Rúkasa 11
11
Yésusu a yeérámó vihoóhóná vyáá mbásóóríyé
1Isí émó, Yésusu a katé vásoóriye pandó emo, ará a ma maná kó ehoóhóná yáa émó é járámó naá anáá: «Okí o só yéérámó mbásóóríyé, ámó yohánese a ma yééré vihoóhóná vyá.» 2Yésusu a ma járá nawó anáá: «Ará no vásoóriyámó járáno anáa
Tetáŋgá wa visó,
ŋgá anáa vato bimé vá jémbe anáa o ámó Irɔŋgɔ moká
ŋga anáá tamba rɔɔ yo uré,
3O só hwámó manyá má visó ámá to waŋgámó isí yimé,
4O só yevénámó wobé wimé ówó to eŋgámó
esene éyé visó hónó to yevenámó vato bimé ává vá só eŋgámó wobé.
O ta eŋgá atɔ́wɔ anáá to obena naáté yá vimaa.»
Nkaná ra mbérá wa moto ójó na wonotó
5Yésusu a ma járá nawó anáa: Ŋgé omo ójó na vinó a timbé mbérá onde me etíye na wutúú aye naá anáa: Mbérá wame, Torísyámó va beréte vátátó 6Esené éyé anáa: Mbérá wame omo a mó enda púmána ondo uré ówó na oŋgendɔ kó ta timbé wandá ówó a nyámó. 7Ŋge mbérá wɔɔ a nde wundini naáté yá yanje anáá: «Mámó ká pɔ́mbɔ́kɔ́! Tetejo na noó na vaná vámé to vétémena ŋgo péte ohótó ta hítí o ne hatena hée anáá ŋge nde ówó erééna berete. 8Ŋge no ojánámó anáá tɔɔ a rií ká hatena anáá a me erééna wandá esene éyé eye a ámó bere wáá a waŋgámó o hatena o me ereena esene éyé eye anáá a me susámó ká tɔɔ.»
Moto oŋgime ójó a susámó wandá vá mo hwámó
9«Kó noó ŋgo nó ójánámó anáá: Súsáno vá né nó éréenámó, sɔsɔ́no no né ɔŋgɔ́mó, gitáno, vá né nó búnenámó ohótó. 10Wo ójó rií anáá ójó a susámó a timbámó, ójó a sɔ́sɔ́mó a wɔgámó, ójó a gitámó vá me bunanámó ohótó. 11Isyé mwaná ojaté na raaté wa vinó kójo a pitámó werééna mwaná úŋgwéeŋgwérí itíndíkáná iji amo susámó amo susámó cwí? 12Ŋge hónó omo erééna ŋgeŋgá ará a me súsámó igaá na ŋgɔɔ́? 13Ŋge vinó a vá vambé, no jembámó werééna ówó vaná ino masi ma mamba, dúmukana Tetáŋgá wa visó ójó na máná, a né eréenámó Mwáŋ mwáŋ wa Ireréŋgi na ava vá me súsámó.»
Yésusu a gúnámó ogónó wa ombé wa ireréŋgi
14Isi e mo, Yésusu a gunámó ombé Ireréŋgi ójó a má bundi moto múmú. Ará ombé wa Ireréŋgi e ma humé moto a ma késyé o járá kó vato vá kate kekembye. 15Wó je rií anáá vato vámó vá katé járá anáá: «A gúnámó vambé vá vireréŋgi na ŋguru ra Beresebúre ogónó wa vambé va vireréŋgi.» 16Vá ámó vá kate ndiŋge anáá va me tambena itambó vá me súsé anáá indi awo tihiyé asimbá ájá yó úrámó na Irɔŋgɔ 17Yésusu a kate jembé buŋgana ra awó a yé nawó anáá: «Edɔŋgɔ yime éyé vato vá nywáanámó vá mwané na vá mwané é katámó mana na nugwé kó byanje ví obanámó vimwané na vimwané.» 18Ŋgé Saátana a nywááná na ómwané maté twiiŋí kówo edɔŋgɔ mwané é hítyámó orií? Esene éyé anáá no járámó anáá ŋgúnámó vambé vá vireréŋgi na ŋguru ra Beresebúre ogónó wa vambé va vireréŋgi. 19Wá ríi anáá Beresebúre ojo a pwámó ijwé anáá ŋgúné vambé vá vireréŋgi kó ane kó ójó eréénámó vato vá vinó ijwé ra ogune ówó vireréŋgi wandá kó ówó vato vá vinó maté vá no tihiyámó anáá no ómó na ihusi! 20Na vatɔ́ɔ́tɔ́, na vatɔ́ɔ́tɔ́, noó ŋgúnámó vambé vá vireréŋgi na ŋguru ra Irɔŋgɔ nana otiranámó anáá tamba ra Irɔŋgɔ yo éhumé na vinó.
