó ekáné yá pwénísye ámó vá eŋgámó na veŋga manɔnɔwɔ ává vá ámó na ucé mbé na vayéere váwó. 47«Yeŋga manɔnɔwɔ éyé yó íjímámó até éyé oyéere waá a diŋgámó kó a ta eŋgá ámó oyéere a vaŋgámó, oyéere a né me gitámó ekáné yá mkpama. 48Wó je rií anáá, yeŋga manɔnɔwɔ éyé é ta ijímé até éyé oyéere waá a diŋgámó, kó ómwané hónó a éŋgámó wobé, oyéere wáá a ta né caka o me gite mkpama. Ojo vá ma me hwá mbunu, vá né me súsámó hónó mbunu, ojo vá ma me hwá ipití na motéé mbunu, vá né me súsámó hónó mbunu.»
Vato vá sámó na wusó wá Yésusu
49Ŋgo ma uré ondo nɔ ihyáné na cí, kó ŋgo etá vaŋga anáá névíye! 50Vá géremenámó o ndwe, kó ndo ámó na mayérána ondo húmé ará wandá mwané wó né eŋgavenámó! 51No buŋganámó anáá: «Ŋgo ma uré na dɔ́ŋgɔrɔ́ɔ́ŋ na cí? Mbéndɔ, ŋgo nó ojánámó anáá ŋgo ma uré na cená. 52Okésyé ówó tetee ojó ŋgé vato vá ámó vátáánó na yanje, vá né sámó, vátátó ka rií mií na vává, vává hónó ka rií mií na vátátó. 53Isyé mwaná ka rií mií na ombwene ráá, ombwene hónó ka rií mií na isyé, netí mwaná ka rií mií na ŋgwande raá, ŋgwande hónó ka rií mií na netí, ninó ŋgwande ka rií mií na eéné mwaná, eéne mwaná hónó ka rií mií na ninó.»
Onimana owo ndeme ra itíndíkáná
54Yésusu a ma járá hée na vato anáá: Ará no enamo eyása yá máná iseri eye na evetemena yá oŋgona no járámó anáá nowora ne uramo kó we eŋgevenamo. 55Ko are no enamo puŋgí ye ende urana mwesye no járámó anáá: «Oŋgona o waŋgamo o pá ombunu kó we eŋgevenamo. 56Aá vacekiye mómí, no jembámó otimisiye ndeme rá máná na cí, mamba ámá má tómbávenámó teteejo no etá ka ijíme otimisíye na wusó wá até?»
Hendano enjará ra vinó na vinó
57Kó na wusó wá até kówo vinó maté no ta wɔ́rɔ́ cómbéná éjé ndíŋgirííŋ na até éyé no geremenámó weŋga? 58Wa timbáána na enjárá na moto, sɔsɔ́no anáá no henda na naŋga vinó na vinó mamba na masisí anáá a enda nɔɔ na moto wa mbéndɔ́, kaá moto wa mbéndɔ́ a wo otoma na mwaná wa visimbi, kaá mwaná wa visimbi a wo nɔ na mboo. 59Ŋgo nó ojánámó anáá: «O tené hume na mboo anáá wa rɔ́ɔ́ ka yáákana mbama iŋgime ijí o me timbanamo.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024, CABTAL