21Ará moto wa ŋguru ójó a timbámó vipkeré a beryámó yanje yáá wusi na wusi akúmé ráá á né riyámó kím. 22A re moto ójó a timbámó ŋguru o me tómbá a ndámó jine, kó a me núbámó, obɔɔ vikperé vyáá bimé íví a katé hítí, otáŋgáana vato wáá motyé mimé ómó a me bowenámó.
23«Ojo a ta ámó name a pékáanámó name. Kó ojo a ta wónjééná orɔŋgɔ name a sasámó.»
Ombé Ireréŋgi ójó a ma humé a wundámó
24«A re ombé Ireréŋgi ehumámóna nótó ra moto edeŋgerámó na osɔ́sɔ́ ówó hómó wo anáá a nde rií ká wɔŋgɔ ayé náá anáá: Mbaŋgámó owunde naáté yá yanje eyé ŋge má urukye wɔ́ɔ́. 25A re a wundámó wetiyé ehorena etekena. 26Kó a ndámó wɔ́rɔ́ hée vambé va vireréŋgi va andye baráato na mwéésii a va vá cákámó obewana itéma wiŋgaána naáté yá notó ra moto ohyendá ibwé na nimé makana a me wɔ́ɔ́ ma tómbámó ima wusó.»
Vá ámó na vitaka a va vá watɔ́rɔ́mó epeŋge yá Irɔŋgɔ
27Yésusu a rií na ojárá, kó okótó a rumetámó na raáte ra cumbi a vato anáá: «Vitaka na okótó ójó a ma wo byá na ibumu náá wo onwíyé ibáné náá!» 28Kó Yésusu ómwané a ma járá anáá: «Vitaka na ava vá watɔ́rɔ́mó epeŋge yá Irɔŋgɔ vá wunde oberye epéŋgé mwané!»
Vato vá susámó Yésusu ndemé na vijimé
29A re cumbi a vato a ma wa wónjééná, Yésusu ete járá anáá: «Mbɔ́ŋ ra vato éjé wusóó ebávámó e susámó ndeme! Wo ójó rií anáá va te me ne timbé ndeme indye bɛ́ŋ e ra yonasa.» 30Esené eye anáá yonasa a ma rií ndeme ra vato a ve na ninive, nana hónó kó ówó mwaná moto a ne rií ámó ndeme na wuso a vato a va wusóó. 31Ahumu ájá okótó na edɔŋgɔ éyé mweesye á mó háteenámó isí yá jósi osɔ́mɔ́nɔ ówó vato ává wusí owó esene éyé a ma endá báréyá na edɔŋgɔ éyé urehi anáá a enda vátɔ́réena vipéŋgé vyá peyɔ íví ahumu Sárómono a katé húmíye. Wó je rií anáá moto a ámó ará ójó a tómbámó Sárómono. 32Isí yá asombá ówó ntóró vato ává na ninive vá mó hatyáanámó na aŋgísó ra vato áva wusí owó kó vá mó wó sɔ́mónɔmó esene éyé eye anáá vá ma cendyé esɔ́tɔ́ yá awó a re yonasa a ma járá náwo. Wó je rií anáá a ámó ará ójó tómbámó yonasa kó no ta me vátɔ́rɔ́.
Ŋgatɔvena emó ineŋgí yá kiritene
33«Moto ómó a támó ójó a nawinámó ramba wa sééna, wo ójó rií anáá va ŋgaámó omana ra deere obota ójó anáá, a va viŋgaanámó vá ena mwáŋgaráŋ. 34Ramba wa nótó kójo aŋgísó. Aŋgísó rɔɔ́ yó a ríi ka nɔ́, nótó rɔɔ iŋgimé e ámó naáté yá ineŋgí, a re nisó nɔ́ɔ́ na rií enɔ nótó rɔ́ɔ́ iŋgime emo naáté yá mbinó. 35Tɔŋgɔrɔnɔ́ so ŋge ineŋgí eye na nótó rɔ́ɔ́ e támó mbinó. 36Ŋge nótó rɔ́ɔ́ iŋgime yá rií naáté yá ineŋgí kana pando emó éjé na mbino ine rií ámó iŋgimé naáté yá ineŋgí eye emo ame ramba ójó a rarámó.»
Yésusu asɔ́mɔ́námó va parisene na va yéére va mbéndɔ́
37A re Yésusu a má mana enjárá kó mwá parisene a me tehanámó anáá indi a nde nyányá na yanje yáá. Kó a ma iŋgaana onumana na déére. 38Kó mwá parisene a ma kembye are a ma ena anáá Yésusu a te nyá ka wasɔ́wa embɔ́ɔ́. 39Okí a ma járá nawó anáá: «Tetejó vinó ava va pariséne no jembámó osowa bɛ́ŋ nime ra ndeya kó na pana, wo ójó rií anáá no cakámó obéváana étéma kó no diŋgámó anáá no ibana vasɔ́ɔ́.» 40Aá Byejáa, ye moto ójó a ma henda nótó ra moto ate ma henda hónó ibumu náá? 41Eréénáno sɔ́ɔ́ vawowórá até éyé é géremenámó ondo uré na usi wa otémá, náná kówo esɔ́tɔ́ yá vinó éné riyámó sáŋ-sáŋ.
42«Vinó ává va pariséne numerí nó ámó na vinó esene éyé no eréénámó Irɔŋgɔ ŋgava emwesií éjé na táŋgó yábɔ́t ra mánte, ra vibomá na ihuwe ra njáná kó ra vihúhú íví na kóndo. Vedá no berihiyámó andiŋgé na wondíŋgirííŋ wá Irɔŋgɔ. Wó mwané kówo nó gérémenámó weŋga ka wáá irésé na umumú mwimé.»
43Nomerí no ómó na vinó ává vapariséne! No diŋgámó onuumana na indíí ra niimí naáté yá byanje vyá mbásóóríyé kó no diŋgámó mbatíní na mówónjá. 44Nomari na vínó, no ámó amó vivérá íví vá ta ma vaá ndeme ɔ́wɔ́, kó vato vá ndendámó na máná o natáána moto ka ijímé!
45Oyéere wa mbéndɔ́ omo ójó na vámwané a ma járá na Yésusu anáá: «Oyéere, na njáréná rɔɔ mwané, wó ámó anáá o só séyámó visó hónó!» 46Kó Yésusu a ma wó wundíyé anáá: Numerí na vinó hónó ává vá yéere vá mbéndɔ́! No njekeyánámó vato vikáné vyá vibyá, vinó maté ka je atɔ́wɔ anáá no táhá ítɔɔ na inɔ́ɔnɔ́ ímwéesií anáá no wó aká. 47Numerí na vinó, vinó ává no séyámó vivérá vyá vahúmíye maró vá Irɔŋgɔ ává va kókó vá vinó vá ma oná! 48Náná mwané kówo no tísiyámó no wunde watɔ́wɔ ŋgeŋgéná rá va kókó vá vinó, vá mwané vá ma oná vahúmíye maró vá Irɔŋgɔ, kó vinó no séyámó vivérá vyáwó. 49Wandá mwané kówo Irɔŋgɔ naáté yá peyɔ raá a ma járá anáá: «Ŋgo né wó tóménámó vahúmíye maró na enásá ra kó vá né onámó ávámó, otuúriye ávámó, 50okésyé ówó ará cí na máná í ma bondávéná, vá ma oná ombunu rá vahúmíye maró vá Irɔŋgɔ. Na wusó wá miné mwané kówo Irɔŋgɔ a pwénísyámó mbɔŋɔ ra vato éjé wusí owó. 51Vá ma késyé woná Abére ondo húmé na cakaríyása ójó vá ma oná na raaté na iburúutu yá mómí na hómó ówó ocakámó o rií mwaŋ-mwaŋ na yanje yá Irɔŋgɔ. Ŋgo nó ojánámó anáá Irɔŋgɔ a mó pwénísyámó vinó ává vato ává wusí owó na wusó wá mamba mwané mimé!
52Numerí na vinó ává vayéere vá béndɔ́! Esené no ma wɔ́rɔ́ mubune, opete ohótó ójó anáá vato vá jembe ówó Irɔŋgɔ. Kó no waŋgámó anáá Vasɔ́ɔ́ vá rií ka iŋgáana, esene éyé vinó maté no ta ma iŋgáana.»
53Ará Yésusu a ma urúkyé na yanje yá mwaná wa va pariséne, vayéere vá mbéndɔ́ na va parisene vá to ová ekáné yá mbésé na wuso wáá kó vá kate o mo súsé na mamba mbunu. 54Wo ójó rií anáá: Vá kate o mo tambena itambo anáá indi vá wɔ́rɔ́ vipeŋge vyá va enjárá maate vimo sɔmɔnɔ.
ទើបបានជ្រើសរើសហើយ៖
Rúkasa 11: tii
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024, CABTAL
Rúkasa 11
11
Yésusu a yeérámó vihoóhóná vyáá mbásóóríyé
1Isí émó, Yésusu a katé vásoóriye pandó emo, ará a ma maná kó ehoóhóná yáa émó é járámó naá anáá: «Okí o só yéérámó mbásóóríyé, ámó yohánese a ma yééré vihoóhóná vyá.» 2Yésusu a ma járá nawó anáá: «Ará no vásoóriyámó járáno anáa
Tetáŋgá wa visó,
ŋgá anáa vato bimé vá jémbe anáa o ámó Irɔŋgɔ moká
ŋga anáá tamba rɔɔ yo uré,
3O só hwámó manyá má visó ámá to waŋgámó isí yimé,
4O só yevénámó wobé wimé ówó to eŋgámó
esene éyé visó hónó to yevenámó vato bimé ává vá só eŋgámó wobé.
O ta eŋgá atɔ́wɔ anáá to obena naáté yá vimaa.»
Nkaná ra mbérá wa moto ójó na wonotó
5Yésusu a ma járá nawó anáa: Ŋgé omo ójó na vinó a timbé mbérá onde me etíye na wutúú aye naá anáa: Mbérá wame, Torísyámó va beréte vátátó 6Esené éyé anáa: Mbérá wame omo a mó enda púmána ondo uré ówó na oŋgendɔ kó ta timbé wandá ówó a nyámó. 7Ŋge mbérá wɔɔ a nde wundini naáté yá yanje anáá: «Mámó ká pɔ́mbɔ́kɔ́! Tetejo na noó na vaná vámé to vétémena ŋgo péte ohótó ta hítí o ne hatena hée anáá ŋge nde ówó erééna berete. 8Ŋge no ojánámó anáá tɔɔ a rií ká hatena anáá a me erééna wandá esene éyé eye a ámó bere wáá a waŋgámó o hatena o me ereena esene éyé eye anáá a me susámó ká tɔɔ.»
Moto oŋgime ójó a susámó wandá vá mo hwámó
9«Kó noó ŋgo nó ójánámó anáá: Súsáno vá né nó éréenámó, sɔsɔ́no no né ɔŋgɔ́mó, gitáno, vá né nó búnenámó ohótó. 10Wo ójó rií anáá ójó a susámó a timbámó, ójó a sɔ́sɔ́mó a wɔgámó, ójó a gitámó vá me bunanámó ohótó. 11Isyé mwaná ojaté na raaté wa vinó kójo a pitámó werééna mwaná úŋgwéeŋgwérí itíndíkáná iji amo susámó amo susámó cwí? 12Ŋge hónó omo erééna ŋgeŋgá ará a me súsámó igaá na ŋgɔɔ́? 13Ŋge vinó a vá vambé, no jembámó werééna ówó vaná ino masi ma mamba, dúmukana Tetáŋgá wa visó ójó na máná, a né eréenámó Mwáŋ mwáŋ wa Ireréŋgi na ava vá me súsámó.»
Yésusu a gúnámó ogónó wa ombé wa ireréŋgi
14Isi e mo, Yésusu a gunámó ombé Ireréŋgi ójó a má bundi moto múmú. Ará ombé wa Ireréŋgi e ma humé moto a ma késyé o járá kó vato vá kate kekembye. 15Wó je rií anáá vato vámó vá katé járá anáá: «A gúnámó vambé vá vireréŋgi na ŋguru ra Beresebúre ogónó wa vambé va vireréŋgi.» 16Vá ámó vá kate ndiŋge anáá va me tambena itambó vá me súsé anáá indi awo tihiyé asimbá ájá yó úrámó na Irɔŋgɔ 17Yésusu a kate jembé buŋgana ra awó a yé nawó anáá: «Edɔŋgɔ yime éyé vato vá nywáanámó vá mwané na vá mwané é katámó mana na nugwé kó byanje ví obanámó vimwané na vimwané.» 18Ŋgé Saátana a nywááná na ómwané maté twiiŋí kówo edɔŋgɔ mwané é hítyámó orií? Esene éyé anáá no járámó anáá ŋgúnámó vambé vá vireréŋgi na ŋguru ra Beresebúre ogónó wa vambé va vireréŋgi. 19Wá ríi anáá Beresebúre ojo a pwámó ijwé anáá ŋgúné vambé vá vireréŋgi kó ane kó ójó eréénámó vato vá vinó ijwé ra ogune ówó vireréŋgi wandá kó ówó vato vá vinó maté vá no tihiyámó anáá no ómó na ihusi! 20Na vatɔ́ɔ́tɔ́, na vatɔ́ɔ́tɔ́, noó ŋgúnámó vambé vá vireréŋgi na ŋguru ra Irɔŋgɔ nana otiranámó anáá tamba ra Irɔŋgɔ yo éhumé na vinó.
21Ará moto wa ŋguru ójó a timbámó vipkeré a beryámó yanje yáá wusi na wusi akúmé ráá á né riyámó kím. 22A re moto ójó a timbámó ŋguru o me tómbá a ndámó jine, kó a me núbámó, obɔɔ vikperé vyáá bimé íví a katé hítí, otáŋgáana vato wáá motyé mimé ómó a me bowenámó.
23«Ojo a ta ámó name a pékáanámó name. Kó ojo a ta wónjééná orɔŋgɔ name a sasámó.»
Ombé Ireréŋgi ójó a ma humé a wundámó
24«A re ombé Ireréŋgi ehumámóna nótó ra moto edeŋgerámó na osɔ́sɔ́ ówó hómó wo anáá a nde rií ká wɔŋgɔ ayé náá anáá: Mbaŋgámó owunde naáté yá yanje eyé ŋge má urukye wɔ́ɔ́. 25A re a wundámó wetiyé ehorena etekena. 26Kó a ndámó wɔ́rɔ́ hée vambé va vireréŋgi va andye baráato na mwéésii a va vá cákámó obewana itéma wiŋgaána naáté yá notó ra moto ohyendá ibwé na nimé makana a me wɔ́ɔ́ ma tómbámó ima wusó.»
Vá ámó na vitaka a va vá watɔ́rɔ́mó epeŋge yá Irɔŋgɔ
27Yésusu a rií na ojárá, kó okótó a rumetámó na raáte ra cumbi a vato anáá: «Vitaka na okótó ójó a ma wo byá na ibumu náá wo onwíyé ibáné náá!» 28Kó Yésusu ómwané a ma járá anáá: «Vitaka na ava vá watɔ́rɔ́mó epeŋge yá Irɔŋgɔ vá wunde oberye epéŋgé mwané!»
Vato vá susámó Yésusu ndemé na vijimé
29A re cumbi a vato a ma wa wónjééná, Yésusu ete járá anáá: «Mbɔ́ŋ ra vato éjé wusóó ebávámó e susámó ndeme! Wo ójó rií anáá va te me ne timbé ndeme indye bɛ́ŋ e ra yonasa.» 30Esené eye anáá yonasa a ma rií ndeme ra vato a ve na ninive, nana hónó kó ówó mwaná moto a ne rií ámó ndeme na wuso a vato a va wusóó. 31Ahumu ájá okótó na edɔŋgɔ éyé mweesye á mó háteenámó isí yá jósi osɔ́mɔ́nɔ ówó vato ává wusí owó esene éyé a ma endá báréyá na edɔŋgɔ éyé urehi anáá a enda vátɔ́réena vipéŋgé vyá peyɔ íví ahumu Sárómono a katé húmíye. Wó je rií anáá moto a ámó ará ójó a tómbámó Sárómono. 32Isí yá asombá ówó ntóró vato ává na ninive vá mó hatyáanámó na aŋgísó ra vato áva wusí owó kó vá mó wó sɔ́mónɔmó esene éyé eye anáá vá ma cendyé esɔ́tɔ́ yá awó a re yonasa a ma járá náwo. Wó je rií anáá a ámó ará ójó tómbámó yonasa kó no ta me vátɔ́rɔ́.
Ŋgatɔvena emó ineŋgí yá kiritene
33«Moto ómó a támó ójó a nawinámó ramba wa sééna, wo ójó rií anáá va ŋgaámó omana ra deere obota ójó anáá, a va viŋgaanámó vá ena mwáŋgaráŋ. 34Ramba wa nótó kójo aŋgísó. Aŋgísó rɔɔ́ yó a ríi ka nɔ́, nótó rɔɔ iŋgimé e ámó naáté yá ineŋgí, a re nisó nɔ́ɔ́ na rií enɔ nótó rɔ́ɔ́ iŋgime emo naáté yá mbinó. 35Tɔŋgɔrɔnɔ́ so ŋge ineŋgí eye na nótó rɔ́ɔ́ e támó mbinó. 36Ŋge nótó rɔ́ɔ́ iŋgime yá rií naáté yá ineŋgí kana pando emó éjé na mbino ine rií ámó iŋgimé naáté yá ineŋgí eye emo ame ramba ójó a rarámó.»
Yésusu asɔ́mɔ́námó va parisene na va yéére va mbéndɔ́
37A re Yésusu a má mana enjárá kó mwá parisene a me tehanámó anáá indi a nde nyányá na yanje yáá. Kó a ma iŋgaana onumana na déére. 38Kó mwá parisene a ma kembye are a ma ena anáá Yésusu a te nyá ka wasɔ́wa embɔ́ɔ́. 39Okí a ma járá nawó anáá: «Tetejó vinó ava va pariséne no jembámó osowa bɛ́ŋ nime ra ndeya kó na pana, wo ójó rií anáá no cakámó obéváana étéma kó no diŋgámó anáá no ibana vasɔ́ɔ́.» 40Aá Byejáa, ye moto ójó a ma henda nótó ra moto ate ma henda hónó ibumu náá? 41Eréénáno sɔ́ɔ́ vawowórá até éyé é géremenámó ondo uré na usi wa otémá, náná kówo esɔ́tɔ́ yá vinó éné riyámó sáŋ-sáŋ.
42«Vinó ává va pariséne numerí nó ámó na vinó esene éyé no eréénámó Irɔŋgɔ ŋgava emwesií éjé na táŋgó yábɔ́t ra mánte, ra vibomá na ihuwe ra njáná kó ra vihúhú íví na kóndo. Vedá no berihiyámó andiŋgé na wondíŋgirííŋ wá Irɔŋgɔ. Wó mwané kówo nó gérémenámó weŋga ka wáá irésé na umumú mwimé.»
43Nomerí no ómó na vinó ává vapariséne! No diŋgámó onuumana na indíí ra niimí naáté yá byanje vyá mbásóóríyé kó no diŋgámó mbatíní na mówónjá. 44Nomari na vínó, no ámó amó vivérá íví vá ta ma vaá ndeme ɔ́wɔ́, kó vato vá ndendámó na máná o natáána moto ka ijímé!
45Oyéere wa mbéndɔ́ omo ójó na vámwané a ma járá na Yésusu anáá: «Oyéere, na njáréná rɔɔ mwané, wó ámó anáá o só séyámó visó hónó!» 46Kó Yésusu a ma wó wundíyé anáá: Numerí na vinó hónó ává vá yéere vá mbéndɔ́! No njekeyánámó vato vikáné vyá vibyá, vinó maté ka je atɔ́wɔ anáá no táhá ítɔɔ na inɔ́ɔnɔ́ ímwéesií anáá no wó aká. 47Numerí na vinó, vinó ává no séyámó vivérá vyá vahúmíye maró vá Irɔŋgɔ ává va kókó vá vinó vá ma oná! 48Náná mwané kówo no tísiyámó no wunde watɔ́wɔ ŋgeŋgéná rá va kókó vá vinó, vá mwané vá ma oná vahúmíye maró vá Irɔŋgɔ, kó vinó no séyámó vivérá vyáwó. 49Wandá mwané kówo Irɔŋgɔ naáté yá peyɔ raá a ma járá anáá: «Ŋgo né wó tóménámó vahúmíye maró na enásá ra kó vá né onámó ávámó, otuúriye ávámó, 50okésyé ówó ará cí na máná í ma bondávéná, vá ma oná ombunu rá vahúmíye maró vá Irɔŋgɔ. Na wusó wá miné mwané kówo Irɔŋgɔ a pwénísyámó mbɔŋɔ ra vato éjé wusí owó. 51Vá ma késyé woná Abére ondo húmé na cakaríyása ójó vá ma oná na raaté na iburúutu yá mómí na hómó ówó ocakámó o rií mwaŋ-mwaŋ na yanje yá Irɔŋgɔ. Ŋgo nó ojánámó anáá Irɔŋgɔ a mó pwénísyámó vinó ává vato ává wusí owó na wusó wá mamba mwané mimé!
52Numerí na vinó ává vayéere vá béndɔ́! Esené no ma wɔ́rɔ́ mubune, opete ohótó ójó anáá vato vá jembe ówó Irɔŋgɔ. Kó no waŋgámó anáá Vasɔ́ɔ́ vá rií ka iŋgáana, esene éyé vinó maté no ta ma iŋgáana.»
53Ará Yésusu a ma urúkyé na yanje yá mwaná wa va pariséne, vayéere vá mbéndɔ́ na va parisene vá to ová ekáné yá mbésé na wuso wáá kó vá kate o mo súsé na mamba mbunu. 54Wo ójó rií anáá: Vá kate o mo tambena itambo anáá indi vá wɔ́rɔ́ vipeŋge vyá va enjárá maate vimo sɔmɔnɔ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024, CABTAL